ရန်ကုန်ကိုချစ်လျှင်...

by MOPA Designs on Friday, December 14, 2012 at 5:59pm ·

အရှေ့တောင်အာရှ၏ ကြယ်တစ်ပွင့်ဖြစ်ရန် အရှိန်အဟုန်ဖြင့် မြန်မာနိုင်ငံသည် တိုးတက်ရေး

လမ်းကြောင်းပေါ်သို့ ရောက်ရှိနေပြီဖြစ်သည်။

ထိုကဲ့သို့အချိန် အခါမျိုး၌ နိုင်ငံရေး၊ စီးပွားရေးတိုးတက် လာမှုများနှင့်အတူ လူနေမှုအဆင့်

အတန်းများကလည်း မလွဲမသွေ တိုးတက်ပြောင်းလဲလာပေလိမ့်မည်။

ခေတ်မီမြို့ပြရုပ်လက္ခဏာများဖြစ် ကြသည့် ခေတ်မီလူနေတိုက်တာ အဆောက်အအုံများ၊

အထပ်မြင့်ရုံး အဆောက်အအုံများ၊ ရှော့ပင်းမောများ၊ နိုင်ငံတကာရင်းနှီးမြှုပ်နှံမှုအဆောက်

အအုံများနှင့် ကုန်ထုတ်လုပ်မှု Industrial Park များ စသည်ဖြင့် အဆောက်အအုံအသစ်များ

လှိုင်လှိုင် ပေါများလာရန်မှာ သေချာသလောက် ပင်ဖြစ်၏။

ထို့ကြောင့် စီးပွားရေး အချက် အချာကျသော နေရာများက ရင်းနှီး မြှုပ်နှံလိုသူများအတွက်

မျက်စိကျစရာ ဖြစ်လာပါသည်။

စီးပွားရေးအချက်အချာကျပြီး အစိုးရ ရုံးစိုက်ရာဖြစ်ခဲ့သော ရန်ကုန်မြို့လည်၌ ကိုလိုနီခေတ်၊

လွတ်လပ်ရေးခေတ်ဦးပိုင်း ကာလများက ဆောက်လုပ်ခဲ့သည့် အဆောက်အအုံဟောင်းများ

က ယခင် ရန်ကုန်မြို့ဟောင်းကြီးရဲ့ ကြီးကျယ် ခမ်းနားခဲ့သည့် အတိတ်ကို ပြသနေဆဲ ဖြစ်ပြီး

