အဆိုတော် လင်းလင်းနှင့် တွေ့ဆုံ၊ မေးမြန်းခြင်း

Sa Maung shared The Myanma Age's photo.

အဆိုတော် လင်းလင်းနှင့် တွေ့ဆုံ၊ မေးမြန်းခြင်း

ရန်ကုန်၊ ဒီဇင်ဘာ၊၂၀။

တေးရေးဘက်မှာရော၊ တေးဆိုဘက်မှာပါ နာမည်ရထားတဲ့ အဆိုတော် လင်းလင်းဟာ မကြာခင် အချိန်တွင်းမှာ ...ချစ်သုဝေနဲ့ အတူသီဆိုထားတဲ့
ဂျူးလီးယက် တေးအယ်လ်ဘမ်း ဟာပရိတ်သတ်ရှေ့ကို
ရောက်ရှိတော့မှာဖြစ်ပါတယ်။ လက်ပံတောင်းတောင် ကိစ္စတွင်
ဒေါ်အောင်ဆန်းစုကြည် ခေါင်းဆောင်သော စုံစမ်း၊စစ်ဆေး
ရေး ကော်မရှင်နှင့် ပတ်သက်ပြီး အဆိုတော်လင်းလင်းက အမေက ပြည်သူ၊ လူထုကို ဘယ်တော့မှ မလိမ်ဘူး၊ မညာဘူးဆိုတဲ့ အဖြေကို
ရပြီးသား ဖြစ်တဲ့အတွက် ရလာမယ့် ရလဒ်တွေကို ဘာမှ မျှော်လင့်
မထားဘူး။ အဲဒါတစ်ခုနဲ့တင် ကျွန်တော်တို့ စိတ်အေး၊ လက်အေး အိပ်လို့ရပြီဟုပြောသည်။
မြန်မာ့ခေတ် ။ ။အခုလှုပ်ရှားဖြစ်နေတဲ့အနုပညာအကြောင်းလေး
ကို စပြောလိုက်ရအောင်။

လင်းလင်း။ ။ လောလောဆယ်တော့ ဇန်နဝါရီလ(၄)ရက်နေ့မှာ အကိုနဲ့ ထရီဇာနဲ့ ဂျုးလီးယက် ခွေလေးထွက်မယ်။ အဲစီးရီးထွက်ဖို့
လုပ်နေတယ်။ နောက်ပြီး အကိုရဲ့တတိရစီးရီကို ဖေဖဝါရီ၊ မတ်လောက်မှာ ထွက်ဖို့ လုပ်နေတယ်။ ရန်ကုန်၊ မန္တလေးလောက်မှရှိုးဆိုဖို့ ရှိတယ်။ New Yearက ရန်ကုန်မှာရှိမယ်။ New Year ညရှိုးဆိုပြီးတော့ သူငယ်ချင်းတွေနဲ့ လက်ဘက်ရည်သောက်၊ ဘာသောက် အဲလောက်ပဲ ရှိမယ်။

မြန်မာ့ခေတ် ။ ။ နောက်ထွက်မယ့် အကိုရဲ့တတိယ တကိုယ်တော်စီးရီးကရော အကိုဘဲ ရေးထားတာလား။ချစ်သုဝေနဲ့ ဆိုတဲ့ထဲမှာရော အကိုရေးထားတာ ဘယ်နှစ်ပုဒ်လောက် ပါလဲ။

လင်းလင်း။ ။ အားလုံးနီးပါး အကိုရေးထားတယ်။ ကိုဇဝါနဲ့ အတူပေါင်းရေးထားတာ တစ်ပုဒ်ပါမယ်။ ပြီးရင် ကိုအယ်ဖြူ ရေးထားတာ တစ်ပုဒ်ပါမယ်။ အဲဒါ လောလောဆယ် အခြေအနေထိပါ။ ချစ်သုဝေနဲ့ ဆိုတဲ့ထဲမှာ ကိုကေအေတီနဲ့ တွဲရေးတာ တစ်ပုဒ်ပါမယ်။ ကိုဇဝါနဲ့ တစ်ပုဒ်၊ စံပေးသီချင်းတစ်ပုဒ်ပါမယ်။ ပြီးရင် ကိုအယ်ဖြူ သီချင်းတစ်ပုဒ်ပါမယ်။
ကျန်တာ အကိုရေးတာ များတယ်။

