https://blogger.googleusercontent.com/img/b/R29vZ2xl/AVvXsEjU0AoY4WAXW-YfJZniSyIw2mwqL3AnyhQdWnMarU8XsnqvMuidaFo98um7Maj3YtehU7jrHeNSE0XaeQrwC5f4XtZekJ2QKrqWf6We8Gewk_2vkXs3YdHAMhK9i7TT1PEKpguEjP9lTMaA/s1600/gh_367_4.jpg
ဝမ်းချုပ်ခြင်းသည် အခြေအမြစ်တည်၍ဖြစ်ရသော ရောဂါမျိုးတို့အနက် ၉၀ ရာခိုင်နှုန်းတို့၏ အရင်းမူလ ဖြစ်ကြောင်းနှင့် ကမ္ဘာကျော်ဆရာဝန်ကြီးတစ်ဦးဖြစ်သော ဆာဝီလံကိန်းဆိုသူက ထုတ်ဖော်ရေးသားခဲ့ ဖူးလေသည်။
သို့ရာတွင် ဝမ်းချုပ်ခြင်းသည် ရုတ်တရက်ရှောင်တခင်ဖြစ်ပေါ်လာသောရောဂါ ဖြစ်လေသလောဟု ဆန်းစစ်ပြန်သည့်အခါ ဝမ်းချုပ်ခြင်းမဖြစ်မီ အခြားသော့ဖောက်ပြန်မှုတို့ရှိသေးသည်ကား မှန်၏။ သို့ရာ တွင်အစာဟောင်းများ စုဝေးရာဖြစ်သောအူမသည် အဘယ်အကြောင်းကြောင့် ကောင်းစွာအလုပ်မ လုပ်ရလေသနည်းဟု တစ်ထစ်စီလျှောက်ရန် ရှိသေးသည်။
အစာချေဖျက်သော စက်ရုံကြီးတစ်ခုလုံးအားနည်းနေခြင်း (သို့မဟုတ်) အာရုံကြောများအားနည်း ဆုတ်ယုတ်ခြင်းသည် ဝမ်းချုပ်ခြင်း၏ အကြောင်းရင်းမြစ်ဖြစ်သည်ကို တွေ့ရလေသည်။ အစာချေစက် အားနည်းခြင်း၊ အာရုံကြောများအားနည်းခြင်းတို့မှာလည်း အညစ်အကြေးများ စုဆောင်းမှုတို့ကြောင့် ဖြစ်ပေရာ အညစ်အကြေးများစုဆောင်းမှုသည်လည်း မသင့်တင့်သောအစာအဟာရတို့ကြောင့်ဖြစ်ရ ပေကား ကျွန်ုပ်တို့ပြုပြင်ပေးနိုင်သောအရာသည် အစာအဟာရပင်ဖြစ်ချေ၏။ (ဆရာကြီးရွှေဥဒေါင်း၏ အာဟာရနှင့် ကျန်းမာရေးမှ ကောက်နုတ်ချက်)
စာရေးသူ၏ဆေးကုသခဲ့သော နှစ်ပေါင်း ၃၀ ကျော်အတွေ့အကြုံအရ ရောဂါဖြစ်ပွားသူလူနာအတော် များများ၏ ပြဿနာမှာ ဝမ်းချုပ်ခြင်း၊ ဝမ်းသွားဖို့ခက်ခဲခြင်း၊ ဆေးဝါးမကူဘဲ သဘာဝအတိုင်း ဝမ်းမ သွားခြင်းစသော ပြဿနာများရှိနေကြောင်း တွေ့ရပါသည်။ အထူးသဖြင့် နောက်ကြောတက်နှင့် အ ညောင်းအကိုက် လူနာအားလုံးနီးပါးမှာ ဝမ်းချုပ်သည်ကိုတွေ့ရသည်။
ဇက်ကြောတက်ရောဂါကြောင့် အမြဲအနှိပ်ခံနေရသူတစ်ဦးသည် သေချာစွာစစ်ဆေးသောအခါ အတွင်း လိပ်ခေါင်းရောဂါရှိပြီး ဝမ်းချုပ်သူဖြစ်ကြောင်းတွေ့ရသည်။ လိပ်ခေါင်းရောဂါကိုကုသပြီးနောက် ဝမ်း လည်းမှန်လာသည့်အခါ ဇက်ကြောတက်ရောဂါပျောက်သွားပြီး အနှိပ်လည်းမခံရတော့ဟုဆိုသည်။
