တိုက်ပုံဝတ် တပ်အသွင်ပြောင်းအရာရှိတွေပဲ အုပ်စိုးနေတဲ့ အထွေထွေ အုပ်ချုပ်ရေးဦးစီးဌာနအကြောင်း သောင်းပြောင်းထွေလာပေါ့ဗျာ (၁)

 

Moe Zay Nyein

 

တိုက်ပုံဝတ် တပ်အသွင်ပြောင်းအရာရှိတွေပဲ အုပ်စိုးနေတဲ့ အထွေထွေ အုပ်ချုပ်ရေးဦးစီးဌာနအကြောင်း သောင်းပြောင်းထွေလာပေါ့ဗျာ (၁)
ဒီကိစ္စကိုရေးချင်နေတာတော့ ကြာပြီ။ ဒါပေသိ ကိုယ်ကလည်း တိတိကျကျဖြစ်ချင်တဲ့ လူဆိုတော့ အချက်အလက်တွေ စုဆောင်းနေဆဲမို့ မပြည့်စုံသေးတာနဲ့ မရေးဖြစ်သေးတာ။ အချက်အလက်တွေစုဆည်းရင်း၊ ပြုရင်းနဲ့ လနဲ့ချီလာပြီဆိုတော့ မစောင့်နိုင်တော့ပဲ ရှိသလောက်နဲ့ပဲ ရေးဖြစ်လိုက်တယ်။ ရေးမဲ့ အကြောင်းရင်းကတော့ မြန်မာပြည်ရဲ့ အရပ်ဘက်ဝန်ကြီးဌာန လက်အောက်ခံ ဦးစီးဌာနတွေထဲမှာ အုပ်ချုပ်ရေးအာဏာလုပ်ပိုင်ခွင့်အရှိဆုံးဦးစီးဌာနတစ်ခုလည်းဖြစ်၊ အင်မတန်အရေးပါတဲ့ နေရာတစ်ခုလည်းဖြစ်တဲ့ အထွေထွေအုပ်ချုပ်ရေးဦးစီးဌာနကို တပ်ပြောင်းအရာရှိတွေနဲ့ ထိန်းချုပ်ထားတဲ့ကိစ္စပဲဖြစ်ပါတယ်။
ဒီဟာမရေးခင်မှာ ပြောချင်တာတစ်ခုလည်း ကြိုတင်ပြောချင်ပါသေးရဲ့။ ရွေးကောက်ပွဲ ကော်မရှင်မှာ တိုင်း/ပြည်နယ်၊ ခရိုင်အဆင့်ထိသာမကပဲ မြို့နယ်အဆင့်ထိပါ တပ်ပြောင်းအရာရှိတွေကို နေရာယူစေတဲ့အကြောင်း တလောက ဖေ့ဘုတ်မယ် ကျနော်ရေးခဲ့ဖြစ်တယ်။ ဘီစီနံပတ်၊ အပတ်စဉ်၊ ရာထူး၊ တည်နေရာ စသဖြင့် တိတိကျကျပေါ့။ အဲ့သဟာရေးဖို့အတွက် အချက်အလက်တွေ ကျနော်စုဆည်းခဲ့ရတာ ၃/၄ လကြာမြင့်ခဲ့ပါတယ်။ ကျနော်မျှော်လင့်တာက အတိုက်အခံပါတီတွေအနေနဲ့ ရွေးကော်မှာ ဒီလိုလူတွေရှိနေတာဟာ ဘာကြောင့်လဲဆိုတာကို သိစေချင်တဲ့ စိတ်ဆန္ဒရယ်ပါ။ တချို့ကတော့ အင်္ဂလိပ်လို ဘာသာပြန်ပြီး နိုင်ငံတကာ အဖွဲ့အစည်းတွေကို ဖြန့်ဝေအသိပေးကြတယ်လို့ ပြန်ကြားရတဲ့အတွက်လည်း ကိုယ်လုပ်ထားတာလေးတွေအတွက် ၀မ်းမြောက်မိပါတယ်။ ထားတော့ ထွေအုပ်အကြောင်းဆက်ကြဦးစို့ရဲ့။ ထွေအုပ်အကြောင်းမယ် မရေးမဖြစ်တဲ့ ရေးစရာတွေကလည်း များတော့ စာကလည်းရှည်တယ်။ ဒါပေသိ ဖေ့ဘုတ်ကနေ ဖတ်ရသူတွေလည်း အဆင်ပြေအောင်လို့ ခပ်တိုတိုနဲ့ပဲ အပိုင်းတွေခွဲပြီး ရေးသွားပါမယ်ခင်ဗျာ။