မြန်မာ့ခေတ် ။ ။ အကိုအနေနဲ့ သီချင်းရေးတဲ့အခါ ဘယ်လိုစိတ်ကူးမျိုးနဲ့ ရေးဖြစ်လဲ။ သီချင်းလာ အပ်တဲ့အခါဘယ်လို လက်ခံဖြစ်လဲ။

လင်းလင်း။ ။ လက်ရှိလောကထဲက အဆိုတော်တွေဆို ပြသနာ မရှိဘူး။ ကိုယ်က အသံတွေ ကြားဖူးထားတယ်ဆိုတော့ တကယ်လို့ အသစ်လုပ်တဲ့ အဆိုတော်မျိုးဆို အကိုက သူ့အသံကို အကြမ်းအရင် နား ထောင်တယ်။ ဂစ်တာတလတ်နဲ့ တီးထားတဲ့ အသံပဲ ဖြစ်ဖြစ် Record ယူလာခိုင်းတယ်။ ယူလာခိုင်းပြီးတော့ အကြမ်းနားထောင်တယ်။ နားထောင်ပြီးတော့မှ အဆင်ပြေတယ်ဆို ကိုယ်ရေးလို့ရမယ်၊ အဆင်
ပြေမယ်၊ ကိုယ်လုပ်နိုင်သလောက်ကို လိုက်နိုင်မယ်ဆိုတာမျိုး၊ အံဝင်ကွင်ကျဖြစ်နိုင်မယ်ဆိုရေးတယ်။ တကယ်လို့ ဆိုးဆိုးရွားရွား ကီးတောင်မတည့်တာမျိုး၊ လွဲနေတာမျိုး၊ အသံကြမ်းနေတာမျိုး၊ ကိုယ်စိတ်ထဲမှာ အစဉ်မပြေရင် ရေးမပေးဖြစ်ဘူး။

မြန်မာ့ခေတ် ။ ။ ဟိုတနေ့က လူကုန်ကူးမှုနဲ့ ပတ်သက်နေတဲ့ ရှိုးပွဲလေးက ပြည်သူတွေကို ဘယ်လိုအသိပေးချင်တဲ့ ရည်ရွယ်ချက်မျိုးလဲ အကိုအနေနဲ့ ဘယ်လိုမြင်လဲ။

လင်းလင်း။ ။ အကိုအနေနဲ့ အကောင်းမြင်တယ်။ သူ့ခေါင်းစဉ်ကိုက ရည်ရွယ်ချက်ကောင်းတဲ့ ခေါင်းစဉ်မို့လို့လေ။ ဒီလကုန်ကူးမှု ခေါင်းစဉ်အောက်မှာ လုပ်တဲ့အတွက် အကောင်းမြင်တယ်။ ဒီလိုမျိုးပွဲကြီးမျိုး၊ ဒီလိုမျိုး ကမ္ဘာ ကျော် အဆိုတော်ကြီးမျိုး၊ ဒီလိုမျိုး ရွှေတိဂုံရဲ့ရှေ့ ပြည်သူ့ရင်ပြင်မှာ လုပ်ရမယ့်ပွဲမျိုး ၊ ဒီလောက်ကြီးကျယတဲ့ပွဲမျိုးကို လုပ်ခွင့်ပေးတဲ့ ပြောင်းလဲမှုနောက်ပိုင်းက အာဏာပိုင်လူကြီးတွေကိုလည်း ကျေးဇူးတင်တယ်။ဒီလိုမျိုးက အိမ်မက်တောင် မမက်ဖူးဘူးလေ။ နောက်တစ်ခုက လူကုန်ကူးမှု တိုက်ဖြတ်ရေးဆိုတော့ ရည်ရွယ်ချက်ကောင်းတဲ့အတွက် အကောင်းဘဲ မြင်ပါတယ်။

