ဒီဇင်ဘာ ၂၁နီးလာပြီ

 

Aye Chan Mon

13 DECEMBER 2012

ကိုယ်တိုင် မကြုံလိုမတွေ့လို သော်လည်း လူ့ဘောင်လောက ပျက်စီးနိုင်သည် ဟူသော သတင်း များသည် လူအများ၏ စိတ်ဝင်စား မှုကို ခံရပြီး လျင်မြန် လွယ်ကူစွာ ပျံ့နှံ့လေ့ရှိကြသည်။ ဥပမာ-၂ဝဝဝ ခုနှစ်ရောက်လျှင် ကမ္ဘာတွင် ဧရာမဘေးကြီး ကျရောက်လိမ့်မည်ဟု လွန်ခဲ့သည့် ၁၂နှစ်ကျော် က ပေါ်ခဲ့သည့် ဝိုင်တူးကေ Y2K ကောလာဟလသည် ပညာတတ် အချို့ကြား၌ပင် စိုးရိမ်စိတ်များ ဖြစ်ခဲ့သည်အထိ ‘အောင်မြင်’ခဲ့သည်။...

ဝိုင်တူးကေနှင့် အလားတူ ၂ဝ၁၂ ဒီဇင်ဘာ ၂၁ တွင် ကမ္ဘာပျက်ကိန်း ရှိသည်ဆို သည့်သတင်းသည် လွန်ခဲ့သောနှစ် အနည်းငယ်မှစ၍ ပေါ်လာကာ ဟုတ်များ ဟုတ်လေမလားဟု အ ထင်ရောက် စိတ်ဝင်စားသူအများ ရှိသည်။
ယင်းကမ္ဘာပျက်ကိန်းဆို သည်ကို အခြေခံသော ရုပ်ရှင်များ၊ စာအုပ်များကို ဖန်တီးသူများသည် လည်း ဝင်ငွေကောင်းကြသည်။ ၂ဝ၁၂ ကမ္ဘာ ပျက်ကိန်း ကောလာ ဟလကို ထုတ်လွှင့်သူများသည် လက်တင်အမေရိကနှင့် တောင်အမေရိကတွင် လွန်ခဲ့သော နှစ်ပေါင်း ၃ဝဝဝ ခန့်မှစ၍ ထွန်း ကားစည်ပင်ခဲ့သော မာယာလူမျိုး တို့၏ အမွေအနှစ် တစ်ခုကို အသုံး ချခဲ့ကြသည်။ အမေရိကတိုက်၏ လူ့ယဉ်ကျေးမှုကြီးများအနက် အ ဆင့်အမြင့်ဆုံး လူ့အဖွဲ့စည်းကို ထူ ထောင်နိုင်ခဲ့ကြသော မာယာလူ မျိုးတို့သည် သင်္ချာ၊ နက္ခတ္တဗေဒ စသည့် အဆင့်မြင့်ပညာအချို့ကို နားလည်တတ်ကျွမ်းခဲ့ကြသည်။ မာယာတို့သည် ပြက္ခဒိန်အမျိုးမျိုးကို ရေးဆွဲအသုံးပြုခဲ့ရာ တစ်မျိုး သော ပြက္ခဒိန်တွင် ယင်းခေတ် ကာလဝန်းကျင်မျှကို သာမဟုတ်၊ အနာဂတ်နှစ်ပေါင်း ထောင်ဂဏန်း အထိ ကြိုတင် တွက်ချက် ရေးဆွဲ ထားခဲ့သည်။ ကမ္ဘာပျက်ကိန်းကောလာဟ လကို ဖန်တီးသူတို့က ဆိုသည်မှာ မာယာတို့၏ ယင်းပြက္ခဒိန်သည် ၂ဝ၁၂ဒီဇင်ဘာ ၂၁တွင် အဆုံး သတ်သွားသည်။ ထိုသို့အဆုံးသတ် ခြင်းသည် မာယာတို့က ယင်းနေ့ တွင် ကမ္ဘာပျက် မည်ကို ကြိုတင် တွက်ချက်သိရှိခဲ့သဖြင့် ဆက်လက် ရေးထိုးခြင်းမပြုခဲ့သောကြောင့် ဖြစ် သည်ဟု သတင်းလွှင့်ခဲ့သည်။ မာယာသမိုင်း သုတေသီတို့ က ယင်းအချက် မမှန်ကြောင်း ခေတ်သုံးပြက္ခဒိန်သည် ဒီဇင်ဘာ ၃၁ တွင် ကုန်ဆုံးသကဲ့သို့ မာယာ ပြက္ခဒိန်သည် ဒီဇင်ဘာ ၂၁ တွင် နှစ်ကုန်၍ အဆုံးသတ်သွားခြင်းသာ ဖြစ်ကြောင်း ပြန်လည်ရှင်းလင်းခဲ့ ပြီးဖြစ်သည်။
