ထမင်းအိုးကွဲမှာမကြောက်တဲ့သတင်းထောက်။

 

Ko Nyo

ဒီနေ့မနက်အီးမေးလိဖွင့်တော့..နိုဖိုးဒုက္ခသည်စခန်းကစာရေးဆရာမနှင်းပန်းအိမ်ပို့လိုက်တဲ့စာနဲ့အတူနွယ်နီမဂ္ဂဇင်းမှာပြီးခဲ့တဲ့လကဖော်ပြခဲ့တဲ့ကျနော့်ရဲ့ “ထမင်းအိုးကွဲမှာမကြောက်တဲ့သတင်းထောက်”ဆောင်းပါးသရုပ်ဖော်ပုံလေးပါပို့ပေးလို့အရမ်းဝမ်းသာခဲ့တယ်။ကျနော့်စာမူတချို့ရန်ကုန်ကမဂ္ဂဇင်းနဲ့ဂျာတချို့မှာတွေ့ရတယ်လိူ့မိတ်ဆွေတချို့ကပြောပေမဲ့ကိုယ်တိုင်မမြင်ရ၊သုံးတဲ့ဂျာနယ်နဲ့မဂ္ဂဇင်းတိုက်တွေဆီကလည်းအကြောင်းကြားစာလည်းမရတော့(ဆက်သွ...ယ်လို့မရတာလည်းပါမယ်)..သိတ်ထူးထူးထွေထွေမခံစားမိပါဖူး။
RFAရေဒီယိုသတင်းထောက်သက်တမ်းအတွင်းသတင်းနဲ့သတင်းဆောင်းပါး၊ခရီးသွားဆောင်းပါး၊ယဉ်ကျေးမှုနဲ့အနုပညာဆိုင်ရာဆောင်းပါးစုစုပေါင်းပုဒ်ရေ၃ထောင်ကျော်ရေးခဲ့ပေမဲ့..ပုံနှိပ်မဂ္ဂဇင်းမှာရေးတာကလက်ချိုးရေတွက်လို့ရအောင်ကိုနည်းလွန်းတယ်။အတွေ့အကြုံလည်းနုလွန်းတယ်။ အခုနောက်ပိုင်းမှရေးဖြစ်တာ။ဘာပဲဖြစ်ဖြစ်ကျနော့်ဆောင်းပါးတွေဖော်ပြပေးလို့နွယ်နီမဂ္ဂဇင်းနဲ့..ဂျာနယ်..တို့ကိုကျေးဇူးတင်ပါတယ်။နောက်လည်းလိုအပ်သလိုအသုံးပြုနိုင်ပါတယ်။ဆက်သွယ်တောင်းခံလာရင်လည်းကျိုးစားရေးပို့သွားမှာဖြစ်ပါတယ်။နွယ်နီကဖော်ပြခဲ့တဲ၊သရုပ်ဖော်ပုံ(၂၀၀၇ရွှေဝါရောင်သပိတ်မှာလူရမ်းကားတွေပစ်ခတ်လုပ်ကြံလိုကျဆုံးသွားတဲ့ဂျပန်သတင်းထောက်နာဂါအိရှီပုံ)နဲ့ ဆောင်းပါးလေးကို..ထပ်တင်လိုက်ပါတယ်။



ထမင်းအိုးကွဲမှာမကြောက်တဲ့သတင်းထောက်။

ဒီနေ့မနက်စောစောထကွန်ပြူတာဖွင့်လိုက်တာနဲ့စိတ်မကောင်းစရာ၊
Messageသတင်းစကားတွေ၊သတင်းနဲ့ဆောင်းပါးတချို့မိတ်ဆွေတချို့
ပို့လိုက်တာဖတ်လိုက်ရတယ်။
အမေရိကန်အခြေစိုက်သတင်းဌာနတခုကလုပ်ဖော်ကိုင်ဘက်ဟောင်းတွေ
အလုပ်ဖြုတ်ခံရတဲ့သတင်းပါ။
သူတို့အထက်၊ဌာနအကြီးအကဲနဲ့အယ်ဒီတာတယောက်ရဲ့လက်အောက်ငယ်သားတွေ
အပေါ်ဖိနှိပ်တာ၊မတရားဘိုကျတာ၊မျက်နှာလိုက်ဆက်ဆံတာ၊သတင်းသမားကျင့်ဝတ်နဲ့
ဝန်ထမ်းကျင့်ဝတ်ဖောက်ပြားတာတွေကိုအထက်အရာရှိတွေဆီဦးဆောင်
လက်မှတ်ထိုးတိုင်မိလို့တဲ့။
ဟိုး..အစောကထဲကအဲဒီသတင်းဌာနကအယ်ဒီတာတွေရဲ့မတရားမှုတွေ
