ဘဝကို တစ်ယောက်တည်းဖြတ်သန်းနေတယ်ဆိုတဲ့ L လွန်းဝါနှင့် တွေ့ဆုံခြင်း

ရန်ကုန်၊ ဖေဖော်ဝါရီ ၁၁ – သီချင်း​ဆွေး​ဆွေး သီချင်း​အေး​လေး​တွေကို ရေးသားသီဆို​နေကျဖြစ်​သလို ပရိသတ်​ရဲ့ အား​ပေးမှုကို အပြည့်​အဝရတဲ့ ​တေးသံရှင်​ L လွန်းဝါရဲ့ လတ်​တ​လောလှုပ်​ရှားမှု​တွေကိုတွေ့ဆုံ မေးမြန်းခဲ့ပါတယ်​။

ကုမုဒြာ။ ။ အနုပညာအလုပ်​​တွေနဲ့​ဝေးကွာ​နေတာကြာပြီ​နော်​။

L လွန်းဝါ။ ။ သီချင်း​​တွေလုံးဝမဆိုတာ နှစ်နှစ်ရှိပါပြီ​။ လုံးဝကို မဆိုဖြစ်​တာ​ပေါ့ ကြာပါပြီ။ အ​ကြောင်းကြောင်းကြောင့် အဆင်မပြေဖြစ်ခဲ့တာလည်း ပါတာ​ပေါ့။ မိသားစုနဲ့လည်း အဆင်မ​ပြေမှု​တွေရှိခဲ့​တယ်​။ အိမ်ထောင်လည်း ကွဲခဲ့တယ်​​လေ။ ပရိသတ်​နဲ့ သည်အ​တောအတွင်းမှာ အဆက်​အသွယ်​ဖြတ်ထားသလိုပါပဲ။ ပရိသတ်နဲ့မတွေ့ဖြစ်တော့တဲ့နှစ်တွေ အိမ်မှာ ပဲနေပြီးတော့ စိတ်ဓာတ်တွေကျနေခဲ့တာ။ ဒါပေမဲ့ ဂစ်တာနဲ့တော့ အမြဲထိတွေ့ဖြစ်တယ်။ သီချင်းညည်းဖြစ်​တာ​ပေါ့။ အခု သီချင်းပြန်ဆိုဖြစ်တာ ရှစ်လပဲ ရှိပါသေး တယ်။ သီချင်းတွေရေးဖြစ်တယ်။ ဓမ္မသီချင်းတွေလည်း ရေးဖြစ်တယ်။ တစ်ယောက်တည်း ဘဝကို ဖြတ်သန်းနေပါ တယ်။

ကုမုဒြာ။ ။ အခု သီချင်းတွေလုပ်ဖြစ်တယ် ဆိုတော့ေ​နာက်​ထပ်​သီချင်း​ခွေတွေကော

ဘယ်​​တော့​လောက်​ထွက်​မလဲ။ ပြင်​ဆင်​ထားတာ​တွေကော ရှိပြီလား။

L လွန်းဝါ။ ။ အလိုတော်အတိုင်း ပြီးပြည့် စုံသောဘဝဆိုတဲ့ ဓမ္မ​တေးသီချင်း​ခွေတော့ ထွက်​ထားတယ်​။ ​​ကိုထူးအိမ်သင်ရဲ့ သီချင်း​တွေကို ပြန်ဆိုထားတဲ့ အခွေလည်းထုတ်ထားပါတယ်​။ ကျွန်တော့် ကလေးနှစ်ယောက်အတွက် သီချင်းလေးတွေရေးထားပါတယ်။ တစ်ယောက်က ငါးနှစ်၊ တစ်ယောက်က ကိုးနှစ်၊ သူတို့ အတွက် ကလေးသီချင်းခွေလေးပေါ့နော်။ အဲဒါလေးကို​တော့ ထုတ်​သွားဖို့ ရှိပါတယ်​။

ကုမုဒြာ။ ။ အခုထွက်ထားတဲ့ ​ဓမ္မ​တေး သီချင်းထဲမှာ​ရော ဘယ်​လိုအ​ကြောင်းအရာ​လေး​တွေပါဝင်​လဲ။

L လွန်းဝါ။ ။ အလိုတော်အတိုင်း ပြီးပြည့်စုံ သောဘဝ အခွေက ဓမ္မတေးခွေဆိုပေမဲ့ အချစ်သီချင်းခွေပါပဲ။ ဘုရားသခင်ရဲ့ချစ် ခြင်းကိုရည်​ညွှန်းတာ​ပေါ့။ သည်အခွေထဲမှာ မင်္ဂလာဆောင်သီချင်းလည်းပါမယ်​။ သေပြီးတဲ့နောက်ပြန်တွေ့တဲ့အခါ အဆင် ပြေမှုတွေ ရှိပါစေ။ ပြန်တွေ့ကြမယ်ဆိုတဲ့ အဓိပာယ်​​လေး​ပေါ့။ နောက်တစ်ခု ကိုထူး အိမ်သင် (ဆရာငှက်) အတွက် ထုတ်ထား တဲ့တစ်ခွေရှိပါမယ်​။ သူ့သီချင်းတွေပဲပေါ့။ ကလေးသီချင်းခွေလေးကတော့ ကျွန် တော့်ကလေးနှစ်ယောက်အတွက် အဓိက ထားပြီးတော့ ရေးထားတာ​ပေါ့။ တစ်ခွေ လုံးကျွန်တော်ကိုယ်တိုင်ရေးထားတာပါ။ အဲဒါကတော့ မထွက်သေးဘူး။ ပြင်ဆင် နေတုန်းပဲ ရှိပါသေးတယ်​။ ကျွန်တော့်ရဲ့ တစ်ကိုယ်တော်အချစ်သီချင်းခွေလည်း တစ်ခွေထွက်ဖို့ ရှိပါတယ်။ အဲဒါကလည်း တီးပြီးသွားပြီဆိုတာနဲ့ တစ်ပုဒ်ချင်းစီ အွန် လိုင်းကနေဖြန့်သွားမယ်​။ ပြန်စုပြီးတော့မှ အခွေလုပ်မယ်​။

