ဦးကျော်ဝင်း၏ "အောင်မြင်ခြင်းသော့ချက်" သက်သေခံချက် (Rev. U Khaw Win, Dr , Ph.D)

ဆရာဦးကျော်ဝင်းသည် ဘုရားဘုန်းတော်ထင်ရှားစေသောမြန်မာလူမျိုးတစ်ဦးဖြစ်သည်။ မြန်မာပြည်တွင် ၁၉၉၀နောက်ပိုင်း လူတိုင်းအမေရိကန်ဒေါ်လာဘဏ်စာရင်းဖြင့် နိုင်ငံခြားငွေ US$ dollar a/c ဖွင့်နိုင်သော ပထမဆုံးပုဂ္ဂလိကဘဏ် (မေဖလားဝါးဘဏ်) ဖြစ်သည်။ ရန်ကုန်တွင် ATM ပထမဆုံးစတင်ခဲ့ပြီး၊ တစ်နိုင်ငံလုံး ဘဏ်ခွဲပေါင်း ၃၀၀ကျော်ဖွင့်နိုင်ခဲ့သည်။ ရန်ကုန်လေကြောင်းဖြင့် ပထမဆုံး လေယာဉ်ပိုင်သူဖြစ်ခဲ့သည်။ ။ မြန်မာပြည်အစိုးရသစ် ပြုပြင်ပြောင်းလဲရေးတွင်၊ မြန်မာခရစ်ယာန်လူငယ်များ တတပ်တစ်အား ပါဝင်နိုင်ရေး စံနမူနာယူနိုင်ရန် ပြန်လည်ဖေါ်ပြခြင်းဖြစ်သည်။ ကျေးဇူးတော်ချီးမွမ်းခြင်း
ဘုရားသခင်သည် ကြွယ်ဝသောဘုရားသခင် ဖြစ်ကြောင်း၊ ဘုရားသခင်ဟာ ကောင်းကြီးပေးတဲ့ ဘုရာဖြစ်ကြောင်း၊ ဘုရားသခင်ဟာ ယခုဘ၀၊ နောင်ဘ၀၊ ဘ၀နဲ့ စပ်ဆိုင်တဲ့ ဂတိတော်ကို ပေးနေသော ဘုရားဖြစ်ကြောင်း၊ သက်သေခံဝေငှခွင့် ရတဲ့အတွက် ဘုရားသခင်ကို အထူးပဲ ကျေးဇူးတင်ပါတယ်။ ဘုရားသခင်ရဲ့ အသက်ရှင်တဲ့ အကြောင်းနဲ့ ကျွန်တော့်စီးပွားရေး လုပ်ငန်းများ ဆောင်ရွက်တဲ့အခါမှာ ဘုရားသခင် မည်ကဲ့သို့ ကောင်းကြီးပေး၍ လမ်းပြခဲ့တဲ့ အကြောင်းများကို သက်သေခံ၊ မဝေငှခင် ဘုရားသခင်ထံ ဆက်ကပ်အပ်နှံ ဆုဆောင်းကြပါစို့...။


ဆုတောင်း
အဘ ဘုရားသခင်၊ ကိုယ်တော်ကို ကျေးဇူးတင်ပါတယ်။ ကိုယ်တော်၏ ကျေးဇူးတော်မြတ်သည် ကြီးမားလှပါတယ်။ ကိုယ်တော်ရှင် ဘုရားသခင်သည် ယနေ့၊ မနေ့၊ နောင်ကာလ မပြောင်းလဲတဲ့ ဘုရား၊ ကိုယ်တော်ရှင်ဘုရားသည် ယခုဘ၀၊ နောင်ဘ၀နှင့် စပ်ဆိုင်တဲ့ ဂတိတော်ကို ပေးတဲ့ဘုရားသခင် ဖြစ်ကြောင်းကို ကျွန်တော် ကိုယ်တော်၏ ဘုန်းတော်၊ တန်ခိုးတော်၊ နာမတော်သည် ဤမြန်မာနိုင်ငံတွင် ထင်ရှားဖို့ရန်အတွက် ကိုယ်တော်ရှင်ဘုရားသည် ကျွန်တော့်ကို ရွေးကောက် အသုံးပြုတဲ့အတွက် ကျေးဇူးတင်ပါတယ်။ သန့်ရှင်းသော ၀ိညာဉ်တော်ဘုရား လမ်းပြတော်မူပါ။ ယခု ဖတ်ရှုတဲ့ ညီအစ်ကိုမောင်နှမ အယောက်တိုင်းအတွက်လည်း မိမိအသက်တာမှာ တည်ဆောက်စရာဖြစ်စေတော်မူပြီး လာမည့်နေ့ရက် အသက်တာမှာ သူ့တပါးကို ပြန်လည်၍ သက်သေသာဓက ထူနိုင်သည်အထိ ယခု ဖတ်ရှုသော ညီအစ်ကို မောင်နှမ အယေက်တိုင်းကို ကောင်းကြီးပေးသနား ပါမည့်အကြောင်း၊ ကိုယ်တော်ရှင်ဘုရား၏ လက်ဝယ်သို့ ဆပ်ကပ်အပ်နှံတဲ့အခါ သခင်ယေရှုခရစ်တော်ဘုရား၏ နာမကို အမှီပြု၍ ဆပ်ကပ်အပ်နှံ ဆုတောင်းပါ၏အဖ... အာမင်...။

အသက်ရှင်သောဘုရား
ဘုရားသခင်ရဲ့ ကျေးဇူးတော်ဘဲ၊ တော်တော်များများက အလုပ်များသလားလို့ ကျွန်တော့်ကိုမေးကြပါတယ်။ အမှန်တကယ်ပဲ ကျွန်တော် အလုပ်တကယ်များပါတယ်။ အချို့က ကျွန်တော့်ကို လုပ်ငန်း ဒီလောက်တောင်လုပ်နေတာ၊ ဦးနှောက်မခြောက်ဘူးလား..လို့ ပေးကြပါတယ်။ ကျွန်တော့်အနေနဲ့ ဦးနှောက်မခြောက်ဘူး၊ ဘာဖြစ်လို့လဲ ဆိုတော့ ကျမ်းစာထဲမှာ ပါတဲ့အတိုင်းပဲ၊ မိမိအမူအရာကို ထာဝရာဘုရား၌ အပ်နှံရန် ဘုရားသခင် စီစဉ်ပေးမယ်ဆိုတဲ့ ဂတိတော်ကို ကျွန်တော်ခံယူပြီး အလုပ်လုပ်တဲ့အခါ ကျွန်တော် နည်းနည်းမှ ဦးနှောက်မခြောက်ပါဘူး။ ဒါပေမဲ့ အလုပ်တော့များတယ်။ မနက် ၄နာရီခွဲ ထတယ်။ ဘုရားသခင်ကို ဆပ်ကပ်တယ်။ တနေကုန် ဘုရားပေးတဲ့ စီးပွားရေးလုပ်ငန်းများကို ဆောင်ရွက်တဲ့အခါ မိမိရဲ့ အိတ်ထဲမှာ ပိုက်ဆံဝင်ဖို့ မဟုတ်ပါဘူး။ ဘုရားသခင်ရဲ့ ဘုန်းတော်၊ ဘုရားသခင်ရဲ့ တန်ခိုးတော်၊ ဘုရားသခင်ရဲ့ နာမတော်သည် ဤမြန်မာနိုင်ငံမှာ ထင်ရှားစေဖို့ရန်အတွက်နဲ့ သက်သေပြနိုင်ဖို့ရန် အတွက်ဖြစ်ပါတယ်။

ဟောတာထက်၊ ပြောတာထက်၊ ကိုယ်တိုင် သက်သေပြနီုင်ဖို့ရန် အတွက် ဘုရားသခင် ကျွန်တော့်ကို ကောင်းကြီးပေးတဲ့အတွက် ဘုရားသခင်ရဲ့ ကျေးဇူးတော်ကို အထူးပဲ ချီးမွမ်းပါတယ်။ အဲဒါကြောင့် ပင်ပန်းတယ်ရယ်လို့ မရှိပါဘူး။ မနက်စောစောထတယ်။ ညမိုးချုပ်တော့ အိပ်ယာဝင်တယ်။ လူကြီးတွေနဲ့ ခရီးထွက်တယ်။ ကိုယ်တိုင်ခရီးထွက်တယ်။ နိုင်ငံခြားခရီးစဉ်တွေကိုလည်း ဘတ်စ်ကားစီးသလို၊ ခေါက်တုန့်ခေါက်ပြန်နဲ့ တစ်လမှာ အကြိမ်ကြိမ် သွားလာရပါတယ်။ သို့သော်လည်း ဘုရားသခင် ခွန်အားပေးပါတယ်။ အဲဒါကြောင့် ဘုရားသခင်ဟာ တကယ်အသက်ရှင်တဲ့ ဘုရားဖြစ်ကြောင်း၊ ဘုရားသခင်ဟာ ဒီနေ့ ယုံကြည်သူများကို ပေးထားတဲ့ ဂတိတော်ဟာ နှုတ်ကပတ်တရားမှာ ပေးထားတဲ့အတိုင်း ကျွန်တော်ခံစားရတယ် ဆိုတဲ့အကြောင်း မဝေငှခင် ခွန်အားယူဖို့ ကျမ်းပိုဒ်လေး နည်းနည်းဖေါ်ပြချင်ပါတယ်။

ခွန်အားယူရန် ကျမ်းပိုဒ်များ
(၁)သူခိုးသည် ခိုးခြင်း၊ သတ်ခြင်း၊ ဖျက်ဆီးခြင်းငှ သူခိုးသည် ခိုးခြင်း၊ သတ်ခြင်း၊ ဖျက်ဆီးခြင်းငှါသာ လာတတ်၏။ ငါမူကား၊ သိုးတို့သည် အသက်လွတ်ရုံမျှမက အထူးသဖြင့် အသက်ဖြင့်ပြည့်စုံစေခြင်းငှါ ၁လာသတည်း။ ယော ၁၀း၁၀

(၂) ကိုယ်ကာယကို ဆုံးမခြင်းသည် များစွာသောအကျိုးကို မပေးတတ်။ ဘုရားဝတ်၌ မွေ့လျော်ခြင်းမူကား၊ ယခုဘဝ၊ နောင်ဘဝနှင့်စပ်ဆိုင်သောဂတိတော်ကို ရသည်ဖြစ်၍၊ ၉အရာရာ၌အကျိုးကိုပေး တတ်သည် ဟူသော စကားသည် သစ္စာစကားဖြစ်၏။ အကြွင်းမဲ့ခံယူအပ်သောစကားလည်းဖြစ်၏။ ၁ တိ ၄း ၈-၉

(၃) ငါ၏ဘုရားသခင်သည် ဘုန်းအာနုဘော်၌ စံပယ်တော်မူသော စည်းစိမ်ရှိ သည်အတိုင်း၊ သင်တို့အလိုရှိသမျှတို့ကို ယေရှုရစ်အားဖြင့် ပြည့်စုံစေတော်မူလိမ့်မည်။ ဖိ ၄း၁၉

(၄) အဘယ်သူမျှ မသိသောသူကဲ့သို့ဖြစ်သော်လည်းကျော်စောသောသူ၊ အသေခံသောသူကဲ့သို့ဖြစ်သော်လည်း၊ အသက်ရှင်သောသူ၊ ဆုံးမခြင်းကိုခံသောသူ ကဲ့သို့ဖြစ်သော်လည်း၊ အသေသတ်ခြင်းနှင့်ကင်းလွတ်သောသူ၊ ၂ကော ၈း၉

(၅) သူတပါးအားပေးကြလော့။ ပေးလျှင်သူတပါးသည် သင်တို့အားပေးကြလိမ့်မည်။ အမှန်ခြင်ရုံမျှမက၊ သိပ်နှက်လျက်၊ လှုပ်လျက်၊ လျှံလျက် ရှိခြင်းနှင့် သင်တို့ရင်ခွင်၌ ပေးကြလိမ့်မည်။ အကြောင်းမူကား၊ အကြင်ချိန်၊ တင်းပမာဏနှင့် သင်တို့သည် သူတပါးအားပေး၏၊ ထိုပမာဏအတိုင်း ကိုယ်ခံရကြမည်။ လု ၆း၃၈

(၆) ထာ ဝရဘုရားကို ခိုလှုံ၍ ကောင်းသောအကျင့်ကိုကျင့်လော့၊၊ ပြည်တော်၌ နေ၍ သစ္စာတရားကိ ကျက်စားလော့၊၊ ၄ထာဝရဘုရား၌ မွေ့လျော်ခြင်း ရှိလော့၊၊ သို့ပြုလျှင် စိတ်နှလုံးအလို ပြည့်စုံရသော အခွင့်ကို ပေးတော်မူမည်၊၊ ကိုယ်အမှု အရာကို ထာဝရဘုရား၌ အပ်လော့၊၊ ကိုယ်တော်ကို ကိုးစားလော့၊၊ ဆာ ၃၇း ၃-၅

(၇) လူသည် ဘုရားသခင်၏ ဥစ္စာတော်ကို လုယူရမည်လော့။ သို့သော်လည်း သင်တို့သည် ငါဥစ္စာကို လုယူကြပြီ။ အကျွန်ုပ်တို့သည် အဘယ်သို့လုယူပါသနည်းဟု သင်တို့မေးလျှင်၊ ဆယ်ဘို့တဘို့ကို၎င်း၊ ပူဇော်သက္ကာတို့ကို၎င်း လုယူကြပြီ။ သင်တို့သည် ကျိန်ခြင်းအမင်္ဂလာကိုခံရကြ၏။ အကြောင်းမူကား၊ ပြည်သူပြည်သားအပေါင်းတို့သည် ငါ့ဥစ္စာကို လုယူကြပြီ။ ဆယ်ဘို့တဘို့ရှိသမျှကို ဘဏ္ဍာတိုက်ထဲသို့သွင်း၍၊ ငါ့အိမ်တော်၌ စားစရာရှိစေခြင်းငှါ၊ ပြုကြလော့။ ငါသည်မိုဃ်းကောင်းကင်ပြတင်းပေါက်တို့ကိုဖွင့်၍ ကောင်းကြီးမင်္ဂလာကို အကုန်အစင်သွန်းလောင်းမည်။ မသွန်းလောင်းမည်ကို ထိုသို့စုံစမ်းကြလော့ဟု ကောင်းကင်ဗိုလ်ခြေအရှင်ထာဝရဘုရား မိန့်တော်မူ၏။ မာလခိ ၃း၃-၁၀



ဘုရားသခင်ရဲ့ ကျေးဇူးတော်ကို အထူးဘဲ ချီးမွမ်းပါတယ်။ အခု ဖေါ်ပြသွားတဲ့ ကျမ်းပိုဒ်တွေ ကျွန်တော် အင်မတန် ခွန်အားရပါတယ်။ ကျွန်တော် ရှေးဦးစွာပေါ့ဗျာ..ဘုရားသခင်ဟာ အသက်ရှင်တော်မူတယ် ဆိုတဲ့ အကြောင်းနဲ့ ဘုရားသခင်ကို မသိခင်က ကျွန်တော့်အသက်တာ နဲ့ ကျွန်တော့် မိဘ အသက်တာ အကြောင်းကို တိုတို တုတ်တုတ်နဲ့ သက်သေပြခြင်းဖြစ်ပါတယ်။


ကြွယ်ဝသော ဘုရားသခင်
အခုန ဖေါ်ပြသွာတဲ့ ကျမ်းပိုဒ်တွေအရ ကျွန်တော်တို့ ခရစ်တော်ကို ယုံကြည်တဲ့သူ (ခရစ်ယန်) တစ်ယောက်အနေနဲ့ ပြန်လည်ပြီးတော့ မိမိကိုယ်ကို သေသေချာချာ ဆန်းဆစ်ကြည့်မယ်ဆိုရင် အင်မတန်ကို ခွန်အားရစရာ ဖြစ်ပါတယ်။ ဒါပေမဲ့ ၀မ်းနည်းစရာကောင်းတာကတော့ ကျွန်တော်တို့ ဒီနေ့ ဘယ်နေရာဘဲရောက်ရောက် ခရစ်ယာန်အချို့ဟာ ကုတ်ချောင်းကုတ်ချောင်းနဲ့ ကိုယ့်ကိုယ်ကို မနိုင်မနင်းနဲ့ လေတိုက်ရင်တောင် လဲတော့မလိုနဲ့ အဲဒီလိုဖြစ်ကြတယ်။ အမှန်ဆိုရင် ခရစ်တော်နောက်လိုက် ခရစ်တော်ကို ယုံကြည်တဲ့သူဟာ ဒါမျိုးမဟုတ်ရဘူး။ ခရစ်တော်နောက်လိုက် ခရစ်တော်ကို ယုံကြည်တဲ့သူဟာ ခရစ်တော်ရှင်ရဲ့ တန်ခိုးတော်အားဖြင့် ခပ်သိမ်းသောအရာကို တတ်စွမ်းနိုင်တဲ့သူဖြစ်ရမယ်။ ဒီနေ့ ကျွန်တော်တို့ ၀မ်းနည်းစရာကောင်းတာက ရွာမှာ ရောက်သွားတယ်။ မြိုမှာ ရောက်သွားတယ်။ ဆရာရေ..ဒုက္ခရောက်လိုက်တာ.. ကျွန်တော်က ဘာဖြစ်လို့ ... ဘာလေးပေးပါအုံး ..စသဖြင့် ကျွန်တော့ကိုပြောကြတယ်။ ကျွန်တော်တို့မှာ အသက်ရှင်တဲ့ ဘုရားသခင် ရှိတော်မူပြီး အင်မတန်မှာ ချမ်းသာကြွယ်ဝတဲ့ ဘုရားသခင်ရှိပါရဲ့သားနဲ့ မိမိအသက်တာကို သတ်ချင်တဲ့စိတ်၊ မိမိအသက်တာကို ဆုံးရှုံးချင်တဲ့စိတ်နဲ့ ၀မ်းနည်းကြေကွဲစွာ အသက်ရှင်နေကြတယ်။ ဘယ်လောက် ၀မ်းနည်းစရာကောင်းသလဲ။
ကျွန်တော်အထက်မှာ ဖေါ်ပြတဲ့ နှုတ်ကပတ်တော်တရားတွေ အားလုံး ပြန်လည်ခြုံငုံပြီး ကြည့်တဲ့အခါ .. ဘုရားသခင်ဟာ ကြွယ်ဝတယ်။ ဘုရားသခင်က ကောင်းကြီးပေးတယ်။ ဘုရားသခင်ဟာ ယခုဘ၀၊ နောင်ဘ၀ကို ပေးပိုင်တဲ့ ဘုရားဖြစ်ကြောင်း၊ သခင်ယေရှု ခရစ်တောဟာ လူ့ဇာတိကို ခံယူပြီးတော့ ဒီလောကိ ရောက်လာတဲ့အခါမှာ လူတွေရဲ့ အပြစ်တွေအတွက် အသေခံတယ်။ လူတွေ ဆင်းရဲခြင်းနဲ့အမျှ အပြစ်ဒုစရိုက်တွေကို ပြုလုပ်တဲ့အခါမှာ အဲဒီအပြစ်ဒုစရိုက်တွေကို ဆေးကြောဖို့ အတွက် လက်ဝါးကပ်တိုင်မှာ အသေခံပြီး သူ့အသွေးတော် သွန်းလောင်းသွားတယ်ဆိုတာ ဘယ်လောက် ပြည့်စုံလဲ။ သူ့ရဲ့ ကယ်တင်ခြင်းဟာ အားလုံးပြည့်ပြည့်စုံစုံနဲ့ ဆောင်ရွက်သွားမယ်။ သို့သော်ငြားလဲ ဒီနေ့ ကျွန်တော်တို့ ခရစ်ယာန် ညီအစ်ကိုမောင်နှမများ အနေနဲ့ ဒီဘုရားသခင်ပေးတဲ့ ကောင်းကြီးမင်္ဂလာကို အပြည့်အ၀ မခံစားရဘူး။ တစ်ပိုင်းတစ်စတော့ ခံစားရတယ်။ ဘာခံစားရသလဲ..ဆိုတော့.. ငါသေရင်တော့ ငရဲသွားစရာမလိုတော့ဘူး... ဆိုတဲ့ အဲဒီလောက်ပဲ ခံစားနေရတယ်။ တကယ်တန်းကျတော့ ဘုရားသခင်ပေးတဲ့ ဂတိတော်ဟာ ယခုဘ၀၊ နောင်ဘ၀ နဲ့ ဂတိတော်၊ ယခုဘ၀မှာ နေရင်လည်း ထိုက်သင့်သလောက် ဘုရားသခင်ထံမှ ကောင်းကြီးမင်္ဂလာ ခံစားရပြီး သူများထက် သာကိုသာစေရမယ်။ သေသွားတဲ့အခါ နောင်ဘ၀မှာလည်း ငရဲသို့ သွားစရာမလိုပဲ ခရစ်တော်နဲ့အတူ ကောင်းကင်နိုင်ငံမှာ စိုးစံရမယ်။ ဒီ ဂတိတော် နှစ်ခုစလုံး ပေးထားပါတယ်။
ကျွန်တော်ရဲ့ အသက်တာနဲ့ ကျွန်တော်မိဘတွေရဲ့ အသက်တာမှာလည်း အဲဒီလို အသက်ရှင်တော်မူတဲ့ ဘုရားကို မရခင်အချိန်ကလေးမှာ အလွန်ဆင်းရဲနွမ်းပမ်းစွာ အသက်ရှင်နေခဲ့ရတယ်ဆိုတာ ကျွန်တော်သိခဲ့ရပါတယ်။ ကျွန်တော်ဟာ ရှမ်းပြည်မြောက်ပိုင်း ကွတ်ခိုင်၊ ကွတ်ခိုင်ကသွားရင် တာမိုညှဲ၊ တာမိုးညှဲကသွားရင် ..၀ါးတောရွာကို ရောက်မှာဖြစ်ပါတယ်။ ကျွန်တော် အဲဒီ ၀ါတောရွက မုန်းဝင်း တိုင်းရင်းသား လူမျိုး ဖြစ်ပါတယ်။ မုန်းဝင်း တိုင်းရင်းသားဆိုတာ မြန်မာနိုင်ငံသားထဲက အုတ်စုတစ်မျိုး လူနည်းစုဖြစ်ပါတယ်။