နဲ့ကိုယ်ကျင့်တရားရော၊သတင်းသမားကျင့်ဝတ်ရောအပုတ်နံ့ထွက်နေတဲ့
အယ်ဒီတာတယောက်အကြောင်းကိုအင်တာနက်သတင်းတွေကနေကြားခဲ့ရတယ်။
သက်ဆိုင်ရာအဖွဲ့တွေကလည်းစုံစမ်းစစ်ဆေးသတဲ့။လူပြောကလည်းများ၊အဖြစ်အပျက်မှာ
ပါဝင်တဲ့ဇာတ်ကောင်တွေ၊မျက်မြင်တွေ၊ကာအိနြေ္ဒရေထိပါးခံရသူ၊ကာယကံရှင်တွေနဲ့ပါ
စစ်ဆေးစုံစမ်းတာဆိုတော့အရေးယူမှုဟာထိထိရောက်ရောက်
ရှိလိမ့်မယ်လို့ထင်ခဲ့တာပေါ့လေ။အမေရိကန်နိုင်ငံဆိုတာကလည်း၊
ဒီမိုကရေစီတွေ၊လူ့အခွင့်အရေးတွေကိုကမ္ဘာပေါ်မှာအကျယ်ဆုံးအော်ပြီး၊
ကျနော်တို့လိုအာဏာရှင်စနစ်နဲ့အုပ်ချုပ်မှု
အောက်ကမလွတ်လပ်တဲ့နိုင်ငံတွေကိုထိထိရောက်ရောက်ကူညီတဲ့နိုင်ငံလည်းဖြစ်၊
အာဏာရှင်တွေ၊မတရားမှုတွေကိုဦးဆောင်တိုက်နေတဲ့နိုင်ငံလည်းဖြစ်သလို၊
လွတ်လပ်ပွင့်လင်းတဲ့သတင်းတွေကိုသတင်းဌာနတွေထူထောင်ပြီးဝါဒဖြန့်နေတာ
ဆိုတော့လေးစားသလို၊အားလည်းကိုးခဲ့တယ်။
အခုတော့ကြားနေရတဲ့သတင်းတွေကစိတ်မကောင်းစရာတွေ။ကိုယ်မြင်တွေ့လိုတဲ့
စံချိန်၊စံညွှန်းအတိုင်းမဖြစ်လာတာကိုဝမ်းနည်းရုံမိကလွဲလို့ဘာမှမတတ်နိုင်။
ကိုယ်လည်းအမှန်တရားလို့ကိုယ်မြင်တဲ့အရာကိုဖက်တွယ်မိလို့ဖယ်တွန်းခံရတာ
တွေလည်းရှိခဲ့တာပဲလေ။
တချို့အမှန်တရားဆိုတာတွေကအပြားသဘော(နှစ်ဘက်မြင်အမှန်)တွေလည်းရှိသလို၊
ကိုယ်ကသွေးထွက်အောင်မှန်တာတွေပြောမိလို့ရွာပြင်ထုတ်ခံရတဲ့ဇာတ်လမ်းတွေ
လည်းရှိတာပဲလေ။အခုကိစ္စတွေကတော့မှန်တာကိုဆတ်ဆတ်ထိမခံလို့
ရွာပြင်ထုတ်ခံရတာလားလို့အတွေးပွားမိတယ်။
ပြည်တွင်းကိုအားဖြည့်ဘို့(ဘတ်ဂျက်လိုအပ်ချက်အရ)ပြည်ပ၀န်ထမ်းအားကို
လျှော့ချမယ်ဆိုရင်လည်း၊ပြည်ပ၀န်ထမ်းအသစ်ပြန်ခန့်နေတာတွေကလည်းရှိနေပြန်တော့
ဒါလည်းမဟုတ်သေးဘူး၊အခုဟာက၀ါရင့်သတင်းထောက်ဝန်ထမ်းတွေကိုအလုပ်ဖြုတ်၊ရာထူးတိုးမပေးဘဲ၊သက်တမ်းနုတဲ့ဝန်ထမ်းကိုခုန်ကျော်ပြီးအယ်ဒီတာရာထူးတိုး၊ယာယီအသစ်
ခန့်ထားတဲ့ဝန်ထမ်းတွေအမြဲတမ်းရာထူးတိုးခန့်နေတာဆိုတော့..မဟုတ်မှလွဲရော
ဖြုတ၊်ထုတ်၊သတ်အရေးယူမှုတွေများလားလို့တွေးမိတယ်။
ထုတ်ပစ်သူတွေကိုလည်းအထက်အကြီးအကဲကအခုဘဲခေါ်ပြော၊အခုဘဲရုံးကနှင်ချလိုက်တာ၊
ကိုယ့်ပစ္စည်းတွေတောင်အကုန်မသယ်နိုင်ဘဲကမန်းကတမ်းဆင်းသွားရတာဆိုတော့….
