နှင်းဆီပန်းနဲ့ ဆေးတောင့်(Capsule)

 

Nine Nine Sanay @ နိုင်းနိုင်းစနေ

နှင်းဆီပန်းနဲ့ ဆေးတောင့်(Capsule)
--------------------------------------
“သတင်းအချက်အလက်တွေပေါက်ကွဲတဲ့ခေတ်မှာ လူတွေရဲ့စာဖတ်နှုန်းက အဆမတန်ကျဆင်းနေပါတယ်။ လူတွေရဲ့စာဖတ်အားကျဆင်းတာမဟုတ်ဘဲ လူတွေရဲ့စာဖတ်ချိန် တဖြည်းဖြည်းနည်းလာတာဖြစ်တယ်။” ဆိုတာက တွေဝေစေတဲ့အဆိုတစ်ခုဖြစ်တယ်။

လွန်ခဲ့တဲ့၁ဝနှစ်ကျော်ကာလက စာရေးသူကျွန်တော်ဟာ ဆွစ်ဇလန်နိုင်ငံမှာပြုလုပ်ကျင်းပတဲ့ အပြည်ပြည်ဆိုင်ရာ တွေ့ဆုံဆွေးနွေးပွဲတစ်ခုကို တက်ရောက်ခ...ဲ့ပါတယ်။ အဲဒီဆွေးနွေးပွဲမှာ အသက်အတန်ငယ်တဲ့ စီးပွားရေးလုပ်ငန်းရှင်လူငယ်တစ်ဦးက သူ့ကုမ္ပဏီသစ်ကို မိတ်ဆက်ပါတယ်။ ကုမ္ပဏီရဲ့အဓိကလုပ်ငန်းက “စာအငှားဖတ်ခြင်း”ဖြစ်ပါတယ်။ လုပ်ငန်းကြီးတွေကိုအုပ်ချုပ်ရတဲ့ စီးပွားရေးသမားတွေဟာ အရမ်းအလုပ်များပြီး စာဖတ်ချင်ကြပါတယ်။ ဒီကုမ္ပဏီက အဲဒီလို စာဖတ်ချင်ပြီး စာဖတ်ချိန်မရှိတဲ့လူတွေအတွက် စာမျက်နှာ ၃ဝဝလောက်ရှိတဲ့စာအုပ်ကို ၁ဝမျက်နှာလောက်အတိုချုံးပြီး အဲဒီစာအုပ်ရဲ့“အဆီအနှစ်၊ အနှစ်သာရ”ကို ပေးမှာဖြစ်တယ်။ အဲဒီလိုအတွက် ဈေးများတဲ့ဝန်ဆောင်ခကိုယူမှာဖြစ်တယ်။ စာဖတ်တဲ့တာဝန်ကိုယူမယ်၊ ရွေးချယ်မယ်၊ အနှစ်ချုပ်ရေးမယ်.. ဒီလိုလုပ်မယ့်သူတွေဟာ ပညာအဆင့်အတန်းမြင့်တဲ့ သုတေသီတွေဖြစ်ကြတယ်။ ဒါဆိုရင် အတိုချုံးလိုက်တဲ့ စာတွေဟာလည်း အဆီအနှစ်ပြည့်ဝနေမယ်ဆိုတာကို အာမခံပါတယ်။

ဒီကုမ္ပဏီက အချိန်ကာလတစ်ခုလောက်မှာတော့ လူတွေအရမ်းနှစ်သက်ခဲ့ကြပါတယ်။ သူတို့ စီစဉ်ပေးတဲ့ “အနှစ်ချုပ်”က စာပေလောကမှာ အာဟာရဆေးတောင့်အဖြစ် ဖြစ်နေခဲ့တယ်။
ဆေးတောင့်သေးလေးတစ်တောင့်နဲ့ စိတ်နှလုံးကို လိုအပ်တဲ့သတင်းအချက်အလက်နဲ့ အာဟာရတွေကို ရစေတယ်လို့ လူတွေထင်ခဲ့ကြတယ်။ ဒါ့အပြင် အချိန်လည်း မကုန်စေခဲ့ဘူး။

ဒီလိုနည်းက ရသစာပေ၊ အတွေးအမြင်စာပေတွေအပေါ် အသုံးဝင်လိမ့်မှာမဟုတ်ဘူးလို့ အဲဒီတုန်း ကျွန်တော်တွေးထင်ခဲ့တယ်။ ဒီလိုမှမဟုတ်ရင် Anna Karenina ဆိုတဲ့စာအုပ်ရဲ့အနှစ်ချုပ်က “အိမ်ထောင်ရှိတဲ့ Annaဟာ Vronskyကို ချစ်ခဲ့မိပြီး မိသားစုကိုခွာခဲ့တယ်။ နောက်ဆုံးမှာ ကိုယ့်ကိုယ်ကိုအဆုံးစီရင်လိုက်တယ် ”။ Jane Eyre ဆိုတဲ့စာအုပ်ရဲ့အနှစ်ချုပ်က “မိသားစုဆရာမတစ်ဦးဖြစ်တဲ့ Jane Eyreဟာ Rochester အိမ်မှာ ဆရာမလုပ်ခဲ့တယ်။ နောက်ဆုံးမှာ အိမ်ရှင် Rochesterနဲ့ လက်ထပ်လိုက်တယ်”ဆိုတာမျိုးဖြစ်မယ်။ တကယ်လို့ ဒီဇာတ်လမ်းတွေရဲ့အသေးစိတ်အချက်အလက်ကို ဖြုတ်လိုက်မယ်၊ လူနေမှုအရေးအဖွဲ့နဲ့ အကြောင်းအရာဖြစ်ပျက်ချိန်တွေကို ဖြုတ်လိုက်မယ်ဆိုရင် ဘယ်ဇာတ်လမ်းကမှ ဖတ်ဖို့ မထိုက်တန်တော့သလို ဘယ်ဇာတ်ကောင်ကိုမှ ချစ်ခင်နှစ်လိုဖို့ မထိုက်တန်တော့ပါဘူး။

