ပရဟိတသမားကြီး အကယ်ဒမီ ဝေဠုကျော်ရဲ့ ဘ၀အကြောင်း တစ်စေ့တစ်စောင်း

True Man added 4 new photos.

ပရဟိတသမားကြီး အကယ်ဒမီ ဝေဠုကျော်ရဲ့ ဘ၀အကြောင်း တစ်စေ့တစ်စောင်း
အကယ်ဒမီ ဝေဠုကျော်၊ ကလေးသရုပ်ဆောင်အဖြစ် သရုပ်ဆောင်ရင်း ရုပ်ရှင်လောကကို ရောက်ရှိခဲ့သူ
ဧရာဝတီမြစ်မကြီးမှ ခွဲထွက်စီးဖြာကျလာသော ပန်းလှိုင်မြစ်ကမ်း၏နံဘေးမှာ တည်ရှိသည့် ညောင်တုန်း မြို့လေးဟာ နိုင်ငံတစ်ဝန်းရှိ မြို့ကြီးများနှင့် နှိုင်းစာကြည့်လျှင် သေးငယ်ပေမယ့် တိုင်းသိပြည်သိ ထင်ပေါ်ကျော်ကြားသော စာပေ၊ ဂီတ၊ ရုပ်ရှင်၊ အနုပညာရှင်များ ပေါ်ထွက်ခဲ့ သည့် ဂုဏ်သတင်းတွေက အင်မတန်ကြီးမားလှသည်။

”သီတာသောင်ခြေဦး၊ ဓမ္မဝိလာသ”ဝတ္ထုရှည်ကြီး များဖြင့် အမျိုးသားစာပေဆုရ စာရေးဆရာ လင်းယုန် သစ်လွင်၊ ရောင်နီ၊ တက္ကသိုလ်ဟန်ဝင်းအောင်၊ တက္ကသိုလ် ညိုလွင်မောင်(ဝေဠုကျော်၏ဖခင်)၊ တက္ကသိုလ်ညိုညိုသိမ်း (ဝေဠုကျော် ၏မိခင်)၊ ကဗျာဆရာ ကဝိနွယ်၊ စာရေးဆရာ သတင်းစာဆရာ ဖိုးသောကြာ၊ စန္ဒရား ဦးအောင်ကို၊”ဗိုလ်အောင်ဒင်”ဖန်တီးရှင် စာရေးဆရာ ဒါရိုက်တာအကယ် ဒမီရွှေဒုံးဘီအောင်၊ ဇာတ်ညွှန်း ရွှေဒုံးထွန်းလွင်၊ ရုပ်ရှင် သရုပ်ဆောင် အကယ်ဒမီ ထွန်းထွန်းနိုင်၊ အကယ်ဒမီ မေသဉ္ဇာဦး၊ ဒါရိုက်တာ အကယ်ဒမီ ညီညီထွန်းလွင်၊ အကယ်ဒမီ ရှုမဝ စမ်းစမ်းအေး၊ အကယ်ဒမီ ဝေဠုကျော်၊ ရုပ်ရှင်နှင့်ဗီဒီယိုဇာတ်ညွှန်း မဏိထို၊ ဆုသြချယ်၊ စာရေး ဆရာမ ဂျူလိုင်မိုး(အိုအေစစ်)၊
ဟာသသရုပ်ဆောင် ဧရာ၊ တေးသံရှင် ဇေယျာပွင့်(ရွှေပုစွန်)၊ တေးသံရှင် ညောင်တုန်း စောထွန်းနိုင်၊ ညောင်တုန်းဌေးဝင်း၊ တေးရေးမင်းထက်သာ၊ ထွန်းဖောင်ဒေးရှင်း ပန်းချီပထမရွှေတံဆိပ်ဆုရ ပန်းချီ ဝင်းမြင့်မိုးစသည်တို့သည် ညောင်တုန်းမြို့က ပေါ် ထွက်ခဲ့သော ထူးချွန်သည့် အနုပညာရှင်များ ဖြစ်ကြသည်။
မြန်မာဘောလုံးအမျိုးသမီးလက်ရွေးစင် သန်းသန်းထွေးကလဲ ညောင်တုန်းသူပါ
ဓါတ်ပုံ ဌေးဝင်း(ဘဏ်)သည် ညောင်တုန်းသားစစ်စစ်ဖြစ်ပါသည်။
