Happy Birthday Carrie Underwood!!!

 

Scorpion Soup For Soul with Sandy Myo Thant and 37 others

 

Happy Birthday Carrie Underwood!!!
------
American Idol ရဲ့ (၄) ကြိမ်မြောက်ရာသီမှာ ပထမဆုဆွတ်ခူးခဲ့တဲ့ ကယ်ရီရဲ့ (၃၃) နှစ်ပြည့်ခြင်းဖြစ်ပါတယ်။
...

အမေရိကန်နိုင်ငံ အိုကလာဟိုးမားပြည်နယ်ရဲ့ မထင်မရှား တောမြို့လေးတမြို့မှာ မွေးဖွားခဲ့တဲ့ ကယ်ရီဟာ ကောလိပ်သွားတဲ့အသက်အရွယ်အထိ အသက်လုံးမြင်တွေ့ခဲ့တာတွေဟာ လယ်ယာမြေတွေပဲဖြစ်ပါတယ်။ အခုလိုမျိုး ဘဏ်ထဲမှာ ဒေါ်လာသန်း (၁၂၀) ကျော်ရှိတဲ့ မက်ဂါစတားဖြစ်ဖို့ အိပ်မက်တောင် မမက်ရဲဖူးဘူး။ နောက်တော့ကောလိပ်တက်တယ်။ ဂျာနယ်လစ်ဇင်နဲ့ ဘွဲ့ရတယ်။ အမေရိကန် အိုင်ဒယ်လ်မှာ ဆုရတယ်။ အဲဒီကနေပြီးစလိုက်တဲ့ အောင်မြင်မှုတွေဟာ အံ့သြဖွယ်ရာ အိပ်မက်တခုလိုပါပဲ။
Country Music ကို တရှိုက်မက်မက်သီဆိုလေ့ရှိသူ ကယ်ရီဟာ အခုအချိန်မှာ ဂရမ်မီဆု (၇) ဆု၊ ကန်းထရီးဂီတဆု (၁၁) ဆုအပါအဝင် မရေမတွက်နိုင်သော ဆုတံဆိပ်တွေရရှိခဲ့ပြီးဖြစ်တယ်။
ကန်းထရီးအဆိုတော်မို့ ကန်းထရီးသီချင်းတွေဆိုတာပဲ ထူးချွန်မယ်လို့ ခင်များထင်ရင်တော့ လုံးဝမှားယွင်းပါတယ်။ မယုံရင် Guns n' Roses တို့ရဲ့ Paradise City ကာဗာပြန်ဆိုထားတာကို ယူကျူ့မှာ နားဆင်ကြည့်စေချင်ပါတယ်။ Country Music Award (2013) မှာ ကန်းထရီးအသိုင်းအဝိုင်းက ဆရာကြီးတွေရှေ့မှာ ဟဲဗီးသီချင်းကို (အဲဇဲလ်လို ခြေဖနောင့်နဲ့ ဖင်ကိုပြန်ပေါက်ပြီး) ဆိုသွားတယ်။ ဂီတနဲ့ပတ်သက်ရင် မာနကြီးတဲ့ ကယ်ရီဟာ လိုက်ဖ်ရှိုးတွေမှာ ကီးချဖို့အတွက် အမြဲငြင်းဆန်လေ့ရှိသူဖြစ်ပါတယ်။ နားဆင်ကြည့်စေချင်ပါတယ်။
ခင်များတို့လဲ အဆင်ပြေရင် မွေးနေ့ဆုတောင်းပေးလိုက်ဦးလေဗျာ။
ခင်သောမင်သော
စကော်ပီယံများ
Here is her video of Paradise City cover:https://www.youtube.com/watch?v=kx9PJfrhwFI