မဟာဆန်.. ကဗျာဆန် ..မြန်မာဆန်..ဒေါ်အောင်ဆန်းစုကြည်ဆင်ယဉ်ထုံးဖွဲ့မှု

Democratic Wave

 

မဟာဆန်.. ကဗျာဆန် ..မြန်မာဆန်..ဒေါ်အောင်ဆန်းစုကြည်ဆင်ယဉ်ထုံးဖွဲ့မှု

မြန်မာ့ဒီမိုကရေစီခေါင်းဆောင်ရယ်လို့်ဆိုရင်ကမ္ဘာ့နိုင်ငံအသီးသီးကဒေါ်အောင်ဆန်းစုကြည်ကိုသာပြေးမြင်ကြတာအမှန်ပါ။နက်ဆင်မင်ဒဲလားလိုမျိုးနိုဗယ်ငြိမ်းချမ်းရေးဆုရှင်ဒေါ်အောင်ဆန်းစုကြည်ရဲ့စွန့်လွတ်အနစ်နာခံမှုတွေ၊ခွင့်လွတ်တတ်မှုတွေကိုကမ္ဘာကလေးစားသလိုသူမရဲ့ဝတ်စားဆင်ယင်မှုတွေကိုလည်းကမ္ဘာကပါဂရုတစိုက်ရှိလာပါတယ်။သူမရဲ့ထင်ပေါ်ကျော်ကြားမှုတွေကိုပြောဆိုကြမယ်ဆိုရင်ဖြင့်သူမရဲ့မြန်မာဆန်ဆန်သပ်သပ်ရပ်ရပ်ဝတ်ဆင်တတ်တဲ့ဖက်ရှင်ဒီဇိုင်းတွေကိုလည်းချန်ထားခဲ့လို့မရပါဘူးလို့မြန်မာနိုင်ငံကိုရောက်ရှိနေတဲ့နယူးဇီလန်နိုင်ငံသူသတင်းလောကသားတစ်ဦးဖြစ်တဲ့ Sue Ahearn ကဆိုပါတယ်။

နိုင်ငံတကာကိုဖိတ်ကြားချက်အရမကြာခဏဆိုသလိုသွားရောက်လေ့ရှိတဲ့ဒေါ်အောင်ဆန်းစုကြည်ကသွားလေရာနိုင်ငံတိုင်းကိုမြန်မာအမျိုးသမီးပီသစွာဝတ်စားဆင်ယင်သွားလေ့ရှိတဲ့သူမရဲ့ဖက်ရှင်တွေကြောင့်မြန်မာအမျိုးသမီးထုရဲ့ဂုဏ်ကိုလည်းတက်စေခဲ့ပါတယ်။သူမသွားရောက်ခဲ့ဖူးတဲ့နိုင်ငံတော်တော်များများကအမျိုးသမီးတွေကလည်းသူ့ရဲ့ဝတ်စားဆင်ယင်မှုကိုအတုယူလိုက်ဝတ်ဆင်လေ့လည်းရှိနေကြပြန်ပါတယ်။
လက်ရှိဂျပန်နိုင်ငံမှာနေထိုင်နေတဲ့ဒေါ်သီဝင်းကျော်က “ဂျပန်ကိုအမေစုရောက်လာတော့ဒီကကျောင်းသားတွေကအရမ်းကိုတွေ့ချင်ကြတယ်။အမေစုပြန်ပြီးနောက်ပိုင်းမှာဂျပန်မှာအမေစုကိုအတုယူပြီးတက္ကသိုလ်ကျောင်းသူလေးတွေကအစအမျိုးသမီးတွေတော်တော်များများကအမေစုလိုပန်းတွေပန်တယ်။ပုဝါတွေဆိုလည်းအမေစုလိုပုံစံဆိုပြီးလိုက်ခြုံကြတယ်”လို့ပြောပြပါတယ်။

