ဗိုလ်ချုပ်အောင်ဆန်း၏ ကိုယ်တိုင်ရေး အတ္ထုပ္ပတ္တိ (အပိုင်း -၁+၂)

Royal Hero Media
အခန်း( ၁ )

ဇာတိမြေလတ် ဟု ခေါ်သော ဗမာပြည်၏ အပူပိုင်းဇုန် ဖြစ်သော မကွေးစီရင်စု၊ ယခု ရေနံချောင်း ခရိုင်အတွင်း ပျဉ်းမနား၊ ကျောက်ပန်းတောင်း ရထားလမ်း တစ်ဝက်ခန့် တွင် အပူပိုင်း ဇုန်ကုန်း...မြေပြင်များ ဖြစ်သော နှမ်း၊ပဲနှင့် ၎င်းဆီများ ထွက်၍ ကုန်ရောင်းကုန်ဝယ် အတော် တွင်ကျယ်သော မြို့ကလေး တစ်မြို့ ရှိလေသည်။ မီးရထား ဘူတာရုံ အနီးအနားတွင် မီးရထား ဘက်မှ ဆောက်ထားသော အိမ်တန်းလျားများနှင့် ပွဲစားကုန်သည် ဆိုင်များ အနည်းငယ် ရှိလေသည်။ ဘူတာ၏ ၀ဲယာ ပတ်လည် တို့တွင် မြေပဲ နှမ်းခင်း တို့ရှိလေသည်။ ထိုယာခင်းများမှ ကျော်လွန်၍ အရှေ့စူးစူးသို့ ကြည့်လျှင် ရေးရေး ထင်သော တောင်တန်းများကို နောက်က ခံကာ တောရကျောင်းနှင့် ကမ္မဋ္ဌာန်း ထိုင်သူတို့၏ ဂူလိုဏ်များကို တွေ့နိုင်ပေသည်။ ထိုဂူ၏ အနောက်မြောက် ယွန်း ကိုက်လေးရာခန့် ပေါ်၌ “ခပေါင်းကုန်း”(သို့မဟုတ်) န-ကျားကူး ခေါ်သော အိမ်ခြေတစ်ရာ ခန့်ရှိ ရွာကလေး ရှိလေသည်။

ယင်းချောင်း ဟု ခေါ်သော သဲချောင်းကြီး၏ တစ်ဖက်ကမ်း (အနောက် ဘက်ကမ်း) ၌ကား ယာခင်း၊ လယ်ကွင်းပြင် များနှင့် ဥယျာဉ် အချို့ကို တွေ့ရပေသည်။ ထိုမှ လွန်လျှင် တောင်ကုန်း ကျကျ နေရာတွင် အရှေ့ဘက်မှ တာမြောင်း ခံထားသော အိမ်ခြေ (၂၀၀) ခန့်ရှိ ရွာ တစ်ရွာ ရှိလေသည်။ ရွာ၏ မြောက်ဘက်တွင် ကပ်လျက် (ရှေး လူကြီးများ ပြောသလို) လောကဓာတ် မြန်မာ အထက်တန်း သင်ဘုန်းကြီးကျောင်း တစ်ကျောင်း ရှိလေသည်။ ထိုမှ ယာတစ်ခင်း အလွန်တွင် (၅)ရက် တစ်ဈေးဖွင့်ရာ ဈေးပိုင်း ရှိလေသည်။ ထိုမှလွန်လျှင် ပုလိပ် ဂါတ်တန်းလျား များ ရှိလေသည်။ ထိုအနီးတွင် စာတိုက် ရှိလေသည်။ ထို စာတိုက်ကို အနောက်မြောက် စောင်းစောင်း မလှမ်းမကမ်း တွင် အိမ်ခြေ (၁၅၀)ခန့် ရွာတစ်ရွာ ရှိပြန်လေသည်။


