လောကကြီးမှာ ကြိုးစားနေသူတိုင်းအတွက်နေရာတစ်နေရာအမြဲတမ်းရှိတယ်။

 

စလုံး

 

လောကကြီးမှာ ကြိုးစားနေသူတိုင်းအတွက်နေရာတစ်နေရာအမြဲတမ်းရှိတယ်။

(သို့မဟုတ်)

စင်္ကာပူမှာ အလုပ်ကြမ်းသမားတစ်ယောက်ဘဝမှ စီမံကိန်းအင်ဂျင်နီယာဖြစ်လာသူ မြန်မာ တစ်ယောက်အကြောင်း။

~~~~~~~~~~~~~
စင်္ကာပူ ၁၈ မတ်လ ၂၀၁၆

ယနေ့ မတ်လ ၁၈ ရက်နေ့ မနက်ပိုင်းက စလုံးpage ဟာ စင်္ကာပူရောက်ရွှေ မြန်မာတစ်ဦးနဲ့ တွေ့ဆုံဖြစ်ခဲ့ပါတယ်။

နာမည်က ကိုသိန်းထွန်း (နာမည်လွှဲ)လို့ခေါ်ပါတယ်။ သူဟာ မြန်မာနိုင်ငံမှာသတ္တဗေဒ အဓိကနဲ့ဘွဲ့ရခဲ့ပါတယ်။၂၀၀၆ ခုနှစ်ခန့်က ဆောက်လုပ်ရေးလုပ်ငန်းတစ်ခုမှာ General Worker နဲ့စလုပ်ခဲ့ပါတယ်။

လုပ်သက်နည်းနည်းရလာတော့ site supervisor ရာထူးပေးအပ်ခြင်းခံခဲ့ရပါတယ်။ သူဟာ ဒီလိုပဲ နေ့တိုင်းကို သာမန်ဖြတ်သန်းတာထက် ရှေ့ဆက်မည့်ခရီးအတွက် အတတ်ပညာတစ်ခုခု သင်မယ်လို့ဆုံးဖြတ်လိုက်ပါတယ်။

BCA ကျောင်းမှာ ဆောက်လုပ်ရေးအင်ဂျင်နီယာပညာဒီပလိုမာဘာသာရပ်ကို part time စတက်ခဲ့ပါတယ်။ မကြာခင်မှာကုမ္ပဏီက သိသွားပြီး အလုပ်ကနေထုတ်တာကိုခံခဲ့ရပါတယ်။

နောက်ထပ်အလုပ်တစ်ခုကိုအမြန်ပြန် ရှာပြီး BCA ကျောင်းကိုပြီးအောင်ဆက်တက်ခဲ့ပါတယ်။ ၃ နှစ်တာ အပြင်းအထန်ကြိုးစားပြီးနောက်မှာ Diploma in Construction Engineering ကို ရရှိခဲ့ပါတယ်။

၂၃/၂/၂၀၁၆ နေ့မှာ ကိုအောင်ဝင်းထွဋ် ရဲ့ post မှာပါတဲ့ အလုပ်ကြော်ငြာတစ်ခုကိုလျှောက်ထားရာမှာ အလုပ်ရှင်ကရွေးလိုက်ပြီး လစာကိုလည်းအမှန်အကန်တိုင်းပေးဖို့သဘောတူခဲ့ပါတယ်။ယမန်နေ့ (၁၇/၃/၂၀၁၆)မှာတော့ MOM က Spass နဲ့အလုပ်လုပ်ခွင့်အတွက် ခွင့်ပြုလိုက်ပါပြီ။

ကိုသိန်းထွန်းက အခုလို အောင်မြင်လာဖို့အတွက် ရိုးရိုးလေးပဲတွေးပြီး လုပ်လိုက်တာပါလို့ စလုံးpage ကိုပြောပါတယ်။

ရိုးသားပြီးကြိုးစားတဲ့မြန်မာတို့အတွက်အတုယူအားကျမိစေဖို့ စလုံးpage မှ ဂုဏ်ယူတင်ဆက်လိုက်ရပါတယ်။
စလုံး Page
(စင်္ကာပူနှင့် ပတ်သက်သော
အကြောင်းအရာများ စုစည်းတင်ပြမှု)
www.facebook.com/SaloneCollection