မြန်မာပြည်(အစိုးရ)က (နော်ဝေ)ဘုရင်ကြီးတို့ဇနီးမောင်နှံတွေ့မသွားစေချင်တဲ့ အဖြစ်မှန်

Ko Nyo

 

မြန်မာပြည်(အစိုးရ)က (နော်ဝေ)ဘုရင်ကြီးတို့ဇနီးမောင်နှံတွေ့မသွားစေချင်တဲ့ အဖြစ်မှန်
========================================================

[နော်ဝေနိုင်ငံပိုင်အသံလွှင့်ဌာန (NRK) ၏ သတင်းစာမျက်နှာမှ ဆောင်းပါးတပုဒ်ကို ပကတိအတိုင်း ဘာသာပြန်ပေး ထားပါသည်။ မူရင်းဆောင်းပါးရှင်သည် သတင်းထောက်များကို ဖိလိပိုင်သတင်းထောက်ဟု တနေရာတွင် ဖော်ပြထား သည်မှာ အရေးမှားခြင်းသာဖြစ်သည်။ နာမည်များကိုသုံးသပ်ကြည့်ပါက ထိုသတင်းထောက်များမှာ မြန်မာများသာ ဖြစ်သည်။]
.
ဘုရင်ကြီးတို့မောင်နှံရဲ့ အလည်အပတ်ခရီးစဉ်ဟာ မြန်မာပြည် မန္တလေးဆင်ခြေဖုံးတနေရာက အိုးအိမ်မဲ့ နဲ့ ဆင်းရဲသားပေါင်းများစွာတွေအတွက် ဒေါသထွက်စရာဖြစ်ခဲ့တယ် .. လို့ ပြည်တွင်းသတင်းထောက်တယောက် ကပြောတယ်။ တော်ဝင်အခမ်းအနားဟာ ရဲကခြားထားတဲ့စည်းနဲ့ အလှမ်းဝေးရာမှာ ကျင်းပခဲ့ကြတယ်။
.
နော်ဝေမှာဆို သောကြာနေ့ဝေလီဝေလင်းဖြစ်မယ့်အချိန်လောက်မှာ ဘုရင်ကြီး (ပဉ္စမမြောက်) ဟာ့ရားလ်ဒ် နဲ့ မိဘုရား ဆွန္နယာတို့ မန္တလေးကို ဆိုက်ရောက်လာခဲ့ချိန်မှာ တိုင်းရင်းသားဝတ်စုံအမျိုးမျိုးဝတ်ထားကြတဲ့ ကလေးတွေ လူကြီး တွေက အပြှုံးနဲ့ကြှိုဆိုခဲ့ကြတယ်။ မီတာတရာနှစ်ရာအကွာလောက်က ရဲကချထားတဲ့စည်းရဲ့အပြင်မှာတော့ တခြား ကလေးတွေဟာ အခမ်းအနားကို အဝေးကနေ ထိုင်ကြည့်နေခဲ့ကြတယ်။
.