ကြားရနားဝမသက်သာဆိုသလို၊ နှစ်ရှည်လများဌာနအကျိုးသယ်ပိုးခဲ့ရတဲ့မိမိတို့သတင်းထောက်တွေရဲ့(လူတယောက်ရဲ့)
ဂုဏ်သိက္ခာကိုတောင်မငဲ့ကွက်တဲ့လူယဉ်ကျေးတွေဆိုသူတွေရဲ့
ရပ်တည်မှုတွေကိုလည်းသြချမိပါရဲ့။
ထားပါတော့..ဒါကသတင်းဌာနတခုကိုင်ဆွဲထားတဲ့ရပ်တည်မှုနဲ့ဆုံးဖြတ်တဲ့
ဥပဒေလည်းဖြစ်နိုင်တယ်။
ရန်သူလိုသဘောထားပြီးအပြတ်ချေမှုန်းတာလည်းဖြစ်နိုင်တယ်။
ဒီအကြောင်းတွေနှိုက်နှိုက်ချွတ်ချွတ်သိရင်တောင်ကွက်ကွက်ကွင်းကွင်းမဝေဖန်ချင်တော့ဘူး။
မတရားတာ၊တရားတာတွေလည်းမပြောလိုတော့ဘူး။
ဒီခေတ်ကမတရားဘူးဆိုသူတွေလည်းထိတ်ဆုံးရောက်အောင်ပွဲခံချင်ခံနေတာ။
တရားမျှတဖို့တိုက်ပွဲဝင်နေသူတွေကလည်းမြောင်းထဲကျပြီး၊
ကျဆုံးရင်ကျဆုံးနေတဲ့ခေတ်။
ဒါဏ်ရာအနာတရတွေကြီးမားနေတဲ့ခေတ်။
ဒီဆောင်းပါးမှာအဓိကပြောချင်တာက….
သတင်းသမားသတ္တိ၊သတင်းသမားရပ်တည်ချက်ပါ။
ပြီးတော့..ထမင်းအိုးကွဲမှာကြောက်တဲ့သတင်းထောက်နဲ့..
ထမင်းအိုးကွဲမှာမကြောက်တဲ့သတင်းထောက်တွေအကြောင်း..။
အားလုံးသိတဲ့အတိုင်း..
ကျနော်တို့ခေတ်သတင်းထောက်အများစုဟာ၊
မတရားတာကိုမတရားဘူးလို့ပြောရဲသူတွေသိတ်ရှားလာတယ်။
(ပြောရဲရင်လည်းခံရပြီသာမှတ်)
သတင်းအလုပ်ကိုထမင်းစားဘို့အလုပ်တခုလိုလုပ်လာကြတယ်။
သတင်းသမားဆိုတာထမင်းစားဘို့လုပ်ရပြီဆိုကတည်းကမဟုတ်တော့ဘူးလေ။
အမှန်တရားထက်ထမင်းအိုးပဲကြည့်နေရတော့မှာပေါ့။
ခေတ်ကိုကထမင်းချက်နဲ့ထမင်းရှင်တောင်မကွဲပြားတော့တဲ့ကာလကိုး။
“ဆင်းရဲမှုသည်တံခါးပေါက်က၀င်လာတဲ့အခါ..
အမှန်တရားဟာပြူတင်းပေါက်ကတိတ်တဆိတ်ထွက်သွားသည်”
ဆိုတဲ့အင်္ဂလိပ်စကားပုံလေး..လိုပေါ့။

သတင်းသမားဆိုတာ၊ထမင်းငတ်မှာတွေးမကြောက်ရသလို၊ထမင်းအိုးအတွက်လည်းမပူပင်
မကြောင့်မှဖြစ်မှာ။နို့မဟုတ်၊ထမင်းအိုးလှည့်ကြည့်နေတာနဲ့သတင်းသမားကောင်းဖြစ်လာမှာ
တော့မှာမဟုတ်တော့ဘူး။
ကျနော်ကိုယ်တိုင်နော်ဝေးရောက်လာတာ၊သတင်းထောက်တယောက်ရဲ့သချိုင်္င်းကုန်းရောက်ရသလိုခံစားလိုက်ရတယ်။အစောကထဲကနော်ဝေးမှာအခြေစိုက်နေတဲ့DVBသတင်းဌာန
အခြေအနေနဲ့အနေအထားကကိုယ်နဲ့အံဝင်ဂွင်ကျမဖြစ်တော့အဲဒီမှာအလုပ်ဝင်လုပ်ဖို့မဖြစ်နိုင်ဘူး။
DVBအနေနဲ့လည်းကိုယ့်ကိုအလုပ်ခန့်ရင်ပေးရမဲ့လစာကထိုင်းနယ်စပ်မှာသတင်းထောက်
၅ယောက်လောက်ခန့်လို့ရနိုင်တာကြောင့်ကိုယ့်ကိုအလုပ်မပေးနိုင်တာသဘာဝကျပါတယ်။
