“ မျဖစ္ႏိုင္ဘူးလို႔ မေျပာပါနဲ႔ “

 News for News သတင္းမ်ားအတြက္သတင္း

 

. [Zawgyi]

“ မျဖစ္ႏိုင္ဘူးလို႔ မေျပာပါနဲ႔ “

ေလာကႀကီးထဲမွာ ကိုယ္႔လက္ရွိစြမ္းေဆာင္ရည္အရ မျဖစ္ႏိုင္ဘူးလို႔ဆံုးျဖတ္ရတဲ႔အရာေတြရွိပါတယ္။ နာမည္ႀကီးတက္က်မ္းဘာသာျပန္ ဆရာတစ္ယာက္ေရးတဲ႔ စာအုပ္ထဲကဟာလိုမ်ဳိးေပါ႔။ ဘ၀ကိုသုညကစၿပီး ငါးႏွစ္အတြင္း ေဒၚလာတစ္သန္းတန္အိမ္ ပိုင္ဆိုင္ရမယ္ဆိုတဲ႔ကိစၥမ်ိဳး။ သူတို႔ဆီမွာမလြယ္သလို ႏိုင္ငံေရးစီးပြားေရးအေျခအေနေတြ တြက္ဆဖို႔ခက္တဲ႔ ကၽြန္ေတာ္တို႔ဆီမွာ ပိုၿပီးမလြယ္ပါဘူး။ မျဖစ္ႏိုင္တာေတာ႔ မဟုတ္ပါဘူး။ ခက္ခဲလြန္းေနတာကို ေျပာတာပါ။

ဒါေပမဲ႔ တစ္ခ်ိန္မွာ ခက္ခဲလြန္းၿပီး ေျဖရွင္းလို႔မရဘူးထင္တဲ႔ကိစၥေတြဟာ ေနာက္တစ္ခ်ိန္မွာလူသားေတြရဲ႕ႀကံဆမႈေတြ၊ နည္းပညာေတြနဲ႔ ေျဖရွင္းလို႔ရသြားတာေတြရွိပါတယ္။ အခုေဆာင္းပါးဟာ တက္က်မ္းလား။ မဟုတ္ပါဘူး။ လက္ေတြ႔ေလာကထဲက အျဖစ္အပ်က္ပါ။ မျဖစ္ႏိုင္ဘူးလို႔ တစ္ခ်ိန္က လက္ေလ်ာ႔ခဲ႔ရတဲ႔ကိစၥကို လူသားေတြရဲ႕ ႀကိဳးစားအားထုတ္မႈရယ္ နည္းပညာရယ္ကူညီၿပီးေျဖရွင္းခဲ႔တဲ႔ လက္ေတြ႕အျဖစ္အပ်က္ပါ။ တက္က်မ္းမဟုတ္သလို ကိုယ္ရည္ေသြးေဆာင္းပါးလည္း မဟုတ္ပါဘူး။

ေျဖရွင္းဖို႔မျဖစ္ႏိုင္တဲ႔ကိစၥလို႔ ဘာေၾကာင္႔ေျပာတာပါလဲ။ အသက္တစ္ခုနဲ႔ရင္းၿပီး ေလာင္းေၾကးထပ္ရတဲ႔ ကိစၥျဖစ္ေနလို႔ပါ။ လူတစ္ေယာက္ရဲ႕ေသျခင္းနဲ႔ ရွင္ျခင္းကို စည္းျခားထားတဲ႔ နယ္ျခားမ်ဥ္းက ဘာလဲ။ ဦးေႏွာက္ကထြက္တဲ႔ အာရံုလိႈင္းေတြျဖစ္ပါတယ္။ ဦးေႏွာက္အာရုံလိႈင္းတိုင္းတဲ႔ကိရိယာနဲ႔တုိင္းၾကည့္လို႔ ဘာလိႈင္းမမေတြ႔ရဘူးဆိုရင္ ဦးေႏွာက္ေသၿပီလို႔ သတ္မွတ္ပါတယ္။ ဦးေႏွာက္ေသရင္ လူေသတာပဲလို႔ ေဆးပညာေလာကက ဆံုးျဖတ္ပါတယ္။ ႏွလံုးခုန္ရပ္တာနဲ႔ လူေသၿပီလို႔ ဆံုးျဖတ္တဲ႔ေခတ္မဟုတ္ေတာ႔ပါဘူး။

ဟုတ္ၿပီဗ်ာ။ ႏွလံုးခုန္ရပ္သြားၿပီ။ ရပ္တာမွ ခဏေလးေတာင္ မဟုတ္ဘူး။ ႏွစ္နာရီေလာက္ရပ္သြားတာ။ အသက္လည္းလံုး၀မရႈေတာ႔ဘူး။ ေသြးမေလွ်ာက္တဲ႔ခႏၶာကိုယ္ကလည္း တစ္ကိုယ္လံုးျပာႏွမ္းေနၿပီ။ ခႏၶာကိုယ္အပူခ်ိန္က မူမွန္လို႔ သတ္မွတ္ထားတဲ႔ ၉၈.၆ ဒီဂရီဖာရင္ဟိုက္ကေန ထက္၀က္နီးပါးက်သြားၿပီ။ ေသြးအေထာက္အပံ့ မရတဲ႔အတြက္ ဦးေႏွာက္ကအလုပ္မလုပ္ေတာ႔ဘူး၊ ဘာအာရံုမွမထြက္ေတာ႔ဘူး။ ေမ်ာေနတဲ႔ coma အဆင္႔လား၊ အဲဒီအဆင္႔ထက္ အမ်ားႀကီးပိုၿပီး ေသမင္းႏိုင္ငံဘက္ေရာက္ေနပါတယ္။ ဒီလိုလူအသက္ရွင္ဖို႔ လံုး၀မျဖစ္ႏိုင္ပါဘူး။ မွန္ပါတယ္။ အသက္ရွင္ဖို႔ လံုး၀မျဖစ္ႏိုင္တဲ႔ လူတကယ္ဘဲ အသက္ျပန္ရွင္လာခဲ့ပါတယ္။