သို့သော် ကောလာ ဟလဖန်တီးရှင်တို့သည် မီဒီယာများကို ကျွမ်းကျင် စွာ အသုံးချနိုင်သဖြင့် လည်းကောင်း၊ ကြောက်စရာ ကိုမှ ပို၍အာရုံပြုတတ်သည့် လူ့ သဘာဝကြောင့်လည်းကောင်း ယင်း ကောလာဟလသည် တော မီးပမာ လျင်မြန်စွာ ပျံ့နှံ့သွားခဲ့သည်။ မည်မျှ ပျံ့နှံ့သနည်းဆိုပါလျှင် ပညာတတ်အချို့သည်ပင် ဒီဇင်ဘာ ၂၁ တွင် ကမ္ဘာပျက်နိုင်သည့်နည်း များကို ဆွေးနွေးပြောဆိုလာကြ သည်အထိ ဖြစ်သည်။ သူတို့ ဆွေး နွေးချက်များမှာ သိပ္ပံပညာရှင်တို့ အခိုင်အမာတွေ့ရှိထားသည်များနှင့် ဆန့်ကျင် လျက် ရှိသည်။ ကမ္ဘာနှင့် ဝင်တိုက်နိုင်သော အရာများကို စနစ်တကျ မှတ်တမ်းတင် ထောက်လှမ်းနေသည့် အမေရိကန် အာကာသ အဖွဲ့အစည်း (နာဆာ)က ကမ္ဘာကို ဧရာမ အပျက်အစီးများ ဖြစ်ပေါ် စေနိုင်လောက်အောင် ဝင် တိုက်နိုင်သည့် ဂြိုဟ်၊ ဂြိုဟ်သိမ်၊ ဂြိုဟ်ပဲ့များ လောလော ဆယ်မရှိသေးပါဟု ပြောနေသည့် ကြားမှ နီဘီရူးဟု အမည်ပေးထား သော ဂြိုဟ်ကြီးတစ်လုံးက ဒီဇင် ဘာလအတွင်း ကမ္ဘာနှင့်ဝင်တိုက် နိုင်သည့်အကြောင်း သတင်းလွှင့် သူကလွှင့်သည်၊ ယုံသူက ယုံသည်။
နေမှ မီးလျှံများ ထွက်ခြင်း သည် ပုံမှန်ဖြစ်စဉ် တစ်ခုသာဖြစ်ပြီး ယင်းမီးလျှံ အများစုကို ကြိုတင်ခန့် မှန်းနိုင်သည့် နည်းပညာလည်း အဆင်သင့်ရှိသည်။ သို့စဉ်လျက် ၂ဝ၁၂ ခုနှစ် ဒီဇင်ဘာ ၂၁ တွင် နေမှ ဧရာမမီးလျှံကြီးတစ်ခု ထွက် လာကာ ကမ္ဘာကိုဖုံးအုပ်လောင် မြိုက် စေနိုင်သည်ဟု အချို့ကအခြေ အမြစ်မရှိဘဲ ပြောကြသည်။ လက်ခံသူက လက်ခံကာ တွေးကြောက် ကြသည်။ ကမ္ဘာ့သံလိုက်ဝင်ရိုးစွန်းသည် နှစ်ပေါင်းသန်း ၂ဝ အတွင်း ၅ဝ ဒီဂရီမျှပြောင်းခဲ့သည်။ နောက်ထပ် နှစ်ပေါင်း ၁ သန်းအတွင်း ဖြည်း ညင်းစွာသာ ပြောင်းသည်ဟု ပညာ ရှင်တို့သိပြီးဖြစ်သည်။ သို့စဉ်လျက် ၂ဝ၁၂ ဒီဇင် ဘာ ၂၁တွင် ကမ္ဘာ့ သံလိုက်ဝင်ရိုးစွန်းများ ရုတ်ခြည်း နေရာပြောင်းရွှေ့ကာ ရှိရှိသမျှအရာ များဇောက်ထိုးမိုးမျှော် ရုန်းရင်းဆန်ခတ် ဖြစ်ကုန်မည့် အရေးကို စိုးရိမ် နေသူများလည်းရှိသည်။ ကမ္ဘာသည် ဂလက်ဆီခေါ် ကြယ်စု၏’ပြင်ညီ’ကို ၂ဝ၁၂ ခုနှစ် အတွင်းတွင် ဖြတ်ပြီး ယင်းပြင်ညီ ရှိကြယ်များ၊ ဂြိုဟ်များနှင့်တိုက်မိ ကာ ကမ္ဘာပျက်မည်ဟု အချို့ကဆို ကြသည်။
