ပင်လယ်ကို ဖြတ်ကျော်၍ ချီးတွင်းသို့ ခုန်ချခြင်း

Ko Nyo

 

မန်းငြိမ်းမောင်ရဲ့ လမ်းပြမြေပုံ
(သို့)
ပင်လယ်ကို ဖြတ်ကျော်၍ ချီးတွင်းသို့ ခုန်ချခြင်း

(မြင့်အေး ရေးသည်)

ခပ်ငယ်ငယ်က "ဒါးတောင်ကို ကျော်၍ မီးပင်လယ်ကိုဖြတ်မည်" ဆိုတဲ့ ဆရာမြသန်းတင့်ရဲ့ ၀တ္တုဖတ်ခဲ့ဖူးတယ်။ နာမည်လည်းသိပ်ကြီးတယ်။ နောက်တော့ မောင်ယဉ်အောင်ကလည်း ပြဇာတ်ကခဲ့တယ်ထင်တယ် ကြည့်တော့မကြည့်ဘူးပါ။ အဲဒီအထဲက ဇာတ်လိုက်က သံချောင်း။ အကုန်တော့မမှတ်မိ မှတ်မိသမျှတော့ သံချောင်းရဲ့ ပင်လယ်ကြီးကိုဖြတ်ဘို့ ကျိုးပမ်းခဲ့တာ။

ပြီးတော့တက္ကသိုလ်ပညာတတ်တဦးဖြစ်ပေမဲ့ ပင်လယ်မှာ သဘောင်္ပျက်တော့ဘာမှ မလုပ်တတ်တဲ့ အဖြစ်။
နောက်တက္ကသိုလ်ရောက်တော့ ဆရာမြသန်းတင့်က ကိုကိုးကျွန်းမှာ သူနေခဲ့တုန်းက အဖြစ်ကို အခြေခံပြီးရေးတာလို့ သူငယ်ချင်းတယောက်ပြောတာကြားခဲ့ရတယ်။ အဲဒီတော့ အော်..ဒါက တကဲ့ အဖြစ်အပျက်ပါလားလို့ နားလည်ခဲ့တယ်။ သေချာမသိခဲ့ပါ။

နောက်တော်လှန်ရေးဘ၀ထဲရောက်မှ သံချောင်းဆိုတာ မန်းငြိမ်းမောင်ခေါ် ရဲဘော်ရှောင်းကို အခြေခံပြီး ရေးခဲ့တာလို့ သိခဲ့ရတော့ တယ်အထင်ကြီးလေးစားခဲ့ရပါတယ်။ မန်းငြိမ်းမောင်ကိုယ်တိုင်လည်း အဲဒီသဘောမျိုးပြန်ရေးတဲ့ စာအုပ်ထုတ်ပါတယ်။ တလေးတစားဖတ်ခဲ့ပါတယ်။ သူ့စာအုပ်ထဲမှာ ပင်လယ်ကြီးကို ဖြတ်ကူးခဲ့ပြီးကမ်းပေါ်ရောက်မှ ပြန်အဖမ်းခံရပုံ၊ ရထားနဲ့တင်ပြီး ထောင်ကို အပို့ အစောင့်စစ်သားဆီက သေနတ်လုပြီး ထွက်ပြေးကြပုံ သူက ကျန်ရစ်ခဲ့ရပုံ။ သူနဲ့အတူ ရန်သူကို ခံချပြီး လွတ်မြောက်သွားတဲ့ ဆရာအောင်ငွေဆိုတဲ့ တော်လှန်ရေးသမားတယောက်ကိုလည်းပုံဖော်ထား တာဖတ်ရပြန် ပါတယ်။ အော် ဒီဆရာကြီးတွေ တော်လှန်ရေးအတွက် တယ်စွန့်လွှတ်စွန့်စားခဲ့ကြတာပါလား ငါတို့ ဘာမှ မဟုတ်သေးပါလားလို့ ခွန်အားတွေဖြစ်ခဲ့ရပါတယ်။