ယခုအချိန်မှာတော့ ရင်းနှီးမြှုပ်နှံ သူများ၏ ဘူဒိုဇာအောက် ကျရောက်မည့် ဘေးအန္တရာယ်

ကို ရောက်ရှိနေပြီဖြစ်၏။

ကိုလိုနီခေတ်ကြီးမားခန့်ထည်သော အဆောက်အအုံများကတော့ ရှေး ဟောင်းယဉ်ကျေးမှု

အဆောက်အအုံများအဖြစ် သတ်မှတ်ခံရပြီးပြုပြင်ထိန်း သိမ်းစောင့်ရှောက်မှုခံနေရသော်လည်း

လူနေအိမ်များ၊ တိုက်ခန်းဟောင်းများကတော့ ဆောက်လုပ်ရေး ကန်ထရိုက်တာ အချို့၏

ဖြိုဖျက်ခြင်းခံရမည့် ဘေးနှင့် ကြုံတွေ့နေရသည်။

ကိုလိုနီခေတ်အဆောက်အအုံများ သည် သူ့ခေတ်သူ့အခါကသူ့ စံနှုန်းဖြင့် ကိုက်ညီသော

ဗိသုကာဒီဇိုင်းများဖြင့် ဆောက်လုပ်ခဲ့သည်။ အဆောက်အအုံ အဖွင့်က ကျဉ်းသော်လည်း

အိမ်အတွင်း ပိုင်းက ရှည်လျားသည်။ လိုအပ်သည့် လေကောင်းလေသန့်နှင့်အလင်းရောင်

ရရှိရန်အတွက် အတွင်းမျက်နှာကြက် အမြင့်ကို ခပ်မြင့်မြင့်ဆောက်ထားပြီး မျက်နှာစာကို

ပြတင်းပေါက်များဖြင့် အပြည့်ယူပေးထားသည်။

အဆောက် အအုံတစ်ခုချင်းစကြည့်လျှင်သုံးလွှာ၊ လေးလွှာပင်ဖြစ်သော်ငြားလည်း ယခု ခေတ်

ကန်ထရိုက်တိုက်များနှင့်ယှဉ်လျှင် ၆ လွှာအမြင့်ခန့် ရှိသည်။

ဆောက်လုပ်ရေး လုပ်ငန်းရှင်တချို့က ယခင် သုံးလွှာသာရှိသည့် အဆောက်အအုံကို ဖြို၍

၅ လွှာ ၆ လွှာခန့် ရှိသည့် တိုက်ခန်းများကို အစားထိုးဆောက် လုပ်လိုက်သည့်အခါမှာ မူလ

တိုက်ခန်းများ၏ မျက်နှာကြက်အမြင့်ထက်များစွာ နိမ့်ပြီး လေ၀င်လေထွက်နှင့် အလင်းရောင်

လုံလုံလောက်လောက် ရရှိ ဖို့ ခဲယဉ်းသွားကြသည်။

ကမ္ဘာပေါ်ရှိထင်ရှားသော မြို့ကြီးတိုင်းတွင် နှစ်ပေါင်းရာချီကြာနေပြီဖြစ် သော ရှေးဟောင်း

လူနေတိုက်တာ အဆောက်အအုံများကို မက်မက် မောမော ခင်တွယ်နေထိုင်နေကြဆဲပင်

ဖြစ်သည်။

Bugis Junction (Photo by DP architect)

လန်ဒန်၊နယူးယော့ခ်၊ ပဲရစ် စသည့် မြို့ကြီးများတွင် နှစ်ပေါင်း သုံးလေးရာခန့်က

ဆောက်လုပ်ထားခဲ့ ကြသော အဆောက်အအုံများတွင် အသုံးပြုနေထိုင်နေကြဆဲ

ပင်ဖြစ်သည်။

ထိုမြို့များတွင် မိုးမျှော်တိုက်ကြီးများ အပြိုင်အဆိုင်ဆောက်လုပ်နေကြသော်လည်း နဂို

မူရင်းရှေးဟောင်း အဆောက်အအုံခပ်နိမ့်နိမ့်များ၏ အလှအပကိုလည်း မပျက်အောင်

ထည့်သွင်း စဉ်းစား၍ ဆောက်လုပ်ခဲ့ကြသည်။

အရှေ့တောင်အာရှ ၁၀ နိုင်ငံတွင် ပါဝင်သည့် စင်ကာပူနိုင်ငံ၌ မြန်မာ နိုင်ငံကဲ့သို့ ရှည်လျား

လှသည့် သမိုင်း ကြောင်းနှင့် ယဉ်ကျေးမှုအမွေအနှစ်များ မရှိသော်လည်း ထိုနိုင်ငံတိုးတက်မှု

