သီချင်းရေးတဲ့ အဆိုတော် ညီမင်းခိုင်

Loud Speaker with Nyi Munn Khine

 

♬ ♪ ♬ ♪သီချင်းရေးတဲ့ အဆိုတော် ညီမင်းခိုင် ♬ ♪ ♬ ♪
ရိန်းမိုး ဆိုတဲ့ "မြတ်နိုးခြင်း" ဆိုတဲ့ သီချင်းလေးက အဝေးကနေ လွင့်လာတယ်။ ဒီသီချင်းနဲ့ ပတ်သက်ပြီး စဉ်းစားမိရင်း တေးရေး၊တေးဆို " ညီမင်းခိုင် " ရဲ့အကြောင်းဆီ ရောက်သွားတယ်။ သူက "လက်ခံမလား" ဆိုတဲ့ တစ်ကိုယ်တော် အယ်လ်ဘမ်မထွက်ခင်ကတည်းက သီချင်းတွေ ရေးနေတဲ့ သူတစ်ယောက်ပါ။ ပရိသတ်တွေ သတိထားမိတာဆိုရင် ရတနာမိုင်ဆိုတဲ့ "ပြောခွင့်မရှိလို့" ၊ ၀ိုင်းစုဆိုတဲ့ "ပြန်လာခဲ့ပါ" နဲ့ ရိန်မိုး ဆိုတဲ့ "မြတ်နိုးခြင်း" ဆိုတဲ့ သီချင်းတွေပေါ့။ အဲဒီ့ တေးရေး၊တေးဆို ညီမင်းခိုင်နဲ့ စကားပြောကြည့်မိတော့...
Q.သီချင်းတွေကို ဘယ်ခုနှစ်ပိုင်းလောက်က စရေးခဲ့တာလဲ။
A .သီချင်းရေးတာကတော့ 2003 ခုနှစ်လောက်က စတာ။ အဲဒီ့အချိန်မှာ ကျွန်တော်က ရခိုင်ဘက်မှာပဲ ကျင်လည်နေတာဆိုတော့ ရန်ကုန်ကို 2008 လောက်မှ စရောက်လာတယ်။ အဲဒီ့အချိန်မှာ အခက်အခဲတွေကတော့ အများကြီးပေါ့။ အဆိုတော်တွေဆီကို သီချင်းတွေ သွားပြခဲ့ရတယ်။
Q ဘယ်လိုစေ့ဆော်မှုတွေကြောင့် သီချင်းတွေ ရေးဖြစ်ခဲ့တာလဲ။
A ပွင့်ပွင့်လင်းလင်းပြောရရင် ကျွန်တော့်ရဲ့မွေးရာပါ ဗီဇလို့ဘဲ ပြောရမှာပေါ့။ ကျွန်တော် ငါးတန်း လောက်ကတည်းက ရည်မှန်းချက်က နှစ်ခုပဲ ရှိတယ်။ တစ်ခုက တေးရေး၊တေးဆို တစ်ယောက်ဖြစ်ရမယ်။ အဲဒါ မဖြစ်လာခဲ့ရင် နိုင်ငံခြားသွားပြီး အလုပ်လုပ်မယ်ပေါ့။ ရှစ်တန်းနှစ်မှာ သီချင်းစရေးခဲ့တယ်။ ဒါပေမယ့် သီချင်းတစ်ပုဒ်ရယ်လို့ မယ်မယ်ရရဖြစ်မလာခဲ့ဘူး။ ဒီ "ညီမင်းခိုင်" ဆိုတဲ့ နာမည်ကလည်း ရှစ်တန်းနှစ်လောက်ကတည်းက ကိုယ့်ဟာကိုယ် မှည့်ထားတာ။ သီချင်းရယ်လို့ သေသေချာချာ ရေးဖြစ်တာက အသက် 17 နှစ်ကျော်ကျော်လောက်မှပါ။ အခုနောက်ပိုင်းတော့ အဲဒီ့တုန်းက သီချင်းတွေက ကလေးသီချင်းတွေ ဖြစ်နေပြီပေါ့။
Q ဘယ်တေးရေးဆရာတွေကို ညီမင်းခိုင် ဘ၀မှာ Admire ဖြစ်ခဲ့လဲ။