ပြီးတော့လည်း ကျွန်တော်တို့ သူပုန်ဖြစ်ရတဲ့ (၈၈)ကာလအပြီးမှာ ကျောင်းသားအများစုက ကရင်တွေ မွန်တွေ ကချင်တွေနယ်ကို ရောက်ခဲ့ကြရတာမို့လား။ ABSDF ဖွဲ့ပြီး ဖက်ဆစ်တပ်ကြီးကို အာခံခဲ့ကြတာကလား။ ကျွန်တော်ကတော့ အခြေအနေအရ အိန္ဒိယဘက်ရောက်သွားပေမဲ့ ကိုယ့်ကျောင်းသားတွေရဲ့ လက်နက်ကိုင်တပ်ဖွဲ့ကြီးကို အားကျခဲ့ရသပေါ့ဗျာ။
ပြီးတော့ ကရင်သူပုန်အဖွဲ့ကြီးဖြစ်တဲ့ KNU ဆိုတာ ကရင်တွေအတွက်သာမဟုတ် စစ်အာဏာရှင်အောက်က လွတ်မြောက်ဘို့ တိုက်ပွဲဝင်နေသူအားလုံးက မှီခိုအားထားခဲ့ရတဲ့ အဖွဲ့ကြီးမဟုတ်လား။ 

မာနယ်ပလောဆိုတာ သူပုန်ပေါင်းစုံရဲ့ ဌာနချုပ်ကြီးဖြစ်ခဲ့တာပဲလေ။ KNU ဆိုတာကလည်း သူပုန်ပေါင်းစုံအဖွဲ့ချုပ်ကြီးကို ဦးဆောင်ခဲ့တဲ့ အဖွဲ့ကြီးဖြစ်ခဲ့တာပဲ။ ဗိုလ်ချုပ်ကြီးမြ၊ ပဒိုမန်းရှာ အပါအ၀င် ကရင်ခေါင်းဆောင်တွေဆိုတာ မြန်မာတပြည် လုံးလွှမ်းခြုံတဲ့ တော်လှန်ရေးအမြင်တွေကို ရှင်းလင်းပြတ်သားစွာ ချပြပြီးဦးဆောင်နိုင်ခဲ့ ကြသူတွေပါ။ သူတို့ဟာ ကရင်ခေါင်းဆောင်တွေဆိုတာထက် ပိုပါတယ်။ အဲဒီအထဲမှာ ပဒိုမန်းငြိမ်းမောင်ဆုိုတာလည်း ဒုတိယတန်းခေါင်းဆောင်တဦး ဖြစ်ခဲ့တယ်လို့ယူဆခဲ့မိပါတယ်။ သူ့မိန့်ခွန်းတွေနားထောင်ရတာ တယ်အားရခဲ့ရတာကိုး။

နောက်တော့ ကရင်ခေါင်းဆောင်ကြီးတွေ အကြောင်းအမျိုးမျိုးနဲ့ တိမ်းပါးသွားခဲ့ကြတော့ မန်းငြိမ်းမောင်တို့ ရှေ့တန်းရောက်လာတယ်လို့မြင်မိပါတယ်။ ဖြစ်သင့်ဖြစ်ထိုက်ပါတယ်။
အဲ ဦးသိန်းစိန်တက်လာခါစလောက်မှာ(၂၀၁၁)ထင်ပါတယ်။ မန်းငြိမ်းမောင်တယောက် ဘာအကြောင်းကြောင့်တော့မသိဘူး တရုတ်ပြည်ကူမင်းအသွား သူကိုင်ထားတဲ့ ပါတ်စပို့ သက်တမ်းကုန်တော့ကူမင်းမှာအဖမ်းခံရ၊ နောက်တော့ တရုတ်က စစ်အုပ်စုလက်ထဲ လွှဲပေးလိုက်တယ်။ စိတ်မကောင်းလိုက်ရတာဗျာ။ သူ့ဘ၀က ပင်လယ်ကို ဖြတ်သန်းခဲ့ပြီး ကမ်းကပ်မှ ပြန်အဖမ်းခံခဲ့ရတယ်။ ခုလည်း ဘာမဟုတ်တဲ့ အကြောင်းနဲ့ ရန်သူ့လက်ထဲရောက် သွားရပြန်တယ် ဆန်းကြယ်တဲ့ကံကြမ္မာပါလားလို့ စိတ်မကောင်းဖြစ်ခဲ့ရပါတယ်။

