မရိုးနိုင်တဲ့ တောင်းတမှု

Khine lay Shwedaung

ဖြစ်ချင်တာတွေကို ဖြစ်ခွင့်ရဖို့အတွက် ပေးဆပ်လိုက်ရတဲ့ အရင်းနှီးတွေ ဘယ်လောက်ထိ များတယ်ဆိုတာ လူတိုင်းမသိနိုင်ပါဘူး ။ အောင်မြင်မှုတစ်ခု ပိုင်ဆိုင်မှုတစ်ခုဆီတိုင်းရဲ့နောက်ကွယ်မှာ ထိုက်တန်တဲ့ အရင်းပေါင်းများစွာ ရှိနေတတ်ပါတယ် ။ ဘာအတွက် ဘာကြောင့်လူတွေ ကိုယ်လုပ်ချင်တာတွေကို လုပ်နေခွင့်ရနေသားနဲ့ ပျော်ရွင်ခြင်းဆိုတာကို မပိုင်ဆိုင်ရတာလည်းဆိုတာကို တွေးရင်း လွမ်းနေမိပါတယ် ။

ဒီနေ့ အကိုကွန်ဆူးမားရေးတဲ့ တံခါးခေါက်သံဆိုတဲ့ ဘလော့လေးကို ဖတ်ပြီး ပါးပြင်ပေါ်မှာ မျက်ရည်တွေ ပြည့်နှက်ခဲ့ရတယ် ။ ဖေဖေ နဲ့ မေမေ ကို အရမ်းလွမ်းမိတယ် ။ ခုလို အဝေးတစ်နေရာမှာ ကိုယ်စိတ်ချမ်းသာမှုတစ်ခုအတွက် ကျွန်မ ရောက်ရှိလာခဲ့ပါတယ် ။ ကျွန်မ ဖြစ်ချင်တာလေးကို လုပ်ခွင့်ရတဲ့အတွက် ကျေနပ်စေခဲ့ပေမယ့် ပျော်ရွင်မှုဆိုတာကို အပြည့်ဝ ကျွန်မ မပိုင်ဆိုင် ခဲ့ပါဘူး ။ ကျွန်မထင်ခဲ့မိတာက ကိုယ်လုပ်ချင်တာလေးကို လုပ်ခွင့်ရမယ်ဆို သိပ်ကို ပျော်ရမယ်လို့ပေါ့ ။ တစ်ကယ်လက်တွေ့မှာ ကျွန်မ ကျေနပ်မှုတစ်စုံတစ်ရာကိုသာ ပိုင်ဆိုင်စေခဲ့ပါတယ် ။ ဒါကြောင့် *လူအလိုကို နတ်တောင် မလိုက်နိုင် * ဆိုတဲ့ စကားပုံလေး ပေါ်ပေါက်လာပုံရတယ် ။ ဟုတ်တယ် ကျွန်မလည်း ဒီစကားပုံလေးလိုပါပဲ ။ ခုချိန်မှာ ကျွန်မ ဖေဖေ နဲ့ ကျွန်မ မေမေကို အရမ်းလွမ်းနေပါတယ် ။ သူတို့ကော ကျွန်မလိုဘဲ လွမ်းနေမယ်လို့ အပြည့်ဝ ယုံကြည်နေမိပါတယ် ။ မေမေ ပြောနေကြစကားလေး တစ်ခုကိုလည်း သတိရမိတယ် ။

*ညဉ်းတို့ကို သူများတွေက ချစ်တယ်ဆိုတာ ငါတို့ မိဘတွေ စောက်မြင်ကတ်သလောက်ဘဲ ရှိပါတယ်အေ *

