စိတ်ဖိစီးနေသလား R ခြောက်လုံးကိုစား

 

ဘယ်ကုမ္ပဏီက ဘာတံဆိပ်နဲ့ တင်သွင်းလာတဲ့ ဘာဆေးလဲဆိုတာကို တလွဲ မစဉ်းစားကြဖို့ ဦးစွာပြောထားပါရစေ။ ဒီဆရာတော့ စီးပွားရေး သောင်းကျန်းပြီး ဟိုနိုင်ငံ၊ ဒီနိုင်ငံက ဟိုဆေးဒီဆေးတွေကို ဘာရောဂါ၊ ညာရောဂါတွေအတွက် သိပ်ကောင်းတာပဲလို့ ညွှန်းပြီး ဒေသကိုယ်စားလှယ်လုပ်လို့ ဆေးရောင်းနေပြီလို့လည်း မထင်စေချင်ဘူး။ အမှန်တော့ Dr.M Vandenburg ရဲ့ Positive Under Pressure ဆိုတဲ့ စာအုပ်ကို ဖတ်မိလို့ ဆရာကြီးလုပ်ပြီး လမ်းညွှန်ရတာပဲ ဖြစ်ပါတယ်။

လူတိုင်းလူတိုင်းဟာ သူတို့ဘဝတွေကို အကောင်းဆုံး ရင်ဆိုင် ဖြတ်သန်းချင်ကြပါတယ်။ အောင်မြင်မှု ပန်းတိုင်တွေဆီ အရောက်လည်း နှင်ချင်ကြတယ်။ ဒီအတွက် ကာယအား၊ ဉာဏအားတွေသုံးပြီးတော့ ရင်ဆိုင်လေ့ ရှိကြတယ်။ ဒါပေမဲ့ ဆန္ဒတွေဟာ ပြီးပြည့်စုံ ခဲလှတယ်။ ကိုယ်လုပ်ချင်တာ၊ ကိုယ်ဖြစ်ချင်တာတွေရဲ့ ရာခိုင်နှုန်း အနည်းငယ်လောက်ကိုပဲ ရယူနိုင်ကြတာလည်း အမှန်ပဲ။ ဒီတော့ မလွဲမရှောင်သာ ဖိစီးမှုတွေ၊ တစ်နည်းအားဖြင့် ဖိအားတွေနဲ့ ကြုံတွေ့ရတော့တယ်။ Pressure တွေကတစ်ဆင့် Stress ကို ရောက်ရှိသွားတဲ့အခါ ဘဝမှာ မွန်းကျပ်မှုတွေနဲ့ ကြုံတွေ့ရလေ့ ရှိတယ်။

အထူးသဖြင့် Stress ဆိုတဲ့ ဖိစီးမှုဟာ ဥက္ကဋ္ဌကြီးတွေမှ၊ CEO ကြီးတွေမှ၊ ဒါရိုက်တာကြီးတွေမှ၊ မန်နေဂျာကြီးတွေမှ ကြုံတွေ့ရတာမျိုး မဟုတ်ဘူး။ ဘဝမှာ လူတွေဟာ မိမိတို့ဘဝကို မိမိတို့စိတ်ကြိုက် မောင်းနှင်ကြရင်းနဲ့ အမျိုးမျိုးအဖုံဖုံသော အခက်အခဲတွေ၊ အကြိုက်မတွေ့မှုတွေ၊ အလိုမပြည့်မှုတွေကို ကြုံတွေ့ရလေ့ ရှိတယ်။ အဲဒါတွေဟာ တစ်ခါတလေ ကိုယ်က ဖြတ်သန်းကျော်နင်း သွားနိုင်ပေမဲ့ တစ်ခါတစ်ခါမှာတော့ ကိုယ့်ကို တုပ်နှောင်နှိပ်စက် နေတတ်တယ်။ ဒီအခါမှာ အဆင်မပြေတဲ့ အပြောအဆို၊ အလုပ်အကိုင်လေးတွေကတစ်ဆင့် ကြီးမားတဲ့ စိတ်အနှောင့်အယှက် ဖြစ်ရမှုတွေနဲ့ စိတ်ဖိစီးမှုတွေကို ဖြစ်ပေါ်လာစေပါတယ်။

