တီဗီရှေ့ ကြာကြာထိုင်ရင် သုတ်ကောင်နည်းတတ်

Myanmar1
 ကိုယ်လက်ကျန်းမာရေး သိပ်မလုပ်ဘဲ တီဗွီရှေ့မှာ တပတ် ၂၀ နာရီလောက် အချိန်ဖြုန်းလေ့ရှိတဲ့ ယောက်ျားလေးရဲ့ သုတ်ကောင်အရေအတွက်က ပုံမှန်အားကစားလုပ်တဲ့သူထက် လျော့နည်းကြောင်း Journal of Sports Medicine မှာ ဖော်ပြထားပါတယ်။ ဟားဗတ်ကျောင်းမှ ပညာရှင်များဟာ နယူးယောက်တက္ကသိုလ်က အသက် ၁၈ နဲ့ ၂၂ နှစ်ကြားအရွယ် လူငယ် ၁၈၉ ယောက်ရဲ့ အားကစားလုပ်ချိန်နဲ့ တီဗီကြည့်ချိန်တို့ကို စစ်တမ်းကောက်ခဲ့ပြီး သူတို့ရဲ့ သုတ်ကောင်နမူနာများကိုလည်း ဓာတ်ခွဲစမ်းသပ်ခဲ့ပြီးနောက် ရရှိခဲ့တဲ့ရလာဒ် ဖြစ်ကြောင်း သိရပါတယ်။

တပတ်မှာ ၁၅ နာရီလောက် အားကစားပုံမှန်လုပ်တဲ့ ယောက်ျားလေးများက မလုပ်တဲ့သူတွေထက် သုတ်ကောင်ရေ ၇၃% ပိုများပြီး၊ တီဗီရှေ့မှာ တပတ်ကို နာရီ ၂၀ လောက်အနည်းဆုံး နေတဲ့ယောက်ျားလေးတွေက တီဗီနည်းနည်းသာကြည့်တဲ့ သူတွေထက် သုတ်ကောင်ရေ ၄၄% လျော့နည်းကြောင်း တွေ့ရှိခဲ့ပါတယ်။ ဒါပေမဲ့ ဘာကြောင့်ဒီလိုဖြစ်ရတယ် ဆိုတာကို မသိရသေးဘဲ နောက်ထပ် သုတေသနပြုလုပ်မှုတွေ လိုအပ်သေးတယ်လို့ ပညာရှင်တွေက ပြောပါတယ်။ ဆိုဖာပေါ်မှာ ကြာကြာထိုင်တာ...က ဘာကြောင့် သုတ်ကောင်နည်းရတာလဲ ဆိုတာ သေချာမသိရသေးပေမဲ့ အပူချိန်နဲ့ပတ်သက်မယ်လို့ ယူဆကြပါတယ်။ သုတ်ကောင်လေးတွေက အေးတဲ့အပူချိန်ကို နှစ်သက်ကြပြီး ကပ်ပယ်အိတ် (scrotum) က သိပ်ပူလာရင် သုတ်ကောင်ပွားမှု ရပ်သွားပါတယ်။

သို့သော်လည်း အခြားသော သုတေသနပြုချက်တခုမှာ လွန်ကဲတဲ့ ကျန်းမာရေးလှုပ်ရှားမှု ကလည်း သုတ်ကောင်ပွားမှုကို ထိခိုက်စေကြောင်း သတိပြုရမယ်လို့ University of Sheffield မှ ဒေါက်တာ Allan Pacey က ပြောပါတယ်။ အကောင်းဆုံးက အရာရာကို အတော်အသင့် ပြုလုပ်ရန်လိုကြောင်း ဥပမာ အားကစားနဲ့ တီဗီကြည့်ချိန်ကို မျှမျှတတ ရှိဖို့လိုကြောင်း ဒေါက်တာ Allan Pacey က အကြံပေးသွားပါတယ်။

(Ref; BBC, Feb 4, Prolonged TV viewing linked to lower sperm count)