ငြိမ်းချမ်းရေးအတွက် ယုံကြည်မှုတည်ဆောက်ခြင်း အခမ်းအနားတွင် ဆရာစိုင်းခမ်းလိတ်ပြောကြားသော မိန့်ခွန်း

 

Aung Zaw Bo

28.11.2012 ရက်နေ့ ရန်ကုန်မြို့၊ ဗဟန်းမြို့နယ်၊ ရွှေဂုံတိုင်လမ်း တော်ဝင်နှင်းဆီ ခန်းမ မှာကျင်းပပြုလုပ်တဲ့ `` ငြိမ်းချမ်းရေးအတွက် ယုံကြည်မှုတည်ဆောက်ခြင်းအခမ်းအနား´´ မှာ ဒေါက်တာစိုင်းခမ်းလိတ် မှ ပြောကြားသော မိန့်ခွန်းအပြည့်အစုံအမှာ

၁။ နိဒါန်း
၂။ ငယ်စဉ်ကကြီးလာတဲ့ဘ၀
၃။ စပီးရှမ်းဝတ်စုံ
၎။ နောက်မှရှမ်းစာ
၅။ နောက်ဆုံးကျမှ ရှမ်းသီချင်း (ရှမ်းအလုပ်)
၆။ ဥပမာများ
(1) ရှမ်းစိတ်ဓာတ်ရှိပါစေ
(2) မီးရှူးခံသီချင်းသစ်
(3) ရှမ်းစာရေးထုံးကော်မရှင်အစည်းအဝေ (၁၉၆၉ )
(4) ရှမ်းမှတ်မိတယ်
(5) ပင်လုံစာချုပ်
(6) တောင်ပေါ်မြေရဲ့တခြားတစ်ဖက်မျက်နှာ
(7) ရာသီပြောင်းချိန်
(8) မန္တလေးရောက်ရှမ်းတယောက်
(9) ဖြတ်သာသွာတယ်မနားတတယ် ၊ လူငယ်ခြေကျ ၊ စာခြောက်ရုပ်

၇။ ကဗျာများ
၈။ မျှော်လင့်ချက်မဆုံးစေနဲ့ 
၉။ နိဂုံး

ရှမ်းတိုင်းရင်းသားများဒီမိုကရေစီအဖွဲ့ချုပ်ရဲ့ ငြိမ်းချမ်းရေးအတွက်ယုံကြည်မှုတည်ဆောက်ရေးTrust Building for Peaceဆွေးနွေးပွဲတွင်ပြောရန်

ဒီ “ငြိမ်းချမ်းရေးအတွက်ယုံကြည်မှုတည်ဆောက်ရေး” ဆွေးနွေးပွဲကို တက်ရောက်လာကြတဲ့လူကြီးမင်းများကို “မင်္ဂလာပါ” လို့နှုတ်ဆက်လိုက်ပါတယ်။ ကိုယ်နေတတ်သလို သက်တောင့်သက်သာနေကြပါလို့အရင်ဆုံးမေတ္တာရပ်ခံချင်ပါတယ်။ယုံကြည်မှုတည်ဆောက်ရေးဆိုတာ ပြောရတာလွယ်သလောက်လုပ်ရတာ သိပ်မလွယ်ကူပါဘူး။

ကျွန်တော်အနေနဲ့တော့ ဒီလိုပဲယူဆပါတယ်။ အခုတွေ့နေကြတဲ့ လူတွေဟာ စေတနာကောင်းနဲ့ လာကြတဲ့သူတွေဆိုတာ ကျွန်တော်ယုံကြည်ပါတယ်။ ဒါပေမဲ့ အားနာတယ်ဆိုတာ ကျွန်တော်တို့အရှေ့တိုင်းသားခပ်များများရဲ့ အကျင့်တစ်ခုဖြစ်နေတာ ကြာလှပါပြီ။ ယုံကြည်မှုရှိလာဖို့ဆိုတာ အားနာတယ်ဆိုတဲ့ ဘောင်ကျော်ဖြတ်ပီးမှသာ ဖြစ်နိုင်မှာပါ။အခုလဲရောက်လာကြတဲ့ လူကြီးမင်းများ ကျွန်တော့်ကို သီချင်းရေးသူတစ်ယောက်လို့သာ အကြမ်းဖျင်းသိထားကြမှာပါ။