အထူးသဖြင့် အများကို စီမံအုပ်ချုပ်နေရတဲ့သူတွေ၊ လုပ်ငန်းကြီးတွေကို တာဝန်ခံနေရသူတွေ အနည်းနဲ့အများ စိတ်ဖိစီးမှုကို ခံရလေ့ ရှိပါတယ်။ ကိုယ့်ကိုယ်ကိုယ် အဲဒီအလုပ်ကြီးတွေကို လုပ်ကိုင်နိုင်တယ်၊ စီမံဆောင်ရွက် နိုင်တယ်လို့ ထင်ထားခဲ့ပေမဲ့ တကယ့် တကယ်မှာ အတွေးနဲ့လက်တွေ့က မစပ်အပ်တဲ့အခါ၊ ကိုယ့်လုပ်နိုင်စွမ်းရည်နဲ့ လုပ်ငန်းခွင်က အံမကျတဲ့အခါ စိတ်အနှောင့်အယှက် ဖြစ်စရာတွေ အစပျိုး လာတတ်ပါတယ်။ ဒါဟာ တစ်ခါတလေ ဒါမှမဟုတ် ကြုံတွေ့ရမှု နည်းလိမ့်မယ်လို့ ထင်ထားခဲ့ပေမဲ့ စဉ်ဆက်မပြတ် ကြုံတွေ့လာရတဲ့အခါ ချောင်ပိတ်မိနေတဲ့ တိရစ္ဆာန်တစ်ကောင်လို ကိုယ့်ကိုယ်ကိုယ် တွေးထင်လာတတ်တယ်။

ဒီလိုစိတ်ဖိစီးမှု များလာတာမျိုးဟာ ကောင်းတဲ့ကိစ္စ မဟုတ်ပါဘူး။ အချိန်ကာလ ရှည်ကြာလာတာနဲ့အမျှ ကာယကံရှင်ရဲ့ ကျန်းမာရေး၊ လူမှုရေး၊ စီးပွားရေးနဲ့ သူ့နေထိုင်မှု ဘဝကိုပါ ထိပါးလာတတ်တာ အမှန်ပါ။ ဒါကြောင့် Stress များလာရင် လျှော့ချနိုင်ဖို့အတွက် Dr.M.Vandenburg အကြံပေးထားတဲ့ ကိစ္စလေးတွေကို တစ်ဆင့် ဖောက်သည်ချလိုပါတယ်။ သူက Stress ဖြစ်နေတဲ့လူတွေဟာ အောက်ပါ အချက်အလက်တွေကို သတိထားပြုပြင်ရင်း ကိုယ့်ရဲ့ခံစားမှု၊ အပြုအမူနဲ့ စိတ်ဖိစီးမှုတွေကို ဖြေလျှော့ကြဖို့ အကြံပြုထားပါတယ်။

သူက ပထမဆုံးအနေနဲ့ စိတ်ဖြေလျှော့တဲ့ နည်းနာကို ညွှန်းဆိုထားပါတယ်။ Relax လို့ခေါ်တဲ့ စိတ်ကို ဖြေလျှော့ထားနိုင်မှုဟာ လူတိုင်းအတွက် အင်မတန် အရေးကြီးပါတယ်။ အဆင်မပြေမှုတွေကတစ်ဆင့် စိတ်တိုတာ၊ ဒေါသထွက်တာ ဒီကတစ်ဆင့် စိတ်ဖိစီးမှုတွေ ဖြစ်လာတာတွေကို ဖြေလျှော့နိုင်ရေးအတွက် မိမိစိတ်ကို ဖြေလျှော့ပြီး သက်သောင့်သက်သာ နေထိုင်ဖို့ ညွှန်းဆိုထားပါတယ်။ စိတ်ဆတ်တာ၊ စိတ်မာတင်းတာတွေဟာ မိမိကိုယ်မိမိ ပြန်လည် နှိပ်စက်တတ်ပါတယ်။ စိတ်ဖိစီးမှုကို အလွယ်တကူ ဖြစ်ပွားစေပါတယ်။