A တေးရေးဆရာထဲမှာ ဦးစိုင်းခမ်းလိတ်ကို အရမ်းကြိုက်ခဲ့တယ်။ သူရေးပြီး ဦးစိုင်းထီးဆိုင် ဆိုတဲ့ သီးချင်းတွေနဲ့ပဲ ကျွန်တော်တို့ ဂစ်တာ စသင်ခဲ့ရတာပါ။ နောက်ပိုင်းလူတွေထဲမှာကျတော့ ကိုမောင်မောင်ဇော်လတ် နဲ့ ကိုအယ်ဖြူတို့ကို အရမ်းအားကျတယ်။ လောလောဆယ် ကြိုက်နေတာကတော့ ကိုရယ်ဂျီပေါ့။
Q ရန်ကုန်ရောက်ပြီး ဘယ်သူ့ကို သီချင်းစရောင်းဖြစ်လဲ။
A စရောင်းဖြစ်တာက မိုင်လေး (ရတနာမိုင်) ကိုပါ။ သူက ကိုယ့်ရခိုင်တိုင်းရင်းသားချင်းလည်းဖြစ်တယ် ဆိုပြီး သူ့ကို အားကိုးတကြီးနဲ့ သီချင်းသွားပြတော့ သူကကြိုက်တယ်။ သူကစပြီး ကျွန်တော့်သီချင်းကို Professional အနေနဲ့ ရွေးတယ်။ သူ့ရဲ့ "မရှိမဖြစ်" စီးရီးထဲမှာ ကျွန်တော့်ရဲ့ (ပြောခွင့်မရှိလို့) ဆိုတဲ့ သီချင်းလေးပါသွားတယ်။ အဲ့ဒီ့ကြားထဲမှာ အများကြီးရောင်းခဲ့ရသေးတယ်။ ၀ိုင်းစု (၀ိုင်းစုခိုင်သိန်း) နဲ့တွေ့တာက 2010 ကျမှပေါ့။
Q လောလောဆယ် ဘယ်သူ့ကို သီချင်းတွေ ပေးထားလဲ။
A ရောင်းပြီးသားထဲက မထွက်သေးတာဆိုရင် Lဆိုင်းဇီ၊ မဖြူဖြူကျော်သိန်း၊ ၀ိုင်းစု၊ မရှင်ဖုန်း၊ Nကိုင်ရာနဲ့ မိုင်လေးတို့ရှိမယ်။ တခြားအသစ်တွေ အများကြီးကိုလည်း ရေးပေးထားတယ်။ ၀တီရဲ့အခွေထဲမှာ 12 ပုဒ်တောင် ရေးပေးထားတယ်။ မခွန်းဆင့်နေခြည်တို့လည်း ထွက်သွားပြီ။
Q ညီမင်းခိုင်ကို သတိထားမိသွားစေတဲ့ သီချင်းတွေက ဘယ်သီချင်းတွေလဲ။
A ကျွန်တော့်ကို ပရိတ်သတ်သတိထားမိတာဆိုရင် မိုင်လေးဆိုထားတဲ့ (ပြောခွင့်မရှိလို့) နဲ့ ၀ိုင်းစု ဆိုတဲ့ "မျက်လှည့်" ထဲက "ပြန်လာခဲ့ပါ" ပေါ့။ ပြီးရင် ရွှေ FM မှာ ကိုရိန်းမိုးဆိုတဲ့ "မြတ်နိုးခြင်း" သီချင်းလေးကိုလည်း သိကြတယ်လို့ထင်တယ်။
Q ညီမင်းခိုင်ဆီကို သီချင်းအပ်တာက မိန်းကလေး အဆိုတော်တွေ ပိုများလား။
A .နောက်ပိုင်းတော့ မိန်းကလေး သီချင်းတွေ ရေးရတာပိုများတယ်ဗျ။ ကျွန်တော် ရောင်းပြီးသားတောင်မှ သီချင်းအပုဒ်ရေ 60 လောက်ရှိတယ်။
Q အခုလိုမျိုး သီချင်းတွေရေးနိုင်ဖို့ ညီမင်းခိုင်အတွက် အဓိကလောင်စာက သီချင်းနားထောင်တာလား၊ စာဖတ်တာလား၊ ရုပ်ရှင်ကြည့်တာလား။