ဒါပေမဲ့ကျွန်တော်သီချင်းတစ်ပုဒ်ကို ဖန်တီးဖြစ်အောင် လှုံဆော်ခဲ့တဲ့အကြောင်းအရာတွေ၊ အခြေအနေတွေ၊ ပါဝင်ပက်သက်ခဲ့တဲ့ သက်ရှိသက်မဲ့တွေကအစ အားလုံးထိ နားလည်သလား နားမလည်ဘူးလားဆိုတာ သိမှမသိဘဲ။ မှန်တယ်ထင်တာကိုပဲ ဦးစားပေးရေးရတဲ့ ကျွန်တော့်မူရင်းဝိညာဉ် ၊ မူရင်းစိတ် ၊ မူရင်းကိုယ်တွေကိုကောပြသနိုင်မှ တော်ကာကျမှာပေါ့။ ဒါမှလူဦးရေ(၂၆)သန်းကျော်ကနေ သန်းပေါင်း(၆၀) ကျော်တဲ့အထိနေလာရတဲ့တစ်ယောက်သောသူကတော့ ဒီလိုဘ၀မျိုးကို ဖြတ်သန်းခဲ့ရပါတယ်ဆိုတာ သိမှာကိုး။


ကျွန်တော်ရေးသားမဲ့ပုံစံက တောင်းခံထားတဲ့ပုံစံနဲ့ ကိုက်မကိုက် လိုက်မလိုက်တော့မသိပါဘူး။ ဒါပေမဲ့ကျွန်တော်တို့အားလုံးရဲ့ မပိုင်ပေမဲ့ဆိုင်နေတဲ့နိုင်ငံ့ ငြိမ်းချမ်းရေးအတွက်ယုံကြည်မှုတည်ဆောက်ခြင်းကိုတော့ နဂိုကတည်းကယုံကြည် ၊ နဂိုကတည်းကလည်းထပ်တူနီးပါး ရည်မှန်းချက်ရှိလို့ ဝေဖန်တာတွေကို ခါးဆီးပီး ၀ိညာဉ်ကော ၊ စိတ်ကော ၊ကိုယ်ရော ခံနိုင်လည်းခံ မခံနိုင်လည်းခံရင်း ကိုယ်ဝါသနာပါတဲ့ တေးရေးသူဘ၀ကိုကြိုးစားပြီးရယူခဲ့တဲ့သူတစ်ယောက်ပါ။ ပါတီနဲ့ အဖွဲ့အစည်းတွေပူးပေါင်းပီး “ ငြိမ်းချမ်းရေးအတွက်ယုံကြည်မှုတည်ဆောက်ရေး ” ဆွေးနွေးပွဲမှာ ပါဝင်ပြောပြခွင့်ရလို့ အထူးကျေးဇူးတင်ရပါကြောင်း ပြောလိုပါတယ်ခင်ဗျား ။

ကျွန်တော်ငယ်တုန်းကတော့ ရှမ်းတစ်ယောက်ဖြစ်တယ်ဆိုတာကိုမသိခဲ့ပါဘူး။ ကျောင်းနေတော့နမ္မတူမြို့ ရဲ့ Our Lady’s Convent , မေမြို့ St. Albert’s High school စတဲ့ ခရစ်ယာန်သာသနာပြုကျောင်းတွေမှာနေခဲ့တော့ ဘိုကျောင်းတက်ပြီး ဘိုလိုပဲ ၀တ်ခဲ့ပါတယ်။ ရှမ်းဝတ်စုံကို အစ်ကိုကြီးတို့ဝတ်တုံးကလည်း ကြည့်ပြီးသိပ်မကြိုက်ခဲ့ဘူး ။ ဒါပေမဲ့(၁၉၆၄) ကျောင်းတွေကို ပြည်သူပိုင်သိမ်းတော့ နဂိုကတည်းက ကိုယ့်မြို့ကိုပဲခင်တွယ်တဲ့ ကျွန်တော်ဟာ နမ္မတူအစိုးရတန်းမြင့်ကျောင်းကိုပြန်ပြောင်းခဲ့ပါတယ်။

