မာတင်လူသာကင်း

The Red အနီ added 18 new photos to the album: မာတင်လူသာကင်း.

မာတင်လူသာကင်း
****************
မာတင်လူသာကင်း (Martin Luther King Jr) ( January 15,1929-April 4,1968) သည် အာဖရိကန်- အမေရိကန် သင်းအုပ် ဆရာတစ်ယောက်ဖြစ်ပြီး အမေရိကန် လူ့အခွင့်ရေး လှုပ်ရှားသူများထဲတွင် တက်ကြွထင်ရှားသောသူ တယောက်ဖြစ်သည်။ သူ၏ ထင်ရှားခဲ့သော ဂုဏ်ရည်မှာ အမေရိကန်လူ့ အခွင့်အရေးကို ပိုမိုထိရောက်သော အဆင့်အဖြစ်သို့ ပို့ဆောင်ပေးနိုင် ခဲ့ခြင်းဖြစ်သည်။ မာတင်လူသာကင်းအား ယနေ့တိုင်ပင် လူ့အခွင့်အရေး သင်္ကေတ တခုအဖြစ် မကြာခဏ ရည်ညွှန်း ပြောဆိုလေ့ရှိကြသည်။

ကင်းသည် သင်းအုပ်ဆရာတော် ဖြစ်လာပြီးနောက် လူ့အခွင့်အရေး လှုပ်ရှားမူများတွင် ပါဝင်ဆောင်ရွက်လာလေသည်။ သူသည် မောင်ဂိုမာရီ ဘတ်(စ်)ကားလိုင်းအား သပိတ်မှောက်မူတွင် ဦးဆောင်ခဲ့ပြီး၊ တောင်ပိုင်း ခရစ်ယာန်ခေါင်းဆောင်မူ ညီလာခံနှင့် သားဖွားဆရာမ သင်တန်းသူများ၏ အကြမ်းမဖက်ရေး ပူးပေါင်းဆောင်ရွက်မူ ကော်မတီ စသည်တို့ကို ဖွဲ့စည်းပေးခဲ့သည်။
၁၉၆၃ ခုနှစ်တွင် ကင်းသည် ဘာမင်ဟန်သို့ချီတက်ကာ I Have a Dream ဟူသော မိန့်ခွန်းကို ဟောပြောခဲ့သည်။ ထိုနေရာတွင် သူသည် လူထု၏ လူ့အခွင့်အရေးအမြင်များအား နိုးကြားစေခဲ့ကာ သူကိုယ်တိုင်သည်လည်း အမေရိကန်သမိုင်းတွင် စည်းရုံးဟောပြောခြင်း အကောင်းဆုံးသူများထဲမှ တစ်ယောက်ဖြစ်လာသည်။ သူ၏ အကြမ်းမဖက်ရေး လှုပ်ရှားမူများကြောင့် ၁၉၆၄ ခုနှစ်တွင် ငြိမ်းချမ်းရေး နိုဘယ်လဆုကို ရရှိခဲ့သည်။ သူသေမည့် ၁၉၆၈ ခုနှစ်ထဲတွင် သူ၏ ဆင်းရဲမွဲတေမူ လျော့ချခြင်း နှင့် ဗီယက်နမ်စစ်ပွဲအား ဆန့်ကျင်သည့် အချက်အား ဘာသာရေးရှုထောင့် မှနေ၍ ပြန်လည်သုံးသပ်ခဲ့သည်။
ကင်းသည် ၁၉၆၈ ခုနှစ် ဧပြီ ၄ ရက်နေ့တွင် တန်နက်စီပြည်နယ်၊ မင်းဖစ်မြို့တွင် လုပ်ကြံခံခဲ့ရသည်။ သူသေဆုံးပြီးနောက်လည်း သူ့အားဂုဏ်ပြုကာ ဆုတံဆိပ်များစွာ ချီးမြှင့်ခဲ့ကြသည်။ ၁၉၇၇ တွင် Presidential Medal of Freedom ဆုကိုလည်းကောင်း၊ ၂၀၀၄ ခုနှစ်တွင် Congressional Gold Medal ဆုတံဆိပ်ကိုလည်းကောင်း ဂုဏ်ပြု ချီးမြှင့်ခဲ့ကြသည်။ ၁၉၈၆ ခုနှစ်တွင် မာတင်လူသာကင်းနေ့ဟူ၍ အမေရိကန်တနိုင်ငံလုံး အားလပ်ရက်အဖြစ် ဂုဏ်ပြုသတ်မှတ်ခဲ့ကြသည်။
