အဲသလောက် နားဝေး အနေစိမ်းနေတဲ့ မြန်မာလူငယ်ကလေးတွေကို သူတို့အလွယ်တကူ နားလည်ခံစားနိုင်မယ့် မြန်မာကဗျာကလေး တစ်စုံနဲ့ မိတ်ဆက်ပေးလိုက်ပါ့မယ်။ လူငယ်ဘာဝ ချစ်ရေးကြိုက်ရေး လွမ်းရေးမျှော်ရေးတွေကို စာဖွဲ့လာခဲ့တဲ့အထဲမှာ ဒီကဗျာကလေးနှစ်ပုဒ်ကတော့ စာဆိုတစ်ဦးတည်းက လူနှစ်ဦးအတွက် အပြန်အလှန်ရေးဖွဲ့ပေးထားတဲ့ ရည်းစားစာ ဆိုပါတော့ကွယ်။ ခေါင်းစဉ်က “ချစ်၍ခေါ်သည်” နဲ့ “ချစ်၍ခေါ်ရာ” တဲ့။ ရေးတာကတော့ စိန္တကျော်သူဦးသြပါ။ (ဆင်ဆာမဖြတ်လိုက်နဲ့ဦးနော်။ ဟိုရုပ်ရှင်မင်းသားနဲ့ ဘာမှ မပတ်သက်ဘူး။ အာမခံတယ်။) ဘိုးတော်ဘုရားဖြစ်လာမယ့် ပဒုံမင်းသားကလေးက သူ့ငယ်ချစ် မယ်လွန်းမယ်ကိုပေးဖို့ အကြီးတော်လုပ်တဲ့ ဦးသြကို ရေးပေးစေတဲ့အခါ မယ်လွန်းမယ်ကလည်း ဦးသြကိုပဲ ပြန်စာရေးပေးခိုင်းပါသတဲ့။ သူတို့ အပြန်အလှန်ပေးစာတွေကို ရေးပေးရရှာတာကတော့ အသက်ခုနှစ်ဆယ်လောက်ရှိနေပြီဖြစ်တဲ့ ဦးသြပါတဲ့။ အဘိုးကြီးအို ခါးကုန်းကုန်းက ဖလန်းဖလန်းထနေအောင်ကို အရေးကောင်းလိုက်တာ ဒီကနေ့ထိဖတ်ပြီး ကြွေသွားတဲ့လူတွေထဲမှာ သင်လည်းပါလေဦးအံ့ လို့ ကြိုပြောထားလိုက်မယ်။ ဖတ်ကြည့်။

ချစ်၍ခေါ်သည် လိုက်တော်မူခဲ့
မပြောင်းနွဲ့နှင့် အံ့ဖွယ်အတိ
တိုင်းမသိသား ပြည်ကြီးတန်ဆာ
ကန်နန္ဒာမူ ရာဇာများပန်း
မှန်နန်းများရှင် ဖန်စီရင်၍
ညာခွင်ချောင်းရိုး ကိုးဆယ့်ကိုးက
ရေမိုးယှက်လည် စီးလာသည်ကို
ဆီးဆည်သယ်ဖို့ တောင်ကဲ့သို့ပင်
မို့မို့ညိုယောင် သင်းကန်ပေါင်နှင့်
ရေတောင်မောက်သာ လွမ်းဖွယ်သာသည်
ရောက်ခါမြင်တော်မူလိမ့်မည် ….။

ပဒုံမင်းသားဟာ အလောင်းမင်းတရားရဲ့ သားတော်ငယ်တစ်ပါးဖြစ်ပြီး ညီအကိုတတွေ ကြီးစဉ်ငယ်လိုက် နန်းစံရမယ်လို့ ခမည်းတော် အမှာစကားကို ဆင်ဖြူရှင်လက်ထက်ကစပြီး အရူးကွက်နင်းလို့ ကိုယ့်သားကိုယ် နန်းတင်ခဲ့ရာက စဉ့်ကူးမင်း၊ ဖောင်းကားစားတို့နဲ့ နန်းတွင်းရေးတွေ ရှုပ်အလာမှာ ရွှေဘိုကိုထွက်လို့ ထီးနန်းလုပ်ကြံရပါသတဲ့။ ဒီအခါမှာ ငယ်ရည်းစားဖြစ်တဲ့ မယ်လွန်းမယ်ကို “တူတူလိုက်မလား သွားမယ် မေ” လို့ စိတ်လည်လာအောင် ရွှေဘိုရဲ့ သာယာပုံတွေနဲ့ မြူဆွယ်ဖိတ်ခေါ်တာပေါ့။ ဒီအခါမှာ မယ်လွန်းမယ်ဘက်ကလည်း မိန်းကလေးတို့ဘာဝ “အေးသာရေ .. ကောက်ရိုးပုံ” လို့ခေါ်လိုက်တာနဲ့ စွေ့ကနဲပါမသွားပဲ “လိုက်တော့ လိုက်ချင်ပါရဲ့။ ဒါပေမယ့် ပိုင်ပိုင်နိုင်နိုင် လက်ထပ်ထိမ်းမြားရတာလည်း မဟုတ်သေးပဲနဲ့ လိုက်သေးပါဘူး။ နောက်နောင်ခါမှပဲ လိုက်တော့မယ်” လို့ မူတူတူကလေးလုပ်နေတာကို ဒီလို ရေးဖွဲ့ထားပါတယ်။