အဲ့ဒီမှာ ကျွန်တော်ဘာလူမျိုးလဲဆိုတာ တေ့တေ့ဆိုင်ဆိုင်တွေ့ရတော့တယ်။ဘာလို့လဲဆိုတော့ တခြားရှမ်းတွေကရှမ်းဘောင်းဘီ ၊ ရှမ်းတိုက်ပုံ ၊ အမျိုးသ္မီးတွေကရှမ်းထဘီ ၊ ရှမ်းအင်္ကျီဝတ်လာကြတာကိုး ၊သူတို့ကတော့ဘာမှမပြောကြ ၊ လေးစားသမှုပြုကြပေမဲ့ ကျွန်တော်ကတစ်ယောက်ထဲ ရှမ်းတွေကြားမှာဘိုလိုဝတ်နေတော့ ရေရှည်မှာဘယ်နေနိုင်ပါ့မလဲ ။

ကိုယ့်ပင်ကိုယ်စိတ်သဘောထားကလဲ လူကြားထဲမှာလိုက်လျောညီထွေနေချင်တဲ့ဆန္ဒရှိခဲ့တော့ ကျွန်တော်လဲ ရှမ်းဝတ်စုံနဲ့ ဖြစ်သွားပြီပေါ့လေ။နောက်ထပ်ကြုံတွေ့ရတာကတော့ ကျွန်တော့ဘ၀မှာရှမ်းလိုဝတ် ရှမ်းလိုပြောတတ်ရုံနဲ့ရှမ်းမဟုတ်သေးဘူးဆိုတာကို ထပ်မံပြသလိုက်သလိုဖြစ်ရပ်ပါ။ (၁၉၆၅) မှာကျောင်းမှာ နံရံကပ်စာစောင်လုပ်ပါတယ်။ အဲ့ဒီမှာ ရှမ်းဆရာဦးစိုင်းရွှေထွန်းကနေ ရှမ်းကျောင်းသားတွေကိုသပ်သပ်အစည်းအဝေးခေါ်ပြီး ရှမ်းဘာသာနဲ့ရှမ်းနံရံကပ်စာစောင်တစ်ခုလုပ်ဖို့ပြောပါတယ်။အဲ့ဒါခေါင်းဆောင်တစ်ယောက်ရှိရမယ်ဆိုပြီးပြောတော့ အားလုံးသောကျောင်းသား ကျောင်းသူတွေ ကျွန်တော့်ဖက်ပဲလှည့်ကြည့်လာတော့ခက်ပြီပေါ့။ ဒါပေမဲ့ ကျွန်တော်ပြဿနာကိုနောက်မှကြည့်ရှင်းမယ်ဆိုပြီး ခေါင်းဆောင်တာဝန်ကို လက်ခံလိုက်ပါတယ်။ နောက်မှပြင်ဦးလွင်မှာနေခဲ့တဲ့ အစ်ကိုဆီကြေးနန်းရိုက်ပြီး ရှမ်းစာအမြန်လာသင်ပေးဖို့ ပူစာလိုက်ရတာပေါ့။ အဲ့ဒီမှာရှမ်းလိုဝတ် ရှမ်းစကားပြော ၊ရှမ်းစာရေးသားတတ်ပြီဆိုတော့ပြည့်စုံပြီလို့ထင်မိပါတယ်။