ဒေါ်အောင်ဆန်းစုကြည်ရဲ့ဖက်ရှင်ရယ်လို့ပြောလိုက်ရင်တော့ထူးခြားပြောင်မြောက်လှတဲ့ခန့်ခန့်ထည်ထည်လက်ရာတွေကိုပြေးမြင်ကြမှာမဟုတ်ဘဲရှိးရှင်းလှတဲ့ချည်ထည်ပိတ်သားလေးတွေကိုပဲပြေးမြင်မိကြတာပါ။ဒေါ်အောင်ဆန်းစုကြည်ဝတ်လေ့ရှိတဲ့ပိတ်သားတွေကတော့မြန်မာငွေကျပ်(၇၀၀၀)အောက်ခန့်သာရှိပါတယ်။ပြောင်လက်စူးရှပြီးဆန်းပြားလှတဲ့အ၀တ်အစားတွေကိုသူမကများသောအားဖြင့်ဝတ်လေ့မရှိဘဲရိုးရှင်းလှတဲ့ဒီဇိုင်းတွေကိုသာဝတ်လေ့ရှိတယ်လို့သူမကိုအကျီလက်ဆောင်များချုပ်ပေးခဲ့ဖူးတဲ့ရန်ကုန်မှဒေါ်စမ်းစမ်းနွဲ့ကပြောပါတယ်။
ဒေါ်အောင်ဆန်းစုကြည်ဟာအင်္ကျီအ၀တ်အစားဝတ်ဆင်ရာမှာလည်းတိကျသေချာလွန်းလှပါတယ်။သူမ၀တ်ဆင်မယ့်အ၀တ်အစားအရောင်များကိုလိုက်ဖက်ညီအောင်ရွေးချယ်တတ်ပြီးချည်ထည်တွေကိုအများဆုံးဝတ်လေ့ရှိပါတယ်။“အမေစုကအင်္ကျီဝတ်ရင်အတိအကျပဲ။သူများတွေလိုအင်္ကျီကိုအပိုထားတာတွေမရှိဘူး။အရောင်တွေကိုလည်းလိုက်ဖက်ညီအောင်ဝတ်တတ်တယ်။သူကိုယ်တိုင်စက်ချုပ်တတ်တာဆိုတော့ဝတ်တာမှာလည်းအတိုင်းကတစ်သတ်မှတ်တည်းပဲ။အပေါ်အောက်ဝမ်းဆက်တွေများသောအားဖြင့်အမေစုက၀တ်တာနည်းတယ် ”ဟုပြောပြပါတယ်။

ဒေါ်စမ်းစမ်းနွဲ့ကဒေါ်အောင်ဆန်းစုကြည်ကိုလေးစားချစ်ခင်တဲ့အတွက်ဒေါ်အောင်ဆန်းစုကြည်နဲ့နေအိမ်အကျယ်ချုပ်ကာလမှာအတူနေခဲ့ရတဲ့ဒေါ်ခင်ခင်ဝင်းမှတစ်ဆင့်အင်္ကျီများကိုလက်ဆောင်ချုပ်လုပ်ပေးခဲ့တာဖြစ်ပါတယ်။“အမေစုကိုလက်ဆောင်ပေးချင်လို့ဆိုပြီးအမေစုနဲ့အကျယ်ချုပ်အတူကျခဲ့တဲ့အန်တီဝင်းကနေတစ်ဆင့်အမေစုရဲ့အင်္ကျီတွေချုပ်ပေးခွင့်ရခဲ့တာပါ။အန်တီဝင်းကပဲအင်္ကျီပုံတိုင်းတွေယူပေးခဲ့တာပါ။အများကြီးတော့မချုပ်ပေးဖူးပါဘူး။အကျယ်ချုပ်ကလွတ်ပြီးကာလမှာကိုးထည်လောက်ပဲချုပ်ဖူးခဲ့ပါတယ်။အမေစုကလည်းကလေးတွေအကုန်အကျများလိမ့်မယ်မချုပ်ပေးပါနဲ့လို့ပြောတယ်။ဒါပေမယ့်အမေကိုချစ်လို့ချုပ်ပေးကြတာပါပဲ”လို့ပြောပြပါတယ်။