စာတိုက်နှင့် ရှေ့တည့်တည့် ပေတစ်ရာ နှင့် မြေတလင်း ပြောင်ပြောင် ကို ကျော်လွန်၍ ကိုက် (၁၀၀) ခန့် အကွာတွင် ဘုန်းကြီးကျောင်း တစ်ကျောင်းနှင့် ကပ်၍ မြို့အုပ် ရှိသည်။ ထိုဘုန်းကြီးကျောင်း နှင့်ဆက်၍ ထောင့်မှန် (Right angle) ကျကာ (၁၅) ပေ ခန့်မြင့်သော အုတ်တံတိုင်းကြီး လေးဖက် လေးတန် ခြံရံလျက် စေတီငယ်များ အလယ်တွင် ရွှေရောင် တပြောင်ပြောင် တောက် နေသော စေတီတော်ကြီး တစ်ဆူနှင့် သပ်ရပ်ခမ်းနားသော ဇရပ်၊ တန်ဆောင်း၊ ကျောက်ကုန်းများ ရှိလေသည်။ ထိုမှ မြောက်ဘက် မလှမ်းမကမ်း တွင်ကား အိမ်ခြေ (၁၀၀) ကျော် ရွာတစ်ရွာ ရှိပြန်လေသည်။ ထိုရွာများ အနက် ရွာကြီး သဖွယ် အိမ်ပေါင်း အများဆုံး နှင့် ဆိုင်ကန္နား အတော်အတန် ရှိ၍ စာရေး၊ စာချီ၊ မြို့အုပ်၊ ရှေ့နေ၊ ကုန်သည်များ နေကြသော ရွာကား ဆိုခဲ့ပြီးသည့် သဲချောင်းကြီး အနောက်ဘက် ကမ်း တောင်ကုန်း ပေါ်တွင် တည်လျက် ရှိသော ရွာပင် ဖြစ်လေသည်။

ထိုရွာကို နတ်မောက် ဟူ၍ လည်းကောင်း၊ တောင်ရွာ ဟူ၍ လည်းကောင်း ခေါ်ကြလေသည်။ ထိုရွာကိုသမိုင်းစာ အရကား ပီဠိယက္ခမင်း တည်ထောင် သွားသည်ဟု ဆိုလေသည်။ သို့သော် ကျွန်တော်၏ ဘေး မှတ်တမ်း အရကား ပုဂံခေတ် အနော်ရထာမင်းစော အချိန်အခါ လောက် တွင် ထိုရွာကို စတင် တည်ထောင်ခဲ့သည် ဟု မှတ်သား ဖူးသည်။ ထိုရွာ၏ မြောက်ဘက်စွန်း၌ တစ်ရွာလုံးရှိ အိမ်ဝိုင်းများ အနက်အကျယ်ဆုံး အိမ်ဝိုင်းကြီး ထဲတွင် ဧရာမ အိမ်ကြီး ရှိလေသည်။ မူလက ဆင်တစ်ရပ်ခန့် ၀င်နိုင်အောင် မြင့်၍ အဆောင်ပေါင်း များစွာ ရှိသော်လည်း ထိုအခါက အတောင် (၈) တောင် ခန့်မျှသာ ရှိတော့သည်။ အိမ်အမြင့်မှာ လည်း (၃) ပေခွဲခန့်သာ ရှိတော့သည်။ ထိုအိမ်ကြီးကား ရှေးမြန်မာမင်း လက်ထက်က နတ်မောက်မြို့၊ မြို့သူကြီး အိမ်ပင် ဖြစ်လေသည်။ ယခုကား အိမ် မရှိတော့ပြီ။ ထိုအိမ်နောက် ဖေးဆောင်ငယ်တွင် ကျွန်ုပ်အား ဖွားမြင် ခဲ့လေသည်။

