“စာဖတ်ခြင်းအနုပညာ-၁-”

 ဝေ(စီးပွားရေးတက္ကသိုလ်)
ဒီနေ့ ကျွန်မတို့ ဆွေးနွေးမယ့် ခေါင်းစဉ်လေးက “ စာဖတ်ခြင်း အနုပညာ” ဆိုတဲ့ အကြောင်းလေးဆိုတော့... ကျွန်မက စာဖတ်ခြင်းဆိုတာကို မဆွေးနွေးခင် အနုပညာ ဆိုတာလေးကို အရင်စပြီး ကျွန်မနားလည်သလောက်လေး ဆွေးနွေးကြည့်ချင်ပါတယ်။


ပါဠိလို သုခုမပညာလို့ခေါ်တဲ့ အနုပညာဆိုတာ လူမျိုးတစ်မျိုး ဒါမှမဟုတ် နိုင်ငံတစ်နိုင်ငံရဲ့ ယဉ်ကျေးမှု ကြေးမုံပြင်လို့ တင်စားရင်လည်း မမှားဘူးပေါ့နော်။ တချို့ပညာရှင်တွေ...ကဆို လူမျိုးတစ်မျိုးရဲ့ ကြီးကျယ်ခမ်းနားတဲ့ဆောင်ရွက်ချက်တွေ...
( ဥပမာ- တိုက်ရည်ခိုက်ရည်ကောင်းခဲ့တာတွေ၊ နိုင်ငံ့အင်ပါယာကို အကြီးကြီးတည်ထောင်နိုင်ခဲ့တာတွေ...) အဲ့လိုမျိုး လက်ရုံးရည်ထက်စာရင်တဲ့ အဲဒီလူမျိုးစုဖန်တီးခဲ့တဲ့ အနုပညာဟာ သူတို့ရဲ့ လူနေမှုအဆင့်အတန်းကို ပိုပြီးတော့ ထင်ဟပ်ပြနိုင်တယ်လို့တောင် ယူဆကြတယ်လို့ ကျွန်မဖတ်ဖူးပါတယ်။

အဲဒီတော့ လူမျိုးတစ်မျိုး၊ နိုင်ငံတစ်နိုင်ငံရဲ့ ယဉ်ကျေးမှုအဆင့်အတန်းကိုတောင် ထင်ဟပ်ပြနိုင်တဲ့ အနုပညာဆိုတာ.. ဘာလဲလို့ လေ့လာကြည့်တဲ့အခါမှာ.. ကျွန်မဖတ်ဖူးတာလေးပေါ့နော်။ အနုပညာဆိုတာတဲ့ လူတွေရဲ့စိတ်ကို လှုပ်ရှားစေနိုင်တဲ့ ပညာမျိုး၊ လူတွေရဲ့စေတနာကို လှုံ့ဆော်နှိုးဆွပေးနိုင်တဲ့ ပညာမျိုးလို့ ဆိုထားတာကိုတွေ့ရတယ်။

ဆိုလိုတာကတော့ အနုပညာဆိုတာ တစ်ယောက်နဲ့တစ်ယောက်၊ တစ်ဦးနဲ့တစ်ဦး နားလည်စာနာနိုင်အောင်၊ နှလုံးသားချင်းနီးစပ်နိုင်အောင် တံတားခင်းပေးနိုင်တဲ့ အရာလို့ပြောချင်တာပါ။

ဥပမာ လူတစ်ယောက်က သူ ခံစားရတဲ့ အကြောင်းအရာတစ်ခုကို သူ့စေတနာနဲ့ သူ့စိတ်ကူးဥာဏ်ရှိသလောက် ဖန်တီးဖော်ပြလိုက်တဲ့အခါမှာ အဲဒီအနုပညာကို ခံစားရတဲ့ တစ်ဖက်လူမှာလည်း ရသတစ်ခုခုဖြစ်ပေါ်လာပါတယ်။ ရသ၉ပါးထဲက တစ်ပါးပါးပေါ့နော်။ အဲလိုရသပေါ်လာလို့လည်း အနုပညာကို ရသပညာလို့လည်း ခေါ်ကြတာထင်ပါတယ်။

အနုပညာမှာဆိုရင် ပန်းချီ၊ ပန်းပု၊ စာပေ၊ ဂီတ၊ ရုပ်ရှင်၊ သဘင် .. အဲဒီလိုမျိုးစုံပါဝင်တဲ့အထဲက ကျွန်မတို့ဆွေးနွေးမယ့် ခေါင်းစဉ်က စာဖတ်ခြင်းအနုပညာဆိုတော့ စာပေအကြောင်းလေးကိုပဲ အဓိကဆွေးနွေးကြတာပေါ့နော်။