ဒေါ်အောင်ဆန်းစုကြည်ဝတ်ဆင်ဖို့ဒေါ်စမ်းစမ်းနွဲ့ချုပ်ပြီးလက်ဆောင်ပေးခဲ့ဖူးတဲ့အင်္ကျီတွေမှာဒီဇိုင်းဆွဲပေးခဲ့တဲ့ကိုသီဟက“အမေစုကလူကြီးလည်းဖြစ်တယ်။ခေါင်းဆောင်လည်းဖြစ်တော့ဒီဇိုင်းတွေဆွဲရင်ရိုးရိုးလေးတွေပဲဆွဲပေးတယ်။ကျောက်တွေ၊ဘော်ကြယ်တွေတပ်တာလည်းသူကမကြိုက်ဘူး။မျက်စိကလပ်တာတွေလည်းအမေစုကမကြိုက်ဘူး။လုံခြည်မှာအမေစုကြိုက်မယ်လို့ထင်တဲ့ပန်းခက်လေးတွေကိုဆွဲပေးတာများတယ်။အမေစုကိုလည်းလက်ဆောင်ပေးတဲ့သူတွေကများတော့ကိုယ်တွေပေးတဲ့အင်္ကျီတွေဝတ်လားမ၀တ်လားတော့မသိတော့ပါဘူး”လို့ပြောပြပါတယ်။

“အမေစုအင်္ကျီတွေချုပ်ရတာအန္တရာယ်များတယ်။မှားလို့မရဘူး၊မှားလို့မရဘူးဆိုတာချေးများလို့တော့မဟုတ်ဘူး။သူက၀တ်စားဆင်ယင်တာအရမ်းတိကျတယ်လေ။တိကျတော့အသေအချာချုပ်ပေးရတာပေါ့။ချုပ်ပေးရတာတော့ဝမ်းသာတာပေါ့။ချစ်ကြောက်ရိုသေပေါ့။ကိုယ်ချုပ်ပေးတာမ၀တ်မှာလည်းစိုးရိမ်တယ်။ဝတ်တော့လည်းကိုယ်ချုပ်ပေးတဲ့အင်္ကျီကိုကမ္ဘာသိလူထုခေါင်းဆောင်က၀တ်တယ်ဆိုတော့အရမ်းကိုပျော်တာပေါ့” ဒေါ်စမ်းစမ်းနွဲ့နဲ့ကိုသီဟတို့ကပြိုင်တူပြောပြကြပါတယ်။

မြန်မာနိုင်ငံရဲ့အိမ်နီးချင်းနိုင်ငံကခေါင်းဆောင်အမျိုးသမီးငယ်တစ်ဦးဖြစ်တဲ့ထိုင်းနိုင်ငံဝန်ကြီးချုပ်ယင်လပ်ရှင်နာဝပ်မြန်မာနိုင်ငံသို့လာရောက်ပြီးဒေါ်အောင်ဆန်းစုကြည်နှင့်ပထမဆုံးအကြိမ်တွေ့ဆုံရာမှာဒေါ်အောင်ဆန်းစုကြည်ဝတ်ဆင်ထားတဲ့နီညိုရောင်အင်္ကျီနှင့်နီညိုရောင်လုံခြည်မှာဒေါ်စမ်းစမ်းနွဲ့နှင့်ကိုသီဟတို့ပူးပေါင်းချုပ်ထားပေးတဲ့အင်္ကျီဒီဇိုင်းပါပဲ။အဲဒီတွေ့ဆုံမှုဟာအရှေ့တောင်အာရှမှာထင်ရှားတဲ့တွေ့ဆုံမှုလို့မှတ်ယူပြီးနိုင်ငံတကာမီဒီယာတွေကအထူးစိတ်ဝင်စားကာသြဇာကြီးမားလေးစားဖွယ်ကောင်းလှတဲ့အမျိုးသမီးနှစ်ဦးရဲ့ဝတ်စားဆင်ယင်မှုတွေကိုလည်းအရေးတယူဖော်ပြခဲ့တာကြောင့်ဒေါ်စမ်းစမ်းနွဲ့နဲ့ကိုသီဟတို့ပူးပေါင်းချုပ်လုပ်ခဲ့တဲ့ဖက်ရှင်ဒီဇိုင်းဟာဒေါ်အောင်ဆန်းစုကြည်ဝတ်ဆင်လိုက်တာကြောင့်ကမ္ဘာကျော်ခဲ့ရတယ်လို့ဆိုရင်လည်းမမှားပါဘူး။