A .စာတော့ သိပ်မဖတ်ဖြစ်ဘူး အစ်ကို။ အဓိကကတော့ သီချင်းတွေနားထောင်တာပါမယ်။ ငယ်ငယ်ကတည်းက သီချင်းတွေ ရေးချင်တဲ့ ဗီဇကလည်း ပါလာတယ်။ ရုပ်ရှင်တွေလည်း ကြည့်ဖြစ်ပါတယ်။
Q ဖျက်ခနဲ ရလိုက်တဲ့ အတွေးလေးတွေ အကြောင်းအရာလေးတွေကို မှတ်ထားလေ့ရှိလား။
A .Record တော့လုပ်လေ့လုပ်ထမရှိဘူး။ သီချင်းရေးဖို့ ဒီနေ့ Mood လာရင် ဒီနေ့ ဂစ်တာကောက်ကိုင်ပြီးရေးတယ်။ နောက်မှ လိုအပ်တာတွေ ပြန်ဖြည့်တယ်။ တစ်ထိုင်တည်းနဲ့ ရေးပြီးသွားတဲ့ သီချင်းတွေလည်းရှိတယ်။ ကျွန်တော့်ရဲ့ တစ်ကိုယ်တော်ထဲမှာ ပါတဲ့ "နွယ်နီ" သီချင်းဆိုရင် 2004 မှာရေးခဲ့တာ။ ကျောင်းတုန်းကဆိုရင် အဲ့ဒီသီချင်းကို ကျွန်တော်က တစ်ခန်းဝင် တစ်ခန်းထွက်နဲ့ အရူးတစ်ယောက်လို ဆိုပြခဲ့ဖူးတယ်။
Q ညီမင်းခိုင်ရေးတဲ့ သီချင်းတွေကို ဂရုစိုက်ပြီး နားထောင်ပေးတဲ့ ပရိသတ်တွေအတွက်စကား။
A အဲဒီ့ ပရိသတ်တွေက အနုပညာပြည့်ဝတဲ့ ပရိသတ်တွေလို့ ကျွန်တော်ယူဆတယ်။ တချို့ ပရိသတ်တွေက ကန့်လန့်ကာ နောက်ကလူကို မကြည့်ဘူးလေ။ ကျွန်တော်လည်း အဲဒါလေး ပြောချင်တယ်။ ဟိုတစ်နေ့က ကျွန်တော့်ကို အင်တာဗျူးတဲ့သူက "၀ိုင်းစု သီချင်းကို ကြိုက်တယ်... အဲဒါ အစ်ကိုရေးထားတာလားတဲ့.." အဲလိုပြောရင်းနဲ့မှ သိသွားတာမျိုး မဖြစ်စေချင်ဘူး။ အနုပညာကို တကယ်နှစ်သက်တဲ့လူက ဒီအနုပညာကို ဘယ်သူဖန်တီးထားတာလဲ။ ဘယ်သူကဆိုပြီး ဘယ်တီးဝိုင်းက တီးပေးထားတာလဲဆိုတာ အားလုံးကို စိတ်ဝင်စားတက်တယ်။ ဘယ်တေးရေးဆရာပဲရေးရေး ဘယ်အဆိုတော်ပဲဆိုဆို သီချင်းတစ်ပုဒ်ကောင်းလို့ ကိုယ်နှစ်သက်တယ်ဆိုရင် ဒီသီချင်းကို ပုံဖော်ဖန်တီးထားတဲ့ သူတွေအကုန်လုံးကို အသိအမှတ်ပြုစေချင်ပါတယ်။ ဒါက ပရိသတ်တွေကို ကျွန်တော်ပြောချင်တဲ့စကားပါ။
from fashion magazine
special thanks to Myanmar Pyi Thar
*******************************.....******************************
လက်ခံမလား download linkတွေပါ။
Link1➳ http://www.solidfiles.com/d/50b4d73357/Nyi_Min_Khine.rar
Link 2 http ://drive.google.com/folderview?id=0B494pDoFHuIqZTM0NjVmZTgtZjJkOS00MzBmLWI2MTMtZmE5MThkZGE1MWJm&usp=sharing