ဒီအျဖစ္အပ်က္ခဲ့တဲ့ ကာလက ၁၉၉၉ ခုႏွစ္ ေမလရဲ႕တစ္ေန႔ေသာ ညေနခင္း ဆရာ၀န္ေပါက္စေတြျဖစ္တဲ႔ အင္နာ၊ ေမရီနဲ႔ ေတာ္ဗင္တို႔ဟာ ေနာ္ေ၀းႏိုင္ငံေျမာက္ပိုင္းက ဂ်ဳိလန္ေတာင္ေၾကာေပၚမွာ စကိတ္စီးေနၾကပါတယ္။ သူတို႔စကိတ္စီးတဲ႔လမ္းက ပုံမွန္သတ္မွတ္ေပးထားတဲ႔ လမ္းေၾကာေပၚမွာမဟုတ္ပါဘူး။ off-road လို႔ေခၚတဲ႔ သီးျခားေတာလမ္း အတိုင္းစီးေနၾကတာပါ။ သံုးေယာက္စလံုးက စကိတ္စီးကၽြမ္းက်င္ၾကပါတယ္။ စကတ္စီးလမ္းေၾကာင္းထဲကို အင္နာက ယံုၾကည္မႈအျပည့္နဲ႔ ေရွ႕ကထြက္လိုက္ပါတယ္။

ကံဆိုးတယ္ေျပာရမယ္ထင္ပါရဲ႕။ အင္နာတစ္ေယာက္ ဟန္ခ်က္လြတ္သြားပါတယ္။ ခပ္လွမ္းလွမ္းကၾကည့္ေနတဲ႔ ေမရီနဲ႔ ေတာ္ဗင္တို႔ မ်က္စိေရွ႕မွာပဲ အင္နာဟာ ေတာင္ကိုပတ္စီးေနတဲ႔ ေရခဲစမ္းေခ်ာင္းေလးထဲ ဂၽြမ္းစိုက္က်သြားပါတယ္။ သူရဲ႕အေလးခ်ိန္ရယ္၊ ျပဳတ္က်တဲ႔အရွိန္ရယ္ေၾကာင္႔ စမ္းေခ်ာင္းေလးထဲက ေရခဲျပင္မွာ အေပါက္ျဖစ္သြားပါတယ္။ အေပါက္ကေန ေအာက္မွာရွိတဲ႔ေရျပင္အထိ ခႏၶာကိုယ္ထက္၀က္ေလာက္ ကၽြံ၀င္သြားပါတယ္။

ေရစီးေရလာရွိတဲ႔ ေခ်ာင္းေတြ ေျမာင္းေတြရဲ႕ ေရခဲျပင္ေတြဟာ အေပၚယံေၾကာတင္းၿပီးခဲေနေပမယ္႔ ေအာက္ပိုင္းမွာ ေရက ခဲတာမဟုတ္ပါဘူး။ အင္နာဟာ ေရခဲျပင္ထဲေခါင္းစိုက္ကၽြံက်ၿပီး ရင္ဘတ္ပိုင္းေအာက္က ေရခဲၾကားထဲညပ္ေနပါတယ္။ အ၀တ္အစားေတြက ေရစုတ္ပါတယ္။ အေလးခ်ိန္ပိုမ်ားလာေတာ႔ လူက အထဲကို ပိုၿပီးကၽြံ၀င္သြားပါတယ္။ စမ္းေခ်ာင္းကလည္း ေရစီးေနတဲ႔ေခ်ာင္း၊ ဒါေၾကာင္႔ အင္နာဟာ ေရခဲအျပားႀကီးၾကားမွာေခါင္းစိုက္ရင္းနဲ႔ ေရစီးနဲ႔အတူ ေမ်ာပါသြားပါတယ္။ ေမ်ာပါေနရင္းလည္း ခႏၶာကိုယ္က ေရခဲျပားႀကီးေအာက္ကို ကၽြံ၀င္သည္ထက္ ၀င္လာပါတယ္။

ေမရီနဲ႔ ေတာ္ဗင္က အခ်ိန္မီေျပးလာၿပီး၀ိုင္းဆဲြလို႔ စကိတ္စီးေနတဲ႔ ဖိနပ္ေနရာကေန ဆဲြထားလိုက္ႏိုင္ပါတယ္။ ဒါေၾကာင္႔လည္း ေရွ႕ဆက္ေမ်ာပါၿပီး ေရခဲျပင္ေအာက္ထဲ အင္နာေရာက္မသြားတာေပါ႔။ ေရခဲျပားႀကီးေအာက္ထဲ ေခါင္းကၽြံ၀င္ေနတဲ႔အင္နာဟာ သတိရေနပါေသးတယ္။ ပါးစပ္နဲ႔ႏွာေခါင္းက္ို ေရနဲ႔လြတ္ေအာင္ ဆဲြေမာ႔ထားႏိုင္တယ္။ အေပၚေရခဲျပင္ ေအာက္ကစီးေနတဲ႔ေရစီးေၾကာင္းၾကားထဲမွာ ေလရွိတဲ႔ ၾကားခံကြက္လပ္ေလးတစ္ခုရွိေနတာဟာ သူ႔အတြက္ ကံေကာင္းတယ္လို႔ ဆိုရမွာပါပဲ။ ဒါေပမဲ႔ ေရခဲမွတ္နီးနီး ေအးစက္ေနတဲ႔ေရထဲမွာ အသက္ရွင္ဖို႔ အင္နာတစ္ေယာက္ ရုန္းကန္ေနရပါတယ္။