ဒေါ်အောင်ဆန်းစုကြည်ရွေးကောက်ပွဲကာလတုန်းကသူမရဲ့ရန်ကုန်တိုင်းဒေသကြီးကကော့မှုးမြို့နယ်မဲဆန္ဒနယ်မှာဒေသခံတွေနဲ့အတူတစ်သားတည်းမြေပြင်ပေါ်မှာထိုင်ပြီးအားပေးခဲ့တဲ့အင်္ကျီဝတ်စုံကလည်းဒေါ်စမ်းစမ်းနွဲ့နဲ့ကိုသီဟတို့ချုပ်ပေးခဲ့တဲ့အင်္ကျီဒီဇိုင်းပဲဖြစ်ပြီးလူပြောများတဲ့အင်္ကျီဒီဇိုင်းတစ်မျိုးဖြစ်ခဲ့ရပါသေးတယ်။ဒေါ်စမ်းစမ်းနွဲ့နဲ့ကိုသီဟတို့အတွက်ဒေါ်အောင်ဆန်းစုကြည်ကသူတို့လက်ဆောင်ပေးတဲ့ဝတ်စုံလေးနဲ့ရိုက်ထားတဲ့ဓာတ်ပုံလေးကိုအမှတ်တရလက်မှတ်ထိုးပြီးပေးထားပါသေးတယ်။

ဗိုလ်ချုပ်အောင်ဆန်းရဲ့သမီးဒေါ်အောင်ဆန်းစုကြည်ရယ်လို့မြန်မာပြည်ကိုပြန်လည်ရောက်ရှိလာခါစအချိန်ကာလတွေမှာတော့ဒေါ်အောင်ဆန်းစုကြည်ကသူ့ကိုချစ်တဲ့ပြည်သူတွေပေးတဲ့ပန်းတွေကိုဦးခေါင်းမှာအားလုံးလိုလိုပန်ဆင်တတ်ပေမယ့်အခုနောက်ပိုင်းကာလတွေမှာတော့ပန်းတစ်မျိုးတည်းကိုသာပန်ဆင်လေ့ရှိလာတာကိုလည်းပြည်သူတွေကသတိထားမိနေပါတယ်။ထိုကာလများကဒေါ်အောင်ဆန်းစုကြည်ကအမျိုးသားဒီမိုကရေစီအဖွဲ့ချုပ်ရဲ့အလံအမှတ်အသားတံဆိပ်ကိုဘယ်ဘက်ရင်ဘတ်ပေါ်မှာအမြဲထိုးထားလေ့ရှိခဲ့ပြီးယခုနောက်ပိုင်းကာလမှာတော့သူ့ရဲ့ဘယ်ဘက်ရင်ဘက်ပေါ်မှာအမျိုးသားဒီမိုကရေစီအဖွဲ့ချုပ်အမှတ်အသားဖြစ်တဲ့ရွှေရောင်ခွပ်ဒေါင်းရင်ထိုးထိုးလာတာကိုသတိထားမိလာကြပြီးပါတီဝင်အမျိုးသမီးအများစုကလည်းအတုယူလာကြတာကိုတွေ့ရပါတယ်။

အခုဆိုရင်လွှတ်တော်ကိုယ်စားလှယ်တစ်ယောက်အဖြစ်လည်းဖြစ်နေပြီဖြစ်တဲ့ဒေါ်အောင်ဆန်းစုကြည်ကိုလွှတ်တော်တတ်တဲ့ရက်တိုင်းသူမရဲ့ဆံကေသာပေါ်မှာဘာပန်းတွေပန်လေ့ရှိတယ်ဆိုတာကိုသူမကိုချစ်ခင်လေးစားတဲ့သူတွေကစောင့်ကြည့်နေတတ်ကြပါတယ်။ပြီးခဲ့တဲ့သီတင်းပတ်ကကွယ်လွန်သွားခဲ့တဲ့အမျိုးသားဒီမိုကရေစီအဖွဲ့ချုပ်နာယကကြီးဦးဝင်းတင်ရဲ့ဈာပနအခမ်းအနားကိုတတ်ရောက်လာတဲ့အခါမှာတော့ဒေါ်အောင်ဆန်းစုကြည်တစ်ယောက်ပန်းမပန်ထားတာကိုသူ့ကိုချစ်တဲ့ပြည်သူတွေကသတိထားမိနေပါသေးတယ်။သူမနဲ့အနီးကပ်နေခဲ့ဖူးတဲ့ဒေါ်ခင်ခင်ဝင်းကတော့သူမဟာဝမ်းနည်းတဲ့အထိမ်းအမှတ်အဖြစ်ပန်းမပန်တာဖြစ်ပြီးတော့သူမရဲ့ခင်ပွန်းမိုက်ကယ်အဲရစ်ကွယ်လွန်သွားပြီးတဲ့နောက်ပိုင်းမှာလည်းတစ်နှစ်တိတိပန်းမပန်ဘဲနေခဲ့ဖူးတာကိုဂရုစိုက်မိခဲ့တာကိုပြန်ပြောပြပါတယ်။ဒေါ်အောင်ဆန်းစုကြည်ကနှင်းဆီပန်းကိုမြတ်နိုးသူလည်းဖြစ်ပါတယ်။