ကျွန်တော့်ကို မွေးဖွားစဉ် အခါက ကျွန်တော်တို့ နတ်မောက်သို့ မီးရထားလမ်း မပေါက်သေး။ သို့သော် ရည်ရွယ်ချက်ကား ထားပြီးဖြစ် လေသည်။ ယခုအခါ ကဲ့သို့ အနည်းငယ်မျှ မြို့ မဆန်ဘဲ တောရွာစုကြီး တစ်ရွာမျှသာ ဖြစ်လေသည်။ နံနက် ညနေခင်းများတွင် ခလောက်သံ တဒေါင်ဒေါင်၊ နေ့လယ် နေ့ခင်းများ တွင် ရက်ကန်းသံ တခြွင်ခြွင် နှင့် ကြားရတုန်းပင် ရှိလေသည်။
အချိန်ကား (၁၉၁၅) ခု၊ ဖေဖော်ဝါရီလ ဖြစ်၍ ပထမ ကမ္ဘာစစ်ကြီး၏ ဒုတိယနှစ်ထဲ တွင် ဖြစ်ပေသည်။ ထိုအချိန် ထိုအခါကား ဂျာမနီသည် ရေငုတ်သင်္ဘောများ ဖြင့် ဗြိတိသျှရေတပ်တို့အား အကြီးအကျယ် ဒုက္ခပေးနေသည့် အချိန်အခါ ဖြစ်လေသည်။ အနောက် စစ်မျက်နှာပြင်ဟု ခေါ်သောပြင်သစ်နှင့် ဂျာမနီတို့ စစ်ခင်းရာ မျက်နှာ၌ကား ပထမအကြိမ် တိုက်ပွဲကြီးများ မှာ မပြီးမဆုံးနိုင်သော သောင်မတင် ရေမကျ ရှေ့မတိုးနောက်မဆုတ် အခြေအနေပင် ရှိလေသည်။ အရှေ့မျက်နှာပြင် ဟုခေါ်သော ရုရှားစစ်ခင်းရာ မျက်နှာမှာကား မဆူးရိရာနှင့် ၀ါဇနစ်ဇူ စစ်ပွဲကြီးများ ဖြစ်ပွားလျက် ရှိကြလေသည်။

ထိုနှစ် ဖေဖော်ဝါရီလ (၁၃) ရက်၊ (၁၂၇၆) ခု၊ တပေါင်းလဆန်း (၁) ရက်၊ စနေနေ့ နံနက် လင်းအားကြီး အချိန်တွင် ကျွန်တော်သည် လူ့ပြည်သို့ ပထမဆုံး ရောက်ရှိ လာခဲ့ရပေသည်။ ဖေဖော်ဝါရီလ (၁၃) ရက်နေ့ ကား နာမည်ကျော် နက္ခတ်ဗေဒင် ဆရာကြီး ကီရို၏ ပြောကြားချက် အရ ဆိုလျှင် တိုင်းပြည်တစ်ပြည် ၏ အစိုးရထီးနန်း တို့ကို ဖြိုဖျက်နိုင်စွမ်းသော သူများကို မွေးဖွားတတ်သော ဇာတာ ဟု ဟောထား လေသည်။ ထိုနေ့တွင် မွေးဖွားသော ကျွန်တော်မှာ သူပုန်လောင်းကလေး ဖြစ်သည်ကို ထိုအခါက မည်သူမျှ ထူးထူးခြားခြား ထည့်သွင်း စဉ်းစားခြင်း မပြုခဲ့ကြချေ။