ေရခဲျပင္ရဲ႕အေအးဓာတ္နဲ႔ရင္ဆိုင္ရတဲ႔ ပထမသံုးေလးမိနစ္ေလာက္အတြင္းမွာပဲ အင္နာရဲ႕ကိုယ္တြင္းအပူခ်ိန္ ထိုးခ်သြားပါတယ္။ ေတာ္ဗင္က ဖုန္းဆက္ေခၚလို႔ ကယ္ဆယ္ေရးအဖဲြ႔ႏွစ္ဖဲြ႔ေရာက္လာတယ္။ ပထမတစ္ဖဲြ႕က ေတာင္ေပၚစခန္းကျဖစ္ၿပီး ေနာက္တစ္ဖဲြ႕က ေတာင္ေျခမွာရွိတဲ႔ နာဗစ္ၿမိဳ႕ေလးကျဖစ္ပါတယ္။ ပထမအဖဲြ႕က ေရခဲျပင္ကိုထိုးခဲြၿပီး အင္နာကိုဆဲြမထုတ္ႏိုင္ပါဘူး။ အင္နာခဗ်ာ ေရခဲျပားႀကီးထဲမွာ ယက္ကန္ယက္ကန္ ။ ပတ္၀န္းက်င္အပူခ်ိန္ကနိမ္႔လြန္းေတာ႔ ခႏၶာကိုယ္ဟာရွိသင္႔တဲ႔အပူခ်ိန္ေအာက္ အမ်ားႀကီးေရာက္သြားပါတယ္။ ဒါေၾကာင္႔ေနာက္ပိုင္းမွာ ခႏၶာကိုယ္ဟာ ယက္ကန္ယက္ကန္ မေနႏိုင္ေတာ႔ဘဲ ေပ်ာ႔ေခြဆင္းသြားပါတယ္။

အေအးဓာတ္ေၾကာင္႔ ႏွလံုးခုန္တာလံုး၀ရပ္သြားတယ္။ အသက္မရႈေတာ႔ဘူး။ ဦးေႏွာက္ကလည္း ေမ႔ေဆးအေပးခံထားရသလို အလုပ္မလုပ္ေတာ႔ပါဘူး။ ဒုတိယကယ္ဆယ္ေရးအဖြဲ႕ေရာက္လာၿပီး ေနာက္ထပ္မိနစ္ေလးဆယ္ၾကာမွ အင္နာကို ေရခဲၾကား ဆြဲထုတ္ႏိုင္တယ္။ ႏွလံုးမခုန္၊ အသက္မရႈ၊ ေသြးမေလွ်ာက္ေတာ႔ဘဲ ျပာႏွမ္းႏွမ္းလူတစ္ေယာက္၊ ခႏၶာကိုယ္အပူခ်ိန္ ၂၃ ဒီဂရီစင္တီဂရိတ္ပဲရွိေတာ႔တဲ႔ ေသလူတစ္ေယာက္ကို ေသမင္းလက္ကျပန္ဆဲြထုတ္ရင္ ဘာေတြက စိန္ေခၚလာဦးမွာလဲ။

အင္နာအသက္ရွင္ေအာင္ ခႏၶာကိုယ္တစ္ခုလံုး ေသြြးလည္ပတ္ဖို႔လိုတယ္။ ေအာက္ဆီဂ်င္ျပည့္၀တဲ႔ေသြးေတြ ခႏၶာကိုယ္အႏွံ႔ေရာက္ဖို႔ လိုတယ္။ ကယ္ဆယ္ေရးသမားေတြက ထံုးစံအတိုင္း ရင္ဘတ္ကိုလက္နဲ႔ ဖိလိုက္၊ ၾကြလိုက္၊ ပါးစပ္ခ်င္းေတ့ၿပီး ေလမႈတ္သြင္းလိုက္နဲ႔ အေတာ္ေလးႀကိဳးစားၾကပါတယ္။ ဒါေပမဲ႔ အင္နာက တုတ္တုတ္မွမလႈပ္ ေရခဲျပားႀကီးႀကားမွာ ညွႇပ္သြားၿပီး တစ္နာရီခဲြအၾကာ ည ၈ နာရီမွာမွ အင္နာကို ကယ္ဆယ္ေရးရဟတ္ယာဥ္ေပၚ တင္ႏိုင္ပါတယ္။ ရဟတ္ယာဥ္က ေနရာက်ဥ္းက်ဥ္း၊ အသံက ဆူဆူ၊ ဒါေၾကာင္႔ ရဟတ္ယာဥ္ထဲမွာ အေရးေပၚသူနာျပဳ အသက္ကယ္အစီအစဥ္ကိုအေကာင္အထည္ေဖာ္ဖို႔ခက္လွပါတယ္။

ထရမ္ဆိုတကၠသိုလ္ေဆးရုံကို ရဟတ္ယာဥ္ေရာက္ခ်ိန္မွာ အင္နာရဲ႕ႏွလံုး အလုပ္မလုပ္တာ ၂ နာရီရွိၿပီ။ ကိုယ္အပူခ်ိန္က ၁၃.၇ ဒီဂရီစင္တီဂရိတ္ပဲရွိေတာ႔တယ္။ ေဆးပညာသမိုင္းမွာ အသက္ကယ္လို႔ရခဲ႔တဲ႔ အဆိုးရြားဆံုးလူနာရဲ႕ ကိုယ္အပူခ်ိန္ထက္ေတာင္ ေအာက္ေရာက္ေနပါေသးတယ္။ ေရွ႕ေရးေမွ်ာ္လင္႔ခ်က္က ခပ္မွိန္မွိန္၊ ဒါေပမဲ႔ ထရြမ္ဆိုေဆးရုံက ပညာရွင္ေတြဟာ ေရွ႕ဆက္ႀကိဳးစားၾကည့္ဖို႔ လမ္းေရြးလိုက္ပါတယ္။အသက္ကယ္အဖဲြ႕ကို ဦးေဆာင္တာက ေမ႔ေဆးဆရာ၀န္ပါ။ သူဦးေဆာင္ၿပီး အင္နာကို ခဲြခန္းထဲေရြ႕တယ္။ ဒီအခ်ိန္မွာ ခႏၶာကိုယ္အပူခ်ိန္တက္လာေအာင္ လုပ္ရမယ္႔အလုပ္က အႀကီးမားဆံုးစိန္ေခၚမႈျဖစ္ပါတယ္။ အေႏြးဓာတ္ေပးထားတဲ႔ ခဲြစိတ္ခန္းထဲမွာ ေစာင္အထပ္ထပ္ၿခဳံေပးတာေတာင္ အင္နာရဲ႕ခႏၶာကိုယ္က ေႏြးမလာပါဘူး။