မင်းခမ်းမင်းနားမှာ နောက်လိုက်နောက်ပါ ပရိသတ်ရယ်လို့ များများမရှိလှပါဘူး။
- “ကျနော် ကလေးတွေရဲ့ဓာတ်ပုံအများကြီးရိုက်ယူခဲ့တယ်။ ပြီးခဲ့တဲ့သီတင်းပတ်တွေအတွင်းက မိသားစုတွေ ဟာ အိမ်ဆုံးရှုံးခဲ့တဲ့အလျောက် လမ်းဘေးတလျှောက် နဲ့ ကမ်းခြေတလျှောက်မှာအိပ်ခဲ့ကြတယ်” လို့ ဖိလိပိုင် သတင်းသမား စန်းယုကျော် ကပြောပါတယ်။
- မြစ်ကမ်းနဘေး ဆင်ခြေဖုံးဒေသအကျယ်ကြီးကို ဘုရင်ကြီးမောင်နှံရဲ့ခရီးစဉ်မတိုင်ခင် မြေညှိပစ်လိုက် ကြတယ်လို့ ကြာသပတေးနေ့ကစပြီး သိလိုက်ရပါတယ်။ စန်းယုနဲ့ သူ့လုပ်ဖော်ကိုင်ဘက် အေးစုမွန်တို့ဟာ အဲဒီနေရာကို သောကြာနေ့ကသွားပြီး ပျက်စီးမှုတွေကို မှတ်တမ်းတင်ခဲ့ကြပါတယ်။
- “အိမ်မရှိတော့လို့ စိတ်ပျက်အားငယ်နေသူတွေ အများကြီးနဲ့တွေ့ဆုံခဲ့ပါတယ်။ အိမ်လို့ပြောလိုက်ရင် ကျနော်က ချဲ့ကားပြောရာရောက်နိုင်တယ် .. တကယ်တမ်းမှာ သစ်ချောင်းတွေကိုကြှိုးနဲ့ချည်ပြီး အမိုးမိုးထား တဲ့ တဲကုပ်ကလေးတွေသာ ဖြစ်နေလို့ပါ”
.
ရှိစုမဲ့စုလေး ကုန်ပါပြီ
-----------------------
အိမ်ခြေမဲ့အများစုဟာ အဲဒီနေရာတွေမှာ ပြန်နေနိုင်ခွင့်အတွက် မရေရာတော့တာမို့ စိတ်ပျက်အားငယ်နေကြပါတယ်။ ဆောင်းဝင်တော့မှာမို့ တဖြည်းဖြည်း ပိုအေးလာနေပြီ။
.
- မြစ်ကမ်းဘေးမှာနေထိုင်ပြီး အလုပ်လုပ်နေကြသူတွေဟာ ဆင်းရဲသားတွေပါ။ အရင်ကတည်းက ဘာမှမရှိခဲ့ ကြတဲ့အထဲ အခုရှိစုမဲ့စုလေးတောင် ပြောင်သွားပါပြီ။ အခုတော့ အမိုးအောက်မှာ ခိုနိုင်ဖို့လမ်းစတောင် မမြင်တော့ပါဘူး .. လို့ စန်းယုကျော်ကပြောပါတယ်။
- နော်ဝေအာဏာပိုင်တွေအနေနဲ့ ဒီကအာဏာပိုင်တွေကို ဒီလိုအဖြစ်မျိုးဟာ လက်ခံနိုင်စရာမရှိဘူးလို့ အတိ အလင်းပြောသင့်တယ်။ ကျနော်တို့နိုင်ငံဟာ ဒီမိုကရေစီနိုင်ငံဖြစ်လာပြီလို့ အများကဆိုကြတယ်။ တိုးတက် ပြောင်းလဲမှုတော့ ရှိခဲ့ပါတယ် .. ဒါပေမယ့် အများကြီးပြောင်းလဲဖို့လိုနေပါသေးတယ် .. လို့ သတင်းထောက် လေးကပြောပါတယ်။
.
ဘုရင်ကြီးကို စိတ်ဆိုး
------------------------
.