------------------------------------
၁၉၈၈ ခုနှစ်၊ စက်တင်ဘာလ(၁၈)နေ့မှာ နိုင်ငံတော်အာဏာအရပ်ရပ်ကို တပ်မတော်မှ ထိန်းချုပ်ပြီးတဲ့နောက် စစ်ဗိုလ်ချုပ်ကြီးများသာပါဝင်သော နိုင်ငံတော်ငြိမ်ဝပ်ပိပြားမှု တည်ဆောက်ရေးအဖွဲ့ (န၀တ) ကို ဖွဲ့စည်းကာ မြန်မာနိုင်ငံကို အုပ်ချုပ်ခဲ့ပါတယ်။ ဒီ့နောက် ၁၉၉၅ ခုနှစ်မှာ န၀တကိုပဲ နိုင်ငံတော်အေးချမ်းသာယာရေးနှင့် ဖွံ့ဖြိုးရေး ကောင်စီ(နအဖ)ဟု အမည်ပြောင်းကာ ဆက်လက်အုပ်ချုပ်ခဲ့တယ်။ အမည်ပြောင်းသော်လည်း မူမပြောင်းတာမို့ နအဖမှာ ပါဝင်တဲ့သူတွေဟာလည်း စစ်ဗိုလ်ချုပ်ကြီးတွေသာ ဖြစ်ပါတယ်။
၁၉၈၈ ခုနှစ်နောက်ပိုင်းမှာ နိုင်ငံတော်အဆင့်အုပ်ချုပ်ရေးအဖွဲ့ဖြစ်တဲ့ န၀တ/နအဖမှာ တပ်မတော်ကာကွယ်ရေးဦးစီးချုပ်မှအစ တိုင်းမှူးတွေအထိပါဝင်ခဲ့သလို လက်အောက်ခံ အုပ်ချုပ်ရေးလုပ်ငန်းတွေမှာလည်း စစ်တပ်ကပဲ ကိုင်တွယ် ထိန်းချုပ်ခဲ့ပါတယ်။ ပြည်နယ်/တိုင်းတွေက သက်ဆိုင်ရာ စစ်တိုင်းမှူးတွေက တာဝန်ယူအုပ်ချုပ်ခဲ့ပါတယ်။ ခရိုင်အုပ်ချုပ်ရေးဖြစ်တဲ့ ခ၀တ/ခယကဥက္ကဌများအဖြစ် ဒုတိယဗိုလ်မှူးကြီး အဆင့်ရှိသူများက တာဝန်ယူပြီး မြို့နယ်အဆင့်အုပ်ချုပ်ရေးဖြစ်တဲ့ မ၀တ/မယကတွေ ကိုတော့ ဗိုလ်မှူး/ဗိုလ်ကြီးအဆင့်ရှိသူတွေက တာဝန်ယူကာ နိုင်ငံတော်အာဏာကို ထိန်းချုပ်ခဲ့ကြပါတယ်။ စစ်တပ်ကပဲ နိုင်ငံတော်အာဏာရပ်အရပ်ရပ်ကို ထိန်းချုပ်ထားခဲ့တာကြောင့်ပဲ မြန်မာပြည်ရဲ့ ၁၉၈၈ ခုနှစ်နောက်ပိုင်းကာလကို စစ်အာဏာရှင်ခေတ်ရယ်လို့ ရည်ညွှန်းခေါ်ဆိုကြပါတယ်။ ထိုခေတ်ကာလအတွင်းဝယ် စစ်အာဏာရှင်ကို ဆန့်ကျင်ကြတဲ့ အဖွဲ့အစည်းတွေ၊ ပြည်သူတွေလည်း အများအပြားရှိခဲ့ပြီး စစ်အာဏာရှင်တွေကြောင့် အသက်တွေ၊ ဘ၀တွေလည်း မြောက်မြားစွာဆုံးရှုံးခဲ့ကြရပါတယ်။