ငယ်စဉ်ဘ၀

ကျွန်တော်ဟာ ဒုတိယကမ္ဘာစစ် နောက်ပိုင်း လွတ်လပ်ရေးရပြီးမှ မွေးတယ်ဆိုတော့ ကျွန်တော့မိဘတွေရဲ ပြောပြချက်အရ ဒုတိယကမ္ဘာစစ် မတိုင်မီ ကျွန်တော့မိဘတွေဟာ စစ်ကိုရှောင်ပြီးတော့ တောကြိုတောင်ကြားတွေမှာ လိုက်နေရပါတယ်။ တောကြိုတောင်ကြားမှာ ငါးကိုတွေ့တဲ့အခါ၊ ကျွန်တော် အတော်လေး သတ်ရတယ်။ ကျွန်တော် မွေးခဲ့တဲ့ရွာဟာ ၀ါးတော လို့ခေါ်တယ်။ အဲဒီရွာဟာ ငါးတွေ အင်မတန်များပြားပြီး လူနေအိမ်ခြေ ခြောက်အိမ်လောက်ပဲ ရှိပါတယ်။ ကျွန်တော်ရဲ့ မိဘတွေဟာ လယ်လုပ်စားပါတယ်။ ကျွန်တော့မှာ ညီအစ်ကိုမောင်နှမ ရှစ်ယောက်ရှိပါတယ်။ ကျွန်တော်က နံပါတ်(၃)ပါ။
ကျွန်တော်တို့ ငယ်စဉ်က ကျွန်တော်တို့ မိသားစုဟာ အင်မတန် ဆင်းရဲပါတယ်။ အဲဒါနဲ့ တစ်နေ့မှာ ဖခင်ကြီးက .. ငါတို့ ဒီအတိုင်းနေလို့တော့ မဖြစ်ဘူး၊ ငါတို့မိသားစု ဘ၀တိုးတက်အောင် ဘာပဲဖြစ်ဖြစ် မြို့မှာသွားပြီးတော့ အလုပ်ရှာရင် ကောင်းမှာပဲ ဆိုပြီး ကွတ်ခိုင်မြို့ကို ရောက်လာပါတယ်။ ကွတ်ခိုင်မြို့ကို ရောက်လာတဲ့အခါ ဒုတိယ ကမ္ဘာစစ်ပြီးကာလ နောက်ပိုင်း ဆိုတော့လည်း အလုပ်ရှာမရ ဖြစ်နေပါတယ်။ အဲဒီလို အလုပ်ရှာရင်း ယောင်လည်လည်နဲ့ သွားလာနေတဲ့အခါ



ဖခင်ယုံကြည်သူဖြစ်လာခြင်း

တစ်နေ့တော့ အသက်ကြီးပြီး ခေါင်းဖြူနေတဲ့ ဆရာကြီးတစ်ပါးဟာ အကော်ဒီယံတီးပြီး ယေရှုအကြောင်းကို သီချင်းဆိုပြီး သက်သေခံ ဟောပြောနေပါတယ်။ လူတွေ ရောက်လာပြီး နားထောင်ကြတယ်။ အဲဒီဆရာကြီးက အဲဒီအချိန်တုံးက ဘာဟောသလဲဆိုတော့ ... ငါတို့ဘုရားသခင်ဟာ မိမိနေထိုင်တော်မူသော ဘုန်းစည်းစိမ်ရှိတော်မူတဲ့အကြောင်း၊ ယေရှုခရစ်တော်အားဖြင့် သင်တို့အလိုရှိသမျှကို ပြည့်စုံတော်မူလိမ့်မယ် ..ဆိုတဲ့အကြောင်း၊ ယေရှုခရစ်တော် ဤလောကသို့ လူဇာတိကို ခံယူပြီး ကြွလာတဲ့ အကြောင်း၊ လူလောက လူသားတွေရဲ့ အပြစ်တွေအတွက် အသေခံခဲ့တဲ့အကြောင်း၊ ...ဟောပြောသက်သေခံနေတယ်။ ဆင်းရဲဒုက္ခ ရောက်နေတဲ့သူဟာ အဲဒီဘုရားသခင်ကို ယုံကြည်လက်ခံပြီးတဲ့အခါ ဘုရားသခင်ကို ခေါ်ရင်၊ ဘုရားသခင်က ထူးမယ်.. ဆိုတဲ့အကြောင်း.. ဟောပြောသက်သေခံနေတယ်။ အဲဒါနဲ့ ကျွန်တော့ဖခင်ကလည်း အဲဒါကိုကြားတဲ့အခါ လူအများရှေ့မှာသွားပြီးတော့ ခရစ်တော်ကို ယုံကြည်လက်ခံမယ်..လို့ ၀န်ခံတယ်။ အဲဒီလို ၀န်ခံတဲ့အခါ ဆရာကြီးက သူ့အသက်တာကို ဘုရားသခင်ထံ ဆက်ကပ်ဆုတောင်းပေးတယ်။ ဆရာကြီး ဆက်ကပ်ဆုတောင်း မပေးခင်.. ဆရာကြီးက ခင်ဗျား၊ ဘာတွေ ဆုတောင်းပေးစေလိုသလဲ...လို့ မေးတော့၊ ကျွန်တော့ဖခင်ဟာ .. သူ့ရဲ့အပြစ်တွေကိုဝန်ခံတယ်။ ပြီးတော့ သခင်ယေရှုခရစ်တော်ကို ကယ်တင်ပိုင်ရှင်အနေနဲ့ ကျွန်တော် ခေါ်ဖိတ်လက်ခံချင်ပါတယ်။ ဒုတိယ အချက်အနေနဲ့ ကျွန်တော့မှာ အင်မတန်ဆင်းရဲပြီး တစ်ရက်လုပ်စာ၊ တစ်ရက်မစားလောက်ပါဘူး။ ဒီမြို့ကို ရောက်လာတဲ့အခါ လုပ်ငန်းကိုင်ငန်း အနေနဲ့ တစ်ခုခုလောက် လိုချင်ပါတယ်။ ဘုရားသခင်ဆီက မျှော်ပါတယ်...လို့ .. ကျွန်တော့ဖခင်က ပြောတယ်။ အဲဒါနဲ့ ဆရာကြီးကျွန်တော့ဖခင် ပြောတဲ့အတိုင်း ဆက်ကပ်ဆုတောင်းပေးတယ်။

တောင်းလျှင်ရမည်

ဘုရားသခင်ရဲ့ ကျေးဇူးတော်ကြောင့် အသက်ရှင်တဲ့ ဘုရားသခင်ဟာ သူ့ရဲ့ ဂတိတော်ကို ဘယ်တော့မှ မဖျက်ဘူး။ တောင်းပါ ..တောင်းရင်ရမယ် ဆိုတဲ့ အတိုင်း တောင်းတယ်။ အဲဒါနဲ့ ကျွန်တော့ဖခင်ဟာ ဆက်လက်ပြီး အဲဒီမြို့မှာ လိုက်လံ အလုပ်ရှာတဲ့အခါ ယက္ကန်းလုပ်ငန်းရှင်တစ်ဦးနဲ့ သွားတွေ့တယ်။ တွေ့တဲ့အခါ လုပ်ငန်းရှင်ကလည်း ကောင်းပါပြီ၊ ဒါဆိုရင် ကျွန်တော်လက်ခံပါမယ်။ ခင်ဗျားဝင်လုပ်ပါ ..ဆိုတော့ ကျွန်တော့ဖခင် ၀င်လုပ်ပါတယ်။ ၀င်လုပ်ရင်းနဲ့ ကျွန်တော့ဖခင်ဟာ နှုတ်ကပတ်တော်တရား (ကျမ်းစာ) သူ့ကို သွန်သင်တဲ့အတိုင်း သေးငယ်တဲ့ အမူအရာမှာ သစ္စာရှိရမယ်။ လုပ်ငန်းရှင်ဟာ ကိုယ့်ရဲ့ သခင်လိုပဲ သဘောထားရမယ် ..ဆိုတော့ ကျွန်တော့ဖခင်လည်း ရိုးသားဖြောင့်မတ်စွာနဲ့ လုပ်ငန်းလုပ်ပါတယ်။ အဲဒီနှစ်ထဲမှာပဲ အဲဒီလုပ်ငန်းရှင်က လုပ်ရင်း၊လုပ်ရင်းနဲ့ စီးပွားရေးမကောင်းတဲ့အခါ သူက ကျွန်တော့ဖခင်ကို ခင်ဗျားဖက်လုပ်ချင်ရင်တော့ ဒီစက်ရုံကြီးကို ခင်ဗျားကို ကျွန်တော် အကြွေးနဲ့ပေးမှာပဲ။ ခင်ဗျားလုပ်ပါ။ ခင်ဗျားလုပ်ပြီး တဖြေဖြေးနဲ့ ကျွန်တော့်ကို ဆပ်ပါ။
အဲဒီအခါ ကျွန်တော့်ဖခင်ကလည်း ဘုရားသခင် တစ်ခုခု ပြင်ဆင်ပေးမှာပဲ။ ဒူးထောက်ပြီးတော့ ဘုရားသခင်ကို ဆုတောင်းတယ်။ ဒီအကြံအစည်ဟာ ကိုယ်တော်ရဲ့ အကြံအစည်လား.. ဘယ်လိုလဲ..ဆိုတာ ကျွန်တော်နားမလည်ပါဘူး။ လုပ်ငန်းလုပ်နေရင်းနဲ့ ကောင်းလာပြီဆိုမှ လုပ်ငန်းက စီးပွားရေးကျလို့ သူက ဒီစက်ရုံကြီးကို အကြွေးနဲ့ရောင်းနေတယ်။ ကျွန်တော်လက်ခံရမလား...လို့..ဘုရားသခင်ကထံ ဆုတောင်းတယ်။ ဘုရားသခင်ကလည်း လက်ခံလိုက်ပါ...လို့ တည့်တည့်လင်းလင်းပဲ ကျွန်တော့ဖခင်ကို ဖေါ်ပြပါတယ်။ ကျွန်တော့ဖခင်က အဲဒီစက်ရုံကို လက်ခံပြီးတဲ့နောက်ပိုင်း တစ်လ၊ နှစ်လကြာတဲ့အခါ ပိတ်စတွေ အရမ်းရောင်းကောင်းတပဲ။ ထုတ်လို့တောင် မလောက်နိုင်တော့ဘူး။ အဲဒီစက်ရုံတန်ဖိုးကို သုံနှစ်လောက် ပေးချေရမဲ့အစား သူဟာ တစ်နှစ်ထဲနဲ့ ပေးချေနိုင်ခဲ့တယ်။
ကျွန်တော့်ဖခင်ဟာ ယေရှုခရစ်တော်ကို ယုံကြည်လက်ခံပြီးတဲ့အချိန်ကစပြီး အကြွင်းမဲ့ ဘုရားသခင်ကို ယုံကြည်ခဲ့တယ်။ ကျွန်တော်တို့ ညီအစ်ကိုမောင်နှမတွေကိုလည်း အမြဲတမ်း ဘုရားသခင်အကြောင်းကို သွန်သင်ပါတယ်။ ကျွန်တော်ဟာ ငယ်ငယ်တုံးက အလွန်ဆင်းရဲနွမ်းပါးတဲ့အတွက် ကျောင်းကောင်းကောင်း မနေရပါဘူး။ ကျောင်းတက်တဲ့အခါ ဖိနပ်မပါဘူး။ ကျောက်သင်ပုန်ိးကု ကျောက်တံနဲ့ စာရေးတဲ့အခါ သူငယ်ချင်းတွေရေးပြီး၊ ပြစ်ချထားတဲ့ ကျောက်တံ အတိုအထွာလေးကို ကောက်ပြီး ရေးပါတယ်။ အဲဒီကြားထဲမှ ဖခင်ကလည်း ဘုရားသခင်ကို အားကိုးပြီး လုပ်ငန်းတွေကို ကြိုးစားလုပ်ကိုင်နေရင်း ကျွန်တော်တို့ မောင်နှမတွေကို ဘုရားသခင်အကြောင်း အမြဲသွန်သင်ပါတယ်။ သခင်ယေရှုခရစ်တော် အကြောင်း ပြောတဲ့အခါ ကျွန်တော်က အမြဲတမ်းဆန့်ကျင်တယ်။
အဲဒီလိုနဲ့ ကျွန်တော်ဟာ ကျောင်းပြီးလို့ စီးပွားရေးလောကထဲ ၀င်လာပါတယ်။ အဲဒီအချိန်ထိ ဘုရားဆိုတာ ကျွန်တော့မှာ မရှိခဲ့ပါဘူး။ ယုံလည်း မယုံကြည်ခဲ့ပါဘူး။ ငါလုပ်ရင် ငါဖြစ်မှာပဲ ..ဆိုတဲ့ ခံယူချက်နဲ့ ကိုယ့်အားကိုယ်ကိုးပြီး စီးပွားရေး လုပ်ငန်းများ ရှာဖွေလုပ်ကိုင်ခဲ့ပါတယ်။ အဲဒီလို လုပ်ကိုင်တဲ့အခါ ..မအောင်မြင်ဘူးလား...ဆိုတော့.. အောင်မြင်တယ်။ ပိုက်ဆံရတယ်။ စာတန်မာန်နတ် ..အဲဒီအချိန်တုံးက ကျွန်တော့်ကို ကျိကျိတက် ချမ်းသာရတဲ့ အခွင့်အရေး၊ ပိုက်ဆံပေးခဲ့ပါတယ်။ ဒါပေမဲ့.. တစ်နေ့တော့ အားလုံးဆုံးရှုံးခဲ့ရပါတယ်။
အဲဒီလို အချိန် ကြုံတွေ့လာရတဲ့အချိန်ကျတော့ ကျွန်တော့စိတ်ထဲမှာ ဘာကိုသတိရသလဲ...ဆိုတော့ ရွှေငွေ၊ ပစ္စည်းတွေ ဘယ်လောက်ပဲ ချမ်းသာချမ်းသာ၊ ဘုရားသခင်မပါတဲ့အခါ ..ဘယ်လောက်ပဲရှိရှိ ..ခဏလေးနဲ့ ပြုတ်ထွက်သွားပါလား...ဆိုတာ နားလည်လာတယ်။ အဲဒီအခါကျမှ ဘုရားသခင်ကို ဒူးထောက်ပြီး ဆက်ကပ်ဆုတောင်းခဲ့ပါတယ်။ ကိုယ်တော်... ကိုယ်တော်ဟာ အသက်ရှင်တဲ့ဘုရားသခင်ဖြစ်တယ်..လို့ ကျွန်တော်ရဲ့ ဖခင်၊ မိခင်တွေ ကျွန်တော်ငယ်ငယ်တုန်းက ကျွန်တော့်ကို သွန်သင်ခဲ့ပါတယ်။ ဒါပေမဲ့ ကျွန်တော်မလုပ်ခဲံပါဘူး...။


ဘုရားသခင်ကို စိန်ခေါ်ပါ
ကျွန်တော် ကိုယ်တော်ကို တစ်ခုပဲ မေးချင်တယ်။ ယခု ကျွန်တော်ကြုံနေရတဲ့ အခက်အခဲကို တစ်လအတောအတွင်း ကျွန်တော့ကို အဖြေပေးမယ်ဆိုရင်၊ ကိုယ်တော်ဟာ အသက်ရှင်တဲ့ ဘုရားသခင်ဖြစ်ကြောင်း၊ ကျွန်တော်လက်ခံပါမယ်။ ကျွန်တော်ကိုယ်တိုင်လည်း လိုက်လံပြီးတော့ ကိုယ်တော့်အကြောင်းများကို ဝေငှမယ်။ ဟောကြားမယ်။ သက်သေခံပါမယ်။ ရောက်တဲ့နေရာမှာ ကျွန်တော်ပါဝင်ပါမယ်..လို့ ဆက်ကပ်ဆုတောင်းပါတယ်။ (၁၇)ရက် အတောအတွင်းမှာပဲ ဘုရားသခင်ဟာ အတိအလင်း ကျွန်တော့ကို အဖြေပေးပြီး အဲဒီအခက်အခဲ ပြသနာရင်ဆိုင်နေရတဲ့ အထဲမှ ကယ်နှုတ်ခဲ့ပါတယ်။