ကျွန်တော် မွေးဖွားသည် နှင့် ပတ်သက်၍ ကျွန်တော်၏ ဇာတာအမည်မှာ (ထိန်လင်း) ဖြစ်လေသည်။ သို့သော် ကျွန်တော့်အထက် အစ်ကို ကိုအောင်သန်း နှင့် နာမည်လိုက်အောင် အောင်ဆန်း ဟု ခေါ်တွင် ခဲ့လေသည်။ မွေးဖွားစဉ်က ကျွန်တော် မထူးဆန်းလှ သော်လည်း ထိုင်နိုင် ထနိုင်သော ကလေးဘ၀မှ စ၍ ကျွန်တော်သည် ထူးခြားခဲ့သည်။ ဂွကျခဲ့သူ ဖြစ်ခဲ့သည်။ ကျွန်တော် ငယ်ငယ်တုန်းက တော်တော်နှင့် စကားမပြောတတ် ရကား။ လူကြီးမိဘများမှာ ဆွံ့အ၍ပင် နေသလားဟု စိုးရိမ် ကြောင့်ကြ ခဲ့လေသည် ဟု သိရလေသည်။ အနာအဖျား ထူသည်။ အစားကြူး သည်။ အမဲ သား၊ငါးကို အလွန် ကြိုက်သည်။ ကျွန်တော်၏ မိခင် ဈေးသွားရာ ရံဖန်ရံခါ ကျွန်တော့်ကို ချီ၍ သွားလေသည်။ တစ်ခါသော် အမဲသားစိမ်းကို အတင်းလု၍ စားမည်ပြုသည်ဟု ကျွန်တော့် မိခင်က ပြန်၍ ပြောပြသဖြင့် သိရပေသည်။ လူရိုင်း ဘ၀က ကျွန်တော်လာသလား မသိ။ ယနေ့အထိ လူရိုင်းသဘောမျိုး နေချင်သည့် စိတ်ထားများ ရှိသည်။ ရံဖန်ရံခါ လူယဉ်ကျေးများ နှင့် အသားမကျ ခဲ့ချေ။ မျက်စိနောက် မြင်ပြင်းကပ် လာသည်။ ထိုအခါ လူယဉ်ကျေးများ နှင့် ငါလူရိုင်းဟု ဇာတိ ခွဲပစ်ချင်သည့် စိတ်များ ရှိသည်။

အပိုင်း (၂) အား ဆက်လက် တင်ပြပေးသွားပါမည်။


မှတ်ချက် - စာဖတ်သူများ အဆင်ပြေစေရေးအတွက် အပိုင်း (၇) ပိုင်းခွဲ၍ တင်ပြပေးသွား ပါမည်။ နောက်ပြီး PDF ဖြင့်လည်း ရယူနိုင်ရန် ဆောင်ရွက် ပေးသွားပါမည်။

ဗိုလ်ချုပ်အောင်ဆန်း၏ ကိုယ်တိုင်ရေး အတ္ထုပ္ပတ္တိ (အပိုင်း -၂)

လူရိုင်းကား ကြမ်း၏။ ခက်ထန်၏။ သို့သော် ဖြူဖြောင့်၏။ တည်ကြည်၏။ လွတ်လပ်၏။ ကျန်းမာ၏။ သန်စွမ်း၏။ ငါ့မြင်း ငါ့စိုင်း ညောင်ကိုင်း ရောက်ရောက် ဆိုသည်ကို ကျွန်တော်ကြိုက်၏။ ကျွန်တော့်၏ စိတ်တွ...င် အင်မတန် စိုပြည် လတ်ဆတ်သော ဘ၀ ဟု ယူဆသည်။ ဗမာပြည်ရှိ လူသည် လူရိုင်းမျိုး ဘ၀ ရောက်ချင် ရောက်သွားပါစေ လွတ်လပ်ချမ်းသာစွာ ခေါင်းဆောင် နေနိုင်ပြီ ဆိုလျှင် မလွတ်လပ်သော လူ့ယဉ်ကျေး ဘ၀ထက် ကျွန်တော် အဆတစ်ရာ ကြိုက်သည်။ နှစ်သက်သည်။ စိမ်းလန်း စိုပြည် ကျယ်ပြန့်သော လွင်ပြင်ရိုင်း ပေါ်တွင် လက်ပန်းပေါက် ခတ်၍ လွတ်လွတ် လပ်လပ် မြူးတူး အော်ဟစ်နေလိုသည်။