ဒီစကားလေးက အလွန်မှန်တယ်ဆိုတာကို အပြင်လောကကြီးကို ခြေချမိချိန်မှာတော့ လက်တွေ့ပိုသိလိုက်ရပါတော့တယ် ။ ဒီနေ့ နေမကောင်းလို့ အိပ်ယာထဲခွေနေရင်းက ပျင်းလာတာနဲ့ ကွန်ပြူတာလေးကို ဖွင့်မိချိန်မှာ အကိုကွန်ဆူးမား ဘလော့လေးကို ဖတ်လိုက်မိခြင်းက တွေးစရာလေးတွေ ခေါင်းထဲကို တန်းစီရောက်လာခဲ့သလို အလွမ်းတွေကို သက်သေတည်စေတဲ့ မျက်ရည်တွေနဲ့ လှိုက်လှိုက်လှဲလှဲ ငိုခဲ့ရပါတယ် ။ မေမေ ကို လွမ်းတယ် ။ ဖေဖေကို လွမ်းတယ် ။ ခုသမီးတစ်ယောက်ထဲ ။ အဖော်မဲ့အခန်းထဲမှာ သက်သာလားဆိုတဲ့ အားပေးစကားလေးတစ်လုံးကို အရူးမူး တမ်းတနေမိပါတယ် ဖေဖေ နဲ့ မေမေ ။ နောင်တဆိုတာ တသသ လွမ်းနေရမယ့် အရာမဟုတ်သာကြောင့် အကောင်းဆုံးဆိုတာကို တွေးတော ဖြစ်သင့်ခြင်းတွေ နဲ့ ရှေ့ဆက်၇မယ်ဆိုတဲ့ ကျွန်မခင်ပွန်းသည်စကားေးလကို နှလုံးသွင်းကာ အနာဂတ်မှာ သမီးကောင်းတစ်ယောက်ဖြစ်စေဖို့ ကြိုးစားနေပါတယ် ဖေဖေ နဲ့ မေမေ ။ အဝေးက သမီးအတွက် ပူပန်မှုတွေ နဲ့ အိပ်မှပျော်ရဲ့လား ။ အဆိုးဆုံးသမီးလေးမို့ စိုးရိမ်မှုတွေနဲ့ ပူပန်နေမယ်ဆိုတာ သိနေပါတယ် ။ မိဘမေတ္တာဆိုတာကို နှိုင်းပြစရာ အကောင်းဆုံးစကားလုံးတွေ ဘယ်လောက်ပေါ်လာပါစေ မိဘတွေရင်ထဲက မေတ္တာတရားကို မှီအောင်တော့ မဖော်ကြူးနိုင်ကြပါဘူး ။

ဘ၀ဆိုတာ တိုတိုလေးပါ ။ တစ်ဘ၀မှာ တစ်ခါသာ တော်ရတဲ့ သားသမီးတွေကို မိဘတော်ခွင့်ရနေသမျှ ကျွန်မကတော့ ထာဝရခွင့်လွတ်ရင်း မိဘဆိုတဲ့ အတိုင်း မားမားမတ်မတ် ရပ်တည်ဆုံးမပေးနေရမှာဘဲ

ဆိုတဲ့ မေမေစကားလေးတွေကိုလည်း ကြားယောင်နေမိပါတယ် ။ ဘ၀တိုတိုလေးမှာ ဆိုးလို့ ပစ်ထားလိုက်ရမယ့်အချိန်တွေကို ကျွန်မမေမေက နှမြောတယ်ဆိုဘဲ ။ အချိန်လွန်ကာမှ ငါ မဆုံးမလိုက်ရလေခြင်းဆိုတဲ့ အချိန်လွန်နောင်တတွေကို ဘယ်တော့မှ မရချင်တဲ့ မေမေ သမီးကို စိတ်မှန်းတွေနဲ့ လှမ်းဆုံးမနေမယ်ဆိုတာကို ကျွန်မသိနေပါတယ် ။ နေမကောင်းချိန်မှာ မေမေရင်ခွင်ထဲမှာ ၀င်ခွေနေခဲ့ရတဲ့ အချိန်လေးတွေကို သတိရမိတယ် ။ ခုရက်ပိုင်းအတွေးတွေထဲမှာ ရှိနေတတ်တာ တမ်းတမှုတွေသာ များနေပါတယ် ။ တခါခါ ကိုယ်ကိုကိုယ် ပြန်သုံးသပ်မိပါတယ် ။ အတိတ်ကို တမ်းတရင်း နောင်တ တောထဲ တ၀ဲဝဲလည်နေတာလားလို့ ။ နောင်တဆိုတာကို ကျွန်မ မလိုချင်ဘူး ။ တခါခါ ဘ၀ဆိုတာ မလိုချင်တာတွေကိုလည်းပိုင်ဆိုင်ရတတ်တယ်လေ ။ ဟိုးငယ်ငယ်လေးထဲက ကျန်းမာရေးချူချာတဲ့ ကျွန်မကို မေမေက အမြဲပြောတတ်တာလေး တစ်ခုရှိသေးတယ် ။