သူ႔ခႏၶာကိုယ္ကို ျပန္ေႏြးလာေအာင္လိုတဲ႔အပူဓာတ္ဟာ ေရေႏြးအိုးတစ္ဒါဇင္ကို ဆူေစေလာက္တဲ႔အပူဓာတ္။ ၿပီးေတာ႔ ဒီအပူဓာတ္ဟာ ကိုယ္ခႏၶာထဲမွာ ျမန္ျမန္ဆန္ဆန္ပ်ံ႕သြားရမယ္။ ခႏၶာကိုယ္ကိုေဘးလည္း မျဖစ္ေစရဘူး။ ဒီရည္ရြယ္ခ်က္ေတြကို ၿပီးေျမာက္ေစႏိုင္တာက hear-lung bypass machine ပါ။ ႏွလံုးကိုရပ္ထားၿပီး ခဲြစိတ္ရတဲ႔ ႏွလံုးဖြင္႔ခဲြစိတ္မႈမ်ဳိးမွာသံုးႏိုင္ေအာင္ တီထြင္ထားတဲ႔နည္းပညာပစၥည္းပါ။ ပထမမွာ အင္မတန္ေအးစက္ေနတဲ႔ အင္နာရဲ႕ေသြးေတြကို ဒီစက္ထဲျဖတ္ေမာင္းရပါတယ္။ စက္ထဲ၀င္လာတဲ႔ေသြးကို အေႏြးေပးၿပီးခႏၶာကိုယ္ထဲျပန္သြင္းရပါတယ္။ ဒီနည္းနဲ႔ႀကိဳးစားအၿပီး မိနစ္သံုးဆယ္အၾကာမွာ အင္နာရဲ႕ကိုယ္တြင္းအပူခ်ိန္ဟာ ၃၁ ဒီဂရီစင္တီဂရိတ္ထိ ျပန္တက္လာပါတယ္။

ေသြးေႏြးလာတဲ႔အခ်ိန္မွာ ႏွလုံးကလည္းေႏြးလာၿပီး အလုပ္ျပန္လုပ္ပါတယ္။ ပထမေတာ႔ စည္းခ်က္မမွန္ဘဲ ခုန္တစ္ခ်က္ မခုန္တစ္ခ်က္။ ေနာက္ပိုင္းတျဖည္းျဖည္းခုန္ခ်က္မွန္လာၿပီး ည ၁၀ နာရီေက်ာ္က်ာ္မွာ ႏွလံုးဟာ အျပင္ကအကူအညီေပးစရာမလိုဘဲ ပုံမွန္ခုန္လာပါတယ္။ အင္နာရဲ႕အသက္ကိုကယ္ဖို႔ႀကိဳးစားရင္း ရင္ေခါင္းညာဘက္ထဲက ေသြးေၾကာတစ္ေခ်ာင္းဒဏ္ရာရၿပီး ေသြးေတြထြက္လာပါတယ္။ ပံုမွန္အပူခ်ိန္မေရာက္ေသးတဲ႔ ခႏၶာကိုယ္မွာ ေသြးထြက္ရင္ ေသြးကလြယ္လြယ္နဲ႔မခဲပါဘူး။ဒါေၾကာင္႔ ရင္ေခါင္းခဲြစိတ္ဆရာ၀န္က ရင္ေခါင္းဖြင္႔ၿပီး ေသြးထြက္တဲ႔ ေသြးေၾကာကို ရွာရပါတယ္။ ေသြးတိတ္ေအာင္ လုပ္ရပါတယ္။ နာရီအေတာ္ၾကာၿပီးတဲ႔အခါမွာ အေျခအေနတည္ၿငိမ္လာၿပီမို႔ အင္နာကို အိုင္စီယူ (အထူးၾကပ္မတ္ကုသခန္း) ထဲ ပို႔လိုက္ၾကပါတယ္။

