ငရဲခွေးကြီးတွေ လွတ်နေတယ်

 

The Ladies News Journal

ငရဲခွေးကြီးတွေ လွတ်နေတယ်

|| ဒေါက်တာခင်မောင်ညို ||

● မလေးမစားမလုပ်ကြပါနဲ့...

ဆွေးနွေးကြသည်။ လက်ခံသည်။

ပြီးတော့မှ လုပ်ချင်ရာလုပ်သည်။ ပြောင် ပြောင်တင်းတင်းပြောသည်။ မျက်နှာပြောင် လွန်းလှသည်။ ကိုယ်ချင်းမစာသူတွေ ဒီလို ပြည်သူတွေကို အုပ်ချုပ်နေရင်တော့ ဇာတ် သိမ်းကောင်းကြမှာမဟုတ်ပါဘူး။ စကားအနိုင်လုပြောတာ မဟုတ်ပါဘူး။

အမှန်တရားကို ရှာဖွေခြင်းသာဖြစ်သည်။

မြန်မာပြည် ဘယ်လမ်းကို လျှောက်မည်နည်း။ မလေးမစားမလုပ်ကြပါနဲ့။



● စော်ကားကြပြန်ပြီ

၁၉၉၀ ပြည့်နှစ်က ရွေးကောက်ပွဲလုပ် ပေးသည်။ ပြီးတော့ ပြောင်ပြောင်တင်းတင်း ပဲ အာဏာကို မလွှဲဘူးလေ။ ဒါကို အမျိုးမျိုး ဖာထေးပြောနေကြသည်။ မှားလျှင်မှားကြောင်း ဝန်ခံရပါမည်။ အဲဒီကမှ သင်ခန်းစာရနိုင်ပါ သည်။ ကျွန်တော်ပြောချင်တာက ကျောင်း သားအရေးအခင်းတွေကိုပါပဲ။ ၁၉၂၀ တုန်း က ကျောင်းသားသပိတ်ပေါ့။ ကိုလိုနီခေတ်ကပါ။ ၁၉၃၆ ခုနှစ် ကျောင်းသားသပိတ်၊ ကို လိုနီခေတ်ပါပဲ။

၁၉၆၂ ခုနှစ် ကျောင်းသားသပိတ်။ စစ် အစိုးရလက်ထက်။

ကျောင်းသားများ ပစ်သတ်ခံရရုံမျှမက ရန်ကုန်တက္ကသိုလ် ကျောင်းသားသမဂ္ဂပါ ဒိုင်းနမိုက်နှင့်ဖြိုခွဲခံရသည်။

တကယ်တော့ အင်မတန်အစဉ်အလာကြီးမားတဲ့ သမဂ္ဂအဆောက်အအုံပါ။ ဒီအဆောက်အအုံမှာ ဗိုလ်ချုပ် အောင်ဆန်း၊ ဦးနု၊ ဦးသန့်တို့ လှုပ်ရှားသွားကြသည်။

လွတ်လပ်ရေးအတွက် ကြိုးပမ်းသော ကျောင်းသားခေါင်းဆောင်များ၏ အောင်မြေဖြစ်သည်။ အာဖဂန်တွင် ဗုဒ္ဓရုပ်ပွားတော်များ အဖျက်ဆီးခံရစဉ် ဗုဒ္ဓဘာသာဝင်များအပြင် သမိုင်းတန်ဖိုးထားသူများ ရင်နာကြရသည်။ ထိုနည်းတူ ရန်ကုန်တက္ကသိုလ် ကျောင်းသားသမဂ္ဂအဆောက်အအုံကို ဗုံးခွဲဖျက်ဆီးလိုက်စဉ်က ကျောင်းသား များသာမက မိဘပြည်သူများနှင့် သမိုင်းကိုမြတ်နိုးတန်ဖိုးထားသူများ ကြိမ်မီးအုံးသကဲ့သို့ ခံစားရသည်။ ခုလည်း ကျောင်းသားများကို စော်ကားကြပြန်ပြီ။