Studio 35 မှထုတ်လုပ်ပြီး ဇာတ်လမ်း၊ ဇာတ်ညွှန်းနှင့် ဒါရိုက်တာ အကယ်ဒမီ ခင်မောင်ဦးနှင့် စိုးသိမ်းထွဋ်တို့ရိုက် ကူးသည့် ”ပင်လယ်ထက်ကနေဝန်းနီ”ရုပ်ရှင်ဇာတ်ကား ကြီးတွင် တူမလေးအပေါ် မေတ္တာတရားကြီးမားလှသည့် ဦးကြီးတော်ဖြစ်သူ ‘ဆလုံ’ကျွန်းသားကြီးထွဋ်ခေါင်လုအဖြစ် ပီပြင်စွာ သရုပ်ဆောင်နိုင်ခဲ့သည့်အတွက် ၂ဝ၁ဝ ခုနှစ်တွင် အကယ်ဒမီရရှိခဲ့သည့် ဝေဠုကျော်သည် ၁၉၉၇ ခုနှစ်ခန့်က ကလေးသရုပ်ဆောင်အဖြစ် ”အစိမ်းရောင်တောင်ကြားနှင့်” ”နှလုံးသားဖြင့်ရင်းရပါသည်”ရုပ်ရှင်ဇာတ်ကားကြီးများတွင် ပါဝင်သရုပ်ဆောင်ရင်း ရုပ်ရှင်လောကကို ရောက်ရှိခဲ့သူ။
ခေါင်းဆောင်မင်းသားအဖြစ် ၁၉၉၉ ခုနှစ်က ”မကြာမီမျှော်”ဗီဒီယိုဇာတ်ကားကို ရိုက်ကူးခဲ့သည်။ ယနေ့ အထိ ရုပ်ရှင်နှင့် ဗီဒီယိုဇာတ်ကားများစွာ သရုပ်ဆောင် ခဲ့ပြီးဖြစ်ရာ ယခုလက်ရှိ ”ဝေဠုကျော်”စုံထောက်အသွင် သရုပ်ဆောင်ထားသော ဘကောင်းဇာတ်လမ်းများမှာ ပရိသတ်ကြား ရေပန်းစားလျက်ရှိသည်။
မိဘများက စာရေးဆရာ၊ ”ပန်းလှိုင်စာပေ”တိုက်ကို တည်ထောင်ခဲ့ကြသူတွေ။ ”စံပယ်ဦး”စာပေတိုက်မှ ရုပ်ရှင် သရုပ်ဆောင် ဒါရိုက်တာ အကယ်ဒမီ သီဟတင်စိုး ပေါ်ပေါက်ခဲ့သလို ဝေဠုကျော်မှာလည်း စာပေအသိုင်း အဝိုင်းမှ ထွန်းတောက်လာခဲ့သည့် ရုပ်ရှင်ကြယ်တစ်ပွင့်။ အနုပညာမြို့တော်မှာ စာပေရပ်ကွက်နှင့် ရုပ်ရှင်ရပ်ကွက် သည် မစိမ်း၊ ကူးလူးဆက်နွှယ်နေသည်။ သို့ဖြစ်၍ ဝေဠုကျော်သည် ရေခံ၊ မြေခံကောင်းသူ၊ မွေးချင်းသုံးဦးရှိ သည့်အနက် အကြီးဆုံး၊ ညီမအလတ်က ဇာတ်ညွှန်းမဏိထို၊ ”မဏိရွှေစင်”ဗီဒီယိုထုတ်လုပ်ရေးကို တည်ထောင်ထားပြီး ရုပ်ရှင်လောကကို နောက်ဆုံးထွက်သက်အထိ ဖြတ်သန်း မည်ဟု သန္နိဋ္ဌာန်ပြုထားသူ၊ ရုပ်ရှင်ချစ်သူတွေအပေါ်၊ မိဘအပေါ် တာဝန်ကျေခဲ့သလို Family Life အိမ်ထောင် သည်ဘဝကိုလည်း တာဝန်ကျေချင်ပြန်သည်ဟု တဖွဖွပြော နေပြန်သည်။ လူပျိုကြီးဘဝမှ အိမ်ထောင်သည်ဘဝသို့ ကူးပြောင်းရန် တာစူနေဆဲ။
အားလပ်သည့်နေ့ရက်များတွင် ရေကူး၊ ကျွမ်းဘားနှင့် Body Beauty ကစားလေ့ရှိသည်။ အင်ဒိုနီးရှားနိုင်ငံမှ စတင်တာထွက်ပြီး အိန္ဒိယတွင် ပန်းဝင်သော (၁၁)နိုင်ငံ ချစ်ကြည်ရေးကားမောင်းပြိုင်ပွဲတွင် အားကစားလှုပ်ရှားမှု အဖြစ် အကယ်ဒမီ မေသဉ္ဇာဦး၊ ဒါရိုက်တာ ကိုပေါက်တို့ နှင့်အတူ ခရီးအစမှအဆုံးတိုင် ပါဝင်ယှဉ်ပြိုင်ခဲ့သည်။ ပရဟိတအများအကျိုးဆောင်ရသည့် လူမှုရေးလုပ်ငန်းများ ကိုလည်း မေ့မထား၊ နာဂစ်မုန်တိုင်းကာလက နာရေးကူညီ မှုအသင်း(ရန်ကုန်)နှင့် တွဲဖက်၍ ကယ်ဆယ်ရေး၊ ပြန်လည် ထူထောင်ရေးလုပ်ငန်းများကို လပွတ္တာ၊ မြောင်းမြနယ်တစ် ဝိုက် နေ့မအား၊ ညမနား ကိုယ်တိုင်ကိုယ်ကျ စွမ်းစွမ်းတမံ အကျိုးဆောင်ခဲ့ပြန်သည်။
