အမေရိကန် နိုင်ငံတွင် အစိုးရ၏ ကန်ထရိုက်တာက အလုပ်ခန့်ထားသူသည် အမေရိကန်၏ စောင့်ကြပ် ကြည့်ရှု ထောက် လှမ်းရေး အစီအစဉ်ကို
ထုတ်ဖော်ခဲ့မှုဖြင့် အရေးယူခြင်း မခံရလေအောင် ဟောင်ကောင်တွင် ခိုလှုံခွင့် တောင်းခံခဲ့ရာ သူ့ကို ဟောင်ကောင် မှ ပြည်နှင်ဒဏ် ပေးလိုက်သည်။
လောလောဆယ်တွင် အဆိုပါ အမေရိကန်၏ သစ္စာဖောက်ဖြစ်သူ အက်ဒဝပ်စနိုးဒင် (Edward Snowden) သည် ဇွန် ၁၁ ရက်အင်္ဂါနေ့အထိ မည်သည့်နေရာ၌ ခိုအောင်းနေသည်ကို မည်သူမျှ မသိရှိရ သေးပေ။ တရုတ်ပြည်၏ ကိုယ်ပိုင် အုပ်ချုပ်ခွင့်ရ ဒေသတွင် အနောက်တိုင်း တရားရေး ဥပဒေစနစ်ကို ယခင် ဗြိတိသျှ ကိုလိုနီလက်အောက်ခံ နိုင်ငံဘဝ ကတည်းက အမွေခံ ရရှိထားသည်နှင့် အညီ စနစ်တကျ ပြုစုလက်ခံ ထားခဲ့ သည်။
အက်ဒဝပ် စနိုးဒင်၏ ထုတ်ဖော် ပြောကြားမှုများကို The Guardian နေ့စဉ်သတင်းစာ၏ သတင်းစာဆရာ ဂလန်းဂရင်းဝေါလ် (Glenn Greenwald) ဆိုသူက သတင်းအဖြစ် တစ်ဆင့် ဖောက်သည်ချ ပေးခဲ့ခြင်း ဖြစ်ပြီး စနိုးဒင်နှင့် နေ့တိုင်း အဆက်အသွယ် ရှိနေသည့်တိုင် ၎င်းသည် ဟောင်ကောင်၌ ရှိနေဆဲပင် ဖြစ်ကြောင်းကိုမူ ဂလန်းဂရင်းဝေါလ်က အတိအကျ ပြောကြားခြင်း မရှိပေ။
ထို့အပြင် ၎င်း၏ အနာဂတ် အစီအစဉ်ကိုလည်း မသိရှိဟု ၎င်းက ငြင်းဆိုသည်။ သတင်းစာဆရာ ဂရင်းဝေါလ် က အမေရိကန် အစိုးရသည် တယ်လီဖုန်းများနှင့် အင်တာနက်မှ မှတ်တမ်းများကို ရယူ စုဆောင်းရန် စီမံချက်ကို လုပ်ဆောင်တော့မည် ဖြစ်ကြောင်း သတင်းစာ၌ ဖော်ပြသောကြောင့် ကမ္ဘာ တစ်ဝန်းလုံးက ကျယ်ကျယ်ပြန့်ပြန့် သိရှိ ကုန်ကြသည်။ ဤသတင်းများကို စနိုးဒင်မှ ပေးပို့ခဲ့သည်ကို ၎င်းက အခြေခံ၍ ရေးသားခဲ့ခြင်း ဖြစ်ကြောင်း သိရှိရသည်။ ဇွန် ၁ဝ ရက် တနင်္လာနေ့က စနိုးဒင်သည် ဟောင်ကောင်မြို့ မိရာ့ ဟိုတယ်မှ ထွက်ခွာသွားပြီး ဖြစ်သဖြင့် ၎င်းကို ထိုစဉ်ကတည်းက ပြည်သူများ၏ အကြားတွင် မတွေ့ဖြစ် တော့ပေ။ စနိုးဒင် အပေါ် ယနေ့အထိ တရားဝင် ဖမ်းဝရမ်း ထုတ်ပြန်ထားခြင်း သော်လည်းကောင်း၊ ဥပဒေ အရ စွဲချက်တင်ထားခြင်း သော်လည်းကောင်း မရှိသေးပေ။ စနိုးဒင်သည် အသက် ၂၉ နှစ်ရှိပြီး အစိုးရထံမှ ကန်ထရိုက် ယူနေသည့် ဘုဇ်အယ်လန်ဟမ် မီလ်တန်း (Booz Allen Hamilton) ကုမ္ပဏီမှ အလုပ်သမား တစ်ဦးဖြစ်သည်။ ၎င်းကို ကာလီဖိုးနီးယား မဲဆန္ဒနယ် ဆီးနိတ်လွှတ်တော် အမတ် ဒိုင်ယာ နီဖိန်းစတိမ်း (Dianne Feinstein) (ဆီးနိတ် ထောက်လှမ်းရေး နာယက) က ''သစ္စာဖောက်သည့် လုပ်ရပ်''ကို လုပ်သူဟု စွပ်စွဲလိုက်ပြီး တရားဥပဒေ အရ အရေးယူသင့်ကြောင်း သူမက ပြောကြားခဲ့သည်။ စနိုးဒင်သည် ဟောင်ကောင်မြို့သို့ မေ ၂ဝ ရက်က ရောက်ရှိလာသူ ဖြစ်သည်။ အမေရိကန် နိုင်ငံသား တစ်ဦးသည် ဟောင်ကောင်သို့ ရောက်ရှိလာလျှင် ဥပဒေအရ ရက်ပေါင်း ၉ဝ အထိသာ နေခွင့်ရှိသည်။ အမေရိကန် နိုင်ငံနှင့် ဟောင်ကောင်တို့သည် ပြစ်မှု ကျူးလွန်သော တရားခံကို သက်ဆိုင်ရာ နိုင်ငံသို့ ပြန်လည် ပေးပို့ရေး သဘောတူစာချုပ် ချုပ်ဆိုထားခြင်း မရှိသဖြင့် ၎င်းသည် ဟောင်ကောင်၌ ခိုလှုံခွင့် အတွက် ကုလသမဂ္ဂမှ တစ်ဆင့် လျှောက်ထားနိုင်သည်။ သို့တည်းမဟုတ် နောက်ထပ် အခြားတစ်နေရာသို့ လေယာဉ်စီး၍ ထွက်ခွာ သွားနိုင်ပေသည်။ အကယ်၍ အမေရိကန် နိုင်ငံက တရားခံ ဖြစ်သူကို ပြန်လည် ပို့ဆောင်ပေးရန် ဟောင်ကောင် အစိုးရကို တောင်းခံ လာသည့်တိုင်အောင် စနိုးဒင် အနေဖြင့် နိုင်ငံရေးနှင့် ပတ်သက်သော တရားစွဲဆိုမှု ဖြစ်သဖြင့် စောဒကတက်၍ ကန့်ကွက်နိုင်ခွင့် ရှိနေပေရာ ထိုကိစ္စမှာ နှစ်နှင့်ချီ ရေရှည် ဆွဲလျက် ကာလ ကြာညောင်း သွားပေလိမ့်မည်။
ဥပမာအားဖြင့် တစ်ချိန်တုန်းက အာဖရိက တိုက်သားသုံးဦး ခိုလှုံတောင်းခံခဲ့ရာတွင် ဟောင်ကောင်တရားရုံး ချုပ်က သူတို့အတွက် ခိုလှုံခွင့် လျှောက်ထားနိုင်ရန် ဆောင်ရွက်ပေးဖို့ သက်ဆိုင်ရာ အာဏာပိုင်များအား အမိန့် ချမှတ်ပေးခဲ့သည်။ အဆိုပါ အမှုနှင့် ပတ်သက်၍ သက်ဆိုင်ရာမှ စနစ်သစ် တစ်ခုကို ရေးဆွဲ နေဆဲပင်ရှိ နေသေး၍ စနိုးဒင်၏ လျှောက်လွှာတင်ရန် ကိစ္စကိုလည်း ကြာရှည် ဆိုင်းငံ့ ထားပေလိမ့်မည်။