အဲဒီအခန္းထဲမွာ ဆယ္႔ႏွစ္ရက္တိတိ ႀကိဳးစားကုသၿပီးတဲ႔ေနာက္မွာ အင္နာမ်က္လံုးဖြင္႔လာႏိုင္ပါတယ္။ အလုပ္မလုပ္တဲ႔ေက်ာက္ကပ္ေတြကလည္း ျပန္ၿပီးေကာင္းလာခဲ႔ပါတယ္။ ဒါေပမဲ႔ ေရခဲဲျပင္ထဲေခါင္းစိုက္ၿပီး က်ခဲ႔တဲ႔အတြက္ ေက်ာရုိးအာရုံေၾကာမႀကီး ဒဏ္ျဖစ္သြားခဲ႔တယ္။ ေျခႏွစ္ဖက္ လက္ႏွစ္ဖက္ လံုး၀လႈပ္လို႔မရတဲ႔အေျခအေနေရာက္သြားပါတယ္။ ဒါေပမဲ႔ ေဆးပညာရွင္ေတြက စိတ္မေလွ်ာ႔သလို အင္နာကလည္းစိတ္မေလွ်ာ႔ပါဘူး။ ထိခုက္သြားတဲ႔ အာရုံေၾကာ ျပန္ေကာင္းလာေအာင္၊ အေၾကာေသၿပီး ေပ်ာ႔ေခြေနတဲ႔ ၾကြက္သားေတြ ျပန္ၿပီးသန္စြမ္းလာေအာင္ သူတို႔တစ္ေတြ ၆ ႏွစ္လံုးႀကိဳးစားခဲ႔ပါတယ္။ ရလဒ္ကေတာ႔ ေဆးပညာသမိုင္းမွာ မျဖစ္ႏိုင္ခဲ႔တဲ႕အရာေတြျဖစ္လာတာပါပဲ။ အခုဆိုရင္ အင္နာဟာ အဲဒီေဆးရုံမွာပဲ ဓာတ္မွန္ဆရာ၀န္အျဖစ္နဲ႔ အလုပ္လုပ္ေနပါတယ္။ မျဖစ္ႏိုင္ဘူးလို႔ ဘာေျပာစရာရွိေသးလဲဗ်ာ။
NetGuide Journal (Every Wednesday)
………
Ref: NetGuide Journal
--------------------------
. [Unicode]

လောကကြီးထဲမှာ ကိုယ့်လက်ရှိစွမ်းဆောင်ရည်အရ မဖြစ်နိုင်ဘူးလို့ဆုံးဖြတ်ရတဲ့အရာတွေရှိပါတယ်။ နာမည်ကြီးတက်ကျမ်းဘာသာပြန် ဆရာတစ်ယာက်ရေးတဲ့ စာအုပ်ထဲကဟာလိုမျိုးပေါ့။ ဘ၀ကိုသုညကစပြီး ငါးနှစ်အတွင်း ဒေါ်လာတစ်သန်းတန်အိမ် ပိုင်ဆိုင်ရမယ်ဆိုတဲ့ကိစ္စမျိုး။ သူတို့ဆီမှာမလွယ်သလို နိုင်ငံရေးစီးပွားရေးအခြေအနေတွေ တွက်ဆဖို့ခက်တဲ့ ကျွန်တော်တို့ဆီမှာ ပိုပြီးမလွယ်ပါဘူး။ မဖြစ်နိုင်တာတော့ မဟုတ်ပါဘူး။ ခက်ခဲလွန်းနေတာကို ပြောတာပါ။

ဒါပေမဲ့ တစ်ချိန်မှာ ခက်ခဲလွန်းပြီး ဖြေရှင်းလို့မရဘူးထင်တဲ့ကိစ္စတွေဟာ နောက်တစ်ချိန်မှာလူသားတွေရဲ့ကြံဆမှုတွေ၊ နည်းပညာတွေနဲ့ ဖြေရှင်းလို့ရသွားတာတွေရှိပါတယ်။ အခုဆောင်းပါးဟာ တက်ကျမ်းလား။ မဟုတ်ပါဘူး။ လက်တွေ့လောကထဲက အဖြစ်အပျက်ပါ။ မဖြစ်နိုင်ဘူးလို့ တစ်ချိန်က လက်လျော့ခဲ့ရတဲ့ကိစ္စကို လူသားတွေရဲ့ ကြိုးစားအားထုတ်မှုရယ် နည်းပညာရယ်ကူညီပြီးဖြေရှင်းခဲ့တဲ့ လက်တွေ့အဖြစ်အပျက်ပါ။ တက်ကျမ်းမဟုတ်သလို ကိုယ်ရည်သွေးဆောင်းပါးလည်း မဟုတ်ပါဘူး။

ဖြေရှင်းဖို့မဖြစ်နိုင်တဲ့ကိစ္စလို့ ဘာကြောင့်ပြောတာပါလဲ။ အသက်တစ်ခုနဲ့ရင်းပြီး လောင်းကြေးထပ်ရတဲ့ ကိစ္စဖြစ်နေလို့ပါ။ လူတစ်ယောက်ရဲ့သေခြင်းနဲ့ ရှင်ခြင်းကို စည်းခြားထားတဲ့ နယ်ခြားမျဉ်းက ဘာလဲ။ ဦးနှောက်ကထွက်တဲ့ အာရုံလှိုင်းတွေဖြစ်ပါတယ်။ ဦးနှောက်အာရုံလှိုင်းတိုင်းတဲ့ကိရိယာနဲ့တိုင်းကြည့်လို့ ဘာလှိုင်းမမတွေ့ရဘူးဆိုရင် ဦးနှောက်သေပြီလို့ သတ်မှတ်ပါတယ်။ ဦးနှောက်သေရင် လူသေတာပဲလို့ ဆေးပညာလောကက ဆုံးဖြတ်ပါတယ်။ နှလုံးခုန်ရပ်တာနဲ့ လူသေပြီလို့ ဆုံးဖြတ်တဲ့ခေတ်မဟုတ်တော့ပါဘူး။

ဟုတ်ပြီဗျာ။ နှလုံးခုန်ရပ်သွားပြီ။ ရပ်တာမှ ခဏလေးတောင် မဟုတ်ဘူး။ နှစ်နာရီလောက်ရပ်သွားတာ။ အသက်လည်းလုံး၀မရှုတော့ဘူး။ သွေးမလျှောက်တဲ့ခန္ဓာကိုယ်ကလည်း တစ်ကိုယ်လုံးပြာနှမ်းနေပြီ။ ခန္ဓာကိုယ်အပူချိန်က မူမှန်လို့ သတ်မှတ်ထားတဲ့ ၉၈.၆ ဒီဂရီဖာရင်ဟိုက်ကနေ ထက်၀က်နီးပါးကျသွားပြီ။ သွေးအထောက်အပံ့ မရတဲ့အတွက် ဦးနှောက်ကအလုပ်မလုပ်တော့ဘူး၊ ဘာအာရုံမှမထွက်တော့ဘူး။ မျောနေတဲ့ coma အဆင့်လား၊ အဲဒီအဆင့်ထက် အများကြီးပိုပြီး သေမင်းနိုင်ငံဘက်ရောက်နေပါတယ်။ ဒီလိုလူအသက်ရှင်ဖို့ လုံး၀မဖြစ်နိုင်ပါဘူး။ မှန်ပါတယ်။ အသက်ရှင်ဖို့ လုံး၀မဖြစ်နိုင်တဲ့ လူတကယ်ဘဲ အသက်ပြန်ရှင်လာခဲ့ပါတယ်။

