“လူငယ် နှင့် အရက်”

 

Aung Ko U

ဘုရင်ရှင် လက်ထက်တော်ကတည်းက ရှိခဲ့သော သေရည်၊ သေရက်၊ အရက်၊ ယမကာ စသည့်ဖြင့် အမည် မျိုးစုံဖြင့်ရှိသော အရက်သည် ယနေ့ထက်တိုင်အောင် လူမှုဘဝထဲတွင် တည်ရှိနေပါသည်။ မြတ်စွာဘုရားကိုယ်တော်တိုင်က ငါးပါးသီလတွင် “သုရာမမေရယကံ” ကို ထည့်သွင်း ဟောကြားထားသလို အရက်၏ ဆိုးကျိုးများကို ရှေးစာဆိုတော်များ၊ စာပေနယ်ပယ်မှ ပုဂ္ဂိုလ်ကြီးများစွာကလည်း ရေးသားခဲ့ကြ ပါသည်။ သို့ရာတွင် ဗုဒ္ဓဘာသာ မြန်မာနိုင်ငံ အပါအဝင် ယနေ့ကမ္ဘာ နိုင်ငံအသီးသီး၏ လူမှုအဖွဲ့အစည်း များတွင် အရက်သည် ပုံစံအမျိုးမျိုးဖြင့် ပါဝင်ပတ်သက်နေပါသည်။ တနည်းအားဖြင့် နိုင်ငံအသီးသီးရှိ နိုင်ငံသားများ၏ ရာခိုင်နှုန်းအများစုသည် အရက် ကို ပုံစံအမျိုးမျိုးဖြင့် သောက်သုံးနေကြပါသည်။

မကြာသေး မီက 7 days News ဂျာနယ်တွင် ဖတ်ရှုလိုက်ရသော ဆောင်းပါတစ်ပုဒ်တွင် ရန်ကုန်မြို့ရှိ သင်တန်းကျောင်းတစ်ခုက ရန်ကုန်မြို့တွင်နေထိုင်ကြသော လူတန်းစားအလွှာ အသီးသီးမှ အမျိုးသမီးများကို အရက်အပါအဝင်၊ မူးယစ်စေတတ်သော ဆိုဂျူး၊ ဘီယာ စသည့် သောက်သုံးမှုအား စစ်တမ်းကောက်ကြည့်ရာ ယနေ့ခေတ်အမျိုးသမီးများ၏ ၁ဝ% ခန့် သောက်သုံးကြသည်ဟု ဖော်ပြပါရှိ ပါသည်။ ယခင်က အမျိုးသားများသာ သောက်သုံးကြသည့် အရက်သည် ယနေ့ ကမ္ဘာတွင်သာမက မြန်မာတွင်ပါ အမျိုးသမီးများလည်း သောက်သုံးနေကြသည်ကို တွေ့မြင်နေကြရပါသည်။ သို့ပါလျှင် အရက်ကို ဘာကြောင့်သောက်ကြလဲ ……… ?

အရက်သောက်သုံးသူများကို အမျိုးအစားခွဲကြည့်လျှင် အကြမ်းအားဖြင့် (၄) မျိုးတွေ့ရပါသည်။

လူမှုရေးအရသောက်သုံးသူ (Social Drinker) - စီးပွားရေးလုပ်ငန်းများအတွက် သော်လည်းကောင်း၊လူမှုရေးကိစ္စရပ်များအတွက် သော်လည်းကောင်း၊ လောကကြီးတွင် မိတ်ဆွေအပေါင်းအသင်း များစွာလိုပါသည်။ ထိုကဲ့သို့ တစ်ဦးနှင့် တစ်ဦး မိတ်ဆွေ အပေါင်းအသင်း ဖွဲ့ကြရာတွင် “ကနားကြိုက်တဲ့နတ် … ကနား၊ အစားကြိုက်တဲ့နတ် … အစား” ဆိုသကဲ့သို့ ဦးတည်ချက်အပေါ်တွင် မူတည်က လူမှုဆက်ဆံရေး နယ်ပယ်အတွက် အရက် သောက်ကြပါသည်။ မိတ်ဆွေ အပေါင်းအသင်း သူငယ်ချင်းအသစ်များ၊ မိတ်ဟောင်း ဆွေဟောင်း သူငယ်ချင်းများနှင့် တွေ့ဆုံသည့် အတွက် အရက်သောက်ပါသည်။ မိတ်ဆွေ အပေါင်းအသင်း၊ သူငယ်ချင်းများနှင့် ခွဲခွာကြရမည့်အချိန်တွင် ခွဲခွာရမည့် အတွက် အရက်သောက်ပါသည်။