မြန်မာ့ခေတ် ။ ။ လက်ရှိအစိုးရရဲ့ ပြုပြင်ပြောင်းလဲမှု ကာလနဲ့ အရင်အစိုးရရဲ့ ကာလအတွင်း အနုပညာလောက ကွာဟမှု ပြောပြပေးပါအုံး။

လင်းလင်း။ အကိုကတော့ အကောင်းပဲ မြင်တယ်။ ဘာဖြစ်လို့လဲဆိုတော့ အဆိုးမြင်နေရင် ရှေ့ရောက်မှာ မဟုတ်ဘူးလေ။ အရင်တုန်းကတော့ မျက်စိပိတ်၊ နားပိတ်နဲ့ တံခါးပိတ် စနစ်လေ၊ တံခါးပိတ်စနစ်ဆိုတော့ကကျဉ်းတည်းကျပ်တည်းဖြစ်တာပေါ့။ အခုပြောင်းလဲမှု နောက်မှာတော့ နည်းနည်းဟလာပြီ၊ ဟိုနားလေးက နည်းနည်းဟ၊ ဒီနားလေးက နည်းနည်းဟနဲ့ ဆိုတော့ နည်းနည်းလေး ပွင့်လင်းလာတယ်ပေါ့နော်။ ပွင့်လင်းလာလာတဲ့ အခါမှာ လုပ်ရ၊ ကိုင်ရတာ လွပ်လပ်မှုအောက်မှာ အနုပညာပစ္စည်းတွေ ကိုယ်တန်ဖိုးထားရင် ထားသလိုမျိုး လုပ်ပြလာနိုင်တယ်ပေါ့ အကြောင်းအရာ ရေးတာကအစ၊ ဖန်တီးနိုင်တာကအစ ဒါပေမယ့် တစ်ခုပဲ ကျွန်တော်တို့ အပါဝင် ပြည်သူပြည်သားတွေ အကုန်လုံးက ပြောင်းလဲမှုအောက်မှာ၊ လွတ်လပ်မှု အောက်မှာ မျက်စိပွင့်၊ နားပွင့် မရှိခဲ့ဖူးဘူး။ စာတွေ့လောက်ပဲ ရှိမယ်ဗျာ။ ကိုယ်တိုင်ကိုတွေ့ မရှိခဲ့ဖူးတော့အဆိုးအကောင်းလေးတွေတော့ ကြုံတွေ့ လာနိုင်တယ်။ ဥပမာ အရင်တုန်းကဆိုရင် သီချင်းတစ်ပုဒ်ထဲထဲမှာ ရိုင်းတာ၊ စိုင်းတာမျုိးတို့ ဒါမှမဟုတ်တစ်ခုခုကို စော်ကားတာမျိုးတို့ ဘာညာပေါဗျာ တစ်ခုပေါနော်။ အဲလို နက်ဂစ်တစ်အမြင်ပါတဲ့ဟာမျိုးဆို စာပေစီစစ်ရေးရုံးရှိတော့ သူတို့က ကြိုပိတ်တယ်။ သတိပေးတာမျိုးတွေ ရှိတာပေါ့နော်။ အဲဒီခေတ်က ကြိုပိတ်၊ ကြိုတားကိုအပြစ်ပေးတဲ့စနစ်ဆိုတော့ သိပ်ပြသနာမရှိဘူး။ အခုကျတော့ ကြိုပိတ်၊ ကြိုတား တာတွေမရှိတော့ဘူး။ စာပေစီစစ်ရေးတွေ ဖြုတ်လိုက်ပြီဆိုတော့ လွတ်လွတ်လပ်လပ်တော့ ထွက်လို့ရပြီ။ ဒါပေမယ့်အဲလိုမျိုးလုပ်တဲ့အခါမှာအနုပညာသမားတွေ
အနေနဲ့က ကိုယ်လုပ်တဲ့ကိစ္စ၊ ကိုယ်ပြောလိုက်တဲ့ကိစ္စ၊ ကိုယ်ရေး
လိုက်တဲ့စာသား၊ ကိုယ်ဖန်တီးလိုက်တဲ့ အနုပညာအပေါ်မှာ တစ်ရာရာခိုင်နှုန်းတာဝန်ယူရမယ့်ဆိုတဲ့ အသိစိတ်တွေ ရှိဖို့လိုတယ်။ လွတ်လပ်ပြီဆိုတာနဲ့အိမ်ဘေးက ကောင်ကို မကျေနပ်လို့ ထဆဲတဲ့စာသားတွေ သီချင်းထဲ မပါစေချင်ဘူး။ ပြီးတော့ ဟိုဘက်ရပ်ကွက်က ကောင်မကျေနပ်လို့ ဆဲချင်တဲ့ စာသားတွေ သီချင်းထဲ မပါစေချင်ဘူး။ မိသားစု ဧည့်ခန်းထဲမှာ အတူတူထိုင်ပြီးတော့ နားထောင်လို့ မရတဲ့ အောက်ပိုင်းကမလွတ်တဲ့ စာသား၊ စကားလုံးမျိုးတွေသီချင်းထဲမှာ မပါစေချင်ဘူး။ ပါခဲ့လိုရင် ကိုယ့်ကိစ္စကို ကိုယ်ရဲရဲကြီးတာဝန် ယူရမယ်ဆိုတဲ့ အသိတော့ရှိဖို့ လိုတယ်။ အကိုကတော့ အဲလိုမျိူးလေးပဲ လိုတယ်။