ဒီအဖြစ်အပျက်ခဲ့တဲ့ ကာလက ၁၉၉၉ ခုနှစ် မေလရဲ့တစ်နေ့သော ညနေခင်း ဆရာ၀န်ပေါက်စတွေဖြစ်တဲ့ အင်နာ၊ မေရီနဲ့ တော်ဗင်တို့ဟာ နော်ေ၀းနိုင်ငံမြောက်ပိုင်းက ဂျိုလန်တောင်ကြောပေါ်မှာ စကိတ်စီးနေကြပါတယ်။ သူတို့စကိတ်စီးတဲ့လမ်းက ပုံမှန်သတ်မှတ်ပေးထားတဲ့ လမ်းကြောပေါ်မှာမဟုတ်ပါဘူး။ off-road လို့ခေါ်တဲ့ သီးခြားတောလမ်း အတိုင်းစီးနေကြတာပါ။ သုံးယောက်စလုံးက စကိတ်စီးကျွမ်းကျင်ကြပါတယ်။ စကတ်စီးလမ်းကြောင်းထဲကို အင်နာက ယုံကြည်မှုအပြည့်နဲ့ ရှေ့ကထွက်လိုက်ပါတယ်။

ကံဆိုးတယ်ပြောရမယ်ထင်ပါရဲ့။ အင်နာတစ်ယောက် ဟန်ချက်လွတ်သွားပါတယ်။ ခပ်လှမ်းလှမ်းကကြည့်နေတဲ့ မေရီနဲ့ တော်ဗင်တို့ မျက်စိရှေ့မှာပဲ အင်နာဟာ တောင်ကိုပတ်စီးနေတဲ့ ရေခဲစမ်းချောင်းလေးထဲ ဂျွမ်းစိုက်ကျသွားပါတယ်။ သူရဲ့အလေးချိန်ရယ်၊ ပြုတ်ကျတဲ့အရှိန်ရယ်ကြောင့် စမ်းချောင်းလေးထဲက ရေခဲပြင်မှာ အပေါက်ဖြစ်သွားပါတယ်။ အပေါက်ကနေ အောက်မှာရှိတဲ့ရေပြင်အထိ ခန္ဓာကိုယ်ထက်၀က်လောက် ကျွံ၀င်သွားပါတယ်။

ရေစီးရေလာရှိတဲ့ ချောင်းတွေ မြောင်းတွေရဲ့ ရေခဲပြင်တွေဟာ အပေါ်ယံကြောတင်းပြီးခဲနေပေမယ့် အောက်ပိုင်းမှာ ရေက ခဲတာမဟုတ်ပါဘူး။ အင်နာဟာ ရေခဲပြင်ထဲခေါင်းစိုက်ကျွံကျပြီး ရင်ဘတ်ပိုင်းအောက်က ရေခဲကြားထဲညပ်နေပါတယ်။ အ၀တ်အစားတွေက ရေစုတ်ပါတယ်။ အလေးချိန်ပိုများလာတော့ လူက အထဲကို ပိုပြီးကျွံ၀င်သွားပါတယ်။ စမ်းချောင်းကလည်း ရေစီးနေတဲ့ချောင်း၊ ဒါကြောင့် အင်နာဟာ ရေခဲအပြားကြီးကြားမှာခေါင်းစိုက်ရင်းနဲ့ ရေစီးနဲ့အတူ မျောပါသွားပါတယ်။ မျောပါနေရင်းလည်း ခန္ဓာကိုယ်က ရေခဲပြားကြီးအောက်ကို ကျွံ၀င်သည်ထက် ၀င်လာပါတယ်။

မေရီနဲ့ တော်ဗင်က အချိန်မီပြေးလာပြီး၀ိုင်းဆွဲလို့ စကိတ်စီးနေတဲ့ ဖိနပ်နေရာကနေ ဆွဲထားလိုက်နိုင်ပါတယ်။ ဒါကြောင့်လည်း ရှေ့ဆက်မျောပါပြီး ရေခဲပြင်အောက်ထဲ အင်နာရောက်မသွားတာပေါ့။ ရေခဲပြားကြီးအောက်ထဲ ခေါင်းကျွံ၀င်နေတဲ့အင်နာဟာ သတိရနေပါသေးတယ်။ ပါးစပ်နဲ့နှာခေါင်းက်ို ရေနဲ့လွတ်အောင် ဆွဲမော့ထားနိုင်တယ်။ အပေါ်ရေခဲပြင် အောက်ကစီးနေတဲ့ရေစီးကြောင်းကြားထဲမှာ လေရှိတဲ့ ကြားခံကွက်လပ်လေးတစ်ခုရှိနေတာဟာ သူ့အတွက် ကံကောင်းတယ်လို့ ဆိုရမှာပါပဲ။ ဒါပေမဲ့ ရေခဲမှတ်နီးနီး အေးစက်နေတဲ့ရေထဲမှာ အသက်ရှင်ဖို့ အင်နာတစ်ယောက် ရုန်းကန်နေရပါတယ်။