ဒါပေမဲ့သတင်းထောက်ဆိုတာကိုကုန်တိုက်ကပစ္စည်းတခုလိုပေါချောင်ကောင်းတော့မရနိုင်ဘူးလေ။တာဝေးပြေးတော့မယ်ဆိုပိုသိသာတာပေါ့။ကံအားလျော်စွာဘဲနော်ဝေးရောက်လာပြီး၃နှစ်ကြာတော့ထမင်းစားဘို့အလုပ်တခုရတယ်။သတင်းထောက်လုပ်လည်းထမင်းအိုးမကွဲနိုင်ဘူး။
ဒါပေမဲ့ကိုယ့်စိတ်အလိုအတိုင်းအရင်လိုသတင်းမလုပ်နိုင်တော့ဘူး။ထမင်းအိုးအတွက်အချိန်ပေးရတယ်။ဒီဆောင်းပါးလေးရေးဖို့တောင်အချိန်အားရဖို့
မနည်းအားထုတ်ရတယ်။တခုခုရဖို့တခုခုတော့ပေးရတာပဲ။
မူလRFAကရတဲ့လစာကလည်းဥရောပမှာနေထိုင်သူတယောက်အတွက်ဆင့်ပါးစပ်နှမ်းပက်
တာထက်ဆိုးတယ်လေ။အပတ်စဉ်ဆောင်းပါးလေးအသံလွှင့်လို့ရတဲ့ငွေဆိုတာ၊နယ်စပ်နဲ့ဒုက္ခသည်စခန်းကကိုယ့်မိသားစုနဲ့မိတ်ဆွေသူငယ်ချင်းတွေရယ်၊ဟိုပေးဒီကမ်းတိုလီမုတ်စနဲ့တောင်
မလောက်ဖူး။လကုန်ရင်ငွေဝင်လို့ဝမ်းသာရမှာထက်၊တယ်လီဖုန်းခ၊မီးခ၊အိမ်လခနဲ့တခြား
အကြွေးစာရင်းတွေလာလို့စိတ်ညစ်ရတာကပိုများတယ်။ဒါကဥရောပရောဂါ။တခြားပြည်ပ
ရောက်တွေလည်းထူးမခြားနားပါ။ထမင်းစားဘို့အပြင်မှာအလုပ်တခု၊ဒါမှမဟုတ်၂ခုမလုပ်မဖြစ်လုပ်ရတယ်။ဒါမှအကြွေးကင်းမယ်။အာအက်ဖ်အေ၀န်ထမ်းတယောက်လစာဆိုတာအနိမ့်ဆုံး
တလဒေါ်လာ၃၅၀၀ကနေ၅၀၀၀ကျော်ရှိတယ်။အယ်ဒီတာဆိုအနဲဆုံး၆ထောင်ကနေ
တသောင်းကြားပဲ။နယ်စပ်သတင်းထောက်တယောက်ဟာတလကိုသတင်းအပုဒ်၄၀ကျော်
လုပ်မှဒေါ်လာ၂ထောင်မပြည့်တတ်ဖူး။BBC၊VOA၊DVBတို့ကမှတယ်လီဖုန်းခတို့၊ကွန်ပြူတာ၊
နဲ့တခြားအထောက်အကူပြုကရိယာနဲ့သင်တန်းကအစထောက်ပံ့အကျိုးဆောင်ပေးတာရှိပေမဲ့
RFAကမရှိဘူး။(အသံဖမ်းစက်လေးတလုံးတော့ပေးတယ်၊အလုပ်ပြုတ်ရင်ပြန်ပေးရတယ်၊မပေးရင်လစာထုတ်မပေးဘူး)ကိုယ်ရတဲ့လစာရဲ့၃ပုံ၁ပုံကတယ်လီဖုန်းနဲ့အင်တာနက်ဆက်သွယ်ခထဲပါသွားတယ်။ကျန်တဲ့ငွေထဲကအိမ်ခန်း၊မီးခ၊ရေခ၊အပေးအကမ်းအလှုအတန်း(ဒါကဒုက္ခသည်တွေကြားမှာမလုပ်လို့မရ)ထုတ်နှုတ်လိုက်ရင်တကိုယ်တော်သမားကကိစ္စမရှိပေမဲ့၊မိသားစုနဲ့ဆို၊ခလေးကျောင်းစရိတ်
မီးဖိုချောင်၊အထွေထွေကုန်ကျစရိတ်နဲ့ဆိုလကုန်ခါနီးတိုင်းခေါင်းမီးတောက်တယ်။လင်မယားစကားများရတယ်။ဒါကသတင်းထောက်ရဲ့ထမင်းအိုးကိစ္စ။ဒါတောင်နယ်စပ်သတင်းထောက်တွေက(ထိုင်း၊အိန္ဒိယ)ဒေါ်လာငွေလဲနှုံးလေးကြောင့်လုပ်နိုင်တာ။ဒီထက်ပိုပြီးသတင်းထောက်လုပ်နိုင်ရတဲ့
အကြောင်းအရင်းကကိုယ့်ပြည်သူတွေရဲ့အကျိုးဆောင်ရတဲ့ကုသိုလ်လည်းရ၊
ဝမ်းလည်းဝ၊ဂုဏ်သိက္ခာရှိတဲ့အလုပ်မို့ပါ။သတင်းထောက်အလုပ်စလုပ်ကတည်းက
သဘောတူစာချုပ်မှာပါတာက၊ကိုယ်ကိုလည်းမလိုအပ်ရင်အချိန်မရွေး၊အလုပ်ထုတ်နိုင်တယ်၊
ကိုယ်ကလည်းအချိန်မရွေးထွက်နိုင်တယ်။ဘာနှောင်ကြိုးမှမရှိဘူး။နစ်နာကြေးလည်းမရနိုင်ဘူး၊
