((သမိုင်းဆိုတာ မေ့ပစ်ဖို့မဟုတ်ဘူး...။ ဖုံးကွယ်ဖျောက်ပစ်လို့ရတဲ့ အရာမဟုတ်ဘူး... ဆိုတာ သိသွားပါလေစ....။ သူမသိခဲ့ရင်လည်း သူ့နောက် လက်ဝေခံ တွေရော သိပါလေစ....??))

 

Ko Nay Myo

“သေနတ်ဆိုတာ မိုးပေါ်ထောင်ပစ်ဖို့ မဟုတ်ဘူး..။ ပစ်ရင် တည့်တည့် ပစ်မှာ...”(နေ၀င်း)
((သမိုင်းဆိုတာ မေ့ပစ်ဖို့မဟုတ်ဘူး...။ ဖုံးကွယ်ဖျောက်ပစ်လို့ရတဲ့ အရာမဟုတ်ဘူး... ဆိုတာ သိသွားပါလေစ....။ သူမသိခဲ့ရင်လည်း သူ့နောက် လက်ဝေခံ တွေရော သိပါလေစ....??))
တပ်မတော်က နိုင်ငံတော် အာဏာအဝဝကို ယနေ့မှ စ၍ လွှဲပြောင်း ယူလိုက် ပါသည်..။ ငြိမ်/ပိ အဖွဲ့ဝင် ၁၉ ဦး၏ အမည်များကို ရေဒီယိုမှ ကြေညာသည်..။ ထိုအထဲတွင် စစ်တိုင်းကြီး ၉ တိုင်းမှ တိုင်းမှူးများအားလုံး အပြင် ကြည်း၊ ရေ၊ လေမှ အချို့ စစ်ဘက် အရာရှိကြီးများ ပါဝင် ကြသည်..။ ငြိမ်/ပိ ဒု ဥက္ကဋ္ဌမှာ ဒုတိယ ကာကွယ်ရေး ဦးစီးချုပ် ဗိုလ်ချုပ် သန်းရွှေ ဖြစ်ပြီး အတွင်းရေးမှူးမှာ တပ်မတော် ထောက်လှမ်းရေး ညွှန်ကြားရေးမှူးချုပ် ခင်ညွှန့် ...ဖြစ်သည်..။

မီးသင်္ဂြိုဟ် စက်၏ အပြင်ဘက်တွင် အလောင်းများ စုပုံ ထားသည်ကို တွေ့ရသည်..။ ကျန်ရစ် သူများက သူတို့နှင့် ပတ်သက်သည့် အလောင်း များကို ရှာဖွေ နေကြသည်..။ အလောင်း များစွာ၏ မျက်နှာ များအား မည်သူ မည်ဝါ ဖြစ်မှန်း ခွဲခြား၍ မရ နိုင်အောင် ထုနှက် ဖျက်ဆီး ထားသည်ကို တွေ့မြင် ခဲ့ရသည်..။ သေဆုံး သွားခဲ့သူ အချို့၌ ကျောင်းစိမ်း ပုဆိုးများ ဝတ်ဆင် ထားသည်ကို တွေ့ရသည်..။
"ကြံတောသို့ ရောက်လာသည့် အလောင်း များတွင် မသေသေး သူများလည်း ပါသည်..။ ထို သူများကို စစ်သားများက ပစ်သတ်ကာ အခြား အလောင်း များဖြင့် ရောနှော သင်္ဂြိုဟ် ခဲ့ကြသည်..။ ပစ်သတ် ခံရသူ များ၏ အော်ဟစ် ငြီးငြူသံ များကို အတိုင်းသား ကြားနေ ရကြောင်း ကြံတော သင်္ချိုင်းမှ သက်သေ တချို့က ပြောပြသည်...။"
ရန်ကုန် ဆေးရုံကြီးတွင် သေနတ် ဒဏ်ရာကြောင့် ခြေထောက်နှင့် လက် ကျိုးပြတ် နေသူများ၊ ရင်အုံတွင် ကျည်ဆံ ထိမှန် ထားသူ များကို သူမ ကိုယ်တိုင် တွေ့မြင် ခဲ့ရသည်..။ အရေးပေါ် ဌာနတွင် သေနတ် ဒဏ်ရာ ရရှိ ထားသော လူနာ များမှာ ကုတင် ပေါ်၌ လူးလှိမ့် နေကြပြီး သွေးများ ကြမ်းပြင်ပေါ်သို့ အိုင်ထွန်း ကျလျက် ရှိသည်..။ လွန်ခဲ့သည့် အချိန်က သွေးလှူရှင်များ လှူဒါန်းမှုကြောင့် သွေးများ အလျှံပယ် ရှိခဲ့ သော်လည်း ယခုချိန်တွင် သွေးများ ပြတ်လု နီးပါး ဖြစ်နေသည်..။ ရင်ခွဲရုံ တွင်လည်း နေရာ မဆန့် တော့ပေ..။ "ရေခဲတိုက် ထဲမှာ ဖရိုဖရဲ စုပုံ ထားတဲ့ အလောင်း သုံးဆယ်ကို ကျွန်မ ကိုယ်တိုင် တွေ့ခဲ့ ရတယ်...။ အလောင်း တလောင်း ဆိုရင် ခေါင်း မရှိ တော့ဘူး..။ ၁၀ နှစ် အရွယ် ကလေး တစ်ယောက်ရဲ့ နှာဖူး အလယ် တည့်တည့်မှာ ကျည်ဆံပေါက် တစ်ပေါက် ကိုလည်း တွေ့ရတယ်" ဟု အောက်တိုဘာလ ၃ ရက်နေ့ထုတ် နယူးစ်ဝ်ခ် မဂ္ဂဇင်း၌ မီလင်ဒါ လီယူ (Melinda Liu) က သူမ၏ မျက်နှာဖုံး သတင်းတွင် ရေးသား ခဲ့သည်..။
တနင်္လာ နေ့တွင် ကြည့်မြင်တိုင်၌ အသက် ၁၃ နှစ်၊ ၁၄ နှစ် ဝန်းကျင်ရှိ ဆန္ဒပြ ကျောင်းသူ တစ်စုကို စစ်သားများက ပစ်ခတ် ခဲ့ကြကြောင်း အနောက်တိုင်း သံတမန် တစ်ဦးက ပြောကြား ခဲ့သည်...။
"ဖြစ်ပျက် နေတဲ့ ကိစ္စ တွေဟာ အတော်ကို ရှက်စရာ ကောင်းပါတယ်..။ ဒီအတွက် စကားလုံးတောင် ရှာမတွေ့ နိုင်အောင် ပါပဲ..။ လူတစုဟာ သူတို့ အာဏာ တည်မြဲရေး အတွက် ကျောင်းသား ကျောင်းသူ လေးတွေနဲ့ လက်နက်မဲ့ ဆန္ဒပြ သူတွေကို သတ်ဖြတ်ဖို့ ဝန်မလေး ခဲ့ကြဘူး..။ ဒါဟာ အာဏာ သိမ်းတာ မဟုတ်ဘူး..။ သူတို့က အာဏာကို ဆုပ်ကိုင် ထားပြီး တိုင်းပြည်ကို အုပ်ချုပ် နေမှတော့ အာဏာ သိမ်းတယ် ဆိုတာ ဖြစ်နိုင် ပါအုံး မလား" ဟူ၍ ထို သံတမန်က ဆက်၍ ပြောပြသည်...။
Kyaw Naing ရေးသော အခန်း(၆) နိုင်ငံတော် ငြိမ်/ပိ အပိုင်း(၁)..မှ..