Selaginella သို့မဟုတ် အပင်လောကရဲ့ ဉာဏ်ကြီးရှင်

 

Nine Nine Sanay @ နိုင်းနိုင်းစနေ

Selaginella သို့မဟုတ် အပင်လောကရဲ့ ဉာဏ်ကြီးရှင်
----------------------------------------------------

၁၉၅၉ခုနှစ်က ဂျပန်ဇီဝဗေဒပညာရှင်တစ်ဦးဟာ အလွန်တရာမှ ဆန်းကြယ်တဲ့အဖြစ်တစ်ခုကို တွေ့ရှိခဲ့ပါတယ်။ အဲဒီအဖြစ်က လွန်ခဲ့တဲ့နှစ်ပေါင်း၂၁နှစ်ခန့်က သေဆုံးခဲ့တဲ့အပင်တစ်ပင်ရဲ့ရုပ်ကြွင်းဟာ ပြန်လည်ရှင်သန်လာခဲ့တာဖြစ်တယ်။ အဲဒီအပင်က Selaginella ပင်ပဲဖြစ်ပါတယ်။
...
Selaginellaကို “အကြိမ်ကြိမ်သေလည်း ပြန်ရှင်သန်နိုင်တဲ့မြက်”လို့ တင်စားကြပါတယ်။ အသက်ရှည်တဲ့မြက်၊ မသေတဲ့မြက်၊ မိုးခေါင်ဒဏ်ကိုခံနိုင်တဲ့မြက်လို့လည်း ဆိုကြတယ်။ ရှင်သန်တဲ့ပတ်ဝန်းကျင်ကို မနှစ်သက်တဲ့အခါ Selaginellaဟာ အကြိမ်ကြိမ်ရွေ့လျားတတ်ပါတယ်။ မိုးခေါင်ရေရှားရာသီမှာဆိုရင် သူဟာ သူ့အမြစ်ကိုသူနုတ်ပြီး ဘောလုံးသဏ္ဍာန်ကျုံ့လိုက်တတ်ပါတယ်။ အဲဒီနောက် လေတိုက်ရာနောက် လှိမ့်ပါတော့တယ်။ စွတ်စိုတဲ့မြေနေရာရောက်တဲ့အခါ အမြစ်တွယ်ပြီး တစ်ဖန်ပြန်ရှင်သန်ပေါက်ရောက်တော့တယ်။ ပတ်ဝန်းကျင်အသစ်ကို မနှစ်သက်တဲ့အခါမှာလည်း အဲဒီလိုပဲ လေတိုက်ရာရွေ့လျားလှိမ့်ပါတတ်ပါတယ်။

Selaginellaဆိုတဲ့အပင်ဟာ အပင်လောကမှာ ရွေ့လျားပြောင်းလဲတတ်တဲ့ လွတ်ငြိမ်းအေးဆေးတဲ့အပင်လို့ ဆိုရပါမယ်။ အန္တရာယ်ကိုရှောင်ရှားပြီး အကျိုးအမြတ်ကိုရှာဖွေတတ်တာဟာ သက်ရှိသတ္တဝါတို့ရဲ့ပင်ကိုဗီဇဖြစ်ပါတယ်။ ပတ်ဝန်းကျင်တစ်ခုက ကိုယ်နဲ့မသင့်လျော်တဲ့အခါ၊ အဲဒီပတ်ဝန်းကျင်ကိုပြောင်းလဲဖို့လည်း ကိုယ်မတတ်နိုင်တဲ့အခါ အဲဒီပတ်ဝန်းကျင်ကိုခွာလိုက်တာဟာ ကိုယ့်အတွက်အကောင်းဆုံးရွေးချယ်ခြင်း ဖြစ်ကောင်းဖြစ်ပါတယ်။ ပတ်ဝန်းကျင်ပြုသမျှနုမနေဘဲ ကိုယ်တိုင်လက်ဦးမှုယူပြီး ပြောင်းလဲတာက ပိုကောင်းပါတယ်။ ဒီလိုပြောင်းလဲခြင်းက အခွင့်အရေးသစ်၊ မျှော်လင့်ချက်အသစ်တွေ ရရှိနိုင်ပါတယ်။