ငယ်စဉ်ဘ၀
မာတင်လူသာကင်းအား ဂျော်ဂျီယာပြည်နယ်၊ အတ္တလန်တာမြို့တွင် ၁၉၂၉၊ ဇန်န၀ါရီ ၁၅ ရက်နေ့တွင် မွေးဖွားခဲ့သည်။ သူ၏ မိဘများမှာ မာတင်လူသာကင်း စီနီယာနှင့် အယ်လဘာတာဝီလျံကင်းတို့ ဖြစ်ကြသည်။ သူ၏ ဖခင်မှာ သားနှစ်ယောက်အား မိုက်ကယ်ကင်းနှင့် မိုက်ကယ်ကင်းဂျူနီယာဟု အမည်ပေးခဲ့သော်လည်း ၁၉၃၄ ခုနှစ်တွင် ဂျာမနီသို့ သွားရောက်လည်ပတ်ပြီးသည်တွင် ခရစ်ယာန်ဝါဒပြုပြင်ရေး လုပ်ခဲ့သူ ပုဂ္ဂိုလ်ကြီးအား ဂုဏ်ပြုသည့် အနေဖြင့် သားနှစ်ယောက်လုံးအား မာတင်ဟု နာမည် ပြောင်းခဲ့သည်။ မာတင်ဆိုသည့် နာမည်မှာ ထိုခရစ်ယာန်ဝါဒပြုပြင်ရေး လုပ်ခဲ့သူ ဂျာမနီ ပရိုတက်စတင့်ဂိုဏ်းဝင် မာတင်လူသာ၏ အမည်ဖြစ်သည်။ အတ္တလန်တာမြို့တွင် ကြီးပြင်းခဲ့စဉ် ကာလအတွင်း မာတင်လူသာကင်းသည် ဘွတ်ကာတီဝါရှင်တန် အထက်တန်းကျောင်းတွင် ပညာသင်ကြားခဲ့သည်။ သူသည် ကိုးတန်း နှင့် ဆယ့်နှစ်တန်းအဆင့်များအား အဆင့်ကျော် အောင်မြင်နိုင်ခဲ့ပြီး ၁၅ နှစ်သားအရွယ်တွင် အတ္တလန်တာရှိ မိုးဟောက်စ် လူမည်းကောလိပ်တွင် ပညာဆက်လက်သင်ကြားခဲ့သည်။ မိုးဟောက်စ်ကျောင်းမှ လူမူရေးဒဿန (sociology) ဘာသာဖြင့် ဘွဲ့ရခဲ့ပြီးနောက် ပင်ဆယ်လ်ဗေးနီးယားပြည်နယ်၊ ချက်စတာမြို့ရှိ ခရိုဇာ သီအိုလိုဂျီကယ် ဆီမင်နရီ ကျောင်းတွင် ပညာဆက်သင်ခဲ့သည်။ ထိုကျောင်းမှ ဘာသာရေးဆိုင်ရာ ဘွဲ့ကိုရရှိခဲ့သည်။ ထို့နောက် ၁၉၅၅ ခုနှစ်တွင် ဘာသာရေးအတွေးအခေါ်ဖြင့် ဒေါက်တာဘွဲ့ကို ရယူခဲ့သည်။
ကင်းသည် ကော်ရက်တာစကော့ဆိုသူ အမျိုးသမီးနှင့် ၁၉၅၃ ဂျွန်၊ ၁၈ ရက်နေ့တွင် လက်ထပ်ခဲ့သည်။ ကင်းနှင့် စကော့တို့သည် သားသမီး လေးယောက်ထွန်းကားခဲ့သည်။ ၁၉၅၄ ခုနှစ် ကင်းအသက် ၂၅ နှစ်အရွယ်တွင် အယ်လဘားမား ပြည်နယ်၊ မောင့်ဂိုမာရီမြို့တွင် သင်းအုပ်ဆရာတော်အဖြစ် စတင်တာဝန်ထမ်းဆောင်ခဲ့လေသည်။