● အင်အားသုံးကြသည်

၂၀၁၀ ရွေးကောက်ပွဲပြီးသည့်နောက်တွင် ဒီမိုကရေစီလမ်းကြောင်းကိုသွားဖို့ အများက မျှော်လင့်နေကြသည်။ အပြောင်းအလဲကိုသွားပါသည်။ သို့သော် အာဏာသုံးရပ်ကို ချုပ်ကိုင်ထားသော အစိုးရအဖွဲ့ဝင်အများစုမှာ စစ် ဗိုလ်ဟောင်းများသာဖြစ်ကြသည်။ ထို့အတွက် ဒီမိုကရေစီကို ချက်ချင်းမမျှော်ရဲပါ။

သို့သော် မီဒီယာလွတ်လပ်ခွင့် အသင့် အတင့်ရလာသောကြောင့် ဒီမိုကရေစီခရီးနီးလာပြီဟု ယူဆလာကြသည်။ စင်စစ်မှာ မီဒီ ယာများကို တရားစွဲခြင်း၊ သတင်းထောက် များကို ဖမ်းဆီးထောင်ချခြင်းနှင့် ပစ်သတ် သည်အထိ ချုပ်ချယ်နိုင်ရန် ကြိုးပမ်းနေသော် လည်း အများစုတော့ အကောင်းဆုံးကိုသာ မျှော်လင့်နေကြပါသည်။ စင်စစ်မှာ ဒီမိုကရေ စီလမ်းကြောင်းသို့ သွားနိုင်ရန်အတွက် ပွင့် လင်းမြင်သာမှုနှင့် သတင်းလွတ်လပ်ခွင့်သည် အရေးအပါဆုံးဖြစ်သည်။ ဒီအတွက် မီဒီယာများကလည်း ကျင့်ဝတ်နှင့်အညီ ရေးသားရန် လိုပြီး အစိုးရကလည်း လွတ်လပ်စွာရေးသား ခွင့်ကို လေးစားရမည်ဖြစ်သည်။ ကျောင်းသား ပြဿနာကိုဆက်ပါမည်။

ကျောင်းသားများက အချက် ၁၁ ချက် ကိုတောင်းဆိုသည်ကို အားလုံးသိကြပါသည်။ ဒါကို လွှတ်တော်က ဆုံးဖြတ်ပေးရန်လိုသည် ဟု ကျောင်းသားများက နားလည်ကြသည်။ ထို့ကြောင့် သပိတ်စစ်ကျောင်းကို ဆက်လက် ချီတက်ချင်းမပြုဘဲ လက်ပံတန်းတွင်ရပ်နား ထားပါသည်။ သို့သော် မတ်လ ၅ ရက်နေ့ နောက်ပိုင်းတွင် ရဲတပ်ဖွဲ့က ဝိုင်းရံပိတ်ဆို့ထား ပြီး မတ်လ ၅ ရက်တွင် ရန်ကုန်တွင် ဆန္ဒပြနေ သူများကို အင်အားသုံးလူစုခွဲခဲ့သည်။ နောက်တစ်ရက်တွင် လက်ပံတန်းရှိ ကျောင်းသားသပိတ်ကိုဖြိုခွဲကာ ကျောင်းသားတစ်ရာကျော်ကို ဖမ်းဆီးခဲ့ပါသည်။

● ငါ့စကားနွားရပြောဆိုကြ

ထိုသို့ ရန်ကုန်၌ အင်အားသုံးလူစုခွဲခြင်းကို တာဝန်ဟူသောလက်ပတ်နီများ ပါဝင်သည်ကိုတွေ့ရသည်။ ထိုတာဝန်လက်ပတ်နီ ပတ်ထားသူများသည် တစ်ချိန်က ပြည်သူအများ ကြောက်ရွံ့ခဲ့ရသည့် စွမ်းအားရှင်များပင် လော။ သူတို့ကို ဘယ်သူက တာဝန်ယူပေးထားပါသနည်း။ ဒေါ်စုကတော့ မီဒီယာက ထုတ်ဖော်ကြဖို့လိုကြောင်း ပြောသွားပါသည်။ မှန်ပါသည်။ မီဒီယာအင်အားကိုယူပြီး ပြည် သူများကို ကာကွယ်ရမည်။ ပြည်သူနှင့်အစိုးရ အကြား နားလည်မှုရရှိစေရန် ပေါင်းကူးပေး ရပါမည်။ ဦးသိန်းစိန်ကတော့ အရှေ့တောင် အာရှတွင် သတင်းမီဒီယာလွတ်လပ်ခွင့်အရှိ ဆုံးနိုင်ငံဟု ကြွေးကြော်ခဲ့သည်။