မျက်စိကြောင့် ဇက်ကြောတက်ခြင်း၊ မျက်ရိုးကိုက်ခြင်း၊ ခေါင်းကိုက်ခြင်းဝေဒနာခံစားနေရသူများသည် မူလကဝမ်းချုပ်ခြင်းကြောင့် ဖြစ်ခဲ့ကြောင်းတွေ့ရသည်။ ဝမ်းချုပ်သောအခါ အူတွင်းမှအခိုးအငွေ့များ သည် ခန္ဓာကိုယ်အထက်ပိုင်းသို့တက်ပြီး မျက်စိမှုန်ဝါးခြင်း၊ ဇက်ကြောတက်ခြင်းဝေဒနာများကို ဖြစ်ပွား စေနိုင်သည်။ မျက်စိဒီဂရီမတိုးစေရန် ရေများများသောက်ပြီး ဝမ်းမှန်စေခြင်းဖြင့် ကာကွယ်နိုင်သည်ဟု ဆိုသည်။
အိပ်ရာထဲတွင် လှဲနေရသည့်ရောဂါများ၊ လေဖြတ်သူများ၊ နာတာရှည်ရောဂါကြောင့် အစာကြေအား နည်းသူများ အားလုံး၏နောက်ဆက်တွဲ ပြဿနာမှာ ဝမ်းချုပ်ခြင်းပင်ဖြစ်သည်။ ဝမ်းနုတ်ဆေးပေးလျှင် လည်း ဝမ်းပျက်သည့်ပြဿနာကြောင့် မပေးရဲ။ ဝမ်းချုပ်ပေးနေရသည့် လူနာများစွာရှိသည်။ စမြင်းခံ ခြင်းခေါ် ဝမ်းအမာများပိတ်ဆို့မှုကြောင့် အူမကြီးရောင်ခြင်း၊ သွေးယိုခြင်းများ ဖြစ်ပွားနိုင်သည်။
တိုင်းရင်းဆေးများ၊ ကြော်ငြာရောင်းချသည့်ဆေးများကို ဝယ်ယူသုံးစွဲနေကြသူများ၏ ၉၀ ရာခိုင်နှုန်းမှာ လည်းဝမ်းချုပ်သည့် ပြဿနာကြောင့် ဝမ်းသွားဖို့အခြေခံပြုထားသည့် ထိုဆေးများကို ပုံမှန်ဝယ်ယူသုံး စွဲနေကြောင်း တွေ့ရသည်။ ဆေးဆရာများကလည်း ‘ဝမ်းတစ်လုံးကောင်းလျှင် ခေါင်းတစ်လုံးမခဲ’ ဟူ သောစကားကို အခြေခံထားပြီး ဝမ်းသွားသည့်ဆေးများကို လက်ကိုင်လက်စွဲပြု၍ ကုသကြသည်ကို တွေ့ရသည်။
တိုင်းရင်းဆေးများတွင် ဝမ်းသွားစေရန်အတွက် အများဆုံးအသုံးပြုသည်မှာ ပွေးကိုင်းရွက်နှင့်ကနခိုစေ့ များဖြစ်သည်။ ထိုဆေးမယ်များသည် အူကိုလှိုင်းထလှုပ်ရှားစေသဖြင့် ဝမ်းသားချင်စိတ်ကို ဖြစ်စေနိုင် သည်။ ထိုဆေးမယ်များသည် လွန်ကဲလျှင်လူကိုဥပဒ်ပေးနိုင်သဖြင့် သန့်စင်ပြီးမှ သုံးစွဲသင့်သည့် ဆေး အမယ်များဖြစ်သည်။ အနောက်တိုင်းသုတေသီများကလည်း ထိုဆေးအမယ်များကြောင့် အသည်းနှင့် ကျောက်ကပ်ကို ထိခိုက်ပျက်စီးခြင်းမရှိစေရန် ရေရှည်စွဲ၍ မသုံးစွဲသင့်ဟုဆိုသည်။ ဝမ်းနုတ်ဆေးစားမှ သွားသည့်ဝမ်းသည် သဘာဝဝမ်းမဟုတ်ပေ။ လူ့ခန္ဓာကိုယ်အတွက် လိုအပ်သောအာဟာရများ၊ အူမှမ စုပ်ယူရသေးမီ ဝမ်းနုတ်ဆေးသုံးစွဲခြင်းကြောင့် ဝမ်းသွားရာတွင် ပါသွားနိုင်သည်။
ရုံးအထိုင်များပြီး ဗိုက်စူထွက်လာသူအရာရှိကြီးတစ်ဦးသည် ဝမ်းချုပ်သောဝေဒနာပါ နောက်ဆက်တွဲ ရလာသည်။ ထိုသူသည် ညနေဘက်ရုံးမှအပြန်တွင် မဝေးလှသောအိမ်သို့ ကားမစီးဘဲ လမ်းလျှောက် ပြန်သည်။ နံနက်စောစောတွင်လည်း ရေအဝသောက်ပြီး လမ်းထလျှောက်သည်။ ဤနည်းဖြင့် ဝမ်းမှန် ပြီးဗိုက်စူထွက်ခြင်းမှလည်း လျော့ကျကာကျန်းမာလာသည်ဟု ကိုယ်တွေ့ကို ပြောပြသည်။