ရေခဲပြင်ရဲ့အအေးဓာတ်နဲ့ရင်ဆိုင်ရတဲ့ ပထမသုံးလေးမိနစ်လောက်အတွင်းမှာပဲ အင်နာရဲ့ကိုယ်တွင်းအပူချိန် ထိုးချသွားပါတယ်။ တော်ဗင်က ဖုန်းဆက်ခေါ်လို့ ကယ်ဆယ်ရေးအဖွဲ့နှစ်ဖွဲ့ရောက်လာတယ်။ ပထမတစ်ဖွဲ့က တောင်ပေါ်စခန်းကဖြစ်ပြီး နောက်တစ်ဖွဲ့က တောင်ခြေမှာရှိတဲ့ နာဗစ်မြို့လေးကဖြစ်ပါတယ်။ ပထမအဖွဲ့က ရေခဲပြင်ကိုထိုးခွဲပြီး အင်နာကိုဆွဲမထုတ်နိုင်ပါဘူး။ အင်နာခဗျာ ရေခဲပြားကြီးထဲမှာ ယက်ကန်ယက်ကန် ။ ပတ်၀န်းကျင်အပူချိန်ကနိမ့်လွန်းတော့ ခန္ဓာကိုယ်ဟာရှိသင့်တဲ့အပူချိန်အောက် အများကြီးရောက်သွားပါတယ်။ ဒါကြောင့်နောက်ပိုင်းမှာ ခန္ဓာကိုယ်ဟာ ယက်ကန်ယက်ကန် မနေနိုင်တော့ဘဲ ပျော့ခွေဆင်းသွားပါတယ်။

အအေးဓာတ်ကြောင့် နှလုံးခုန်တာလုံး၀ရပ်သွားတယ်။ အသက်မရှုတော့ဘူး။ ဦးနှောက်ကလည်း မေ့ဆေးအပေးခံထားရသလို အလုပ်မလုပ်တော့ပါဘူး။ ဒုတိယကယ်ဆယ်ရေးအဖွဲ့ရောက်လာပြီး နောက်ထပ်မိနစ်လေးဆယ်ကြာမှ အင်နာကို ရေခဲကြား ဆွဲထုတ်နိုင်တယ်။ နှလုံးမခုန်၊ အသက်မရှု၊ သွေးမလျှောက်တော့ဘဲ ပြာနှမ်းနှမ်းလူတစ်ယောက်၊ ခန္ဓာကိုယ်အပူချိန် ၂၃ ဒီဂရီစင်တီဂရိတ်ပဲရှိတော့တဲ့ သေလူတစ်ယောက်ကို သေမင်းလက်ကပြန်ဆွဲထုတ်ရင် ဘာတွေက စိန်ခေါ်လာဦးမှာလဲ။

အင်နာအသက်ရှင်အောင် ခန္ဓာကိုယ်တစ်ခုလုံး သွေွးလည်ပတ်ဖို့လိုတယ်။ အောက်ဆီဂျင်ပြည့်၀တဲ့သွေးတွေ ခန္ဓာကိုယ်အနှံ့ရောက်ဖို့ လိုတယ်။ ကယ်ဆယ်ရေးသမားတွေက ထုံးစံအတိုင်း ရင်ဘတ်ကိုလက်နဲ့ ဖိလိုက်၊ ကြွလိုက်၊ ပါးစပ်ချင်းတေ့ပြီး လေမှုတ်သွင်းလိုက်နဲ့ အတော်လေးကြိုးစားကြပါတယ်။ ဒါပေမဲ့ အင်နာက တုတ်တုတ်မှမလှုပ် ရေခဲပြားကြီးကြားမှာ ညှှပ်သွားပြီး တစ်နာရီခွဲအကြာ ည ၈ နာရီမှာမှ အင်နာကို ကယ်ဆယ်ရေးရဟတ်ယာဉ်ပေါ် တင်နိုင်ပါတယ်။ ရဟတ်ယာဉ်က နေရာကျဉ်းကျဉ်း၊ အသံက ဆူဆူ၊ ဒါကြောင့် ရဟတ်ယာဉ်ထဲမှာ အရေးပေါ်သူနာပြု အသက်ကယ်အစီအစဉ်ကိုအကောင်အထည်ဖော်ဖို့ခက်လှပါတယ်။

ထရမ်ဆိုတက္ကသိုလ်ဆေးရုံကို ရဟတ်ယာဉ်ရောက်ချိန်မှာ အင်နာရဲ့နှလုံး အလုပ်မလုပ်တာ ၂ နာရီရှိပြီ။ ကိုယ်အပူချိန်က ၁၃.၇ ဒီဂရီစင်တီဂရိတ်ပဲရှိတော့တယ်။ ဆေးပညာသမိုင်းမှာ အသက်ကယ်လို့ရခဲ့တဲ့ အဆိုးရွားဆုံးလူနာရဲ့ ကိုယ်အပူချိန်ထက်တောင် အောက်ရောက်နေပါသေးတယ်။ ရှေ့ရေးမျှော်လင့်ချက်က ခပ်မှိန်မှိန်၊ ဒါပေမဲ့ ထရွမ်ဆိုဆေးရုံက ပညာရှင်တွေဟာ ရှေ့ဆက်ကြိုးစားကြည့်ဖို့ လမ်းရွေးလိုက်ပါတယ်။အသက်ကယ်အဖွဲ့ကို ဦးဆောင်တာက မေ့ဆေးဆရာ၀န်ပါ။ သူဦးဆောင်ပြီး အင်နာကို ခွဲခန်းထဲရွေ့တယ်။ ဒီအချိန်မှာ ခန္ဓာကိုယ်အပူချိန်တက်လာအောင် လုပ်ရမယ့်အလုပ်က အကြီးမားဆုံးစိန်ခေါ်မှုဖြစ်ပါတယ်။ အနွေးဓာတ်ပေးထားတဲ့ ခွဲစိတ်ခန်းထဲမှာ စောင်အထပ်ထပ်ခြုံပေးတာတောင် အင်နာရဲ့ခန္ဓာကိုယ်က နွေးမလာပါဘူး။