ဒါပေမဲ့မကုန်သေးပါဘူး။ ရှမ်းထုံးစံအရ ၀ါတွင်းအဖိတ်နေ့မှာ ရှမ်းလူငယ်မောင်မယ်တွေဘုန်းကြီးကျောင်းကိုလာပြီးဘုန်းကြီးတွေအတွက်ခဲဖွယ်၊ ရေနွေး၊ တရားနာမဲ့လူတွေအတွက်ရေနွးကြမ်း အကြော် ။ ဥပုသ်နေ့မှာဘုရားဆွမ်းတော်ကပ်ဖို့ ၊ ဘုန်းကြီးအာရုံဆွမ်း ၊ရေနွေးကော်ဖီ ၊ နေ့ဆွမ်း ၊ အသီးဖျော်ရည်များ ၊တရားနာသူတွေအတွက် နံနက်စာ နေ့လည်စာပြင်ဆင်ပြီးကျောင်းဝင်းသန့်ရှင်းရေးစတဲ့ ဝေယျာဝစ္စတွေလုပ်ကြရပါတယ်။ပြောချင်တာက အဖိတ်နေ့ည ရှစ်နာရီ ကိုးနာရီ ရေနွေးအိုး ဟင်းအိုးတည်ရင်း စောင့်ရင်းဂီတာတီးတတ်သူတွေ (ညီစိုင်းခမ်းသီအပါအ၀င်) ကဂီတာတီးပြီးရှမ်းသီချင်းတီးကြဆိုကြတာပေါ့လေ။ တနေ့လာလာလဲဒီသီချင်း (၂)ပုဒ် ၊(၃) ပုဒ် တနေလာလည်း(၂)ပုဒ် ၊(၃) ပုဒ်နဲ့ဆိုတော့ ခေါင်းဆောင်စိုင်းအုံးမြင့်ကို ကပ်ပြီးငါတို့ရှမ်းသီချင်းဒါဘဲရှိတာလား ဆိုတော့ ဟုတ်တယ်။တခြားဟာတွေလဲရှမ်းနားနဲ့မကိုက်တော့ မကြိုက်ကြဘူးလို့ဆိုတယ် ။

ဒီမှာပဲ ကျွန်တော်ကတော့မပူပါဘူး St. Albert တုန်းကကြားဖူးခဲ့တဲ့ ကမ္ဘာကျော်Beatles ရဲ့ သီချင်းတွေရှိသားဘဲ ၊အဲဒီ tune ယူပြီး ရှမ်းစာသားသွင်းလိုက်ရင် ရှမ်းလည်းဘာသားနဲ့ထုထားတာမို့လို့လဲ ကမ္ဘာကြိုက်သီချင်းတွေ ကြိုက်ရမှာပဲပေါ့။ဒါပေမဲ့ တကမ္ဘာလုံးကြိုက်တဲ့သီချင်းတွေဟာ ရှမ်းနားနဲ့ကျ မကိုက်ဖူး ဖြစ်နေတော့တစ်ပုဒ်ပြီးတပုဒ်ဘာသာပြန်နေတာနှစ်ဝက်တောင်ကျော်ခဲ့ပြီ ၊ အဲဒါနဲ့ Pentatonic scale နဲ့သီချင်းစပ်ရင်း ပြင်ဆင်ရင်းနဲ့ ၁၉ ၆၈ ကျမှ ကိုယ့်စိတ်ထဲမှာ ရှမ်းကြိုက်နိုင်တဲ့ စာသားနဲ့ သီချင်းပုံစံကိုရတော့တယ် ။

ထင်မှတ်တဲ့အတိုင်းပါပဲ အဲဒီသီချင်းကတော့“ တို့ရှမ်းအ၀တ်အစားကိုဝတ်ပါ ဘာလို့လဲဆိုရင်တို့ကရှမ်းမဟုတ်လား ”“ တို့ရှမ်းစကားကိုပြောပါ ဘာလို့လဲဆိုရင် တို့ကရှမ်းမဟုတ်လား ” စတဲ့ စာသားတွေပါတဲ့(ရှမ်းစိတ်ဓာတ်ရှိကြပါ) ဆိုတဲ့သီချင်းပါပဲ `ရှမ်းတွေကြိုက်လာတော့လဲ အဲဒီလိုပုံစံသီချင်းတော်တော်များများရေးခဲ့ပါတယ်။
အဲဒါတွေကတော့ (ဥပမာ)