သို့သော် သတင်းထောက်များကိုပါ ဆန္ဒ ပြသူများနှင့် ရောနှောရိုက်နှက်ဖမ်းဆီးသည် ကို တွေ့ရလေသည်။ လက်ပတ်နီများသည် တာဝန်သိပြည်သူဟူ၍လည်းကောင်း၊ သတင်း ထောက်များသည် လည်ပင်းတွင်ကတ်ပြားများ ဆွဲချိတ်ကာ ကင်မရာများလွယ်ထားပါသော် လည်းလူမှားဖမ်းဆီးသည်ဟူ၍ လည်းကောင်း ဖြေရှင်းသည်ကိုလည်း အံ့ဩဖွယ်ရာကြားသိရ သည်။

စင်စစ် ယနေ့အစိုးရအဖွဲ့ဝင် ပြည်ထောင်စု ဝန်ကြီးများတွင် အရပ်သားစစ်စစ်ဝန်ကြီးမှာ ပညာရေးဝန်ကြီးသာဖြစ်သည်။ ပညာရေးဝန် ကြီးသည် ကျောင်းသားကိစ္စကို ဦးဆောင်ဖြေ ရှင်းသင့်ပါသည်။ သို့သော် ပညာရေးဝန်ကြီး အပြင် ထွက်မလာပါ။ အိုဘားမားကတော့ ကျောင်းသားများကို ချီးကျူးသည်။ ထောင်ကျ မည့်လမ်းကိုမြင်လျက် မိမိဆန္ဒကို တောင်းဆို ရန်ဆန္ဒပြသူများကို အားပေးသွားပါသည်။

သို့သော် မတ်လ ၉ ရက်နေ့ထုတ် စံတော် ချိန် နေ့စဉ်သတင်းစာတွင် အောက်ပါအတိုင်း ဖတ်လိုက်ရသည်။ ခေါင်းစဉ်က ‘တစ်ပတ်အ တွင်း လွှတ်တော်မြင်ကွင်း’ ဖြစ်၍ ‘လက်ပတ်နီနီပိုင်ရှင် တာဝန်သိပြည်သူများနှင့် လွှတ်တော်’ဟု ခေါင်းစဉ်ထပ်ဆင့်တပ်ထားပါသည်။ ရေးသားသူမှာ နိုင်လင်းဖြစ်သည်။

‘ကျောင်းသားတွေတောင်းဆိုထားတဲ့ အ ချက် ၁၁ ချက်နှင့်ပတ်သက်ပြီး ကျွန်တော် ပြောချင်တာက တစ်ခုမှပေးစရာမလိုဘူး’ ခန်း မကျယ်ကြီး၏ တစ်ဖက်တစ်ချက်စီ၌ မျက်နှာ ချင်းဆိုင် ထိုင်နေသူအားလုံး၏အကြည့်က အ သံရှင်ထံ စုပြုံရောက်ရှိသွား ကြသည်။ ရန်ကုန် မြို့၌ ကျောင်းသားသပိတ်စစ်ကြောင်းကိုထောက် ခံဆန္ဒပြသူများအား သက်ဆိုင်ရာက အကြမ်း ဖက်ဖြိုခွဲပြီးနောက်တစ်ရက်တွင် အထက်ပါ စကားရပ်ကို ပြောဆိုလိုက်သူက ဦးနေမျိုးဝေဖြစ်သည်။ အမျိုးသားပညာ ရေးဥပဒေနှင့်ပတ် သက်၍ ကြားနာမှုအစီအစဉ် တစ်ရပ်အဖြစ် နိုင်ငံရေးပါတီများနှင့် အမျိုး သားကော်မတီတို့ တွေ့ဆုံကြားနာချိန်တွင် မတူကွဲပြားခြင်းနှင့် ငြိမ်းချမ်းရေးပါတီဥက္ကဋ္ဌ ဦးနေမျိုးဝေက ယင်း သို့ပြောဆိုခြင်းဖြစ်ခဲ့သည်’ သူ့စကားကြောင့် သူ့ကို ဘယ်လိုစဉ်း စားရမလဲဟု မိမိဘာသာ ဆန်းစစ်မိသည်။

‘ဥပဒေနှင့်အရေးယူဆောင်ရွက်မယ့်ကိစ္စ ကို အရေးမယူဘဲမွေးထားတာ နိုင်ငံတော်ကို အပြစ်တင်ချင်ပါတယ်’ ဟူ၍ ၎င်းကပြစ်တင် ပြောဆိုခဲ့ပြန်သတဲ့။