သတင်းထောက်သက်တမ်းဘယ်လောက်ရှိရှိအမေရိကားမှာအခြေစိုက်တဲ့အမြဲတမ်းဝန်ထမ်းတွေလိုရှောင်တခင်ခွင့်တွေ၊ခရီးသွားစရိတ်တွေ၊ဆေးကုသခွင့်တွေစတဲ့ဘာအကျိုးခံစားခွင့်မှမရှိဘူး။
ကိုယ့်သတင်းသုံးရင်၊ပိုက်ဆံပေးမယ်၊မသုံးရင်မပေးဘူး။(ကိုယ့်သတင်းမသုံးလို့၊
ဆက်သွယ်ခနဲ့လုပ်အားတွေအဟောသိကံဖြစ်ပြီး၊ထမင်းလုတ်ပြုတ်ကျခဲ့တဲ့
အကြိမ်ပေါင်းလည်းမနည်း)
သတင်းထောက်ကိုသက်ဆိုင်ရာနိုင်ငံအာဏာပိုင်ကဖမ်းရင်တောင်ကိုယ့်သတင်းဌာနက
ဘာမှတာဝန်မယူဘူး။ဒါကကိုယ်တွေ့၊ပြောပြမယ်။အိန္ဒိယနယ်စပ်မှာလှုပ်ရှားရင်းသတင်းပို့ခဲ့စဉ်
ကကျနော်၂ကြိမ်တိတိ(အိန္ဒိယရဲကတကြိမ်၊စစ်တပ်ကတကြိမ်)ဖမ်းခံရတယ်။ဖမ်းရတာကလည်း
ကိုယ့်သတင်းတွေနဲ့ပတ်သက်ပြီုးမြန်မာစစ်အာဏာပိုင်တွေကအိန္ဒိယအာဏာပိုင်တွေကိုတိုင်ကြားလို့(၂နိုင်ငံဆက်ဆံရေးကလည်းကောင်းအောင်လုပ်ခါစမို့)အိန္ဒိယအရှေ့မြောက်ဒေသပြည်ထဲရေး
ဌာနက၀ရမ်းထုတ်ပြီးဖမ်းတာ။အဲဒီအကြောင်းအတွေ့အကြုံတွေစိတ်ဝင်စားရင်၊အောက်ကလင့်ခ်၂ခုမှာဖတ်နိုင်ပါတယ်။
http://www.kaungkin.com/index.php?option=com_content&view=article&id=773%3A2012-05-13-13-25-22&catid=35%3A2009-04-17-01-29-53&Itemid=61

http://www.kaungkin.com/index.php?option=com_content&view=article&id=810%3A2012-07-18-02-55-27&catid=37%3A2009-04-17-01-30-25&Itemid=64
ပြန်လွတ်လာတော့၊ဌာနမှုးကဖုံးဆက်တယ်၊အကျိုးအကြောင်းမေးတယ်။
ပြီးတော့…ကျနော်တသက်မမေ့နိုင်တဲ့စကားတခွန်းကိုပြောသွားတယ်။
“ကိုယ့်အန္တရာယ်ကိုကိုယ်ကြည့်ရှောင်၊
ဌာနကဘာမှလုပ်ပေးနိုင်မှာမဟုတ်ဖူး၊
ထမင်းအိုးကွဲသွားမယ်သတိထား”
အဲဒီစကားပဲ။သူစေတနာနဲ့စိုးရိမ်စိတ်နဲ့ဘဲသတိပေးပြီးပြောတာလား၊
တာဝန်မယူရဲလို့ပြဿနာမရှုတ်ချင်လို့ဘဲသတိပေးတာလားကျနော်မဝေခွဲတတ်ဖူး။
ကျနော်သိတ်ကိုခံစားခဲ့ရတယ်။“ထမင်းအိုးကွဲသွားမယ်”ဆိုတဲ့စကားလုံးကို
ကျနော်အရမ်းတုန်လှုတ်ခဲ့ဘူးတယ်။သိတ်ကြောက်ခဲ့ဘူးတယ်။ဘာလို့လည်းဆိုတော့
အဲဒီထက်အရင်၊လအနည်းငယ်လေးမှာဘဲ(သတင်းထောက်အလုပ်မရခင်)ကျနော်တို့
အရမ်းဆင်းရဲဒုက္ခရောက်ခဲ့ဘူးလို့၊ထမင်းနပ်မမှန်ခဲ့လို့၊ဆိုးရွားတဲ့ရာသီဥတုဒါဏ်ကိုအနွေးထည်၊
စောင်မလုံမလောက်နဲ့ဖြတ်သန်းခဲ့ရလို့ပါ။ဟုတ်တယ်။
တကယ့်ကိုပဲကျနော်တို့နယ်စပ်ရောက်မြန်မာ့ဒီမိုကရေစီအရေးလုပ်ခဲ့ကြသူတွေ
ဒုက္ခရောက်ခဲ့ပါတယ်။ကျနော်ဟာစာရေးတဲ့အလုပ်နဲ့သတင်းထောက်အလုပ်ကို