ခံစားမှုအလိုက် အခါအားလျော်စွာသောက်သုံးသူ (Occasional Drinker ) - စာမေးပွဲအောင်သည်၊ ရာထူးတိုးသည်၊ လစာတိုးသည်၊ သူငယ်ချင်းအိမ်ထောင်ကျသည်၊ ချစ်သူရသည် စသည်ဖြင့် ပျော်ရွင်စရာ အထိမ်းအမှတ်များကြောင့် အရက်သောက်ပါသည်။ စာမေးပွဲကျသည်၊ ရာထူးလျော့ခံရသည်၊ အသဲကွဲသည် စသည်ဖြင့် ဝမ်းနည်းပူဆွေးသောက ရောက်သည့် အခါ သက်သာရာ သက်သာကြောင်း အာရုံပြောင်းရန် အရက်သောက်ပါသည်။

ပုံမှန်သောက်သုံးသူ (Regular Drinker) - နေ့စဉ်နေ့တိုင်း ညနေ နေညိုရင် လေပြို တတ်သလို ညနေစောင်းသည်နှင့် ဆန္ဒကတောင့်တသည့် အတွက် နေ့စဉ် အချိန်မှန် သောက်သုံး ပါသည်။

ယစ်ထုတ်ကြီး (Alcoholic) - မသောက်ရမနေနိုင်အောင် စွဲလမ်းသည့် အတွက် အရက်မှ တစ်ပါးဘာမှ ဘဝတွင် အရေးမပါတော့ လောက်အောင် မိုးလင်းမိုးချုပ် တနေကုန် တနေခမ်း သောက်ပါသည်။

အမေရိကန်နိုင်ငံတွင် အရက်အပါအဝင်၊ ဘီယာ၊ ဝိုင် အစရှိသည်များကို သောက်သုံးသူမှာ အရွယ်ရောက်ပြီးသူများ၏ ၉၂% ခန့်ထိ ရှိကြောင်း စစ်တမ်းများအရသိရပါသည်။ သို့သော် အနောက်နိုင်ငံများတွင် အရက်နှင့်ဆက်စပ် နေသော မတော်တဆမှု၊ ရာဇဝတ်မှုများကို ဆက်လက်လေ့လာကြည့်သောအခါ မတော်တဆမှု ၅ဝ % ခန့် အထိ တွေ့ရပြီး၊ အခြားရာဇဝတ်မှုများ ( အကြမ်းဖက်မှု- ၃ဝ% ၊ လိင်ပိုင်းဆိုင်ရာစော်ကားမှု - ၃ဝ% ၊ ဖောက်ထွင်းမှု - ၃၃% ၊) စသည်ဖြင့် စုစုပေါင်း ၄၇% ခန့်အထိတွေ့ရပါသည်။ စာရေးသူတို့ မြန်မာပြည် အတွက် ကိန်းဂဏန်းအချက်အလက်များကို ရှာဖွေပါသော်လည်း Google က မတတ်နိုင်သည့်အတွက် မတင်ပြနိုင်သည်ကို နားလည်စေလိုပါသည်။ စာဖတ်သူများ ခန့်မှန်း၍သာ ကြည့်ကြစေလိုပါသည်။ ဖော်ပြပါ ကိန်းဂဏန်း အချက်အလက်များအရ အနောက်နိုင်ငံများတွင် အရက်သောက်သုံးသူ ရာခိုင်နှုန်း များသော်လည်း ရာဇဝတ်မှုများဖြင့် ဆက်စပ်မှုကို ကြည့်လျှင် လမ်းမတော်တဆမှုများမှလွဲ၍ ကျန်သည့်အမှုများမှာ ၃ဝ% ဝန်းကျင်တွင်သာ တွေ့နိုင်ပါသည်။ စစ်တမ်းများအရ ထပ်မံသိရှိရသည်မှာ အရက်၊ ဘီယာ၊ ဝိုင် စသည့် အမျိုးအစားအလိုက် လူတစ်ဦးချင်း အတွက် သောက်သုံးသင့်သည့် ပမာဏကိုပါ အကြံပြုဖော်ပြထားပါသည်။ ၎င်းအတိုင်း လိုက်နာ သောက်သုံးသည်၊ မသောက်သုံးသည်မှာ သောက်သုံးသူ၏ ဆန္ဒသာ ဖြစ်ပါသည်။