သာသနာစတင်ဆောင်ရွက်
အဲဒီအချိန်ကစပြီး သခင်ယေရှုခရစ်တော်ဟာ တကယ့် အသက်ရှင်တဲ့ ဘုရားဖြစ်ကြောင်း၊ ကျွန်တော်တောင်းတဲ့အခါ ကျွန်တော့ကို ကူညီခဲ့တယ်။ မစတယ် ဆိုတဲ့အကြောင်း ကျွန်တော်လိုက်ပြီး နေရာတကာမှာ ဟောကြားခဲ့တယ်။ သက်သေခံတယ်။ ဝေငှတယ်။ ကျွန်တော်ဟာ ရှိရှိသမျှ အားလုံးကို စွန့်လွှတ်ပြီး သခင်ယေရှုခရစ်တော်ဟာ အသက်ရှင်တဲ့ဘုရားဖြစ်ကြောင်း (၁၀)နှစ်ကျော်လောက် တောကြို၊ တောင်ကြား ဖြတ်ကျော်ပြီး ဟောကြားခဲတယ်။ သက်သေခံတယ်။ ဝေငှခဲပါတယ်။ ဘာဖြစ်လို့လဲဆိုတော့ သခင်ယေရှုခရစ်တော်ဟာ အသက်ရှင်တဲ့ဘုရားဖြစ်ကြောင်း၊ကို လူတကာ..ကျွန်တော်ကဲ့သို့ ခံစားရအောင်လို့ ဖြစ်ပါတယ်။ အဲဒီလို ကျွန်တော်လိုက်ပြီး ဝေငှတဲ့အခါမှာ ကျွန်တော့မှာရှိတဲ့ အိမ်ကိုရောင်းချလိုက်တယ်။ ကျွန်တော့မှာရှိတဲ့ကား (နောက်ဆုံးတော့ မောင်းရင်း၊မောင်းရင်းနဲ့ တာယာကတုံးတွေဖြစ်သွားတယ်၊ မောင်းလို့မရတော့ဘူ။။ အခြေလည်းပျက်သွားပါတယ်။ နောက်ဆုံး အိမ်မှာရှိတဲ့ ရေခဲသေတ္တာနဲ့ ဆိုဖာတွေကို ကျွန်တော် တစ်ခုပြီးတစ်ခု ထုတ်ရောင်းတော့၊ ကျွန်တော့သမီး ဘာပြောလဲဆိုတော့ ... "အဖေ.. လူများယူသွားကုန်ပြီ၊ အိမ်မှာ ဘာမှ မရှိတော့ဘူး..." တဲ့။ ကျွန်တော်က ယူပစေလို့။ ဘုရားရှင် ကျွန်တော်တို့ကို ပေးထားခဲ့တယ်။ ဘုရားသခင်ရဲ့ အမှုတော်မြတ်မှာ ပြန်လည်ပါဝင်တယ်။ ရှိရှိသမျှ တစ်ခုမှ မကျန်တော့ဘူး။ ကားပါ ရောင်းချခဲ့တယ်။ အားလုံးရောင်းချပြီးတော့မှ ကျောပိုးအိတ်တစ်လုံးထမ်းပြီး တစ်မြို့ဝင်၊ တစ်မြို့ထွက်နဲ့ တောရွာတွေပါမကျန်၊ သခင်ယေရှုခရစ်တော်အကြောင်းကို ကျွန်တော် လိုက်လံပြီး ဟောကြားခဲ့တယ်။ ဝေငှတယ်။ အဲဒီအတောအတွင်းမှာပဲ ကျမ်းစာတွေကို သင်ယူခဲ့ပါတယ်။
ကျမ်းစာတစ်အုပ်လုံးကို အစအဆုံး (၇)ကြိမ်လောက် ကျွန်တော်ဖတ်ပြီး ကျွန်တော်လေ့လာတဲ့အခါ ကျွန်တော်အဖြေမှန်ကို တွေ့ခဲ့ပါတယ်။ ယခင့် ယခင်တုံးက ကျွန်တော်နားမလည်ခဲ့တဲ့ အချက်အလက်တွေကို ကျမ်းစာထဲမှာ အားလံးအဖြေတွေ့ခဲ့ပါတယ်။ အဲဒီလို ဟောကြားရင်းနဲ့ပဲ ကျွန်တော်ဟာ ဘာဖြစ်လာသလဲ...ဆိုတော့၊ ကျွန်တော်ဟာ ခြေထောက်၂ချောင်းထဲနဲ့ လမ်းလျှောက်ပြီး ဟောကြားမယ်ဆိုရင် လူဦးရေသန်းပေါင်း ငါးဆယ် (၁၉၈၅) လောက်ရှိတဲ့ မြန်မာနိုင်ငံကို ဘယ်လိုလုပ်ပြီး ဧ၀ံဂေလိ တရားရောက်နိုင်မှာလဲ၊ အဲဒီအချိန်မှာ ကျွန်တော်စဉ်းစားတယ်။
ဘုရားသခင်ကျွန်တော့ကို ပိုက်ဆံပေးပါ
ကိုယ်တော်..ကျွန်တော့်ကို ပိုက်ဆံပေးပါ။ ကျွန်တော်ကို ပိုက်ဆံပေးရင်၊ ကျွန်တော်မှာရှိတဲ့ ငွေနဲ့ ကျွန်တော်တစ်ယောက်တည်း အစား ဘုရားသခင်အမှုတော်အတွက လူပေါင်း ထောင်နဲ့ချီပြီးရှိတဲ့ မိဘမဲ့ကလေးတွေကို ကျွန်တော်ကူညီနိုင်မယ်။ အဲဒါကြောင့် ကျွန်တော့မိန်းမကိုလည်း ပြောပြတယ်။ ဒို့..ဒူးထောက်ဆက်ကပ်ရအောင်၊ အချိန်တန်ပြီလို့ ..စပြီး ဒူးထောက်ပြီး ဘုရားသခင်ကို ဆက်ကပ်ဆုတောင်းတယ်။ ဘာကြောင့် ဧ၀ံဂေလိတရားကို ဟောပြောရသလဲဆိုတော့ သမ္မာကျမ်းက ကျွန်တော်ဖတ်တဲ့အခါ ယေရှုခရစ်တော်ဘုရား ဒီလောကကို ကြွရောက်လာပြီး ခင်ဗျားတို့ ကျွန်တော်တို့အတွက် အသေခံပြီး၊ ရှင်ပြန်ထမြောက်တဲ့အခါမှာ သူမိန့်မှာတာ ၂ခုပဲရှိတယ်။
(၁) သင်တို့အချင်းချင်း ချစ်ပါ။ ဒါပေမဲ့ ခရစ်ယာန် ညီအအစ်ကိုမောင်နှမများ အချင်းချင်းမချစ်ကြဘူး၊ မချစ်နိုင်ဘူး။ အိမ်နီးနားချင်းတောင် အတိုက်အခိုက်တွေ ဖြစ်ကြတယ်။ အဲဒါကြောင့် ကွှန်တော်တို့မှာ အကြီးပွားကြဘူး။
(၂) ခရစ်တော်ဘုရား ထပ်မှာတဲ့ တစ်ချက်ကတော့ သင်တို့သည် ဝေနေယျသတ္တ၀ါ အပေါင်းကို ငါ၏ ဧ၀ံဂေလိတရားကို ဟောကြားပါ..လို့ မှာထားတယ်။ ကျွန်တော်တို့ မပါဝင်ချင်ကြဘူး။ အဲဒါကြောင့် ကျွန်တော်တို့ဟာ ရှင်ပေါလုပြောသလိုပဲ ငါသည် ဧ၀ံဂေလိတရားကို မဟောရင် အမင်္ဂလာဖြစ်တယ်။
ကျွန်တော်တို့ဟာ ဟာ အဲဒီ နှုတ်ကပတ်တော်တရားကို သိတဲ့အခါ သင်တို့သည် ဝေနေယျသတ္တ၀ါ အပေါင်းကို ငါ၏ ဧ၀ံဂေလိတရားကို ဟောကြားပါ..ဆိုတဲ့အတိုင်း၊ ဟောတယ်၊ ပါဝင်တယ်။ ကိုယ်တိုင်ဟောနိုင်ရင် ဟောတယ်။ ကိုယ်တိုင်မဟောနိုင်တဲ့အခါ ငွေကြေးအားဖြင့်ပါဝင်တယ်။ ဒီနေ့အနေနဲ့ ချစ်ခြင်းမေတ္တာတရားနဲ့ ပတ်သက်လာရင် ကျွန်တော်ရန်သူကို အင်မတန်ချစ်တယ်။ ကွှန်တော့်ကို နှိပ်စက်တဲ့သူတွေ၊ ကျွန်တော့ကို တိုက်ခိုက်တဲ့သူတွေအတွက် ကျွန်တော် အမြဲတမ်း ဆုတောင်းပေးပြီး သူတို့နဲ့ မိတ်သဟာရဖွဲ့တယ်။။ ဒါကြောင့်လည်း ဘုရားသခင်က ဒီကနေ့အထိ ကျွန်တော့်ကို ကောင်းကြီးပေးပါတယ်။




View Rev. U Kyaw Win Sermon in Youtube (search word, Rev U Kyaw Win)



တံမြက်စီးမှာဘရိတ်ရှုး
တစ်နေ့ကျတော့ ရွာကိုရောက်သွားတယ်။ ရွာသူရွာသားများဟာ စီးပွားရေးတွေလုပ်ကြတာ ထိုင်းနဲ့ဒီဘက် ကုန်စည်ကူးသန်း စီးပွားရေးလုပ်တဲ့အခါ တံမြက်စီပင်ကို မြက်လိုစည်းပြိးတော့ ရောင်းကြတယ်။ အဲဒါကို ကျွန်တော်တွေ့လိုက်တဲ့အခါ ဒီမြက်ဟာ တံမြက်စီးလုပ်ကြတယ်။ တောထဲမှာ သွားခုတ်ပြီး လာရောင်းကြတယ်။ နိုင်ငံခြားမှာ တံမြက်စီးလုပ်ကြတယ်။ ဒါပေမဲ့ ဒီမြက်ဟာ တံမြက်စီး တစ်ခုတည်းတော့ မဖြစ်နိုင်ဘူး...လို့ ကျွန်တော်စဉ်းစားမိတယ်။ အဲဒါကြောင့် ဘုရားသခင်ထံ ကျွန်တော်ဆုတောင်းတယ်။ ကိုယ်တော်... တံမြက်စီး ထက် တန်ဖိုးရှိတဲ့အရာဖြစ်အောင် ကိုယ်တော့်အနေနဲ့ ဖန်ဆင်းထားတာဘဲ၊ ကိုယ်တော်လမ်းဖွင့်ပေးသနားတော်မူပါ၊
ဒါနဲ့ ကျွန်တော်မည်း ဒီမှာရောင်းချတဲ့ တံမြက်စီးကို ထိုင်းနိုင်ငံမှာရှိတဲ့ ကုန်သည်ကြီးတစ်ယောက်နဲ့ ညှိနှိုင်းပြီး ...ကဲ..ကောင်းပါပြီခင်ဗျာ၊ နိုင်ငံခြားကို ပို့ကြည့်ပါဦး၊ တံမြက်စီး တစ်ခုတည်းတော့ မဖြစ်နိုင်ပါဘူး..ဆိုတော့ သူက ဂျပန်ကိုပို့လိုက်တယ်။ ဂျပန်က သုတေသန စမ်းသပ်လိုက်တဲ့အခါ မော်တော်ကားမှာ သုံးတဲ့ ဘရိတ်ရှုးရဲ့ အဓိက ကုန်ကြမ်းဖြစ်နေတယ်။ အဲဒါနဲ့ ဟိုဖက်ကလူတွေနဲ့ စာချုပ်ချုပ်ပြီး ကျွန်တော် နိုင်ငံခြားကို အကြီးအကျယ်တင်ပို့နိုင်ခဲ့တယ်။ အမှန်တကယ်ပြောရမယ်ဆိုရင် ဘုရားသခင်လမ်းဖွင့်ပေးတာ ဖြစ်ပါတယ်။ ဒါတွေက ကျွန်တော်တို့ မျက်စိရှေ့မှာ ဘုရားသခင်ဖန်ဆင်းထားတဲ့ တကယ့်တန်ဖိုးရှိတဲ့ အရာပဲ။ ဘုရားသခင်ဖန်ဆင်းထားတဲ့ ကြွယ်ဝစေတဲ့ လောကကြီးမှာနေစဉ် ကျွန်တော်တို့က ဖေါ်ထုတ်ဖို့ပဲ၊ မြန်မာစကားပုံရှိပါတယ်။ ....မသိသူကျော်သွား၊ သိသူဖေါ်စား.. ။ ဒီကနေ့ ကျွန်တော်တို့ ခရစ်ယာန်ညီအစ်ကို မောင်နှမတွေလည်း စီးပွားရေးဘယ်လိုလုပ်ရမယ်။ စက်ရုံဘယ်လိုလုပ်ရမလဲ။ မွေးမြူရေးဘယ်လိုလုပ်ရမလဲ..ဆိုတာကို အဲဒီ နှုတ်ကပတ်တော် သမ္မာကျမ်းစာထဲမှာ ပါတဲ့အတိုင်း ကျွန်တော်တို့ လိုက်နာပြီး ဆောင်ရွက်သွားမယ်ဆိုရင်တော့ သမ္မာကျမ်းစာထဲမှာ ဘုရားသခင်ပေးထားတဲ့ ဂတိအတိုင်း ကျွန်တော်တို့ ကောင်းကြီးအမှန်တကယ် ခံစားရမှာဖြစ်ပါတယ်။ ကျွန်တော်တို့ဟာ ကမ္ဘာပေါ်မှာ ဘုရားသခင်ပေးတဲ့အရာ ရွှေ၊ငွေ ချမ်းသာနိုင်ပါတယ်။
မြေကြီးအောက်ကအတုံးလေး
တံမြက်စီးရာသီပြီးလို့ နောက်ရာသီကျတော့လည်း ဘုရားသခင်ဟာ အကောင်းဆုံး စီစဉ်ပေးပါတယ်။ ကျွန်တော်တိုပ မိသားစုဟာ ဘုရားသခင်ကို ဆက်လက် ဆက်ကပ်၊ ဆုတောင်းတယ်။ ကိုယ်တော်... ဒါတင်မကသေးပါဘူး။ ကိုယ်တော်ဟာ ကြွယ်ဝတဲ့ ဘုရားဖြစ်ပါတယ်။ ကိုယ်တော်အနေနဲ့ စံပါယ်တော်မူသော ဘုန်းစည်းစိမ်နဲ့တကွ ယေရှုခရစ်တော်ကိုပင် ကျွန်တော်တို့ကို ပေးပြီးပြီပဲ။ ခရစ်တော်ကို ရရင် ကျန်တဲ့အရာအားလုံးကိုလည်း ရမှာပါပဲ။ ဒါကြောင့် ကိုယ်တော်..ဆက်ပေးပါ။ ကျွန်တော်ဒီမှာ အများကြီးလိုပါတယ်။ ကျွန်တော်တို့ ဇနီးမောင်နှံ (၂)ယောက်စလုံး ကလေးတွေခေါ်ပြီး ဆုတောင်းတယ်။
အဲဒါနဲ့ တစ်နေ့ကြတော့ ဘုရားသခင်ဟာ အံ့သြစရာဘယ်လောက်ကောင်းသလဲ ဆိုတော့ ရွာကလူငယ်လေးတစ်ယောက် ကျွန်တော့်ဆီ ရောက်လာပြီး.. ဆရာရေ..ဒီအတုံးကလေးကို ကြည့်ပါဦး..တဲ့။ မြေကြီးထဲကတူးတာ၊ ဒါဘာလဲမသိဘူး။ ဆေးတော့ဖြစ်မှာပဲ လို့သူပြောတယ်။ အဲဒါနဲ့ ကျွန်တော်က ကောင်းပြီ၊ ဒါဆိုရင်တော့ ခင်ဗျား..ကျွန်တော့ကိုပေး၊ ကျွန်တော်နိုင်ငံခြားပို့ပြီး စမ်းသပ်လိုက်ပါမယ်။ အဲဒီအတုံးကလေးရတော့ သိပ်ဝမ်းသာတယ်။ ဘုရားသခင်ကို ဆက်ကပ်တယ်။ ကိုယ်တော်.. ကိုယ်တော်ဖန်ဆင်းပေးထားတဲ့ မြေအောက်မှာရှိတဲ့ သယံဇာတ၊ ဒီဟာတွေကို အလဟသတော့မဟုတ်ဘူး။ လူသားတွေအတွက် အကျိုးဖြစ်စေတဲ့ အရာဖြစ်ရမယ်။ ကျွန်တော်တို့အားဖြင့် သူ့တပါးအကျိုးရှိဖို့ရန်အတွက် ကိုယ်တော်လမ်းဖွင့်ပေးတော်မူပါ..။ ကိုယ်တော် ..ကျွန်တော်တို့ ငွေရရှိရေးအတွက် ပေးသနားတော်မူပါ..ဆုတောင်းတယ်။ အဲဒီအတုံးကလေးကို တဖက်နိုင်ငံ ယူသွားပြီးတော့ စမ်းသပ်ရန်ပို့လိုက်တဲ့အခါ ဟိုဖက်က ဘာပြောသလဲဆိုတော့ ဒါက အရမ်းကောင်းတဲ့ အားဆေးဖြစ်ပါတယ်။ ဘီပီအိုင်က ထုတ်တဲ့ ဆေးပြားကြတော့ ဘားပလက် Burplex လိုခေါ်တယ်။ ဘားပလက်ခေါ်တဲ့ ဆေးတုံးကို ထုတ်နိုင်တဲ့ တကယ့်လိုအပ်တဲ့ ကုန်ကြမ်းပဲ။ အဲဒီပစ္စည်း အတော်များများရှိသလား..လို့ ကျွန်တော် ကျေးရွာကလူတွေကို မေးလိုက်တဲ့အခါ ခရစ်ယာန်ညီအစ်ကို မောင်နှမတွေက..အမေလေး.. များလွန်းလို့ ဆရာရယ်၊ ..ယူနိုင်ရင် ကျွန်တော်တို့ သွားတူးရင် တစ်နေ့ကို ပိသာ သုံး..လေးဆယ်..ငါးဆယ်လောက် ရမယ်။ ဆရာကြိုက်သလောက် ဈေးပဲပေးပါ၊ အဲဒါနဲ့ ကျွန်တော်လည်း ပြောလိုက်တယ်။ နောက်နေ့ကျတော့ အဲဒါကို ဘန်ကောက်ပို့မယ် လုပ်တော့ ဟိုဘက်က ဘာပြောသလဲဆိုတော့ ဒီဟာကို အစိုပို့လို့မရဘူး၊ ခြောက်မှရမယ်။ ဒီပစ္စည်းဟာ မှိုတက်တာ သိပ်မြန်တယ်။ ဒီကနေ့ မခြောက်ရင် မနက်ဖန် မှုတက်သွားရော၊ ကျွန်တောက စကားလွန်ပြီးပြီ၊ ရွာသားတွေက သွားတူးကြပြီး ကားကြီး၊ကားငယ်တွေနဲ့ ကျွန်တော့်ဆီ လာပို့ကြတယ်။ အဲဒါနဲ့ ကျွန်တော်လည်း ကျွန်တော့ညီ ကိုတင်ရွှေကို နေပူထဲမှာ ဖြန့်လှမ်းခိုင်းလိုက်တယ်။ နေ့လည်တောင်မရောက်သေးဘူး.. မှိုတွေ အများကြီးတက်လာတယ်။ ကျွန်တော့ညီကို မှိုထွက်တဲ့နေရာတွေ ခုတ်လိုက်ပါ..ပြောတော့ ကျွန်တော့ညီက လိုက်ခုတ်တာ .. ရှေ့မှာခုတ်၊ နောက်မှာမှိုပြန်ထွက်လာတယ်။ ဟာ.. ဘယ်လိုဖြစ်တာလဲ၊ ကိုယ်တော်.. ကိုယ်တော်ရဲ့ ကောင်းကြီးမင်္ဂလာ ကျွန်တော့်ကိုပေးခဲ့ပါတယ်။ ဒါလေးကို ခြောက်အောင်၊ အခြောက်ခံစက် Dryer ရှိတယ်။ ကျွန်တော်တို့ တာချီလိတ်ဆိုတာ တောရွာပဲ၊ မီးတောင်မှ ကောင်းကောင်းမရတဲ့နေရာ၊ (1989) အခြောက်ခံစက်မရှိဘူး..။ ဒီလောက်များတဲ့ ဥတွေကို ၂၄နာရီအတွင်း အခြောက်ခံစက် ဆောက်ဖို့ဆိုတာ အဆောက်အဦးအကြီးကြီဆောက်ရမယ်။ လျှပ်စစ်လိုမယ်။ ဂတ်စ် Gas လိုမယ် ..စသဖြင့်ပေါ့ဗျာ။ ပစ္စည်းပစ္စယတွေ လိုမယ်။ ကျွန်တော်ဆုတောင်းတယ်။ မိန်းမကိုလည်းပြောတယ်..မိန်းမ... ဒါတော့ ဘုရားသခင် ငါတို့ကို ဘယ်လောက်ထိ ဇွဲရှိသလဲ၊ သူ့ကို ဘယ်လောက်အထိ အားကိုးတယ်ဆိုတာ ငါတို့ကို စမ်းသပ်ကြည့်တာပဲ၊ စိတ်မပျက်နဲ့လို့ ဆုတောင်းကြတယ်။




