Learning Disability (သို့ မဟုတ်) သင်ယူနိုင်မှုခက်ခဲခြင်း

9Plus Myanmar

 

Learning Disability (သို့ မဟုတ်) သင်ယူနိုင်မှုခက်ခဲခြင်း

မိဘတိုင်းဟာ ကိုယ့်သားသမီးကို တော်စေချင်၊ ထူးချွန်စေချင်ကြပါတယ်။ ဒါပေမယ့် တစ်ခါတစ်ရံမှာ မိဘက စေတနာအပြည့်အ၀နဲ့  ငွေကုန်ကြေးကျခံ ပြီး ကိုယ့်ကလေးကို သင်ကြားပေးပေမယ့် ကလေးက သင်ယူနိုင်စွမ်းမရှိတဲ့ အခါမှာ ဂရုဏာဒေါသတွေဖြစ်ကြရပါတယ်။ အဲ့ဒီလို အခါမျိုးမှာ ကိုယ့်ကလေးရဲ့ အားနည်းချက်ကို မသိဘဲ ကိုယ်ဖြစ်စေချင်တဲ့ အတိုင်း အတင်း ပုံသွင်းယူနေမယ်ဆိုရင် ကလေးအတွက် လည်း ဒုက္ခတွေဖြစ်နိုင်သလို ကိုယ်ကိုယ်တိုင်လည်း ဒေါသဖြစ်ရပါတယ်။ တစ်ခါတစ်ရံမှာ ဒီလို ဂရုဏာဒေါသတွေကြောင့် လက်လွန်တဲ့ အထိဖြစ်တတ်ကြပါတယ်။ ဒါကြောင့် ကိုယ့်ကလေးမှာ သင်ယူနိုင်စွမ်းရှိမရှိ သိရှိနိုင်စေရန်အတွက် Learning Disability လို့ ခေါ်တဲ့ သင်ယူနိုင်စွမ်းမရှိခြင်း ဆိုတဲ့ ရောဂါအကြောင်းကို ဗဟုသုတရအောင်တင်ပြပေးလိုက်ပါတယ်။

Learning Disability ဆိုတဲ့ ရောဂါဟာ အာရုံကြောစနစ်မူမမှန်ခြင်းကြောင့်ဖြစ်တဲ့ရောဂါတစ်ခုပါ။ ဒီရောဂါဟာ မွေးရာပါ စိတ်ပိုင်းဆိုင်ရာဖွံ့ ဖြိုးမှုမရှိခြင်း၊ အမြင်အာရုံ၊ အကြားအာရုံချို့ တဲ့ခြင်း စတဲ့ရောဂါတွေလိုမျိုး ကိုယ်ခန္ဓာအစိတ်အပိုင်းချို့ ယွင်းခြင်းကြောင့် ဖြစ်တဲ့ရောဂါတစ်ခုမဟုတ်ဘဲ ဦးနှောက်က ၄င်းဆီကိုရောက်ရှိလာတဲ့ သတင်းအချက်အလက်တွေကို လက်မခံနိုင်ခြင်း၊ သိုလှောင်မထားနိုင်ခြင်း သို့ မဟုတ် ပြန်လည်အသုံးမချနိုင်ခြင်း စတဲ့ ဦးနှောက်နှင့် အာရုံကြောဆိုင်ရာချို့ ယွင်းမှုတစ်ခုဖြစ်ပါတယ်။ Learning Disability ရောဂါရှိတဲ့ ကလေးတွေဟာ ဥာဏ်ရည်အားဖြင့် တခြားကလေးတွေနဲ့ ယှဉ်လို့ ရပါတယ်။ တစ်ခါတစ်ရံမှာ သူတို့ ဟာသာမာန်ကလေးတွေထက်တောင် ဥာဏ်ပိုကောင်းတတ်ပါသေးတယ်။ ဒါပေမယ့် သူတို့ ဟာ စာရေးခြင်း၊ စာဖတ်ခြင်း၊ စာလုံးပေါင်းခြင်း၊ သတင်းအချက်အလက်များစုစည်းခြင်း စတဲ့ သင်ခန်းစာတွေကို ပုံမှန်သင်ကြားရေးနည်းစနစ်တွေနဲ့ သင်ကြားတဲ့အခါမှာဘယ်လိုမှ သင်ယူနိုင်စွမ်းမရှိပါဘူး။ ဒီရောဂါဟာ ကုသလို့  လည်းမရသလိုပြုပြင်လို့ လည်းမရဘဲ ဘ၀တစ်လျှောက်လုံးခံစားနေရတဲ့ ရောဂါတစ်ခုပါ။ ဒါပေမယ့် ဒီရောဂါခံစားနေရတဲ့ ကလေးတွေဟာ ဥာဏ်ရည်မြင့်မားတဲ့အတွက် သူတို့ ရဲ့အားနည်းချက်ကို သိပြီး ဂရုတစိုက်ပြုစု လမ်းညွှန်ပေးမယ်ဆိုရင် သာမာန်လူတွေထက် ပိုမိုထူးချွန်အောင်မြင်တဲ့ သူတွေဖြစ်လာနိုင်ပါတယ်။ ဒါပေမယ့် သူတို့ ကိုစာသင်ကြားတဲ့ အခါမှာ သမားရိုးကျနည်းလမ်းတွေနဲ့ မဟုတ်ဘဲ ကလေးစိတ်ဝင်စားတဲ့ အကြောင်းအရာတွေ၊ သူ့ မှာ ပါရမီပါလာတဲ့ အနုပညာတွေကို အခြေခံပြီး သင်ကြားပေးဖို့ တော့လိုအပ်ပါတယ်။