မောင့်ဂိုမာရီ ဘတ်စ်လိုင်းအား သပိတ်မှောက်မူ
၁၉၅၅ ခုနှစ် မတ်လတွင် အသက် ၁၅ နှစ်အရွယ် ကျောင်းသူလေး တယောက်သည် သူ၏ အနီးရှိ လူဖြူအမျိုးသား တစ်ယောက်အား ထိုင်ခုံပေးရန် ငြင်းဆန်ခဲ့သောကြောင့် ဥပဒေအရ အရေးယူ ခံခဲ့ရလေသည်။ ဘာမင်ဂမ် အာဖရိကန်- အမေရိကန် ကော်မတီ ၀င်ဖြစ်သော ကင်းက ထိုကိစ္စကို အရေးယူ ဖြေရှင်းချင်သော်လည်း၊ အက်ဂါနစ်ဆန် (Edgar Nixon) နှင့် ကလစ်ဖို့ဂျား Clifford Durr တို့က ပိုမိုကောင်းမွန်သော အချက်ကြုံမှ ဖြေရှင်းရန် တားမြစ်ခဲ့ကြသည်။ ၁၉၅၅ ဒီဇင်ဘာ ၁ ရက်နေ့တွင် လူမည်းအမျိုးသမီး တယောက်ဖြစ်သော ရိုဆာပတ် (Rosa Parks) သည် လူဖြူအမျိုးသား တယောက်အား ထိုင်ခုံပေးရန် ငြင်းဆန်မှုဖြင့် အဖမ်းခံခဲ့ရလေသည်။ ထိုကိစ္စအား လူမည်းများက မကျေနပ်သောကြောင့် ဘတ်စ်ကားလိုင်းအား သပိတ်မှောက်ခဲ့ရာ နစ်ဆန်က အဓိက အကြံဉာဏ်နှင့် အစီအစဉ်များ ချမှတ်၍ ကင်းက ဦးဆောင်ခဲ့သည်။ ရက်ပေါင်း ၃၈၅ ရက်မျှ သပိတ်မှောက်ခဲ့ပြီး လူမည်းများက တရားရုံးချုပ်အထိ လျှောက်လဲခဲ့ကြသည်။ ဆန္ဒပြကာလအတွင်း တင်းမာမှုများ ဖြစ်လာခဲ့ပြီး ကင်း၏ အိမ်သည်လည်း လက်ပစ်ဗုံးဖြင့် တိုက်ခိုက်ခြင်းခံခဲ့ရသည်။ ထိုလှုပ်ရှားမှုအတွင်းတွင် ကင်းသည်လည်း ဖမ်းဆီးခံခဲ့ရသည်။ နောက်ဆုံးတွင် မောင်ဂိုမာရီသည် ဘတ်စ်ကားလိုင်းသည် နီဂရိုး အစည်းအရုံးကို အလျှော့ပေးခဲ့ရပြီး အမေရိကန်တရားရုံးချုပ်ကလည်း မောင်ဂိုမာရီရှိ လူထုဘတ်စ်ကားများပေါ်တွင် လူဖြူ၊ လူမည်း ခွဲခြားခြင်းကို ပယ်ဖျက်ရန် ဆုံးဖြတ်ချက်ချခဲ့သည်။ မောင်ဂိုမာရီ အရေးတော်ပုံတွင် အောင်ပွဲ စတင်ရရှိလိုက်သောကြောင့် ကင်း၏ဒဿနကို မှတ်ကျောက်တင်လိုက်သကဲ့သို့ ဖြစ်သွားခဲ့သည်။ ထိုနှစ်ကာလများအတွင်းတွင် ကင်း၏ စည်းရုံးလှုံ့ဆော်မူ့ဖြင့် ထိုင်သပိတ်များ မှောက်ကြပြီး လူမည်း လွတ်လပ်ရေးအတွက် တိုက်ပွဲဝင်ခဲ့ကြသည်။
တောင်ပိုင်း ခရစ်ယာန် ခေါင်းဆောင်မူ့ ညီလာခံ