ငယ်ငယ်တုန်းက ကျွန်တော် အတီးအမှုတ်၊ အက အခုန် အတော် ၀ါသနာပါ၏။ အထူးသဖြင့် ဆိုင်းတီး အတော်ဝါသနာပါသည်။ စားပွဲဖြစ်စေ၊ ခေါက်စရာ တွေ့လျှင် အမြဲ ခေါက်လေ့ရှိရာ ကျွန်တော်၏ လက်မှာ ယနေ့တိုင် အချိန်မှန်မှန် လက်ရေကွာကျ ခဲ့လေသည်။ သို့သော် ကျွန်တော် အနည်းငယ် ကြီးပြင်း လာသည်နှင့် လူကြီးမိဘများက ကျွန်တော့်အား အတီးအမှုတ် ၀ါသနာကို ခွင့်မပြု။ နဂိုဝါသနာ မဟုတ်၍လား မသိ။ယခု ဤစိတ်မျိုး ပျောက်ပြယ်သလောက် ရှိခဲ့ပြီ။ ကျွန်တော်ကား ငယ်ငယ်ကလေးက ယနေ့တိုင် လူရော စိတ်ရော ပျော့ပျောင်းသည် ဆိုသည့် အချက်ကို နားမလည်ခဲ့။ နားလည်ရန်လည်း မကြိုးစားခဲ့။ ကြိုးလည်း မကြိုးစားချင်။ ကျွန်တော် ကား စကား အပြောအဆို မဖွယ် မယဉ်ကျေး။

အသက် (၈) နှစ်ထဲ ရောက်၍ ကျောင်းစနေသည့် အခါ၌ပင် ဘုန်းကြီးကို ဘုန်းကြီးစကားဖြင့် မလျှောက်တတ်။ အမူအရာလည်း ကြမ်း၏။ အလိုက်လည်း မသိ။ ညစ်လည်း ညစ်ပတ်သည်။ ကိုယ့်စည်းကမ်း ဟူ၍လည်း တစ်ခုမှမရှိ။ အသက် လေးငါးခြောက်နှစ် တိုင်အောင် အိပ်ရာတွင် သေးပါ၏။ မီးဖိုကို ညညရှိခိုး၍ “အရှင်စဖိုည၊ ကျွန်တော် မနေ့”ဆိုခဲ့ရသည်ကို အမှတ်ရ သေးသည်။ အသက် (၁၅) နှစ်ထဲ ရောက်သည့် အခါ၌ ပင် အခြားအရပ် အိမ်တစ်အိမ် တစ်ည သေးပါဖူးသည်။ ထိုအခါကား ကျွန်တော်သည် ရေနံချောင်းမြို့၊ အမျိုးသား အထက်တန်း ကျောင်းမှ ခြောက်တန်း အောင်၍ ခုနစ်တန်း အ၀င် ကျောင်းအပြန် ဖြစ်သည်။

ကျွန်တော်၏ အစ်ကို အကြီးဆုံး မှာလည်း ၎င်းနှစ်တွင် ဘီအက်စ်စီ သင်္ချာဂုဏ်ထူးတန်း ကို အောင်ခဲ့၍ ရေနံချောင်း ကျွန်တော်တို့ ကျောင်းတွင် မိမိ ကျောင်းဟောင်း ဖြစ်သည့်အတိုင်း ကျောင်းဆရာ ၀င်ရောက် လုပ်ကိုင်ရန် ကျွန်တော်နှင့် အတူပင် လိုက်ပါလာလေသည်။ ထိုအခါ ရေနံချောင်းမြို့ သို့ နတ်မောက်မှ သွားသည့်နည်း မှာ တောင်တွင်းကြီး သို့ ရထားစီး၊ တောင်တွင်းကြီး မှ မိကျောင်းရဲသို့ ကားစီး၊ မိကျောင်းရဲ မှ ရေနံချောင်း သို့ သင်္ဘောစီး၊ သို့မဟုတ် လျှင် မကွေးသို့ ဘတ်စကားစီး၊ မကွေးမှ သင်္ဘောစီး ရလေသည်။ နှစ်ရက် ကြာလေသည်။ နောက်၌ကား ကျောက်ပန်းတောင်း မှတစ်ဆင့် မီးရထား တစ်တန်၊ မော်တော်ကား တစ်တန် သွား၍ ရေနံချောင်းသို့ နေ့ချင်းပေါက် လေသည်။

