Myanmar International News
Wednesday, February 27, 2013
ဒီနှစ်မှာ နိုင်ငံတကာမှာ ရေပန်းစားခဲ့တဲ့ PSY ရဲ့ “Gangnam Style” သီချင်း ဗီဒီယိုထဲက PSY နဲ့ သီဆိုကခုန်ရာမှာ အဓိက ပါဝင်တဲ့ ကောင်မလေး တစ်ယောက်ကို ပရိသတ်ကြီး သတိထား မိမယ်ထင်ပါတယ်။ နဂို ကတည်းက အောင်မြင်တဲ့ အဆိုတော် တစ်ဦးဖြစ်ပေမယ့်လည်း ”Gangnam Style” ကြောင့်နိုင်ငံတကာမှာပါ လူသိများလာတဲ့ ဒီအဆိုတော်မလေးရဲ့ နာမည် ကတော့ ကင်မ်ဟွန်အာဖြစ်ပါတယ်။
မခို့တရို့ အမူအရာလေးများ နဲ့ Performanceကို အသားပေးတဲ့ အဆိုတော်မလေးကို ငယ်ရွယ်သလောက် Sexy ကျလွန်းတယ်၊ ”Gangnam Style” မှာ သူသရုပ်ဆောင်တာ အပိုတွေပါတယ် ဆိုပြီး ဝေဖန်မှု များ ခံခဲ့ရပေမယ့် အဲဒီ သီချင်းရဲ့ အောင်မြင်မှုကြောင့် သူမရဲ့အားသာချက် များ ကိုလည်း အသိအမှတ် ပြုခဲ့ကြပါတယ်။
ဟွန်အာဟာ လက်ရှိနာမည်ကြီး Wonder Girls မိန်းကလေး အဆိုတော် အဖွဲ့ရဲ့ အဖွဲ့ဝင်ဟောင်း တစ်ယောက်ဖြစ်ပြီး လက်ရှိမှာတော့ 4 Minute ဆိုတဲ့ အဆိုတော် အဖွဲ့ဝင်တစ်ဦး ဖြစ်သလို တစ်ကိုယ်တော်လိုင်း ကိုလည်း ထိုးဖောက် နေနိုင်သူဖြစ်ပါတယ်။ သူမဟာ ကိုရီးယား Idol လည်းဖြစ်၊ အဆိုတော်သလို သီချင်းရေးဆရာမ၊ အကသမား၊ Rapper ၊ ဒီဇိုင်းနာ ၊ မော်ဒယ် အဖြစ်လည်း လုပ်ကိုင်ပါတယ်။ အသက် ၂ဝသာရှိသေး ပြီး Konkuk တက္ကသိုလ်မှာ Art Culture ဘာသာရပ်အထူးပြုနဲ့ တက်ရောက်နေပါတယ်။
သူမရဲ့ ဘယ်ဘက်ပခုံးမှာတော့ “My mother is the heart that keeps me alive.” လို့ ရေးသားထားတဲ့ တက်တူးတစ်ခုရှိပါတယ်။ သူမရဲ့သွေး အမျိုးအစားကလည်း ကိုရီးယားမှာ ရှားရှားပါးပါးလို့ ယူဆခံရတဲ့ Rh + O ဖြစ်ပါတယ်။ ဒီနှစ်သြဂုတ်လမှာOppa Is Just My Style ဆိုတဲ့ PSY သီချင်းမှာ ပါဝင်ခဲ့ပြီးတဲ့နောက် ၂ဝ၁၂ အောက်တိုဘာလမှာ Melting ဆိုတဲ့ သူမရဲ့အခွေ ထွက်လာရာမှာလည်း အဲဒီအခွေရဲ့ အဓိက သီချင်းဖြစ် တဲ့ Ice Cream ဟာ Girls’ Generation ရဲ့”The Boys”သီချင်းအောင်မြင်မှု ကို ဖုံးလွှမ်းသွားနိုင်တဲ့ အထိ အောင်မြင်ခဲ့ပါတယ်။ KBS ရဲ့ ၂ဝ၁၂ ဇာတ်လမ်းတွဲ သစ်ဖြစ်တဲ့ Birth of a Family အပါဝင် ရုပ်သံဇာတ်လမ်း တွဲများနဲ့ ရုပ်ရှင်ကား တစ်ကားတို့မှာလည်း ပါဝင်သရုပ် ဆောင်ခဲ့ဖူးပြီး အနုပညာပိုင်းမှာ အောင်မြင် ထူးချွန်မှုများကြောင့် ဆုတွေလည်း ရရှိခဲ့ပါတယ်။
Yati Magazine
No comments:
Post a Comment
မိတ်ဆွေ...အချိန်လေးရရင် blogg မှာစာလာဖတ်ပါနော်
ဗဟုသုတ ရနိုင်တယ်။