ဆုတောင်း၍ဥာဏ်ပညာ
တစ်ရက် ဆုတောင်းတယ်။ ဘာမှ အကြံအစည်ပေါ်မလာဘူး၊ တစ်ညလုံး မိုးလင်းတဲ့အထိ ကိုယ်တော့်ထံ ဆုတောင်းပါတယ်။ ကိုယ်တော်... ဒီပစ္စည်းတွေကို ကျွန်တော်တို့ ၂၄နာရီနဲ့မှာ ခြောက်အောင် လုပ်နိုင်ဖို့ အခြောက်ခံစက် Dryer တစ်ခုလုပ်မယ်။ ကိုယ်တော် .. ကျွန်တော့်ကို Dryer Design ဒီဇိုင်းတစ်ခုပေးပါ။ ဘုရားသခင်ကို ဆက်ကပ်တယ်။ (၇)ရက်တိတ် (၇)ရက်၊ (၇)ည ဆုတောင်းပြီးတဲ့အခါမှာ ဘုရားသခင်ဟာ အခြောက်ခံစက်ဒီဇိုင်း (Dryer Design) တစ်ခုကို ဖေါ်ပြပါတယ်။ အဲဒီ ဒီဇိုင်းကို အုတ်နဲ့စီပြီး စမ်းသပ်လိုက်တဲ့အခါ အောင်မြင်သွားတယ်။ အဲဒါနဲ့ ..အဲဒီနယ်မြေမှာ အဲဒီဆေးမြစ်တွေထွက်လာပြီး ကွှန်တော်တို့ဟာ (၂၄)နာရီအတွင်း ခြောက်အောင်ပြုလုပ်ပြီး တစ်ဖက်နိုင်ငံ..နိုင်ငံခြားအထိ တင်ပို့ရောင်းချပါတယ်။ ကျွန်တော်တို့ ဘုရားရှင်ဟာ အံ့သြဘွယ် ကောင်းကြီးပေးခဲ့တယ်။ အကယ်၍ မှုတက်တာနဲ့ ကျွန်တော်တို့ စိတ်ပျက်သွားပြီး ဆက်မလုပ်တော့ဘူး ဆိုရင် ဘုရားသခင်ဘယ်လိုလဲ၊ ပေးတော့ပေးပြီးတော့ ..အခုကျမှ ဒီလိုဒုက္ခရောက်အောင် ပြုလုပ်တာပဲ ..ဆိုပြီး ဘုရားသခင်ကို အပြစ်တင်မှာပဲ။ ဒါပေမဲ့ .. ဘုရားသခင်ကို ကျွန်တော်အပြစ်မတင်ခဲ့ပါဘူး။ ဘုရားသခင်ကို ဆက်လက်ပြီး ဆုတောင်းတဲ့အခါမှာ ဘုရားသခင်ဟာ အသက်ရှင်တဲ့ဘုရား၊ မနေ့၊ ယနေ့၊ နောင်ကာလ မပြောင်းလဲတဲ့ဘုရား၊ ကျွန်တော်တို့အနားမှာ အမြဲရှိတဲ့ ဘုရားဖြစ်ကြောင်း သက်သေခံတဲ့အနေနဲ့ ကျွန်တော်တို့ရဲ့ ဆုတောင်းသံကို ဘုရားသခင် အဖြေပေးခဲ့တယ်။ အဲဒါကြောင့် ကျွန်တော်တို့ဟာ တစ်ပါတ်အတောအတွင်း ဒီဇိုင်းရရှိပြီး ဒီဆေးမြစ်ဥတွေကို ခြောက်အောင်ပြုလုပ်တယ်။ ပြီးတဲ့အခါ နိုင်ငံခြားကို တင်ပို့တယ်။ အဲဒီအခါ မြောက်များစွာသော ငွေကြေးကို ရရှိခဲ့ပါတယ်။ ကျေးရွာမှာရှိတဲ့ ရွာသူရွာသားတွေ ချမ်းသာလာခဲ့တယ်။ ရွာသူရွာသားအားလုံး တံမြက်စီအချိန်မှာ တံမြက်စီး၊ ခုတ်သိမ်းပြီး ကျွန်တော်တို့ကို ပေးတယ်။ တိုင်းပြည်အတွက် အကျိုးရှိခဲ့တယ်။
ဒါပေမဲ့ အဲဒီကြားမှာ ဘုရားသခင်ဟာ ကျွန်တော်တို့ကို စာမေးပွဲစစ်ပါတယ်။ ပထမ စာမေးပွဲ၊ ဒုတိယစာမေးပွဲ၊ စစ်သလို ကျွန်တော်တို့ကို အမြဲတမ်း အားပေးပါတယ်။ ကျွန်တော်ကလည်း အရာရာမှာ ဘုရားသခင်ကိုသာ ဆက်ကပ်တယ်။ ဘုရားသခင်ကိုသာ အားကိုးတယ်။ ဒီနေ့ ခရစ်ယာန် ညီအစ်ကိုမောင်နှမတွေ ဒုက္ခတစ်ခုခုဖြစ်လာရင် ..ဆရာရယ်... လုပ်ပါအုန်း... ဟိုဆရာရယ်..လုပ်ပါအုန်း.. အသက်ရှင်တော်မူတဲ့ ဘုရား၊ ရှိရဲ့သားနဲ့ ဒီဘုရားသခင်ကို ဘာမှ မတိုင်ပင်ပဲ လူတွေထံ လိုက်ပြီး အခက်အခဲဖြေရှင်းဖို့ လိုက်ရှာတယ်။ ကျွန်တော်က ..ဒီလိုမလုပ်ရဘူး၊ ကျွန်တော့်အသက်တာမှာတော့ ဘုရားကို ဆက်ကပ်ရင်း ဆုတောင်းရင် မတတ်နိုင်တဲ့အရာ မရှိဘူးလို့ ကျွန်တော် အကြွင်းမဲ့ယုံကြည်တယ်။ အဲဒီအချိန်မှာ ကျွန်တော်တို့ဟာ အောင်မြင်စွာ အဲဒီလုပ်ငန်းတွေကို ဆောင်ရွက်နိုင်ခဲ့ပါတယ်။ ဘုရားသခင် .. တစ်နှစ်မှာ (၁၂)လ ရှိတယ်။ ရာသီအလိုက်ပေးပါ...လို့ ဆုတောင်းတယ်။ တစ်ရာသီပေးပြီးရင် ရွာသူရွာသားတွေက တစ်ရာသီလုပ်ပြီး နောက်ထပ်ကျန်တဲ့ရာသီမှာ မလုပ်စားခင် ထမင်းငတ်မှာပဲ၊ ရာသီအလိုက်ပေးပါ ဆိုတော့ ..ဘုရားသခင်ဘယ်လောက် ကောင်းသလဲဆိုတော့ (၃)လတစ်ကြိမ်၊ (၃)လတစ်ကြိမ် ..တစ်မျိုးပြီးတစ်မျိုး ပေးပါတယ်။

ကြိမ်သီးလေးတွေ
အဲဒီဆေးမြစ်တူးတဲ့ ရာသီကုန်သွားတဲ့အခါ ကျွန်တော်တို့ ဘုရားသခင်ဆီကို ဆက်ကပ်ဆုတောင်းထားတဲ့အတိုင်း ဘုရားသခင် ဘာထပ်ပေးသလဲဆိုတော့၊ ..အင်မတန်အံ့သြစရာကောင်းတယ်။ ထိုင်းနိုင်ငံ၊ လာအိုနိုင်ငံဟာ ကျွန်တော်တို့ မြန်မာနိုင်ငံနဲ့ အိမ်နီးခြင်းနိုင်ငံများဖြစ်ကြပါတယ်။္ပ တစ်နေ့မှာ လာအိုနိုင်ငံ နယ်စပ်မှာရှိတဲ့ ရွာသားတွေက တာချီလိတ်ရောက်လာတဲအခါ အသီးလေးတွေ ပါလာပါတယ်။ ရွာသူရွာသားတွေက အဲဒီအသီးလာပေးတော့ ကျွန်တော်ယူထားလိုက်တယ်။ နောက်တစ်နေ့ကြတော့ ထိုင်းနိုင်ငံ၊ မဲဆိုင် ဘုရားကျောင်းမှာ ကျွန်တော် ၀တ်ပြုစည်းဝေးတက်တဲ့အခါ နိုင်ငံခြားတရားဟော ဆရာတွေ လာပြီး တရားဟောတာ တွေ့ရတယ်။ ဟာ.. အဲဒီမှာ ဘုရားသခင် အသက်ရှင်တဲ့အကြောင်း စီးပွားရေးလုပ်ငန်းရှင်များအနေနဲ့ ဘုရားကို ဆက်ကပ်ပြီး လုပ်ရင် အောင်မြင်တဲ့အကြောင်း၊ သက်သေခံတာ ကြားရတော့ ကျွန်တော်သိပ်အားရတယ်။ သက်သေခံတရားဟောပြီး ၀တ်ပြုစည်းဝေးပြီးတဲ့အခါ ကျွန်တော့ကို လာနှုတ်ဆက်တယ်။ သူနဲ့ပါလာတဲ့ အဖွဲ့တွေကလည်း ကျွန်တော့်ကို လာနှုတ်ဆက်ကြတယ်။ ကျွန်တော်နဲ့ သူနဲ့ စကားပြောနေရင်း သူက ဒီမှာ ဘာတွေထွက်သလဲမေးတယ်။ ကျွန်တော်က သတ္တုရှိတယ်။ ဘာရှိတယ်။ ညာရှိတယ် ..စကားစပ်ရင်းနဲ့ ဒီပစ္စည်းလဲရှိတယ် လို့ သူ့ကို ကျွန်တော်ပြလိုက်တဲ့အခါ ..သူက ...ဟာ.. ဒီပစ္စည်းကို ငါတို့က လာအိုနိုင်ငံမှာ ရှာနေတာ၊ ဗီယက်နမ်နိုင်ငံမှာလည်း ရှာနေတာ ..ခင်ဗျားတို့နိုင်ငံမှာရှိလား...တဲ့။ ရှိတယ် .. ရွာသူရွာသားတွေပြောတာတော့ အများကြီးပဲ၊ ကောင်းပါပြီ၊ ဒါဆိုရင် ..ဟောင်ကောင်းက ကျွန်တော်တို့ရဲ့ ကုမ္ပဏီက လူကို ခင်ဗျားဆီ လွှတ်လိုက်ပါမယ်..လို့ ပြောတယ်။ ဟောင်ကောင်က သူ့ရဲ့ ကုမ္ပဏီကလူ ရောက်လာတယ်။ ရောက်လာတဲ့အခါ ကျွန်တော်နဲ့ တိုင်ပင်ညှိနှိုင်းခဲ့တယ်။ ခင်ဗျားရွာမှာ သွားမေးကြည့်ပါ။ အဲဒီပစ္စည်းကို ရွာသူ၊ရွာသားတွေကို ဘယ်လိုရောင်းမလဲ မေးခိုင်းတယ်။
ကျွန်တော်က တစ်ရွာပြီးတစ်ရွာ၊ ခရစ်ယာန်ညီအစ်ကို မောင်နှမတွေရော၊ ပြင်ပရွာတွေရော သွားပြီးတော့ အဲဒီရွာမှာရှိတဲ့ ရွာသူရွာသားတွေကို အကုန်ခေါ်မေးလိုက်တဲ့အခါ ခင်ဗျားတို့ပြောတဲ့ သိပ်မာတယ် ဆိုတဲ့ပစ္စည်း၊ ဒီပစ္စည်းတော့ ကျွန်တော်တို့လိုချင်ပါတယ်။ ဘယ်လောက်ဈေးနဲ့ ခင်ဗျားတို့ ရောင်းမလဲဆိုတော့ ..ရွာသူရွာသားတွေက ဘာပြောသလဲဆိုတော့... အောင်မလေး..ဆရာရယ်၊ ဒါ သိပ်မာလွန်းလို့ ၀က်တောင်မှ မကိုက်နိုင်ဘူး။ ၀က်တောင်မစားဖူး။ ဆရာတို့ ယူရင် ကျွန်တော်တို့ အလကားကြုံးပေးပါမယ်။ ...အလကားတော့ ဘယ်ဖြစ်မလဲ၊ ရေရှည်ယူမှာမို့လို့ ဒီရာသီမှာတော့ ဒိကိုယူမှာဆိုတော့ ရွာသူကြီးနဲ့ ရွာသူရွာသားတွေဟာ အားလုံးတိုင်ပင်ပြီး တပုံး (၁၀ိ/ တစ်ဆယ်ကျပ်) တဲ့၊ သူတို့က ကီလိုချိန်မရှိဘူး၊ ပိသာချိန်မျိုးမပေးဘူး၊ ရေနံဆီ သံပုန်းတစ်ပုံ တစ်ဆယ်ကျပ် ပြောတာ။ ဟာ.. ဒီလိုဆိုရင် သိပ်နည်းတယ်။ ခင်ဗျားတို့မကိုက်ဘူးထင်တယ်..လို့ ကျွန်တော်ပြောတော့..သူတို့က ..ဟာ.. ကိုက်တယ်။ တစ်နေ့ကို တစ်ယောက် (၁၀)ပုံးလောက်တော့ အသာလေး ကြုံးလို့ရတယ်။ ၁၀၀ိ/ ရတယ်တဲ့။ (ထိုခေတ်က တစ်ဒေါ်လာ-တစ်ရာကျပ်ခန့် ဈေးပေါက်သည်)။ ဟာ.. ဒီလိုတော့ မဖြစ်ဘူး။ ကျွန်တော်ပြန်ပြီး တိုင်ပင်ကြည့်တယ်။


ငိုင်ပင်လိုက်တဲ့အခါ ဒီဘက်ကပြောတယ်။ တောင်းတဲ့ဈေးထက် ၃ဆလောက် ပေးလိုက်ပါ..တဲ့။ ကျွန်တော်က ကောင်းပြီ၊ ခင်ဗျားတို့က (၁၀ိ/) တောင်းတယ်။ ကျွန်တော်တို့က (၃၀ိ/) ပေးမယ်ဗျာ..လို့ ရောင်းတဲ့လူက (၁၀ိ/) ထဲယူတယ်။ ၀ယ်တဲ့လူက (၃၀ိ/) ပေးတယ်။ အဲဒါနဲ့ (၃၀ိ/) ပေးတယ်ဆိုတော့ အားလုံးသဘောတူညီကြတယ်။ အားလုံး အဲဒီပစ္စည်းကို တောထဲမှာ သွားပြီး ကြုံးလာကြတယ်။ ကြိမ်ရဲ့အသီးဖြစ်ပါတယ်။ အဲဒါတွေကို နိုင်ငံခြားပြန်တင်ပို့တဲ့အခါ သူတို့တောင်းတဲ့ဈေးထက် ကွှန်တော်တို့က (၁၀) ပိုရပါတယ်။
နိုင်ငံခြားကနေ ခင်ဗျားတို့ ပစ္စည်းကို တန်ရာတန်ကြေးကတော့ ဒီလောက်ပေးပါမယ် ဆိုပြီးတော့ ပေးပါတယ်။ ဘုရားသခင်က ဘယ်လောက်အံ့သြစရာကောင်းသလဲ ဆိုတော့ အဲဒီနယ်မြေ၊ အဲဒီဒေသမှာ ဘာမှ စီးပွားရေးမရှိသော်ငြားလည်း သူဖန်ဆင်းထားတော်မူတဲ့ သဘာဝ သယံဇာတများအားဖြင့် ဘုရားရှင်ကောင်းကြီးပေးခဲ့ပါတယ်။ အဲဒါနဲ့ ကျွန်တော်တို့ဟာ ရရှိလာတဲ့ ငွေကြေး၊ မြက်လာတဲ့ ငွေကြေးများကို အနီးအနားတ၀ိုက်မှာရှိတဲ့ ယုံကြည်သူ၊ မယုံကြည်သူ ဆင်းရဲနွမ်းပါးတဲ့သူများကို ကူညီမစတယ်။ ကျွန်တော့်အမျိုးသမီးဆိုရင် ဆင်းရဲနွမ်းပါးတဲ့သူကို ကူညီမစဖို့ဆိုရင် လုံးဝမတွန့်တိုဘူး။ ကွှန်တော်က (၁၀၀) ပေးပါဆိုရင် သူက တစ်ထောင်ပေးပါ။ အဲဒီလိုမျိုး အားပေးတယ်။ အဲဒီလိုမျိုး ကျွန်တော်တို့က လိုက်ဖက်ညီကြတဲ့ အခါကြတော့ ရွာသွားရင်၊ အင်္ကျီဝတ်သွားရင် ပြန်လာရင် မရှိတော့ဘူး၊ ဆင်းရဲတဲ့ အဖိုးအဖွားနဲ့ တွေ့တဲ့အခါ ကျွန်တော်မကြည့်ရက်နိုင်ဘူး။ အင်္ကျီချွတ်ပေးခဲ့တယ်။ ပါသွားတဲ့ ပိုက်ဆံပေးခဲ့ပါတယ်။ သမ္မာကျမ်းစာထဲမှာ ဖေါ်ပြတဲ့အတိုင်း ဆင်းရဲသားကို စွန့်ကြဲတဲ့သူဟာ ချမ်းသာတယ်။ ဟုတ်ပါတယ်။ အဲဒီ ဂတိတော်အတိုင်း ကျွန်တော်တို့ တကယ်ခံစားရပါတယ်။ ဘုရားသခင်ဟာ သူ့ကို အကြွင်းမဲ့ ယုံကြည်ပြီးတော့ အမှုတော်မြတ်မှာ ပါဝင်သွားတဲ့အခါ ဘုရားသခင် ကောင်းကြီးပေးတယ် ဆိုတာ ကျွန်တော်တွေ့ရတယ်။
ဒီနေ့ မြောက်များစွာသော သူတွေ ကျွန်တော့ဆီလာပြီး အလှုငွေလာတောင်းကြတယ်။ အလှုငွေလာပေးပါ။ ခင်ဗျားတို့ စီမံကိန်းက ဘီလီယံလောက် သန်းပေါင်း ဘယ်နှစ်ထောင်နဲ့ လုပ်နေတာ .. အလှုငွေလာပေးပါ။ ကျွန်တော်ပြောတယ်။ ခင်ဗျားတို့ ဆုတောင်းပါ။ ကျွန်တော်ပိုင်တဲ့ငွေမဟုတ်ဘူး၊ ကျွန်တော်ဟာ ဘုရားသခင်ရဲ့ ဘဏ္ဍာထိန်းပဲ၊ ဒီနေ့ ဘုရားသခင် ကျွန်တော့ကို အပ်နှံထားတဲ့ ငွေပဲ။ ဘုရားဆီ တောင်းပါ။ ဘုရားဖေါ်ပြလို့ တို့ထိပေးရင် ပေးပါမယ်။ အားလုံးပေးမှာပဲ။
အခုန ပြောတဲ့ အကြောင်း ပြန်ဆက်ရရင် အဲဒီပစ္စည်းကို ဟောင်ကောင်တင်ပို့လိုက်တယ်။ သူတို့လည်း သဘောကျကြတယ်။ ကနေဒါအထိ တင်ပို့ရတယ်။ ဒီနေ့လဲ ဆက်လက်ပြီး သူတို့ထံ တင်ပို့နေရပါတယ်။ ကျွန်တော်တို့ ဆက်လုပ်ရင်း (၂)နှစ် (၃)နှစ် ဖေါ်စားပြီး၊ ပြည်သူလူထုက အကုန်လုံးသိတော့ အကုန်လုံး ဖေါ်စားတော့ ကျွန်တော်မဖေါ်တော့ပါဘူး။ အခု တံမြက်စီးပြီးတော့ သုံးနှစ်လောက်ကြာတော့ ကျွှန်တော်မဖေါ်တော့ဘူး။ သူများ အားလုံး လုပ်ကြပြီဆိုတော့ ကျွန်တော်မလုပ်တော့ဘူး။


