ဘဝရဲ့ အခိုက်အတန့်လေးများ

 

နှိုင်းရင့်နွေ

ဘဝရဲ့ အခိုက်အတန့်လေးများ
----------------------------------------------------------------
နှိုင်းရင့်နွေမှတင်ဆက်သည်...
https://www.facebook.com/hnaingyintnway
----------------------------------------------------------------
လိပ်စာအတိုင်း ကျွန်တော်ရောက်သွားတဲ့အခါ ဟွန်းကိုတီးလိုက်ပါတယ်... နောက်ထပ်မိနစ်အနည်းငယ်ထပ်စောင့်ကြည့်ပြီး ကျွန်တော် ဟွန်းထပ်တီးတယ်... ဒီတစ်ခေါက်ပို့ပြီးတာနဲ့ ညဆိုင်းမောင်းရာကနေ ကျွန်တော်နားတော့မှာဆိုတော့ အိမ်ရှေ့ကနေ မောင်းထွက်သွားရင်ကောင်းမလားလို့တောင်စဉ်းစားနေမိတယ်... ဒါပေမဲ့ ကျွန်တော်တကယ်လုပ်ဖြစ်တာက ကားကို စက်သတ်... တံခါးဝကိုလျှောက်သွားပြီး တံခါးခေါက်လိုက်တယ်... "ခဏလေးစောင့်ပါဦးကွယ်..." အိုမင်းချည့်နဲ့နေတဲ့ အသံတစ်သံက ပြန်ပြောလာတယ်... ကြမ်းပြင်ကနေ တစ်ခုခုကို တရွတ်တိုက်ဆွဲလာတဲ့အသံမျိုး ကျွန်တော်ကြားနေရတယ်...

နည်းနည်းလေးကြာတော့ တံခါးပွင့်လာပါတယ်... အသက် ၉၀ လောက်ရှိတဲ့ လူကောင်ခပ်သေးသေးအမျိုးသမီးကြီးဟာ ကျွန်တော့်ရှေ့ကိုရောက်လာတယ်... သူမဟာ ဆေးဆိုးပန်းရိုက်ဝတ်စုံတစ်စုံဝတ်ထားပြီး ဇာပုဝါတွဲထားတဲ့ လေးထောင့်ကျကျဦးထုပ်တစ်လုံးဆောင်းထားပါတယ်.... ၁၉၄၀ ကျော်လောက်က ရုပ်ရှင်ဇာတ်ကားတွေထဲက အတိုင်းပါပဲ...

သူမဘေးမှာတော့ နိုင်လွန်အဝတ်အိတ်တစ်လုံးကိုတွေ့ရတယ်... တိုက်ခန်းကိုကြည့်ရတာ နှစ်ပေါင်းများစွာ လူမနေတာကြာခဲ့သလိုပါပဲ... ပရိဘောဂတွေအားလုံးကို ခင်းလွှားတွေနဲ့ အုပ်ထားတယ်... နံရံပေါ်မှာလည်း နာရီတစ်လုံးမှမရှိဘူး... ဘာအဆင်တန်ဆာ ကိရိယာတန်ဆာပလာတွေမှလည်းမရှိဘူး... အခန်းထောင့်မှာတော့ ဓာတ်ပုံတွေ ဖန်ထည်တွေထည့်ထားတဲ့ ကတ်ထူပုံးတစ်ခုတွေ့ရတယ်...

"အဖွားရဲ့အိတ်ကို ကားထဲကူသယ်ပေးပါလား....." လို့ သူမကပြောတယ်... ကျွန်တော်အဝတ်အိတ်ကို ကားထဲထည့်ပြီး အဘွားအိုကို တွဲဖို့ပြန်လာတယ်.... သူမက ကျွန်တော့လက်ကိုတွဲပြီး ဖြည်းဖြည်းချင်းလျှောက်လာတယ်...

သူမက ကျွန်တော့်ရဲ့ကြင်နာမှုအတွက် ကျေးဇူးတင်ကြောင်း တဖွဖွပြောနေတယ်... "ဘာမှအထွေအထူးမဟုတ်ပါဘူးဗျာ..." လို့ ကျွန်တော်ပြန်ပြောလိုက်တယ်... "ကျွန်တော့်အမေကိုဆက်ဆံသလိုမျိုး ကျွန်တော့်ခရီးသည်ကို ဆက်ဆံရုံပါပဲ..."

"အင်း... မင်းဟာသားလိမ္မာလေးပါပဲ..." လို့ သူမကပြောတယ်... ကားထဲကိုရောက်တော့ ကျွန်တော့်ကို လိပ်စာတစ်ခုပေးပြီး မေးတယ်... "မြို့ထဲကို ဖြတ်ပြီးသွားလို့ရမလား သား..."
"ဒါဆိုရင်တော့ မြန်မြန်ရောက်မှာမဟုတ်ဘူးနော်..." ကျွန်တော်ချက်ချင်းပြန်ပြောလိုက်တယ်....
"ရပါတယ်ကွယ်... ကိစ္စမရှိပါဘူး...." သူမကပြောတယ်... "အဖွားမှာ လောစရာမရှိပါဘူး... အခုလည်း နာတာရှည်ဆေးရုံကိုသွားနေတာလေ..."

