မြန်မာ- စင်ကာပူ ဒေသတွင်း ပူးပေါင်း ဆောင်ရွက်ရေးမှ ကမ္ဘာ့နိုင်ငံ အချင်းချင်း ပူးပေါင်း ဆောင်ရွက်မှု ပိုမို တိုးတက်ရေး
စင်ကာပူ သမ္မတ နိုင်ငံသည် အရှေ့တောင် အာရှမှ မလေးကျွန်းဆွယ် ဟွန်းကမ်းလွန်တွင် တည်ရှိပြီး နိုင်ငံ အကျယ်အ၀န်း ၂၅၀ စတုရန်းမိုင် ကျယ်ဝန်းသည်။
မြောက်ဘက်တွင် မလေးရှား နိုင်ငံနှင့် တောင်ဘက်တွင် အင်ဒိုနီးရှား နိုင်ငံတို့ တည်ရှိသည်။ နိုင်ငံအတွင်း နေထိုင်ကြသူ များမှာ တရုတ် ၇၆ ရာခိုင်နှုန်း၊ မလေး ...၁၅ ရာခိုင်နှုန်း၊ အိန်္ဒိယ ခြောက်ရာ ခိုင် နှုန်းနှင့် အခြားလူမျိုး သုံးရာခိုင်နှုန်း နေထိုင်လျက် ရှိသည်။ ကိုးကွယ်သည့် ဘာသာများမှာ ဗုဒ္ဓဘာသာ ၃၂ ရာခိုင်နှုန်း၊ တာအို(တ်)စ် ၂၂ ရာခိုင်နှုန်းနှင့် ခရစ်ယာန် ၁၃ ရာခိုင်နှုန်း၊ ဟိန္ဒူ သုံးရာခိုင် နှုန်းနှင့် အခြားဘာသာ ကိုးကွယ်သည် များလည်း ရှိကြသည်။ ပြောဆိုကြသော အဓိက ဘာသာ စကားမှာ တရုတ်၊ မလေး၊ တမီလ်နှင့် အင်္ဂလိပ် ဘာသာ စကားတို့ ပြောဆို ကြပြီး အင်္ဂလိပ် စာမှာ ရုံးသုံးစာ ဖြစ်သည်။ ၁၉၆၅ ခုနှစ်တွင် လွတ်လပ်သော စင်ကာပူ သမ္မတ နိုင်ငံအဖြစ် ထူထောင် ခဲ့ရာမှ ယခုအခါ အာရှတွင် ဖွံ့ဖြိုးသော နိုင်ငံ တစ်နိုင်ငံ အဖြစ် ရောက်ရှိ လာခဲ့သည်။
စင်ကာပူ သမ္မတ နိုင်ငံသည် အရှေ့တောင် အာရှ နိုင်ငံများ အသင်းဝင် နိုင်ငံများနှင့် ဒေသတွင်း ပူးပေါင်း ဆောင်ရွက်ရေးကို အလေးထား ဆောင်ရွက်လျက် ရှိပြီး ဒေသ တွင်း နိုင်ငံများနှင့် နိုင်ငံတကာ ဆက်သွယ်ပူးပေါင်း ဆောင်ရွက်ရေး တို့တွင်လည်း တက်ကြွစွာ ပါဝင် ဆောင်ရွက်လျက် ရှိသည်။ အရှေ့ အာရှနှင့် လက်တင် အမေရိက ပူးပေါင်း ဆောင်ရွက်ရေး အဖွဲ့ကို ၁၉၉၈ ခုနှစ်တွင် စတင် ဖွဲ့စည်းခဲ့ရာ ထိုစဉ်က စင်ကာပူ သမ္မတ နိုင်ငံ ၀န်ကြီးချုပ် ဂိုချောက်တောင်က ဦးဆောင်ခဲ့ပြီး အရှေ့အာရှ- လက်တင် အမေရိက အဖွဲ့ (East Asia and Latin America Forum- EALAF) ဟု အမည် ပေးခဲ့သည်။ ၂၀၀၁ ခုနှစ် မတ်လ အတွင်းက ချီလီနိုင်ငံ ဆန်တီယာဂို မြို့တွင် ကျင်းပခဲ့သော ၀န်ကြီးအဆင့် အစည်း အဝေး၌ အဖွဲ့၏ အမည်ကို အရှေ့အာရှ- လက်တင် အမေရိက ပူးပေါင်း ဆောင်ရွက်ရေး အဖွဲ့ (FEALAC) ဟု ပြောင်းလဲ အမည် ပေးခဲ့သည်။