Learning Disability ဆိုတဲ့ရောဂါအစုအဝေးကို သင်ယူနိုင်စွမ်းမရှိမှု အပေါ်မူတည်ပြီး ရောဂါအမည်လေးတွေခွဲခြားထားတဲ့အတွက် ဗဟုသုတရအောင်တင်ပြပေးလိုက်ပါတယ်။

၁။ Dyslexia

Dyslexia လို့ ခေါ်တဲ့ Learning Disability ရောဂါကတော့ စာလုံးတွေကိုခွဲခြားနိုင်စွမ်းမရှိတဲ့ ရောဂါတစ်ခုပါ။ ဒီရောဂါရှိတဲ့ ကလေးတွေဟာ စာရေးခြင်း၊ စာဖတ်ခြင်း၊ စာလုံးပေါင်းခြင်း စတဲ့နေရာတွေမှာ အခက်အခဲဖြစ်နေကြတာပါ။ သူတို့ ဟာ စာလုံးတွေရဲ့ အမည်၊ စာလုံးရေးတဲ့ နေရာမှာ ဘယ်ဘက်ကို ကွေးရမယ်ဆိုတဲ့ အချက် စတာတွေကို မမှတ်နိုင်တဲ့အတွက် စာရေးစာဖတ်ခြင်းကို မသင်ယူနိုင်ကြပါဘူး။

၂။ Dyscalculia

Dyscalculia Learning Disability ကတော့ ဂဏန်းသင်္ချာနှင့်ဆိုင်သောပြသနာတွေကို မဖြေရှင်းနိုင်ခြင်း နားမလည်နိုင်ခြင်း စတဲ့ ရောဂါတစ်ခုပါ။ ဒီရောဂါရှိတဲ့သူတွေကတော့ သင်္ချာအက္ခရာများကို မမှတ်နိုင်ခြင်း၊ တွက်ချက်မှုများမပြုလုပ်နိုင်ခြင်းစတဲ့ သင်္ချာနဲ့ ဆိုင်တဲ့ အရာများမှာ အခက်အခဲဖြစ်နေကြရတာပါ။

၃။ Dysgraphia

Dysgraphia ဆိုတဲ့ရောဂါကတော့ သတ်မှတ်ထားတဲ့နေရာတစ်ခု ( ဥပမာ မျဥ်းကြောင်းတစ်ကြောင်း အကွက်တစ်ကွက်) ထဲမှာ ကိုယ့်လက်ရေးနဲ့ အဆင်ပြေအောင်ဘယ်လိုရေးရမယ်ဆိုတာမသိရှိခြင်း၊ ကိုယ်ဆိုလိုချင်တဲ့ အဓိပ္ပါ္ပယ်ကိုရောက်အောင်ဘယ်လို စာစီရေးရမယ်ဆိုတာမသိရှိခြင်းဆိုတဲ့ ရောဂါတစ်ခုပါ။