၁။ ရှမ်းစိတ်ဓာတ်ရှိပါစေ
၂။ မီးရှူးခံသီးချင်းသစ်
၃။ ၄။ ရှမ်းမှတ်မိတယ်
၅။ ပင်လုံစာချုပ်
၆။ တောင်ပေါ်မြေရဲ့ အခြားတစ်ဖက်မျက်နှာ
၇။ ရာသီပြောင်းချိန်
၈။ မန္တလေးရောက်ရှမ်းတစ်ယောက်
၉။ ဖြတ်သာသွားတယ် မနားတယ်
၁၀။ လူငယ်ခြေကျ
၁၁။ စာခြောက်ရုပ် အဲဒီသီချင်းတွေ အပါအဝင်ပေါ့။

မီးရှူးခံသီးချင်းသစ်

အဲဒီနောက်ထပ်ပြီး ဖော်ပြချင်တဲ့သီချင်းကတော့ မီးရှူးခံသီချင်းပါပဲ။ ရှမ်းမှာထူးခြားတဲ့အဖြစ် အပျက်တစ်ခုခုကိုရည်စူးပြီး (သို့) အောင်ပွဲခံခြင်းတစ်ခုခုကို ရည်မှန်းပြီး Carol Singing ဆိုပြီး ထွက်အလှူခံရပါတယ်။အဲဒီလိုပွဲမျိုးက ပျောက်ကွယ်စပြုလာပြီမို့ တောင်ကြီးမှာပြန်စရင်ကောင်းမှာပဲဆိုပြီး အစ်ကိုကြီး စိုင်းတုံခမ်းက ခေါင်းဆောင်အစီအစဉ်လုပ်ပြီး ကျွန်တော်သီချင်းစပ်ဖြစ်သွားတာပါ။

(၁၉၆၉)ခုနှစ်ကပေါ့ အဲဒီနှစ်မှာပဲ တောင်ကြီးမြို့မှာ ရှမ်းစာပေညီလာခံကျင်းပတော့ ကျွန်တော်ဟာ မန္တလေး တက္ကသိုလ်များကိုယ်စာလှယ်လေ့လာသူအနေနဲ့ပါဝင်ခဲ့ပါတယ်။ အဲဒီမှာ သီချင်းနှစ်ပုဒ်သုံးပုဒ်သီဆိုခဲ့ပါတယ်။

အဲဒီမှာ စပ်ဖြစ်ခဲ့တဲ့ သီချင်းကတော့ " တိုင်းပြည်လောက်ကြီးတဲ့ ကျီကြီးရှိပေမယ့် ဆန်မရှိရင် ဘာလုပ်ရမှာလဲ " ဆိုတဲ့သီချင်းအဓိပ္ပာယ်က "အပြင်အကာအရံအလှအပတွေကိုပဲ အလေးထားလုပ်ကြပေမယ့် အတွင်းကျတာတွေ ဘာမှမထူထောင် မတည်ဆောက်ပေးရင်ဘာလုပ်ရမှာလဲ" ဆိုတာပါပဲ။

ရှမ်းမှတ်မိတယ်

" တည်နေရာက တောထဲမျက်မည်းဖြစ်နေတဲ့ အချိန်မြင့်မားတဲ့တောင်ကြီးတွေ လူမျက်စိနဲ့ မမြင်ရသေးတဲ့အချိန် သံလွင်မြစ်ကို ဘယ်သူမှမဖြတ်ကျော်နိုင်သေးတဲ့အချိန် . . . အဲဒီအချိန်ကစပြီး ရှမ်းမှတ်မိတယ်။ ဒို့အဖိုးအဖွားတွေရဲ့ အရိုးတွေလဲဖုန်မှုံ့ဖြစ်ခဲ့တယ် ၊ ချွေးတွေသွေးတွေနဲ့လယ်ယာကိုကျွေးဖို့ရေလုပ်ခဲ့တာပေါ့။ ဆက်နွယ်ထားတဲ့အသက်ပေါင်းများစွာနဲ့မျိုးစေ့ချခဲ့တာပါ။အဲဒီအချိန်ကစပြီး ရှမ်းမှတ်မိတယ်။ မြေကြီးဟာစောလာသူတွေအတွက်ရှိနေသေးတဲ့အချိန်မှာ ဘယ်သူငြင်းနိုင်မှာလ။ဲရှမ်းကအရင်ကျတယ်ဆိုတာ . . . ရှမ်းမှတ်မိတယ် ဖြစ်လာသမျှတွေရှမ်းမှတ်မိတယ် . . . ရှမ်းပြည်တစ်ပြည်လုံးသာမက နိုင်ငံဝေးရောက်ရှမ်းတွေပါ နှစ်သက်တဲ့သီချင်းပါ။