ဒုတိယနည်းကတော့ ဘာကိုမဆို ပြန်လည်သုံးသပ်တဲ့နည်း ဖြစ်ပါတယ်။ Review ပေါ့။ လူတိုင်းပဲ ဘဝမှာ အလုပ်တွေနဲ့ လုံးထွေးနေရပါတယ်။ အောင်မြင် စိတ်တိုင်းကျတာလည်း ရှိ၊ စိတ်အလိုမကျ ဖြစ်တာတွေလည်း ရှိတတ်ပါတယ်။ ဒီလိုဖြစ်နေတဲ့အတွက် တစ်ဆင့်ပြီးတစ်ဆင့် တက်ရာကနေ စိတ်ဖိစီးမှုတွေက အစပျိုးလာတာပဲ ဖြစ်ပါတယ်။ ဒီတော့ ကိုယ်လုပ်နေတဲ့ အလုပ်က ဘာ၊ အလုပ်ရဲ့ ဦးတည်ချက်က ဘာ၊ ရည်မှန်းချက်က ဘာ၊ အခုအခါ ကိုယ်ရောက်ရှိနေတဲ့ အဆင့်နေရာကို မှန်ကန်စွာ ရှာဖွေသိရှိဖို့ လိုပါတယ်။ ဒီအခါမှာ ဆန္ဒတွေ လွန်ကဲနေတာ ဒါမှမဟုတ် ဒရွတ်တိုက် လိုက်နေတာတွေကို သိရှိ နားလည်နိုင်ပါလိမ့်မယ်။ ပုံမှန်အလုပ်၊ ပုံမှန်ဘဝကို တွေ့ရှိပြီး သွားနိုင်ပါလိမ့်မယ်။

Refuse ဆိုတဲ့ ငြင်းဆိုမှုကလည်း Stress လျော့သွားဖို့အတွက် အရေးကြီးပါတယ်။ လူတိုင်းဟာ ဘာမဆို ငါလုပ်နိုင်တယ်လို့ ထင်မှတ်မှားတတ်ကြတယ်။ တချို့ အချိန်ကာလတွေမှာ လုပ်လို့မဖြစ်နိုင်၊ မရနိုင်တဲ့ အလုပ်တွေ ရှိတတ်ပါတယ်။ ဒါကို နားလည်ထားဖို့ လိုလိမ့်မယ်။ ကိုယ်ရှင်သန်ဖို့အတွက် ဘာအလုပ်ပဲဖြစ်ဖြစ် လုပ်နိုင်တယ်ဆိုတဲ့ အတွေးမျိုးကို ရှောင်ရှားသင့်ပါတယ်။ ကိုယ်လုပ်မယ့် အလုပ်ဟာ ကိုယ်လုပ်နိုင်တဲ့ အလုပ်မျိုး ဖြစ်ဖို့လိုသလို လုပ်ခွင့်ရရင်လည်း အောင်မြင်အောင် လုပ်နိုင်ရပါတယ်။ အခွင့်မသာတာတွေ ကိုတော့ ရဲရဲတင်းတင်း ငြင်းဆန်ခြင်းဟာ စိတ်ဖိစီးမှုတွေကို သက်သာစေပါလိမ့်မယ်။