အသီးကလေးနောက်တမျိုး
နောက်ထပ် လုပ်ငန်းလိုတယ်..လို့ ဘုရားသခင်ကို ဖေါ်ပြတယ်။ ဘုရားထံမှာ ဆုတောင်းတယ်။ ကိုယ်တော် .. နောက်ထပ် တစ်မျိုးတော့ ထပ်ပေးပါဦး၊ ကိုယ်တော်ကို ဆုတောင်းတယ်။ ဆုတောင်းတဲ့အခါ ဘုရားသခင်က ဘယ်လောက်အံ့သြစရာ ကောင်းသလဲဆိုတော့ "အခါ" လူမျိုးတွေဟာ တောရွာမှာ နေတယ်။ တနေ့သောအခါမှာ လူမျိုးအဖွားကြီး ၂ယောက်၊ ၃ယောက်ဟာ အသီးကလေးတစ်မျိုးပါလာပြီး ဈေးမှာ လိုက်ရောင်းတယ်။ စားလို့လည်းရတယ်။ ဒါပေမဲ့ အရသာက စပ်ရှိန်း၊စပ်ရှိန်းဖြစ်တယ်။ အဲဒါနဲ့ ကျွန်တော်ကြည့်လိုက်တဲ့အခါ တရုပ်ဘယဆေးမှာပါတဲ့ တရုပ်နိုင်ငံမှာ အင်မတန်နာမည်ကြီးတဲ့ တန်ဘိုးကြီးတဲ့ ဆေးဆိုတာ ကျွန်တော်သိလိုက်တယ်။ သူတို့ကို မေးကြည့်တယ်။ ဒီပစ္စည်းတွေက ဘယ်ကရသလဲ၊ ရွာအနီးအနားမှာ သူဖာသာ သဘာဝနဲ့ တအားပေါက်တာဘဲ..တဲ့။ အဲဒါနဲ့ ကျွန်တော် ရွာကိုသွားပြီးတော့ ရွာသားတွေနဲ့ ဘုရားရှိခိုးတယ်။ ယေရှုခရစ်တော်အကြောင်းကို သက်သေခံတယ်။ သူတို့နဲ့ မိတ်သဟာရဖွဲ့တယ်။ သူတို့ကိုလည်း လုပ်ငန်းပိုင်းဆိုင်ရာရော အားလုံး လမ်းပြပေးပါတယ်။ ခုန ပြောတဲ့ အသီးကိုလည်း ကျွန်တော်ဖော်ထုတ်ပြီးတော့ အခြောက်ပြုလုပ်တယ်။ တရုပ်နိုင်ငံအထိ တင်ပို့ရောင်းချတယ်။ ဒီကနေ့ အထိ၊ အင်မတန်နာမည်ကြီးတဲ့ တရုပ်ဘယဆေးမှာ ပါဝင်တဲ့ ဆေးဖြစ်ပါတယ်။
ဒီလုပ်ငန်းတွေလုပ်ကိုင်ရတာ ပိုက်ဆံမရဘူးလား..ဆိုတော့ ရတယ်။ ဒါပေမဲ့ ကျွန်တော်ဘုရားသခင်ကို ပြောတယ်။ ကိုယ်တော်... ဒီလောက်နဲ့မဖြစ်သေးဘူး။ ကိုယ်တော်ရှင်ဘုရားရဲ့ ဘုန်းတော်၊ တန်ခိုးတော်၊ နာမတော်သည် မြန်မာနိုင်ငံမှာ ကျွန်တော်တို့ကို မြင်တာနဲ့တပြိုင်ထဲ မယုံကြည်သောသူများ မြင်ခြင်းအားဖြင့် ယုံကြည်လာအောင်၊ ယုံကြည်သူများမြင်ခြင်းအားဖြင့် ခွန်အားရလာအောင် ကျွန်တော်လှူချင်ပါတယ် ....လို့ ကိုယ်တော်၊ အဲဒီလောက်အထိ ကျွန်တော်တို့ကို ချီးမြှောက်ပါ။ ပြင်ဆင်ပေးပါ။ ရရှိလာတဲ့ ငွေကြေးမှန်သမျှလည်း ကိုယ်တော်ရှင်ဘုရားရဲ့ အမှုတော်မြတ်မှာ ပါဝင်မဲ့ငွေကြေးပဲလို့ .. လင်မယား(၂)ယောက်စလုံး ဆက်ကပ်ဆုတောင်းပါတယ်။ အဲဒီလို ဆုတောင်းရင်းနဲ့ လုပ်ငန်းပိုင်းဆိုင်ရာ ဖော်ထုတ်တယ်။ အဲဒီဒေသမှာလည်း တိုးတက်လာတယ်။ ဖွံ့ဖြိုးလာတယ်။ ကျွန်တော်တို့လည်း ငွေကြေး မြောက်များစွာရလာပါတယ်။
ဘုရားကျောင်းဆောက်လုပ်
ရလာတဲ့ ငွေကြေးထဲမှာ မိမိ မိသားစူရဲ့ စားဝတ်နေရေး နေထိုင်ရေးအတွက်လောက်ပဲ ယူပြီး၊ ကျန်တဲ့ငွေကို အဲဒီဒေသမှာပဲ ပြန်လည်ပါဝင်ပါတယ်။ ကျွန်တော်ဆိုရင် အဲဒီအချိန်က တာချီလိတ်မှာ ကျွှန်တော့်ရဲ့ အိမ်မဆောက်သေးပါဘူး။ တာချီလိတ် ဘုရားကျောင်း လိုတယ်လို့ ကျွန်တော်မြင်တဲ့အခါ ကျွန်တော်တို့ သစ်လုပ်ငန်းလုပ်နေရင်းနဲ့ ရရှိလာတဲ့ ငွေကြေး မှန်သမျှကို ပုံအောပြီးတော့မှ တာချီလိတ် နှစ်ခြင်းဘုရားကျောင်း ဆောက်လိုက်တယ်။ ကျွန်တော့်အိမ် ကျွန်တော်မဆောက်သေးပါဘူး။ ဒါပေမဲ့ ကျွန်တော်အရင်ဆုံး ဘုရားကျောင်းဆောက်လိုက်ပါတယ်။ ဘာကြောင့်လဲဆိုတော့ ဘုရားသခင်ရဲ့ နှုတ်ကပတ်တော်တရားမှာ ပါတယ်။ ကျွန်တော်တို့ ဒီနေ့ ဘုရားသခင်ရဲ့ နောက်လိုက်တွေက ဘာဖြစ်လို့ ဆင်းရဲလဲဆိုတော့ ဘုရားသခင်ရဲ့ အိမ်တော်ဟာ စုတ်ပြက်နေတယ်။ အဲဒါကြောင့် ဒီလူတွေကို ဘုရားသခင်က ဆင်းရဲခိုင်းတာ၊ ဒါကြောင့် ဒီလူတွေကို ဘုရားသခင်က ဒုက္ခရောက်ခိုင်းတာ ..တဲ့။ ဟဂ္ဂဲ ကျမ်းမှာ ဖတ်ကြည့်ပါ။

(ဟဂ္ဂဲ ၁း၆ သင်တို့သည် များစွာသော မျိုးစေ့ ကိုကြဲသော်လည်း အသီးအနှံနည်းပါးရ၏။ စားရသော်လည်း ဝစွာမစားရကြ။ သောက်ရသော်လည်း ဝစွာမသောက် ရကြ။ အဝတ်ကို ဝတ်ရသော်လည်း နွေးစွာမဝတ်ရကြ။ အလုပ်လုပ်၍ အခကိုခံရသော်လည်း မလုံသောအိတ်ထဲမှာ သိုထားရ၏။ You have planted much, but have harvested little. You eat, but never have enough. You drink, but never have your fill. You put on clothes, but are not warm. You earn wages, only to put them in a purse with holes in it.” မုရန်)
ဖတ်ကြည့်ပါ။ ကျွန်တော် အဲဒီကျမ်းပိုဒ်ကိုကို ဖတ်လိုက်တဲ့အခါ အင်မတန်ခွန်အားရတယ်။ ဟာ.. ဒါဆိုရင်မဖြစ်ဘူး။ ဒီနေ့ တာချီလိတ်နှစ်ခြင်းဘုရားကျောင်း၊ ဘုရားရဲ့အိမ်တော်ဟာ ပျိုပျက်နေတယ်။ အက်နေပြီး၊ ကွဲနေပြီး၊ မိုးရွာရင် ရေတွေဝင်ပြီး ပိုက်ဆံရှိတဲ့လူတွေက အိမ်မှာ ပန်ကာနဲ့ ဇိမ်နဲ့ အားလုံးရှိကြပါတယ်။ ဒါပေမဲ့ ကျွန်တော် အဲဒီကျမ်းပိုဒ်ကို ဖတ်မိတဲ့အခါ ကျွန်တော်က ကောင်းပြီ၊ တာချီလိတ် နှစ်ခြင်းဘုရားကျောင်းကို ကျွန်တော်တို့ တာဝန်ယူမယ် ဆိုပြီး ရှိရှိသမျှငွေနဲ့ အဲဒီဘုရားကျောင်းကို ဆောက်တယ်။ ဆောက်လိုက်တဲ့အခါ ဘုရားရလည်း အံ့သြစရာထပ်ပြီး လမ်းဖွင့်ပေးတယ်။


မစ္စတာချွန်း
ကျွန်တော်ဟာ ထိုင်းနိုင်ငံမှာရှိတဲ့ မစ္စတာချွန်းနဲ့ တွေ့ခဲ့ပါတယ်။ မစ္စတာချွန်းက သူ့ရဲ့လုပ်ငန်းမှာ ပါဝင်ကူညီ လုပ်ကိုင်ဖို့ လူ (၄ယောက်) လာခေါ်ပါတယ်။ (၄)ယောက်လာခေါ်တဲ့အခါ (၄)ယောက်စလုံး လူငယ်တွေပါပဲ။ အားလုံး သူ့ရဲ့လုပ်ငန်းမှာ ပါဝင်တဲ့အခါ ကျွန်တော့်အနေနဲ့ အမြဲတမ်း နှုတ်ကပါတ်တော်မှာ သွန်သင်တဲ့အတိုင်း ကျွန်တော် ယုံကြည်လိုက်လျှောက်တယ်။ နှုတ်ကပါတ်တော် ထဲမှာ သူ့တပါးဆီမှာ အလုပ်လုပ်ရင်၊ သေးငယ်တဲ့အမှုအရာကနေ သစ္စာရှိရမယ်။ ကိုယ့်ရဲ့လုပ်ငန်းရှင်အပေါ်မှာ သစ္စာရှိရမယ် ..ဆိုတဲ့အတိုင်း ကျွန်တော် သူ့ရဲ့လုပ်ငန်း မှန်သမျှကို သစ္စာရှိစွာ ဆောင်ရွက်ပါတယ်။ သူခိုင်းသမျှ လုပ်ငန်းများကို ကျွန်တော် တသွေမတိမ်း ပြီးစီးအောင်ဆောင်ရွက်တယ်။ အမှားအယွင်းမရှိအောင် ထိန်းသိမ်းခဲ့ပါတယ်။ွ
အဲဒါကြောင့်လည်း ကျွန်တော်ဟာ သူ့ရဲ့စီးပွားရေးလုပ်ငန်း၊ သူ့ရဲ့ ငွေကြေးလုပ်ငန်းမှ စ၍ သူ့ရဲ့ နယ်စပ်ဒေသ သစ်လုပ်ငန်းတွေမှာ ကျွန်တော်ပါဝင်ပြီး ဆောင်ရွက်တယ်။ အဲဒီလို ဆောင်ရွက်တဲ့အခါ အခြား၊ အခြားသောလူဆိုရင်တော့ သူကလခနဲ့ ပေးပါတယ်။ အလုပ်စ၀င်တုန်းက ကျွန်တော့ကို မေးပါတယ်။ လခ ဘယ်လောက်ယူမလဲ..တဲ့။ ကျွန်တော် သူ့ကို ပြောတယ်။ ဆရာ ..ကျွန်တော်ကို သုံးကြည့်ပါ။ ကျွန်တော့အနေနဲ့ လခတော့ မပြောပါရစေနဲ့..။ ကျွန်တော်လုပ်တဲ့ လုပ်ငန်းအပေါ်မှာ အခြေပြုပြီးတော့ ဆရာ့အနေနဲ့ ကျွန်တော့ကို ပေးရင် ကျွန်တော်ကျေနပ်ပါတယ်..လို့ ဆိုတော့ ကျွန်တော်လုပ်ဆောင်သမျှ လုပ်ငန်းအပေါ်မှာ သူကမြင်လာတယ်။ ကျွန်တော်အမြဲတမ်း ဘုရားသခင်ကို ဆုတောင်းတယ်။ ကိုယ်တော်... ကိုယ်တော်ဟာ အသက်ရှင်တဲ့ ဘုရားဖြစ်ပါတယ်။ ကျွန်တော့်ကို အလုပ်ပြင်ဆင်ပေးတာလဲ ကိုယ်တော်ပဲဖြစ်ပါတယ်။ ကျွန်တော်လည်း သစ္စာရှိစွာ လုပ်ဆောင်ပါမယ်။ ကိုယ်တော်၏ ဘုန်းတော်၊ တန်ခိုးတော်၊ နာမတော် ထင်ရှားနိုင်ဖို့ရန်အတွက် အလုပ်လုပ်တဲ့အခါ ကိုယ်တော်၏ ကျွန်၊ ကျွန်တော်မျိုးကိုလည်း ချီးမြှောက်တော်မူပါလို့ ..ဆက်ကပ်ဆုတောင်းတယ်။
သူခိုင်းသမျှလုပ်ငန်းကို မြန်မာနိုင်ငံမှာရော၊ အခြားနိုင်ငံမှာပါ အားလုံး တသွေမတိမ်း ကျွန်တော်ဆောင်ရွက်ပေးပါတယ်။ သစ္စာရှိစွာနဲ့ ဆောင်ရွက်ပေးတယ်။ အဲဒီလို ဆောင်ရွက်တဲ့အခါ သူက ကျွန်တော့်ကို ဘာပြောသလဲဆိုတော့ ခင်ဗျားဟာ လခနဲ့တော့ မဟုတ်ဘူးတဲ့။ ခင်ဗျားနဲ့ ကျွန်တော်ဟာ Partner တဲ့။ ကျွန်တော်ခင်ဗျားကို ရှယ်ယာ Share ခွဲပေးမယ်။ Profit-Sharing တဲ့။ အဲဒီအချိန်တုံးက အဆောက်အဦလုပ်ငန်း Construction ငါးခုလောက် ရှိပါတယ်။ အဲဒီကစပြီးတော့ သူ ကျွန်တော့ကို Profit Sharing အနေနဲ့ ထွက်လာသမျှ အမြက်အပေါ်မှာ ကုန်ကြမ်းအပေါ်မှာပါ သူ ကျွန်တော့ကို အမြက်အစွန်းပေးတဲ့အခါ ကျွန်တော် ပိုက်ဆံကြီးကြီးကျယ်ကျယ် ရလာပါတယ်။ ချမ်းလဲချမ်းသာလာပါတယ်။
အဲဒီ ငွေကြေးတွေနဲ့ပဲ၊ ကျွန်တော် ဘုရားသခင်ရဲ့လုပ်ငန်းမှာ ပါဝင်ပါတယ်။ ကျွန်တော် ဘုရားသခင်ရဲ့ လုပ်ငန်းမှာ ပါဝင်တဲ့အခါ ဆယ်ဖို့တစ်ဖို့၊ မကပါဘူး။ ဆယ်ဖို့ ဘယ်နှစ်ဖို့မှန်းရယ်တော့ ကျွန်တော်မမှတ်မိပါဘူး။ တစ်နှစ်၊ တစ်နှစ်မှာ သန်းပေါင်း ရာနဲ့ချီပြီးတော့ ကျွန်တော် ဘုရားသခင်ရဲ့လုပ်ငန်းမှာ ပါဝင်ပါတယ်။ ဘုရားသခင်လုပ်ငန်းကို အဲဒီလို ပါဝင်လေလေ၊ ဘုရားသခင်ကောင်းကြီးပေးလေလေ ပဲဆိုတာ ကျွန်တော် လက်တွေ့ခံစားရပါတယ်။