သူ့ခန္ဓာကိုယ်ကို ပြန်နွေးလာအောင်လိုတဲ့အပူဓာတ်ဟာ ရေနွေးအိုးတစ်ဒါဇင်ကို ဆူစေလောက်တဲ့အပူဓာတ်။ ပြီးတော့ ဒီအပူဓာတ်ဟာ ကိုယ်ခန္ဓာထဲမှာ မြန်မြန်ဆန်ဆန်ပျံ့သွားရမယ်။ ခန္ဓာကိုယ်ကိုဘေးလည်း မဖြစ်စေရဘူး။ ဒီရည်ရွယ်ချက်တွေကို ပြီးမြောက်စေနိုင်တာက hear-lung bypass machine ပါ။ နှလုံးကိုရပ်ထားပြီး ခွဲစိတ်ရတဲ့ နှလုံးဖွင့်ခွဲစိတ်မှုမျိုးမှာသုံးနိုင်အောင် တီထွင်ထားတဲ့နည်းပညာပစ္စည်းပါ။ ပထမမှာ အင်မတန်အေးစက်နေတဲ့ အင်နာရဲ့သွေးတွေကို ဒီစက်ထဲဖြတ်မောင်းရပါတယ်။ စက်ထဲ၀င်လာတဲ့သွေးကို အနွေးပေးပြီးခန္ဓာကိုယ်ထဲပြန်သွင်းရပါတယ်။ ဒီနည်းနဲ့ကြိုးစားအပြီး မိနစ်သုံးဆယ်အကြာမှာ အင်နာရဲ့ကိုယ်တွင်းအပူချိန်ဟာ ၃၁ ဒီဂရီစင်တီဂရိတ်ထိ ပြန်တက်လာပါတယ်။

သွေးနွေးလာတဲ့အချိန်မှာ နှလုံးကလည်းနွေးလာပြီး အလုပ်ပြန်လုပ်ပါတယ်။ ပထမတော့ စည်းချက်မမှန်ဘဲ ခုန်တစ်ချက် မခုန်တစ်ချက်။ နောက်ပိုင်းတဖြည်းဖြည်းခုန်ချက်မှန်လာပြီး ည ၁၀ နာရီကျော်ကျာ်မှာ နှလုံးဟာ အပြင်ကအကူအညီပေးစရာမလိုဘဲ ပုံမှန်ခုန်လာပါတယ်။ အင်နာရဲ့အသက်ကိုကယ်ဖို့ကြိုးစားရင်း ရင်ခေါင်းညာဘက်ထဲက သွေးကြောတစ်ချောင်းဒဏ်ရာရပြီး သွေးတွေထွက်လာပါတယ်။ ပုံမှန်အပူချိန်မရောက်သေးတဲ့ ခန္ဓာကိုယ်မှာ သွေးထွက်ရင် သွေးကလွယ်လွယ်နဲ့မခဲပါဘူး။ဒါကြောင့် ရင်ခေါင်းခွဲစိတ်ဆရာ၀န်က ရင်ခေါင်းဖွင့်ပြီး သွေးထွက်တဲ့ သွေးကြောကို ရှာရပါတယ်။ သွေးတိတ်အောင် လုပ်ရပါတယ်။ နာရီအတော်ကြာပြီးတဲ့အခါမှာ အခြေအနေတည်ငြိမ်လာပြီမို့ အင်နာကို အိုင်စီယူ (အထူးကြပ်မတ်ကုသခန်း) ထဲ ပို့လိုက်ကြပါတယ်။

အဲဒီအခန်းထဲမှာ ဆယ့်နှစ်ရက်တိတိ ကြိုးစားကုသပြီးတဲ့နောက်မှာ အင်နာမျက်လုံးဖွင့်လာနိုင်ပါတယ်။ အလုပ်မလုပ်တဲ့ကျောက်ကပ်တွေကလည်း ပြန်ပြီးကောင်းလာခဲ့ပါတယ်။ ဒါပေမဲ့ ရေခဲဲပြင်ထဲခေါင်းစိုက်ပြီး ကျခဲ့တဲ့အတွက် ကျောရိုးအာရုံကြောမကြီး ဒဏ်ဖြစ်သွားခဲ့တယ်။ ခြေနှစ်ဖက် လက်နှစ်ဖက် လုံး၀လှုပ်လို့မရတဲ့အခြေအနေရောက်သွားပါတယ်။ ဒါပေမဲ့ ဆေးပညာရှင်တွေက စိတ်မလျှော့သလို အင်နာကလည်းစိတ်မလျှော့ပါဘူး။ ထိခုက်သွားတဲ့ အာရုံကြော ပြန်ကောင်းလာအောင်၊ အကြောသေပြီး ပျော့ခွေနေတဲ့ ကြွက်သားတွေ ပြန်ပြီးသန်စွမ်းလာအောင် သူတို့တစ်တွေ ၆ နှစ်လုံးကြိုးစားခဲ့ပါတယ်။ ရလဒ်ကတော့ ဆေးပညာသမိုင်းမှာ မဖြစ်နိုင်ခဲ့တဲ့အရာတွေဖြစ်လာတာပါပဲ။ အခုဆိုရင် အင်နာဟာ အဲဒီဆေးရုံမှာပဲ ဓာတ်မှန်ဆရာ၀န်အဖြစ်နဲ့ အလုပ်လုပ်နေပါတယ်။ မဖြစ်နိုင်ဘူးလို့ ဘာပြောစရာရှိသေးလဲဗျာ။

NetGuide Journal (Every Wednesday)
……………
Ref: NetGuide Journal