ငြိမ်းချမ်းရေး သီချင်းသည်

by Lu Cifer on Wednesday, May 30, 2012 at 9:44pm

အဆိုတော် မွန်းအောင်ဟာ ပထမဆုံးထွက်မယ့် တေးစီးရီးခေါင်းစဉ်ကို နာမည်ကြီး တေးရေးဆရာ ကိုနေဝင်းရဲ့ “ငြိမ်းချမ်းရေး တိုက်ပွဲ” သီချင်းနာမည်အတိုင်း ပေးချင်ခဲ့ပါတယ်။ ဒါပေမယ့် ကိုနေဝင်းနဲ့ ကိုမွန်းအောင်ရဲ့ တခြား “အစ်ကိုကြီး” တစ်ယောက်ဖြစ်သူ ကိုမောင်မောင်တို့က အဲဒီ အကြံ မကောင်းဘူးလို့ ဆိုပါတယ်။ ဒီလို လှုံ့ဆော်ရေးခေါင်းစီးမျိုးကို စိစစ်ရေးက ဘယ်လိုမှ ခွင့်ပြုမှာမဟုတ်ဘူးလို့ သူတို့က ပြောတယ်။

“မင်း ထောင်ထဲ ဝင်ချင်လို့လား”လို့တောင် ကိုမောင်မောင်က မေးခဲ့ပါသေးတယ်။

နောက်ဆုံးတော့ ဆရာသမားတွေကို ဂါရထားတဲ့အနေနဲ့ သူ့အကြံအစည်ကို လက်လျှော့ခဲ့ရတယ်။ “ငြိမ်းချမ်းရေးတိုက်ပွဲ” သီချင်းဟာ ၁၉၇ဝ ခုနှစ်များ ဝန်းကျင်က ရေးဖွဲ့ခဲ့တာဖြစ်ပြီး ကျောင်းသားလှုပ်ရှားမှုအကြောင်းကို ဖွဲ့သီထားတာဖြစ်ပါတယ်။ ဆင်ဆာလွတ်လာဖို့အတွက် ဘဝနဲ့အချစ်အကြောင်း ရေးဖွဲ့ထားတဲ့ တခြားတေးသီချင်းတွေလိုဖြစ်အောင် စာသားတွေ တစ်စစီ ဖြုတ်ပြင်ခဲ့ရပါတယ်။

ဘယ်လိုပဲဖြစ်ဖြစ် မြစ်ကြီးနားဇာတိ ကချင်တိုင်းရင်းသား အဆိုတော် မွန်းအောင်ဟာ နောက် ၁ဝ နှစ် အကြာမှာတော့ ခိုင်မာတဲ့နိုင်ငံရေးခံယူချက်ကို ထုတ်ဖော်ထားတဲ့ ဒီသီချင်းကို တေးစီးရီးရဲ့ခေါင်းစီးတပ်ပြီး ထုတ်နိုင်ခဲ့ပါတယ်။ ဒီလိုလုပ်ဆောင်ခွင့် ရရှိခဲ့တာဟာ မြန်မာပြည်ရဲ့ ဆင်ဆာဘုတ်အဖွဲ့ စိတ်ပြောင်းသွားခဲ့တာကြောင့် မဟုတ်ပါဘူး။ ပြည်ပကို ရောက်ရှိခဲ့လို့သာ ဖြစ်ပါတယ်။

“တာဝန်တစ်ခုကို ထမ်းဆောင်လိုက်ရသလိုပဲ။ ကျနော် ကျေနပ်မိပါတယ်” လို့ အခု နော်ဝေနိုင်ငံမှာနေတဲ့ မွန်းအောင်က ပြောပါတယ်။ နိုင်ငံခြား မိတ်ဆွေတွေက “Dennis”လို့ သိကြတဲ့ မွန်းအောင်ဟာ ပြည်ပမှာ သီချင်းအယ်လ်ဘမ် ၂ ခွေ၊ ပြည်တွင်းမှာတုန်းက ၄ ခွေ အသံသွင်း ဖြန့်ချိခဲ့ပြီးပါပြီ။ သူ့သီချင်းအားလုံးဟာ ကိုယ်ပိုင်သံစဉ် ရေးဖွဲ့ထားတာတွေဖြစ်ပြီး “ကော်ပီသီချင်း ဆန့်ကျင်ကြ” ဆိုတဲ့ မဇ္ဈိမလှိုင်းအဖွဲ့က ကိုနေဝင်း၊ ကိုမောင်မောင်၊ ကိုရဲလွင်တို့ဟာ သူ့ ဂီတဆရာသမားတွေပါပဲ။ ဒီအကြောင်း အဆိုတော်မွန်းအောင်က အခုလိုပြောပြပါတယ်။