နောက်ကြည့်မှန်ကနေ ကျွန်တော်ကြည့်လိုက်တယ်... သူမရဲ့ မျက်လုံးမှာ မျက်ရည်ဝဲနေတယ်... "အဖွားမှာ မိသားစုဝင်တွေလည်း မရှိကြတော့ပါဘူး..." ညင်သာတဲ့လေသံနဲ့ သူမဆက်ပြောတယ်...
"ဆရာဝန်ကလည်း ကြာကြာမနေရတော့ဘူးလို့ပြောတယ်..." ကျွန်တော်ဆွံ့အသွားတယ်... ပြီးတော့ မီတာကိုပိတ်လိုက်တယ်...
"အဖွား ဘယ်လမ်းကသွားချင်လဲ..." လို့ ကျွန်တော်မေးလိုက်တယ်...

နောက်ထပ်နှစ်နာရီလုံးလုံး မြို့ကိုပတ်ပြီး ကျွန်တော်တို့သွားကြတယ်... သူမဓာတ်လှေခါးမောင်းသူအဖြစ်လုပ်ခဲ့ဖူးတဲ့ အဆောက်အအုံကို ကျွန်တော့်ကိုပြတယ်... သူတို့အိမ်ထောင်ကျစက သူမရယ် သူမအမျိုးသားရယ် နေခဲ့ကြတဲ့ နေရာတွေကိုလည်း ကျွန်တော်တို့ဖြတ်မောင်းခဲ့တယ်... သူမငယ်စဉ်တုန်းက သွားပြီးကနေကျ ကပွဲခန်းမဖြစ်ခဲ့ဖူးတဲ့ ပရိဘောဂအရောင်းဆိုင်ကိုလည်း ကျွန်တော့်ကိုပြတယ်... တစ်ခါတစ်လေမှာ အဆောက်အဦတစ်ခုခု ဒါမှမဟုတ် လမ်းထောင့်တစ်နေရာမှာ ရပ်ခိုင်းပြီး ဘာမှမပြောဘဲ အမှောင်ထုထဲကို ငေးကြည့်နေတတ်တယ်...

အာရုဏ်ဦးလင်းရောင်ခြည်တွေက မိုးကုတ်စက်ဝိုင်းကနေ စတင်ဖြာထွက်လာတဲ့အချိန်မှာတော့... သူမကရုတ်တရက်ပြေတယ်... "အဖွား ပင်ပန်းသွားပြီကွယ်... သွားကြရအောင်..." သူမပေးထားတဲ့
လိပ်စာအတိုင်း ကျွန်တော်တို့ တိတ်တိတ်ဆိတ်ဆိတ်မောင်းထွက်လာကြတယ်... အဲ့ဒီနေရာက အဆောက်အဦခပ်နိမ့်နိမ့်လေးဖြစ်ပြီး ပြန်လည်ထူထောင်ရေးစခန်းလေးတစ်ခုနဲ့တူတယ်... ပေါ်တီကို အောက်မှာ ကားဝင်တဲ့လမ်းလေး လုပ်ထားပေးတယ်...

ကားရပ်လိုက်တာနဲ့ ဆေးရုံအကူလုပ်သားနှစ်ယောက်ထွက်လာတယ်... သူတို့ဟာ သူမကို ဂရုတစိုက်နဲ့ သေချာစောင့်ကြည့်နေကြတယ်... သူမကိုစောင့်နေတဲ့သူတွေဖြစ်ပါလိမ့်မယ်... ကျွန်တော်ကားနောက်ဖုံးကိုဖွင့်ပြီး အဝတ်အိတ်ငယ်လေးကို တံခါးပေါက်ဆီသယ်သွားပေးတယ်... အဘွားအိုက wheelchair ပေါ်မှာ ထိုင်နေပါပြီ....

"အဖွား ဘယ်လောက်ပေးရမလဲ သား...." သူမကမေးရင်း ပိုက်ဆံအိတ်ကို ကိုင်လိုက်တယ်...

"မပေးပါနဲ့..." လို့ ကျွန်တော်ပြောလိုက်တယ်...

"သားလည်း စားဖို့သောက်ဖို့ရှာနေတာပဲကွယ်...." လို့ သူမက ပြန်ပြောတယ်...

"တခြားခရီးသည်တွေရှိပါသေးတယ်ဗျာ..." လို့ ကျွန်တော်ပြန်ပြောလိုက်တယ်...

စိတ်ကစဉ်းစားနေစရာမလိုပဲ ခါးကိုညွှတ်ပြီး သူမကို ထွေးပွေ့လိုက်တယ်... သူမကလည်း ကျွန်တော့်ကို တင်းတင်းကြပ်ကြပ်ဆုပ်ကိုင်ထားပါတယ်...

"အဘွားအိုတစ်ယောက်ကို ပျော်စရာအချိန်လေးတွေ မင်းပေးခဲ့ပါတယ် သားရယ်..." လို့ သူမပြောတယ်... "သားကို ကျေးဇူးတင်ပါတယ်..."

