လှပကျန်းမာဖို့အတွက် အစားအသောက် ဆင်ခြင်နေရသော နန်းသူဇာ

20 December 2012 |By Good Health

Super Model တစ်ယောက် လည်းဖြစ်၊ ကြော်ငြာဘေလ် ဘုတ်တွေ၊ တီဗီကြော်ငြာတွေမှာ လည်း အတော်များများ တွေ့နေရတဲ့ နန်းသူဇာ ကတော့ သီချင်းဆိုတာလည်း ဝါသနာပါတာမို့ သူရဲ့ စီးရီးအတွက် ပြင်ဆင်နေကြောင်း ဆိုပါတယ်။ ဒါကြောင့် အလှအပနဲ့ ကျန်းမာရေး ဆိုင်ရာအတွက် ဂရုစိုက် ဆင်ခြင်ဖြစ်နေတာတွေကို မေးမြန်းခဲ့ပါတယ်။
Q. မိန်းကလေးတစ်ယောက်အတွက် အလှအပက ဘယ်လောက်ထိ အရေးပါသလဲ။

A. အရေးပါတာပေါ့။ မိန်းကလေးတစ်ယောက်က သူရဲ့ Body Structure လှ၊ မလှဆိုတာထက် စိတ်ထားလေးလှပြီး ကိုယ့် ကိုယ်ကိုယ် ယုံကြည်မှုရှိဖို့ လိုတယ်။ နောက်ပြီး တစ်ကိုယ်ရေ သန့်ရှင်းမှုရှိရမယ်။ ကိုယ့်ကိုယ်ကိုယ် ပြင်ဆင်တတ်ရမယ်။ ဒါတွေကလည်း အရေးကြီးတယ်။
Q. နန်းသူဇာကကော အလှအပအတွက် ဘယ်လိုပြုပြင်ထိန်းသိမ်းသလဲ။
A. အစားအသောက်မှားရင် မျက်နှာမှာ အဖုတွေ ထွက်တတ်တယ်လေ။ ဒါ ကြောင့် အစားအသောက်ကို ဆင်ခြင်စားတယ်။ အငန်၊ အစပ်၊ အပူစာတွေ ရှောင်တယ်။ အိပ်ရေးဝ အောင် အိပ်တယ်။Skin Care တွေကိုလည်း ကိုယ်နဲ့တည့်တဲ့ Brand တွေ ရွေးသုံးတယ်။ Skin Care ကတော့ ပုံမှန်ကိုယ့်ဘာသာကိုယ် အိမ်မှာ ပဲ ဂရုစိုက်ပြီးထိန်းတယ်။ ဆိုင်မှာသွားပြီး မျက်နှာပေါင်း တင်တာနည်းတယ်။
Q. ပြည်တွင်းက ခန္ဓာကိုယ်လှပတဲ့ သရုပ်ဆောင်တွေထဲက ဘယ်သူ့ကို အားကျမိသလဲ။
A. နန်းသူဇာက ကိုယ့်ထက် စီနီယာကျတဲ့ သရုပ်ဆောင်တွေကို အားကျတယ်။ အရင်တုန်းကတော့ မအူဝဲပေါ့။ မအူဝဲပြီးတော့ မကစ်၊ ဝတ်မှုံရွှေရည်ပေါ့။ သူတို့ကို သဘောကျတယ်။ ပြည်ပကဆို ဟယ်ရီပေါ်တာထဲက မင်းသမီးအမ်မာဝက်ဘ် ဆန်ကို ကြိုက်တယ်။
Q. နန်းသူဇာရဲ့ မာမားက ဝတော့ နန်းသူဇာကကော ဝမလာအောင် ဘယ်လိုထိန်းသလဲ။