“ကိုနေဝင်းနဲ့ ကိုမောင်မောင်ဟာ ကျနော်တို့ကို ဘဝ၊ ဂီတနဲ့ ရုန်းကန်လှုပ်ရှားမှုအကြောင်းတွေနဲ့ ပတ်သက်လို့ အများကြီး သင်ပြပေးခဲ့တယ်။ သူတို့ကြောင့် ပိုပြီး အသိအမြင်ကျယ်လာခဲ့တယ်။ အမြင်တွေလည်း ပြောင်းသွားခဲ့တယ်”

ရန်ကုန်တက္ကသိုလ်မှာ ပညာသင်ဖို့ မြစ်ကြီးနားက ဆင်းလာခဲ့ရတဲ့ မွန်းအောင်ဟာ မြို့တော်ကြီးမှာ အတော့်ကို ရုန်းကန်ရပ်တည်ခဲ့ရပါတယ်။ ဒါပေမယ့် အဲဒီအခက်အခဲတွေက ပျော်ရွှင်ဖွယ်ကျောင်းသားဘဝကိုတော့ မတားဆီးနိုင်ခဲ့ပါဘူး။ ညဘက်ဆိုရင် တက္ကသိုလ်ကျောင်းသူများ အဆောင်တွေရှေ့မှာ သူငယ်ချင်းတွေနဲ့ ဝိုင်းဖွဲ့ပြီး မကြာခဏ သီချင်းတွေ သီဆိုဖြစ်ခဲ့ကြပါတယ်။ ဒီလို ပျော်ရွှင်စရာတွေ တွေ့ကြုံနေရပေမယ့်လည်း မြန်မာစစ်တပ်ရဲ့ ထုံးစံအတိုင်း ကျူးလွန်နေကျ လုပ်အားပေးမှု၊ လူ့အခွင့်အရေး ချိုးဖောက်မှုတွေ ပြည့်နှက်နေတဲ့ ဇာတိ ကချင်ပြည်နယ်က ဘဝကိုတော့ သူ မမေ့ပါဘူး။

ဂီတသမားတစ်ဦးအဖြစ်နဲ့လည်း မွန်းအောင်ဟာ ရန်ကုန်မှာ အာဏာပိုင်တွေရဲ့ ဖိနှိပ်ချုပ်ချယ်မှုကို သူ့နည်း သူ့ဟန်နဲ့ ကြုံတွေ့ရပါတယ်။ သူ့ သီချင်းစာသား အများအပြားကို ဆင်ဆာက အသေးစိတ် ကြည့်ရှုစစ်ဆေးတတ်ပါတယ်။ “ရုပ်သေးရုပ်တို့၊ ကြိုးဆွဲလို့ကရတဲ့ အရုပ်ကလေးတို့၊ လူမှန် နေရာမှန်တို့လို စာသားမျိုးတွေ ကျနော်တို့ ဆိုလို့မရဘူး။ ဆင်ဆာက ခွင့်မပြုဘူး”လို့ အတိတ်မှာ ကြုံခဲ့ရတာကို သူက ပြန်ပြောပြပါတယ်။

ဒီလိုပြင်းထန်တဲ့ ဆင်ဆာလုပ်ခြင်းခံရရုံမက ငွေရေးကြေးရေး အခက်အခဲတွေနဲ့လည်း ကြုံတွေ့ရသေးပေမယ့် စိတ်ဓာတ်တော့ ကျမသွားခဲ့ပါဘူး။ ပထမဆုံး သီချင်းခွေ ‘၈/၈၂ အင်းလျား’ကို ကိုယ့်ပိုက်ဆံ ကိုယ်စုပြီး ထုတ်ခဲ့ရပါတယ်။ အကျိုးအမြတ် တစ်ပြားမှ မခံစားခဲ့ရပါဘူး။ ဒုတိယခွေ ‘မိုးလုံးမှိုင်း’ကလည်း သိပ်မထူးလှဘဲ ငွေ ၅,ဝဝဝ လောက်သာ သုံးခွင့်ရခဲ့တယ်လို့ သူကပြောပြပါတယ်။