မြန်မာ့ခေတ်။ ။အနုပညာရှင်သမားတစ်ယောက်အနေနဲ့လည်း
နိုင်ငံရေးအပေါ်မှာ ဘယ်လောက်ထိ သက်ရောက်မှု ရှိမလဲ။ Celebirityတွေကို ပြည်သူလူထုက သဘောကျကျတယ်လေ၊
ပြည်သူလူထုကလည်း သိကြတယ်Celebirityတွေကရော နိုင်ငံရေးမှာ ဘယ်လောက်ထိ ပါဝင်နိုင်မလဲ၊ ဘယ်လောက်ထိ ပြည်သူတွေအတွက် သက်ရောက်မှု ရှိအောင်လုပ်ပေးနိုင်မလဲ။

လင်းလင်း။ လုပ်ပေးနိုင်တယ်ဗျ။ မထင်ထားနိုင်လောက်အောင် အများကြီး လုပ်ပေးနိုင်တယ်။ ဘာဖြစ်လို့လဲဆိုတော့ Celebirity ဆိုတဲ့ ဒီPapulits Figure ပေါ့ဗျာ သူတို့တွေ ဘယ်ပွဲမှာ ဘာလုပ်ကြတုန်း၊ ဘာသီချင်းတွေ လုပ်နေကြတုန်းဆိုတာ ပရိတ်သတ်က အမြဲတမ်း စိတ်ဝင်တစားနဲ့ စူးစူးစမ်းစမ်းလေးတွေ အမြဲတမ်းရှိတယ်။ အဲဒီမှာ ဒီ Celebirity ဆိုတဲ့ Papulits Figure တွေက လုပ်တဲ့အလုပ်လေးတွေကို မှန်မှန်ကန်ကန် လေးနဲု့ အကျိုးရှိတာလေးတွေပဲ လုပ်ဖို့လိုတာ။ ဒီအနုပညာသမား အားက နိုင်ငံတစ်နိုင်ငံမှာ နည်းတာမဟုတ်ဘူးဗျ။ဒါပေမယ့် သူတင်စားတဲ့ အရာလေးက မှားယွင်းမှု မရှိဖို့ပဲ လိုတယ်။ သူ့အားက ကျွန်တော်ထင်ထားတာထက်ကို အများကြီး ပိုပြီးတော့ကို မျှော်လင့်လို့ရတယ်။ နိုင်ငံတစ်နိုင်ငံ အပြောင်းလဲ၊ နိုင်ငံတစ်နိုင်
ငံရဲ့ ကိစ္စဝေစ္စ အမျိုးမျိုး အဖုံဖုံမှာ အထင်အမြင်နဲ့ အဆိုး၊ အကောင်း အဲဒီအရာ အကုန်လုံးကို သူကချက်ချင်းနားထဲရောက်၊ချက်ချင်းဦးနှောက်မြင် အဲလိုမျုိုးဖြစ်အောင် အနုပညာသမားတွေက ထင်တာထက်ကို ပို
ပြီးတော့ စွမ်းဆောင်နိုင်တယ်လို့တော့ ထင်တယ်။ ဒါပေမဲ့ တင်ပြတဲ့ အရာသည် Positive ဖြစ်ဖို့ပဲလိုတယ်။ အားလုံးကို ကိုယ်စားပြုနိုင်တဲ့ Positive အကြောင်းအရာမျိုးတွေ ဖြစ်ဖို့လိုတယ်။ လူအနည်းစုအ
တွက်၊ ကျည်းမြောင်းတဲ့ အသိုင်းအဝိုင်းအတွက်၊ ကိုယ့်တစ်ခု အတွက်၊ ကိုယ့်ပတ်ဝန်းကျင် အတွက် အရာလေးတွေ မဖြစ်ဖို့ လိုတာပေါ့။