နက္ခတ္တပညာရှင်များ၏ လေ့လာ တွက်ချက်မှုများအရ ကမ္ဘာသည် လွန်ခဲ့သော နှစ်ပေါင်း ၂ သန်းခန့်က ယင်းပြင်ညီကို ဖြတ်ခဲ့ပြီး နောက်ထပ်နှစ်ပေါင်း ၁၄ သန်းကြာမျှ ပြင်ညီနှင့်ဝေးရာ အပေါ်ပိုင်းသို့ ဆက်၍ တက်နေဦး မည်သာဖြစ်ကြောင်း တိုင်းတာသိရှိ ပြီးဖြစ်သည်။ ခေတ်သစ် သိပ္ပံပညာ ရှင်တို့ တွေ့ရှိထားသည်ကို လက်မခံဘဲ ၂ဝ၁၂ ဒီဇင်ဘာ ၂၁တွင် ကမ္ဘာပျက်မည်ဟု မာယာတို့က ကြိုသိခဲ့သည်ဟု ဆိုနေသူများသည် မာယာတို့နှင့် ခေတ်သစ်လူသားများ အကြား ရှိနေသည့် အဓိကကွာဟ ချက်တစ်ခုကို သတိမမူမိသူများ ဖြစ်ကြသည်။ မာယာတို့ တီထွင်အသုံးပြုခဲ့သော ကိရိယာများသည် သူ့ခေတ် သူ့အခါက ‘အဆင့်မြင့်’ တန်းဝင် သော်လည်း ယခုခေတ်အနေနှင့် မူအကြမ်းစား မျှသာ ဖြစ်ကြသည်။ အလွန်ဝေးလံ လှသောနေရာမှ ဂြိုဟ်များ၊ ကြယ် များကို လှမ်း ကြည့် လေ့လာနိုင်သော တယ်လီစကုပ် စသည့် ကိရိယာများကို မာယာတို့ မပိုင်ဆိုင်ခဲ့ချေ။ လက် တွေ့ အသုံးချနိုင်သော တယ်လီ စကုပ်များသည် မာယာယဉ်ကျေးမှု ပျက်သုဉ်းပြီး နှစ်ပေါင်း ၇ဝဝ ကျော် အကြာမှ ပေါ်လာ ခဲ့ခြင်း ဖြစ်သည်။ ခေတ်သစ် လူသားတို့သည်မူ အလင်းရောင်သုံး တယ်လီစကုပ် များသာမက အိပ်စရေးရောင်ခြည်၊ ဂမ်မာရောင်ခြည် စသည်တို့အပြင် ဒြပ်ဆွဲအားကို အသုံးပြုလေ့လာ နိုင်သော တယ်လီစကုပ်များကိုပင် ပိုင်ဆိုင်ထားကြသည်။ တယ်လီစကုပ် အချို့ကို အာကာသထဲသို့ ပို့ လွှတ်ထားရှိခြင်းဖြင့် မြေပြင်ပေါ်မှ လေ့လာသည်ထက် ပိုမိုပြတ်သားသော မြင်ကွင်းများကို ရရှိကာ နက္ခတ္တဗေဒ ဆိုင်ရာ တွေ့ရှိချက်များ ကို ဖော်ထုတ်နေကြသည်။ အာကာသတွင်းမှ အန္တရာယ် များကို အထက်ပါ ခေတ်မီကိရိယာ များဖြင့်သာလျှင်ကြိုတင်သိရှိနိုင် သည်။ ယင်းကိရိယာများသာ မရှိလျှင် ခေတ်သစ် ပညာရှင်တို့ သည်လည်း အာကာသ အန္တရာယ်များ ပေါ်လာနိုင်ခြင်း ရှိမရှိကို ကြို ပြောနိုင်မည်မဟုတ်ချေ။
