အမေရိကန်လူဇိုး (ခ) Kid Rock

 

Scorpion Soup For Soul with Tha O and 32 others

 

အမေရိကန်လူဇိုး (ခ) Kid Rock
----------
သူဟာ အောက်ခြေလူတန်းစားဘဝကလာတယ်။ ဆေးခြောက်ရောင်းပြီးအသက်မွေးဖူးတယ်။ ကားရေဆေးဖူးတယ်။ ဒီဂျေလုပ်ဖူးတယ်။ ဟစ်ဟော့ပ်အဖွဲ့ဝင်ဖြစ်ဖူးတယ်။ rap-metal အဖွဲ့အဖြစ် ဆုတွေအများကြီးရဖူး၊ အောင်မြင်မှုတွေအများကြီးရဖူးတယ်။ အရက်သောက်ရင်း မကျေနပ်တဲ့ကောင်ကို ထထိုးဖို့ဝန်မလေးဘူး။ အသက်ကြီးလာတော့ ဂီတချစ်မြတ်နိုးမှုဟာ ရှေးရိုးဆန်တဲ့ရော့ခ်အင်ရိုးဖက်ပြောင်းသွားခဲ့တယ်။ သူ့နာမည်ကိုပြောရတာထက် သူ့ကိုချစ်တဲ့သူတွေရဲ့ စကားအတိုင်းပဲ သူ့ကိုမိတ်ဆက်ပေးချင်ပါတယ်။ My name is Kiddd...dddd Rockkk!!!