အတော်ဆိုးပါသည်။



● မတူကွဲပြားခြင်း

မတူကွဲပြားခြင်းနှင့် ငြိမ်းချမ်းရေးပါတီ ဥက္ကဋ္ဌ ဦးနေမျိုးဝေသည် မတူကွဲပြားခြင်းကို ဘယ်လိုသဘောပေါက်သည်ကို ကျွန်တော် နားမလည်နိုင်ပါ။ ထို့အပြင် ငြိမ်းချမ်းရေးကို သူ ဘယ်လိုဖြေရှင်းမလဲ။ ကျွန်တော်တို့နိုင်ငံ ငြိမ်းချမ်းရေးမရသည်မှာ အဆိုပါ အတွေးအခေါ်များကြောင့်ဟု ဆိုနိုင်ပါသည်။ ရွှေလက်နှင့်ခေါ်နေတာကိုမလာရင် ဘူးလက် Bullet ပဲရမည်ဟု ပြောသူပြောသည်။

ပြည်သူ့အသံသည် လွှတ်တော်အသံဖြစ်သလို လွှတ်တော်အသံသည်လည်း ပြည်သူ့ အသံဖြစ်ရပေမည်။ လွှတ်တော်တွင် ပါဝင်ဆောင်ရွက်နေသူအားလုံး နားလည်သင့်ပါသည်။ သူတို့သည် ပြည်သူ့ပိုက်ဆံစားထား သူများဖြစ်သည်။ စားပြီးနားမလည်မလုပ်သင့်ပါ။ စဉ်းစားကြည့်ပါ။ ဘူးလက်လှဆွေကလည်း ‘တိုင်းပြည်မှာ လောက်ကိုင်ကိစ္စနဲ့ ရတက်မအေးဖြစ်နေရချိန်မှာ ကျောင်းသားဆိုတဲ့သူတွေရဲ့ နှစ်ပဲခြောက်ပြားတောင်းဆိုမှုကို အစိုးရက ဂရုမစိုက်သင့်ဘူး။ ... ဆရာတွေကို ဆရာမှန်းမသိ၊ အစိုးရလက်ကိုင်တုတ်တွေလို့ ရှုတ်ချနေတဲ့ အကောင်တွေ ဘယ်တော့မှ စာမတတ်ဘူး ... ဝဲစားပဲဖြစ်လိမ့်မယ်’ ဟု ပြောခဲ့ပြန်သည်။ ကိုဘသစ်နှင့်ဆွေးနွေးတော့ ...

‘အင်း ဒီခေတ်မှာ အိုးဝေညိုမြရှိရင် ငရဲ ခွေးကြီးလွတ်လာပြီ ဆိုတာကို ရေးဦးမလားပဲ’ဟု သူကဆိုသည်။

‘ဟုတ်ပါရဲ့။ ဗိုလ်ချုပ်အောင်ဆန်းတို့၊ ဦးနု တို့ လက်ထက်က တက္ကသိုလ်မှာ ကျောင်း အုပ်ကြီးဟာ ဒီလိုပဲ ငါ့စကားနွားရတွေလုပ်ပြီး ကျောင်းသားတွေကို အပြစ်ပေးတာတွေလုပ်တယ်’

‘ဟုတ်ပါ့။ ဒါကို အိုးဝေညိုမြက ငရဲပြည် က ခွေးကြီးတစ်ကောင် လွတ်မြောက်လာပြီး ရန်ကုန်တက္ကသိုလ်ထဲကို ရောက်ရှိနေတယ်။ ဒီကောင်ဟာ အင်မတန်ဆိုးပြီး ငရဲသစ်ငုတ် အနေနဲ့ ရှိနေရမယ့်အကောင်ပါပဲ။ သူ့ကိုတွေ့ ရင် ဖမ်းဆီးပြီး ငရဲပြည်ကိုပြန်ပို့ကြပါလို့ ရေးဖူးတယ်’

‘ခုနေ ဦးညိုမြရှိနေရင် ငရဲခွေးဘယ်မှာ ရှိနေသလဲ လွတ်နေသလဲလို့ ရေးမယ်ထင်တယ်’