ကင်း၊ Ralph Abernathy နှင့် အခြား လူမှုအခွင့်အရေး လှုပ်ရှားသူများသည် ၁၉၅၇ ခုနှစ်တွင် တောင်ပိုင်း ခရစ်ယာန် ခေါင်းဆောင်မှု ညီလာခံ (Southern Christian Leadership Conference,SCLC) ကို တည်ထောင်ခဲ့သည်။ ထိုအုပ်စုသည် လူမည်းဘုရားကျောင်းများ၏ သာသနာရေးအာဏာကို စုစည်းအသုံးပြုကာ မြို့ပြလူမှု အခွင့်အရေး လှုပ်ရှားဆန္ဒပြသူများ အတွက် အကြမ်းမဖက်ရေး လမ်းစဉ်ကို အသုံးပြုရန် ဖန်တီးလှုံ့ဆော်ခဲ့ကြသည်။ ကင်းသည် သူသေဆုံးသည်အထိ SCLC အဖွဲ့အား ဦးဆောင်မှုပေးခဲ့သည်။ ၁၉၅၈ ခုနှစ်တွင် သူ၏ စာအုပ်ဖြစ်သော Strive Toward Freedom အား Harlem ကုန်တိုက်စတိုးတွင် လက်မှတ်ရေးထိုးပေးခိုက် စိတ်မနှံ့သူ လူမည်း အမျိုးသမီးတဦးမှ ဓားဖြင့်ထိုးခဲ့ရာ နှလုံးနှင့် အနီးဆုံးနေရာကို ထိသွားခဲ့ဖူးသည်။ အလွန်ကံကောင်းသောကြောင့် ကင်းသည် သေဘေးမှ လွတ်မြောက်ခဲ့ရခြင်းဖြစ်သည်။
ဂန္ဒီ၏ အကြမ်းမဖက်ရေး လှုပ်ရှားမှုများသည် ကင်းအပေါ်တွင် များစွာလွှမ်းမိုးခဲ့ပြီး၊ ထိုနည်းလမ်းများသည် အယ်လဘားမားပြည်နယ်ရှိ လူ့အခွင့်အရေး လှုပ်ရှားမှုများအား မှန်ကန်သောလမ်းကြောင်းပေါ်သို့ ပို့ဆောင်ပေးနိုင်ခဲ့သည်။ SCLC မှ စုစည်းပေးသော ဆန္ဒပြသူများအား ကင်းသည် အကြမ်းမဖက်ရေးဝါဒများကို ဟောပြောပို့ချပေးခဲ့သည်။ ၁၉၅၉ ခုနှစ်တွင် သူသည် The Measure of A Man ဆိုသည့် စာအုပ်ကို ရေးသားခဲ့ပြီး ထိုစာအုပ်အား What is Man ဟူသော စာအုပ်မှ ရေးသားခဲ့ခြင်းဖြစ်သည်။ ယင်းစာအုပ်The Measure of A Man တွင် လူ့အဖွဲ့အစည်း၏ နိုင်ငံရေး၊ လူမှုရေး၊ စီးပွားရေး အဆောက်အဦးများ၏ အခက်အခဲ ရုန်းကန်ရမှုများကို ခြယ်မှုန်းရေးသားခဲ့သည်။
ပြည်ထောင်စု ထောက်လှမ်းရေး ဗျူရို (FBI) မှလည်း ကင်းအား ၁၉၆၃ ခုနှစ်မှ စတင်ကာ တယ်လီဖုန်းကြားဖြတ် နားထောင်ကာ စုံစမ်းခဲ့သည်။ ညွှန်ကြားရေးမှူးချုပ် ဂျေအဂ္ဂါဟူးဗားသည် လူ့အခွင့်အရေး လှုပ်ရှားမှုများတွင် ကွန်မြူနစ်များက စိမ့်ဝင်ထိုးဖေါက် လာမည်ကို ကြောက်ရွံ့ခဲ့သည်။ ထို့ကြောင့် စုံစမ်းမှုများ လုပ်ခဲ့သော်လည်း မည်သည့် အထောက်အထားမှ မရှိခဲ့သဖြင့် တယ်လီဖုန်းလိုင်းတခုမှ မတော်တဆဖမ်းယူခဲ့သော ကင်း၏ ပုဂ္ဂလိက အကြောင်းအား တိပ်ဖြင့်ဖမ်းကာ ကင်းအား ထင်ရှားသော ခေါင်းဆောင်အဖြစ်မှ နှုတ်ထွက်ရန် ဖိအားပေး ခြိမ်းခြောက်ခဲ့သည်။