အပင်လောမှာ ထက်မြက်တဲ့ Selaginellaရဲ့ ထူးဆန်းတဲ့လုပ်ဆောင်ချက်က လူတွေကို အံ့သြသက်ဝင်စေခဲ့ပါတယ်။ Selaginellaရဲ့အရွက်တွေဟာ အတွင်းပိုင်းကိုလိတ်ဝင်ပါတယ် (အတွင်းပိုင်းပြည့်ဝတဲ့သဘော)။ သေရာက ပြန်ရှင်သန်တယ်။ ကံကြမ္မာဘယ်လောက်ဆိုးလဲ၊ အခက်အခဲတွေကို သည်းခံတောင့်ခံနိုင်ပါတယ်။ ဆိုးရွားတဲ့အခြေအနေမှာ စောင့်ဆိုင်းတယ်၊ မျှော်လင့်ချက်မဲ့တဲ့အခြေအနေမှာ တောင့်ခံတယ်၊ မျှော်လင့်ချက်ကို ဘယ်တော့မှ လက်မလွှတ်ဘူး။ ကိုယ့်ဘဝအတွက် စိုစွတ်အေးမြတဲ့နေရာ တစ်နေရာရှိတယ်ဆိုတာကို ယုံကြည်ထားတယ်။ အန္တရာယ်ကိုရှောင်ရှားပြီး အကျိုးအမြတ်အတွက် အလိုက်သင့်ပြောင်းလဲတယ်။ ပတ်ဝန်းကျင်ကိုမပြောင်းလဲနိုင်ရင် ကိုယ့်ကိုယ်ကိုပြောင်းလဲတယ် ဒါမှမဟုတ် အဲဒီပတ်ဝန်းကျင်ကိုခွာတဲ့ ဉာဏ်ပညာရှိတဲ့လုပ်ရပ်ကို လုပ်ဆောင်တတ်တဲ့ အပင်ဖြစ်ပါတယ်။

“သည်းခံ၊ တောင့်ခံခြင်းက နာကျင်မှုတစ်မျိုးဖြစ်တယ်ဆိုပေမယ့် သင့်အတွက် ကောင်းမွန်တဲ့အရာတွေ တဖြည်းဖြည်းသယ်ဆောင်ပေးလာနိုင်ပါတယ်” လို့ ရှေးရောမကဗျာဆရာ Ovidက ပြောခဲ့ပါတယ်။

မူရင်းလင့် -- http://www.85nian.net/zuowensucai/17702.html

နိုင်းနိုင်းစနေ (March. 26. 2015)

*** Selaginella အပင်ကို ကျွန်မတို့ပတ်ဝန်းကျင်မှာ အများအပြားရှိတယ်လို့ ကျွန်မထင်ပါတယ်။ ဒီလိုမြေမှာကပ်ပေါက်တဲ့အပင်မျိုးကို ကျွန်မတွေ့ဖူးသလိုလိုရှိလှတယ်။ မြန်မာလိုတော့ ဘယ်လိုခေါ်သလဲ မပြောတတ်ဘူး။ ကျွန်မမှာလည်း အဘိဓာန်စာအုပ် စုံစုံလင်လင်မရှိဘူး။ အင်တာနက်ပေါ် လိုက်ရှာဖတ်ကြည့်တော့ Selaginella အမျိုးအစား ၇ဝဝကျော်ရှိတယ်လို့ သိရပါတယ်။ အရွက်တွေက ပုံသဏ္ဍာန်အမျိုးမျိုးနဲ့ပါ။ ဝီကီမှာ Selaginellaလို့ ရှာကြည့်ရင် တွေ့နိုင်ပါတယ်။ တရုတ်တွေကတော့ ဆေးအဖြစ် အသုံးပြုတယ်လို့ သိရပါတယ်။ သွေးတိတ်စေတယ်၊ မစင်သွေးပါ၊ ဆီးသွေးပါ၊ နှာခေါင်းသွေးထွက်တွေအတွက် သုံးတယ်လို့ ဖတ်ရပါတယ်။