‘သူလွတ်နေတဲ့နေရာကိုတော့ အားလုံး သိကြပါတယ်ဗျာ။ အကျိုးမရှိဟုတ်မှန်စကား ကို မပြောတာပဲ ကောင်းပါတယ်’

‘ခင်ဗျားက ဟုတ်မှန်အကျိုးရှိတာကိုပဲ ပြောချင်တယ်ဆိုပါတော့’

‘ဒါပေါ့ဗျာ။ လွှတ်တော်ထဲမှာပြောကြတဲ့အခါ စကားကြီးခြောက်ခွန်းထဲက ဟုတ်မှန် အကျိုးရှိတာကိုပဲ ပြောရမှာပေါ့။ အစွန်းတစ်ဖက်ကို မရောက်အောင်ပြောဖို့အရေးကြီးပါ တယ်။ ဥပမာ ကျောင်းသားတွေ တောင်းဆို မှုကို နှစ်ပဲခြောက်ပြားတောင်းဆိုမှုလို့ မပြော သင့်ဘူး။ ကျွန်တော်တို့တစ်တွေ နွံနစ်နေတဲ့ အချိန်မှာတောင် အင်္ဂလိပ်တွေက ကျောင်း သားတွေရဲ့ တောင်းဆိုမှုကို အလေးထားတယ်။ ၁၉၂၀ က ဘုရင်ခံ ဆာဒေါက်ကလပ်စ်ဆိုရင် ဒီကျောင်းသားတွေကို မနှိမ်နင်းနိုင်ရင် မြန် မာပြည်ဟာ ကိုလိုနီခေတ်က လွတ်မြောက် သွားမယ်လို့တောင် အစီရင်ခံစာရေးသားခဲ့တယ်’

● နိဂုံး

‘တကယ်လည်း ကျောင်းသားတွေရဲ့ သ ပိတ်တွေကနေ စည်းရုံးမှုတွေကို ပြည်သူတွေ သိအောင် ပြနိုင်ပြီး လွတ်လပ်ရေးရခဲ့တာ မဟုတ်လား’

‘ဒါက ဒုတိယအကြိမ်သပိတ်နဲ့ပိုပြီးဆိုင် တယ်။ ၁၉၃၆ သပိတ်ကိုကြည့်ပေါ့ဗျာ။ နောက် ၁၂ နှစ်မှာ လွတ်လပ်ရေးရခဲ့တာပဲလေ။ ၁၉၃၆ မှာ ဦးနုက ကျောင်းအုပ်ကြီးမစ္စတာဆလေ့စ် ကို စိန်ခေါ်ခဲ့တယ်။ ကျွန်တော်တို့ကျောင်း သားတွေကို တက္ကသိုလ်အာဏာပိုင်တွေက မလေးမစားလုပ်တာကို သည်းမခံနိုင်ဘူး။ ဒါ ကြောင့် ကျောင်းသားတွေ ဘယ်လောက်စည်း ရုံးမှုရှိလဲဆိုတာကိုသိဖို့ သပိတ်တစ်ပွဲလောက် ဆင်နွှဲချင်တယ်ဆိုပြီး အိတ်ဖွင့်စာပို့ခဲ့တယ်’

‘ဒါနဲ့ ဦးနုကို ကျောင်းထုတ်တာပဲမဟုတ်လား’

‘မဟုတ်သေးဘူး။ ဦးနု မိန့်ခွန်းကနေ အ ရေးယူတာပဲ။ ဗိုလ်ချုပ်အောင်ဆန်းကိုလည်း ညိုမြရဲ့ ငရဲခွေးကြီး လွတ်လာပြီဆိုတဲ့ဆောင်း ပါးရေးသူ မဖော်ထုတ်လို့ ကျောင်းထုတ်တယ်။ ဒီသပိတ်ဟာ လွတ်လပ်ရေးအခြေခံဖြစ်တယ်’

‘ခုတော့ လွှတ်တော်ထဲကနေ စော်ကား မော်ကားနဲ့’

‘အိုးဝေညိုမြကို သတိရတယ်ဗျာ’

‘ငရဲခွေးကြီးလွတ်လာပြီဆိုတာကို သတိရတယ်ဗျာ’

‘တစ်ကောင်တည်းတော့ ဟုတ်ဟန်မတူဘူး’

( ဒေါက်တာခင်မောင်ညို )
The Ladies News Journal ပါ ဆောင်းပါး