*ငါသမီးကို တစ်ဖက်ကတင် တစ်ဖက်က ပိုက်ဆံတွေတင်ပြီးချိန်မယ်ဆို ပိုက်ဆံတွေက ပိုလေးမယ်ထင်တယ်တဲ့ *

မေမေ ပြောရလောက်အောင်ကို ကျွန်မက ချူချာလွန်းသူတစ်ဦးပါ။ ဆေးရုံဆိုတာကို ခဏခဏ အလည်ရောက်နေသူ တစ်ဦးဆိုလည်း မမှားပါဘူး ။ ဒီလို ချူချာတာတွေက ငယ်စဉ်ကာလမှာတင် မဟုတ်ဘဲ ခုအရွယ်တိုင်အောင် အရိပ်တစ်ကြည့်ကြည့်နဲ့ ဂရုတစ်စိုက်ထားရသူတစ်ဦးပါ ။ နှလုံးခုန်နှုန်း အရမ်းမြန်တဲ့ ရောဂါက အချိန်မရွေးထထဖြစ်တတ်တာမို့ မိဘတွေက မျက်ခြေအပျက်မခံရဲဘဲ ထားခဲ့ရသူပါ ။ ခုထိုင်နေတာအကောင်းကနေ ချက်ချင်းကို ထဖြစ်ချင်ဖြစ်တတတ်တဲ့ ကျွန်မရောဂါကြောင့် မိဘမပါတဲ့ ဘယ်ခရီးကို မှမသွားခဲ့ဘူးသလို မိဘတွေနဲ့ တစ်ပတ်ကြာအောင်တောင် ခွဲမနေခဲ့ဘူးပါဘူး ။ ခုတော့အမျိုးသားရှိတဲ့ မလေးရှားနိင်ငံကို အလည်ရောက်လာရင်းကနေ စိတ်မချလို့ဆိုတဲ့ အကြောင်းပြချက်တစ်ခုနဲ့ ဒီမှာ မပြန်ဖြစ်တော့ဘဲ ဆက်နေခဲ့တယ် ။ ပြန်လာဖို့ ချော့ခေါ်ပေမယ့် လုံးဝ မပြန်တော့တဲ့ အတွက် အရမ်းစိတ်ဆိုးပြီး မေမေပြောခဲ့တယ် ။ ဘယ်တော့မှ အိမ်ကိုဖုန်းမဆက်နဲ့ ဆိုတဲ့ စကားလေးကလည်း တစ်ပတ်တောင်မခံပါဘူး ။ အပြုံးမပျက်ခွင့်လွတ်ပေးတတ်တဲ့ မေမေရဲ့ မေတ္တာတွေက ဘယ်တော့မှ မခမ်းခြောက်နိုင်ခဲ့ပါဘူး ။ ဖေဖေ ရဲ့ချစ်ခြင်းတွေက ကျွန်မဘ၀အခက်ခဲမှန်သမျှကို ဖြေရှင်းပေးစေခဲ့သလို မေမေချစ်ခြင်းတွေက ကျွန်မဘ၀ရဲ့ ရပ်တည်မှုတွေကို သိက္ခာရှိနေစေဖို့ ထာဝရ အရိပ်မိုးပေးထားပါတယ် ။ ခုချိန်မှာ ကျွန်မ သိပ်ပြောချင်တဲ့ စကားလေးကတော့ ဖေဖေ နဲ့ မေမေကို ကျွန်မ အရမ်းကို သတိရနေမိပါတယ် ။ ဖေဖေ နဲ့ မေမေ ကို အရမ်းချစ်ပါတယ် ။ နားနှစ်ဖက်ကို လက်အစုံနဲ့ ပိတ်ကာ ပဲ့တင်ထပ်အောင် အော်လိုက်မိပါတော့တယ် ။

ဖေဖေ နဲ့ မေမေကို အရမ်း ချစ်တယ် ။ အရမ်းသတိရတယ် ။

ခိုင်လေး (ရွှေတောင်) 

Source... http://www.lubo601.com/2012/09/blog-post_4688.html#more