ပလိုင်းပေါက်နဲ့ ဖားမကောက်စေလိုပါ

 

Burmese Treasure

ပလိုင်းပေါက်နဲ့ ဖားမကောက်စေလိုပါ

ဇူလိုင်လ ၂၃ ရက်နေ့က နိုင်ငံတော်သမ္မတအမိန့်နဲ့ အကျဉ်းထောင်အသီးသီးမှ အကျဉ်းသား (၇၃)ဦးအား လွတ်ငြိမ်းချမ်းသာခွင့်နဲ့ လွှတ်ပေးခဲ့ပါတယ်။ သမ္မတ ဦးသိန်းစိန် သွားခဲ့တဲ့ ဗြိတိန်နဲ့ပြင်သစ်ခရီးစဉ်မှာ နိုင်ငံရေးအကျဉ်း သားတွေအကုန်လုံး လွှတ်ပေးပါမယ်လို့ ကတိပြုထားတဲ့ အတိုင်း လွှတ်ပေးခဲ့တာဖြစ် ပါတယ်။ နိုင်ငံတော် သမ္မတကြီးရဲ့ စေတနာ၊ပွင့်လင်းမြင်သာမှု၊ ရိုးသားမှုတွေနဲ့ အတိုက်အခံနိုင်ငံရေး သမားတွေ အပေါ်ထားရှိတဲ့စိတ်ဓာတ်ဟာ တကယ့်ကို လေးစားဖွယ်ကောင်းပါတယ်။ မတူတာတွေကို ညှိနှိုင်း တူတာတွေကို လက်တွဲလုပ်မယ် လို့ကြွေးကြော်ထားတဲ့ အတိုင်း ပဲ လုပ်ဆောင်နေတာဟာဖြင့် နိုင်ငံတော်သစ်အတွက် အားရကျေနပ် ဖွယ်ကောင်းလှပါတယ်။

ဗမာစကားပုံမှာ ဆွမ်း ဆန်ထဲကြက်ချေးရော ဆိုသလိုပါပဲ။ သမ္မတကြီးရဲ့မေတ္တာ ၊စေတနာထား ရှိမှု ဟာ တစ်စုံ တစ်ရာအတိုင်းအတာအထိကောင်းကျိုးပေးခဲ့ပေမယ့် မထင်မှတ်တဲ့ ဆိုးကျိုးတွေဖြစ် လာတာရှိနေ ပါတယ်။ အဲဒါတွေ ကတော့ လွှတ်ပေး လိုက်တဲ့ အထဲမှာ နိုင်ငံရေး အကျဉ်းသားတွေ ချည်းမဟုတ်ဘဲ ပြစ်ဒဏ်ကျ အကျဉ်းသားတွေပါ ပါနေပါ တယ်။ မူးယစ်ဆေးဝါး အမှုကြီးတွေ ကျူးလွန်ပြီး သေဒဏ် ဒါမှမဟုတ် ထောင်ဒဏ် တစ်သက်တစ်ကျွန်း ကျခံထားရတဲ့ မူးယစ်ဆေးဝါး တရားခံတွေကို လွှတ်ပေးလိုက်တာဖြင့် စေတနာဖြစ်မ လာဘဲ ဝေဒနာဖြစ် လာစေခဲ့ ပါတယ်။