မြန်မာ့ခေတ် ။ ။ အကိုလည်း ပြီးခဲ့တဲ့လတွေက NLDပါတီဝင် အနေနဲ သြစတေးလျကို လွှတ်လိုက်တဲ့ အသုတ်ထဲမှာပါတယ် Politicalကို သြစတေလျမှာ ရှိတဲ့ လွှတ်တော်ထဲ သွားလေ့လာတယ်။ ဒီဘက်က ပါတီဝင်ကြီး တစ်ခုကအကိုတို့လိုအနုပညာရှင်တွေကိုအားကိုလာတယ်။
ခုနက အကိုပြောသ လို Positiveဘက်ကို ဦးတည်မှုအတွက်၊ အနုပညာရှင်တွေကို အားကိုးတဲ့အတွက် အကိုတို့အနေနဲ့ Political ကိုဘယ်လောက်ထိ လေ့လာဖို့ လိုလဲ။

လင်းလင်း။ ။ လိုတာပေါ့ဗျ။ ကိုယ်ချပြတဲ့အရာ၊ ကိုယ်တင်ပြတဲ့အရာ ကောင်းမွန်တဲ့ ပစ္စည်းလေးဖြစ်ဖို့အတွက်က ကိုယ်
ကိုတိုင်းလည်း နားလည်ထားဖို့ လိုတယ်။ အရေးကြီးတာက အနုပညာသမား တစ်ယောက် အနေနဲ့ ကိုယ်လုပ်မယ့် နိုင်ငံရေးသည် ဘယ်လမ်းကို သွားမှာလဲ။ လုံးဝ တစ်ရာရာခိုင်နှုန်း စိတ်နှစ်ပြီးတော့ လွှတ်တော်
ထဲ သွားတဲ့ နိုင်ငံရေးလုပ်မှာလား။ ဒါမှမဟုတ် ကိုယ့်အနုပညာနဲ့ တွဲပြီးတော့ လူထုကို ဆောင်ရန်၊ ရှောင်ရန်တွေကို ပညာပေးနိုင်ငံရေး လုပ်မှာလား အဲဒါအရေးကြီးတယ်။ အဲလမ်းက ကိုယ့်ဘာသာကိုရွေး ကိုယ်လျှောက်မယ့် အရာအတွက်တော့ အနည်းနဲ့ အများ နိုင်ငံရေးလေးတွေကိုတော့ နားလည်ဖို့ လိုမယ်ထင်တယ်။ ကျွန်တော်ပြောတဲ့ နိုင်ငံရေးဆိုတာက
ပါတီတွင်း နိုင်ငံရေးကို မဆိုလိုချင်ဘူး။ အားလုံးကို ခြုံတဲ့၊အားလုံးကို ကိုယ်စားပြုတဲ့၊ အားလုံးရဲ့ အကျိုးကို မျှော်တဲ့ နိုင်ငံရေးမျိုးပေါ့။ အဲလိုမျိုး ပြောတာ။