ကိုယ့်ရဲ့ အစွမ်းအစကို ဖော်ထုတ်ပြီး လုပ်ကိုင်နိုင်တာကလည်း စိတ်ဖိစီးမှုတွေကို သက်သာစေတာ အမှန်ပါ။ အလုပ်တိုင်းမှာ သွင်းအားစုတွေ ရှိနေတတ်ပါတယ်။ ပြည့်စုံတဲ့အခါ ရှိသလို မပြည့်စုံတဲ့ အခါတွေလည်း ကြုံတတ်ပါတယ်။ ဒီအချိန်မျိုးမှာ ရုပ်ဝတ္တုပစ္စည်းတွေ ဖြစ်တဲ့ (ငွေတွေ၊ ပစ္စည်းတွေ) ရဲ့ အစွမ်းအစကို အားမကိုးဘဲ မိမိရဲ့ အရည်အချင်းကို အားကိုးပြီး၊ ကိုယ့်ရဲ့ ဉာဏ်ရည်ဉာဏ်သွေးနဲ့ တွေးခေါ် စဉ်းစားမှုကို အားကိုးပြီး တစ်နည်းအားဖြင့် စိတ်ဓာတ်မြှင့်တင် အားကိုးပြီး အလုပ်ကို ပြီးမြောက်အောင် လုပ်ပြခြင်းနဲ့လည်း စိတ်ဖိစီးမှု ဖြစ်နေတာတွေကို ကျော်လွှားနိုင်ပါတယ်။ ဒါကို Resource လို့ ခေါ်ပါတယ်။ နံပါတ်ငါးအချက် အနေနဲ့ကတော့ Reframe လို့ ခေါ်တဲ့ပြန်လည်ဘောင်ဖွဲ့တဲ့ နည်းနဲ့ စိတ်ဖိစီးမှုကို ရင်ဆိုင်ဖြတ်သန်းနိုင်ပါတယ်။ လူတစ်ယောက်ဟာ တကယ်ပဲ အလုပ်တွေများတယ်၊ မနိုင်မနင်း နိုင်လောက်အောင်ကိုပဲ အလုပ်များတယ် ဆိုပါတော့။ ဒါပေမဲ့ အဲဒီအလုပ်တွေကို ငါနိုင်အောင် လုပ်နိုင်တယ်လို့ စိတ်ဓာတ်ရေးရာအရ ပြင်ဆင်လုပ်ကိုင်နေတာမျိုးဟာ အမှန်တကယ်ပဲ စိတ်ဖိစီးမှုတွေကို သက်သာစေပါလိမ့်မယ်။ “အလုပ်တွေ သိပ်များနေသလား” လို့ မိတ်ဆွေတွေရဲ့ အမေးကို “ရပါတယ်” လို့ ဖြေသိမ့်ပြောဆိုနိုင်မှုဟာ တကယ့်ကို စိတ်ဖိစီးမှုကို သက်သာစေတဲ့နည်းပဲ ဖြစ်ပါတယ်။

တချို့ကတော့ ဘယ်အလုပ်မဆို “ငါမရှိရင် မဖြစ်ဘူး” လို့ ထင်တတ်ကြတယ်။ အင်မတန် မှားပါတယ်။ ကိုယ်မရှိရင်လည်း ကမ္ဘာကြီးကတော့ လည်နေမှာပဲလို့ နှလုံးသွင်းထားသင့်တယ်။ ကိုယ်လုပ်နေတဲ့ အလုပ်ကို အကြိမ်ကြိမ်အထပ်ထပ် ပြန်လည်စဉ်းစား သုံးသပ်တဲ့အကျင့်ဟာ အလုပ်ထဲက စိတ်ဖိစီးမှုတွေကို သက်သာစေပါတယ်။ အသစ်ပြန်စ စဉ်းစားလုပ်ကိုင်တာမျိုးပါ။ Renew လို့ ပြောရင်ရပါတယ်။ R ခြောက်လုံးကို သတိထား ဆင်ခြင်နိုင်ဖို့ အကြံပြုတာလို့ Dr.M.Vandenburg က ဆိုပါတယ်။ သင့်သိသလို သုံးနိုင်ဖို့ ဆေးညွှန်း ပေးထားတာမျိုးပဲ ဖြစ်ပါလိမ့်မယ်။

လူတိုင်း အလုပ်နဲ့ကင်းကွာပြီး အသက်ရှင်နေထိုင်ဖို့ ခက်ပါလိမ့်မယ်။ အလုပ်တိုင်းမှာလည်း ဖိအား (Presure) တွေ ရှိတတ်ပါတယ်။ အဲဒါဟာ အတိုင်းအတာတစ်ခုအထိဆိုရင် မထောင်းတာလှပေမဲ့ သိပ်မြင့်၊ သိပ်များလာရင် မကောင်းပါဘူး။ ဖိအားတွေကတစ်ဆင့် စိတ်ဖိစီးမှုဆိုတဲ့ (Stress) အဆင့်ကို ရောက်လာရင် စိတ်ကျန်းမာရေး၊ လူကျန်းမာရေးကို ထိခိုက်တတ်ပါတယ်။ ဒီ R ခြောက်လုံး ကတော့ စိတ်ဖိစီးမှုကို သက်သာစေဖို့ ရည်ရွယ်တာမို့ “စိတ်ဖိစီးနေသလား R ခြောက်လုံးကိုစား” လို့ပဲ အကြံပေးပါရစေ။

ထက်ကျော်
By HR Journal

http://on.fb.me/UWRK0Q
laminmaung
http://bluenavyblog.blogspot.no/2013/01/r.html