ကျောက်ခေတ်

By ရွှေအိမ်စည်စာကြည့်တိုက် - စာပေဒါနပြုသည် on Friday, December 28, 2012 at 9:53pm ·

ကျောက်ခေတ်ဆိုသည်မှာ လူသားတို့ကျောက်တုံးအမျိုးမျိုးအား လက်နက်ကိရိယာများအဖြစ် အသုံးပြုခဲ့သော သမိုင်းမတိုင်မှီခေတ်ကို ခေါ်သည်။ ကျောက်ခေတ်၌ ကျောက်လက်နက် ပစ္စည်းများ နှင့်ကိရိယာများအား မတူညီသောကျောက်အမျိုးမျိုးအား အသုံးပြု၍ ပြုလုပ်ခဲ့ကြသည်။ သစ်၊ အရိုး၊ တိရစ္ဆာန်အခွံများအားလည်း အသုံးပြုခဲ့ကြသည်။

အချို့ ဒေသများ၌ ရွှံ့ကဲ့သို့သော မြေများအသုံးပြူ၍ အိုး၊ခွက်စသော ပစ္စည်းများလည်း ထုတ်လုပ်ခဲ့ကြသည်။ ကျောက်ခေတ်မှ တီထွင်မူ့တစ်ချို့သည် နောက်ထပ်ပေါ်လာသည့် ကြေးနီ၊ကြေးဝါ ခေတ်နှင့် သံခေတ်များအတွက် အထောက်အကူ ဖြစ်ခဲ့သည်။ ကျောက်ခေတ်သည် လွန်ခဲ့သောနှစ်ပေါင်း ၂.၅သန်းမှ အစပြု၍ လွန်ခဲ့သောနှစ်ပေါင်း ၅၀၀၀ ခန့်က ကမ္ဘာ့နေရာအနှံ့အပြားတွင် ကုန်ဆုံးခဲ့သည်။ သမိုင်းသုတေသနပညာရှင်များက ထိုကဲ့သို့အဆိုပြုထားသောကြောင့်လူသားစတင်ဖြစ်ပေါ်လာသော အချိန်မှစတင်တွက်သော် ၉၉.၈% မျှသောအချိန်၌ လူတို့သည် လက်နက်ကိရိယာ များပြုလုပ်ခြင်းဖြင့်သာ အချိန်ကုန်ခဲ့သည်ဟု အဆိုရှိသည်။ ထိုအချိန်သည် ကျောက်ခေတ်အတွင်း၌ ဖြစ်သောကြောင့် ကျောက်ခေတ်သည် အခြားသော ကြေးခေတ်၊သံခေတ်များထက် လူ့သမိုင်းတွင်သက်တမ်းအရှည်ဆုံးဖြစ်သည်။ စိုက်ပျိုးမွေးမြုရေးထွန်းကားလာပြီး ကြေးဝါကဲ့သို့သော သတ္တုများအား အသုံးချလာနိုင်သော အချိန်တွင်ကျောက်ခေတ်ကုန်ဆုံးခဲ့သည်။ ထိုအချိန်အား သမိုင်းဦးခေတ်ဟုခေါ်သည်။ ကမ္ဘာ့နေရာအချို့၌မူ ကျောက်ခေတ်သည် ထို့ထက်နောက်ကျ၍ အဆုံးသတ်ခဲ့သည်။

ကျောက်ခေတ် လက်နက်

မြန်မာနိုင်ငံနှင့် ကျောက်ခေတ်သမိုင်း

ကျောက်ခေတ်နှင့်ပတ်သတ်၍ မြန်မာနိုင်ငံတွင် ၁၈၄၅ ခုနှစ်၌ ကျောက်လက်နက်များတွေ့ရှိခဲ့သည်။ ထိုအချိန်ကတွေ့ ရှိချက်များအရ လွန်ခဲ့သောနှစ်ပေါင်း ၁၁သန်းနှင့် ၂၅သန်းကြား မိုင်ယိုဆင်းယုဂ်ကပ်ကာလတွင် လူရှိနေမည်ဟုခန့်မှန်းခဲ့ကြသည်။ သို့သော် ၁၈၉၅ ခုနှစ်ရောက်မှ လွန်ခဲ့သော နှစ်ပေါင်း ၂ သန်းက ပလိုင်စတိုဆင်းယုဂ်ကပ် အတွင်းလူနေထိုင်ခဲ့မည်ဟု ပြတ်သားစွာ ဆုံးဖြတ်ခဲ့ကြသည်။ ထို့နောက်ဆက်လက်၍ သုတေသနပြုလုပ်ရန် မြန်မာနိုင်ငံအထက်အညာဒေသ များမှ ကျောက်လက်နက်များရရှိခဲ့သည်။ အစောပိုင်းရရှိခဲ့သော ကျောက်ခေတ်ကိရိယာများသည် စနစ်တကျတူးဖေါ်ရာမှ ရရှိလာခြင်းမဟုတ်ပဲ ဒေသခံများကလာပို့ခြင်း၊ ရေတိုက်စားခြင်းနှင့် စီမံကိန်းကြီးများအတွက်မြေတူးဖေါ်ရာမှ ရရှိခဲ့ခြင်းဖြစ်သည်။