မြန်မာ့ခေတ် ။ ။ ခုလို ပါတီတွင်း နိုင်ငံရေး မဟုတ်ပဲနဲ့ အားလုံးကို ခြုံတဲ့ နိုင်ငံရေး၊ ကိုယ်စားပြုတဲ့ နိုင်ငံရေးမျိုးကို သွားဖို့ မျှော်လင့်တာလား။

လင်းလင်း။ ။ ဟုတ်တယ်။ ကျွန်တော်ကမျှော်လင့်ထားတယ်။ အမေစုရဲ့ ခေါင်းစဉ်အောက်မှာ NLD ပါတီထဲမှာ ဝင်ထားတယ်။ သြစတေးလျကို သွားကြတယ်၊ လာကြတယ်၊ လေ့လာတယ်။ ကိုယ်တတ်သလောက်၊ မှတ်သ လောက် ပညာတွေ စည်းပူးတယ်ဆိုတာကလည်း ဒီပါတီ တစ်ခုတည်း အတွက်မဟုတ်ဘူးဗျ။ တစ်နိုင်ငံလုံးအတွက်ကို ရည်စူးတာ ကျွန်တော်အနေနဲ့လည်း ဒီပါတီတစ်ခုတည်းအတွက် အစစအရာရာ စဉ်းစားပြီး လုပ်မှာမဟုတ်ဘူး။ အခုလက်ရှိထိလည်း ကျွန်တော့်ရပ်တည်ချက်က ဒီခေါင်းစဉ် အောက်ကနေ
ကျွန်တော် ရသမျှ လေ့လာတယ်၊ ပညာတွေသင်ယူတယ် စည်းပူးတယ်။ ဒါပေမယ့် ဘယ်ပါတီရဲ့ ဘယ်ရန်ပုံငွေပွဲလေးရှိတယ်၊ ကျွန်တော်ကြည့်လိုက်တယ် ဒါအကျိုးရှိတယ၊် သွားသင့်တယ်၊ ဆိုသင့်တယ်၊ လုပ် ပေးသင့်တယ်ဆို ကျွန်တော် လုပ်ပေးတယ်။ အားလုံးကို ခြုံတဲ့ ပါတီဝင်တစ်ခုတည်းကနေ ပညာတွေစည်းပူး သင်ယူပြီးတော့ ကုန်လုံးကို ခြုံတဲ့၊ အကုန်လုံးကို ကိုယ်စားပြုနိုင်တဲ့ နိုင်ငံရေးမျိုးပဲ ကျွန်တော်က စိတ်ဝင်
စားတယ်။

မြန်မာ့ခေတ် ။ ။ အခုလက်ပံတောင်းတောင်စုံစမ်း၊စစ်ဆေးရေး
ကော်မရှင် ဒေါ်အောင်ဆန်းစုကြည် ခေါင်းဆောင်တဲ့စုံစမ်းစစ်ဆေးရေး ကော်မရှင်က ဒီလက်ပံတောင်းတောင် အရေးကို ပြည်သူတွေဘက်က ဘယ်လောက်ထိ လုပ်နိုင်မယ်လို့ မျှော်လင့်ထားလဲ။