ဒါပေမယ့် ၁၉၈၈ ခုနှစ် ဒီမိုကရေစီရေး လူထုအုံကြွမှုကြီး ဖြစ်တဲ့အခါမှာ သူဟာ သူ့ရဲ့ ပုဂ္ဂိုလ်ရေးကိစ္စတွေကို ဘေးဖယ်ထားလိုက်ပြီး ခွပ်ဒေါင်းခေါင်းစီးကို ခေါင်းမှာချည်ရင်း ဒီမိုကရေစီတောင်းဆိုဆန္ဒပြပွဲမှာ ပါဝင်ခဲ့တော့တယ်။ ၁၉၈၈ ခုနှစ် စက်တင်ဘာ ၁၈ ရက် စစ်တပ်က အကြမ်းဖက်ပစ်ခတ်ပြီး အာဏာသိမ်းတဲ့ အချိန်မှာလည်း တခြားဂီတသမားတွေလို ဒီမိုကရေစီလှုပ်ရှားမှုကြီးက စွန့်ခွာမသွားဘဲ ဆက်လက်တိုက်ပွဲဝင်ဖို့ ဆုံးဖြတ်ခဲ့ပါတယ်။

ထိုင်း - မြန်မာ နယ်စပ်ကို ထောင်သောင်းချီရောက်လာကြသူတွေထဲ နိုင်ငံကျော်အဆိုတော် မွန်းအောင် တစ်ယောက်လည်း အပါအဝင်ပါ။ သူဟာ ABSDF လို့ခေါ်တဲ့ ကျောင်းသားတပ်မတော် အဖွဲ့ဝင်တစ်ဦးဖြစ်လာခဲ့ပြီး သေနတ်တစ်လက်နဲ့အတူ ဂစ်တာကိုကျောပိုးလို့ တစ်တောဝင် တစ်တောင်တက် ရုန်းကန်လှုပ်ရှားမှု ဆက်ခဲ့ရပါတယ်။ အဲဒီအချိန်မှာ သူ့ပရိသတ်တွေဟာ ရန်ကုန်တက္ကသိုလ်က ကျောင်းသူကျောင်းသားတွေ မဟုတ်တော့ဘဲ စစ်အစိုးရကို တော်လှန်တိုက်ခိုက်နေကြတဲ့ တောကြီးမျက်မည်းထဲက လူတွေဖြစ်သွားပါတယ်။

အဲဒီနောက် မွန်းအောင်ဟာ နော်ဝေနိုင်ငံ အော်စလိုမြို့အခြေစိုက် ဒီမိုကရက်တစ်မြန်မာ့အသံ (DVB) ရေဒီယိုအသံလွှင့်ရုံမှာ သတင်းလွှင့်သူတစ်ယောက် ဖြစ်လာခဲ့ပါတယ်။ နော်ဝေကိုမသွားခင် “ငြိမ်းချမ်းရေးတိုက်ပွဲ” သီချင်းအယ်လ်ဘမ်ကို ထိုင်းမှာ အသံသွင်းခဲ့ပါတယ်။ ဒါဟာ ပထမဦးဆုံးအကြိမ် သူ့စိတ်ကြိုက် လွတ်လွတ်လပ်လပ် ဖန်တီးခွင့် ရရှိလိုက်တာပါပဲ။

“မြန်မာပြည်မှာ ကျနော်တို့ရဲ့ ဖန်တီးမှုအတွေးတွေကို ဖိနှိပ် ချုပ်ချယ်ခံထားရတယ်။ ဘောင်ကန့်ခံထားရတယ်” လို့ သူက ပြောပါတယ်။

ဒါပေမယ့် လွတ်လပ်ခွင့်အတွက် တန်ရာတန်ဖိုး တစ်ခုတော့ ပေးရစမြဲပါ။ အဝေးရောက် ဒီမိုကရေစီ လှုပ်ရှားသူတစ်ဦး ဖြစ်လာခဲ့ရတဲ့နောက် တခါတရံမှာ ပြည်တွင်းက သူ့ပရိသတ်ကို စွန့်လွှတ်လိုက်ရသလို ခံစားရကြောင်း အဆိုတော်မွန်းအောင်က ပြောပြပါတယ်။ ဘာပဲဖြစ်ဖြစ် သူ့ရဲ့ အကျော်ကြားဆုံး သီချင်းတွေက ပြည်တွင်းပြည်ပမှာရှိတဲ့ မြန်မာတွေကြားမှာ အခုထိ လူသိများ ရေပန်းစားနေဆဲပါပဲ။

ဒါပေမယ့် နော်ဝေနိုင်ငံရောက်ပြီးမှ အသံသွင်းဖြန့်ချိခဲ့တဲ့ “လွတ်မြောက်ရာလမ်း” သီချင်းအယ်လ်ဘမ်နဲ့ ပတ်သက်ပြီးတော့ သူ့ပရိသတ်က “ငြိမ်းချမ်းရေးတိုက်ပွဲ”လို မဟုတ်ဘဲ တိုက်ပွဲခေါ်သံတွေ လျော့သွားတယ်၊ သံစဉ်တွေက မြန်မာ မဆန်ဘူး စသည်ဖြင့် ဝေဖန်ပြောဆိုသံတွေ ထွက်လာခဲ့ပါတယ်။ သူနဲ့ သူ့ နော်ဝေသူငယ်ချင်းတွေ အကောင်းဆုံး ကြိုးစားထားခဲ့ကြပေမယ့် မြန်မာပရိသတ် မခံစားနိုင်တာကိုတော့ သူ စိတ်မကောင်းကြောင်း ပြောပြပါတယ်။ “ငြိမ်းချမ်းရေးတိုက်ပွဲ” သီချင်းခွေကတော့ ကမ္ဘာတဝှမ်းက သူ့ပရိသတ်တွေက အခုထိ နှစ်သက်နေကြတုန်းပါ။