ဝါသနာပါရုံတင်မက၊ကိုယ့်နိုင်ငံသားတွေမလွတ်မလပ်ဖြစ်နေတာကိုမခံမရပ်နိုင်လို့၊
လုံခြုံရေးထူထပ်တဲ့နယ်စပ်ဖြတ်ပြီးပြည်တွင်းထဲအထိလုပ်အားပေးခိုင်းတာတွေဓာတ်ပုံ
ရိုက်မှတ်တမ်းတင်၊အင်တာဗျူးလုပ်သတင်းတွေယူခဲ့တယ်။အဲဒီတုံးကခေတ်ပြိုင်သတင်းဂျာနယ်
နဲ့ရေဒီယိုသတင်းဌာနတွေကိုပို့ခဲ့တယ်။ကိုယ့်ထက်အရင်)ဘီဘီစီနဲ့၊အာအက်ဖ်အေ)
သတင်းထောက်ဖြစ်သွားတဲ့အဲဒီတုံးကရေဒီယိုသတင်းထောက်တွေရဲ့ရှဲဒိုးသတင်းထောက်
လုပ်ပြီး(သူတို့ကသတင်းတပုဒ်ရူပီး၅ထောင်လောက်ရပြီး၊ကိုယ့်ကို၅၀၀လောက်ပေးတာကိုပဲ
ကျေးဇူးရှင်တွေလို၊၀မ်းမြောက်ကျေနပ်ပြီးလုပ်ခဲ့တာပါ)ထမင်းနပ်မှန်ရင်ပြီးတာပဲ၊သတင်း
တွေများများပြန့်ဘို့လိုတယ်ဆိုတဲ့ယုံကြည်ချက်နဲ့လုပ်ခဲ့တယ်။
ကိုယ်ကိုတိုင်သတင်းထောက်ဖြစ်တော့အတိုင်းထက်အလွန်ပေါ့..။
ကိုယ်ကအာအက်ဖ်အေကိုသတင်းထောက်တရားဝင်မဖြစ်ခင်၂လကျော်၃လလောက်ကတည်းကသတင်းတွေအလကားပို့နေတာ။ဖက်စ်ဘိုး၊ဖုံးဘိုးတွေအကုန်အကျခံလုပ်တာ၊
အကြွေးတောင်တင်တယ်။ထမင်းထက်သတင်းကိုချစ်လွန်းလို့။ဒါပေမဲ့အနာခံရင်အသာစံရတယ်ဆိုသလို၊ကိုယ်ကသတင်းထောက်ဖြစ်သွားတယ်။နောက်တလကြာတော့အရင်အလကားလုပ်ခဲ့တဲ့
သတင်းတချို့အတွက်ပါငွေပြန်ပေးတယ်။ကျနော့်လက်ထဲမှာအိန္ဒိယရူပီးငွေတသိန်းကျော်
ဆိုတာမြင်ဘူးခဲ့တာမှုတ်ဖူး။ပျော်လည်းပျော်၊အံ့လည်းသြ။နောက်တနေ့ချက်ချင်းကျနော်တို့ရဲဘော်ရဲဘက်တွေ၊ခေါင်းအုံး၊ခြင်ထောင်၊ဖျာ၊အိပ်ရာခင်းနဲ့ခေါက်ကုတင်တွေပျော်ပျော်ပါးပါးဝယ်ကြတယ်။
(မယုံမရှိနဲ့ကျနော်တို့ပြည်ပမှာတော်လှန်ရေးလုပ်ခဲ့တာ၁၀နှစ်ကျော်လောက်ခေါင်းအုံးနဲ့မအိပ်ခဲ့ရဖူး၊
ကိုယ့်အကျီင်္၊လုံခြည်နဲ့အ၀တ်အစားကိုခေါက်ခက်ပြီးခေါင်းအုံးခုအိပ်ခဲ့ရတာ၊အ၀တ်အစား
၂စုံ၃စုံကို၊စက္ကူဂျပ်ပုံး၊ဂျွတ်ဂျွတ်အိပ်ထဲထည့်သိမ်းတာ၊အိပ်တွေသေတ္တာတွေတောင်မရှိဘူး)
အဲလိုဘ၀ထဲရုတ်တရက်ငွေအထပ်လိုက်ကြီးဝင်လာတော့ဘယ်ပြောကောင်းပါ့မလဲ။
မြေကြီးပေါ်ထင်းရှုးသတ္တာပြားအတိုအစတွေ၊ဖျာစုတ်တွေခင်းပြီးစောင်တထည်၂ယောက်ပူးခြုံရတဲ့ဘ၀ကလွတ်ပြီပေါ့။ခြင်လည်းအကိုက်မခံရတော့ဘူး။မနက်လင်းတဲ့ထိတရေးထဲပဲ။
နေ့ချင်းညချင်းသူဌေးဖြစ်သွားတာကိုး။ထမင်းအိုးလည်းပြောင်ပြောင်ရောင်ရောင်ဖြစ်လာပြီ။အရင်လိုဆီမပါရေလုံပြုတ်မဟုတ်တော့ဘူး။ဘဲ့နှယ်ဗျာ။အဲလောက်အိပ်ကောင်းခြင်း၊စားကောင်းခြင်းဘ၀ကို
ရောက်တာမှတနှစ်မပြည့်သေးဘူး၊“ထမင်းအိုးကွဲသွားမယ်နော်၊သတိထား”လို့ပြောခံရတော့….။