ဒေါ်အောင်ဆန်းစုကြည်ဟာပြည်တွင်းမှာလည်းစည်းရုံးရေးခရီးစဉ်တွေသွားတဲ့အခါမှာရောက်တဲ့ဒေသတိုင်းပြည်နယ်တိုင်းမှာနေထိုင်တဲ့တိုင်းရင်းသားတွေရဲ့ရိုးရာဝတ်စုံတွေကိုဝတ်ဆင်တတ်တာမို့တိုင်းရင်းသားလူမျိုးတွေရဲ့အမှတ်ပေးခြင်းကိုလည်းခံရပြန်ပါတယ်။

ဒေါ်အောင်ဆန်းစုကြည်ရဲ့ဖက်ရှင်တွေဟာမြန်မာအမျိုးသမီးထုကြားမှာလည်းအတုယူစရာဖြစ်လာသလိုမြန်မာ့ဖက်ရှင်လောကမှာလည်းအမေစုဖက်ရှင်ရယ်လို့ခေတ်စားနေပြန်ပါတယ်။အမျိုးသမီးတွေအားထားကြတဲ့စက်ချုပ်ဆိုင်တွေမှာတော့အမေစုဖက်ရှင်လေးချုပ်ပေးပါလို့လာအပ်နှံသူတွေကလည်းရှိနေပြန်ပါတယ်။“အခုနောက်ပိုင်းဆိုရင်အမေစုဝတ်တဲ့အင်္ကျီလေးတွေချုပ်ပေးပါဆိုပြီးလာအပ်တာရှိတယ်။လာအပ်တဲ့လူတွေကိုယ်တိုင်ကအမေစုပုံလေးတွေပါတဲ့ဂျာနယ်တွေကိုဖြတ်ပြီးတော့လာချုပ်ကြတယ်။အမေစုဝတ်တဲ့ပုံစံအကျီလေးတွေကရိုးရိုးလေးတွေပဲဆိုတော့ချုပ်ရတာအဆင်ပြေပါတယ်။”ဟုစက်ချုပ်လုပ်ငန်းလုပ်နေတဲ့မကြည်ကြည်ကပြောပြပါတယ်။

မန္တလေးမြို့မှာနေထိုင်နေတဲ့ဒေါ်ဥမ္မာခင်က“မြန်မာအမျိုးသမီးပီသစွာဝတ်တတ်တဲ့အမေစုရဲ့ဖက်ရှင်တွေကိုကြိုက်လို့ကိုယ်တွေလည်းအမေစုလိုလိုက်ဝတ်ကြတယ်။အမေစုကသူ့ခန္မာကိုယ်ပိန်ပိန်ပါးပါးလေးနဲ့ဆိုတော့ဝတ်ထားတာကျက်သရေရှိတယ်။ဝတ်လိုက်ရင်လည်းအရောင်လိုက်ဖက်မှုရှိအောင်လည်းတော်တော်လေးဆင်တတ်တယ်”ဟုပြောပြပါတယ်။

လူထုခေါင်းဆောင်ဒေါ်အောင်ဆန်းစုကြည်ကတော့သူရဲ့ဖက်ရှင်တွေနဲ့ပက်သက်ပြီးအစဉ်ပြေသလိုဝတ်တာပါလို့နေအိမ်အကျယ်ချုပ်လွှတ်ပြီးသကာလသူမရဲ့အိမ်တွင်းမှာပြုလုပ်တဲ့စာနယ်ဇင်းရှင်းလင်းပွဲတစ်ခုမှာဖွင့်ဟဖူးခဲ့ပါတယ်။