သူတို့က ဘုရင်ကြီးကြောင့် အိမ်ပျောက်ရတာလို့ ဆိုကြတယ်။ ဒါပေမယ့် ဘုရင်ကြီးရဲ့ခရီးစဉ်ကို အကြောင်းပြပြီး လူတွေကို အဲဒီနေရာကနေဖယ်ရှားပစ်သူတွေဟာ မန္တလေးရဲ့ အာဏာပိုင်တွေသာဖြစ်ပါတယ် … လို့ စန်းယုကျော်က ယူဆပါတယ်။
နော်ဝေနိုင်ငံအသံလွှင့်ဌာန (NRK) ကတော့ နိုင်ငံခြားရေးဝန်ကြီးဌာနရော ဘုရင့်နန်းတော်ကြီးကပါ ဒေသအာဏာပိုင်တွေရဲ့ ကြှိုတင်ပြင်ဆင်ထားပုံကို ကြှိုတင်မသိခဲ့ရဘူးလို့ အတိအလင်းဖော်ပြခဲ့ပါတယ်။
- “အလွန်စိတ်မကောင်းစရာပဲ။ ဒီလိုလုပ်ပါလို့ လုံးဝမတောင်းဆိုခဲ့ဖူးပါဘူး။ ဒါကိုထောက်ကြည့်ရင် ဒီတိုင်းပြည် က ဒီမိုကရေစီထွန်းကားရေးအတွက်လုပ်စရာတွေအများကြီးလိုနေသေးကြောင်း ဖော်ပြတာမျိုးဖြစ်နိုင်တယ်” လို့ ဘုရင်ကြီးဟာ့ရားလ်ဒ် က NRK ကို ပြောပါတယ်။
ဘုရင်ကြီးခရီးစဉ်ပြီးသွားရင် နိုင်ငံခြားရေးဝန်ကြီးဌာနအနေနဲ့ မြန်မာအာဏာပိုင်တွေနဲ့ အစည်းအဝေးတခုလုပ်ပြီး ဘာတွေဖြစ်ပျက်သွားတယ်ဆိုတာ ရှင်းရှင်းလင်းလင်းသိရအောင်လုပ်ပါလိမ့်မယ်။
.
ဘုရင်ကြီးတို့မောင်နှံ ကျမရိုက်ခဲ့တဲ့ဓာတ်ပုံတွေကို မြင်စေ့ချင်တယ်
---------------------------------------------------------------------------
လက်ဝဲပါတီ (V) ခေါင်းဆောင် ထရီနာ ရှိုင်း ဂရန်းဒါ (Trine Skei Grande) ဟာ နိုင်ငံခြားရေးကော်မီတီနဲ့အတူ မြန်မာနိုင်ငံကို လွန်ခဲ့တဲ့စက်တင်ဘာလက ရောက်ခဲ့ပါတယ်။
.
- “ဒါကတော့ အာဏာရှင်တွေရဲ့ စိတ်ကူးစိတ်သန်းတွေသာ လမ်းညွှန်မူဝါဒဖြစ်နေကြောင်း သာဓကတခုပါပဲ။ ဒီမိုကရေစီမှာ ပြည်သူတွေကိုဘေးချိတ်ထားတာမျိုး အလွန်ကျင့်သုံးခဲပါတယ်။ ဘုရင်ကြီးရဲ့ခရီးစဉ်ဟာ အာဏာပိုင်တွေကို အားဖြည့်ပေးတာမဟုတ်ဘဲ ဒီမိုကရေစီဖော်ဆောင်ရေးကို အထောက်အပံ့ဖြစ်စေ လိမ့်မယ်လို့ မျှော်လင့်ပါတယ်။
- စစ်အာဏာရှင်အိုကြီးတွေပါးစပ်က ဒီမိုကရေစီဆိုတဲ့စကားလုံးကိုထွက်လာလိမ့်မယ်လို့ ဆန္ဒစောပြီးမျှော်လင့် နေလို့မဖြစ်ကြောင်းနဲ့ ဒီအတွက် လူ့အခွင့်အရေးတိုက်ပွဲမှာ မှန်တဲ့ဘက်ကသာရပ်တည်ရမှာကိုမေ့မထားဖို့ လိုပါတယ်။ သူတို့ နည်းမှန်လမ်းမှန်ပြောင်းလဲလို့ရအောင် တစိုက်မတ်မတ်စောင့်ကြည့်သွားဖို့လည်း အရေးကြီးပါတယ်” လို့ ထရီနာ ရှိုင်း ဂရန်းဒါက NRK ကို ပြောပါတယ်။
.
