.jpg)
နည်းစနစ်ကျကျအတွေးအခေါ်
ဟိုတယ်စာရေး
မိုးတွေထစ်ချုန်းရွာနေပြီးတော့ ဘာမှ သဲသဲကွဲကွဲ မမြင်ရတဲ့ ညတစ်ညမှာ ဖီလာဒဲဖီးယားရဲ့ ဟိုတယ်လေးတစ်ခုကို လင်မယားနှစ်ယောက်မိုးရေကြားကနေ ပြေးလာခဲ့ကြပါတယ်။ ပြီးတော့ ဟိုတယ်ကိုရောက်တော့ အခန်း တစ်ခန်းလောက်များရနိုင်မလားလို့ မေးကြည့်တဲ့အခါမှာ အခန်းတွေအားလုံးက ကုန်သွားပြီဖြစ်ကြောင်း ပြောတဲ့အတွက် လင်မယားနှစ်ယောက်လုံး ဘာလုပ်ရမှန်းမသိ ဖြစ်ကုန်တာပေါ့။
အဲဒီအခါမှာပဲ သူတို့နှစ်ယောက်ရဲ့ အဖြစိကိုကြည့်နေတဲ့ ဟိုတယ်စာရေးလေးတစ်ယောက်ရှိသတဲ့။ သူက ဒီညတော့ ဟိုတယ်မှာပဲ ဆင်းရမှာပေါ့။ အဲဒါနဲ့ လင်မယားနှစ်ယောက်ကို " ဒီကဦးတို့ အခန်းမရရင် ကျွန်တော့်အခန်းမှာ သွားအိပ်ပါလား။ ကျွန်တော့် အခန်းဟာ ဒီဟိုတယ်ကပေးတဲ့ အခန်းလေးပါ။ သိပ်တော့ မကောင်းသလို အရမ်းလဲ သန့်ရှင်းမနေပါဘူး" လင်မယားနှစ်ယောက်လဲ သွားစရာမရှိတဲ့အဆုံး သဘောတူလိုက်တယ်။
ဟိုတယ်စာရေးလေးကတော့ သူ့ရုံးစားပွဲမှာပဲ အလုပ်တွေလုပ်နေတယ်။ပြီးတော့ အဲဒီစားပွဲမှာပဲ အိပ်တယ်။ နောက်နေ့ရောက်တော့ ထိုလင်မယားက သူ့ကိုကျေးဇူးတင်တယ်။ အခန်းခပေးတယ်။ ဒါပေမယ့် သူမယူဘူး။ဒီဟာက ဟိုတယ်အခန်းလဲ မဟုတ်သလို ငွေကြေးယူဖို့လဲ မသင့်ဘူး။ ဒါနဲ့ လင်မယားနှစ်ယောက်ပေးတဲ့ ပိုက်ဆံကို ဟိုတယ်ဧည့်ခန်းက အလှူငွေထည့်တဲ့ သေတ္တာလေးထဲမှာ ထည့်လိုက်ပါတယ်။
လင်မယားနှစ်ယောက်မပြန်ခင် သူ့ကိုနှုတ်ဆက်တယ်။ ပြီးတော့ ယောက်ျားဖြစ်သူက " ကျေးဇူးပါလူလေးရယ် မင်းကူညီလို့ပေါ့ ငါမင်းအတွက် ဟိုတယ် တစ်လုံးဆောက်ပေးမယ် မင်းအဲမှာ မန်နေဂျာလုပ်ပေါ့ " ဟုပြောလိုက်တယ်။
လူငယ်လေးက အဲဒီအဖြစ်အပျက်ကို အချိန်ကြာတော့ မေ့လာတယ်။ နှစ်နှစ်လောက်ကြာတဲ့အခါမှာ သူ့ဆီကို စာရောက်လာတယ်။ စာထဲမှာ နယူးယော့ခ်ကို လာခဲ့ဖို့ လေယာဉ်လက်မှတ်နဲ့ ဟိုတယ်တစ်ခုမှာ သူ့ကို မန်နေဂျာ ခန့်ကြောင်း စာတစ်စောင်ပေါ့။
တကယ်တော့ သူကူညီလိုက်တဲ့လူဟာ William Waldorf-Aster လို့ခေါ်တဲ့ သူဌေးတစ်ယောက်ဖြစ်နေပြီးတော့ သူဟာ ကောင်လေးအတွက် Waldorf-Aster ဆိုတဲ့ဟိုတယ်ကို ဆောက်ပေးခဲ့တယ်။ ကောင်လေးကတော့ ဟိုတယ်ရဲ့ ပထမဆုံးမန်နေဂျာ George C. Boldt ဖြစ်ပြီးတော့ သူ့ရဲ့ ကိုင်တွယ်ပုံကောင်းမွန်မှုကြောင့် ယခုလက်ရှိ နယူးယော့ခ်ရဲ့ ဈေးအကြီးဆုံးနဲ့ အလွန်ခမ်းနားတင့်တယ်တဲ့ ဟိုတယ်တစ်ခုဖြစ်နေပါတယ်။
ပြောရရင်တော့ စေတနာရဲ့ အကျိုးလို့ ဆိုရမှာဖြစ်ပါတယ်။
မောင်စိုင်း
www.kanaung.net
www.kanaung.net
No comments:
Post a Comment
မိတ်ဆွေ...အချိန်လေးရရင် blogg မှာစာလာဖတ်ပါနော်
ဗဟုသုတ ရနိုင်တယ်။