လူထုခေါင်းဆောင်ဒေါ်အောင်ဆန်းစုကြည်က၀တ်စားဆင်ယင်မှုမှာတိကျသူတစ်ဦးဖြစ်ပြီးမိခင်ဖြစ်သူဒေါ်ခင်ကြည်သွန်သင်ဆုံးမခဲ့တဲ့မြန်မာ့အမျိုးသမီးဝတ်စားဆင်ယင်မှုလမ်းစဉ်အတိုင်းမသွေတသိမ်းလိုက်နာခဲ့တာဖြစ်တယ်လို့နေအိမ်အကျယ်ချုပ်ကျခံခဲ့စဉ်ကအတူနေခဲ့ရတဲ့ဒေါ်ခင်ခင်ဝင်းကပြောပြပါတယ်။ ဒေါ်အောင်ဆန်းစုကြည်ပာာကိုယ်တိုင်အင်္ကျီများကိုချုပ်လုပ်တတ်တဲ့သူတစ်ယောက်လည်းဖြစ်ပြီးပန်းချီဆွဲတတ်သူတစ်ယောက်ဖြစ်တဲ့အတွက်ကိုယ်တိုင်ဒီဇိုင်းတွေကိုလည်းပုံဖော်ရေးဆွဲလေ့ရှိတယ်လို့လည်းဆိုပါတယ်။လက်ချုပ်ထည်တွေကိုသာကြိုက်နှစ်သက်သူတစ်ယောက်ပါ။

ဒေါ်ခင်ခင်ဝင်းကနေအိမ်အကျယ်ချုပ်ကာလတွင်းမှာတောင်ဒေါ်အောင်ဆန်းစုကြည်အဆင်ပြေစေဖို့အင်္ကျီတွေကိုပြင်ဆင်ပေးခဲ့ရသူပါ။“အဂ်လန်မှာနေကတည်းကသူကစက်ချုပ်စာအုပ်တွေလေ့လာတော့စက်လည်းချုပ်တတ်တယ်။စက်ချုပ်ရော၊လက်ချုပ်ရောတတ်တယ်။သူကစာဖတ်တတ်ရင်ဘာမဆိုလုပ်တတ်တယ်လို့ခံယူထားတယ်။အဲဒီတော့အချက်အပြုတ်လည်းစာအုပ်တွေဖတ်တော့တတ်တာပဲ။အန်တီကသူ့ကိုလက်ဆောင်ပေးတဲ့အင်္ကျီတွေကိုပြန်ညှိပေးရတယ်။သူနဲ့အဆင်ပြေအောင်ပေါ့”ဟုနေအိမ်အကျယ်ချုပ်ကျစဉ်အချိန်များကိုပြန်လည်အောက်မေ့ရင်းပြောပြနေပါတယ်။

“အန်တီကစကော့ဈေးသွားပြီးဒီဇိုင်းပြရတယ်။ဒီဇိုင်းကလည်းသူကိုယ်တိုင်ဆွဲတာ။ဒေါ်စုရဲ့ဒီဇိုင်နာဘယ်သူလဲလို့မေးရင်ဒေါ်စုပဲ။သူကိုချစ်တဲ့သူတွေကချုပ်ပေးချင်တယ်ဆိုရင်တော့အန်တီကသူရဲ့အင်္ကျီကိုယ်တိုင်းလေးတွေပေးလိုက်တယ်။အန်တီကအင်္ကျီပဲရွေးပေးရတယ်။ရာသီဥတုကိုကြည့်ပြီးရွေးပေးရတာပေါ့၊တစ်ခါတစ်ခါလက်ရှည်ရွေးပေးရင်နေကပူတော့သူကအ၀င်းဒီနေ့အိုက်တာရွေးရင်တော့နေပူတော့မှာပဲလို့လည်းနောက်သေးတယ်။ရက်တောအမှုကိစ္စတုန်းကဆိုခဏဆိုပြီးလာခေါ်သွားတာ၊နောက်မှအကြာကြီးဆိုတော့အင်္ကျီတွေပြန်ယူပြီးအဲဒီထဲမှာပဲအဆင်ပြေအောင်ဝတ်ဖို့အန်တီကပဲစီစဉ်ပေးခဲ့ရတယ်။”အမေရိကန်နိုင်ငံသားဂျွန်ရက်တောဒေါ်အောင်ဆန်းစုကြည်နေအိမ်တွင်းသို့ဝင်ရောက်လာမှုနဲ့ပက်သက်ပြီးဒေါ်အောင်ဆန်းစုကြည်အမှုရင်ဆိုင်နေရချိန်မှာပင်သူမရဲ့တိကျသေချာတဲ့ဝတ်စားဆင်ယင်မှုတွေကိုလူတော်တော်များများကသတိထားမိလာပါတယ်။