ပင်လုံစာချုပ်

အဲဒီသီချင်းကိုရေးချင်နေတာကြာလှပါပြီ။ နောက်ဆယ်နှစ်အကြာမှာ ခွဲထွက်ခွင့်ရလို့ခွဲထွက် ချင်ရင်ပေါ့လေ . . . အဲဒီအတွေးဟာတစ်ဘ၀လုံးကို လွှမ်းမိုးထားသလိုပါပဲ။ဒါပေမယ့် ဘယ်လိုကောင်းအောင် စိတ်ဝင်စားလာအောင်ရေးရမလဲဆိုတာ စဉ်းစာမရခဲ့ဘူး။ ဒါပေမယ့် ထူးထူးခြားခြင်းရှမ်းကာတွန်းတစ်ပုဒ်ကို တွေ့လိုက်ပြီး အတွေးရလာတာပါ။အဲဒီကာတွန်းထဲမှာ ဗိုလ်ချုပ်ကြေးရုပ်ရဲ့ အိပ်ထောင်ကို လူတစ်ယောက်ကနှိုက်ပြီး ‘သေသေချာချာရှာကြည့်ပါဦး’ လို့ နောက်တစ်ယောက်ကေ ပြောနေတာပါ။ အဲဒါနဲ့ပဲ ‘ဆယ်နှစ်တောင်ကြာခဲ့ပါပြီ။ ရှမ်းပြည်ကြီးလည်းပြန်မရသေးပါဘူး။ ဘယ်လိုပဲဖြစ်ဖြစ် ဗိုလ်ချုပ်နဲ့ပါသွားပြီထင်တယ်။ ဘယ်ရောက်သွားပြီလဲပင်လုံစာချုပ်ရယ် ‘ လို့အဓိပ္ပာယ်ရတဲ့ သီချင်းကို ရေးခဲ့ပါတယ်။(၁၉၇၁)လောက်ကထင်ပါတယ်။ စာပေစီစစ်ရေးကခွင့်ပြုမှာမဟုတ်လို့ ယနေ့ထက်တိုင်ထုတ်ဖော်ပုံနှိပ်ခြင်း သီဆိုခြင်း မပြုခဲ့ရပါဘူး။ မိုးကုတ်မှာထင်တယ်။ တစ်ခါတော့ဆိုပြခဲ့ဖူးပြီး ကျန်တဲ့သူတွေ ရသွားသီဆိုသွားကြတာပါ။ရှမ်းပြည်ကလူတွေ ရူးသွပ်ခဲ့တဲ့သီချင်းပါပဲ။

သက္ကရာဇ်၂၀၀၀ပြည့်နှစ်အတွက်စပ်ခဲ့တဲ့ကဗျာကတော့

A place beyond dream,
Where what dream is what has been,
A thought for onself persued,
Turns out for all living things

အိပ်မက်လွန်နေရာမှန်းတာ
ညီမျှခြင်းဖြစ်တာ
အတ္တတွေးဆုံးထိလိုက်ရှာ
များသတ္တ၀ါတွက်ဖြစ်လာ
ရှမ်း ၊ မြန်မာ ၊ အင်္ဂလိပ် (၃)ဘာသာနှင့်ရေးစပ်ခဲ့ပြီးပို့ကဒ် ၊ ပိုစတာ ၊ တီရှပ်များထုတ်ခဲ့ပါတယ်။

ဖြတ်သာသွားတယ်မနားတယ်

ကျွန်တော်ရှမ်းပြည်မြောက်ပိုင်းတွင် ကျင်လည်တာ များနေပါပြီ။ အဲဒီအချိန်မှာ ကျွန်တော်အစ်ကိုကတော့ GTIမှာဝင်ရတော့ သူနှင့်တစ်ခါ အလည်လိုက်သွားမိတယ်။ မန္တလေး ပတ်ဝန်းကျင်လောက်က မီးတိုင်ကြီးတွေကို အစ်ကိုက ' ဒီလျှပ်စစ်မီးတိုင်ကို ကြည့်ထားနော်။ အဲဒါကလောပိတကထွက်ပြီး ရှမ်းပြည်ကိုဖြတ်ပဲ ဖြတ်သွားတာ။ ဘာမီးမှလဲမပေးဘူး’ ဆိုပြီးပြောတော့ ရေးဖြစ်လိုက်တဲ့ သီချင်းတစ်ပုဒ်ပါ။