အရင်တုန်းက ခွန်ဆာရဲ့ MTA မှာ ဗျူဟာမှူးအဆင့်ရှိပြီး မူးယစ်ဆေးဝါးနဲ့ စိတ်ကြွရူး သွပ်ဆေးပြားတွေ၊ ဘိန်းဖြူတွေ၊ လက်နက်ရောင်းဝယ်မှုတွေ၊ လူသတ်မှုတွေ ကျူးလွန်လို့ ဖမ်းဆီးထောင်ချထားတဲ့ တရားခံ တစ်ဦးဖြစ်သူ ရန်အားဟုန်လဲ ဇူလိုင်လ ၂၃ ရက်နေ့က လွတ်မြောက် ထဲမှာ ပါဝင်ခဲ့ပါတယ်။ ရန်အားဟုန် ကို ၂၀၀၅ခုနှစ်၊ ဒီဇင်ဘာလ ၂၅ ရက်နေ့မှာ သူ့ရဲ့နေအိမ်ကနေ စိတ်ကြွဆေးပြား ၁၀ဒသမ ၃၈ သိန်း ပြားနှင့်အတူ ဖမ်းဆီးရမိခဲ့တာဖြစ်ပါတယ်။ တရားမ၀င် လက်နက်ကိုင်ဆောင်မှု၊ လူသတ်မှု၊ ဘိန်းဖြူ လက်ဝယ်ထားရှိမှုနဲ့ ဖမ်းမိခဲ့တာဖြစ်ပါတယ်။ ဒီအမှုတွေဟာ တကယ့်ကို ကြီးမားတဲ့ပြစ်မှုတွေဖြစ်ပြီး တရားခံပြန် လွှတ်ပေးလိုက်ခြင်းအားဖြင့် အသတ်ခံလိုက်ရတဲ့ဆွေမျိုးအသိုင်း အ၀ိုင်းကလဲ အလွန်ပဲ မကျေမနပ်ဖြစ်နေကြပါတယ်။ ဒီလိုမျိုးသာ နိုင်ငံရေး သမားတွေအတူ ရောယောင်ပြီး လူသတ်မှု၊ မူးယစ်ဆေးဝါးအမှု ကျူးလွန် သူတွေကို ပြန်လွှတ်ပေးနေတာဟာ တရားဥပဒေစိုးမိုးရေးကို လွန်စွာထိ ခိုက်နိုင်တယ် လို့ တောင်ကြီး မြို့ က ရှေ့နေတစ်ဦးပြောဆိုပါ တယ်။

၂၀၁၂ ခုနှစ်၊ ဇန်န၀ါရီ(၃)ရက်နေ့မှာလည်း နိုင်ငံရေး အကျဉ်းသား(၇)ဦး ကို ပြန်လွှတ်ပေးလိုက်ရာ မှာလဲ ၀ပြည်သွေးစည်းညီညွတ်ရေးပါတီက ထိပ်တန်းခေါင်းဆောင်တစ်ဦးဖြစ်တဲ့ အိုက်ပန်းဆိုသူ ပါဝင်ခဲ့တဲ့ အတွက် မူးယစ်ဆေးဝါးတိုက်ဖျက်ရေးမှာ အလွန်ပဲအခက်အခဲဖြစ်စေခဲ့တယ် လို့ မြန်မာ .နိုင်ငံ မူးယစ်ဆေး ၀ါးဆန့်ကျင်တိုက်ဖျက် ရေးအသင်းက လူကြီးတစ်ဦးက ပြောဆိုခဲ့ပါတယ်။


အိုက်ပန်းကို ၂၀၀၅ခုနှစ်၊ စက်တင်ဘာလတုန်းက ရှမ်းပြည်နယ်အရှေ့ပိုင်း မိုင်းပြင်းမြို့နယ် မှာ ဘိန်းဖြူ ဘလောက်တုံး ၉၈၉တုံး၊ အလေးချိန် ၄၉၄ဒသမ၅ ကီလို၊ ဘိန်းစိမ်း ဒသမ၀.၅ကီလို၊ ဘိန်းမျိုးစေ့ ၉ဒသမ ၂ကီလို လက်နက် ခဲယမ်းမျိုးစုံနဲ့ ဖမ်းဆီးရမိခဲ့တာဖြစ်ပါတယ်။ သူရဲ့ပြစ်မှုတွေ ဟာများပြားလွန်းတဲ့အတွက် တရားရုံးက သေဒဏ်ချမှတ်ခဲ့သူဖြစ်ပါတယ်။တကယ်တော့ မူးယစ်ဆေးဝါး ပပျောက်ရေးအတွက် နိုင် ငံတော်အနေနဲ့ စီမံကိန်းတွေ ချမှတ်လုပ်ဆောင်နေရာမှာ ငွေကြေးအရင်းအနှီး၊ လူသားအရင်း အနှီးတွေ များစွာ ပေးဆပ် လုပ်ဆောင် နေ ရခြင်း ဖြစ်ပါတယ်။