ဒေါ်အောင်ဆန်းစုကြည်ရဲ့ဖက်ရှင်ဒီဇိုင်းနာရယ်လို့သီးသန့်ခန့်ထားခြင်းမရှိဘဲသူမကိုချစ်ခင်လေးစားတဲ့သူတွေကသူမအတွက်အမှတ်တရချုပ်လုပ်ပေးကြတာများတယ်လို့ဒေါ်ခင်ခင်ဝင်းကဆိုပါတယ်။ဒေါ်အောင်ဆန်းစုကြည်ကသူမရဲ့ကျစ်လစ်သွယ်လျတဲ့ခန္ဒာကိုယ်အရွယ်အစားကိုလည်းထိန်းထားတတ်ပါတယ်။သူကအင်္ကျီအ၀တ်အစားတွေကိုအချိုးအစားတစ်စိုက်မတ်မတ်ပဲထားရှိပြီးသူရဲ့ခန္ဒာကိုယ်ကိုပဲထိန်းသိမ်းမယ်လို့ခံယူထားတယ်လို့သိရပါတယ်။“သူကကျန်းမာရေးအတွက်မနက်တိုင်းပုံမှန်လမ်းလျှောက်တယ်။လမ်းလျှောက်တာလုပ်တာအေရိုးပစ်လုပ်တယ်တို့ဆိုတာမဟုတ်ဘူးစားသောက်မှုစနစ်တကျလုပ်တယ်။စားသောက်တာမှာအင်မတန်စိတ်ထိန်းပြီးစားနိုင်တယ်။စားသင့်သလောက်ပဲစားတယ်။ပိုမစားဘူး။အရသာနောက်ကိုမလိုက်ဘူး။။ထမင်းဆိုအချိန်နဲ့စားတယ်။ကျန်းမာရေးအတိုင်းစနစ်တကျစားတယ်။အသီးအရွက်များများစားတယ်။ထမင်းဆိုလျော့စားတယ်။အသားဆိုရင်လည်းစနစ်တကျပဲ၊ဘာအသားစားချင်တယ်လို့မရှိဘူး။လွန်ကဲတဲ့အစားအသောက်တွေအဆီအဆိမ့်တွေမစားဘူး။သူကစနစ်တကျလုပ်လို့ကျန်းမာရေးအတွက်အထောက်အကူရတယ်။အဆီပိုတွေမရှိဘူး။အချိန်မှန်မှန်လည်းတရားထိုင်တဲ့အတွက်စိတ်ကျန်းမာခြင်းပြည့်စုံတယ်။သည်းခံစိတ်ရှည်တဲ့စိတ်တွေဖြစ်လာတယ်။အချိန်အပိုမဖြုန်းတတ်ဘူး။ကျန်းမာရေးလမ်းလျှောက်ရင်းနဲ့စာဖတ်တယ်။”ဟုစနစ်တကျစားသောက်တတ်ပုံနဲ့လေ့ကျင့်ခန်းလုပ်တဲ့အလေ့အထကိုလည်းဒေါ်ခင်ခင်ဝင်းကပြောပြပါတယ်။

ညအိပ်ရာဝင်တဲ့အခါမှာတော့ဒေါ်အောင်ဆန်းစုကြည်ကကျန်းမာရေးနဲ့ညီညွှတ်တဲ့ညအိပ်ဝတ်အင်္ကျီတွေကိုဝတ်လေ့ရှိတယ်လို့ဒေါ်ခင်ခင်ဝင်းပြောပြချက်အရသိရပါတယ်။လက်ဝတ်ရတနာတွေမှာဆိုရင်ဖြင့်များသောအားဖြင့်ရွှေနှင့်ပုလဲကိုအမြတ်တနိုးဆင်မြန်းတတ်ပြီးပုလဲကိုပိုကြိုက်နှစ်သက်တယ်လို့သိရပါတယ်။ဖိနပ်တွေကိုတော့အရင်ကပိတ်သားဖိနပ်အပါးလေးတွေသာဝတ်တတ်ပေမယ့်အခုနောက်ပိုင်းမှာတော့ဖိနပ်အမြင့်တွေနဲ့တစ်ခါတစ်ရံလေဒီရှူးလိုဖိနပ်မျိုးကိုလည်းဝတ်လာတာတွေ့ရပါတယ်။အရင်ကခြုံပုဝါကိုရိုးရိုးရှေ့ချ၍သာခြုံလေ့ရှိပေမယ့်အခုနောက်ပိုင်းစလွယ်ခြုံလာတဲ့ပုံစံကိုလည်းမြန်မာအမျိုးသမီးအချို့အတုယူနေကြတာကိုလည်းတွေ့ရပါတယ်။