၎။ Auditory and Visual Processing Disorders

Auditory and Visual Processing Disorders ကတော့ ကိုယ်ကြားလိုက်တဲ့၊ မြင်လိုက်တဲ့ စာတွေရဲ့ အဓိပ္ပါ္ပယ်ကို နားမလည်နိုင်တဲ့ရောဂါတစ်ခုပါ။ ဒီရောဂါရှိတဲ့သူတွေဟာ သူများဖတ်ပြတဲ့ စာတွေကိုလည်းနားလည်နိုင်စွမ်းမရှိသလို၊ ကိုယ်ကိုယ်တိုင်ဖတ်တဲ့အခါမှာလည်း စာလုံးတွေကို မသဲကွဲပါဘူး။

Learning Disability ရောဂါအစုအဝေးထဲမှာပါဝင်တဲ့ ရောဂါတွေရဲ့အမည်ကိုသိပြီဆိုတော့ ဘာကြောင့် ဒီရောဂါဖြစ်တာလဲဆိုတဲ့ အကြောင်းရင်းကိုလည်းသိချင်ကြမယ်ထင်ပါတယ်။ တစ်ကယ်တမ်းတော့ ဘာကြောင့် ဒီရောဂါဖြစ်တယ်ဆိုတဲ့ အကြောင်းရင်းတိတိကျကျတော့ မရှိပါဘူး။ ဒါပေမယ့် Learning Disability ကိုဖြစ်စေနိုင်တဲ့ အကြောင်းရင်း အချို့ တော့ရှိပါတယ်။ ဒါတွေကတော့…

၁။ မျိုးရိုးဗီဇ

Learning Disability ရောဂါဟာ မျိုးရိုးလိုက်ခြင်းကြောင့်ဖြစ်နိုင်ပါတယ်။ မိဘတစ်ဦးဦးမှာ သို့ မဟုတ် မျိုးရိုးထဲမှာ ဒီရောဂါရှိတဲ့သူတစ်ယောက်ယောက်ရှိတယ်ဆိုရင် ကလေးမှာ Learning Disability ဖြစ်ဖို့ အခွင့်အရေးတွေရှိပါတယ်။ ဒါကြောင့် ကိုယ့်ကလေးကို စာသင်လို့ မရဘူးဆိုရင် ကိုယ့်မျိုးရိုးထဲမှာရော ဒီလိုစာသင်လို့ မရတဲ့ သူ ရှိခဲ့ဖူးလားဆိုတာကို ပြန်သုံးသပ်ဖို့ လိုပါတယ်။

၂။ ကိုယ်ဝန်ဆောင်ချိန် နှင့် မီးဖွားချိန်တွေမှာ ပြသနာတစ်ခုခုရှိခြင်း

ကိုယ်ဝန်ဆောင်ချိန် နှင့် မီးဖွားချိန် တွေမှာ ထိခိုက်မှုတစ်ခုခုဖြစ်ခြင်း၊ နာမကျန်းဖြစ်ခြင်းတွေကြောင့် ကလေးမှာ Learning Disability ရောဂါဖြစ်သွားနိုင်ပါတယ်။ ကိုယ်ဝန်ဆောင်ချိန်မှာ ဆေးနဲ့ အရက်တွေသုံးစွဲခြင်း၊ လမစေ့ဘဲ ကလေးမီးဖွားခြင်း၊ ကလေးမွေးဖွားချိန်ကြာမြင့်ခြင်း နှင့် ကလေးဆီကို အောက်ဆီဂျင်အပြည့်အ၀ မရောက်ခြင်းတွေကြောင့်လည်း Learning Disability ဖြစ်နိုင်ပါတယ်။

၃။ မွေးကင်းစ အရွယ်မှာ ထိခိုက်မှုများဖြစ်ခြင်း

မွေးကင်းစအရွယ်မှာ ပြင်းပြင်းထန်ထန်ဖျားခြင်း၊ ဦးခေါင်းကို ထိခိုက်မိခြင်း၊ အာဟာရမျှတစွာမရရှိခြင်း နှင့် ခဲကဲ့သို့ သော အဆိပ်များနှင့် ထိတွေ့ မိခြင်းများကြောင့်လည်း Learning Disability ဖြစ်နိုင်ပါတယ်။

Learning Disability ရဲ့လက္ခဏာတွေဟာ အသက်အရွယ်အပိုင်းအခြားပေါ်မှာမူတည်ပြီးပြောင်းလဲသွားနိုင်တဲ့ အတွက် အတွက်အရွယ်အလိုက် ဖြစ်တတ်တဲ့ Learning Disability ရဲ့ လက္ခဏာတွေကိုဖော်ပြပေးလိုက်ပါတယ်။

