တရုတ်အရေး ရတက်မအေး
(အောင်ဟိန်း- မုံရွာ)
“နောင် အနှစ် ငါးဆယ်လောက်မှာ အရှေ့တောင်အာရှနိုင်ငံတော်တော်များများ တရုတ်တော်လှန်ရေး လုပ်ကြ လိမ့်မယ်ထင်တယ်လို့” လွန်ခဲ့တဲ့ နှစ်နှစ်လောက်က လုပ်ဖော်ကိုင်ဖက်တဦးနဲ့ ပြောဖူးတယ်။ သူက “အခုကို ဖြစ်တော့မှာလို့ ထင်ကြေးပေးပြန်တယ်။” သူ့အဆိုက အခုကိုပဲ မှန်မလိုလို ဖြစ်နေပြီ။
မနေ့တနေ့က ဖြစ်သွားတဲ့ ဗီယက်နမ်နိုင်ငံမှာရှိတဲ့ တရုတ်လူမျိုးပိုင် စက်ရုံတွေကို ဌာနေတိုင်းရင်းသား ဗီယက်နမ်နိုင်ငံသားတွေက မီးရှို့ ဖျက်ဆီးပစ်ခဲ့ကြတယ်။ အဲဒီမှာ တရုတ်နှစ်ဦးသေတယ်။ ထောင်နဲ့ချီတဲ့ တရုတ်တွေကို သင်္ဘောနဲ့ ပြန်ခေါ်ခဲ့ရတယ်။ တချို့ဟာ အိမ်နီးချင်း ကမ္ဘောဒီးယားနိုင်ငံထဲကို ထွက်ပြေးခဲ့ကြရတယ်။ ဒီ အကြမ်းဖက်မှုတွေဟာ တောင်တရုတ်ပင်လယ်မှာ တရုတ်၊ ဗီယက်နမ် ပိုင်ဆိုင်မှုအငြင်းပွားနေဆဲ ကျွန်းစုတွေပေါ်မှာ တရုတ်က လက်ဦးမှုယူပြီး ရေနံတူးဖော်ရေးလုပ်ငန်းတွေ လုပ်ဆောင်ရာကနေ စခဲ့တာပါ။ ဒီ ကျွန်းစုပိုင်ဆိုင်မှု အငြင်းပွားနေတာတွေဟာ ဂျပန်၊ တောင်ကိုရီးယား၊ ဖိလစ်ပိုင်စတဲ့နိုင်ငံတွေနဲ့လည်း ဖြစ်ပွားနေဆဲပါပဲ။ ဖိလစ်ပိုင်ကျွန်းစုတွေအနီးမှာလည်း တရုတ်ငါးဖမ်းသင်္ဘောတွေ ၀င်ရောက် ငါးဖမ်းလေ့ရှိတဲ့အတွက် မကြာခဏ တင်းမာနေတာတွေရှိပါတယ်။ အရင်ကဆိုရင် ထိုင်ဝမ်ရေလက်ကြားမှာလည်း မကြာခဏအငြင်းပွားတာတွေ ရှိပါတယ်။ ဒီအကြမ်းဖက်မှုတွေဟာ လတ်တလော ကျွန်းစုပိုင်ဆိုင်မှုတွေက စခဲ့တယ်ဆိုပေမယ့် နှစ်ကာလကြာရှည် ကိန်းအောင်းနေတဲ့ တရုတ်မလိုလားမှုတွေက မီးလောင်ရာလေပင့်ဆိုသလို ဖြစ်သွားတယ်လို့ ယူဆစရာတွေ ရှိပါတယ်။
မြန်မာ၊ ထိုင်း၊ ဗီယက်နမ်၊ လော၊ ကမ္ဘောဒီးယား၊ အင်ဒိုနီးရှား၊ မလေးရှား စတဲ့နိုင်ငံတွေမှာ တရုတ်တွေဟာ တဖြည်းဖြည်းနဲ့ လူဦးရေရော ဓနအင်အားနဲ့ပါ အဲဒီနိုင်ငံတွေရဲ့ လူမှုစီးပွားဘ၀တွေကို လွှမ်းမိုးချယ်လှယ်လာတာတွေ့ရပါတယ်။ မလေး၊ အင်ဒို စတဲ့ နိုင်ငံသားတချို့ဟာလည်း တရုတ်မုန်းတီးရေး စိတ်ရှိတာတွေ့ရပါတယ်။ တရုတ်ပြည်မကြီး ကိုယ်နှိုက်ကလည်း အိမ်နီးချင်း နိုင်ငံငယ်တွေဖြစ်တဲ့ မြန်မာ၊ လော၊ ဗီယက်နမ် စတဲ့နိုင်ငံတွေအပေါ်မှာ ငဲ့ညာစဉ်းစားလေ့မရှိပဲ၊ သူ့ရဲ့ အကျိုးစီးပွားကိုသာ ရှေ့တန်းတင်လေ့ရှိပါတယ်။