ဆက်လက်ပြောလိုသည်မှာ အရက်ကို ဘယ်လိုသောက်မလဲ ……… အနောက်နိုင်ငံများနှင့် ကျွန်တော်တို့ ရွှေမြန်မာများ အရက်သောက်ပုံကို နှိုင်းယှဉ်ကြည့်ပါ။ အနောက်နိုင်ငံသားများ အရက်သောက် သည့် ပုံစံကို ကိုယ်တိုင်တွဲသောက်ဖူးသူများ ပိုသိနိုင်သလို၊ ရုပ်ရှင် ဗွီဒီယို များတွင်လည်း တွေ့နိုင်ပါသည်။ ညစာစားပွဲတစ်ခုတွင် အရက် တစ်ခွက်ကို နာရီဖြင့်ကြာအောင် သောက်တတ်ကြပါသည်။ ရွှေမြန်မာများ အရက်သောက်လျှင် အများစုက ပုလင်းနဲ့လူ ဘယ်သူအရင်လဲကျ မလဲ …… ? လူ(၅)ယောက် ပါဝင်သော အရက်ဝိုင်းတစ်ဝိုင်းတွင် ဝီစကီတစ်ပုလင်းကို ၃ ပတ်လှည့်ကာ သောက်လျှင် ကုန်သွားတတ် ပါသည်။ နည်းနည်းတော့ ကွာနေသည်ဟု ထင်ပါသည်။ ထို့အပြင် အရက်သောက်သောအခါ အနောက်တိုင်းသား များသည် အမြည်းစုံစုံလင်လင်ဖြင့် အချိန်ယူကာ အေးအေးဆေးဆေး သောက်သုံးကြပါသည်။ ကျွန်တော်တို့ကတော့ ချောင်းကမ်းစပ်မှာ ဘီအီးတစ်လုံး၊ လျှက်ဆား တစ်ထုပ်၊ သရက်သီးတစ်စိပ် ဖြင့်ပင်လျှင် အဆင်ပြေကြပါသည်။ ချင့်ချိန်စဉ်းစားကြစေလိုပါသည်။ အရက်ကို တခမ်းတနား သောက်သုံးရမည်ဟု မဆိုလိုပါ၊ မိမိ၏ အတိုင်းအတာဖြင့် မထိခိုက်အောင် သင့်တင့်လျောက်ပတ်သော ပမာဏဖြင့်သာ သောက်သုံးသင့်ပါသည်။ မည်သည့်ကိစ္စတွင်မဆို “တန်ဆေး လွန်ဘေး ” ဟူသော စကားအတိုင်း ထိုက်သင့်သည့်အတိုင်းအတာဆိုလျှင် အန္တရာယ်မရှိသော်လည်း သင့်တော်သော အတိုင်းအတာထက် ကျော်လွန်လျှင်မူ အန္တရာယ်ရှိသည်မှာ အထူးပြောစရာမလိုပါ။

ဗုဒ္ဓဘာသာ မြန်မာလူမျိုးများပီပီ မြတ်စွာဘုရားရှင်ကိုယ်တော်တိုင် ဟောကြားထားသည့် အဆုံးအမ အတိုင်း အရက်ကို လုံးဝ (လုံးဝ) မသောက်သုံးနိုင်လျှင်ကား အကောင်းဆုံးပါ။ သို့သော် အကြောင်း အမျိုးမျိုးကြောင့် သောက်သုံးမည်ဆိုပါလျှင်လည်း စနစ်တကျ ထိန်းထိန်းသိမ်းသိမ်း သောက်သုံးသင့် ပါသည်။ မဆင်မခြင် သောက်သုံးလျှင် ပထမဆုံးထိခိုက်မည်မှာ မိမိကိုယ်တိုင်ပင် ဖြစ်ပါသည်။ ထိုမှတဆင့် မိမိ၏ မိသားစု၊ ပတ်ဝန်းကျင် စသည်ဖြင့် ဆက်ကာ ထိခိုက်စေနိုင်ပါသည်။ ယခင်ပြောခဲ့ဘူးသည့်အတိုင်း လူတစ်ယောက်၏ လွတ်လပ်ခွင့်တွင် တရားဥပဒေကို လေးစားလိုက်နာမှု၊ လူတစ်ဦးချင်းစီ၏ တာဝန်ယူမှု ရှိရပါမည်။ မိမိ၏ဆောင်ရွက်မှု အပြောအဆို၊ အပြုအမူ၊ အနေအထိုင်၊ အဝတ်အစား အားလုံးသည် လူတစ်ဘက်သားကို အနှောက်အယှက်မဖြစ်စေရန်၊ မထိခိုက်စေရန် လူတိုင်းလေးစားလိုက်နာရမည့် ကျင့်ဝတ်၊ တာဝန်၊ ဝတ္တရားပင်ဖြစ်ပါသည်။

အချုပ်အားဖြင့် ဆိုရပါလျှင် ဘုရားရှင်လက်ထက်တော်ကပင် ယနေ့ခေတ်အချိန်အထိ လူမှုအသိုင်းအဝိုင်းတွင် အတိုင်းအတာ တော်တော်များများ ပါဝင်နေသည့် “အရက်” ကို သောက်သုံးကြ ရာတွင် လူကြီး၊ လူငယ်မရွေး မိမိမှသည် မိမိ၏ မိသားစု၊ ပတ်ဝန်းကျင်ကို မထိခိုက်စေရန် စဉ်စား ချင့်ချိန်နိုင်ကြပါစေကြောင်း ရည်ရွယ်ရေးသားလိုက်ပါသည်။

အောင်ကိုကို (အမ်း)