၁။ မူကြိုအရွယ် Learning Disability လက္ခဏာများ

i. တစ်ခြားကလေးများထက်နောက်ကျမှ စကားပြောခြင်း
ii. စာလုံးများကို အသံထွက်ရန်ခက်ခဲခြင်း
iii. စကားလုံးအသစ်များကို မမှတ်နိုင်ခြင်း
iv. စာလုံးများ၊ ဂဏန်းများ၊ အရောင်များ ပုံသဏ္ဌာန်များကို မခွဲခြားနိုင်ခြင်း
v. ရွယ်တူကလေးများနှင့် ပြောဆို ဆက်ဆံရာတွင် အဆင်မပြေခြင်း
vi. ဆရာ၊ ဆရာမများ၏ ညွှန်ကြားချက်များနှင့် နေ့ စဉ်ပုံမှန်လုပ်ရိုးလုပ်စဉ်များကို မလိုက်နာနိုင်ခြင်း

၂။ အသက် ၅ နှစ် မှ ၉ နှစ် အတွင်း Learning Disability လက္ခဏာများ

i. စာလုံးများ၏ အသံထွက်ကို မမှတ်နိုင်ခြင်း
ii. အဓိပ္ပါယ် တစ်ခုရရှိစေရန် ဗျည်းသရအက္ခရာများကိုပေါင်းစပ်နိုင်စွမ်းမရှိခြင်း
iii. စာဖတ်သည့်အခါ အခြေခံစာလုံးများ ကိုပင် ရောနှောနေပြီး မသဲကွဲခြင်း
iv. စာရေးသည့်အခါ စာလုံးပေါင်းများမကြာခဏမှားခြင်း
v. အခြေခံ သင်္ချာအသိပညာများကိုပင် မမှတ်မိခြင်း

၃။ အသက် ၁၀ နှစ် မှ ၁၃ နှစ် အတွင်း Learning Disability လက္ခဏာများ

i. စာရေးခြင်း၊ စာဖတ်ခြင်း နှင့် သင်္ချာစွမ်းရည်များအလွန်အမင်း ညံ့ခြင်း
ii. စာရေး၊ စာဖတ်ခြင်းကို မကြိုက်ခြင်း၊ စာကို အသံထွက် ဖတ်ရန်ငြင်းဆိုခြင်း
iii. တူညီသော စာလုံးတစ်လုံးတည်းကို ကြိမ်ဖန်များစွာ စာလုံးပေါင်းမှားခြင်း
iv. ပူးပေါင်းဆောင်ရွက်မှုညံ့ဖျင်းခြင်း ( အိမ်စာများမပြီးခြင်း၊ အိပ်ယာနှင့် စာဖတ်စားပွဲများရှုပ်ပွနေခြင်း၊ စိတ်မတည်ငြိမ်ခြင်း)
v. ကျောင်းခန်းတွင်း စည်းကမ်းများကို မလိုက်နာခြင်း၊ စိတ်ထဲတွင် ဖြစ်ပေါ်နေခြင်းများကို ပါးစပ်မှ ကျယ်လောင်စွာထုတ်ဖော်ပြောဆိုနေတတ်ခြင်း
vi. လက်ရေး အလွန်အမင်းညံ့ဖျင်းခြင်း

စသည်တို့ ဖြစ်ပါတယ်။ ဒါပေမယ့် ကလေးတစ်ယောက်တည်းမှာ ဒီလက္ခဏာတွေ အကုန်ဖြစ်နေမှာတော့ မဟုတ်ပါဘူး။ ဒီအထဲက အချက်တစ်ချို့ ကိုသာ တွေ့ ရမှာပါ။ ဒီအချက်တွေတင်မကသေးဘဲ Learning Disability ရောဂါရှိတဲ့ကလေးတွေဟာ ကျောင်းစာသင်ကြားမှုမှာ အခက်အခဲ ရှိနေပေမယ့် တစ်ခြားသော သူတို့ ဝါသနာပါရာ ပညာရပ်တွေမှာတော့ ထူးချွန်နေကြတာကိုတော့ သတိထားမိကြမှာပါ။