စစ်အာဏာရှင်တွေဟာ နိုင်ငံတော်အာဏာကို (၂၅)နှစ်ကျော်ကြာကြီးစိုးပြီးတဲ့နောက် ၂၀၁၀ ပြည့်နှစ်မှာတော့ အထွေထွေ ရွေးကောက်ပွဲတစ်ခု ကျင်းပပေးခဲ့ပါတယ်။ စစ်အာဏာရှင်နအဖအဖွဲ့ကို ၂၀၁၁ ခုနှစ်၊ မတ်လ(၃၀)ရက်နေ့မှာ နအဖ ကြေညာချက်အမှတ် (၅/၂၀၁၁)နဲ့ ဖျက်သိမ်းခဲ့ပါတယ်။ တဖန် ကြေညာချက် အမှတ်(၈/၂၀၁၁)ကို ထုတ်ပြန်ကာ အဆင့်ဆင့်သော စစ်အာဏာရှင်အုပ်ချုပ်ရေး ယန္တရားများ ဖြစ်တဲ့ ခယက/မယကတို့ကို ဖျက်သိမ်းပြီး အထွေထွေ အုပ်ချုပ်ရေး ဦးစီးဌာနသို့ အုပ်ချုပ်ရေးအာဏာများကို လွှဲအပ်ကြောင်း ကြေညာခဲ့တယ်။ တိုင်း/ပြည်နယ်များကို စစ်ဘုရင်ပြုအုပ်ချုပ်နေတဲ့ တိုင်းမှူးတွေရဲ့အာဏာတွေကိုလည်း တိုင်း/ပြည်နယ်ဝန်ကြီးချုပ်များ၊ တိုင်း/ပြည်နယ်အဆင့် အထွေထွေအုပ်ချုပ်ရေး ဦးစီးဌာနမှူးများထံသို့ လွှဲပြောင်းပေးခဲ့ပါတယ်။
နအဖ/ခယက/မယကတွေ ဖျက်သိမ်း၊ မြန်မာပြည်အုပ်ချုပ်ရေးမယ် ယူနီဖောင်းဝတ် စစ်ဗိုလ်ချုပ်တွေက နောက်ဆုတ်၊ တိုက်ပုံဝတ်ထားသောအုပ်ချုပ်သူတွေသာ လူထုရှေ့မယ် ရှိနေတာမို့ ကျနော်တို့ မြန်မာပြည်သူတွေ စစ်အာဏာရှင် ယန္တရားကြီးအောက်က လွတ်မြောက်ကြပြီလားလို့ ထင်ယောင်ထင်မှားဖြစ်စရာပါ။ တကယ်တမ်းတော့ ကျနော်တို့တွေဟာ စစ်တပ်ရဲ့ထိန်းချုပ်မှုအောက်ကနေ မလွတ်မြောက်ကြသေးပါဘူး။ အာဏာရှင်တွေဟာ နိုင်ငံတကာမှာရော ပြည်တွင်းမှာပါ အမြင်ကောင်း၊ အပြကောင်းစေဖို့ အာဏာရှင်ယန္တရားကို ဟန်ပြဖျက်သိမ်းခဲ့ပေမဲ့ နောက်ကွယ်မှတဆင့် အာဏာကိုထိန်းချုပ်နိုင်ဖို့အတွက် အစစအရာရာပြင်ဆင်ခဲ့ပြီး ဖြစ်ပါတယ်။ ပြင်ဆင်ပြီးချိန်မှ လူကြားသူကြားကောင်းအောင် ခွာစစ်ဆင်သလေး ဘာလေး ကြွေးကြော်ကာ ဆုတ်ခွာချင်ယောင်ဆောင်ကြခြင်း ဖြစ်ပါတယ်။
နအဖက နိုင်ငံတော်အာဏာကို ထိန်းချုပ်ထားနိုင်ဖို့ ဘာတွေပြင်ဆင်ခဲ့သလဲ။ နအဖရဲ့ ပြင်ဆင်ဆောင်ရွက်ထားခဲ့တာတွေကို အတိုတုတ်ဆုံးနဲ့အကျဉ်းချုပ်ပြောရရင်-