ကင်းသည် လူမည်းများအား စုစည်းကာ ဦးဆောင်မှုပေးနိုင်ခဲ့ပြီး လူမည်းများမဲပေးခွင့်၊ လူဖြူလူမည်း တန်းတူအခွင့်အရေး ရရှိမှု၊ အလုပ်သမား အခွင့်အရေးနှင့် အခြားအခြေခံ လူ့အခွင့်အရေးများအား တောင်းဆိုခဲ့သည်။ ထိုတောင်းဆိုချက်များထဲမှ အများအပြားမှာ အောင်မြင်မှုများ ရရှိခဲ့ပြီး အမေရိကန် ပြည်ထောင်စု ဥပဒေများထဲတွင် ၁၉၆၄ လူမှုအခွင့်အရေး ဥပဒေနှင့် ၁၉၆၅ မဲပေးခွင့် ဥပဒေများအဖြစ် ထည့်သွင်း အသက်ဝင်စေခဲ့သည်။
ကင်းနှင့် SCLC တို့သည် အကြမ်းမဖက်ရေး ဆန္ဒပြမှု စည်းမျဉ်းများအား ချမှတ်နိုင်ခဲ့ပြီး ကြီးမားသော အောင်မြင်မှုများလည်း ရရှိခဲ့သည်။ အောင်မြင်ရသော အကြောင်းရင်းများတွင် ဆန္ဒပြမှု နည်းလမ်းများနှင့် ဆန္ဒပြရမည့် နေရာများအား မှန်ကန်စွာ ရွေးချယ်နိုင်ခဲ့ခြင်း တို့ကြောင့်လည်းဖြစ်သည်။ အာဏာပိုင်များမှ မကြာခဏဆိုသလိုပင် ပုံမှန် နှိပ်ကွပ်မှုများ နှင့်လည်း ဆန္ဒပြသူများ ကြုံခဲ့ရသည်။ တခါတရံတွင် ထိုနှိမ်နင်းမှုများသည် အကြမ်းဖက်ပွဲများ ဆီသို့ ဦးတည်သွားတတ်လေသည်။
အယ်ဘာနီ လှုပ်ရှားမူ့ (ဘာမင်ဟန် တိုက်ပွဲ)
ဘာမင်ဟမ် ဆန္ဒပြပွဲသည် အာဖရိကန်- အမေရိကန်များ၏ လူမှုအခွင့်အရေးများ ပိုမို ရရှိစေရန်အတွက် SCLC ၏ မဟာဗျူဟာ မြောက်သော စီစဉ်မှု တရပ်လည်းဖြစ်သည်။ ထိုဆန္ဒပြပွဲသည် နှစ်လမျှ ကြာမြင့်ခဲ့ပြီး နောက်ဆုံးတွင် အောင်မြင်မှု ရရှိခဲ့သည်။ ထိုစဉ်က အရေးအခင်းအား ပြည်သူ့လုံခြုံရေးဌာန မင်းကြီး သီအိုဖီးလ်စ် (ဘူးလ်) ကွန်နာက ကိုင်တွယ်ခဲ့သည်။ ဆန္ဒပြသူ အများအပြားအားလည်း ထောင်သွင်း အကျဉ်းချခဲ့ကြသည်။ ထိုအထဲတွင် ယောကျာ်း၊ မိန်းမ၊ ကလေးသူငယ်များပင် ပါဝင်လေသည်။ ရဲများသည် ဆန္ဒပြသူများအား တုတ်ဖြင့်ရိုက်ခြင်း၊ သံချပ်ကာကားဖြင့် ၀င်တိုက်ခြင်းများ ပြုလုပ်ခဲ့ကြပြီး၊ ထိုအဖြစ်အပျက်များအား မြင်တွေ့ရသော လူဖြူများပင်လျင် လူမှုအခွင့်အရေး လှုပ်ရှားမှု အတွင်း ပါဝင်လာကြသည်ဟု ဆိုသည်။ မည်သို့ပင်ဖြစ်စေ အကျပ်အတည်း တရပ်အား မာတင်လူသာကင်းသည် ဖန်တီးနိုင်ခဲ့လေသည်။ ထိုအကျပ် အတည်းမှ တဆင့် လိုချင်သော ဆန္ဒများအား အကြမ်းမဖက်ရေး နည်းလမ်းကို အသုံးပြုကာ တောင်းယူခဲ့ကြသည်။ ဆန္ဒပြပွဲ ကြီး ပြီးဆုံးသွားပြီးနောက် ကွန်နာသည် အလုပ်ပြုတ်သွားပြီး ကင်းမှာ ပိုမို နာမည်ကျော်ကြား လာလေသည်။ အကျိုးဆက်အားဖြင့် အများပြည်သူဆိုင်ရာနေရာ အများစုသည် လူမည်းများ အတွက်လည်း အကျုံးဝင်လာလေသည်။
လုပ်ကြံခံရခြင်း
ကင်းလုပ်ကြံ သတ်ဖြတ်ခံခဲ့ရသော လော်ရိန်း တည်းခိုခန်းအား ယခုအခါ နိုင်ငံတော် လူမှုအခွင့်အရေး ပြတိုက်အဖြစ် ပြောင်း လဲထားသည်။
၁၉၆၈ ခုနှစ် နွေဦးတွင် သာမာန်အလုပ်သမား ပြဿနာလေးတခုအား ဖြေရှင်းရန် မင်းဖစ်မြို့သို့ ကင်းရောက်ရှိခဲ့သည်။ မင်းဖစ်မြို့တွင် တံမြက်လှည်း၊ မြောင်းဖေါ်၊ အညစ်အကြေး ဆေးကြောသန့်ရှင်းရသည့် အလုပ်သမား ၁၃၀၀ ခန့်ရှိသည်။ ထိုအလုပ်သမား အားလုံးမှာ လူမည်းများဖြစ်ကြပြီး လုပ်ခလစာ အလွန်နည်းပါးသည့် အတွက် လစာတိုးပေးရန် သပိတ်မှောက် ကြသည်။ ပထမဆုံး ဆန္ဒပြချီတက်ပွဲမှာပင် လူမည်းများက အကြမ်းဖက် တိုက်ခိုက်မှုများ ပြုလုပ်ခဲ့သဖြင့် ကင်းစိတ်ပျက်သွားခဲ့သည်။ သူ၏ အကြမ်းမဖက်ရေး ၀ါဒမှာ သဲထဲရေသွန်သကဲ့သို့ ဖြစ်သွားသည်ဟု ခံစားမိကာ မင်းဖစ်မြို့မှ ကင်းလှည့် ပြန်ခဲ့သည်။ သို့သော် လုပ်ဖေါ်ကိုင်ဖက်များက ၀ိုင်း၍ တိုက်တွန်းကြသည့်အတွက် နောက်ဆုံတွင် မင်းဖစ်သို့ ပြန်သွားရန် သဘောတူခဲ့သည်။
လူမည်းတယောက် ပိုင်ဆိုင်သည့် လော်ရိန်းအမည်ရှိ တည်းခိုခန်းတွင် တည်းခိုခဲ့သည်။ ဧပြီလ ၄ ရက်နေ့ ညနေတွင် သူတည်းခိုသည့် အခန်း နံပါတ် ၃၀၆ မှနေ၍ အပြင်ဘက် ထွက်လာကာ လေညင်းခံရန်အတွက် လသာဆောင်တွင်ထွက်ရပ်သည်။ ထိုအချိန်တွင် လမ်းတဖက် မျက်နှာခြင်းဆိုင် အိမ်အပေါ်ထပ်မှ နေ၍ လူသတ်သမားက သေနတ်ဖြင့် ချောင်းမြောင်း ပစ်ခတ်လိုက်သည်။ ကျည်ဆံသည် ကင်း၏ လည်ပင်းကို ဖေါက်ထွက်သွားသည်။ သေနတ်ပစ်ခံရပြီး တစ်နာရီအကြာ ည ၇ နာရီ ၅ မိနစ်တွင် စိန့်ဂျိုးဆက် ဆေးရုံတွင် ကွယ်လွန်ခဲ့သည်။ သူကွယ်လွန်ချိန်တွင် အသက် ၃၉ နှစ်သာ ရှိသေးသည်။
