မမြင်ဝံ့ ဆေးသမား၊ မကြားဝံ့ရှေ့နေ ဆိုရိုးစကား ရှိခဲ့ပါသည်။ ဤသဘောသည် လုပ်ငန်းသဘောအရ တွေ့ကြုံရမှု သဘာဝကို ညွှန်းပါသည်။ ယနေ့ခေတ်တွင်မူ ခေတ်လွန်လူငယ် အနုပညာရှင်ဆိုသူတို့၏ ဆင်ယင်ထုံးဖွဲ့မှု ဖျော်ဖြေ တင်ဆက်မှုတို့က မမြင်ဝံ့ ပရိသတ် မကြားဝံ့ သောတရှင် ဖြစ်နေရပါပြီ။
အခုတစ်လော facebook တွင် အဆိုတော် အဆိုကျော်တို့၏ အမြင်မတင့်တယ်ပုံ တစ်ခု တွေ့လိုက်ရပါသည်။ ပြီးခဲ့သည့် သင်္ကြန်အခါက အနုပညာရှင် ဆိုသူများအပါအ၀င် မြန်မာလေးမလေးများ၏ အမြင် မကောင်းသည်များကို တွေ့လိုက်ရပြန် ပါသေးသည်။ လမ်းမပေါ် ကြည့်ကြည့်လိုက်လျှင်လည်း အမြင် မတော်ရာသာများပါသည်။ ခေတ် အနေအထား အရ မီဒီယာတို့၏ ထိုးဖောက်မှုကြောင့် တိုင်းခြား ယဉ်ကျေးမှု၊ ဆင်ယင်ထုံးဖွဲ့မှု၊ ပြုမူပြောဆိုမှုများက ရိုးရာယဉ်ကျေးမှု ကို ဖယ်ရှားနေရာယူ လာကြပါသည်။
တားဆီးကာကွယ်ရန် ခုခံတွန်းလှန်ရန် အားမရှိ အားမရ အားမပြည့် သည့်အတွက် တစ်စတစ်စ ခဏခဏ ၀င်ရောက် ပူးကပ်နေ ပါသည်။ ခေတ်သဘော ယဉ်ကျေးမှုသဘော ကမ္ဘာမှုသဘော တို့အရ အမှားကြီး မဟုတ်သေးပါ။ သိုပသော် မြန်မာမှုနယ်ပယ်တွင် ဖျော်ဖြေ တင်ဆက်မှုနှင့် ပတ်သက်၍ ထိန်းကွပ်သည့် စည်းတစ်ခုရှိပါသည်။ မောင်နှင့်နှမ သားနှင့်အမိ မြင်ဝံ့ခြင်း၊ ကြားဝံ့ခြင်း ပင်ဖြစ်ပါသည်။ အနုပညာ ဖျော်ဖြေ တင်ဆက်မှု ရေးသားဖော်ပြမှုသည် မောင်နှင့်နှမ သားနှင့်အမိ အတူကြည့်၍ ကြား၍ မြင်ဝံ့ ကြားဝံ့လျှင် သင့်သည်ဟု မြန်မာတို့ မှတ်ယူပါသည်။ မမြင်ဝံ့ မကြားဝံ့လျှင် မသင့်၊ မကောင်းဟု မှတ်ယူပါသည်။ ခေတ်လွန် လူငယ်တို့ သတိမူ ကြစေလိုပါသည်။
ခေတ်သဘာဝအရ ပေါ်ပေါက်လာသော အနုပညာ၊ ဖျော်ဖြေတင်ဆက်မှု၊ ဆင်ယင်ထုံးဖွဲ့မှု၊ ပြုမူ ပြောဆိုမှု တို့ကို အပြစ် အမှား အဆိုးဟု မစွပ်စွဲလိုပါ။ သို့သော် မြန်မာမှုနှင့် လျော်မလျော် သင့်မသင့် ကို သတိမူစေလိုခြင်း ဖြစ်ပါသည်။ထို့အပြင် လူငယ်တို့ ပိုမိုဂရုစိုက်စရာ အချက်တစ်ချက်ကို ညွှန်းလိုပါသည်။ နိုင်ငံရေးအနေအထားနှင့် ယဉ်ကျေးမှုအနေအထား ဆက်နွယ်မှု တစ်ခု ဖြစ်ပါသည်။ အာဏာရှင် စနစ်နှင့် ခေတ်ဆန် ခေတ်လွန်မှု ဟု ဆိုချင် ပါသည်။ ၈၈၈၈ အရေးအခင်းကြီးတွင် လူငယ်များ၏ စိတ်အခြေအနေသည် ပြုပြင်ပြောင်းလဲမှု အာဏာရှင်ချုပ်ငြိမ်းမှု တော်လှန်ရေးအတွေးအမြင် အလွန် အရှိန်ပြင်း အဟုန်ပြင်း ခဲ့ပါသည်။ ထိုအခြေအနေမှ ယုတ်လျော့သွားစေရန် ထိုစဉ်က အာဏာသိမ်းခဲ့သော စစ်အစိုးရက စင်တင်တေးဂီတ၊ တီဗွီ၊ ကာရာအိုကေ၊ night club မျိုးစုံ ဖွင့်ပေး ထွက်ပေါက် ပေးလိုက်သဖြင့် လူငယ်တော်တော်များများ ထိုထွက်ပေါက်ကို တိုးထွက်ကြပါသည်။
တိုးထွက်ကြသော ထွက်ပေါက်သည် ဆက်ရာလမ်း တိုးတက်ရာလမ်းမရှိသော လမ်းအပိတ် ချောက်ထဲ ကျရာလမ်းမှန်း မသိကြပါ။ ထပ်ဆင့် လက်ဆောင်အနေနှင့် ရပ်ကွက်တိုင်း လမ်းတိုင်းလိုလို အရက်ဆိုင် ဘီယာဆိုင် ကာရာအိုကေဆိုင် အနှိပ်ခန်းတွေ ဖွင့်ခွင့်ပေးလိုက်တော့ လူငယ်များ ရေဆုံမျှောသွားပါရော။ အရှိန်ပြင်းခဲ့သော တော်လှန်ရေး စိတ်ထားများ လွတ်လပ်လွန်သော အညွန့်ချိုးသော ခေတ်လွန်မှုအောက် ကျရှုံးခဲ့ရပြီးပါပြီ။ ယခုလည်း တီဗွီလိုင်းတွေမှာ စင်တင်တေးဂီတတွေမှာ ရှိုးပွဲ ရှိုးပွဲ ဘာပွဲ ညာပွဲ ဆိုသည်တို့မှာ လွတ်လပ်စွာ ဖော်ပြခွင့် လှုပ်ခါခွင့်များ တိုးတိုးတစ်မျိုး ထင်ထင်တစ်မျိုး ခွင့်ပြုနေလေတော့ လူငယ်များ ထို့နောက်ပါသွား ကြပြန်ပါပြီ။
ကမ္ဘာရွာကြီးကို တစ်ခေါက်လောက် ရှုလိုက်ပါ။ အာဏာရှင်စနစ်အောက်က ရုန်းထွက်နေဆဲ ရုန်းထွက်ခဲ့ပြီး ရုန်းထွက်ရန် ကြိုးစားနေသော နိုင်ငံများတွင် ထင်လင်းမြင်သာမှုမှာ ခေတ်လွန်နေခြင်း ယဉ်ကျေးမှု ဖောက်ပြန် နေခြင်းသာ ဖြစ်ပါသည်။ ဆိုဗီယက်ခွဲထွက် နိုင်ငံများ၊ အာရှမှ ဂျပန် တရုတ် အိန္ဒိယ စသည့် စီးပွားရေး ဦးစားပေး နိုင်ငံများ၊ ဥရောပမှ ကွန်မြူနစ် ဆိုရှယ်လစ် လူထွက် နိုင်ငံများ၊ တောင်အမေရိကမှ ကွန်မြူနစ် လူထွက် နိုင်ငံများ၊ အာရပ်နွေဦး မပီမပြင် ဖြစ်နေသောနိုင်ငံများတွင် ခေတ်လွန်ခြင်း ယဉ်ကျေးမှု ဖောက်ပြန်နေခြင်းများ မြောက်မြားစွာ တွေ့နေရပါသည်။ ပိုမိုမြင်သာသည်မှာ အာဏာရှင်အုပ်စိုးသော အာဏာကို လက်ဝါးကြီး အုပ်ချင်သော နိုင်ငံများတွင် တိုးတက်သော ထက်မြက်သော ညီညွတ်သော နိုးကြားသော လူငယ်စွမ်းအားများကို အနုပညာ ၀တ်စားဆင်ယင်မှု စသည့် အပိုင်းများတွင် ခေတ်လွန် လော်မာခွင့် ပေးခြင်းဖြင့် ထိန်းကွပ်ထားတတ်ကြပါသည်။ အာဏာ တည်မြဲရေး အတွက် နိုင်ငံရေးဘက်လှည့်မလာစေရန်
