ကို စိန်သန်း shared မြ၀တီ's photo.
ပခုက္ကူ ဒေသသည် ယခင်က သွားလာမှု ခက်ခဲသည်။ မန္တလေး သွားလိုလျှင် မြင်းခြံသို့ မော်တော်တစ်တန် မြင်းလှည်းတစ်တန် သွားရသည်။
ရန်ကုန် သွားချင်လျှင် မော်တော်စီး၍ ညောင်ဦးမှ တစ်ဆင့် လိုရာခရီး သွားကြရသည်။ ဇက်နှင့် တစ်ဖုံ စက်လှေတစ်မျိုး သွားလာ ခဲ့ရသည်။ အချို့က ပခုက္ကူမြို့ကို ''ဆူးကြားထဲက နှင်းဆီမြို့''ဟု တင်စား ခေါ်ကြသည်။ ပခုက္ကူ ဒေသသည် နယ်ပယ် ကျယ်ဝန်းသည်။ သီးနှံ၊ သယံဇာတ ပေါများသည်။ ဘာသာ သာသနာ ထွန်းကားသည်။
လူပုဂ္ဂိုလ်၊ ရဟန်းပုဂ္ဂိုလ်၊ ပညာရှင် များ ပေါ်ပေါက်ရာ မှီတင်း နေထိုင်ရာ ဒေသလည်း ဖြစ်သည်။ ယနေ့ ခေတ်အခါတွင် ဆင်ဖြူရှင်- ဧရာဝတီမြစ်ကူး တံတားကြီး များကြောင့် မြို့ပြ လူနေမှု အဆင့်အတန်း မြင့်လာသည်။ သွားလမ်း လာလမ်း လွယ်ကူ လာသည်။
မကြာခင် ကောင်းကင်လမ်းပါ အဆင်ပြေ လာမည်ဆိုလျှင် နှင်းဆီမြို့သည် အတိုင်းထက် အလွန် ဖွံ့ဖြိုး လာမည်မှာ အမှန်ဖြစ်သည်။ ကုန်းလမ်း၊ ရေလမ်းအား ကောင်းလာသော ကြောင့်လည်းကောင်း၊ တန်းခိုးကြီး ဗုဒ္ဓရုပ်ပွား တော်များ ကိန်းဝပ် စံပျော် ရာ ဒေသ လည်း ဖြစ်သောကြောင့် ပြည်တွင်း ဧည့်သည် ပြည်ပဧည့်သည် များပါ အဝင်အထွက် များလာ သည်။ ပခုက္ကူ ဒေသ၏ နာမည်ကျော် ရှင်မတောင် သနပ်ခါး အားလည်း ပြည် တွင်းမှ ဝယ်ယူ အားပေးမှု များလာသည်။ ပခုက္ကူ ရောက်သူတိုင်း အိမ်ပြန်လက်ဆောင် ရှင်မတောင် သနပ်ခါးကို တစ်ခုတ်တစ်ရ ဝယ်ယူကြသည်။ နာမည်ကျော် ရှင်မတောင် သနပ်ခါးအား ပြည်တွင်း ခရီးသည်များသာ ဝယ်ယူသည် မဟုတ်ပါ အင်္ဂလန်နိုင်ငံ ဘာမင် ဂန် မြို့သူလေးများကပါ စိတ်ဝင်တစား ဝယ်ယူ နေကြသည်ကို မျက်ဝါး ထင်ထင် တွေ့မြင် မှတ်တမ်း တင်မိသည်။ ပခုက္ကူ ဒေသ ရှင်မတောင် သနပ်ခါးသည် မြန်မာကျော် သာမက ကမ္ဘာတိုင်အောင် ကျော်ကြား တော့မည်မို့ ဒေသခံ ပြည်သူတစ်ဦး မိမိဒေသ ချစ်စိတ် မြန်မာပြည်ချစ် စိတ်နှင့် မြန်မာ့အလှ ရှင်မတောင် သနပ်ခါးအား ဂုဏ်ယူရေးသား တင်ပြ လိုက်ရပါသည်။
နေဦးမောင် (ပခုက္ကူ)
http://bit.ly/Xzp1A7
No comments:
Post a Comment
မိတ်ဆွေ...အချိန်လေးရရင် blogg မှာစာလာဖတ်ပါနော်
ဗဟုသုတ ရနိုင်တယ်။