ထိုနှစ်တွင် ကျွန်တော်တို့ မကွေး မှတစ်ဆင့် သွားကြသည်။ မကွေးမြို့ တွင် အပျိုပေါက်စ ခပ်ချောချော မိန်းကလေးရှိသော အသိအိမ်တွင်တည်းခိုကြသည်။ လူပျိုပေါက်စ ဖြစ်သော ကျွန်တော်မှာ သူစိမ်းတစ်ရံစာ အိမ်တွင် မနေတတ်။ အထူး ရှက်တတ်သည်။ မိန်းကလေးနှင့် ဆိုလျှင် သာ၍ပင် ရှက်တတ်သည်။ ထို့ကြောင့် ထိုည အိပ်ခါနီး ရှက်လွန်း၍ သေးမပေါက်မိ။ ညအိပ်သည့်အခါ မအောင့်နိုင်ဘဲသေးပါလေသည်။ ကျွန်တော်လည်း ပါပြီးမှ သိလေသည်။ ဤမျှ ကျွန်တော် မသိမ်မွေ့။

ညီအစ်ကို မောင်နှမများထဲတွင် ကျွန်တော် အငယ်ဆုံး ဖြစ်၏။ ထို့ကြောင့် ကျွန်တော်တို့ အိမ်စံချိန်နှင့် ကြည့်လျှင် ကျွန်တော် အလိုလိုက် ခံရဆုံးဖြစ်၏။ အဆိုးဆုံး ဟုလည်း အိမ်နီးနားချင်းပါမက ရွာနီးနားချင်းပါ အသိအမှတ်ပြုခံရ၏။ ကျွန်တော်၏ အထက်အစ်ကို ကိုအောင်သန်းနှင့် ကျွန်တော်မှာ အသက် (၃) နှစ်ခွဲ၊ (၄) နှစ်မျှကွာ၏။ သူနှင့် ကျွန်တော်ကား ငယ်ငယ်က ရန်ဖြစ်ဖက်ဖြစ်၏။ သူက လက်မြန်၏။ ကျွန်တော်က အားကြီး၏။ မချိန်မဆ လက်လွတ်စပယ် လုပ်ခဲ့၏။ သူက နု၏။ မင်းသား ကျချင်၏။ ကျွန်တော်က ကြမ်း၏။ သူသည် အစားအသောက် အနေအထိုင်မှစ၍ သပ်ရပ်၏။ အစားဆိုလည်း အစားတိုင်းမစား။ စားသောက် နေသည့်အခါ အစာမြေကြီးပေါ်သို့ ကျသွားလျှင် သူသည် မစားတော့။

ကျွန်တော်က ဖုတ်ဖက်ခါ၍ စားနိုင်လျှင် စား၏။ သူက အ၀တ်များကို သပ်သပ်ရပ်ရပ်ဝတ်တတ်၏။ သူသည် မြေကြီးကြမ်းများပေါ်တွင် မည်သည့်အခါမှ တုံးလုံးမလှဲ။ ကျွန်တော်က ကြိမ်ဖန်များစွာ လှဲဖူး၏။ သူကပါး၏။ လျင်၏။ ကျွန်တော်က ထူ၏။ အေး၏။ ကျွန်တော်၏ မြို့ကား ရွာသာသာ တောအရပ်ပင် ဖြစ်သည်။ ကျွန်တော် ငယ်စဉ်က ယခုထက်ပင် ကျွန်တော်တို့ အရပ်မှာ တောကျ၏။ ထိုအခါ ကလီဖား ခေါ် ဆံပင်ညှပ် ကုလားတစ်ယောက် တလေသာ ရှိ၏။ သို့ဖြစ်ရာ ၎င်း ကလီးဖားမှာ လက်မလည်။ ကျွန်တော်တို့အား ကတုံးရိတ်ရန်၊ တစ်ခါတစ်ခါ ရိတ်တတ်သည့် အိမ်နီးချင်းတို့ကို ခိုင်းရလေသည်။