မေဖလာဝါးထရိတ်ဒင်း
မစ္စတာချွန်းနဲ့ ကျွန်တော်က လုပ်ငန်းများကို လေး..ငါး..ခြောက်နှစ်လောက် အတူတူ လုပ်ကိုင်တဲ့အခါမှာ ရန်ကုန်မြို့မှာ ကိုယ်ပိုင်စီးပွားရေးလုပ်ငန်း ထူထောင်ဖို့ ဘုရားရှင် ကျွန်တော့်ိကု ဖေါ်ပြပါတယ်။ မိမိရဲ့လူမျိုး၊ မိမိရဲ့နိုင်ငံ တိုးတက်ဖွံ့ဖြိုးအောင် လုပ်ဖို့ လိုနေပြီဖြစ်ကြောင်း ဘုရားသခင် ကျွန်တော့်ကို ဖေါ်ပြပါတယ်။ ဖွင့်လစ်တဲ့အခါ ကျွန်တော့်ညီရှိတယ်။ ညီနှစ်ယောက်ပါပါတယ်။ ဦးမိုးဇက်ကတော့ ပထမပိုင်းတွေ့လိုက်တယ်။ ခဏလေး အိမ်ပြန်သွားတယ်။ ဘာကြောင့်အိမ်ပြန်သွားသလဲ ဆိုတော့ ကျိုင်းတုံးမှာ သွားဆုတောင်းနေတာ၊ ကျွန်တော်ရဲ့ လုပ်ငန်းတွေ လုပ်သင့်၊ မလုပ်သင့် တော်တော်ကြာ ဆုတောင်းတယ်။ ဆုတောင်းပြီး အဖြေရတဲ့အခါ သူကပြန်ရောက်လာပါတယ်။ အဲဒါနဲ့ ဒီနေ့အထိ ကျွန်တော်ရဲ့ လုပ်ငန်းမှာ လက်တွဲဆောင်ရွက်နေပါတယ်။
ဒေါ်ခင်သန်းထွေးကတော့ ရောက်ရောက်ချင်း ကျွန်တော်ကြည့်တော့ ပါးမှာ သနပ်ခါးလေးနဲ့ လခ (၁၅၀၀ိ/) နဲ့ စခန့်ပါတယ်။ (မှတ်ချက် - in 1989 exchange US$1.00=kyat 30). အင်မတန်မှ သစ္စာရှိပါတယ်။ ဒီလိုသစ္စာရှိတဲ့ ပုဂ္ဂိုလ်ဟာ ဘုရားသခင် အမြဲတမ်းချီးမြှောက်ပါတယ်။ ရန်ကုန်မှာ စပြီးတော့ စီးပွားရေးလုပ်ငန်းဖြစ်တဲ့ Trading လုပ်ငန်းတွေ၊ သွင်းကုန်၊ထုတ်ကုန် လုပ်ငန်းတွေ စတင်ပြီး လုပ်ကိုင်ပါတယ်။ မေဖလားဝါး Trading လုပ်ကိုင်နေရင်း ဘုရားရဲ့ ကျေးဇူးတော်ကြောင့် ဘဏ်လုပ်ငန်းကို လုပ်ပါဆိုတဲ့ ဖေါ်ပြချက်ကို ရပါတယ်။ ရတဲ့အခါမှာလည်း ဘုရားရားရှင်ကို ဆုတောင်းတယ်။ ကိုယ်တော်..ကိုယ်တော်ရဲ့ ဂတိတော်ရှိပါတယ်။ ဘာပဲလုပ်လုပ် ကျွန်တော်ယုံကြည်သူဟာ ထိပ်ကပဲ နေရမှာပဲ။ သူများထက်ကို သာကိုသာရမှာပဲ။ ကိုယ်တော်ဟာ အသက်ရှင်တဲ့ ဘုရားဖြစ်ပါတယ်။ ကိုယ်တော် ကျွန်တော့်ကို ဆက်ပြီး တိုး၍ ကောင်းကြီးပေးသနားတော်မူပါ။ ဘဏ်တွေ ဖွင့်တယ်။ ဖွင့်တဲ့အခါမှာလည်း အောင်မြင်မှု အပြည့်အ၀ ရတယ်။ ကျွန်တော်တို့ ဒီနေ့ ပြည်တွင်းဘဏ်လုပ်ငန်း ဘဏ်ခွဲ(၁၁)ခု ဖွင့်ထားပြီးတော့ ပြည်ပ ဘဏ်လုပ်ငန်း ဘဏ်ခွဲ(၅)ခု အထိ ဖွင့်ပြီး ဆောင်ရွက်နိုင်ခဲ့ပါတယ်။ မြန်မာနိုင်ငံမှာ ပထမဆုံး ATM စက်တွေ၊ ဒီစက်တွေဟာ အင်မတန်ခက်ခဲပါတယ်။ ရင်းနှီးမတည်မှုငွေဟာလည်း ဒေါ်လာသန်းနဲ့ချီပြီးတော့ ရင်းနှီးရတယ်။ ဒါတွေဟာ လက်ထဲမှာ ငွေအဆင်သင့်ရှိလို့ လုပ်တာမဟုတ်ပါဘူး။ ယုံကြည်ခြင်းနဲ့ဖြစ်ပါတယ်။ ဒီ Project သန်းပေါင်း (၇)ထောင် ကုန်မယ်။ ကိုယ်တော် .. ကိုယ်တော်အလိုရှိလျှင် လုပ်မယ်လို့ ဆက်ကပ်ပြီးတော့ ဘုရားရှင်ဆီက တိတိကျကျနဲ့ ဖေါ်ပြချက်ရပြီးမှ ဒီ Project ကိုလုပ်ပါတယ်။ အောင်မြင်တယ်။ လိုအပ်တဲ့ ငွေကြေးကို ကျွန်တော်ရပါတယ်။


ဘုရားရှင်ထံဆုတောင်းပြီးခွင့်တောင်း
ယခု ဖတ်ရှုနေတဲ့ ညီအစ်ကို မောင်နှမတွေလည်း အလားတူပဲ၊ ကျွန်တော် ဘာကို တိုက်တွန်းချင်သလဲ ..ဆိုတော့၊ မိမိစီးပွားရေးလုပ်ငန်း တစ်ခုခု လုပ်တော့မယ်ဆိုရင် အရင်ဆုံး ဘုရားသခင်ကို ဆက်ကပ်ဆုတောင်းပါ။ ဘုရားသခင်ဆီက တိကျတဲ့ အဖြေရရင် စတင်လုပ်ဆောင်ပါ။ ဘုရားရှင်ခွင့်ပြုတဲ့အလုပ်ဆိုရင်တော့ လုပ်သာလုပ်ပါ။ မအောင်မြင်စရာ အကြောင်းမရှိပါဘူး။ ဘာဖြစ်လို့လဲ ဆိုတော့ ဘုရားသခင်ပါတာကိုး၊ ကျွန်တော်လည်း အဲဒီလိုပဲ ဘဏ်လုပ်ငန်းကို ဆောင်ရွက်တဲ့အခါ ကိုယ်ကျွမ်းကျင်လို့ မဟုတ်ဘူး။ ဘဏ်လုပ်ငန်းမှာ ကျွန်တော် ဘာမှ နားမလည်ပါဘူး။ ဒါပေမဲ့ ..ကိုယ်တော်... ကိုယ်တော်ဟာ အသက်ရှင်တဲ့ဘုရား၊ စင်္ကြာဝဌာကို ဖန်ဆင်းတဲ့ဘုရား၊ ကိုယ်တော် နားမလည်နိုင်တဲ့အရာ တစ်ခုမှ မရှိပါဘူး။ ကိုယ်တော်ဟာ အရာခပ်သိမ်းကို တပ်နိုင်တဲ့ဘုရားဖြစ်ပါတယ်။ ကျွန်တော် ဒီလုပ်ငန်း လုပ်တဲ့အခါ ကိုယ်တော်က ဦးစီး၊ဦးဆောင် လုပ်ပါ။ ကျွန်တော်က တံဆာပလာအဖြစ်ပဲ ပါဝင်မှာဖြစ်ပါတယ်။ ဒီ ဘဏ်လုပ်ငန်းမှာလည်း အောင်မြင်မှုကို ပေးပါ...လို့ ဆုတောင်းဆက်ကပ်ထားတဲ့အတိုင်း အံ့သြဘွယ်အောင်မြင်မှုကို ဘုရားပေးပါတယ်။ ဒီနေ့ ကျွန်တော်တို့ ဘဏ်လုပ်ငန်းမှာ ငွေ သန်းပေါင်းကိုးထောင်နဲ့ တစ်သောင်းနီးပါးလောက် လုပ်ကိုင်နေရတဲ့အခြေအနေထိ ဘုရားသခင် ကောင်းကြီးပေးပါတယ်။
သမ္မာကျမ်းစာထဲမှာ ပါတယ်။ ရွှေကလည်း ဘုရားသခင်ပိုင်တာပဲ။ ငွေကလည်း ဘုရားသခင်ပိုင်တာပဲ။ ကျွန်တော်တို့ ဘုရားသခင်ဆီ ဆက်ကပ်ဆုတောင်းပြီး လုပ်ငန်းလုပ်ရင် ဘုရားရှင်က ကောင်းကြီးပေးမှာ ဖြစ်ပါတယ်။ စက်ရုံလုပ်ငန်းလည်း အလားတူပဲ အံ့သြစရာကောင်းပါတယ်။ ကျွန်တော် ဘုရားရှင်ကို ဆုတောင်းတယ်။ ကိုယ်တော်... မြန်မာနိုင်ငံမှာတော့ ကုန်ချောထုတ်လုပ်တာကို နိုင်ငံတော်အနေနဲ့ အားပေးပြီး ကုန်ကြမ်းကို နိုင်ငံခြားသို့ တင်ပို့တာကို အားမပေးတော့ပါဘူး။ ပြည်တွင်းမှာ လုပ်ငန်းပိုမိုအဆင်ပြေ ချောမွေ့စေရေးနဲ့၊ ပြည်သူလူထု နိုင်ငံတော်ကနေ ကျွန်တော်တို့ကို လမ်းညွှန်ပေးလိုက်တဲ့အခါ .. ကိုယ်တော်.. သစ်လုံးထုတ်လို့မရတော့ဘူး။ အရင့် အရင်တုန်းကတော့ မြန်မာ့သစ်လုပ်ငန်းဆီက သစ်လုံး ၀ယ်ပြီးထုတ်၊ ထုတ်သွားပြီးရောင်းရင် အမြက်ရတယ်။ ကိုယ်တော်...အခု မဖြစ်တော့ဘူး။ ဘယ်လိုလုပ်မလဲ. ..စက်ရုံထောင်ဖို့ လိုနေပြီ။


အထပ်သားစက်ရုံရင်းနှီးမြှပ်နှံမှု
အထပ်သားစက်ရုံတို့၊ ဖေါ်မီကာစက်ရုံတို့ လုပ်မယ်ဆိုရင် စက်ရုံနဲ့ စက်တွေအတွက် ဒေါ်လာဆယ်သန်း၊ ရင်းနှီးမတည်ငွေ ထောက်ထပ် ဆယ်သန်း၊ အားလုံး သန်း၂၀လောက် ရင်းနှီးရမယ်။ ဒီအရင်းအနှီးနဲ့ ဒီစက်ရုံထောင်တော့မယ်၊ ကိုယ်တော် ..ကောင်းတဲ့ Investor တစ်ယောက်လောက် ပို့ပေးပါ...လို့ ဆုတောင်းတယ်။ ဆုတောင်းတဲ့အခါ ဘုရားသခင်က တကယ်အံ့သြဖွယ် အဖြေပေးခဲ့ပါတယ်။ ဖိလစ်ပိုင်နိုင်ငံမှာ အခြေချတဲ့ မစ္စတာချင်စုကို ဘုရားသခင်က ရန်ကုန်ခရီး ပို့ပေးပါတယ်။ မစ္စတာချင်စုဟာ လေဆိပ်မှာ ကျွန်တော့်ကို လက်ဆွဲနှုတ်ဆက်တာနဲ့ တစ်ခါထဲ ကျွန်တော် ခင်ဗျားကို မြင်တာနဲ့ ခင်ဗျားနဲ့ကျွန်တော် လုပ်ငန်းလုပ်ချင်တယ်။ ကျွန်တော်က "..မဟုတ်ပါဘူး။ နဲနဲ .လေ့လာပါဦး.." အဲဒီညမှာပဲ မဟုတ်ဘူး။ ကျွန်တော့ကို လက်ခံပါ။ ကျွန်တော် ချက်ခြင်းဆုံးဖြက်လိုက်မယ်..တဲ့။ ခင်ဗျား ဘာလုပ်ချင်သလဲ..စက်ရုံလုပ်မယ်ဆိုရင်..ကျွန်တော် ခင်ဗျားနဲ့လုပ်မယ်။ ....ဘုရားသခင်တန်ခိုးတော်ဟာ ဘယ်လောက် အံ့သြစရာကောင်းသလဲ...ဆိုတော့ ..လူ့အနေနဲ့စဉ်းစားရင် နိုင်ငံခြား Investor ရင်းနှီးမြှပ်နှံသူ တစ်ယောက်ကို ခေါ်ရင် စာရေးပြီး ရှင်းပြရမယ်။ အမျိုးစုံ လုပ်ပေးရမယ်။ ဒါတောင်မှ သူတို့က စဉ်းစားဦးမှာ..။
ဒါပေမဲ့ ရင်းနှီးမြှပ်နှံသူ Investor ကျတော့ ဒီလိုမဟုတ်ဘူး။ လေဆိပ်မှာ စတွေ့ပြီး ကျွန်တော့ကို လက်ဆွဲနှုတ်ဆက်တာနဲ့ တပြိုင်ထဲ သူကပြောတယ်။ ကျွန်တော် ခင်ဗျားနဲ့ အလုပ်အတူတူလုပ်မယ်။ ဒါက ကျွန်တော် တော်လို့လား...မဟုတ်ပါဘူး။ ကျွန်တော် အရည်အချင်းရှိလို့လား ...မဟုတ်ပါဘူး။ ကျွန်တော်ကိုးကွယ်တဲ့ ဘုရားသခင်ဟာ ခပ်သိမ်းသောအရာကို တတ်နိုင်တဲ့ဘုရား၊ တန်ခိုးကြီးတဲ့ ဘုရားသခင်ရဲ့ ၀ိညာဉ်တော်တန်ခိုးဟာ သူ့ကို တို့ထိလိုက်တဲ့အခါ သူမခံနိုင်ဘူး။ ကျွန်တော်နဲ့ လက်ဆွဲ နှုတ်ဆက်တာနဲ့ ကျွန်တော်နဲ့ အလုပ်လုပ်ချင်တယ်။ ဒေါ်လာသန်းပေါင်း ဘယ်လောက်ကုန်မှာလဲ ...တဲ့။ ကျွန်တော်ပါဝင်ပါရစေ..တဲ့။ ကျွန်တော် သူ့ကို ရှင်းပြတယ်။ အထပ်သားစက်ရုံတစ်ခု လုပ်ကြရအောင်။ ဟာ.. ဒါဆိုရင် ဟုတ်ပြီ...တဲ့။ ကျွန်တော်ဆုံးဖြတ်လိုက်ပြီ။ စက်ကို ကျွန်တော်ပြန်သွားပြီး ၀ယ်မယ်တဲ့။ ဘာမှ သဘောတူညီချက် Agrement မထိုးဘူး။ အဲဒီလို ပြောပြီးတော့ ဒီမှာ ၂ရက် - ၃ရက်လောက် နေပြီးတဲ့အခါ ဖိလစ်ပိုင်နိုင်ငံကို ပြန်ပြီး ချက်ချင်း အထပ်သားစက်ရုံအတွက် စက်တွေဝယ်ပြီး ဟိုကနေ ပို့တော့မယ်လုပ်တော့ ..ကျွန်တော်တဲ့။က နေပါဦး၊ ဒီမှာက လျှောက်လွှာတွေတောင် မတင်ရသေးဘူး။ မပို့ပါနဲ့အုံး..လို့ .. အဲဒီလောက်အထိ တားယူရတယ်။

သစ္စာရှိသောဘုရား
ဒါ ကျွန်တော်၊ ဘာဆိုလိုချင်သလဲ..ဆိုတော့၊ ဘုရားသခင်ဟာ အသက်ရှင်တော်မူတဲ့ ဘုရား၊ ကျွန်တော်တို့ လုပ်ငန်းတစ်ခုခု လုပ်တဲ့အခါ မိမိအမူအရာကို ထာဝရဘုရား၌ အပ်လော့။ သို့ပြုလျှင် စီရင်ပေးမယ်...ဆိုတဲ့ ဘုရားဂတိတော်ကို ဘယ်တော့မှ မပျက်ကွက်ဘူး။ ပျက်ကွက်တာ ခင်ဗျားတို့ ကျွန်တော်တို့ပဲ။ သစ္စာမရှိတာ ခင်ဗျားတို့၊ ကျွန်တော်တို့ပဲ။ ဘုရားသခင်ကတော့ အမြဲတမ်း သစ္စာရှိတယ်။ အမြဲတမ်း ဂတိတည်တယ်။ အခုနက ပြောတဲ့အတိုင်း ဘုရားသခင်က သစ္စာရှိတယ်။ ယခုဘ၀၊ နောင်ဘ၀နဲ့ စပ်ဆိုင်တဲ့ ဂတိတော်ကို ပေးတဲ့ဘုရား။ အဲဒီ ဂတိတော်ကို ပေးတဲ့ဘုရားသခင်ကို ဒီကနေ့ ကျွန်တော်တို့ အချိန်မနှောင်းသေးဘူး။ ယခု ဖတ်ရှုနေတဲ့ ညီအစ်ကို၊ မောင်နှမများထဲမှာ စီးပွားရေးလုပ်ငန်းရှင်လည်း ရှိမှာပဲ။ အသက်အရွယ်ကြီးတဲ့လူလည်း ရှိမှာပဲ။ အချိန်နောက်မကျသေးဘူး။ ယခုအချိန်ဟာ တကယ် ဘုရားသခင်ကောင်းကြီးပေးတဲ့အချိန်ပဲ။