အဲပိုပြီးဆန်းကြယ်တာကတော့ နအဖက သူ့ကိုတည်ကြက်လုပ်ပြီး ကရင်နဲ့အပစ်ရပ်ညှိကြတာပါပဲ။သူ့ကို ပုဒ်မတွေမျိုးစုံတပ်ပြီးထောင်ချတော့ အားလုံးက ဟာ..အပစ်အခတ်ရပ်ဆဲရေးတော့ထိခိုက်ပြီပေါ့။ ဒါပေမဲ့ ဗိုလ်အောင်မင်းပြောခဲ့တာ အမှတ်ရမိတယ်။ ကရင်နဲ့ အပစ်ရပ်ရေး မထိခိုက်ပါဘူးတဲ့။ ထောင်ကျလည်း သမတကြီးရဲ့ လွတ်ငြိမ်းချမ်းသာခွင့်နဲ့ ပဒိုမန်းငြိမ်းပြန်လွတ်မှာပါတဲ့။ အမှန်ပဲဗျို့ သဘောကောင်းတဲ့ သမတကြီးက ပြန်လွှတ်ပေးခဲ့ပါတယ်။ အဲဒါပေမဲ့ ပင်လယ်ဖြတ်ခဲ့တဲ့ ရဲဘော်ရှောင်းမဟုတ်တော့ဘူး ရဲဘော်လျှော် အဖြစ်ပြန်လွှတ်ပေးလိုက်တာပါပဲ။

အဲ..ကရင်နဲ့အပစ်ရပ်ရေးအပြီး စစ်အုပ်စုနဲ့ စကားတွေပြောကြတော့ ပင်လယ်ဖြတ်ခဲ့တဲ့ ဆရာကြီးတို့ တယ်အရေးပါလာတော့တာပဲ။ သမတကြီးကောင်းပါတယ်တွေလည်း တတွတ်တွတ်ပြောလာတော့တာပဲ။ သူ့ရွာမှာလည်းကျောင်းတွေဆောက်တာလားဘာလား ကိုယ်ပိုင် အင်ဂျီအိုတွေဘာတွေ ထောင်တယ်ဆိုတာတွေလည်း ကြားလာရတာပဲ။

အဆိုးဆုံးကတော့ ဗုန်းကွဲမှုတခုဖြစ်တော့ ရဲကရှင်းရမဲ့ သတင်းစာရှင်းလင်းပွဲကို ပင်လယ်ဖြတ်ခဲ့တဲ့ ဆရာကြီးက ရှင်းပါလေရောဗျ။ ကျုပ်တို့ကရင်တွေက ဒီတိုင်းပြည်ကို ဖျက်စီးခဲ့တာပါဆိုတဲ့ အမျိုးရောင်းစားပြီး စစ်အုပ်စုကို မျက်နှာချိုသွေးခဲ့တာပါပဲ။ ခင်ဗျားအဲလောက်မပြောလည်းရပါတယ်။ ဒါပေမဲ့ ဘာကြောင့် ဒီလောက်ပက်ပက်စက်စက်ပြောခဲ့တယ်ဆိုတာ နောက်ပိုင်းမှာပိုရှင်းသွားပါတော့တယ်။