တစ်ခါ တစ်ခါ ကျွန်တော်တို့ ဖခင် ကိုယ်တိုင် ရိတ်ပေးလေသည်။ ကျွန်တော်၏ ဖခင်မှာ ယခု ကွယ်လွန်သည်မှာ (၁၅) နှစ် ကျော်လေပြီ။ ကျွန်တော်၏ ဖခင်သည် ကျွန်တော်နှင့် အမူအရာမှာ အတော်ဆင်သည်။ တစ်နေ့ နေ၍ စကားတစ်ခွန်း မပြော။ မျက်နှာထား ဆိုး၏။ ဆိုးသည့်အထဲ ကျောက်ပေါက် မာ များလည်း ရှိ၏။ လောကွတ် မရှိ၊ ဟန် မရှိ၊ ဖာသိဖာသာ နေတတ်၏။ အကိုင်အတွယ်၊ အသွားအလာ၊ အမူအရာ ကြမ်း၏။ ငြင်းမိလျှင် လျှော့မပေး တတ်။ သို့သော် စိတ်နှလုံးက အထူး ဖြောင့်စင်း၏။ စကားတည်၏။ အပို မပြော။ ထို့ကြောင့် ရှေ့နေစာမေးပွဲ ၀င်ထားသော်လည်း ရှေ့နေလိုက်၍ စားသည်ကို ကျွန်တော် မမှတ်မိ။ ယာလုပ်၊ ကုန်ကူး၊ ငွေချေး၍သာ စီးပွားဖြစ်သည်။ စီးပွားဖြစ်ခြင်း မှာလည်း ကျွန်တော်တို့ မိခင်၏ ဒိုးတူ ဘောင်ဖက် ကူညီမှု ကြောင့်ပင် ဖြစ်လေသည်။

ကျွန်တော် တို့အား အခြားသူ တစ်ဦးဦးက ခေါင်းရိတ်ပေးလျှင် အင်မတန် ညင်သာ၏။ ကျွန်တော်တို့ ဖေဖေက ဓားမ ထက်မထက်ကို ကောင်းကောင်း မသွေးဘဲ အတင်းတွန်းချ၍ ရိတ်၏။ အထူးပင် ခေါင်းရည် နာ၏။ ကျွန်တော် တို့သည် ၎င်း ခေါင်းရိတ်မည့် အခါကို ရွံ့၏။ တွန့်၏။ သို့သော် ခေါင်းရိတ်သည့် အခါတိုင်း ကျွန်တော့် အစ်ကိုက အမြဲငို၏။ ငိုတိုင်း ခေါင်းပုတ်ခံရ၏။ ကျွန်တော်က မငို၊ ကြိတ်ခံ၏။ ထို့ကြောင့် ခေါင်းပုတ်လွတ်၏။


အပိုင်း (၃) အား ဆက်လက် တင်ပြပေးသွားပါမည်။


မှတ်ချက် - စာဖတ်သူများ အဆင်ပြေစေရေးအတွက် အပိုင်း (၇) ပိုင်းခွဲ၍ တင်ပြပေးသွား ပါမည်။ နောက်ပြီး PDF ဖြင့်လည်း ရယူနိုင်ရန် ဆောင်ရွက် ပေးသွားပါမည်။