လူနာတို့ကို ဝမ်းသွားမည့် သဘာဝနည်းလမ်းမှန်ကို ညွှန်ပြသည့်ဆရာက နည်းသည်။ ဝမ်းချုပ်သည် အကြောတက်သည်ဆိုလျှင် မိမိလက်ကိုက်ပြုသည့် ဝမ်းနုတ်ဆေးတစ်မျိုးမျိုးကိုသာ ပေးလိုက်သည်က များသည်။ ထိုဆေးကိုသဘောကျသည့်လူနာသည် စွဲ၍စားရင်းစားရင်း ဆေးမတူလျှင် ဝမ်းမသွားသည့် ဘဝသို့ရောက်သွားတော့သည်။ ဤကုသနည်းသည် အမှန်အကန်မဟုတ်ပေ။
ဝမ်းနုတ်ဆေးစားသုံးမှု၏ နောက်ဆက်တွဲဆိုးကျိုးမှာ အူနှင့်အူမကြီးအတွင်း အချွဲအမြှေးများ နေ့စဉ်ဝမ်း နှင့် အတူပါသွားခြင်းကြောင့် အူတွင်းနံရံပါးသွားပြီး အနာဖြစ်လွယ်ခြင်း၊ ရောင်ခြင်း၊ ဝမ်းကိုက်ပိုးများက အူနံရံကိုကိုက်သဖြင့် သွေးယိုစီးခြင်းစသော အူသိမ်အူမနှင့်ဆိုင်သည့် ရောဂါမျိုးစုံဖြစ်နိုင်သည်။
ဝမ်းချုပ်သူအတော်များများသည် အထိုင်များသူ၊ ကားစီးသူ၊ လမ်းလျှောက်နည်းသူများဖြစ်ကြသည်။ အသားစားများသူနှင့် အသီးအရွက် အစားများသူတို့တွင်လည်း အသားစားများသူက ပို၍ဝမ်းချုပ်သည် ကို တွေ့ရပါသည်။
ဝမ်းမှန်ကျန်းမာစေသော နည်းလမ်းများ-
(၁) နံနက်အိပ်ယာထ၊ ညအိပ်ယာဝင် ရေများများသောက်ပါ။
(၂) အားလပ်သောအချိန်တိုင်းတွင် လမ်းလျှောက်ပါ။
(၃) အသားနှင့်အဆီစားခြင်းကိုလျှော့ပြီး အသီးအရွက်ကို ပို၍စားပါ။
(၄) အစာစားတိုင်း အရည်သောက်ဟင်းရည်ပါပါစေ။ ချည်စော်ခါးသီး၊ ကင်ပွန်းချဉ်ရွက်၊ ချဉ်ပေါင် ရွက်ဟင်းရည်များသည် ဝမ်းမှန်စေနိုင်သည်။
(၅) မန်ကျည်းမှည့်ပါသော သီးရွက်စုံချဉ်ဟင်းသည် ဝမ်းကိုမှန်စေပါသည်။
(၆) ကြာဟင်းဖူးကိုပြုတ်ပြီး မြေပဲထောင်းနှင့် သုပ်စားပါက ဝမ်းသွားစေနိုင်သည်။
(၇) အစာစားပြီးလျှင် ထိုင်မနေပါနှင့်၊ ခေတ္တထပြီး လမ်းလျှောက်ပါ။
(၈) ညအိပ်ရာမဝင်မီ သင်္ဘောသီး၊ ငှက်ပျောသီးမှည့်များစားလျှင် ဝမ်းကိုပျော့စေနိုင်ပါသည်။
(၉) ရှောက်သီးအရည်၊ ပျားရည်၊ ဆားခါး ရောစပ်သောက်ခြင်းသည် သင့်တင့်သော ဝမ်းနုတ်ဆေး ဖြစ်သည်။
(၁၀) နွားနို့အစိမ်းကို ဆားခပ်ပြီး နံနက်အိပ်ရာထ အစာမစားမီသောက်သုံးပေးလျှင် ဝမ်းမှန်စေနိုင် သည်။
(၁၁) နံနက်စောစောထပြီး လမ်းလျှောက်ခြင်းဖြင့် ဝမ်းမှန်စေနိုင်ပါသည်။
ကြေးမုံသတင်းစာ
အောက်တိုဘာလ (၁၈) ရက်၊ ၂၀၁၅ ခုနှစ်
No comments:
Post a Comment
မိတ်ဆွေ...အချိန်လေးရရင် blogg မှာစာလာဖတ်ပါနော်
ဗဟုသုတ ရနိုင်တယ်။