အိမ်ယာစီမံကိန်း
မစ္စတာချင်စုဟာ (၇၄)နှစ် ရှိပြီ။ ကျွန်တော်တို့ စက်ရုံလုပ်တဲ့အခါ သူဘာပြောသလဲ ဆိုတော့၊ ကျွန်တော်တို့ကို ခွင့်ပြုချက် အနည်းဆုံး အနှစ်(၆၀) တောင်းပေးပါ ..တဲ့။ သူက (၇၄)နှစ်ရှိပြီနော်.. အနှစ်(၆၀)တောင်းခိုင်းတယ်။ တကယ့်ကို စိတ်အားကြီးပါတယ်။ အဲဒါနဲ့ပဲ သူနဲ့ပတ်သက်ပြီးတော့ ကျွန်တော် ဖိလစ်ပိုင်နိုင်ငံကို ခဏခဏ ရောက်သွားတယ်။ ဖိလစ်ပိုင်နိုင်ငံရောက်တဲ့အခါ သူလုပ်ထားတဲ့ လုပ်ငန်းတွေက တော်တော့ကို ကြီးကျယ်တယ်။ အဲဒီအထဲမှာ အိမ်ယာစီမံကိန်းတွေ လုပ်ဖို့ တကယ်အင်မတန် လိုအပ်ပါသလား။ သူများနိုင်ငံမှာ ဒီလောက်တောင် တိုးတက်ဖွံ့ဖြိုးနေပြီး ကျွန်တော်တို့နိုင်ငံလည်း တိုးတက်ဖွံ့ဖြိုးအောင် လုပ်ဖို့လိုအပ်နေပြီလို့ .. ကျွန်တော်စိတ်ထဲမှာ ခံစားရတဲ့အခါမှာ ဘုရားရှင်ကို ဆုတောင်းတယ်။
ကိုယ်တော်.... ကျွန်တော်တို့နိုင်ငံ တိုးတက်ဖွံ့ဖြိုးအောင် ကျွန်တော်တို့နိုင်ငံမှာ ရှိတဲ့ လူကြီးတွေ ကောင်းကြီးပေးပါ။ ကျွန်တော့်ကိုလည်း ကောင်းကြီးပေးပါ။ ကျွန်တော်တို့ အိမ်ယာစီမံကိန်း လုပ်တဲ့အခါ ဘယ်လိုဆောက်မလဲ။ ဘယ်လို လုပ်ရမလဲ၊ လမ်းပြပေးပါလို့... ဘုရားသခင်ကို ဆုတောင်းတယ်။ ဆုတောင်းတဲ့အခါ ဘုရားကလည်း ကောင်းကြီးပေးလျှက် လမ်းပြပါတယ်။ အိမ်ယာစီမံကိန်း တစ်ခုပြီးတစ်ခု၊ ကျွန်တော်ဆောင်ရွက်တာ၊ ဆောင်ရွက်သမျှ အိမ်ယာစီမံကိန်းတွေ အားလုံး၊ ဘုရားသခင် ကောင်းကြီးပေးပါတယ်။ အိမ်ယာစီမံကိန်းမှာ အိမ်တွေ ရောင်းတော့မယ်လို့ ပြောလိုက်ရင် နှစ်ပတ်အတောအတွင်း အားလုံးကုန်သွားတယ်။ ဒါဟာ ဘယ်သူလုပ်ပေးလို့လဲ... ဘုရား..ပါဝင်လို့ ဘုရားရှင်လုပ်ပေးလို့ ဘုရားသခင်ကောင်းကြီးပေးလို့ ဖြစ်ပါတယ်။
အဲဒါနဲ့... အဲဒီ မစ္စတာချင်စုနဲ့ လုပ်ငန်းအတူတူ ပူးပေါင်းလုပ်တဲ့အခါ ကျွန်တော် ဖိလစ်ပိုင်နိုင်ငံကို မကြာခဏ သွားရပါတယ်။ ရောက်တဲ့နေရာမှာ ကျွန်တော် ဘုရားကျောင်းတက်တယ်။ တစ်နေ့ကျတော့ ဘုရားကျောင်းရောက်တော့ ၀တ်ပြုအစည်းအဝေးမှာ သက်သေခံကြတယ်။ ကျွန်တော်လည်း တက်ပြီးတော့ သက်သေခံတာပဲ။ ယေရှုခရစ်တော်ဟာ အသက်ရှင်တဲ့ ဘုရားဖြစ်ကြောင်း၊ ကျွန်တော့ကို ဘယ်လို၊ ဘယ်လို ကောင်းကြီးပေးတဲ့အကြောင်း၊ ဒီကနေ့ အထိတိုင်အောင်း ဘယ်လောက်ထိ တန်ခိုးကြီးတဲ့အကြောင်း သက်သေခံတယ်။
နိုင်ငံတော်နှင့်ဖြောင့်မတ်ခြင်းအရင်ရှာ
နောက်ကျတော့ ပုဂ္ဂိုလ်တစ်ယောက်လဲ တက်ပြီး သက်သေခံတယ်။ သူက သက်သေခံတဲ့အခါမှာ သူ့ရဲ့အသက်တာကို ဘုရားသခင်က ဘယ်လိုကောင်းကြီးပေးလို့ တိုင်ဝမ်နိုင်ငံကနေ ဖိလစ်ပိုင်နိုင်ငံ ရောက်လာတဲ့အကြောင်း၊ ဖိလစ်ပိုင်နိုင်ငံမှာ ဘယ်လောက်အထိ ချမ်းသာပြီးတော့ ဒီနေ့ တိုင်ဝမ်နိုင်ငံမှာ ဒုတိယအဆင့်ထိ ချမ်းသာတဲ့သူ ဖြစ်ကြောင်း သက်သေခံတယ်။ ကွှန်တော် ကြားတော့ သိပ်အားကျသွားတာပဲ။ အဲဒီပုဂ္ဂိုလ်ဟာ ဒီလောက်တောင် ချမ်းသာတယ်။ ကျွန်တော်လည်း ဘုရားသခင် နာမတော်နဲ့ မြန်မာနိုင်ငံမှာ ချမ်းသာချင်တယ်။ ဘာပဲဖြစ်ဖြစ် ချမ်းသာတယ်ဆိုတာ ၀ါကြွားဖို့မဟုတ်ပါဘူး။ ဘုရားသခင်ဟာ အသက်ရှင်တဲ့ဘုရား၊ ကြွယ်ဝတဲ့ဘုရား၊ ဂတိတည်တဲ့ဘုရားဖြစ်ကြောင်း ကျွန်တော်ရဲ့ အသက်တာအားဖြင့် သက်သေထူဖို့ ဖြစ်ပါတယ်။ ယုံကြည်သူများအနေနဲ့ ကျွန်တော့်ကို မြင်ခြင်းအားဖြင့် ကိုယ်တော့ကို ပိုမိုအားကိုးချင်လာအောင် ယုံကြည်ခြင်း ပိုမိုတိုးပွားအောင်၊ မယုံကြည်သူများအနေနဲ့ ကျွန်တော်တို့ လုပ်ငန်းများကို မြင်တဲ့အခါ ယေရှုခရစ်တော်ဟာ အသက်ရှင်တဲ့ ဘုရားရှင်ဖြစ်ကြောင်း၊ သိရှိပြီး ယုံကြည်လက်ခံဖို့ရန် ကျွန်တော်ကိုလည်း ချမ်းသာခွင့်ပြုပါလို့... အဲဒီကတည်းက အဲဒီဘုရားကျောင်းမှာ ကျွန်တော်စပြီး ဆုတောင်းတယ်။
အဲဒီပုဂ္ဂိုလ်ကို ကျွန်တော်က ခင်ဗျား ဒီလောက်ချမ်းသာတယ်ဆိုတော့ ခင်ဗျား ဘာလုပ်ငန်းလုပ်လဲ၊ ဘယ်လိုချမ်းသာလာသလဲ...နည်းနည်းအသေးစိတ် ပြောပြပါဦးလို့ ကျွန်တော်မေးတော့ သူက ကျွန်တော့ကို ပြောပြတယ်။ တိုင်ဝမ်မှာ သူ၊ နေ့တိုင်း ဘုရားကျောင်းတက်တယ်။ ဧ၀ံဂေလိ လုပ်ငန်းမှာ ပါဝင်တယ်။ သင်းအုပ်ဆရာတွေ၊ တရားဟောဆရာတွေလည်း ဟောကြားပါတယ်။ ဘုရားသခင်၏ နိုင်ငံတော်နဲ့ ဖြောင့်မတ်ခြင်း တရားကို ရှေးဦးစွာရှာပါ။ ကျန်တဲ့အရာပေးမဲ့အကြောင်း ဧ၀ံဂေလိလုပ်ငန်းမှာ ပါဝင်ရင်တော့ ကောင်းကြီးမင်္ဂလာ ရမဲ့အကြောင်း ကြားတဲ့အခါမှာ သူ့မိန်းမနဲ့တိုင်ပင်တယ်။ ငါတို့တော့ ဆုတောင်းဖို့ လိုနေပြီ၊ ဘုရားသခင်ကတော့ ငါတို့ကို တစ်ခုခု စီစဉ်ပေးမှာပဲ ဆိုပြီး လင်မယား၂ယောက်စလုံး သားသမီးတွေနဲ့ ဆက်ကပ်ဆုတောင်းတဲ့အခါ တစ်နေ့ကြတော့ ဘုရားသခင် သူ့ကို ဘာဖေါ်ပြသလဲ ဆိုတော့ ဖိလစ်ပိုင်နိုင်ငံကို သွားပါ။ အဲဒီလိုပဲ သူ့ကို ဘုရားသခင်က ဖိလစ်ပိုင်နိုင်ငံကို သွားခိုင်းတာ သူစဉ်းစားတယ်။ ဖိလစ်ပိုင်မှာ မုန်တိုင်းလဲရှိတယ်။ စီးပွားရေးလည်း မကောင်းဘူး။ ကျွန်တော် အဲဒီနေရာသွားရင် ဘယ်ဖြစ်မလဲ၊ ဒါပေမဲ့ နောက်ဆုံးတော့ ဘုရားသခင်ဖေါ်ပြတဲ့အတိုင်း သူ့အမျိုးသမီးနဲ့အတူ ဆက်ကပ်ဆုတောင်းပြီးတော့ ဖိလစ်ပိုင်နိုင်ငံကို သွားတယ်။ ရောက်သွားတဲ့အခါ နေရာအနှံအပြားမှာ အလုပ်လိုက်ရှာတယ်။ အဲဒီလို အလုပ်လိုက်ရှာရင်း တစ်နေ့ကျတော့ ပင်လယ်ကမ်းခြေမှာ လမ်းလျှောက်တဲ့အခါ အုန်းပင်တွေ အများကြီး သူမြင်တယ်။ မြင်တဲ့အခါ အဲဒီမှာ အုန်းသီးဈေး သူမေးကြည့်တဲ့အခါ တစ်လုံးကို ၂ပီဆို (US$ 5 cent = 2 peso) လောက်ပေးရတယ်။ အကောင်းဆုံးဆို တစ်လုံးကို ၃ပီဆို သာမန်အားဖြင့် အများကြီးယူရင်တော့ တစ်လုံးကို (၁)ပီဆိုနဲ့တောင် ရတယ်။
အဲဒီ အုန်ုးံသီးတွေကို သူမြင်တဲ့အခါ သူက .. ကိုယ်တော်ရဲ့ကျေးဇူးတော်ကို ချီးမွမ်းပါတယ်။ ကိုယ်တော် ကွှန်တော့ကို ဒီကိုပို့ဆောင်တာ ဒီအုန်းသီးအားဖြင့် ကျွန်တော် ချမ်းသာမှာပဲ လို့ ကျွန်တော်ယုံကြည်ပါတယ်။ ဖိလစ်ပိုင်နိုင်ငံမှာ အုန်းသီးပင် အင်မတန်ပေါများပါတယ်။ သူက ဘုရားသခင် သျူ့ကို ဖေါ်ပြတဲ့အတိုင်း အဲဒီလိုပဲ ကျေးဇူးတော်ချီးမွမ်းပြီး ဆုတောင်းတယ်။ ပြီးတော့ ဆက်လက်လမ်းလျှောက်လာတဲ့အခါ ဂျပန်အုပ်စုနဲ့ သွားတွေ့တယ်။
ဂျပန်အုပ်စုနဲ့ တွေ့တဲ့အခါ မိတ်ဖွဲ့တယ်။ ဘယ်ကလာသလဲ၊ ဘာ..ညာနဲ့။ ခင်ဗျားက ယုံကြည်သူလား၊ ဂျပန်အုပ်စုကလည်း ကျွန်တော်တို့လည်း ယုံကြည်သူပဲ ဆိုပြီး မိတ်ဖွဲ့လိုက်ကြတဲ့အခါ တစ်ယောက်နဲ့ တစ်ယောက် သိသွားကြတယ်။ သိသွားတဲ့အခါ စကားပြောရင်းနဲ့ ဂျပန်အုပ်စုက လူတွေက ခင်ဗျားဒီမှာ ဘာအလုပ်လုပ်လဲ ဆိုတော့ ကျွန်တော် ဘာမှ အလုပ်မရှိပါဘူး။ ဒါပေမဲ့ ဂျပန်အုပ်စုက ကျွန်တော်တို့ ဖိလစ်ပိုင်နိုင်ငံကလာတာ စီးပွားလာရှာတာ၊ အုန်းရည် ဂျပန်နိုင်ငံတင်ပို့ရန် အတွက် ကျွန်တော်တို့လာတယ်..ခင်ဗျားစိတ်ဝင်စားသလား..စိတ်ဝင်စားရင်၊ ခင်ဗျားလုပ်ပါလား..ဆိုတော့ ."ကျွန်တော့မှာ အရင်းအနှီးမရှိပါဘူး။ ဒီမှာ လုပ်ငန်းလာရှာတာပါ" လို့ ပြောတော့ ဂျပန်တွေက မပူနဲ့။ ကျွန်တော်တို့ အရင်းအနှီးထုတ်ပေးမယ်။ ခင်ဗျား ဒီမှာ ဒိုင်ခံပြီးတော့ အုန်းရည်ကို အကုန်လုံးယူ၊ သင်္ဘောနဲ့ အစီးလိုက် ဂျပန်နိုင်ငံကို ပို့ပါ။
ဘုရားသခင်ရဲ့ တန်ခိုးတော် ဘုရားသခင်ရဲ့ အကြံအစည်တော်၊ ဘုရားသခင် စီစဉ်ပေးတဲ့အခါ ဘယ်လောက်အထိ အံ့သြစရာကောင်းသလဲ ဆိုတော့ ဘာမှမရှိတဲ့ လူတစ်ယောက် ဖိလစ်ပိုင်နိုင်ငံရောက်တဲ့အခါ၊ အဲဒီအုန်းရည်ကို ဂျပန်ပို့ရင်းနဲ့ ဒီနေ့ သန်းကြွယ်၊ ကုဋေကြွယ် ဘီလျှံနာအထိ ချမ်းသာလာပြီး လေယဉ် (၇)စီး အထိ ပိုင်တယ်။ အဲဒီအချိန်မှာ ကွှန်တော့်နှလုံးသားထဲမှာ မိသားစုနဲ့ ဆက်ကပ်တဲ့အခါ လေယာဉ် တောင်ပိုင်တယ်။ ကျွန်တော်လည်း မြန်မာနိုင်ငံမှာ ဆုတောင်းပြီး တစ်နေ့ကျရင် လေယာဉ်ကို ပိုင်ရမယ် ..လို့ ကျွန်တော်ဆုတောင်းတယ်။







ရန်ကုန်အဲယားဝေး(စ်) YANGON AIRWAYS
ှဆုတောင်းပြီး လွန်ခဲ့တဲ့ တစ်နှစ်ကျော်တုံးက ကျွန်တော်ကြိးစားကြည့်တယ်။ ဒါပေမဲ့ အချိန်မတန်ဘူး။ တော်တော်ကြိုးစားပါတယ်။ လေယာဉ်ဝယ်ဖို့ရယ်။ မြန်မာနိုင်ငံမှာ လေကြောင်းပျံသန်းဖို့ အစီအစဉ်ရယ် တော်တော်ကြိုးစားခဲ့တယ်။ ဘုရားသခင်က စောင့်ပါ။ အချိန်မတန်သေးဘူး။ ယခုအချိန်မှာ မင်းလုပ်ရင်တော့ အောင်မြင်မှာမဟုတ်ဘူုး။ စောင့်ပါ၊ ကျွန်တော်လည်း သည်းခံပြီးတော့ စောင့်ပါတယ်။ ဆက်လက်ဆုတောင်းတယ်။ ဇွဲမလျှော့ပါဘူး။ ဆုတောင်းတယ်။ အဲဒါနဲ့ ဘုရားသခင်ကျေးဇူးတော်ကြောင့် ဇူလိုင်လမှာ ကျွန်တော်တို့ နိုင်ငံ အာစီယံဝင်လိုက်တဲ့အခါ နိုင်ငံတကာက ကျွန်တော်တို့မြန်မာနိုင်ငံမှာ စီးပွားရေးရင်းနှီးမြှတ်နှံဖို့ ၀င်ရောက်လာကြပါတယ်။ သြဂုတ်လ (၁)ရက်နေ့က စပြီး ကျွန်တော် YANGON လေကြောင်းကို စတင်ပြီး လုပ်ဆောင်ခွင့်ရခဲ့တယ်။ ဘုရားသခင်ပြင်ဆင်ပေးတာ ဘယ်လောက် အံ့သြစရာကောင်းသလဲ။ လွန်ခဲ့တဲ့နှစ်မှာ မလုပ်ပါနဲ့အုံး၊ စောပါသေးတယ်.. ယခုအချိန်မှာ အံဝင်ခွင်ကျပဲ။ ကျွန်တော်တို့ လေကြောင်းရခဲ့တယ်။