မန္တလေးရောက်ရှမ်းတစ်ယောက်

မန္တလေးရောက်ပြီး ဘယ်နေရာမှ အဆင်မပြေနိုင်ဖြစ်နေသူရဲ့ ဘ၀ကိုရည်ရွယ်ပြီးရေးသား ထားတဲ့ ကို့ကိုယ်ပိုင်ခံစားချက် သီချင်းတစ်ပုဒ်ပါ အဆုံးသတ်ကျတော့ " ဘယ်လောက်နှိမ်ပေမယ့်လဲ မထူးတဲ့အကြောင်းကိုတော့ အချစ်နဲ့တိုင်းတာပြလိုက်တယ်။မန်းပျိုဖြူတစ်ယောက်ကို ရှမ်းချစ်လဲ ဗမာထက်မလျော့တာ တကယ်တမ်းပြခဲ့တယ်။ ဒါပေမယ့်လဲ ငွေဂုဏ်မရှိတော့ယောက္ခမ မကြည် မအောင်နိုင်သေးတော့ မိဘမကြည် မှီစရာခိုစရာမဲ့ ။ အိုနောက်ဆုံးတော့ မန္တလေးရောက်ရှမ်း တစ်ယောက်ရဲ့အဖြစ်ဟာမလွယ်ပါလား။ ဒါပေမယ့်လဲ နေရာချင်းတော့ မလဲချင်ဘူး။ တောင်ပေါ်သားတစ်ယောက်ဖြစ်ရတာ ဂုဏ်ယူချင်ပါတယ်။ အို ….. မန္တလေးယောက်ရှမ်းတစ်ယောက်တော့ ပြုံးနေရီနေမြဲ

လူငယ်ခြေကျ

ဟိုတုန်းကတင်ဝင်း (ဆေး/မန်း) ကျွန်တော့်တို့အခေါ်အရတော့ ကို Ronald Yin ပေါ့လေ။ သူပြောလေ့ရှိတဲ့ စကားတစ်ခွန်းပေါ့။ ကျွန်တော်က တကယ်ကို သဘောကျသွားတယ်။ ဘာလို့လဲ ဆိုတော့ တက္ကသိုလ်တက်ပြီး အမျိုးဘာသာသာသနာအတွက်ဘာမျှ အသုံးမကျဘဲဖြစ်နေတဲ့ လူငယ်တက္ကသိုလ်ထွက်တွေ အများကြီးတွေ့ဖူးပြီးသား ဖြစ်နေတာကိုး။ ဒါနဲ့ပဲအဲဒီသီချင်းကိုရေးဖြစ်တာပါ။ ဆိုတဲ့သူရောတီးတဲ့သူရော အားလုံးကြိုက်ကြပြီး သီချင်းပြီးတဲ့အချိန်နဲ့ Regional College တွေစတဲ့အချိန်နဲ့ ကွက်တိဖြစ်သွားလို့ ကျွန်တော်ကနှမျောတသစွာနဲ့ပဲပြန်နုတ် လိုက်ရတဲ့သီချင်းတစ်ပုဒ်ပါ။