လင်းလင်း။ ။ ကျွန်တော်က မျှော်လင့်တယ် ဆိုတာထက် ယုံကြည်မှု ပိုတဲ့ အဖြေကို ကျွန်တော်ကရထားပြီးသားဗျ။ ဒီကနေ အမေက ဘယ်လောက်ထိ လုပ်ပေးနိုင်မယ်၊ ဘယ်လောက်ထိ ဘာတွေကိုလုပ်ပြပေးနိုင်မယ်၊ ဘယ်လိုမျိုးတွေ ပါဝင်ဆောင်ရွက်ပေးနိုင်မယ်၊ ဘယ်လောက်ရနိုင်မယ်ဆိုတာ ကျွန်တော်စိတ်မဝင်စားဘူးဗျ။ ကျွန်တော် စိတ်ဝင်စားတာက ကျွန်တော်တို့ အားလုံးယုံကြည် နိုင်လောက်တဲ့ အဖြေက ရပြီးသားဗျ။ သေချာတာကတော့ အမေက ပြည်သူတွေကို လိမ်မှာလည်းမဟုတ်ဘူး၊ ညာမှာလည်းမဟုတ်ဘူး အဲတစ်ချက်နဲ့တင်ကိုကျွန်တော်တို့တွက် လုံလောက်ပြီးသား ရလာမယ့် ရလဒ်က ဘယ်လောက်ထိ လိုချင်တယ်၊ ဘယ်ရာခိုင်နှုန်းလောက်ထိ လိုချင်တယ်၊ ဘယ်လိုအဖြေရမှ ဖြစ်မယ်ဆိုတာမျိုး မရှိဘူး။ အဲထက် ပိုအရေးကြီးတာက အမေက ဒီပြည်သူ၊ လူထုအပေါ် ဘယ်တော့မှ မလိမ်ဘူး၊ မညာဘူးဆိုတဲ့ အဖြေကို ရထားပြီးသား ဖြစ်တဲ့အတွက်
ကျွန်တော်က ရလာမယ့်၊ ရလဒ်တွေကို ဘာမှမျှော်လင့်မထားဘူး။ အဲဒါ တစ်ခုနဲတင် ကျွန်တော်တို့ စိတ်အေး၊ လက်အေး အိပ်လို့ ရပါပြီ။

မြန်မာ့ခေတ် ။ ။ဒီပြုပြင်ပြောင်းလဲမှုကာလမှာ နိုင်ငံခြား
ရင်းနှီးမြှပ်နှံမှုဝင်လာပြီဆိုတာ အတော်ကြာလှပြီ ဒါပေမယ့် နိုင်ငံခြား ရင်းနှီးမြှပ်နှံမှုက ကျွန်တော်တို့ မျှော်မှန်းထားသလောက် ဒီနိုင်ငံပေါ် သက်ရောက်မှု့ မရှိသေးဘူး ဆန်ရှင်တွေလည်း ရုပ်သိမ်းသွားပြီဆိုတော့ သက်ရောက်မှု မရှိသေးဘူး အဲဒါကို အကို့ အနေနဲ့ ဘယ်လိုမြင်လဲ။
ဒီမှာကျန်သေးတာလား၊ သူတို့ဘက်က တုန့်ဆိုင်းနေတာလား။

လင်းလင်း။ ။ ကျွန်တော်ကတော့ နိုင်ငံရေးစကားတော့ သိပ်ဖြေချင်ဘူး။ကိုယ်ဥာဏ်မှီသလောက်လေးပဲ ပြောပြချင်တယ် နေရာတိုင်း၊ နေရာတိုင်း၊ ဖြစ်ပျက်တိုင်းမှာ အကျိုးနဲ့ အကြောင်းရှိပါတယ်။ အဲလို အကျိုးကြောင်းတွေကြောင့် ဖြစ်ပါလိမ့်မယ်။

မြန်မာ့ခေတ် ။ ။အကို့ စီးရီးထုတ်တဲ့ အထဲမှာ မန္တလေးကို အရမ်းချစ်တယ် ပြောထားတယ်နော်။ အဲဒီအတွက် အကိုက
မန္တလေး ပြည်သူအတွက် သက်ရောက်မှု ဘယ်လိုရှိမလဲ။

လင်းလင်း။ ။ ကျွန်တော်က အဲလိုမျိုး ကိုယ်မွေးလို့၊ ကိုယ့်မြို့မို့၊ ကိုယ့်နေရာမို့ ဆိုတဲ့ အစွဲတော့ ကျွန်တော်မှာ သိပ်မရှိဘူး။ အကုန်လုံးကို ကိုယ်စားပြုတဲ့ အရာကိုပဲ အခြေခံတယ်။ အနုပညာ လုပ်ရင်လည်း အဲဒီ အသိ
တရားနဲ့ပဲ လုပ်တယ်။ ဆိုတယ်၊ ရေးတယ်၊ တီးတယ်ပေါ့။ ဒါပေမယ့် ကွက်ပြီးတော့ ဘယ်သူတွေ အတွက်ပဲ ဆိုပြီးတော့ လုပ်မှာတော့မဟုတ်ဘူး။

အိအိ