မြင်းမိုက်ဘဝကလွတ်မြောက်ကြပါစေ..

 ဘဝကိုတိုးတက်စေမည့်စာစုလေးများ

 

တစ်ခါတုန်းက မြင်းတစ်ကောင်နဲ့ ခရုပက်ကျိတစ်ကောင် လမ်းမှာတွေ့ကြတယ်..

မြင်းကခရုကို.....``မင်းတော်တော်နှေးတဲ့အကောင်ပဲ..နောက်ကျ
တဲ့ကောင်က လမ်းဖယ်ပေးရတယ်ကွ´´....လို့ကဲ့ရဲ့တော့...

``အိုအဆွေမြင်း....ကျွန်ုပ်တို့က တစ်ကယ့်ပြိုင်ပွဲတွေမှာသာ မြန်အောင်းသွားတာပါ..မယုံရင် သင် နှင့် ကျွနုပ် အပြေးပြိုင်မ
လား.´´ လို့စိန်ခေါ်လိုက်တယ်...

မြင်းကလည်းလက်ခံလိုက်ပြီး ပြိုင်မည့်နေ့ကိုချိန်းဆိုလိုက်တယ်..
ခရုက သူ့အမျိုးခရုတွေကိုခေါ်ပြီး...
``အမောင်ခရုတို့ မြင်းသားမစားချင်ကြဘူးလား..မြင်းသားဟာသိပ် အညောင်းအညာပြေတာ..´´

``စားချင်ကြပါတယ် ခင်ဗျ´´

``စားချင်ရင်ငါပြောသလိုလုပ်ပါ..ငါမြင်းနဲ့အပြေးပြိုင်ဖို့ချိန်းထားတယ်
...အဲဒီနေ့ကျရင်မင်းတို့တွေဟာ ဒီလမ်းမကြီးတစ်လျောက်
မှာ တစ်ဖာလုံလောက်မှာ တစ်ကောင်စီပုန်းနေကြ..မြင်းက ခရုရှိလားဟေ့ လို့မေးရင် ရှိတယ်ဗျလို့ ပြန်ဖြေကြ..´´လို့မှာထားသတဲ့..

ပြိုင်ပွဲနေ့ရောက်ပြီ..

``အဆွေမြင်း အသင်ပြေးတဲ့အခါ တစ်ဖာလုံရောက်တိုင်း ကျွန်ုပ်ကို ရှိလားလို့မေးပါကျွန်ုပ်ပြေးနေကြောင်း ပြန်ဖြေပါ့မယ်..´´

``ကောင်းပြီလေ´´

သဘောတူပြီးစပြေးကြတယ်..မြင်းဟာအေးအေးဆေးလမ်းလျောက်
နေတာပေါ့.ဒီခရုလောက်တော့ဘာဂရုစိုက်စရာလိုလဲ.
တစ်ဖာလုံရောက်လာတော့..

``ဟေ့ခရုနှေးလေး ရှိသေးရဲ့လားကွဲ့´´

``ကျုပ်ပြေးနေပါတယ်ဗျ´´

ခရုရဲ့စကားကိုကြားလိုက်ရတော့မြင်းလန့်သွားတယ်..ကိုယ့်နားတောင်
ကိုယ်မယုံသလိုဖြစ်သွားတယ်..မဖြစ်ဘူးဒီကောင်ငါ့ကို
မီလာတယ်..ပြေးမှဆိုပြီး ဒုံးစိုင်းပြေးတော့တယ်..

တစ်ဖာလုံရောက်လို့တစ်ခါမေးတိုင်း ခရုကရှိနေတယ်ကြီးပဲဖြေတော့
မြင်းအစိုးရိမ်လွန်လားပြီး ကဆုန်စိုင်းသတဲ့စိုင်းပြီး
ပြေးတာ နောက်ဆုံးတော့ အမောဆို့ပြီး
သေရှာတော့တယ်..

ခရုတွေကတော့ အောင်သေအောင်သားစားကြတော့တာပေါ့..

..ဒီပုံပြင်လေးမှာလည်း တွေးတောဆင်ခြင်စရာတွေအများကြီး ရမှာပါ..

ဆရာ နန္ဒာသိန်းဇံ ရဲ့အတွေးလေးက ပိုပြီးနှစ်သက်ဖွယ်ကောင်းလို့ ဆရာအ့တွေးလေးကိုပဲ ပြန်ရေးပါ့မယ်.
..
ကျွနုပ်တို့ဟာ မြင်းမိုက်လိုပဲ..လမ်းမှာတွေ့ခဲ့တဲ့ ခရုတွေကို မူလခရုမဟုတ်မှန်းမသိပဲ ခရုအတုတွေကို အစစ်ထင်ခဲ့ကြတယ်.
ဆိုလိုတာက ကျွန်ုပ်တို့ခန္ဓာကိုယ်ကြီးဟာကလပ်စည်းတွေ အမြဲပြောင်းလဲနေတာ.အစားထိုးမှု့ကြောင့်အမြဲရှိတယ်ထင်နေ
ကြတယ်..အဲဒီအထင်ကြောင့် ငါ..ငါ့ဟာလို့ထင်လာပြီး သိမ်းပိုက်
ချင်ကြတယ်..။

သိမ်းပိုက်ချင်တော့မရမကရှာဖွေရတော့တာပေါ့..ရှာဖွေရင်းနဲ့အမော
ဆို့သေတဲ့ဘဝတွေ ဘယ်လောက်များပြီလဲ..။

မွေးကတည်းကတည်နေတဲ့ခန္ဓာကိုယ်လို့ထင်ထားမှတော့လွဲနေပြီပေါ့.
.သန္တတိအစဉ်တန်းကို အမြဲရှိလို့ထင်နေကြတယ်..

ငါ့သား ငါသမီးဟာ အမြဲရှိ.
ငါ့ရာထူး ငါ့ငွေ ငါ့ဂုဏ်ဟာအမြဲရှိ

ကျွန်ုပ်တို့မှ အမောဆို့မသေရင် ဘယ်သူသေတော့မှာလဲ..

ဘဝဆိုတာ ရုပ် နာမ် ဖြစ်ပျက်အစဉ်ကြီးသက်သက်သာဖြစ်တယ်.. အဖြေထွက်ပြီးသားပုစ္ဆာကြီးပါ..ပန်းတိုင်ကို မလျောက်ပဲ
ရောက်နေကြတာ..

မြင်းမိုက်ဘဝကလွတ်မြောက်ကြပါစေ..

.အရှင်ပညာသီရိ(ရမ္မာကျွန်း)

K.K(ကနောင်)