ဒေါ်အောင်ဆန်းစုကြည်ရဲ့လက်ရှိမြန်မာဆန်လှတဲ့ဖက်ရှင်တွေကိုပြောလျှင်ဖြင့်အချို့သောသူများက (၁၉၈၈)မတိုင်မီပြည်ပမှာနေထိုင်ခဲ့စဉ်ကဒေါ်အောင်ဆန်းစုကြည်ရဲ့ဝတ်စားဆင်ယင်တဲ့ပုံစံတွေနဲ့ကွာခြားနေတယ်လို့ထောက်ပြပြောဆိုတာတွေရှိလာကြပါတယ်။အဲဒီကာလများကလည်းဒေါ်အောင်ဆန်းစုကြည်ကမြန်မာ့ယဉ်ကျေးမှုနဲ့အမြင်မတင့်တယ်တဲ့ဝတ်စားဆင်ယင်မှုတွေကိုဝတ်လေ့မရှိဘဲမိခင်ဖြစ်သူသွန်သင်ထားတဲ့အတိုင်းမြန်မာ့ယဉ်ကျေးမှုနဲ့ကိုက်ညီတဲ့ဝတ်စားဆင်ယင်မှုနဲ့သာနေထိုင်ခဲ့တာဖြစ်တယ်လို့ဒေါ်ခင်ခင်ဝင်းကပြောပါတယ်။ခင်ပွန်းဖြစ်သူမိုက်ကယ်အဲရစ်မကွယ်လွန်ခင်မှာဒေါ်အောင်ဆန်းစုကြည်ကသူ့ရဲ့သားတွေဖြစ်တဲ့တို့ကိုမြန်မာ့ယဉ်ကျေးမှုနှင့်အညီရှင်ပြုပေးခဲ့တဲ့ဓာတ်ပုံမှတ်တမ်းများကဒေါ်အောင်ဆန်းစုကြည်ရဲ့မြန်မာ့ယဉ်ကျေးမှုဓလေ့စရိုက်တွေအပေါ်တန်ဖိုးထားမှုကိုဖော်ပြနေပါတယ်။

ဒေါ်အောင်ဆန်းစုကြည်ဟာမြန်မာဆန်တယ်။ကဗျာဆန်သလိုမဟာလည်းဆန်ပါတယ်။ငယ်စဉ်တောင်ကျေးကလေးဘ၀ကတည်းကသူ့ဟန်ပန်၊သူ့ဖက်ရှင်ဟာမြန်မာမှုနဲ့ဘယ်အခါမှသွေဖီလို့မသွားခဲ့။(၁၉၈၈)ခုနှစ်မတိုင်မီကပြည်ပမှာကာလရှည်ကြာနေထိုင်ခဲ့ရပေမယ့်လည်းသူမရဲ့အနေအထိုင်ကျစ်လစ်တဲ့ဆင်ယင်ထုံးဖွဲ့မှုကမြန်မာအမျိုးသမီးတွေရဲ့နှုန်းစံအတိုင်းဖြစ်ခဲ့ပါတယ်။အခုနိုင်ငံရေးခေါင်းဆောင်ဘ၀မှာလည်းသူမရဲ့ဖက်ရှင်ဟာအသွင်သစ်နဲ့အမြင်တင့်လျှက်ရှိနေတာကိုတစေ့တစောင်းစေ့ငုတင်ပြလိုက်ခြင်းဖြစ်ပါတယ်။

စောဖိုးခွား(လျှပ်တစ်ပြက်သတင်းဂျာနယ်မှ)

Saw Phoe Kwar