လက်တွေ့ ဥပမာ ပြရရင်- မဲခေါင်မြစ်ညာမှာ တရုတ်က ရေကာတာအများအပြား တည်ဆောက်နေတဲ့အတွက် မြစ်ကြေမှာ ရှိကြတဲ့ ထိုင်း၊ လော၊ ဗီယက်နမ်၊ ကမ္ဘောဒီးယား စတဲ့ မဲခေါင်မြစ်ရေကို မှီခိုနေရတဲ့ နိုင်ငံတွေဟာ နှစ်စဉ် ရေကြီးရေလျှံမှုတွေ၊ မြစ်ရေသောက်နိုင်တဲ့ လယ်မြေပမာဏ နည်းသထက်နည်းလာတာတွေ စတာတွေကို အဓိက ရင်ဆိုင်နေကြရပါတယ်။ တခြားတခြားသော မြစ်ရေနည်းလာတာတွေ၊ ငါးမျိုးစိတ်တွေတုံးလာတွေ၊ ဂေဟစနစ်ယိုယွင်းလာတွေလည်း ကြုံတွေ့နေရတဲ့အတွက် သက်ဆိုင်ရာအစိုးရတွေဟာ စိုးရိမ်နေကြရပါတယ်။ ဒီလို စိုးရိမ်မှုတွေဟာ မြစ်ညာမှာရှိတဲ့ တရုတ်ရဲ့ သူ့အကျိုးစီးပွားရှေ့တန်းတင်မှုကြောင့်လို ဆိုရင် မှားမယ်မထင်ပါဘူး။ နောက် တရုတ်အစိုးရဟာ ရေကာတာတည်ဆောက်တာတင်မက ဒီ မဲခေါင်မြစ်ကြောင်းတလျှောက် ရောင်းဝယ်ဖောက်ကားမှုတွေကိုလည်း လက်ဝါးကြီးအုပ်ဖို့ ကြိုးစားနေတာတွေ ရှိပါတယ်။ မြစ်ကြောင်းတလျှောက်မှာ ရှိတဲ့နိုင်ငံတွေမှာလည်း တရုတ်ကုန်စည်တွေသာ လွှမ်းမိုးနေတာတွေ့ရပါတယ်။
မြန်မာနိုင်ငံတွင်းမှာလည်း တရုတ်လူဦးရေတိုးပွားမှုဟာ ကြောက်ခမန်းလိလိပါပဲ။ နယ်စပ်ခြံစည်းရိုးကနေ ခိုးဝင်လာတာတွေ၊ လူမှောင်ခိုသွင်းတာတွေကြောင့် မြန်မာစကားတလုံးမှ မတတ်ပဲ မြန်မာ့နှလုံးသားလို့ ဆိုရမယ့် မန္တလေးရွှေမြို့တော်ရဲ့ မြို့လည်ခေါင်မှာ အခန့်သားဝင်နေရာယူနေကြတာတွေဟာ အားလုံးမျက်မြင်ပါပဲ။ အာဏာသိမ်းစစ်အစိုးရရဲ့ အားနည်းချက်ကိုနင်းပြီး ကျောက်ဖြူ -ကူမင်း ဂက်စ်ပိုက်လိုင်းတည်ဆောက်တာတွေ (ဒီ ဂက်စ်ပိုက်လိုင်းဖောက်တဲ့ လမ်းတလျှောက်မှာရှိတဲ့ လယ်သမားတွေဟာ ထိုက်တန်တဲ့လျှော်ကြေးမရခဲ့တာတွေ)၊ ဒေသခံရွာသူရွာသားတွေရဲ့ အနာဂါတ်ရေရှည် နစ်နာဆုံးရှုံးမှုတွေကို ထည့်မစဉ်းစားပဲ မြန်မာစစ်ဗိုလ်ချုပ်တွေပိုင်တဲ့ ဦးပိုင်ကုမ္ပဏီနဲ့ လက်ဝါးချင်းရိုက်ပြီး မြန်မာ့သယံဇာတကို အငမ်းမရလိုက်ဟပ်တဲ့ လက်ပံတောင်းကြေးနီစီမံကိန်းလိုမျိုးဟာတွေ၊ မြန်မာတွေရဲ့ ပင်မအသက်သွေးကြောကြီးဖြစ်တဲ့ ဧရာဝတီမြစ်ဖျားက မြစ်ဆုံရေကာတာစီမံကိန်း (ပြည်သူလူထုတရပ်လုံး ညီညီညွတ်ညွတ်ကန့်ကွက်မှုကြောင့် အရပ်သားစစ်သားတပိုင်းအစိုးရက သူ့သက်တမ်းမှာ ရပ်ဆိုင်းထားရတဲ့ တရုတ်အကျိုးအမြတ်သာ များတဲ့ စီမံကိန်း)၊ စတာတွေဟာ တရုတ်အစိုးရက အိမ်နီးချင်းပြည်သူတွေရဲ့ အကျိုးကို မငဲ့ညာပဲ အတ္တကြီးကြီးနဲ့ “ဘယ်သူသေသေ ငတေမာရင် ပြီးရော” ဆိုတဲ့ အကျိုးစီးပွားရှေ့တန်းတင်မှု တွေဟာ ရေရှည်မှာ တရုတ်မုန်းတီးရေးစိတ်တွေကို ပွားစေပါတယ်။
ဗီယက်နမ်က တရုတ်ဆန့်ကျင်ရေးတွေ၊ ဖိလစ်ပိုင်ကျွန်းစုတွေ သူပိုင်ကိုယ်ပိုင် အငြင်းပွားမှုတွေ၊ လက်ပံတောင်းတောင်က ၀မ်ပေါင်အလိုမရှိ ကြွေးကြော်သံတွေဟာ နေမထွက်ခင် အာရုဏ်လာသလို အရှေ့တောင်အာရှနိုင်ငံတွေရဲ့ တရုတ်တော်လှန်ရေး နိမိတ်များလား အောက်မေ့မိပါတယ်။
ဒီလို တရုတ်ရဲ့ ဒေသတွင်း ကြီးစိုးရေး လုပ်ဆောင်ချက်တွေကြောင့် အရှေ့တောင်အာရှ နိုင်ငံတချို့ဟာ အမေရိကန်ဖက်ကို အလိုလို ယိမ်းလာရတော့တာပါပဲ။ ဒီလိုမှ ကျားကန်မထားရင်လည်း ထင်တိုင်းကြဲလာမှာလည်း စိုးရိမ်ရသေးတာကိုး။ အခုတော့ တရုတ်ကို တန်ပြန်ဖို့အတွက် စစ်ရေးမဟာမိတ်ဖွဲ့တာတွေ မလုပ်ဖို့ တရုတ်သမ္မတ ကိုယ်တိုင်ပြောလာရပါပြီ။ ဒီလို ပြောလာရတာဟာ ကောင်းတဲ့ လက္ခဏာမဟုတ်ပါဘူး။ ဒီလို ရန်လိုသယောင်ယောင်၊ ခြိမ်းခြောက်သလိုလို ပြောဆိုမယ့်အစား ဒေသတွင်းတည်ငြိမ်ရေးကို အင်အားကြီးနိုင်ငံပီပီ ဦးစီးဦးရွက်နဲ့ လုပ်သင့်တာပါ။ မိမိအတ္တသာ ဆက်ပြီး ရှေ့တန်းတင်နေမယ်ဆိုရင်တော့ နေမြင့်လေအရူးရင့်လေ ဆိုသလို ကြာလေ ရတက်မအေးစရာဖြစ်လေပါပဲ။ ။
အောင်ဟိန်း (မုံရွာ)
(၂၁) ရက်၊ မေလ၊ ၂၀၁၄။
ကိုးကား ။ ။ ဘီဘီစီသတင်းများ။
အမ်အာစီ (မဲခေါင်မြစ်ဝှမ်းကော်မတီ ၀က်ဘ်ဆိုက်ဒ်။
No comments:
Post a Comment
မိတ်ဆွေ...အချိန်လေးရရင် blogg မှာစာလာဖတ်ပါနော်
ဗဟုသုတ ရနိုင်တယ်။