ပြင်ဆင်ခြယ်သထားတဲ့ နိုင်ငံ့အသွင်အပြင်တွေကိုမြင်ခဲ့ရပြီးတဲ့နောက် အဖြစ်မှန်တွေထဲက တစိတ်တပိုင်းလောက် သိမြင်နိုင်အောင် သူ့အိမ်ကိုတခေါက်လောက် လာလည်စေချင်ပါတယ် .. လို့ အဲဒီနိုင်ငံရေးသမားက ပြောပါတယ်။
- မြန်မာနိုင်ငံဟာ ဆင်းရဲမှုနဲ့ပြည့်သိပ်နေတာ ယုံမှားစရာမလိုပါဘူး။ လက်တွေ့မှာ စစ်အာဏာရှင်အိုကြီးတွေ ကသာ ခြယ်လှယ်နေတာဖြစ်ပြီး ဧည့်သည်တွေကိုလည်း စစ်အာဏာရှင်ပုံစံနဲ့ပဲ လက်ခံတွေ့ဆုံတတ်ပါတယ်။ ဘုရင်ကြီးတို့မောင်နှံ အချိန်ရလို့ကြည့်ချင်တယ်ဆိုရင် ကျမမှာ ဓာတ်ပုံတွေရှိပါတယ်။ အဖြစ်မှန်တွေကိုတော့ သူတို့ကြည့်ဝံ့မယ်တောင်မထင်ဘူး .. လို့ ထရီနာကပြောပါတယ်။
.
နော်ဝေနိုင်ငံအနေနဲ့ တာဝန်တခုရှိတယ်
---------------------------------------------
ဖြစ်ပျက်ခဲ့သမျှကိုကြည့်ပြီး နော်ဝေရဲ့ ခရစ်ယန် ဒုက္ခသည်ကယ်ဆယ်ရေးအသင်း (Kirkens Nødhjelp) ကတော့ ငြိမ်းချမ်းရေးလုပ်ငန်းစဉ်တွေဟာ မတိုးသာမဆုတ်သာဖြစ်နေတယ်လို့ မြင်ပါတယ်။
.
- “ဒါကဘာကိုပြသလဲဆိုတော့ စစ်တပ်ရဲ့အာဏာ ဘယ်လောက်အထိဆက်လက်လွှမ်းမိုးနေတယ်ဆိုတာရယ် ဘယ်လောက်ပွင့်လင်းတယ်ဆိုတာရယ် အထိခိုက်လွယ်ဆုံးလူသားတွေအတွက် ခိုင်လုံတဲ့ ဒီမိုကရေစီ အခွင့် အရေးတွေ ဘယ်လောက်ရနေသလဲဆိုတာတွေပါပဲ” လို့ အသင်းရဲ့နိုင်ငံတကာရေးရာအကြီးအကဲ အိုင်ဗင်း အောလ်ဘော့ဂ် (Eivind Aalborg) ကပြောပါတယ်။
- အခု ဖယ်ရှားမှုဟာ မြန်မာအနေနဲ့ လူ့အခွင့်အရေးချိုးဖောက်မှုတွေကိုရပ်စဲဖို့ အဝေးကြီးလိုသေးကြောင်း ပြလိုက်တဲ့ ကြောက်စရာဥပမာတခုပါပဲ။ နော်ဝေ စီးပွားရေးလုပ်ငန်းရှင်တွေနဲ့ နော်ဝေအာဏာပိုင်တွေအနေနဲ့ မြန်မာနိုင်ငံမှာ လူ့အခွင့်အရေးကို ရှေ့တန်းရောက်အောင်မြှင့်တင်ပေးဖို့ တာဝန်ရှိတယ် .. လို့ အောလ်ဘော့ဂ် ကပြောပါတယ်။

(Win Maung Face Book မှ ကူးယူသည်)

မူရင်း သတင်း နှင့် ဓာတ်ပုံများ - နော်ဝေနိုင်ငံပိုင်အသံလွှင့်ဌာန