မူးယစ်ဆေးဝါးတရားခံတစ်ဦးကို လွယ်လွယ်ကူကူ ကြက်ကလေးငှက်ကလေး ဖမ်းသလိုမျိုး ဖမ်းလို့ရခဲ့တာ မဟုတ်ပါဘူး။ သက်စွန့်ဆံဖျားဖမ်းဆီး အရေးယူခဲ့ရ တာဖြစ်ပါ တယ်။ ပြန်လွှတ်ပေး လိုက်တဲ့အခါကျတော့ အရမ်းကို လွယ်ကူလွန်း လှပါတယ်။ ဒီလိုသာ အလွယ်တကူပြန်လည် လွှတ်ပေးနေမယ်ဆိုရင်ဖြင့် မူးယစ်ဆေးဝါးပပျောက်ရေး ဆောင်ရွက်နေတာတွေဟာ ပလိုင်းပေါက်နဲ့ ဖားကောက်နေသလို ပဲဖြစ်နေ မှာပါ။ မြန်မာနိုင်ငံဟာအရှေ့တောင်အာရှမှာ မူးယစ်ဆေးဝါး ထုတ်လုပ်ရောင်းဝယ်မှုအများ ဆုံးနိုင်ငံလို့ သတ်မှတ်ခံနေရတဲ့ အချိန်ကာလမျိုးမှာ မူးယစ်ဆေးဝါး တရားခံ ကြီးတွေကိုပြန်လွှတ်မပေးသင့်ပါဘူး။ ဒီလိုမျိုးပြန်လွှတ်ပေးခြင်းအားဖြင့် ဒေသအတွက် ၊နိုင်ငံတော်အတွက်၊ ပတ်ဝန်းကျင် နိုင်ငံတွေအတွက် ၀န်ထုပ်ဝန်ပိုးဖြစ်စေပါတယ်။

နိုင်ငံတော်သမ္မတကြီးက စေတနာ၊ မေတ္တာ၊ ကရုဏာရှေ့ထားပြီး လွှတ်ပေးလိုက်ပေ မယ့် သူတို့ဟာ မူးယစ် ဆေးဝါးလုပ်ငန်းတွေကို စွန့်လွှတ်ခြင်းမရှိဘဲ အရင်ကထက် ပိုမိုလုပ်ဆောင်နေ ပါတယ်။ ၂၀၁၂ ခုနှစ်က လွှတ်ပေးခဲ့တဲ့ အိုက်ပန်းကို ၀ တပ်ဖွဲ့က သူ့ရဲ့မူလတာဝန် ပြန်လည်ပေးအပ်ပြီး ငွေရှာရလွယ်တဲ့ မူးယစ်ဆေးဝါး ထုတ်လုပ် .ရောင်းဝယ်ရေးကိုပြန်လည်လုပ်ကိုင်ခိုင်းနေပါတယ်။ အစိုးရအဆက်ဆက် မူးယစ်ဆေးဝါး ပပျောက်ရေး လုပ်ဆောင်မှုတွေ စဉ်ဆက်မပြတ်လုပ်ဆောင်နေ တာတွေကြောင့် မူးယစ်ဆေးဝါး ထုတ်လုပ်ရောင်းဝယ်မှု အရှိန်လျော့နည်းလာချိန်မှာ မူးယစ်ဆေးဝါးထုတ်လုပ်သူများ ကို နိုင်ငံရေး အကျဉ်းသားတွေနဲ့ ရောပြီး ပြန်လည် လွှတ်ပေးလိုက်တာဟာဖြင့် မြန်မာနိုင်ငံကို မူးယစ်နွံထဲက ရုန်းမထွက်နိုင်အောင်ပြုလုပ် လိုက်သလို များဖြစ်နေမလားဆိုတာ စဉ်းစားရမယ့် အခြေအနေ တစ်ရပ် ဖြစ်လာပါပြီ။ ဒါကြောင့်မို့ အကျဉ်းထောင်များမှ ပြန်လည် လွှတ်မည့်သူများမှာ လူသတ်မှု၊ မူးယစ်ဆေးဝါးမှု၊ တရားမ၀င်လက်နက် ကိုင်ဆောင်မှုနဲ့ ထောင်ကျ ခံရသူများ ကိုတော့ ပြန်လည် မလွှတ်ပေးပါရန် တောင်းဆိုလိုက်ရပါတယ်။


မူးယစ်ဆေးဝါးပပျောက်စေလိုသော ပြည်သူတစ်ဦး
By : ကျားကြီး
Email