Learning Disability ရောဂါရှိတဲ့ကလေးတွေဟာ ကျောင်းမှာ ပုံမှန်စာသင်ကြားတဲ့အခါ သူများတွေလို အလွယ်တကူ သင်ယူနိုင်စွမ်းမရှိကြပါဘူး။ ဒါပေမယ့် သူတို့ ကို သာမာန် သင်ကြားရေးစနစ်တွေနဲ့ မသင်ဘဲ သူတို့ စိတ်ဝင်စားတဲ့ ပတ်ဝန်းကျင်အခြေအနေတွေ၊ ပုံစံကားချပ်လေးတွေ၊ အနုပညာအသုံးအနှုန်းလေးတွေနဲ့ သင်ကြားပေးမယ်ဆိုရင်တော့ မှတ်မိလာနိုင်ပြီး၊ သူများတွေထက်တောင်ထူးချွန်သွားနိုင်ပါတယ်။ အိန္ဒိယရုပ်ရှင်သရုပ်ဆောင်Aamir Khan ကိုယ်တိုင် ထုတ်လုပ်၊ ကိုယ်တိုင် ရိုက်ကူးပြီး ကိုယ်တိုင်ပါဝင်သရုပ်ဆောင်ထားတဲ့ Taare Zameen Par ဆိုတဲ့ အိန္ဒိယရုပ်ရှင်ဇာတ်ကားလေးတစ်ကားကို ကြည့်ဖြစ်မယ်ဆိုရင် Learning Disability ( သင်ယူနိုင်စွမ်းမရှိခြင်း) ဆိုတဲ့ရောဂါအကြောင်းကို သေသေချာချာနားလည်သွားနိုင်ပါတယ်။ ဒီဇာတ်ကားထဲမှာ ရှစ်နှစ်အရွယ် Ishaan ဆိုတဲ့ ကလေးငယ်လေးဟာ ပန်းချီဆွဲတဲ့ နေရာမှာထူးချွန်ပေမယ့် ကျောင်းသင်ခန်းစာတွေကို မလိုက်နိုင်ပါဘူး။ သားတွေကို ထူးချွန်သူတွေဖြစ်ဖို့ မျှော်လင့်ထားတဲ့ Ishaan ရဲ့ ဖခင်ကတော့ Ishaan ရဲ့ ကျောင်းစာမေးပွဲရလဒ်တွေကြောင့် သူ့ ကို ကျောင်းစာကို စိတ်မ၀င်စားတဲ့ ကလေးတစ်ယောက်အဖြစ်သတ်မှတ်ပြီး အလွန်အမင်းစိတ်ဆိုးကာ ကျောင်းအိပ်ကျောင်းစား ဘော်ဒါကျောင်းကို ပို့  လိုက်ပါတယ်။ အဲ့ဒီဘော်ဒါ က အနုပညာဆရာအသစ်က Ishaan ဟာ Dyslexia လို့ ခေါ်တဲ့ စာလုံးတွေကိုခွဲခြားနိုင်စွမ်းမရှိတဲ့ ရောဂါကို ခံစားနေရကြောင်း ရိပ်မိတဲ့အတွက် သူ့ ကိုကူညီဖို့ ကြိုးစားခဲ့ပါတယ်။ ဆရာက Ishaan စိတ်ဝင်စားတဲ့ အရာတွေနဲ့ စာလုံးတွေ၊ သင်္ချာအက္ခရာတွေကို သင်ကြားပေးခဲ့တဲ့အတွက် Ishaan ရဲ့ ကျောင်းစာမေးပွဲရမှတ်တွေဟာလည်း သိသိသာသာတိုးတက်လာပါတော့တယ်။ ဒီရုပ်ရှင်လေး ကိုကြည့်ခြင်းအားဖြင့် Learning Disability ရောဂါကိုခံစားနေရတဲ့ ကလေးတွေဟာ မိဘ၊ ဆရာသမားတွေရဲ့အထောက်အပံ့ကို အလွန်အမင်းလိုအပ်ကြောင်းသိနိုင်ပါတယ်။ မွေးကင်းစကနေ မူကြိုတတ်တဲ့အရွယ် ကလေးငယ်ရဲ့ အဆင့်ဆင့် ပြောင်းလဲတိုးတက်မှုတွေကို ဂရုစိုက်ကြည့်ရှုနေဖို့ အလွန်အရေးကြီးပါတယ်။ အရွယ်အလိုက်ဖွံ့ ဖြိုးတိုးတက်မှုတွေမရှိဘူး၊ ဖွံ့ ဖြိုးမှုတွေ နှောင့်နှေးနေတယ်ဆိုရင် ကလေးဟာ Learning Disability ဖြစ်ဖို့ အခွင့်အရေးတွေများပါတယ်။ ကိုယ့်ကလေး သင်ယူနိုင်စွမ်းမရှိဘူးဆိုတာကို စောစော သိရှိရလေ ကိုယ့်ရဲ့ဂရုတစိုက်လမ်းညွှန်မှုတွေကိုစောစော ပေးနိုင်လေပါပဲ။ အကယ်၍ Learning Disability ဖြစ်နေတဲ့ ကလေးကို ဂရုတစိုက်သင်ကြားမှုတွေ၊ လမ်းပြမှုတွေမရှိဘူးဆိုရင်တော့ ကလေးဟာလမ်းမှားကိုရောက်သွားနိုင်ပါတယ်။