ကောင်းမွန်တဲ့စာပေတွေက အတိုချုံးအနှစ်ချုပ်လို့ မရပါဘူး။ ဒီလိုစာပေတွေကို အချိန်၊ အားထုတ်မှုတွေပေးဆပ်ပြီးမှ ဖတ်ရတယ်ဆိုပေမယ့် ဒီလိုစာဖတ်ခြင်းကသာ ပြန်တမ်းတအောက်မေ့လို့ရနိုင်တဲ့ ဘဝစာဖတ်ခြင်းပဲဖြစ်တယ်။

သတင်းအချက်အလက်ကိုရဖို့ အဓိကထားတယ်ဆိုရင်တော့ အတိုချုံးအနှစ်ချုပ်ကောင်း ချုပ်နိုင်ပါတယ်။ ချွတ်ယွင်းချက်ကင်းတဲ့စာတွေကို အမြန်မျိုချပြီး အာဟာရကိုချက်ချင်းရယူတာဖြစ်တယ်။ ဒါဟာ ယုန် မုန်လာဥစားတဲ့ စာဖတ်နည်းဖြစ်တယ်။ အမြန်သိမ်းယူလိုက်တဲ့စာဖတ်နည်းဖြစ်တယ်။

နောက်စာဖတ်နည်းတစ်မျိုးက စိမ်ပြေနပြေဖတ်တာဖြစ်တယ်။ ဒီလိုဖတ်နည်းက စာဖတ်သူရဲ့အရသာခံစွမ်းကို စမ်းသပ်တာဖြစ်သလို စာဖတ်သူရဲ့စိတ်ရှည်မှုကိုလည်း စမ်းသပ်တာဖြစ်တယ်။ ဒီလို စိတ်ပါဝင်စားဖတ်ရှုတဲ့ စာဖတ်ခြင်းမှာ စာဖတ်သူနဲ့ စာအုပ်ပါအကြောင်းအရာတွေက ဘဝနဲ့ချိတ်ဆက်လိုက်ပါတယ်။ အဲဒီကနေ စာဖတ်ခြင်းရဲ့အဓိပ္ပာယ်ကို စာဖတ်သူရှာဖွေတွေ့ရှိပြီး တွေးတောမှုအရည်အချင်း၊ ခံစားမှုစွမ်းရည်တွေ ပိုမိုရရှိပြီး ဘဝလည်း တိုးတက်ကောင်းမွန်လာမှာဖြစ်တယ်။

စာဖတ်ခြင်းက ရွေးချယ်မှုတစ်ခုပါ။ စာဖတ်ရခြင်းရဲ့ရည်ရွယ်ချက်က အသိပညာ ဗဟုသုတရယူရုံသက်သက်မဟုတ်ဘဲ ဘဝတစ်ခုကို ဘယ်လိုဖြတ်သန်းမယ်ဆိုတဲ့ ရွေးချယ်ခြင်းတစ်ခုလည်းဖြစ်ပါတယ်။

အရာရာမြန်ဆန် ပျားပန်းခတ်လှုပ်ရှားနေရတဲ့လောကမှာ စာဖတ်ခြင်းက ဇိမ်ခံတဲ့အလုပ်တစ်ခုဖြစ်နေပါတယ်။ သတင်းအချက်အလက်နဲ့ ဗဟုသုတရဖို့က ဆိုရှယ်နက်ဝေါ့တွေမှာ အလွယ်တကူရယူနိုင်ပေမယ့် အတွေးစွမ်းရည်၊ သဘောပေါက်နားလည်နိုင်စွမ်း တိုးမြင့်ဖို့ဆိုတာတော့ ခက်ပါလိမ့်မယ်။

သတင်းအချက်အလက်နဲ့ ဗဟုသုတအတွက် နက်ဝေါ့တွေက စာအုပ်နေရာမှာ အစားထိုးဝင်ရောက်လာတဲ့အခါ နှလုံးသားအဟာရအတွက် စာအုပ်ရဲ့အသုံးဝင်မှုက ပိုအရေးပါလာပါတယ်။ အတိုချုံးလို့မရတဲ့အရာတွေက ဘာတွေလဲ၊ အဲဒီ အနှစ်ချုပ်လို့မရတဲ့အရာတွေက ဘာတွေလဲဆိုတာ စာရေးသူနဲ့စာဖတ်သူတို့ တွေးတောသင့်တဲ့မေးခွန်းဖြစ်တယ်။

ဒီကနေ့ခေတ်ဟာ အာဟာရဆေးတောင့်ကို ပုံစံအမျိုးမျိုးနဲ့ ထုတ်လုပ်နေကြပါတယ်။ နှင်းဆီပန်းဆေးတောင့်တစ်လုံးက အသားအရည်ကို ထိန်းသိမ်းပေးနိုင်စွမ်းရှိကောင်းရှိပေမယ့် အပင်ပေါ်ပွင့်လန်းတဲ့ နှင်းဆီရဲရဲတစ်ပွင့်ကတော့ နွေဦးရာသီတစ်ခုလုံးကို
ခေါ်ဆောင်လာနိုင်ခဲ့ပါတယ်။

-----------
မူရင်းရေးသားသူ-- Chén qí lán
မူရင်းလင့် -- http://www.85nian.net/qinggan/11675.html

နိုင်းနိုင်းစနေ (Jan.14. 2015)