စဉ်းစားသာကြည့်..၊ကျနော်အဲဒီနေ့ကတညလုံးအိပ်မရဘူး။ဟိုဘက်ကုတင်တွေမှာကိုယ့်ထက်ငယ်တဲ့ရဲဘော်ရဲဘက်တွေကတော့တခူးခူးနဲ့အိပ်မက်တွေကောင်းနေတယ်။ကျနော်သူတို့ကိုဘာမှ
မပြောရက်လို့တခုမှပြန်မပြောခဲ့ဘူး။တယောက်ထဲကြိတ်ခံစားနေရတယ်။သူတို့အားလုံးကျနော်လဲရင်ပြိုကုန်မှာဆိုတဲ့အသိလည်းဝင်လာတယ်။
ကျနော်စဉ်းစားတယ်။ထမင်းအိုးမကွဲအောင်တခုခုပြင်ထားရမယ်။ကိုယ့်ထမင်းအိုးကိုသူတပါးက
ခွဲလို့ကွဲရတဲ့ဘ၀တော့အဖြစ်မခံဘူး။ဒီအိုးကိုခွဲရင်၊နောက်အိုးတွေရှိထားအောင်လုပ်ရမယ်။
ဒါမှအကျမနာမှာ။ကိုယ်လုပ်ချင်တာဆက်လုပ်နိုင်မှာ။ကိုယ့်ကိုယ်ကိုယုံကြည်မှုနဲ့မကြောက်တရားရှိထားဖို့လိုတယ်။အရင်ကငတ်ပြတ်နေတုံးကဘာမှဂရုမစိုက်ခဲ့ပေမဲ့အခုတော့အကြောက်တရားတွေပေါ်လာတယ်။မိမိကိုယ်မိမိကာကွယ်ရေးအစီအမံတွေလုပ်ဖို့စဉ်းစားလာတယ်။
ထမင်းအိုးအကြောင်းစဉ်းစားနေရတဲ့သတင်းသမားမဖြစ်ချင်ဘူး။
သတင်းသမားဆိုတာထမင်းစားဘို့အကြောင်းစဉ်းစားရတာသဘာဝမကျဘူး။
ဒါတွေစဉ်းစားနေရင်ဘယ့်နှယ်လုပ်ကိုယ်ယုံကြည်တဲ့အမှန်တရားတွေဖော်ထုတ်နိုင်မှာလဲ
ဆိုတဲ့အတွေးတွေဝင်လာတယ်။
ထမင်းစားဘို့သတင်းသမားလုပ်တာမဟုတ်ဘဲ၊သတင်းသမားဖြစ်ဘို့ထမင်းစားရတဲ့ဘ၀ဆိုတာ
လက်တွေ့မှာထင်သလိုလွယ်တာတော့မဟုတ်။ကိုယ်ကလည်းအလုပ်အပေါ်သစ္စာထားလုပ်ရသလို
ကိုယ့်အပေါ်လည်းကိုယ့်အလုပ်ဌာနအကြီးအကဲတွေကစေတနာထားမှဖြစ်တဲ့ကိစ္စပါ။
ကိုယ်ကကိုယ့်အလုပ်ကိုပြီးစလွယ်၊စေတနာမထားဘဲလုပ်မယ်ဆိုကိုယ့်အလုပ်လည်းမအောင်မြင်သလို၊ကိုယ့်အထက်အကြီးအကဲကလည်းနှစ်သက်မှာမဟုတ်ဖူး။အဲလိုပဲ၊ကိုယ့်အထက်အကြီးအကဲကကိုယ့်လက်အောက်ငယ်သားအပေါ်အားပေးမြှင့်တင်လိုစိတ်လည်းမရှိ၊စေတနာလည်းမပါ၊ကိုယ့်နာမည်ရဖို့၊ရာထူးတက်ဖို့၊ငွေရဖို့ဆိုတဲ့အတ္တစိတ်ကလွန်ကဲနေရင်လည်းကိုယ့်အောက်က
သတင်းထောက်တွေရဲ့အားထုတ်မှုနဲ့အရည်အသွေးကိုဂရုပြုမိမှာမဟုတ်သလို၊စေတနာထား
အားပေးနေမှာလည်းမဟုတ်ဖူး။အဲလိုအထက်အောက်အပြန်အလှန်၊နားလည်မှု၊အားပေးကူညီမှုမရှိရင်သတင်းဌာနမှမဟုတ်ဖူးဘယ်လုပ်ငန်းမဆိုတိုးတက်လာမှာမဟုတ်ဖူး။ပဋိပက္ခတွေနဲ့
ဆက်တိုက်တွေ့နေမယ်။စိတ်ထဲမှာ..ဆူးတွေ၊အငုတ်တွေနဲ့အတူတွဲအလုပ်နေရရင်ဘယ်…
စိတ်ကြည်နိုင်ပါတော့မလဲ။အနှေးနဲ့အမြန်တနေ့ပျက်မှာပေါ့။
အဲဒီတော့သတင်းအလုပ်ကိုငွေကြေးပေါ်မဏ္ဍိုင်မထားဘဲ၊ကိုယ့်သတင်းကောင်းသထက်ပိုကောင်းဖို့နဲ့သတင်းနားဆင်သူတွေပြည့်ပြည့်စုံစုံသိနိုင်ဖို့ပဲအာရုံထားပြီးစေတနာနဲ့သတင်းတွေလုပ်ဖို့
ဘဲရှိတယ်။