”သွေးမေတ္တာ”ပရဟိတအသင်းမှာ ဒုတိယဥက္ကဋ္ဌအဖြစ် တာဝန်ယူထားသည်။ အရေးပေါ် သွေးလိုအပ်သည့် ဝေဒနာရှင်များအတွက် သွေးလှူရှင်များ ရှာဖွေပေးလျက်ရှိ သည်။ ”သွေးမေတ္တာ”အသင်းအနေဖြင့် သွေးများကို ကြိုတင်စုဆောင်းထားလေ့မရှိပါ။ ‘B ‘သုံးလုံးဖြစ်သော(Body Blood Bank)လူ၏ ခန္ဓာကိုယ်အတွင်း သိုလှောင် ထားသည့် သွေးများကို လူနာထံသို့ တိုက်ရိုက်လှူဒါန်းခြင်း စနစ်ဖြင့် ကုသိုလ်ဒါနပြုလျက်ရှိသည်။ မွန်မြတ်လှပေစွ။
ဈေးကွက်အရ ဒီကနေ့ဈေးကွက်မှာ Fancy နှင့် ဟာသကားများသာ အလုအယက် ဦးစားပေးရိုက်ကူးနေ သည့်ကြားက အကျိုးအမြတ်ကို ပဓာနမထား၊ အသွား အလာခက်ခဲပြီး ငွေကြေးအကုန်အကျများကာ ရင်းသလောက် ပြန်ရဖို့ မလွယ်ကူသည့် အင်မတန်စွန့်စားထုတ်လုပ်ရသည့် ”ပင်လယ်ထက်ကနေဝန်းနီ”လို ဘဝသရုပ်ဖော်ဇာတ်ကား မျိုးကို စေတနာရှေ့ထားရိုက်ကူးရဲသော Studio 35 ကို အင်မတန်လေးစားမိသည်။
ဒီဇာတ်ကားမှာ မဲပြာပုဆိုးမျိုးမဟုတ်ဘဲ တိုင်းရင်းသားလူမျိုးစုတွေထဲမှ လူသိနည်းသော ဆလုံတိုင်းရင်း သားတွေ၏ ဘဝ၊ ဓလေ့စရိုက်တွေကို စေ့စေ့စပ်စပ်လေ့လာ ရိုက်ကူးခဲ့သလို ၅၂၈ မေတ္တာကို အခြေခံကာ ဘကြီးတော် ဆလုံကျွန်းသားကြီး ထွဋ်ခေါင်လုအဖြစ် မိဘနှင့်မခြား တူမလေးအပေါ် မေတ္တာတရားကြီးမားပုံ၊ တရားမရနိုင်ကြ သေးသည့်အတွက် သံယောဇဉ်အပူမီးတွေကြောင့် သောကဝေဒနာ ခံစားရမှုတွေ၊ ပေါက်ကွဲမှုတွေ၊ သံဝေဂရ မှုတွေကို အပြင်မှာ တကယ်ဖြစ်နေသလားထင်ရလောက်အောင်၊ သရုပ်ဆောင်နေသည်ဆိုသော အမြင်တွေကို ပျောက်သွားအောင် ထိထိမိမိသရုပ်ဆောင်နိုင်ခဲ့သည့် အတွက် ဝေဠုကျော်သည် အကယ်ဒမီရွှေစင်ရုပ်တုကြီးကို ထိုက်ထိုက်တန်တန် ရရှိခဲ့ခြင်းပါ။
ယခုအခါ မြန်မာနိုင်ငံကြက်ခြေနီအသင်းကြီးတွင် စေတနာ့ဝန်ထမ်းအဖြစ် တာဝန်ထမ်းဆောင်လျက်ရှိရာ တပ်ခွဲမှူး တာဝန်ကို စွမ်းစွမ်းတမံ ကျေပွန်စွာ ထမ်းဆောင် နေဆဲ။
ညီလေးဝေဠုကျော်တစ်ယောက် အနုပညာလောက ထဲ နာမည်ကောင်းတစ်ခုဖြင့် ရပ်တည်နိုင်ရေးအတွက် စာရေးသူ စိတ်ကူးပုံဖော်ခဲ့သည့်ကဗျာလေးမှာ-
ကောင်းသမိုင်းတွင်သူဖြစ်ပါစေ
All credit goes to original writer