“နိုင်ငံရေးသမားတွေဆိုတာက ပြည်ပပုဆိန်ရိုးတွေ၊ သူလျှိုတွေ၊ ယုံကြည်ရတဲ့သူတွေ မဟုတ်၊ ဒီမိုကရေစီဆိုတို့ လူ့အခွင့်အရေးတို့ဆိုတာက ပြည်ပက ကျူးကျော်ချင်တဲ့ လူတွေရဲ့ ဟန်ပြလက်နက်တွေ၊ နည်းလမ်းတွေသာဖြစ်တယ်။ တပ်မတော်သာလျှင် နိုင်ငံအတွက် ဘာဘာညာညာ” ဆိုတဲ့ အမြင်တွေကို တပ်မတော်သားများအား နှစ်ရှည်လများ ရိုက်သွင်းဦးနှောက်ဆေးပေးခဲ့တယ်။ ဒီလိုအမြင်တွေနဲ့ ထုသားပေသား ကျနေတဲ့လူတွေကို ယူနီဖောင်းချွတ်၊ တိုက်ပုံဝတ်ပေးပြီး အရပ်သားယောင်ဆောင်ကာ အရပ်ဘက်အုပ်ချုပ်ရေးရယ်လို့ လူမြင်ကောင်းအောင် ပြခဲ့ကြခြင်းသာ ဖြစ်ပါတယ်။
ကဲ- ယနေ့ခေတ် အရပ်ဘက်အုပ်ချုပ်ရေးကို ကြီးစိုးနေတဲ့ လူတွေထဲမှာ ယူနီဖောင်းချွတ်၊ တိုက်ပုံဝတ်ထားတဲ့လူတွေ ဘယ်လောက်များနေလဲဆိုတာ ကြည့်ကြရအောင်။ တိုင်း/ပြည်နယ်ဝန်ကြီးချုပ်တွေ စာရင်းကတော့ တစ်ခါတင်ပြီးသားမို့ ထပ်မရေးတော့ပါဘူး။ ၂၀၁၁ မယ်၊ ဒီမိုကရေစီခေတ်ရောက်ပြီ၊ စစ်တပ်အုပ်ချုပ်ရေးမရှိ၊ အရပ်ဘက် အုပ်ချုပ်ရေးသာ အဓိကရယ်လို့ သဘောထားမျိုးကြေညာပြီးနောက် တိုင်း/ပြည်နယ် အထွေထွေအုပ်ချုပ်ရေးဦးစီးဌာနမှူးဟာ စစ်တိုင်းမှူးတွေဆီကနေ အုပ်ချုပ်ရေးအာဏာ လွှဲပြောင်းရယူခဲ့ပါတယ်။ လက်ရှိ တိုင်းနဲ့ပြည်နယ်တွေရဲ့ အထွေထွေ အုပ်ချုပ်ရေး ဦးစီးဌာနမှူးတွေဟာ ဒုညွှန်ကြားရေးမှူးချုပ်အဆင့်ရှိကြပြီး သက်ဆိုင်ရာ တိုင်းဒေသကြီး/ပြည်နယ်အစိုးရအဖွဲ့တွေရဲ့ အတွင်းရေးမှူး အဖြစ်လည်း တာဝန်ယူကြရပါတယ်။ သက်ဆိုင်ရာတိုင်းဒေသကြီး/ပြည်နယ်အစိုးရအဖွဲ့များရဲ့ ရုံးလုပ်ငန်းတာဝန် အ၀၀ကိုလည်း အထွေထွေအုပ်ချုပ်ရေးဦးစီးဌာနကပဲ စီမံဆောင်ရွက်ပေးနေရပါတယ်။ ကိုင်း - ခုလက်ရှိ၊ တိုင်းနဲ့ပြည်နယ်တွေကို အုပ်ချုပ်နေတဲ့ ထွေ/အုပ်ဦးစီးဌာနမှူးတွေက ဘယ်သူတွေများပါလိမ့်ဗျာ။ စာရင်းအင်းလေးနဲ့ ကြည့်ကြည့်ရအောင်။
(Photo Credit: ကာတွန်းဆရာအမည် မသိပါ။ အင်တာနက်မှတွေ့ပြီး သဘောကျမိသဖြင့် သိမ်းထားသောပုံဖြစ်သည်)
ဆက်ပါဦးမည်-
မိုးဇေညိမ်း