ကျွန်တော်သူမရဲ့လက်ကို ဖျစ်ညှစ်လိုက်တယ်.... ပြီးတော့ မှုန်ပြပြမနက်ခင်းအလင်းရောင်အောက်မှာ ဆက်လျှောက်ထွက်လာခဲ့တယ်... ကျွန်တော့်နောက်မှာတော့ တံခါးတစ်ချပ် ပိတ်လိုက်သံကြားရတယ်.... ဒါဟာ ဘဝတစ်ခုကို ပိတ်လိုက်တဲ့အသံပါပဲ....

အဲ့ဒီကပြန်လာတော့ ဘယ်ခရီးသည်ကိုမှ ကျွန်တော်မတင်ဖြစ်တော့ဘူး... စိတ်နဲ့လူနဲ့မကပ်ဘဲ ရည်ရွယ်ချက်မဲ့စွာ ကျွန်တော်မောင်းနေခဲ့တယ်... အဲ့ဒီတစ်နေ့လုံး ကျွန်တော်စကားသိပ်မပြောဖြစ်ခဲ့ဘူး... အကယ်လို့ အဲ့ဒီအဘွားအိုဟာ စိတ်မရှည်တဲ့ယာဉ်မောင်းနဲ့တွေ့ခဲ့ရင်... ဒါမှမဟုတ် စိတ်တိုတတ်တဲ့သူနဲ့တွေ့ခဲ့ရင် ဘယ်လိုဖြစ်မလဲ... အကယ်လို့ ကျွန်တော်က လိုက်မပို့ဖြစ်ခဲ့ရင် ဒါမှမဟုတ် ဟွန်းတစ်ခါတည်းတီးပြီး မောင်းထွက်သွားခဲ့ရင် ဘယ်လိုတွေဖြစ်မလဲ.... ကျွန်တော်က စိတ်လက်မကြည်မသာဖြစ်နေပြီး အဘွားအိုနဲ့စကားမပြောဖြစ်ခဲ့ရင် ဘယ်လိုတွေဖြစ်မလဲ... ဒီလိုမျိုး ဖမ်းဆုပ်နိုင်ဖို့ ကျွန်တော်လွဲချော်ခဲ့တဲ့ ဒါမှမဟုတ် ဆုံးရှုံးခဲ့တဲ့ အခိုက်အတန့်တွေ ဘယ်လောက်များခဲ့ပြီလဲ...

ခမ်းနားတဲ့ အခိုက်အတန့်တွေထဲမှာ ကျွန်တော်တို့ဘဝတွေ ပါဝင်ခဲ့သလားဆိုတာကို ကျွန်တော်တို့ပြန်စဉ်းစားရမယ့်အချိန်ပါပဲ... အဲ့ဒီအဘွားအိုက ကျွန်တော့်ကို ထွေးပွေ့ထားပြီး ကျွန်တော်ကသူမအတွက် ကြည်နူးစရာ အခိုက်အတန့်တစ်ခုကို ယူလာပေးတယ်လို့ ပြောခဲ့ပါတယ်... အဲ့ဒီလိုဆိုတော့ ကျွန်တော်က သူမကိုပို့ဆောင်ပေးဖို့ ကမ္ဘာမြေပေါ် ရောက်ရှိလာခဲ့တယ်လို့ ယုံကြည်နေတာမျိုးဖြစ်နိုင်ပါတယ်... ကျွန်တော့်ဘဝမှာ ဒီထက်အရေးကြီးတဲ့အရာတစ်ခုမှ လုပ်ခဲ့ဖူးတယ်လို့ ကျွန်တော်မထင်မိပါဘူး...

----------------------------------------------------------------

တက္ကစီမောင်းသမားက အဘွားအိုကို နာတာရှည်ဆေးရုံလိုက်ပို့တဲ့ဇာတ်လမ်းကို စာအုပ်ပေါင်းမြောက်မြားစွာမှာ ထပ်ခါထပ်ခါပုံနှိပ်ခဲ့ပါတယ်... အင်တာနက်မှာလည်း ၁၉၉၉ ခုနှစ်ကတည်းက The Cab Ride, The Cab Driver နဲ့ The Taxi Driver စတဲ့နာမည်တွေနဲ့ ပျံ့နှံ့နေခဲ့တာဖြစ်ပါတယ်...

ဒီတစ်ခုကတော့ ၁၉၉၉ ခုနှစ်က ထုတ်ဝေခဲ့တဲ့ Make Me an Instrument of Your Peace ဆိုတဲ့စာအုပ်ထဲက And where there is sadness, joy ဆိုတဲ့ခေါင်းစဉ်နဲ့ ရေးထားတဲ့ မူရင်းစာရေးဆရာ Kent Nerburn ရဲ့ လက်ရာဖြစ်ပါတယ်...

ဒါလေးတွေကတော့ မူရင်းပို့စ်လေးနဲ့ စာရေးဆရာအကြောင်းဖြစ်ပါတယ်...
http://www.snopes.com/glurge/cabride.asp
http://kentnerburn.com/kent-nerburn/about
----------------------------------------------------------------
Ref: I Can't Believe It