စာခြောက်ရုပ်

အဲဒီဇာတ်လမ်းလေးကတော့ နိုင်ငံခြားစာရေးဆရာကြီး Nathaniel Horthorne ရဲ့ဝတ္ထုတိုကို အကျဉ်းပြန်ရေးထားတဲ့ Feather Top ဆိုတဲ့ဝတ္ထုလေးကို ဖတ်ပြီး ရေးဖြစ်သွားတာပါပဲ။ ဒီဝတ္ထုမှာ စုန်းမကြီးတစ်ယောက်ကနေ စာခြောက်ရုပ်တစ်ခုလုပ်ရင်းနဲ့ ရုပ်သိပ်ချောသွားတဲ့အတွက် အသက်သွင်းပြီး လူပြည်ကိုသွားခိုင်းခဲ့ပါတယ်။ ဒါပေမယ့် သူထင်သလို အဆင်ပြေမလာဘဲ စာခြောက်ရုပ်က သူ့တကယ့်အသွင်ကို မှန်ထဲမှာမြင်ပြီး မှတ်မိသွားတဲ့အတွက် ပြန်လာတာကို စုန်းမကြီးကတော့ နောက်ဆုံးတော့ လက်လျှော့ပြီး အစကတည်းကရည်ရွယ်ထားသလို ငါ့ပြောင်းဖူးခြံကိုသာ စောင့်ပေတော့လို့ လိုက်လျောခဲ့ရတဲ့ဇာတ်လမ်းလေးပါ။

ဟိုတုန်းက (၇၂ - ၇၃)ခုနှစ်လောက်က သီချင်းအဖြစ်ရေးသားပြီး ရွှေကြယ်ငွေကြယ်စတဲ့စကားလုံးတွေပါနေလို့ ဆင်ဆာကို မတင်ဖြစ်လိုက်ဘဲ ချန်ထားတဲ့သီချင်းတစ်ပုဒ်ပါ။ အခုအခွင့်သာလို့ ပြန်တင်ပြရတဲ့သဘောပါ။ကျွန်တော်စာရေးသူဘ၀ကတော့ အဆင်မပြေမှုတွေကြားထဲကနေ အခကြေးငွေရယ်လို့ ရသင့်တာလဲမရ ။ မရသင့်တာ ဆိုပိုဝေးပြီပေါ့။ အဲဒီလိုအခြေအနေမျိုးမှာ အထူးသဖြင့် ဝေဖန်တာကိုတော့ တစ်ဖက်သက်ချည်းပဲခံပြီး ဆက်လုပ်လာရတာပါ။ ဒီကြားထဲမှာ ထွက်လာတဲ့သီချင်းတွေကို အားပေးနေကြတဲ့ပရိတ်သတ်ရဲ့ အင်အားကို ကိုးစားစောင့်မျှော်ရင်းနဲ့ဆက်ရေးဖြစ်ခဲ့တာပါ။ အရေးကြီးတာကတော့ ကိုယ်မှန်တယ်ထင်သရွေ့ ကိုယ်ရေးနိုင်ခဲ့ရင် ၊ သီချင်းဖြစ်ခဲ့ရင်ပြီးတာပဲဆိုပြီး မျက်စိမှိတ်လုပ်ခဲ့တာပါ။ မျှော်လင့်ချက်ကို မျက်ခြေမပြတ်ပါစေနဲ့။ ဘယ်တော့မှမပျောက်စေနဲ့ဆိုတဲ့ တစ်ခုတည်းသောရည်မှန်းချက်ကို ခိုင်ခိုင်မာမာချမှတ်နိုင်ဖို့ပါပဲ။

နိဂုံး

သီချင်းရေးသမားဘ၀ကိုခံယူပြီး တစိုက်မတ်မတ်လုပ်ခဲ့တာ ယနေ့ထက်တိုင်ပါပဲ။ ဒီအလုပ်က ပြီးသွားပြီ နားရပြီဆိုတာမရှိခဲ့ပါဘူး ၊ ခုတော့ဒီအစည်းအဝေးကြီးက ယုံကြည်မှုသာ တကယ်တည်ဆောက်ပြီး ပေးစွမ်းခဲ့တယ်ဆိုရင် အားလုံးအတွက်လုပ်ကိုင်ခဲ့တာတွေ တစ်ပိုင်းတော့ပြီးသွားနိုင်လောက်ပါတယ်။ ဖြစ်ပါစေလို့လဲ ဆုတောင်းရင်းနဲ့ပဲ နိဂုံးချုပ်ပါရစေ။

အားလုံးကိုကျေးဇူးတင်ပါတယ်

credit: ဒေါက်တာစိုင်းခမ်းလိတ်