သမိုင်းအတွက် အရေးပါသည့် စစ်ကြို ခေတ်၊ စစ်ပြီး ခေတ်လူနေဆိုင်ခန်းများက စင်ကာပူ၏

အချက်အချာကျသည့် နေရာများတွင် အများအပြားကျန်ရစ်ခဲ့ကြသည်။ ထိုအဆောက်အအုံ

များကို (shophouse)လို့ ခေါ်ကြသည်။

တနည်းအားဖြင့် ရန်ကုန်မြို့လယ်ထဲမှာ ရှိနေဆဲဖြစ်သည့် လူနေတိုက်ခန်းများကဲ့သို့ပင်။

ရန်ကုန်မှ အဆောက်အအုံများ သည်ပို၍ ကြီးမားခမ်းနားသည်ဟု ဆိုလျှင် ရနိုင်သည်။

စင်ကာပူမှ လူနေဆိုင်ခန်းများက နှစ်ထပ်သုံးထပ်ပင်ရှိပြီး Tanjong Pager ဟုခေါ်သည့်

စီးပွားရေးအချက်အချာကျသည့်နေရာများ၊ China Town နှင့် Little India စသည့်နေရာ

များ၌ ဆောက်လုပ်ခဲ့ကြသည်။

မြေရှားသည့် စင်ကာပူ နိုင်ငံအတွက်ထို shophouse များကို ဖြိုပြီး မိုးမျှော်တိုက်ကြီးအစားထိုး

တည်ဆောက်လိုက်လျှင် မြေရှားသည့် ပြဿနာကို အလွယ်တကူ ဖြေရှင်းလိုက် နိုင်မည့်အပြင်

အကျိုးအမြတ်အများကြီး ရရှိသွားနိုင်ပေမည်။

သို့ရာတွင် စင်ကာပူ အစိုးရသည်ထိုကဲ့သို့အလွယ်လမ်းကို မလိုက်ဘဲ ရှေ့ရေးမျှော်တွေးပြီး

ထိုလူနေ ဆိုင်ခန်းအဆောက်အအုံများကို ပြုပြင ထိန်းသိမ်းခဲ့သည်။

အချို့အဆောက် အအုံများကို လူနေတိုက်ခန်းများ အဖြစ် ထားရှိပြီး တချို့အဆောက်

အအုံများကို စီးပွားရေးဆိုင်ရာ၊ သင်ကြားရေးဆိုင်ရာ အဆောက်အအုံများအဖြစ် ပြုပြင်

ပြောင်းလဲခဲ့သည်။

ယခုအခါတွင် ထိုအဆောက်အအုံများက စင်ကာပူမြေ ပေါ်တွင် ဒေါ်လာသန်းပေါင်းများစွာ

တန်နေပြီဖြစ်သည်။

ထိုအဆောက်အအုံ များတွင် ငှားရမ်းနေထိုင်မည်ဆိုပါက လည်း တချို့နေရာများ၌

တစ်လကို စင်ကာပူဒေါ်လာ တစ်သောင်းနီးပါးခန့် ပေးနေရပြီဖြစ်သည်။

စင်ကာပူနိုင်ငံမှ shophouse များကို ဆောက်လုပ်ခဲ့ရာ၌ မြေညီထပ်ကို စီးပွားရေး

လုပ်ငန်းများအတွက် ရုံးခန်းအဖြစ်သော်လည်းကောင်း၊ ဆိုင်ခန်းအဖြစ်သော်လည်းကောင်း

အသုံးချခဲ့ကြသည်။

ထို့ ကြောင့်များသောအားဖြင့် မြေညီထပ် များတွင် အခန်းဖွဲ့စည်းမှုမရှိဘဲ ဟင်းလင်းဖွင့်

အနေအထားမျိုးသာ ဖြစ်ကြသည်။

ပထမထပ်နှင့် ဒုတိယထပ်တွင် မိသားစုအတွက်အခန်းများဖွဲ့စည်းထား သော်လည်း

ယခုခေတ်လူနေထိုင်မှု အတွက် ထိုဖွဲ့စည်းမှုများ ခေတ်မီ ဆန်းပြားခြင်း မရှိတော့ချေ။

ထို့ကြောင့် မူလ shophouse ၏ အမြင့်ထက် ကျော်မြင့်ခြင်းမရှိစေဘဲ အိမ်နောက်ဖေးကို

တိုးချဲ့ခြင်း၊ ခေတ်မီအိမ်ဆောက် ပစ္စည်းများကို အသုံးချ၍ အိမ်ကိုပြုပြင် မွမ်းမံခြင်းများကို