၁၉၉၇ ခုနှစ် ဟောင်ကောင်ကျွန်းကို ဗြိတိသျှတို့က တရုတ်ပြည်သို့ လွှဲပြောင်းပေးသည့် သဘောတူညီချက် အရ ဟောင်ကောင်သည် လွတ်လပ်သော ဥပဒေစနစ်ဖြင့် အုပ်ချုပ်ခွင့် ရရှိထားသည်။ ယင်း ဥပဒေစနစ်ကို တစ်ဖက်စောင်းနင်း ပြု၍ စနိုးဒင်အား မတရားပြုမူ ဆောင်ရွက်ခဲ့လျှင် အားကောင်းသော လူမှုအဖွဲ့အစည်း ရှိနေသည့် အားလျော်စွာ မီဒီယာ လောကတွင် ပွက်လောရိုက် ကုန်ပေလိမ့်မည်။ ဟောင်ကောင်သည် တရုတ်ပြည်၏ တစ်စိတ်တစ်ပိုင်း အုပ်ချုပ်ခွင့် ရရှိနေသည့်တိုင်အောင် ထိုကိစ္စမှာ ပေကျင်းတွင် လုံးဝကိုင် တွယ် ဖြေရှင်းခွင့် ရှိနေပြီး ဝါရှင်တန်နှင့် ပေကျင်းတို့သည် ရံဖန်ရံခါ မသင့်မတင့်ဖြစ်ကာ သဘောထား ကွဲလွဲမှုများ ရှိခဲ့ဖူးကြသည်။ စနိုးဒင်အနေဖြင့် ဟောင်ကောင်လာရန် ဆုံးဖြတ်လိုက်သည်ကို မည်သည့် အတွက် ၎င်းက ထိုသို့လုပ်ဆောင်ခဲ့ကြောင်း ဂရင်းဝေါလ်က ယခုတိုင် သဘော မပေါက်ခဲ့သေးပေ။ အမေရိကန် နိုင်ငံ၏ အာဏာပိုင်များကို ရှောင်လွှဲရန် အချက်တစ်ရပ်တည်း ဖြင့်သာ ၎င်းက ထိုသို့ဆုံးဖြတ် ခဲ့ဟန်မတူပေ။ အကြောင်းအရင်း တစ်ခုခု ရှိနေပုံ ရပေသည်။
အမေရိကန် နိုင်ငံနှင့် ဟောင်ကောင်တို့သည် ပုံမှန်အားဖြင့် ရာဇဝတ်မှု ကျူးလွန်သူများအား လွှဲပြောင်းပေးရန် တောင်းခံလျှင် ပူးပေါင်းဆောင်ရွက်ပေးလေ့ ရှိကြသည်။ ထိပ်တန်း အမှုတစ်မှုတွင် ၂ဝဝ၃ ခုနှစ်က အယ်လ်ကိုင်ဒါ သုံးဦးအား အမေရိကန်နိုင်ငံသို့ ဟောင်ကောင်မှ လွှဲပြောင်း ပို့ပေးခဲ့ဖူးသည်။ အမေရိကန် နိုင်ငံသည် ဟောင်ကောင်၌ ရင်းနှီးမြှုပ်နှံသည့် နိုင်ငံများအနက် အကြီးမားဆုံး ရင်းနှီးမြှုပ်နှံခဲ့သော နိုင်ငံတစ်နိုင်ငံ ဖြစ်နေပေသည်။ ဟောင်ကောင်သည် အရှေ့အာရှတွင် အဓိက စီးပွားရေး စင်တာကြီး တစ်ခု ဖြစ်သည်။ အမေရိကန် နိုင်ငံ၏ ပြောရေးဆိုခွင့်ရှိသူ ဂျင်ပါစက်ကီက စနိုးဒင် အခြားနေရာသို့ ထွက်ခွာသွား လျှင် အကောင်းဆုံး ဖြစ်မည်ဟု ယူဆကြောင်း ဒေသခံ နိုင်ငံရေးသမား တစ်ဦးက ပြောကြားသည်ဟု ဆိုသည်။ သူသည် ဤနှစ်နိုင်ငံ အကြားတွင် သဘောတူညီမှု စာချုပ် အများအပြား ချုပ်ဆိုထားကြောင်း သိရှိဟန် မတူဟု ၎င်းက ပြောကြားသည်။ ဟောင်ကောင်နှင့် အမေရိကန် နှစ်နိုင်ငံ စလုံးသည် ကိစ္စအားလုံး လိုလိုကို သဘောတူ ခဲ့ကြလေ့ရှိသည်။ စနိုးဒင်သည် ဟောင်ကောင်မှ ထွက်ခွာသွားလျှင် အကောင်းဆုံး ဖြစ်မည်ဟု ဟောင်ကောင်၏ ဥပဒေကောင်စီဝင်လည်း