ချစ်၍ခေါ်ရာ လိုက်ချင်ပါလည်း
နော်ဇာရွှေကုံး တစ်ခိုင်လုံးကို
လုံးလုံးမယ်ထွေး မပိုင်သေးခဲ့
မဝေးဘူးဆို မြို့မြောက်ဟိုတွင်
မြင့်မိုရ်တောင်လောက် ကန်ပေါင်မောက်နှင့်
ယင်သောက်ရုံမျှ မြူမကျသား
ချမ်းမြရေကြည် ကြာငါးမည်လည်း
ထောပည်ဟင်းရမ်း ဖြူးပြောက်မွှန်းလျှက်
ဆွတ်လှမ်းမလွယ် ကုံးသီသွယ်သို့
လွမ်းဖွယ်သာယာ ကန်တော်မှာသည်
ရောက်ခါမြင်ရပေလိမ့်မည်..။

ဒီကဗျာနှစ်ပုဒ်ရဲ့ ဆိုလိုရင်း အကြမ်းဖျင်းလောက်ကို နှောင်းခေတ်တေးတွေတုန်းက အောင်ရင်နဲ့ မေဆွိတို့ ပြန်ဆိုထားတဲ့ သီချင်းကလေးလည်း ကြားဖူးကြမလားမသိပါဘူး။ “ချစ်၍ခေါ်မည် လိုက်တော်မူခဲ့ မပြောင်းနွဲ့နဲ့ကွယ် မောင်တို့ဆီ မြို့ကြီးပြကြီးမို့ စည်ကားလွန်းလှတယ်..” ဆိုတာလေ။ သူကတော့ “ဖေဖေချစ်ရပါစေမယ်” တို့ “မေမေချစ်ရပါစေမယ်” တို့ ပါတာပေါ့။ ဆရာကြီးသော်တာဆွေကလည်း ဆရာမကြီးဒေါ်ကြည်အေးကို ကဗျောင်ကဗျက်စပ်ပြီး ကျီစယ်ခဲ့တာ ဖတ်ခဲ့ဖူးပါတယ်။ “ချစ်၍ခေါ်မည် လိုက်တော်မူခဲ့ အရက်လျှော့သောက်” ဆိုတာပဲ မှတ်မိတော့တယ်။ အရင်ခေတ်တုန်းကတော့ တက္ကသိုလ်မှာ အင်မတန်ခေတ်စားတဲ့ ကဗျာလေးတွေ ဖြစ်မယ်ထင်ပါတယ်။ နားမလည်စရာ ပေါရာဏတွေ လူအထင်ကြီးလောက်စရာ ခန့်ခန့်ညားညားကြီးတွေမပါပဲ မျက်စိထဲမှာ မြင်ယောင်ခံစားလာစေလောက်တဲ့ အဖွဲ့အနွဲ့တွေနဲ့ ကဗျာလေးမှာ စာပေရဲ့တန်ဖိုး သမိုင်းရဲ့ တန်ဖိုးတွေတင်မကပါဘူး။ မြန်မာလုလင်ပျို၊ လုံမပျိုကလေးတွေရဲ့ ချစ်စရာသိင်္ဂါရဓလေ့လေးတွေကိုလည်း ထင်ဟပ်စေပါတယ်။ ဗင်းဆင့်ဗန်ဂိုးကို တမ်းလိုလည်း တမ်းကြပါ၊ အိုမာခရမ်ကို ညွှန်းလိုလည်း ညွှန်းကြပါ။ တဂိုးမျိုးလို့ ကြွေးကြော်လိုကလည်း ကြွေးကြော်ပါ။ မြန်မာကဗျာကလေးတွေကိုတော့ ကြားလည်း မကြားဖူးဘူး လို့ မပစ်ပယ်လိုက်ပါနဲ့နော်။ ကိုယ့်ရင်သွေးကလေးတွေကို ညအိပ်ယာဝင်ချော့သိပ်တဲ့အခါမှာလည်း ””Old Macdonald had a farm E I E I O …’ လို့မချော့ပဲ “လူကလေးရဲ့ အိပ်ချိန်တန် ဗျိုင်းရှေ့ကပျံ..” လို့ပဲ ချော့ကြရင် မကောင်းဘူးလား။

ဒေါက်တာစိုးမင်း

(မှတ်ချက်။ မျက်ရှုနှစ်ပတ်လည်အတွက် စာမူတောင်းခံခဲ့တဲ့သူတွေအထဲမှာ ဆရာစိုးက စာမူ အစောဆုံး ပို့ပေးခဲ့တဲ့သူပါ။ ဒါပေမယ့် ဘာအမှတ်တရစကားမှတော့ လက်ဆောင်ပါး မသွားဘူး။ )

http://www.myatshu.com/%E1%80%B1%E1%80%9B%E1%80%BD%E1%80%B8%E1%80%B1%E1%80%9B%E1%80%BD%E1%80%B8%E1%80%90%E1%80%AF%E1%80%94%E1%80%B9%E1%80%B8%E1%80%80-%E1%80%9B%E1%80%8A%E1%80%B9%E1%80%B8%E1%80%85%E1%80%AC%E1%80%B8%E1%80%85/