ပြုလုပ်ခဲ့ကြသည်။

Shophouse များသည် တိုက်ခန်းတွဲများဖြစ်ကြပြီး တိုက်ခန်းတစ်ခုခြင်းစီ ကို ထိန်းသိမ်း

ခြင်းဖြင့်လည်းကောင်း၊ တိုက်ခန်းတစ်တွဲလုံးကို ဟိုတယ်၊ Service apartment အဖြစ်

လည်းကောင်း ပြောင်းလဲအသုံးပြုကြသည်။

Clarke Quay (Photo by Lu Lu @ KyawMin)

စင်ကာပူ နိုင်ငံ၏ အကျော်ကြားဆုံး Botique ဟိုတယ်တစ်ခုဖြစ်သည့် Scarlet Hotel

ကလည်း shophouse အတွဲလိုက်ကို ဟိုတယ်အဖြစ် ပြောင်းလဲထားခြင်း ဖြစ်သည်။

စင်ကာပူ၌ပုံမှန်အားဖြင့် တစ်ညတာအားဖြင့် တည်းခိုခန်းခ ဒေါ်လာ တစ်ရာနှစ်ရာခန့်ပေးနေ

ရချိန် တွင် ထိုကဲ့သို့သောဟိုတယ်အမျိုးအစား များက အနည်းဆုံးဒေါ်လာလေးငါးရာခန့်

တစ်ညတာ တည်းခိုခ ပေးနေကြရသည်။

Scarlet Hotel တွင် ခေတ်မီ Bar Lounge များသာမက ဟိုတယ်တစ်ခု အတွက်မပါ

မဖြစ်သော Gym နဲ့ Jacuzzi များကိုပါ အသစ်ထည့်သွင်းပေးထားသည်။

ထိုမျှသာမကဘဲ ဧည့်သည်များ အတက်အဆင်းလွယ်ကူစေမည့် Lift များကိုပါ ထည့်သွင်း

ဆောက်လုပ်ပေးထားသည်။

Shophouse အတွဲလိုက်ကို ဟိုတယ်အဖြစ်ပြောင်းလဲသည့်အခါ၌ အခန်းများဖွဲ့စည်းခြင်း၊ Lift

များ ထည့်သွင်းခြင်း ပြုလုပ်လိုက်သည့် အခါမူလ Structure များကို ပြန်လည်အသုံးချနိုင်

ခြင်းမရှိတော့ဘဲ လိုအပ်သည့် အခန်း အဖွင့်နှင့် လူသွားလမ်းတွေရရှိရန် အတွက် Party wall

များကိုဖြိုချကာ နည်းပညာအသစ်နှင့် Structure အသစ်များကိုအသုံးပြုခဲ့ကြရသည်။

စင်ကာပူနိုင်ငံမှာ မြန်မာလူမျိုးများ အများဆုံး သွားလာလေ့ရှိကြသည့် Bugis Junction

ကလည်း shophouse များရှိကြသည့် လမ်းသုံးလေး လမ်းကို ပေါင်းစည်းထားပြီးမှန်ဖြင့်

ပြုလုပ်ထားသည့် အမိုးများဖြင့် မိုးလုံလေ လုံဖြစ်အောင်ပြုလုပ်ထားသည့် ရှော့ပင်း

မောလ်တစ်ခုပင်ဖြစ်သည်။

မူလလက်ရာ Shophouse များ၏ မျက်နှာစာကို မဖျက်ဆီးဘဲ အတွင်းပိုင်းအားလုံးကိုတော့

Layout အသစ်များဖြင့် ပြင်ဆင် ဖွဲ့စည်းခဲ့သည်။

မူရင်းဈေးလမ်းများ၏ အပေါ် တွင် မှန်ခုံအမိုးရှိပြီးဈေးတစ်ခုလုံး ကို လေအေးပေးစက်များ