ဖြစ်ပြီး လုံခြုံရေး ကောင်စီဝင်ဟောင်းလည်း ဖြစ်သူ တစ်ဦးဖြစ်သော ရက်ဂျီနာအိပ် (Regina Ip) က ရှင်းပြသည်။ ပေကျင်းသည် ရံဖန်ရံခါ ဝါရှင်တန်ဘက်မှ လိုက်ပါလေ့ ရှိသော်လည်း စနိုးဒင်နှင့် ပတ်သက်၍မူ သဘောထားခြင်း တိုက်ဆိုင်မည် မဟုတ်ပေ။ ကွန်ပျူတာ Cyber ကြားဖြတ် ခိုးယူခြင်း၊ Cyber သူလျှိုလုပ်ခြင်း တို့တွင် သမ္မတ ဘားရက်အိုဘားမားနှင့် ဇီဂျင်ပင်း (Xi Jinping) တို့သည် မကြာသေးမီကပင် သဘော ကွဲလွဲခဲ့ကြသေးရာ ကောင်းမွန်လာအောင် ဆောင်ရွက်ကြမည်ဟု လွန်ခဲ့သည့် သီတင်းပတ်ကမှ ကတိပြု ခဲ့ကြသည်။
သို့တိုင်အောင် တရားခံ လွှဲပြောင်းပေးရေး ကိစ္စတွင် တရုတ်ပြည်မကြီး၏ အစိတ်အပိုင်း တစ်ခုဖြစ်သော ဟောင်ကောင်သည် နည်းလမ်းများရှာကြံ၍ ငြင်းဆိုမည်မှာ သေချာနေပေသည်။ ၁၉၉၇ ခုနှစ်တွင် ဟောင်ကောင်ကျွန်းကို တရုတ်ပြည်သို့ လွှဲပြောင်း ပေးခဲ့စဉ်က ပြည်သူပြည်သားတို့၏ သာယာဝပြောရေးကို ရှေးရှု၍ ကောင်းချီးပေး အုပ်ချုပ်သွားမည်ဟု သဘောတူစာချုပ် ချုပ်ဆိုခဲ့ကြသည်။ အကယ်၍ ဤကိစ္စရပ် တွင် နိုင်ငံရေးအရ လှုံ့ဆော်မှု ရှိလာသည်ဟု ထင်မြင်ယူဆ ရလျှင်သော်လည်းကောင်း၊ တရားခံ အနေဖြင့် တစ်ဖက်သတ် တရားစီရင်ခြင်း ခံရလိမ့်မည်ဟု ယူဆထင်မြင်ရလျှင် သော်လည်းကောင်း၊ အက်ဥပဒေ၊ စည်းမျဉ်းဥပဒေများ အရ ခွင့်ပြုနိုင်မည် မဟုတ်ပေ။ ထို့အတွက် ပေကျင်းတွင်လည်း ဗီဒိုအာဏာ သုံးစွဲခွင့် ရှိနေပေသည်။
အဆိုပါ သဘောတူညီချက်အရ ပေကျင်းသည် တရုတ်လူမျိုး အမျိုးသားတစ်ဦးအား အပြစ်ကျူးလွန်ရာ နိုင်ငံသို့ အမျိုးသား လုံခြုံရေး အကြောင်းပြချက်ဖြင့် လွှဲပြောင်းအပ်နှံမည့်ပုံ မရချေ။ ၁၉၉၇ ခုနှစ် အမေရိကန် ဆီးနိတ် နိုင်ငံခြားဆက်ဆံရေး ကော်မတီ၏ လေ့လာထားချက် တစ်ရပ်အရ တရုတ်လူမျိုး အမျိုးသားတစ်ဦး ဖြစ်ရုံကြောင့် မဟုတ်ဘဲ အမျိုးသား လုံခြုံရေး အကြောင်းပြချက်အရ ပေကျင်းသည် ကျယ်ပြန့်စွာ သိုသိုသိပ် သိပ်ဖြင့် တရားခံ လွှဲပြောင်းပေးရေး တစ်စုံတစ်ရာကို ငြင်းဆိုမည်မှာ မြေကြီးလက်ခတ် မလွဲပေ။ ။
No comments:
Post a Comment
မိတ်ဆွေ...အချိန်လေးရရင် blogg မှာစာလာဖတ်ပါနော်
ဗဟုသုတ ရနိုင်တယ်။