စစ်အုပ်စုရဲ့ယုံကြည်မှုကို ရသွားတဲ့ ဆရာကြီးက KNU အညံ့ခံရေးကိုပီပီပြင်ပြင်လုပ်ဆောင်ပါတော့တယ်။ ကိုယ့်အဖွဲ့ထဲက နိုင်ငံရေးအရ အားနည်းတဲ့ ဗိုလ်မူတူး ဥက္ကဌဖြစ်လာတဲ့အခါပိုပြီးသိသာလာတော့တယ်။ ပြီးတော့တခြားအခွင့်အရေးမျှော်နေတဲ့ ခေါင်းဆောင်အချို့နဲ့ပေါင်းပြီး စစ်အုပ်စုအကြိုက်လုပ်လာတာ သိပ် သိသာလှပါတယ်။ ဒေါ်အောင်ဆန်းစုကြည်ကို ဝေဘန်လာတာ၊ UNFC ထဲက ကချင်ကို ဝေဘန်တာ။ စတာတွေလုပ်လာပါတယ်။ စစ်အုပ်စုကလည်း ကရင်ကိုသိသိသာသာခွဲပြီး မျက်နှာသာပေးဆက်ဆံလာတွေနဲ့ အကွဲအပြဲကို လောင်စာဖြည့်ပေးပါတယ်။

နောက်ဆုံးတော့ ညှိနှိုင်းလို့ရနိုင်လောက်တဲ့ သဘောကွဲမှုကို KNU တခုလုံးရဲ့ သဘောကိုတောင်မယူတော့ပဲ UNFC အစည်းဝေးကို ကျောခိုင်းထွက်ခဲ့ခြင်းနဲ့ ကိုယ်မွေးတဲ့သားကို ကိုယ်တိုင်သတ်ဖြတ်ဘို့ကျိုးစားပါတော့တယ်။ KNU အတွင်းအကွဲအပြဲတွေက မဖုံးနိုင်အောင်ဖြစ်လာခဲ့ပါတော့တယ်။

ကရင်အမျိုးသားညီလာခံမှာ ဟန်ညောင်ဝေကိုခေါ်ပြီး UNFC အပုတ်ချပွဲလုပ်ခဲ့တာ၊ UNFC နဲ့ဆက်လက်လက်တွဲလိုတဲ့ ဒုဥက္ကဌ နော်စီဖိုးရာစိန်ကို အပုတ်ချတိုက်ခိုက်တဲ့ စာကို ဘုရားကျောင်းမှာဝေစေတာ စတဲ့ ဘယ်လိုမှ မဖြစ်သင့်တဲ့ အပေါစားနိုင်ငံရေးတိုက်ကွက်တွေကိုပါ သုံးလာတွေမြင်တွေ့လာရတော့ အတော်ပဲ စိတ်မသက်မသာဖြစ်ရပါတယ်။ နိုင်ငံတကာရောက်နေတဲ့ ကရင်အဖွဲ့အစည်းတွေက UNFC နဲ့ပြန်လည်လက်တွဲဘို့ တောင်းဆိုလာတာကိုလည်း လစ်လျူရှုနေတာကိုလည်းမြင်နေရပါတယ်။ ကရင်ပြည်သူတွေက ကရင်ခေါင်းဆောင်အဆက်ဆက်ခံယူခဲ့တဲ့ တပ်ပေါင်းစုနဲ့အောင်ပွဲခံရေးမူကို တောင်းဆိုနေကြတာပါ။ ဒါတွေဟာ ပင်လယ်ဖြတ်ခဲ့သူကြီးနဲ့ အပေါင်းအပါအနေနဲ့ များစွာ တာဝန်ရှိပါတယ်။

ကဲဗျာ ခုနောက်ဆုံး ကာချုပ်ကြီးက (၆)ပွင့်ဆိုင်မတွေ့ချင်ပါဘူး ပြည်ထောင်စုတပ် မဖွဲ့လိုပါဘူးလို့ ပြောကြောင်း ပင်လယ်ဖြတ်ခဲ့သူကြီးက အငှားပါးစပ်နဲ့ပြောပေးနေတာတွေ့ရပြန်တော့ ဆရာကြီးရယ် ပင်လယ်ဖြတ်ပြီးချီးတွင်းထဲခုန်ချခဲ့တာပါလားလို့ပဲ ပြောချင်ပါတော့တယ်။

မြင့်အေး