တောင်ကြီးခရိုင် ရေငံမြို့နယ် ညောင်ကြတ်-ရေပုတ်သွားမြဲလမ်းဘေးရှိ ဗဒလင်းဂူ၌ ကျောက်ခေတ်လူသားများ၏ လက်ရာ နံရံပန်းချီများအား ၁၉၆၀ တွင်တွေ့ရှိခဲ့သည်။ သို့သော် ၁၉၆၈ ခုနှစ်ရောက်မှ သွားရောက်လေ့လာနိုင်ခဲ့ကြသည်။ ပန်းချီဆွဲရာ၌ မြေနီကို ပန်းချီဆေးအဖြစ်အသုံးပြုခဲ့ကြသည်။ နံရံပန်းချီကားများမှာ လက်ဝါးနှစ်ဖက်ဟု ယူဆရသောပုံ၊ နေဟုယူဆထားသောပုံနှင့် တိရစ္ဆာန်ပုံများဖြစ်ကြသည်။ ထိုပုံများအားလုံးအား လွန်ခဲ့သော နှစ်ပေါင်း ၁၅၀၀၀ နှင့် ၁၀၀၀၀ ကြားနေထိုင်သွားကြသော ကျောက်ခေတ်မုဆိုးများ၏ လက်ရာများ ဖြစ်မည်ဟု ခန့်မှန်းထားသည်။

ကျောက်ခေတ်အပိုင်းအခြားများ

လွန်ခဲ့သော နှစ်ပေါင်း ၆၀၀ ၀၀၀ မှ ၁၂၀၀၀ ကြားအား ကျောက်ဟောင်းခေတ် ကျောက်ခေတ်ဟောင်းဟုလည်းကောင်း၊ နှစ်ပေါင်း ၁၂၀၀၀ မှ ၉၀၀၀ ကြားအား ကျောက်လယ်ဟုလည်းကောင်း၊ နှစ်ပေါင်း ၉၀၀၀ မှ ၅၀၀၀ကြားအား ကျောက်သစ်ခေတ်ကျောက်ခေတ်သစ်ဟုလည်းကောင်း ခေါ်ဝေါ်သတ်မှတ်ခဲ့ကြသည်။ သို့သော် ထိုအခေါ်အဝေါ်များမှာ အနောက် အာရှဒေသအတွက်သာဖြစ်၍ အခြားနေရာဒေသများအတွက်မူ သီးခြားနှစ်အပိုင်းအခြားများလည်း ရှိမည်ဟု ယူဆထားကြသည်။ မြန်မာနိုင်ငံအပါအ၀င် အရှေ့တောင်အာရှ နိုင်ငံများအတွက်မူ လွန်ခဲ့သော နှစ်ပေါင်း ၆၀၀၀၀၀ မှ ၄၂၀၀၀ ထိအား ကျောက်ခေတ်ကာလဟုခေါ်သင့်၍ နှစ်ပေါင်း ၄၂၀၀၀ မှ ၂၂၀၀၀ ထိကာလာအား သစ်သား ကာလဟုခေါ်သင့်ကြောင်း သမိုင်းဆရာကြီး ဒေါက်တာသန်းထွန်းက ပြောခဲ့သည်။

ထိုသစ်သားကာလ၌ ရှေးကျောက်ခေတ် လူသားများသည် သစ်၊၀ါး နှင့် ကျောက်လက်နက်ကိရိယာများအား ပေါင်းစပ်၍ အသုံးပြုလာတတ်ကြသည်။ သို့သော်ရာသီဥတု တိုက်စားသောဒဏ်ကြောင့် သစ်နှင့်ပေါင်းစပ် ထားသော ကျောက်လက်နက် အနည်းငယ်မျှသာ အထောက်အထားဖြစ် ကျန်ရစ်ခဲ့သည်။ လွန်ခဲ့သော နှစ်ပေါင်း ၂၂၀၀၀ မှ ၁၁၀၀၀ ထိကာလအား ဒေသစွဲကာလဟုခေါ်သင့်ကြောင်းလည်း ဆရာကြီး ကပြောကြားခဲ့သည်။ ထိုခေတ်ကာလ၌ လူတို့သည် မိမိတို့၏ ဒေသအတွင်းတွင်သာနေ၍ အခြားမျိုးနွယ်စု များနှင့် အဆက်ဖြတ်ထားသောကြောင့်ဖြစ်သည်။ ထိုခေတ်ကာလတွင် လူတို့သည် စိုက်ပျိုးရေးလုပ်ငန်းအား အနည်းငယ်လုပ်ကိုင်လာကြသည်။ ကျောက်လက်နက်ကိရိယာများအားလည်း အနည်းငယ်ချောအောင် သွေးတတ်လာကြသည်။ အိုးများအားလည်း စတင်ပြုလုပ်လာကြသည်။ သို့သော်ဂူအတွင်း၌သာ ဆက်လက်နေထိုင်၍ အမဲလိုက်ခြင်း ကိုပင် ဆက်လက်လုပ်ကိုင်ခဲ့ကြသည်။ လွန်ခဲ့သော နှစ်ပေါင်း ၁၀၀၀၀ လောက်မှစတင်ကာ မြေသြဇာကောင်းသော လွင်ပြင်များသို့ ကျောက်ခေတ် လူသားများ ဆင်းသက်လာကြသည်။ ထိုအချိန်မှစတင်၍ စိုက်ပျိုးရေးလုပ်ငန်းများအားကောင်းလာပြီး ရှေးဦး သမိုင်းကာလအထိ ယဉ်ကျေးမူ့များတိုးတက်လာခဲ့သည်။ ဤသည်တို့မှာ မြန်မာနိုင်ငံ နှင့်သက်ဆိုင်ဆီလျော်သော ကျောက်ခေတ်ကာလ အပိုင်းအခြားများဖြစ်သည်။