မာတင်လူသာကင်းအား လုပ်ကြံသတ်ဖြတ်သူမှာ လူဖြူကြီးစိုးရေးဝါဒီ အစွန်းရောက် တဦးဖြစ်သည့် ဂျိမ်းစ်အားလ်ရေး ဆိုသူ ဖြစ်သည်။ သူ့ကို ဖမ်းဆီးမိပြီးနောက် ထောင်ဒဏ် ၉၉ နှစ်ချမှတ်ခဲ့သည်။
သူ့ကို ဂုဏ်ပြုတဲ့အနေနဲ့ အမေရိကန်နိုင်ငံမှာ သူ့ရဲ့မွေးနေ့နဲ့နီးတဲ့ ဇန်နဝါရီလရဲ့ တတိယမြောက် တင်္နလာနေ့ကို မာတင်လူသာကင်းနေ့ (Martin Luther King Day) အဖြစ်သတ်မှတ်ပြီး တရားဝင်ရုံးပိတ်ရက်အဖြစ် သတ်မှတ်ခဲ့သည်။
အကိုးအကား
အင်္ဂလိပ်ဝီကီ နှင့် ၂၀ ရာစုအကြီးကျယ်ဆုံး ပုဂ္ဂိုလ်များ၊ ရာပြည့်စာတည်းအဖွဲ့။
Wikimyanmar.co.cc မှ ကူးယူပါသည်။
http://aidsburma.blogspot.com/2011/04/blog-post_3999.html
မာတင်လူသာကင်း၏ မှတ်သားဖွယ်ရာ အဆိုအမိန့် (၁၀) ခု
====================================
နိုင်ငံသား အခွင့်အရေး လှုပ်ရှားမှုမှာ အထင်ကရတစ်ဦးဖြစ်တဲ့ မာတင်လူသာကင်းဂျူနီယာဟာ ကမ္ဘာ့သမိုင်း ကို အပြောင်းအလဲ ဖြစ်စေခဲ့သူတစ်ဦးပါ။ အမေရိကားမှာ နှစ်စဉ် ဇန်နဝါရီ ၁၈ ရက်မှာ မာတင်လူသာကင်းနေ့အဖြစ် သူထားခဲ့တဲ့ အတုယူဖွယ်ရာ အမွေအနှစ်တွေကို ထိန်းသိမ်းဖို့ နဲ့ သူ့ကို အမှတ်ရတဲ့ အနေနဲ့ ကျောင်းတွေ၊ ရုံးတွေ ပိတ်ပါတယ်။
အောက်မှာ သူပြောခဲ့တဲ့ လေးစားအတုယူဖွယ် အဆိုအမိန့်တွေကို ဖော်ပြလိုက်ပါတယ်။
၁။ “သင့်အလုပ်က ဘာဖြစ်နေပါစေ၊ အဲ့အလုပ်ကို ကောင်းအောင်လုပ်ပါ။ လူတစ်ယောက်ဟာ တခြားသူတွေ၊ သေပြီးတဲ့သူတွေ၊ မမွေးသေးတဲ့သူတွေ တစ်ယောက်မှ သူ့အလုပ်ကို သူ့လောက်ကောင်းအောင် မလုပ်နိုင်တဲ့ အထိ ကောင်းအောင် လုပ်သင့်တယ်။”
၂။ “ကျွန်တော်တို့ဟာ သမိုင်းကို ဖန်တီးတဲ့သူတွေ မဟုတ်ပါဘူး။ သမိုင်းကသာ ကျွှန်တော်တို့ကို ဖန်တီးတာပါ။”