စာပေမှာ သုတစာပေနဲ့ ရသစာပေဆိုပြီးတော့ နှစ်မျိုးရှိတဲ့နေရာမှာ သုတစာပေဆိုတာကတော့ အသိပညာကိုဇောင်းပေးတဲ့ အသိပေးစာပေဖြစ်ပြီး ရသစာပေဆိုတာကတော့ စေတနာကို နှိုးဆွပေးတဲ့အတွက် စေတနာနှိုးစာပေ၊ နောက်တစ်မျိုး အနုစာပေလို့လည်း ခေါ်ကြတယ်လို့ မှတ်သားဖူးပါတယ်။

ရသစာပေကိုဖတ်တဲ့စာဖတ်သူတွေရဲ့ စိတ်ထဲမှာ စာရေးဆရာရဲ့ အရေးအသား၊ အဖွဲ့အနွဲ့၊ ဇာတ်အိမ်ဇတ်ကွက် ကို လိုက်ပြီး ၀မ်းသာတာ၊ ၀မ်းနည်းတာ၊ ထိတ်လန့်ကြေကွဲတာ၊ ကြောက်ရွံ့တာ.. အဲဒီလို စိတ်အရသာအမျိုးမျိုးကို ဖြစ်ပေါ်စေတာဆိုတော့...
သူက သုတစာပေလိုမျိုး ဦးနှောက်နဲ့ မှတ်သားဆင်ခြင်ရတာထက် နှလုံးသားနဲ့ စာနာနားလည်ရတာမျိုးပါ။

ဒီတော့ သုတစာပေတွေက ဦးနှောက်အသိဥာဏ်ကို တိုးပွားစေသလိုပဲ ရသစာပေကတော့ နှလုံးသားကို ရင့်ကျက်ဖွံ့ဖြိုးစေတဲ့ နှလုံးသားအဟာရတွေပါ။ တချို့ လောကီရေးရာကိစ္စတွေမှာ ဦးနှောက်သုံးမှ အောင်မြင်နိုင်တဲ့ ကိစ္စတွေရှိတယ်ဆိုပေမဲ့ တကယ်တမ်းတော့ နှလုံးသားခံစားချက်နဲ့ ပေါင်းစပ်စာနာနိုင်မှသာ လူသားဆန်တဲ့ ပြီးပြည့်စုံတဲ့ အောင်မြင်မှုမျိုးကို ရနိုင်မယ်လို့ ကျွန်မထင်ပါတယ်။

ဒါကြောင့်လည်း လူတွေအားလုံး၊ အထူးသဖြင့် လူငယ်တွေကို နှလုံးသားတွေ နူးညံ့ နွေးထွေးလာစေဖို့၊ တစ်ဦးနဲ့တစ်ဦး စာနာနားလည်နိုင်စေဖို့၊ စိတ်ဓါတ်ရင့်ကျက်တည်ငြိမ်လာစေဖို့ ရသစာပေတွေကိုလည်း အချိန်ပေးပြီးတော့ကို ဖတ်ပါလို့ ကျွန်မက အကြံပေးချင်ပါတယ်။

++++++++

ဝေ(စီးပွားရေးတက္ကသိုလ်)

(ဧရာဝတီစာပေပွဲတော်မှာ ဆရာမခင်ပန်းနှင်း၊ ဆရာမင်းဝေဟင်၊ ဆရာမှူးဆက်ပိုင်၊ ဆရာမချောအိမာန်တို့နဲ့ ကျွန်မ ဝေ(စီးပွားရေးတက္ကသိုလ်) တို့ ဆွေးနွေးဖြစ်ခဲ့ကြတဲ့ အကြောင်းအရာလေးပါ။ စာဖတ်သူမိတ်ဆွေတစ်ယောက်က တင်ပေးဖို့ တောင်းဆိုတာကြောင့်... တခြားဆရာတွေ ဆွေးနွေးသွားခဲ့တာက ကျွန်မမှာ စာရိုက်ပြီးသားလည်း အပြည့်အစုံမရှိ၊ အသံလည်းသွင်းမထားမိတာမို့
ကျွန်မဆွေးနွေးခဲ့တာလေးကိုပဲ တင်ပေးလိုက်ရတာပါ။)