နိဂုံးချုပ်အနေနဲ့ ပြောရရင်တော့ ရူပဗေဒ ပညာရှင် Albert Einstein ဟာအသက် ၉နှစ်အထိ စာသင်လို့ မရခဲ့ပါဘူး။ ကမ္ဘာကျော် ကာတွန်းဇာတ်ကောင်တို့ ရဲ့ပိုင်ရှင် Walt Disney, အမေရိကန်စစ်ဗိုလ်ချုပ်ကြီးဟောင်း General George Patton နဲ့ အမေရိကန်ရဲ့ ဒုတိယ သမ္မတဟောင်းကြီး Nelson Rockefeller တို့ ဟာ ဘ၀တစ်လျှောက်လုံး စာကောင်းကောင်းမဖတ်တတ်ခဲ့ပါဘူး။ The Charles Schwab Corporation ကိုတည်ထောင်ခဲ့သူ Charles R. Schwab နှင့် ဟာသသရုပ်ဆောင်၊ သီချင်းရေးဆရာမ၊ စာရေးဆရာမ၊ နိုင်ငံရေးလှုပ်ရှားသူ စသည်တို့ ဖြင့် ကမ္ဘာကျော်ခဲ့တဲ့ Whoopi Goldberg တို့ ဟာလည်း Leaning Disability ရောဂါကို ခံစားခဲ့ရဖူးတဲ့သူတွေပါ။ ဒါပေမယ့် ဒီလို မွေးရာပါချို့ ယွင်းချက်လေးတစ်ခုဟာ သူတို့ ရဲ့အောင်မြင်ကျော်ကြားမှုတွေကို မတားဆီးနိုင်ခဲ့ပါဘူး။ ဒါကြောင့် မိဘတွေအနေနဲ့  ကိုယ့်ရဲ့ရင်သွေးလေးရဲ့ ဖွံ့ ဖြိုးမှု အဆင့်ဆင့်ကို ဂရုစိုက်ဖို့ လိုအပ်သလို စာသင်ကြားတဲ့အရွယ် ကျောင်းစာသင်ကြားလို့ မရတဲ့ အခါမျိုးတွေမှာ ကလေးကို ဒေါသတကြီးဆက်ဆံပြီး အတင်းအကျပ်စာသင်ကြားပေးခြင်းထက် ကိုယ့်ကလေးမှာ စာသင်လို့ မရတဲ့ရောဂါရှိနေသလားဆိုတာကို ဂရုတစိုက်စောင့်ကြည့်ပြီး အကယ်၍ ရှိခဲ့တယ်ဆိုရင်လည်း သူတို့ စိတ်ဝင်စားတဲ့နည်းစနစ်လေးတွေကို အသုံးပြုပြီးသင်ကြားပေးခြင်း၊ ကလေးမှာ ပါလာတဲ့ ဝါသနာ၊ ပါရမီအခံတွေကို ပိုမိုတောက်ပအောင်မြှင့်တင်ပေးခြင်းဖြင့် အောင်မြင်ကျော်ကြား သူများဖြစ်အောင် ပြုစုပျိုးထောင် ပေးကြဖို့  အကြံပြုတိုက်တွန်းလိုက်ရပါတယ်။

Credit:
မေသူ-သံတွဲ (ဆေးဝါးတက္ကသိုလ်)