မာယာတို့ သည် ခေတ်သစ်လူသားတို့ထက် ဥာဏ်ရည်သာလွန်သည်ထားဦး၊ အဆိုပါ ကိရိယာများ မရှိသဖြင့် ခိုင်မာတိကျသော နက္ခတ္တတွေ့ရှိ ချက်များကို ဖော်ထုတ်နိုင်ခြင်း မရှိ ခဲ့ပေ။မာယာတို့ကို ခုတုံးလုပ်၍ လွှင့်ထုတ်သော ဒီဇင်ဘာ ၂၁ကောလာဟလသည် အခြေအမြစ် ကင်းမဲ့လွန်းသဖြင့် အထင်ကရ သိပ္ပံပညာရှင်အ များအပြားက ယင်း တို့ကို အရေးတယူဖြေရှင်းခြင်းပင် မပြုကြချေ။ ဤသည်ကို အခွင့် ကောင်းယူ၍ လုပ်စား လှန့်စားနေသူများ ရှိဆဲပင် ဖြစ်သည်။ ယင်းတို့ထဲတွင် တောင်အမေရိက တိုက် ဂွာတီမာလာ နိုင်ငံ ယဉ်ကျေးမှု ဝန်ကြီးဌာနကပါ ပါဝင် ပတ်သက်လာ သောအခါ ယင်း နိုင်ငံတွင် ယနေ့ အထိ ရှင်သန်နေဆဲ မာယာအဆက်အနွှယ်တို့ က ကန့်ကွက်စာများ ထုတ်ပြန်ရသည်အထိ ဖြစ်လာသည်။
ဂွာတီမာလာ အစိုးရနှင့် ခရီး သွားကုမ္ပဏီတို့သည် ဒီဇင်ဘာလ ၂၁ရက်နေ့တွင် ‘ကမ္ဘာပျက် အခမ်းအနား’ လုပ်မည်ဆိုကာ ကမ္ဘာလှည့် ခရီးသည်များကို ဆွဲဆောင်စည်းရုံး လျက်ရှိရာ ယင်းလုပ်ဆောင်ချက်သည် မာယာလူမျိုးတို့ကို သိက္ခာချမည့် လုပ်ပွဲတစ်ရပ်သာ ဖြစ်ကြောင်း ‘မာယာမဟာမိတ် များအဖွဲ့’ Oxlajuj Ajpop က ကြေညာသည်ဟု ယခုနှစ် အောက်တိုဘာလ ၂၄ရက်နေ့ အေအက်ဖ်ပီသတင်း၌ ဖော်ပြထားသည်။ ယင်းအဖွဲ့၏ ခေါင်းဆောင် ဖိလစ်ဂိုမက်ဇ်က ”ကျွန်တော်တို့ရဲ့ ရှေးအမွေအနှစ် အမှန်တရားတွေကို စီးပွားရေး သမားတွေက သူတို့ရဲ့ အကျိုးအမြတ်အတွက် တစ်နည်းတစ်ဖုံ လှည့်ဖြား အသုံးချနေကြတာကို ထုတ်ဖော်ပြောဆို ကန့်ကွက်ရ ခြင်းဖြစ်ပါတယ်”ဟု ပြောသည်။ မည်သို့မျှ အခြေအမြစ် မရှိသော ဒီဇင်ဘာ ၂၁ ကမ္ဘာပျက် မည့်ကိစ္စသည် ဒီဇင်ဘာ ၂၂မှစ၍ ပျောက်ကွယ်တော့မည် ဖြစ်သော်လည်း ရှိသင့်သော သိပ္ပံဗဟုသုတနှင့် မှန်ကန်စွာ အကျိုးအကြောင်း ဆင်ခြင်နိုင်မှုများ ကျယ်ပြန့်စွာ မရှိသေးသရွေ့ ‘ဒီဇင်ဘာ၂၁များ’၊ ‘ဝိုင်တူးကေ’ များ ထပ်၍ ပေါ်လာဦးမည်သာဖြစ်သည်။

ကျော်ဦး

အေးချမ်းမွန်မှ POPULAR NEWS တွင်ဖော်ပြသော သတင်းကို မူရင်းအတိုင်းမျှဝေခြင်းဖြစ်ပါသည်။
Photo From :POPULAR NEWS