လက်ဆေးခြင်းနှင့် ဆပ်ပြာအဆီ အန္တရာယ်

 

မြ၀တီ

ဖွံ့ဖြိုး တိုးတက်မှု နှင့်အတူ လူနေမှု ပုံစံ သာမက လူ့အသုံးအဆောင် ပစ္စည်းများလည်း ပြောင်းလဲ လာသည်ဟု ဆိုရမည် ဖြစ်သည်။ ယင်းလူသုံးကုန် ပစ္စည်းများသည် ပြည်တွင်းထုတ် သာမက ပြည်ပနိုင်ငံ များစွာမှ တံဆိပ် အမျိုးမျိုး၊ ဒီဇိုင်း အစုံစုံကို နည်းလမ်း အသွယ်သွယ်ဖြင့် ပြည်တွင်းသို့ ဝင်ရောက် ပေလိမ့်မည်။ ထိုသို့သော ပစ္စည်း များထဲတွင် အိမ်တိုင်း မဖြစ်မနေ အသုံးပြု နေရသော ဆပ်ပြာပင်လျှင် ကိုယ်တိုက်ဆပ်ပြာ၊ အဝတ်လျှော် ဆပ်ပြာ၊ ပန်းကန်ဆေး ဆပ်ပြာ၊ မှန်တိုက်ဆပ်ပြာ စသည်များကို အခဲ၊ အနှစ်အဖတ်၊ အမှုန့်၊ အရည်၊ အဆီ စသည်ဖြင့် တွေ့ရမည် ဖြစ်သည်။


စာရေးသူသည် မကြာသေးမီ ရက်ပိုင်းက အိမ်အတွက် လိုအပ်သော အသုံးအဆောင် ပစ္စည်းများ ဝယ်ရန် နေပြည်တော်ရှိ Junction Centre သို့ ရောက်ရှိခဲ့သည်။ လူသုံးကုန် ပစ္စည်း ကောင်တာတွင် လေ့လာခဲ့ရာ အရောင်း စာရေးမ ကလေးက ဆပ်ပြာ အဆီနှင့် ပတ်သက်၍ ထုတ်လုပ်သည့် နိုင်ငံ၊ ဈေးနှုန်းနှင့် အသုံးပြုပုံ များကို အားပါးတရ ရှင်းပြနေသဖြင့် ဆပ်ပြာအဆီ တစ်ဘူး ဝယ်လာခဲ့သည်။
...

စာရေးသူ တို့သည် ဝန်ထမ်းများ ဖြစ်သည့် အားလျော်စွာ (၈)ခန်းတွဲ ဝန်ထမ်း လိုင်းခန်းတွင် မိသားစုများ သဖွယ် စည်းလုံး ညီညွတ်စွာ အတူနေထိုင် ကြသည်။ ယင်းလိုင်းခန်းမှ အိမ်ထောင်စု ရှစ်စုတွင် ငါးနှစ် အောက် ကလေးငယ် ခြောက်ဦးရှိပြီး မူကြို ကျောင်းပိတ်ရက်တွင် တစ်စု တစ်စည်းတည်း ကစားလေ့ ရှိသည်။ ဒီဇင်ဘာ ၁ ရက် နံနက် ၉ နာရီတွင် ကျွန်တော်၏ အိမ်နောက်ဖေးတွင် သမီးငယ် ဖြစ်သူနှင့် ကလေးများ စုဖွဲ့ ကစား နေကြသည်ကို သတိပြု၍ ကြည့်မိတော့ ''အဲဒါ သောက်လို့ မရဘူး''ဟု အော်ပြီး ကလေးငယ်၏ လက်ထဲမှ ခွက်ကို ပြေးလု ခဲ့ရသည်။ ထိုခွက်သည် အခြားမဟုတ်။ ယမန်နေ့ ညက ကျွန်တော် ဝယ်လာသော ဆပ်ပြာ အဆီဘူး ထဲမှ ဆပ်ပြာ အဆီများကို ငှဲ့၍ အချိုရည်ဟု သောက်မည် ပြုနေသော ဆပ်ပြာအဆီ ထည့်ထားသည့် ခွက်ဖြစ်သည်။

ထိုကဲ့သို့ပင် နိုဝင်ဘာ ၃ဝ ရက်နေ့ထုတ် မြဝတီ နေ့စဉ် ရောင်စုံ သတင်းစာ စာမျက်နှာ (၆)တွင် ''ကလေးငယ် တစ်ဦး ဝတ်အူလှည့် ကိုင်တွယ်ရာမှ လဲကျပြီး နှာခေါင်းဝ အတွင်း စိုက်ဝင်သွားသည့် ''သတင်းနှင့် ဒီဇင်ဘာ ၁ ရက်နေ့ထုတ် ယင်းသတင်းစာ စာမျက်နှာ (၁၂)တွင် ''ဖရဲသီးနှင့် လျက်ဆား စားမိ၍ ကလေးငယ် နှစ်ဦး သေဆုံး''၊ ''လေးနှစ် ကလေးတစ်ဦး မီးပေါ့ဆ မှုကြောင့် နေအိမ် (၁၆)လုံး မီးလောင်ဆုံးရှုံး'' ဆိုသော သတင်းများကို ဖတ်ရသည်။ ယခု စာရေးသူ၏ အိမ်မှ အဖြစ်အပျက် ကိုလည်း စာဖတ်သူတို့ သတိပြုဖွယ် ရေးသား ဖော်ပြပါမည်။

စာရေးသူလည်း ထိုမတော်တဆ ဖြစ်စဉ်များကို သတိပြုကာ ဆပ်ပြာအဆီ ဘူးကိုယူ၍ ကလေးများကို ''ဒီဘူးက အချိုရည်ဘူး မဟုတ်ဘူး၊ ဆပ်ပြာ အဆီဘူး ဖြစ်တယ်၊ သောက်လို့ မရပါ။ ပန်းကန်ဆေးဖို့၊ လက်ဆေးဖို့'' ဟုပြောပြီး ကျန်းမာရေး အသိ ပညာပေး ဟောပြောပွဲ တက်စဉ်က လက်ဆေးခြင်း အကျိုးနှင့် ပတ်သက်၍ ဆရာဝန် တစ်ဦး ပြောခဲ့သော ''လက်ဆေးခြင်းသည် အခြေခံ အကျဆုံး ကျန်းမာရေး အတွက် ကာကွယ်နည်း ဖြစ်သည်'' ဟူသည့် စကားကို သတိရပြီး ၎င်းသင်ပေး ခဲ့သော လက်ဆေးနည်း လင်္ကာ လေးအား ကလေးများကို လိုက်ဆိုခိုင်းပြီး ကိုယ်တိုင် ဆပ်ပြာ အဆီနှင့် လက်တွေ့ဆေးကြော ပေးခဲ့သည်။ ယင်းလင်္ကာမှာ-

''လက်ဖဝါး၊ လက်ဖမိုး လက်ခေါက်ချိုး

လက်ကြားလက်မ မကျန်စေရ

ကုတ်ပါခြစ်ပါ လက္ခဏာ

လက်ကောက်ဝတ်မှာ အဆုံးသတ်ပါ'' >>>

http://www.myawady.net.mm/post/post2/2012-12-03-03-18-26