အဆိုပါ အဖွဲ့သည် ဒေသ နှစ်ခု၏ အနာဂတ် အရေးကို အဓိက ထား၍ အဖွဲ့ဝင် နိုင်ငံများ အတွင်း ညှိနှိုင်း ဆောင်ရွက်ရန် ဖွဲ့စည်းခဲ့ခြင်း ဖြစ်သည်။ ညှိနှိုင်းဆောင်ရွက် ကြရာ တွင် နိုင်ငံတကာ ဥပဒေ များနှင့်အညီ အကောင် အထည်ဖော် ဆောင်ရွက်ကြမည် ဖြစ်ရာ အချုပ် အခြာ အာဏာနှင့် နယ်မြေ ပိုင်ဆိုင်မှုကို လေးစားရေး၊ ပြည်တွင်းရေး ၀င်ရောက် မစွက်ဖက်ရေး၊ တန်းတူညီမှု ရှိရေး၊ နှစ်ဖက် အကျိုးအမြတ် ဖြစ်ထွန်းရေးနှင့် ဖွံ့ဖြိုး တိုးတက်ရေး၊ မတူညီသော ယဉ်ကျေးမှုနှင့် လူမှုရေး အစဉ်အလာ များကို လေးစားရေး၊ အားလုံး သဘောတူ ဆန္ဒဖြင့် ဆုံးဖြတ်ချက် ချမှတ်ရေး မူဝါဒ များကို လိုက်နာကြရန် ဖြစ်သည်။
ပြည်ထောင်စု သမ္မတ မြန်မာ နိုင်ငံတော် နိုင်ငံတော် သမ္မတ ဦးသိန်းစိန်သည် စင်ကာပူ သမ္မတ နိုင်ငံ သမ္မတ ဒေါက်တာ တိုနီတန် ကင်ယမ်း ဦးဆောင်သော ချစ်ကြည်ရေး ကိုယ်စားလှယ် အဖွဲ့အား ၂၀၁၃ ခုနှစ် ဧပြီ ၁ ရက် ညနေ ၄ နာရီ ၁၅ မိနစ်တွင် နေပြည်တော် ရှိနိုင်ငံတော် သမ္မတ အိမ်တော် သံတမန်ဆောင် ဧည့်ခန်းမ၌ လက်ခံ တွေ့ဆုံ ခဲ့သည်။ ထိုသို့ တွေ့ဆုံစဉ် စင်ကာပူ သမ္မတ နိုင်ငံ သမ္မတက မိမိ အနေဖြင့် နှစ်နိုင်ငံ အပြန်အလှန် ဖြစ်ပေါ် တိုးတက်မှု များကို အကောင် အထည်ဖော် ဆောင်ကြဉ်း သွားမည် ဖြစ်ပါကြောင်း၊ မိမိတို့ နိုင်ငံက မြန်မာ နိုင်ငံတွင် နည်းပညာ သင်တန်းကျောင်း ဖွင့်လှစ်မည်ကို အဆွေတော်က လက်ခံသဖြင့် ၀မ်းမြောက် ရပါကြောင်း၊ မြန်မာ နိုင်ငံရှိ စက်မှု လုပ်ငန်းများ၊ ပြည်ပရင်းနှီး မြှုပ်နှံမှု များတွင် ၀င်ရောက် လုပ်ကိုင်မည့် လူငယ်များ သင်ကြား လေ့ကျင့်ခွင့် ရမည်ဖြစ်သည့် အတွက် နှစ်ဖက် အကျိုးရှိမည် ဖြစ် ပါကြောင်းဖြင့် ပြန်လည် ပြောကြားသွားသည်။
သို့ဖြစ်၍ မြန်မာ- စင်ကာပူ ဒေသတွင်း ပူးပေါင်းဆောင်ရွက် ရေးမှသည် ကမ္ဘာ့နိုင်ငံ အချင်းချင်း ပူးပေါင်း ဆောင်ရွက်မှု ပိုမို တိုးတက်ရေးသို့ ရည်မျှော်လျက် မြန်မာ- စင်ကာပူ ဆက်ဆံရေး အဓွန့်ရှည်ကြာ တည်တံ့ရေးသည် နိုင်ငံတော် ဖွံ့ဖြိုး တိုးတက်ရေး အတွက် အဓိက လိုအပ်ချက် တစ်ခု ဖြစ်ပေသည်။
No comments:
Post a Comment
မိတ်ဆွေ...အချိန်လေးရရင် blogg မှာစာလာဖတ်ပါနော်
ဗဟုသုတ ရနိုင်တယ်။