အမေရိကန်နိုင်ငံ၊ မစ်ရှီဂန်ပြည်နယ်၊ ဒီထရိုက်မြို့မှာမွေးဖွားခဲ့တဲ့ Kid Rock ဟာ ဆယ်ကျော်သက်အရွယ်ကတည်းက Rapper တယောက်အဖြစ်ရပ်တည်ခဲ့သူပါ။ သူဟာ The Beast Crew လို့အမည်ရတဲ့ ဟစ်ပ်ဟော့ပ်အဖွဲ့ဝင်တယောက်ဖြစ်ခဲ့တယ်။ မဖြစ်စလောက်ငွေကြေးရယူပြီး DJ ဘဝကိုလဲဖြတ်သန်းဖူးတယ်။ နောက်တော့ ရက်ပ်ပါအဖြစ်ရပ်တည်တယ်။ တူရိယာအစုံတီးတတ်တဲ့ Kid ဟာ Rap-Metal တွေနာမည်ကြီးချိန်မှာလဲ ရှေ့တန်းကပါဝင်ခဲ့တယ်။ သီချင်းဆိုရင် DJ စင်ပေါ်တက်ပြီး သောင်းကျန်းတတ်သေးတယ်။ စိတ်လိုလက်ရ ဂစ်တာတွေဘာတွေဝင်တီးတယ်။ သူဟာ ဘဝကိုစိတ်လိုလက်ရဖြတ်သန်းလေ့ရှိတယ်။
တကယ်တော့ အနုပညာလောကမှာ ဂီတအမျိုးအစားတွေကို ရောတိရောရာလုပ်ကြတာမျိုးကို ဓါတ်ပြားတိုက်တွေက ခွင့်မပြုပါဘူး။ ခက်တာက Kid Rock ဟာ လုပ်ယူတာမဟုတ်ပဲ သူ့ပင်ကိုယ်ချစ်စိတ်ကိုက ဂီတမျိုးစုံပေါ်မှာ တိမ်းညွတ်တာကိုး။ အဲဒါကိုသိတဲ့ ဓါတ်ပြားတိုက်အကြီးအကဲတွေက Kid ကို ကြိုက်ရာလုပ်ခွင့် (ထူးထူးခြားခြား) ပေးခဲ့တယ်။ လက်ရှိအချိန်မှာတော့ အမေရိကန်နိုင်ငံတောင်ပိုင်းက ရော့ခ်အင်ရိုးပုံစံနဲ့ ဘလူးစ်ဂီတဖက်က်ကို စိတ်ပါနေတာမို့ သူ့သီချင်းတွေမှာ အဲဒီစတိုင်လ်တွေပြည့်နှက်နေပါတယ်။
သူဟာ ကြမ်းတမ်းတဲ့စာသားတွေအပြည့်နဲ့ပေါက်ကွဲတတ်ပေမယ့် တခါတရံမှာလဲ နုညံ့သိမ်မွှေ့စွာနဲ့ ချစ်ခြင်းတရားတွေကို ဖွဲ့ဆိုတတ်ပါသေးတယ်။ Sheryrl Crow နဲ့တွဲပြီး Picture လို့အမည်ရတဲ့ သီချင်းနဲ့အတူ Collide လို့အမည်ရတဲ့သီချင်းကိုသီဆိုဖူးတယ်။ ချစ်ခြင်းနဲ့နီးနီးလေးနဲ့ဝေးနေသူတယောက်ရဲ့ အဖြစ်သနစ်ကို ဘုန်းကြီးတပါးရှေ့မှာ ဒူးထောက်ပြီးဝန်ခံနေတဲ့သူတယောက်ကို မျက်စိထဲမြင်အောင် သီဆိုခဲ့တယ်။
နိုင်ငံရေးလှုပ်ရှားမှုတွေကို အားတက်သရော ပါဝင်ခဲ့တဲ့ Kid Rock ဟာ (အမေရိကန်နိုင်ငံရဲ့) ရီပါ့ပလက်ကန်ပါတီဝင်ဖြစ်ပါတယ်။ ယုံလားမတော့မသိဘူး သူဟာ နိုင်ငံရေးနဲ့စပ်ဆိုင်တဲ့ သီချင်းအများကြီး ရေးဖွဲ့သီဆိုခဲ့ဖူးတယ်။ ဥပမာပြောရရင် "Black Chick, White Guy", "I Am," "Amen," "Born Free," "Care," "God Bless Saturday," "Times Like These," "The Midwest Fall," "Let's Ride,","3 Catt Boogie" and "Ain't Enough Whiskey". (ရည်ညွန်း ဝီကီပီးဒီးယား)။ ၂၀၁၂ ရွေးကောက်ပွဲမှာ သူဟာ Mitt Romney ကို Born Free သီချင်းသုံးပြီး မဲဆွယ်စေခဲ့တယ်။
စိတ်လိုလက်ရစကားပြောဖို့ ဘယ်တော့မှ ဝန်မလေးတဲ့ Kid Rock ဟာ အွန်လိုင်းက တဆင့်သူ့ကိုတိုက်ခိုက်စော်ကားကြတဲ့ကောင်တွေကို ဟောသလို စိန်ခေါ်ဖူးတယ်။
(လူတွေက အွန်လိုင်းမှာ ပြောကြတာ ဒီကောင် စောက်ရူးပါ ဘာညာပေါ့။ အဲဒီကောင်တွေကို ပြောချင်တာက သွေးရှိရင် အရက်ဆိုင်မှာ ငါ့မျက်နှာကိုကြည့်ပြီး အဲဒီလိုလာပြောလှည့်ပါ့လား။ မင်းကို ငါ အရေခွံဆုတ်ပစ်လိုက်ဦးမယ်။ ကွန်ပြုတာရှေ့မှာ ကီးဘုတ်ကတဆင့်လာပြီး သွေးကြွမနေနဲ့)
အဆင်ပြေတဲ့တရက်မှာဖြင့် Kid Rock ပရိတ်သတ်တွေအတွက် ဒေါင်းဖို့သီချင်းတွေ အယ်လ်ဘန်လိုက်တင်ပေးချင်ပါသေးတယ်။
ခင်တဲ့
ကိုဝီ