၃။ “လူတစ်ယောက်ဟာ သူ အသက်ပေးချင်တဲ့ အရာတစ်ခုခုကို ရှာဖွေတွေ့ရှိခြင်းမရှိဘူးဆိုရင် အသက်ရှင်ဖို့ မထိုက်တန်ဘူး။”
၎။ “ဘဝရဲ့ အရေးတကြီးနဲ့ အမြဲမေးရမယ့် မေးခွန်းက ‘သင်တခြားသူတွေအတွက် ဘာလုပ်ပြီးပြီလဲ’ ဆိုတဲ့ မေးခွန်းဖြစ်တယ်။”
၅။ “လူတစ်ယောက်ဟာ လမ်းဘေးအမှိုက်လှည်းတဲ့သူ အဖြစ်သတ်မှတ်ခံရတယ်ဆိုရင် အမှိုက်လှည်းတာကို မိုက်ကယ် အန်ဂျလိုက ပန်းချီဆွဲသလို၊ ဘီသိုဗင်က သီချင်းရေးသလို၊ ရှိတ်စပီးယားက ကဗျာစပ်သလို ကောင်းအောင်လုပ်သင့်တယ်။ သူဟာ အမှိုက်ကို နတ်ပြည်လူ့ပြည်က နတ်လူအားလုံး ရပ်ပြီး ‘ဒီမှာ အကောင်းဆုံး အမှိုက်လှည်းတဲ့သူ နေသွားတာပဲ’ လို့ ပြောရတဲ့အထိကောင်းအောင် လုပ်သင့်တယ်။”
၆။ “လူသားတွေကို အကျိုးပြုတဲ့ ဘယ်အလုပ်မဆို အင်မတန် အရေးကြီးပြီး၊ ဂုဏ်သိက္ခာရှိတာမို့ အပင်ပန်းခံပြီး အပတ်တကုတ်ကြိုးစားသင့်တယ်။”
၇။ “လူတစ်ယောက်ဘယ်လို လူစားလဲ ဆိုတာ တိုင်းတာမှုဟာ သူကောင်းကောင်းမွန်မွန်နေရတဲ့ အချိန်မှာ မတိုင်းတာပဲ သူ စိန်ခေါ်မှုတွေ ရင်ဆိုင်နေရတဲ့အချိန် တိုင်းတာရမှာဖြစ်တယ်။”
၈။ “လူတစ်ယောက်ကို တိုက်ရိုက်ထိခိုက်တဲ့ ဘယ်အရာမဆို တခြားလူ အားလုံးကို သွယ်ဝိုက်ထိခိုက်ပါတယ်။ သင်တို့ဖြစ်သင့်တဲ့ သူတွေ မဖြစ်ရင် ကျွန်တော်လည်း ကျွှန်တော်ဖြစ်သင့်တဲ့ လူတစ်ယောက်ဖြစ်လာမှာ မဟုတ်ပါဘူး။ ဒါဟာ တစ်ခုနဲ့ တစ်ခုဆက်စပ်မှု ရှိတဲ့ အမှန်တရားရဲ့ ဖွဲ့စည်းပုံပဲ။”
၉။ “မပျံသန်းနိုင်ဘူးဆိုရင် ပြေးပါ။ မပြေးနိုင်ဘူးဆိုရင် လမ်းလျှောက်ပါ။ လမ်းမလျှောက်နိုင်ဘူးဆိုရင် တွားသွားပါ။ ဒါပေမယ့် သင်ဘာပဲ လုပ်နေလုပ်နေ ဆက်သွားနေဖို့လိုတယ်။”
၁၀။ “ပြောင်းလဲမှုဆိုတာ ရှောင်းလွဲမရတဲ့ ဘီးပေါ်မှာ လှိမ့်လာမှာ မဟုတ်ဘဲ အဆက်မပြတ် ကြိုးစားရုန်းကန်မှုကနေ ရရှိလာမှာဖြစ်တယ်။ ဒါကြောင့် ကျွန်တော်တို့ရဲ့ ကျောကုန်းကို ဆန့်ဆန့်ထားပြီး လွတ်လပ်မှု အတွက် တိုက်ပွဲဝင်ရမယ်။ သင်သာ ကျောမကုန်းပေးရင် သင့်ကုတ်ပေါ် ဘယ်သူမှ တက်စီးလို့ရမှာ မဟုတ်ဘူး။”
Credit : ကျော်စွာ
Yez Magazine