ငွေကြေးကိစ္စကသတင်းအလုပ်ပေါ်အနိုင်ယူရင်ဘာဂုဏ်သိက္ခာမှရှိတော့မှာမဟုတ်ဖူး။
အမှန်တရားလမ်းညွှန်တဲ့အလုပ်ကိုစီးပွားရေးကျောထောက်နောက်ခံသွားလုပ်တာနဲ့
အဲဒီအမှန်တရားကကိုယ့်ကိုကျောခိုင်းသွားလိမ့်မယ်။ ငွေမျက်နှာကြည့်တာဟာကိုယ့်သတင်းအလုပ်ကိုသစ္စာဖောက်လိုက်တာနဲ့အတူတူပဲ။
သတင်းသမားဆိုတာစီးပွားရှာသမားမဖြစ်သင့်ဘူး။
ရှေးဦးသတင်းစာဆရာကြီးတွေဖြစ်တဲ့ဘိုးဝဇီယ၊ဆရာကြီးမြို့မမောင်တို့အစ၊ဂျာနယ်ကျော်
ဦးချစ်မောင်၊ဆရာကြီးဦးထွန်းဖေ၊ဇ၀နတို့အလယ်၊လူထုဦးလှတို့ဦးစိန်ဝင်းတို့အဆုံးသတင်းစာဆရာအဆက်ဆက်ဟာထမင်းအိုးကိုဖီဆန်ပြီး၊
ငွေရေးကြေးရေးတွေအာခံပြီးပြည်သူ့သတင်းသမားတွေအဖြစ်ကိုယ်တိုင်လည်းအားထုတ်ခဲ့သလို၊
မျိုးဆက်ကောင်း၊တပည့်ကောင်းတွေလည်းမွေးထုတ်ခဲ့တယ်။ကျနော်တို့ခေတ်ကျတော့ ကြေးဥစ္စာ၊ရာထူး၊ဂုဏ်အရှိန်အ၀ှာနဲ့မိမိတို့ဂုဏ်သိက္ခာတွေ၊ကိုယ်ကျင့်တရားတွေကိုခတ်ပေါပေါ
လဲစားနေသလို၊ကိုယ့်ထက်သာမနာလိုတဲ့တွန်းထိုး၊တို့ထောင်၊နင်းတက်၊ရှောင်ပြေး
သတင်းသမားတွေ၊အယ်ဒီတာတွေမှိုလိုပေါက်နေတာတွေ့ရတော့တယ်။မျိုးဆက်ကောင်းတွေမွေးထုတ်ဖို့တော့စိတ်တောင်ကူးလို့မရ။
တချိန်ကမြန်မာ့သတင်းလောကကိုတသစ်ဆန်းပေးတဲ့၊ကျေးဇူးပြုခဲ့တဲ့ဆရာ့ဆရာကြီးတွေကို
အားနာဖို့၊မျက်နှာပူဖို့တောင်ကောင်းသေး။
အဲလိုခေတ်ဆိုးကြီးထဲမှာဘဲထောင်မကြောက်၊တန်းမကြောက်၊စစ်အာဏာရှင်တွေလက်ခုတ်ထဲ
ကနေ၊ရသမျှအခွင့်အရေးကိုချဲ့ကားယူပြီးအမှန်တရားအတွက်ရပ်တည်နေတဲ့
လူလတ်၊လူငယ်သတင်းစာသမားတွေကိုအလေးပြုမိပါရဲ့။လေးစားဂုဏ်ယူမိပါရဲ့။
စာပေစီစစ်ရေးနဲ့၊မတရားဥပဒေကိုအံတုပြီးပြည်သူတွေသတင်းမှန်တွေသိရဖို့ကိုယ်ထမင်းအိုးအကွဲခံပြီးလုပ်နေတဲ့၊သတ္တိပြောင်မြောက်တဲ့သတင်းသမားတွေကိုကြည့်ပြီးကျနော်တို့ခွန်အားရခဲ့တယ်။အားတက်ခဲ့တယ်။အော်…ခြစားနေတဲ့သတင်းလောကကြီးထဲမှာအဲလိုအနစ်နာခံလုပ်နေတဲ့
သတင်းသမားတွေရှိနေသေးတာပဲ။ငါကဘာကောင်မို့လို့လဲ?သူတို့တောင်ဘ၀ပျက်ခံ
လုပ်နေတာငါကထမင်းအိုးလေးကွဲမှာဘာကြောက်နေရအုံးမှာလဲ၊သူတို့ကမှမိသားစုဘ၀တခုလုံး
ဖျက်ဆီးခြေမွှခံရတာ၊ငါကတယောက်ထဲခံရတာဘာမှုစရာလိုလို့လဲဆိုတဲ့သတ္တိတွေလည်း
ပေါ်လာလေရဲ့။အော်ခေတ်ကြီးတခုထဲမှာပဲအပြုသမားနဲ့အဖျက်သမားဆိုတာတပြိုင်ထဲပေါ်လာ
တတ်တာပဲ…။အဲလိုသံဝေဂတွေယူ၊ခွန်အားတွေရပြန်တော့လည်း..ပြည်တွင်းကစွန့်လွှတ်
အနစ်နာခံလုပ်နေတဲ့သတင်းသမားတွေကိုကျေးဇူးတင်လိုက်တာ။

(သတင်းထောက်ကိုညို)
အောက်တိုလာ၂၂၊၂၀၁၂