A. ဟိုတစ်လောက ဝလာဖူးပါတယ်။ အရမ်းဝလာလို့ စိတ်ဆင်းရဲခဲ့ ရတယ်။ မာမားကတော့ အရင်တုန်းက မဆင်မခြင် စားခဲ့တာတွေ ရှိတယ်။ အဆီထုတ်မထားတဲ့ နွားနို့တွေ၊ ကယ်လိုရီများတဲ့ အစားအစာတွေ စားတယ်။ ငယ်ငယ်တုန်းကတော့ ဝမလာဘူးလို့ ထင်တာပေါ့။ နောက် လေးဖက်နာရှိတော့ ဆေးကုရတာနဲ့ ကိုယ်အလေးချိန်မထိန်းဖြစ်တာ လည်းပါတယ်လေ။ နန်းသူဇာကိုတော့ ဝမလာအောင် ထိန်းဖို့ အမြဲပြောတယ်။ ဝလာတုန်း ကဆို တစ်ခါတလေ ကိုယ်ဝတ်နေကျ အဝတ်အစားတောင် မတော်တာတွေရှိတယ်။ အဲဒီ အချိန်မှာ ပိန်ချင်စိတ်တွေ ဖြစ်ပြီး အစားလျှော့စားတယ်။ မနက်စာကို ဝအောင် စားတယ်။ ညစာကိုတော့ လျှော့စားလိုက်တယ်။
Q. ဝလာရင် ကျန်းမာရေးလည်း ထိခိုက်နိုင်တယ်ဆိုတာ နန်းသူဇာ လက်ခံလား။
A. ဝတဲ့သူတွေက ကျန်းမာရေးအတွက် မကောင်းဘူးလေ။ ဥပမာ မာမားကိုပဲ ကြည့်၊ မာမားက တစ်ခါ လေဖြန်းဖူးတယ်။ ဒါတွေလည်း ကြောက်ရတယ်။ ပင်ပန်းလွယ်တယ်၊ သွားလာ ရတာကအစ ပေါ့ပေါ့ပါးပါးမရှိလို့ စိတ်အားလည်း ငယ်ရမယ် ထင်တယ်။
Q. နန်းသူဇာကကော အစားအသောက်ကို ဘယ်လိုထိန်းနေသလဲ။
A. အရမ်းစားချင်မှသာ တစ်ခုလောက်ပဲ စားတယ်။ စားချင်တိုင်း အရမ်းမစားဘူး။ အာသာပြေရုံပဲစားတယ်။ အရင်တုန်းက ရှုတင်နောက်ကျရင် အိမ်ရောက်တာနဲ့ အများကြီးစားပစ်လိုက်တာပဲ။ အခုတော့ တစ်ခုခုစားပြီးတိုင်း သုံးနာရီလောက်ခြားပြီးမှ ထပ်စားတယ်။ ညပိုင်းကတော့ မစားဖြစ်အောင် ဂရုစိုက်တယ်။ စက်ပေါ်မှာ လမ်းလျှောက်တယ်။ ခါးကွင်းကတော့ လှည့်တယ်။
Q. အနုပညာအလုပ်လုပ်နေသူတွေအတွက် ကိုယ်အလေးချိန် ထိန်းသိမ်းဖို့ အရေးကြီးလား။
A. အဓိကကတော့ သရုပ်ဆောင်မှ မဟုတ်ဘူး။ မိန်းကလေးတိုင်းအတွက် အရေးပါတယ်။ အဓိကကတော့ ကျန်းမာရေးအတွက်လည်း အရေးပါတယ်။ မော်ဒယ်လေးတွေလို အရမ်း မလှရင်တောင်မှ သူ့နေရာနဲ့သူရှိပြီး ပုံမှန်ကိုယ်အလေးချိန်ဖြစ်နေရင်တော့ ကောင်းပါ တယ်။
Q. နန်းသူဇာ ဘယ်လိုရောဂါတွေဖြစ်ဖူးသလဲ။
A. ထွေထွေထူးထူး ကျန်းမာရေးချူချာတာတော့ မရှိဘူး။ နန်းသူဇာက အစာအိမ်ရော ဂါရှိတယ်၊ လေထတတ်တယ်။ နောက် မျက်စိနာတတ်တယ်။ ဒါက ကိုယ်မဆင်ခြင်လို့ ဖြစ်တာ။ နန်းသူဇာက မျက်ကပ်မှန်တပ်ရတယ်။ ဒါကြောင့် သန့်ရှင်းရေးဂရုစိုက်ရတယ်။ အစာအိမ်အတွက်ကတော့ အဓိကက အစားအသောက်ကို ဂရုစိုက်ရတယ်။ လေစာတွေ ရှောင်တယ်။ ကျန်းမာရေးနဲ့ ညီညွတ်အောင်စားတယ်။ အဓိကကတော့ စိတ်ပါပဲ။ စိတ် သွားတိုင်း ကိုယ်ပါရင် ဘာမဆို ဆောင်ရွက်နိုင်တယ်လေ။