တပ်ဆင်ပေး ထား၏။ လူငယ်များကိုဦးတည်ချက်ထားသည့် ရှော့ပင်းမောဖြစ်သည့်

အားလျော်စွာ တိုလီမုတ်စဆိုင်သေးသေးလေးများ၊ Kiosks ဟုခေါ်သည့် လက်တွန်း

လှည်းလေးများပါမကျန် ထည့်သွင်း ပေးထားသည်။

စင်ကာပူရဲ့ ထင်ရှားသည့် နိုက်ကလပ် များ၊ ဘားများစားသောက်ဆိုင်များရှိသည့် (Clarke

Quay) ကလပ်ကီးကလည်း ယခင်က စင်ကာပူမြစ်ကမ်းဘေးမှာ ရှိသည့်ဆိုင်ခန်းများ

ဂိုဒေါင်များကို ဖြေဖျော်ရေးနေရာအဖြစ် ပြောင်းလဲထားသည့် နေရာတစ်ခုလည်း ဖြစ်၏။

Bugis ကဲ့သို့ အလုံပိတ်အဲကွန်းပေး ထားတဲ့ နေရာမျိုးမဟုတ်ဘဲ ဧရိယာ တစ်ခုလုံး အပူချိန်

၂၈ ဒီဂရီထက်မပို သည့် နေရာလေးတစ်ခုဖြစ်စေရန် လှပသည့် အမိုးကန်နိုပီများ၊ အေးမြသည့်

လေညှင်းလေးများ တိုက်ခတ်နေ သကဲ့သို့ ဖန်တီးပေးသည့် အဲကွန်းစနစ် များ တပ်ဆင်

ပေးထား၏။

မြန်မာနိုင်ငံသည် အရှေ့တောင် အာရှမှာ ကိုလိုနီခေတ် စစ်ပြီးခေတ် တန်ဖိုးကြီးမားသည့်

ဗိသုကာလက်ရာများ အများအပြားရှိနေဆဲပင်ဖြစ်သည်။

သို့ရာတွင် ထိုဗိသုကာလက်ရာများကို တတ်နိုင်သလောက် တတ်ကျွမ်း နားလည်သည့်

ပညာရှင်များဖြင့် မှန်ကန် သည့် ဆုံးဖြတ်ချက်များချမှတ်ကာ ရေရှည်စီမံကိန်းဖြင့် ထိန်းသိမ်း

စောင့်ရှောက်သင့်ပါသည်။

ဆောက်လုပ် ရေးလုပ်ငန်းရှင်များ၊ရင်းနှီးမြှုပ်နှံသူများ ကလည်း အဆောက်အအုံဟောင်းများ

ကို ဖြိုဖျက်ခြင်းမပြုဘဲ စင်ကာပူ နိုင်ငံကဲ့သို့ ဟိုတယ်များ၊ စားသောက်ဆိုင်များ၊ စာသင်ကျောင်း

များ၊ ရုံးများ အဖြစ်သို့ ပြောင်းလဲအသုံးပြုသင့်ပါသည်။

တချိန်တွင် ရန်ကုန်မြို့သည် စင်ကာပူထက် တိုးတက်လှပသော မြို့တော်တစ်ခု ရောက်လာ

မည်ဖြစ်သည်။

စာရေးသူသည် (Lasalle-SIA, the College of the Arts,Singapore) မှ Diploma in

Interior Design ရရှိခဲ့ပြီး (Open University, London) မှလည်း Diploma in Higher

Education ရရှိခဲ့သည်။ Art ed Domain Design တွင် Interior Design အဖြစ် နှစ်နှစ်ခန့်

လုပ်ကိုင်သည့် အတွေ့အကြုံရှိခဲ့ပြီး Surbana International Consultants တွင်

Architectural Assistant အဖြစ် လေးနှစ်လုပ်ကိုင်ခဲ့သည်။ စင်ကာပူနိုင်ငံတွင် နေထိုင်

လျက်ရှိပြီး စင်ကာပူရှိ MOPA Architecture Interior Design တွင် Freelances

Designer အဖြစ် လုပ်ကိုင်လျက်ရှိသည်။

Scarlet Hotel