ကုမုဒြာ။ ။ ခံစားချက်​အ​နေနဲ့​ရော တည်​ငြိမ်​သွားပြီလား။

အရင်လို​သီချင်း​လေး​တွေ ပရိသတ်​တွေ ခံစားရ​တော့မလား။

L လွန်းဝါ။ ။ ခံစားချက်က​​တော့ တည် ငြိမ်သွားပါပြီ။ အဲဒါ​တွေကပဲ အားအင်တွေ ပြန်ဖြစ်ပြီး ရှေ့ဆက်ပြီးတော့ ကျွန်​​တော့် သီချင်း​တွေကို ပရိသတ်​​တွေ ကြားရတော့မှာပါ။ ထူးခြားမှုဆိုရင်​ သီချင်းတွေထဲမှာ ဆိုရင် အသက် ၂၀ ကျော်ခံစားချက်တွေ လည်းပါသလို ၃၀ ကျော်ခံစားချက်တွေလည်း ပါလာပြီ။ ရင့်ကျက်မှုတွေပါလာတဲ့ သီချင်းမျိုးလေးတွေကိုလည်း ခံစားရမှာ ပါ။ လူတွေမကောင်းဘူးလို့ သတ်မှတ်ထား တဲ့အရာတွေ ဘာမှမလုပ်တော့ပါဘူး။ ဘုရား၊ တရားဘက်ကိုအစွန်းရောက်တဲ့ သူတစ်ယောက်မဟုတ်ပေမဲ့ ဖြစ်ပျက်ခဲ့တဲ့ အ​​တွေ့အကြုံတွေ​ပေါ်မှာပဲ ကျွန်​​တော်​တည်ငြိမ်သွားပါပြီ။ အရင်ကထက် ဘုရား တရားပိုလုပ်ဖြစ်တယ်​​​။ အခုထွက်ထားတဲ့ အခွေကလည်း ဓမ္မတေးသီချင်းခွေလို့ ပြောလို့ရပေမဲ့ ဘာသာတိုင်းကနားထောင် လို့ရတဲ့ အချစ်သီချင်းပါပဲ။ ဘုရား၊တရားရဲ့ အချစ်​​ပေါ့နော်​။ မကြာခင်မှာလည်း သီချင်းတွေ ပြန်ဆိုဖို့ ရှိပါတယ်။

ကုမုဒြာ။ ။ Feeling 18 မှာ​ရော ဘယ်လို မျိုးလေး​တွေ သီဆိုထားလဲ။

L လွန်းဝါ။ ။ မြန်မာနိုင်ငံမှာရှိတဲ့ Pop Singer တွေပေါင်းပြီးတော့ လုပ်ထားတာပါ။ Feeling 18 ​ ခွေလေးက​တော့ သည်အခွေအတွက် ကျွန်တော်ထင်တာ ဟစ်ဟော့ပ် ဆိုလည်း သူ့အဖွဲ့နဲ့သူ ရှိတယ်။ ရော့ခ်ဆိုလည်း သူ့အဖွဲ့နဲ့သူ ရှိတယ်။ ပေါ့ပ်အဆိုတော်တွေလည်း အဖွဲ့လေးနဲ့ရှိသင့်တယ်။ အဲသည်လိုလေးလုပ်ချင်တယ်ဆိုပြီး စုပြီး တော့ သည်အခွေလေးလုပ်ဖြစ်တာပါ။ စီစဉ်တာကတော့ သူ့သီချင်းသူစီစဉ်ကြ တယ်။စုတာကတော့ ကျွန်တော်စုပေးတာ​ပေါ့။

ကုမုဒြာ။ ။ သီချင်း​တွေ ပြန်​လုပ်​​တော့မယ်။ ပရိသတ်​ကို​ပြောချင်​​နေတဲ့ စကား​လေး ​ပြောခဲ့​ပေးပါဦး။

L လွန်းဝါ။ ။ ကျွန်​​တော့်​ကို ချစ်​တဲ့ ပရိ သတ်အတွက် သီချင်းတွေကတော့ ဆက်ွတိုက်ထွက်လာတော့မှာပါ။ Live Show တွေလည်း လုပ်သွားဖို့ ရှိပါတယ်​။ ပရိ သတ်ကြီးကလည်း ကျွန်တော့်ကိုဆက်ပြီး တော့ စောင့်ကြည့်အားပေးပါ။ အခုလို ဆက်ပြီးတော့ ရှိနေပေးတဲ့အတွက်လည်း ကျေးဇူးတင်ပါတယ်ခင်​ဗျ။

Author / မိပုံ့
https://www.kumudranews.com