ဆိုခဲံသည့်အချက်ကို လူငယ်တို့ သတိမူမိစေလိုပါသည်။ ပေးထားသောထွက်ပေါက်သည့် လွတ်လမ်းမဟုတ်၊ ကျလမ်းဖြစ်သည်ကို လည်းကောင်း၊ ပြထားသော လမ်းလွှဲသည် ဖြတ်လမ်းမဟုတ် လမ်းပိတ်ဖြစ်သည်ကိုလည်းကောင
စင်မြင့်ထက်မှ မီဒီယာများထက်မှ ဖော်ပြ ချွတ်ပြ တိုပြ ဟိုက်ပြ လှုပ်ပြ ခါပြနေခြင်းက မိမိအပါအ၀င် လူငယ်ထု အတွက် ကျလမ်းကို ညွှန်းနေသည်ကို ခေတ်အနုပညာရှင်ဆိုသူတို့ ဆင်ခြင်မိဖို့ကောင်းပါသည်။ အားပေးကြည့်ရှုနေသည့် လူငယ်အပေါင်းကလည်း ထိုနောက်လိုက်လျှင် မိမိအတွက် တိုးတက်ရာလား ကျဆုံးရာလား ဆင်ခြင်မိဖို့ကောင်းပါသည်။
တစ်ခုလောက် ပြောလိုပါသေးသည်။ မိမိတို့နိုင်ငံထက် စော၍ အာဏာရှင်စနစ်မှ ဒီမိုကရေစီစနစ် အသွင် ကူးပြောင်းသော နိုင်ငံတို့တွင် အမျိုးသားရေး တန်ဖိုးများ မည်မျှပျောက်ဆုံး သွားလေသနည်း၊ ထိုနိုင်ငံမှ မျိုးဆက်သစ် တို့က နိုင်ငံကို မည်သို့ တည်ဆောက် ဖန်တီးကြလေသနည်း၊ အနုပညာလွတ်လပ်ခွင့်ဟု ဆိုကာမတ္တနှင့် အခြား လွတ်လပ်မှု ဖန်းတီးမှု အခွင့်အအရေးများ မည်မျှဆုံးရှုံး သွားလေသနည်း။ ကမ္ဘာကြည့် ကြည့်ကြဖို့လိုမည် ထင်ပါသည်။
ကမ္ဘာကြည့်ကြည့်လေ ခေတ်လွန်မှု အမျိုးသားရေးစံနှုန်း အမျိုးသားရေး တန်ဖိုးဆုံးရှုံးမှုများက အာဏာရှင် စနစ်ကို သက်ဆိုးရှည်စေ ပါသည်။ အသိဥာဏ်ကိုဖွင့်၍ ထက်မြက်အောင်ပြုလုပ်မည့်၊ အတွေးအမြင်ကို ဖြန့်၍ ဖွံ့ဖြိုးအောင် ပြုလုပ်မည့်၊ အတွေ့အကြုံကို စိစစ်၍ ကောင်းမြတ်အောင် ပြုလုပ်မည့် လူငယ်များ လမ်းလွဲ လမ်းမှား လမ်းပိတ် မလိုက်မိကြစေရန် ပညာရှင်များ၊ အနုပညာရှင်များ၊ မိဘအုပ်ထိန်းသူများ (ဖြစ်နိုင်လျှင် အစိုးရကပါ အမျိုးသားရေးအသွင်ဖြင့်) ၀ိုင်းဝန်းထိန်းကြောင်း ပဲ့ပြင်ပေးကြပါဟု တိုက်တွန်းလို ပါသည်။
အို လူငယ်တို့ မမြင်ဝံ့ ပရိသတ် မကြားဝံ့ သောတရှင် ဖြစ်စေမည့် အမူအကျင့်များကို စွဲလမ်းနှစ်ခြိုက် လက်ခံနေလျှင် လူငယ်တို့ အလွန်မုန်းကြသော အာဏာရှင်ပယောဂကြီး ပူးကပ် ခံရပါလိမ့်မည်။ သတိမူကြပါ။ ကိုယ်ခံအား ခုခံအား ကောင်းကြပါစေ။
ကိုအော
No comments:
Post a Comment
မိတ်ဆွေ...အချိန်လေးရရင် blogg မှာစာလာဖတ်ပါနော်
ဗဟုသုတ ရနိုင်တယ်။