သူ့ရဲ့ အဝေးရောက်ဘဝမှာ တတိယမြောက် အယ်လ်ဘမ်သစ်ကို အသံလွှင့်ဖြန့်ချိနိုင်ရေး အခုအခါ ကြိုးစားနေပြီ ဖြစ်ပါတယ်။ ရင့်ကျက်ပြီး အသိအမြင်သစ်တွေ ကြွယ်ဝလာတဲ့ မွန်းအောင်ဟာ အခွေသစ်မှာ နိုင်ငံရေးချည်းသက်သက် သီဆိုဖို့ အာသီသ သိပ်မပြင်းပြတော့ပါဘူး။ ဒါပေမယ့် သူ့ပရိသတ်တွေရဲ့ တောင့်တမှုတွေကိုတော့ တုံ့ပြန်ရမှာ ဖြစ်ပါတယ်။

“နိုင်ငံရေးချည်းဆို သိပ်မကောင်းဘူး”လို့ ဂျပန်ရောက် ပရိသတ်တစ်ဦးက မှတ်ချက်ပေးပါတယ်။ ဒါ့အပြင် မိခင်မြေနဲ့ဝေးနေရတဲ့ အတိုက်အခံတွေအတွက်တော့ အပန်းဖြေဖို့ဆိုတာ ခန့်မှန်းရ ခက်နိုင်ပါတယ်။ ဒီလို အဝေးရောက်ရဲဘော်တွေရဲ့ ခံစားချက်တွေကို သူက နားလည်သိရှိပြီးသားပါ။

ထိုင်း - မြန်မာ နယ်စပ်မှာရှိစဉ် မွန်းအောင်က သူ့ရဲဘော်တွေကို တခါတရံ သီချင်းတွေ ဆိုပြလေ့ရှိပါတယ်။ ဒီအချိန်မှာ တချို့က သူနဲ့အတူ သီချင်းတွေလိုက်ဆိုလို့ ...။ တချို့က အတွေးရေယာဉ်ကြောထဲ စီးမျောရင်း အဝေးကအမှတ်ရစရာတွေကို ရှာဖွေလို့ပေါ့။ သီချင်းသံဆုံးသွားတော့ တစ်ယောက်က “အင်း ... ဂီတဟာ အိမ်ကိုလွမ်းအောင် တော်တော်လုပ်တာပဲ” လို့ ပြောတယ်။ ကျန်တဲ့သူတွေကလည်း တိတ်ဆိတ်စွာ ထောက်ခံခဲ့ကြပါတယ်။ ဒီစကားသံနဲ့အတူ မြန်မာပြည်ထဲက သူတို့ရဲ့သံယောဇဉ် ပုံရိပ်တွေ၊ သူတို့ရဲ့ ဘဝတွေကို ပြန်မြင်ယောင် လွမ်းဆွတ်နေကြမှာ အမှန်ပါပဲ။ ။

( The Irrawaddy မဂ္ဂဇင်း အတွဲ ၁၀၊ အမှတ် ၇ တွင် ဖော်ပြခဲ့သည့် အောင်ဇော် ၏ Songs for Democracy ကို စာလူ ပြန်လည်ရေးသားသည် )

၂၀၀၂ အောက်တိုဘာလက ဧရာဝတီ မြန်မာပိုင်း အင်တာနက်စာမျက်နှာမှာ ဖော်ပြခဲ့တဲ့ ဘာသာပြန်ဆောင်းပါး ဖြစ်ပါတယ်။

Sithu Linn

Trrawaddy Blog

Thursday, May 31, 2012

http://blog.irrawaddy.org/2012/05/blog-post_2451.html

မွန်းအောင်ရဲ့ သီချင်းလေးတွေပါ၊

၈ / ၈၂ အင်းလျား - မွန်းအောင်

၃ / ၈၈ အင်းလျား - မွန်းအောင်

သမိုင်းရဲ့ လက်များ -မွန်းအောင်

· · Share

Source..http://www.lubo601.com/2012/05/blog-post_36.html#more.