"ငှက်"

 လူငယ်မေးဖြေကဏ္ဍ - ရွှေအိမ်စည်

 

"ငှက်"

တစ်နေ့၊ ကျွန်တော်ဟာ အိမ်ရှေ့ပန်းခြံလေးထဲက ထိုင်ခုံမှာ ထိုင်ရင်း သတင်းစာဖတ်နေတုန်း အဖေခြံထဲဆင်းလာပြီး ကျွန်တော့်ဘေးက ခုံတန်းလေးမှာ ၀င်ထိုင်လိုက်တယ်။ ခဏနေတော့ အဖေဟာ ပန်းခြံလေးထဲက အသံတစ်သံကို အာရုံစိုက်ပြီး နားထောင်နေတယ်။ ပြီးတော့ကျွန်တော့်ကို လှမ်းမေးတယ်။
”အဲဒါ ဘာအသံလဲ….သား”
ကျွန်တော် အဖေ့ဘက် လှည့်ကြည့်ပြီး ဖြေလိုက်တယ်၊
”အဲဒါ စာကလေးအော်တဲ့အသံပါ အဖေ”
နောက်ခဏနေတော့အဖေက ကျွန်တော်သတင်းစာထဲပဲ အာရုံစိုက်နေတယ်ထင်လို့များလား မသိဘူး၊ အသံလာရာဘက် နားလေးစွင့်လို့ ထပ်မေးပြန်တယ်။
”သား…. အဲဒါဘာလဲ…..”ကျွန်တော်လည်း အသံလာရာဘက်လှည့်ပြီး စာကလေး ဟုတ်မဟုတ် သေချာအောင် ကြည့်လိုက်ပါတယ်။ ဟုတ်ပါတယ်…. စာကလေး တစ်ကောင်ချုံပုတ်အပေါ်မှာနားရင်း တကျိကျိ အော်မြည်နေတာ တွေ့လိုက်ရတယ်။
”အော်…..အဲဒါစာကလေးပါ အဖေရယ်….. ”
ခဏနေတော့ အဖေ တစ်ခါထပ်မေးပြန်တယ်…..။
”သား …. အဲဒါဘာသံလဲဟင်……”
”ဘယ်ဟာလဲ၊ အော်သံကြားနေရတာကိုမေးတာလား၊ အဲဒါဘာမှမဟုတ်ဘူး……. စာကလေး”
အဖေ့အကြားအာရုံများ ချို့တဲ့သွားသလား၊ ဒါမှမဟုတ် ကျွန်တော်ဖြေတာကိုက မကြားနိုင်အောင်တိုးနေလို့များလား၊ အဖေနောက်တစ်ကြိမ် ထပ်မေးပြန်တယ်…။
”သား…..အဲဒါ ဘာအကောင် အော်တာလဲ ဟင်….”
”ဟာ….ကျွန်တော်ပြောတယ်လေ……အဲဒါ စာကလေးအော်တာပါလို့”
ဒီတစ်ကြိမ် ကျွန်တော်ပြောလိုက်တာကိုတော့ အဖေကောင်းကောင်းကြားတယ်လို့ ယုံကြည်လိုက်ပါတယ်။ အဖေ ကောင်းကင်ကိုမော့ကြည့်ရင်း စဉ်းစားနေတာတွေ့ရလို့လေ….။
ဒါပေမယ့် မကြာပါဘူး။ အဖေ ထပ်မေး ပြန်တယ်….။
”သား အခုအော်နေတာ ဘာအကောင်လဲကွာ….”
ကျွန်တော် ဖတ်လက်စသတင်းစာကို ခဏပိတ်ပြီး အဖေ့ဘက်ကြည့်လိုက်တယ်။
”ဟာ အဖေကို သားဘယ်နှစ်ခါပြောရမလဲ…..အဖေမကြားတာလား……. အဲဒါ စာကလေး အသံ၊ စာကလေး အော်နေတာ…..”
အဖေခေတ္တခဏငြိမ်သက်သွားပြန်တယ်….။ ဒါပေမယ့် ခဏပါပဲ၊ ပြီးတော့လဲ ဒီမေးခွန်းပဲထပ်ထပ်မေးလာပြန်တယ်။
”သား …. အဖေကို ရှင်းပြပါဦး…… အဲဒါ ဘာသတ္တ၀ါအော်နေတာလဲ….”
ဒီတစ်ခါတော့ ကျွန်တော်ပေါက်ကွဲသွားတယ်ဗျ။
”ရော….. တယ်ခက်ပါလား……အဖေ့ကို သားအကြိမ်ကြိမ်ပြောပြနေတယ်လေ…….အဲဒါ စာကလေးပါ……အဲဒါ စာကလေးပါ…… အဲဒါငှက် …ငှက်….. စာကလေးငှက်……”
ကျွန်တော် ဒေါသအလျောက် အော်ဟစ်ပြောဆိုလိုက်မိတယ်။ အဖေ ကျွန်တော့်ရှေ့က ထ ထွက်သွားပြီး အိမ်ထဲကိုဝင်သွားတယ်။ ဟုတ်တယ်လေ….ကျွန်တော်ဒီမှာ သတင်းစာတောင်ကောင်းကောင်း ဖြောင့်အောင်မဖတ်ရသေးဘူး။ ဒါချည်းပဲ ထပ်ခါထပ်ခါ မေးနေတော့ ကျွန်တော်စိတ်တိုမိတာပေ့ါ။ အဖေကျွန်တော့်ကိုတော့ စိတ်ဆိုးသွားလား မသိ။ ဒီနေ့မနက် အဖေဘာဖြစ်နေလည်းမသိပါဘူးဗျာ…….။
သတင်းစာကို ပြန်ကောက်ယူဖတ်နေတုန်း အဖေအိမ်ထဲကနေ ပြန်ထွက်လာတာ သတိထားမိလိုက်တယ်….။ ပြီးတော့ ကျွန်တော့်ဘေးမှာ စောစောကလိုပဲ ၀င်ထိုင်လိုက်တယ်။ ဒါပေမယ့် အဖေ့လက်ထဲမှာ ဒိုင်ယာရီစာအုပ် တစ်အုပ်ပါလာတာတွေ့လိုက်ရတယ်။ အဖေ့က သူ့ဒိုင်ယာရီစာမျက်နှာတွေကို လှန်လှောပြီး တစ်နေရာအရောက်မှာတော့ရပ်လိုက်တယ်…..။ နောက် သူ့လက်နဲ့ထောက်ပြီး စာအုပ်ကိုကျွန်တော့်ဘက်ကမ်းပေးတယ်။ အဲဒါဖတ်ကြည့်ဆိုတဲ့သဘောပေ့ါ။ အဲဒါနဲ့ကျွန်တော်လည်း ယူဖတ်ကြည့်လိုက်ပါတယ်။