ရန်ကုန်ကနေ - မန္တလေး၊ ပုဂံ၊ မြစ်ကြီးနား၊ မော်လမြိုင်၊ ကော့သောင်း၊ မြိတ်၊ ထားဝယ်၊ တာချီလိတ် စသဖြင့် လိုင်းများကို ပြေးဆွဲခဲ့ပါတယ်။ ယခင့် ယခင် ရင်းနှီးမြှတ်နှံသူ (Investor) လုပ်တုံးကဆိုရင် တစ်လမှာ ဒေါ်လာ၃သိန်းကျော်လောက် ရှုံးတယ်။ တစ်နှစ်မှာ ဒေါ်လာ သုံးသန်းကျော်ရှုံးပါတယ်။ လူတွေက ကျွန်တော့ကို ရယ်ကြတယ်။ ကျော်ဝင်းဆိုတဲ့လူက ဦးနှောက်မရှိဘူး၊ ဒီလေကြောင်း သူများလုပ်နေတာ တစ်နှစ် ဒေါ်လာ၃သန်းကျော်တောင်း ရှုံးနေတာ၊ သူကတော့ လုပ်ရဲတယ်။ ဒါပေမဲ့ ကျွန်တော် သူတို့ကို ပြောပြတယ်။ ခင်ဗျားတို့မမြင်နိုင်တဲ့ ဘုရားသခင် ကျွန်တော်နဲ့ အတူ ပါရှိနေတယ်။ ဘုရားသခင် ကျွန်တော့်ကို လုပ်ပါဆိုလို့ ကျွန်တော်ဆောင်ရွက်မှာပဲ။ ဒီလဟာ ကျွန်တော် ပထမဆုံး ယူလိုက်တဲ့လပဲ။ ဒေါ်လာ ၅သိန်း ခြောက်သောင်းကျော်လောက် ၀င်ငွေရှိတယ်။ အရှုံးက နည်းနည်းကလေးပဲ ရှိတော့တယ်။
ဒီကနေ့ ကျွန်တော် ဒါတွေ ဘာလို့ ပြောနေသလဲဆိုတော့ မိမိအသက်တာမှာ ငါကြွားဝါချင်လို့လား၊ မဟုတ်ပါဘူး။ ကျွန်တော်လုပ်နိုင်လို့လား၊ မလုပ်နိုင်ပါဘူး။ ကျွန်တော်အလကားလူပါ။ ကျွန်တော် အသုံးမကျပါဘူး။ ကျွန်တော့မှာ အရည်အချင်းမရှိပါဘူး။ ကျွန်တော့မှာ ကြံစည်နိုင်တဲ့ ဦးနှောက်မရှိပါဘူး။ ဒါပေမဲ့ ကျွန်တော်ကိုးကွယ်တဲ့ ယေရှုခရစ်တော် ဘုရားဟာ အရာခပ်သိမ်းကို တတ်နိုင်စွမ်းတဲ့ဘုရား၊ ကျွန်တော်လုပ်သမျှ လုပ်ငန်းဆောင်တာ မှန်သမျှ ဘုရားသခင် ကို အပ်နှံတယ်။ ဘုရားသခင် အလုပ်ဆို ကျွန်တော်လုပ်တယ်။ အဲဒါကြောင့် လုပ်ငန်းမှန်သမျှ အောင်မြင်တယ်။
ဒီနေ့ ကျွန်တော်ဆောင်ရွက်နေတဲ့ စက်ရုံလုပ်ငန်း၊ အိမ်ယာစီမံကိန်းလုပ်ငန်း၊ ဘဏ်လုပ်ငန်း၊ လေကြောင်းပို့ဆောင်ရေးလုပ်ငန်း၊ အခြာအခြားသော စီးပွားရေးလုပ်ငန်း၊ နိုင်ငံခြားမှာ ရင်နှီးမြှတ်နှံထားတဲ့ လုပ်ငန်း၊ အခုဆိုရင် မလေးရှား၊ ဂျပန်၊ စင်ကာပူ၊ ဖိလစ်ပိုင် နိုင်ငံအားလုံးမှာ လုပ်ထားတယ်။ ၀င်ရောက်ရှုပ်ပြီးတော့ ကိုယ်တိုင်လာလုပ်တဲ့ လုပ်ငန်းဆိုတာ မရှိဘူး။ ဒါဆို ကျွန်တော်ဘာဖြစ်လို့ ဖေါ်ပြချင်သလဲ ဆိုတော့ ကျွန်တော့်အနေနဲ့ အရည်အချင်းမရှိသော်ငြားလည်း ဘုရားသခင်ကိုယ်တိုင် ဦးစီး၊ ဦးဆောင်ပြီး ကျွန်တော်က တံဆာပလာအဖြစ်သာ ပါဝင်လုပ်သွားတဲ့အခါ လုပ်ငန်းအားလုံး အောင်မြင်တယ်ဆိုတာ တွေ့ရတယ်။ ဒါဟာ ဘုရားသခင်ရဲ့ ကျေးဇူးတော်ကြောင့်ပဲ ဖြစ်ပါတယ်။
ဒါကြောင့် ချစ်သော စာဖတ်သူ၊ ခရစ်ယန်ညီအစ်ကို မောင်နှမများ အနေနဲ့ ၀န်ထမ်းတွေလည်း ရှိမှာပဲ။ စီးပွားရေးလုပ်ငန်းရှင်လည်း ရှိမှာပဲ၊ မွေးမြူရေးလုပ်ငန်းရှင်လဲ ရှိမှာပဲ၊ လယ်ယာလုပ်တဲ့ လုပ်ငန်းရှင်လဲ ရှိမှာပဲ။ စက်ရုံလုပ်တဲ့ ပုဂ္ဂိုလ်တွေလည်း ရှိမှာပဲ။ မိမိလုပ်ဆောင်နေတဲ့ စီးပွားရေးလုပ်ငန်းမှန်သမျှကို သမ္မာကျမ်းစာထဲမှာ ပါတဲ့အတိုင်း မိမိအမူအရာကို ထာဝရဘုရားထံ အပ်လော့။ သို့ပြုလျှင် စီရင်တော်မူလိမ့်မည်၊ အပ်လိုက်ပါ။ အပ်လိုက်ရင် ဘုရားသခင်ဟာ သူ ဂတိတော်အတိုင်း သင့်ကို ကောင်းကြီးပေးမှာဖြစ်ပါတယ်။ ကိုယ့်တာကိုဝန်ထပ် မထမ်းပါနဲ့လို့ ကျွန်တော်ရဲ့ ၀န်ထမ်းတွေကို ကျွန်တော် အမြဲတမ်းပြောပါတယ်။
ငြိမ်သက်ခြင်းရှိ
တော်တော်များများ မိတ်ဆွေတွေက ကျွန်တော့်ကို မေးကြပါတယ်။ လုပ်ငန်း ဒီလောက်တောင် များနေတာ၊ နိုင်ငံခြားမှာရော၊ ပြည်တွင်းမှာရော၊ ဒီလောက်တောင် ငွေရေး၊ကြေးရေးနဲ့ ခင်ဗျားဦးနှောက် ဘယ်လိုလုပ်သလဲ။ ကျွန်တော် သိပ်အိပ်လို့ ကောင်းတယ်။ (၉)နာရီခွဲမှ နိုးတယ်။ ဘယ်တော့မှ လုပ်ငန်းတွေနဲ့ ပတ်သက်ပြီး အိပ်မပျော်တာတို့၊ စားမ၀င်တာတို့ ၊ စိတ်ပူတာတို့ မရှိခဲ့ပါဘူး။ ခင်ဗျားတို့ ကျွန်တော့်တို့ရဲ့ အမူအရာကို ဘုရားသခင်နဲ့ အပ်ပါ။ အင်မတန်ပေ့ါပါးတယ်။ ဒီကမ္ဘာကြီးဟာ အင်မတန် ပျော်စရာကောင်းပါတယ်။

မခြားမလပ်ဆုတောင်းပါ
ဘုရားသခင်ဟာ ကောင်းကင်မှာ ရှိတဲ့ဘုန်းစည်းစိမ်းနဲ့တကွ ယေရှုခရစ်တော်ဟားဖြင့် ခင်ဗျားတို့ ၊ ကျွန်တော်တို့ကို ပေးမှာပဲ။ ဒါပေမဲ့ လိုတာကတော့ ခင်ဗျားတို့၊ ကျွန်တော်တို့ပဲ။ သူ့ရဲ့ ဂတိတော်အတိုင်း မခြားမလပ် ဆုတောင်းဖို့ ဖြစ်ပါတယ်။ ဘာဖြစ်လို့လဲ ဆိုတော့ .. ကျွန်တော်တို့ ခရစ်ယာန် ညီအစ်ကိုမောင်နှမများ အနေနဲ့ စုံစမ်းနှောက်ယှက်ခြင်းနှင့် ကင်းလွတ်မည့်အကြောင်း၊ မခြားမလပ် ဆုတောင်းဖို့တော့ လိုတယ်။ ဒီနေ့ ကျွန်တော်တို့ ခရစ်ယာန်တွေဟာ ကောင်းကြီမခံစားရတာ၊ စုံစမ်းနှောက်ရှက်ခြင်းကို မရင်ဆိုင်နိုင်တာတွေဟာ မခြားမလပ် ဆုမတောင်းလို့ပဲ ဖြစ်ပါတယ်။ သမ္မာကျမ်းစာထဲမှာ ပါတာပဲ။ စုံစမ်းနှောက်ရှက်ခြင်းနှင့် ကင်းလွတ်မည့်အကြောင်း ဆုတောင်းရမယ်။ သမ္မာကျမ်းစာထဲမှာ ဖေါ်ပြထားတဲ့အတိုင်း ခင်ဗျားတို့၊ ကျွန်တော်တို့ လိုက်လျှောက်မယ်ဆိုရင် မအောင်မြင်စရာ၊. အကြောင်းမရှိပါဘူး။ သမ္မာကျမ်းစာကို အစအဆုံး (၇)ကြိမ်တိတိ ကျွန်တော်ဖတ်ပြီးပါပြီ၊ ခရစ်ယာန်ဖြစ်ရင် တသက်လုံး ဆင်းရဲရမယ်..လို့ .. ကျွန်တော် ဘယ်ကျမ်းပိုဒ်မှာမှ မတွေ့ပါဘူး။ ဒါပေမဲ့ ဆင်းရဲခြင်းတလှည့်၊ ချမ်းသာခြင်းတလှည့်တော့ ပေးမှာပဲလို့ သုတ္တံကျမ်းမှာ ပါပါတယ်။ ခရစ်ယန်ဖြစ်ရင် ဆင်းရဲရမယ်။ ကုတ်ခြောင်း၊ကုတ်ခြောင်းနဲ့ လွယ်အိတ်ကလေး တစ်လုံးလွယ်ပြီး နေရာတကာ တောင်းစားရမယ်လို့ မဖော်ပြထားပါဘူး။



အပ်နှံပါ။
ဘုရားသခင်ဟာ တန်ခိုးကြီးတဲ့ ဘုရားဖြစ်ပါတယ်။ ဒါကြောင့် ဒီနေ့ လောကမှာ နေတဲ့အခါ ကျွန်တော်တို့ စီးပွားရေးလုပ်ငန်းတွေ ဆောင်ရွက်နေတဲ့အခါ စက်မှုလုပ်ငန်းတွေ ဆောင်ရွက်တဲ့အခါ၊ စိုက်ပျိုးရေးလုပ်ငန်းတွေ ဆောင်ရွက်တဲ့အခါ၊ ဘုရားသခင်ကို အပ်နှံပါ။ ဘုရားသခင်အတူပါရှိရင် မအောင်မြင်စရာ အကြောင်းမရှိပါဘူး။ ကျွန်တော် ဘုရားသခင်ကို ပြောတယ်။ ကိုယ်တော် - ကျွန်တော် သက်သေခံတဲ့အခါ ဟိုနိုင်ငံက ဘယ်ပုဂ္ဂိုလ်ချမ်းသာတယ်။ ဒီနိုင်ငံက ဘယ်ပုဂ္ဂိုလ် ချမ်းသာတယ်လို့ ကျွန်တော် အဲဒီလို သက်သေမခံချင်ဘူး။ ကိုယ်တော် --- ကိုယ်တော်ဟာ အသက်ရှင်တဲ့ဘုရား၊ ကျွန်တော့်ကိုလည်း ချမ်းသာရသော အခွင့်ကို ပေးပါ။
ကျွန်တော်တို့ မြန်မာနိုင်ငံမှာ နေတဲ့သူကို ချမ်းသာအောင် မပြုလုပ်ပေးနိုင်ရင်တော့ ကိုယ်တော်ဟာ ဘယ်လိုလုပ် အသက်ရှငခ်ံတဲ့ဘုရားဖြစ်မှာလဲ။ ဘယ်လိုလုပ် တရားမှာလဲ၊ နိုင်ငံခြားကလူတွေကိုတော့ ချမ်းသာခွင့်ပေးပြီး၊ ကျွန်တော်တို့ မြန်မာနိုင်ငံကလူတွေကိုတော့ ချမ်းသာခွင့်မပေးဘူး၊ ကျွန်တော်တို့ ချင်းတောင်က လူတွေကိုတော့ ချမ်းသာခွင့်မပေးဘူး၊ ၊ ကျွန်တော်တို့ ဒီလူမျိုးကို မချမ်းသာခိုင်းဘူး မဟုတ်ပါဘူး။ ဗမာလူမျိုးဖြစ်ဖြစ်၊ ချင်းလူမျိုးဖြစ်ဖြစ်၊ မည်သည့်လူမျိုးမဆို ဒီအသက်ရှင်တော်မူတဲ့ ဘုရားသခင်ကို ကိုးကွယ်ရင်တော့ တန်းတူရည်တူ၊ ခံစားခွင့်ရမှာ ဖြစ်ပါတယ်။ ဒါပေမဲ့ အရေးကြီးတာကတော့ သမ္မာကျမ်းစာထဲမှာ ဖော်ပြထားတဲ့ ဘုရားသခင်ရဲ့ စကားအတိုင်း ယုံကြည်ခြင်း အပြည်နဲ့ လက်တွေ့ တိကျစွာ နာခံလိုက်လျှောက်ဖို့ ဖြစ်ပါတယ်။
အဲဒီလို အသက်ရှင်သွားမယ်ဆိုရင်တော့ ဒီလောကမှာ ကျွန်တော်တို့အသက်ရှင်တာဟာ အင်မတန်မှ ပျော်စရာကောင်းတဲ့ အသက်တာရရှိပြီး၊ စိတ်ရဲ့ ငြိမ်သက်ခြင်း၊ ၀မ်းမြောက်ခြင်း နဲ့ ဥစ္စာပစ္စည်းကြွယ်ဝခြင်း ကို ခံစားရမှာဖြစ်ပါတယ်။ အဲဒီအပြင် နောင်တမလွန်ဘ၀ကျရင်လည်း ကောင်းကင်နိုင်ငံမှာ ဘုရားသခင်နဲ့အတူ စိုးစံရမှာဖြစ်တဲ့အကြောင်း သက်သေခံဝေငှပါတယ်။ ဖတ်ရှုသူအပေါင်း ခန္နာ၊ စိတ်၊ ၀ိညာဉ် (၃)ပါးစလုံး ကောင်းစားပြီး ဘုရားသခင်ရဲ့ အမှုတော်မြတ်မှာ တိုး၍ ပါဝင်နိုင်ပါစေသော်။
အာမင်........
Rev. U Kyaw Win's Testimony (1997)

ကျမ်းပိုဒ်များ ဘုရားသခင်နှင့် အကျွမ်းဝင်၍ မိဿဟာယဖွဲ့လော့။ ထိုသို့ပြုမှ ကောင်းစားခြင်းသို့ ရောက်ရလိမ့်မည်။ နှုတ်တော်ထွက်တရားကို ခံယူ၍ စကားတော်ကို နှလုံး၌ သွင်းပါလော့၊ ယောဘ ၂၂း ၂၁-၂၂

ထာဝရဘုရားကို ကြောက်ရွံ့၍၊ လမ်းခရီးတော်သို့ လိုက်သွားသမျှသော သူတို့သည် မင်္ဂလာရှိကြ၏။ ထိုသို့ပြုလျှင် သင်သည် မိမိလက်နှင့် လုပ်ဆောင်၍ရသော အစာကိုစားရလိမ့်မည်။ မင်္ဂလာရှိ၍ ကောင်းစား ရလိမ့်မည်။ ဆာလံ ၁၂၈း ၁-၂

မတရားသောသူတို့၏ တိုက်တွန်းခြင်းသို့ မလိုက်၊၊ လူဆိုးတို့၏ လမ်းတွင်မရပ်မနေ၊ မထီမဲ့မြင် ပြုသောသူတို့၏ အစည်းအဝေး၌ မထိုင်၊ ထာဝရဘုရား၏ တရားတော်၌ မွေ့လျော်၍ တရားတော်ကို နေ့ညဥ့်မပြတ်ဆင်ခြင် အောက်မေ့သောသူသည် မင်္ဂလာရှိ၏၊၊ အကြောင်းမူကား၊ ထိုသူသည် မြစ်နားမှာ စိုက်လျက် မိမိအချိန်တန်မှ အသီးကိုသီး၍ အရွက်မညှိုးနွမ်းတတ်သော အပင်နှင့်တူ၏၊၊ ပြုလေသမျှတို့၌ အောင်လိမ့်သတည်း၊၊ ဆာလံ ၁း ၁-၃


မှတ်ချက်။ (မုရန်)
ဦးကျော်ဝင်းသည် ဘုရားဘုန်းတော်ထင်ရှားစေသောမြန်မာလူမျိုးတစ်ဦးဖြစ်သည်။ မြန်မာပြည်တွင် ၁၉၉၀နောက်ပိုင်း လူတိုင်းအမေရိကန်ဒေါ်လာဘဏ်စာရင်းဖြင့် နိုင်ငံခြားငွေ US$ dollar a/c ဖွင့်နိုင်သော ပထမဆုံးပုဂ္ဂလိကဘဏ် (မေဖလားဝါးဘဏ်) ဖြစ်သည်။ ရန်ကုန်တွင် ATM ပထမဆုံးစတင်ခဲ့ပြီး၊ တစ်နိုင်ငံလုံး ဘဏ်ခွဲပေါင်း ၃၀၀ကျော်ဖွင့်နိုင်ခဲ့သည်။ ရန်ကုန်လေကြောင်းဖြင့် ပထမဆုံး လေယာဉ်ပိုင်သူဖြစ်ခဲ့သည်။ ၁၉၉၈ ကမ္ဘာစီးပွားကပ်ဆိုက်သောအခါ မြန်မာနိုင်ငံ စစ်အာဏာရှင်အစိုးရသည်၊ တိုင်းပြည်ကို ကမ္ဘာနှင့်အဆက်သွယ်ဖြက်ရန် Isolation လမ်းစဉ်ကို ရွေးချယ်ခဲ့သည်။ ထိုအချိန်က မြန်မာနိုင်ငံဘဏ်များတွင် ဒေါ်လာငွေကို တရားဝင် အကောင့်ဖွင့်နိုင်သော မေဖလားဝါးဘဏ်ကို ဒေါ်လာကိုင်ခွင့်ရပ်နားစေခဲ့သည်။ ဆရာဦးကျော်ဝင်းသည် မိမိ စီးပွားလုပ်ငန်းများကို ရပ်ဆိုင်းခိုင်းသည်ဟု ယုံကြည်သောကြောင့် မြန်မာနိုင်ငံမှာ ခွာရန် ဆုတောင်းဆုံးဖြတ်ခဲ့သည်။ ၃ပတ်အတွင်း အဓိကလုပ်ငန်းကြီး၂ခု (မေဖလားဝါးဘဏ်လုပ်ငန်းနှင့် ရန်ကုန်လေကြောင်းလုပ်ငန်း) ၂ခုကို ၀ယ်မည့်သူ ပေါ်လာသဖြင့် တစ်နှစ်အတွင်း အပြီးရောင်းချပြီး မြန်မာပြည်မှာ ထွက်ခွာခဲ့သည်။ စစ်အာဏာရှင်များကြောင့် စိတ်ပျက်ရသော ဆရာဦးကျော်ဝင်းသည် တိုင်ဝမ်နှင့်သြစတြေးလျှား နိုင်ငံများသို့ ပြောင်ရွှေ့သွားပြီး ဖိလစ်ပိုင်တွင် ကျမ်းစာကျောင်းမှာ Ph.D (Old Testaments) ရရှိခဲ့သည်။ ထို့နောက် C.I.S.T Christian Institute School of Theology ကျမ်းစာကျောင်းတွင် ကျောင်းအုပ်အဖြစ် တာဝန်ယူရင်း၊ နိုင်ငံတကာ တထူးသဖြင့် အရှေ့တောင်အာရှ မြန်မာ၊ ဘန်ကောက်၊ မလေးရှား၊ စင်ကာပူ၊ တိုင်ဝမ်၊ သြစကြေးလျှားများတွင် မစ်ရှင်ခရီးစဉ်များဖြင့် ဧ၀ံဂေလိတရားဟောပွဲများ ကျင်ပလျှက်ရှိသည်။ ရံဖန်ရံခါ မြန်မာနိုင်ငံအတွက်စီးပွာအကြံပေးခြင်းကို လုပ်ဆောင်ရင်း၊ ၂၀၁၁ နောက်ပိုင်းတွင် တိုင်ဝမ်အစိုးရသစ်အတွက် အချိန်ပြည့်စီးပွားလုပ်ငန်းများလုပ်ဆောင်လျှက်ရှိသည်။ မြန်မာပြည်အစိုးရသစ် ပြုပြင်ပြောင်းလဲရေးတွင်၊ မြန်မာခရစ်ယာန်လူငယ်များ တတပ်တစ်အား ပါဝင်နိုင်ရေး စံနမူနာယူနိုင်ရန် ပြန်လည်ဖေါ်ပြခြင်းဖြစ်သည်။ ဆရာဦးကျော်ဝင်း ဘုရားကောင်းကြီးမင်္ဂလာနှင့် ဘုန်းတော်၊နာမတော်ထင်ရှားစေမည့် အမှုတော်ပြန်ဆောင်ရွက်ခြင်းများအတွက် ဆုတောင်းပါသည်။

မုရန် (၂၁-ဖေ-၂၀၁၃)

Reference
1. မူရင်း၊ စောဌေးလွင်၊ အမှတ် (၃၅၃)၊ ကျွန်တော(၉)လမ်း၊ တွံတေးမြို့၊ ရန်ကုန်တိုင်း၊ ဖုံး ၀၄၅-၅၀၄၃၁
2. English http://www.burmesebible.com/media/books/ukyawwin-mayflower.htm
3. Recocities http://www.reocities.com/shwe_oversea/MayFlower_UKyawWin/UKyawWin.html
4. Rev. U Kyw Win (Dr, Ph.D) Sermons http://burmesebible.com/judson/story/ukw/index.htm

http://www.murann.com/ezine/index.php?option=com_content&view=article&id=1619:-qq-rev-u-khaw-win-dr-phd&catid=1:spiritual&Itemid=2