”……..ဒီနေ့မနက် ကျွန်တော့်သားလေးနဲ့ ကျွန်တော် ပန်းခြံတစ်ခုမှာ ထိုင်နေတုန်း၊ အရှေ့မှာ စာကလေးငှက်တစ်ကောင်လာနားပြီး တကျိကျိအော်မြည်နေတာတွေ့တော့ သားလေးက ကျွန်တော့်ကို မေးပါတယ်။ အဖေ….. အဲဒါဘာ သတ္တ၀ါလဲတဲ့။ ကျွန်တော်က အဲဒါ စာကလေး ငှက်လို့ခေါ်တယ် သားရဲ့လို့ ရှင်းပြလိုက်ပါတယ်။ အမယ်……သားလေးက အဲဒီမေးခွန်းကိုပဲထပ်ထပ်ပြီး ၂၁ ကြိမ်တောင်မေးတယ်။ ကျွန်တော်ကလည်း သူမေးသမျှ ၂၁ကြိမ်လုံးမှာ စာကလေး ငှက်ဖြစ်ကြောင်းကို တွင်တွင်ပြောပြရတာပေါ့။ တီတီတာတာမေးတတ်တဲ့သားလေးကို ကျွန်တော်စိတ်မဆိုးမိပါဘူး။ စိတ်မဆိုးတဲ့အပြင် သားကိုလက်တဘက်ကထွေးပွေ့ထားပြီး စိတ်ရှည်လက်ရှည်နဲ့ သူနားလည်အောင် ရှင်းပြလိုက်ပါတယ်…….”
ကျွန်တော် စာကို ဆက်ဖတ်လို့မရတော့ပါ….။ စာအုပ်ကိုချပြီး အဖေ့ဘက်လှည့်လိုက်ပါတယ်။ ပြီးတော့ အဖေ့ကို လက်နှစ်ဘက်နဲ့ ဖက်ထားလိုက်ပြီး အဖေ့နဖူးကို နမ်းလိုက်မိတယ်။ ကျွန်တော့်မျက်ဝန်းမှာတော့ မျက်ရည်တွေ စီးကျရင်းပေါ့…….။ ။

(Ref: A touching story of an old father, son and a sparrow)