တချို့ကမေးတယ်...
တချို့ကမေးတယ်...
"ကျွန်တော့်တစ်သက်မှာ စာတွေအများကြီးဖတ်ခဲ့တယ်။ ဒါပေမယ့် နောက်ပိုင်းမှာ ဖတ်ခဲ့တဲ့စာတော်တော်များများကို ကျွန်တော်မေ့သွားတယ်။ ဒါဆိုရင် စာဖတ်ခြင်းရဲ့အဓိပ္ပာယ်၊ အသုံးဝင်ပုံက ဘာလဲ"
ကျွန်တော်အကြိုက်ဆုံးအဖြေကတော့...
"ကျွန်တော်တို့ တစ်သက်မှာ အစားအစာအများကြီး စားခဲ့တယ်။ ဒီစားပြီးတဲ့ အစားအစာတွေက ပြန်ရတော့တဲ့အရာတွေမဟုတ်ဘူး။ ဒါပေမယ့် အဲဒီအစားအစာတွေက ကျွန်တော်တို့ရဲ့အသွေးအသားအဖြစ် ပြောင်းသွားတာ...ကတော့ အမှန်အကန်ပါပဲ။ စာဖတ်ခြင်းကလည်း ထိုနည်းလည်းကောင်းပါပဲ.. သင့်အတွေးအခေါ်အမြင်ကို ပြောင်းသွားစေပါတယ်"
အမေရိကန်ဒဿနိကပညာရှင်၊ စာရေးဆရာ B. F. Skinner က ပြောခဲ့ဖူးတယ်။
"Education is what's left over when you've forgotten everything you've learned."တဲ့။
ငါတို့သင်ယူခဲ့ဖူးတာတွေကို ငါတို့မေ့လျော့ကုန်တဲ့အခါ နောက်ဆုံးကျန်နေခဲ့မယ့်အရာက ဉာဏ်ပညာရဲ့အဆီအနှစ်ပဲဖြစ်တယ်။
ကဗျာဆရာဆိုသူတစ်ဦးက ပြောဖူးတယ်။
"တက်ကျမ်းဆိုတဲ့စာတွေကို ငါဆယ်နှစ်သားကတည်းက ဖတ်လာခဲ့တာကွ။ အဲဒီစာတွေက လူငယ်တွေရဲ့အတွေးအခေါ်ကိုသတ်တဲ့စာပေ၊ အတွေးတွေကို ပိတ်ဆို့တဲ့ အဆိပ်အတောက်စာပေ"
တကယ်တော့ ကဗျာဆရာဆိုသူက စာတွေကိုဖတ်တဲ့အခါ စာထဲက စာရဲ့အတွေ့အကြုံ၊ ခွန်အားဖြစ်စေမယ့်အရာတွေကိုမယူဘဲ အလွတ်ကျက်မှတ်လိုက်ပုံရတယ်။ စာထဲက အတုယူသင့်တာယူပြီး ကိုယ့်အတွေးအမြင်အဖြစ် မပြောင်းလဲနိုင်ခဲ့တဲ့အခါ တက်ကျမ်း၊ ကြက်စွပ်ပြုတ်ဆိုတဲ့အရာတွေက သူ့အတွက် အဆိပ်စာပေဖြစ်သွားခဲ့ရတယ်။
ပြည်တွင်းထဲဝင်ရောက်လာတာ နှစ်သိပ်မကြာသေးတဲ့ တက်ကျမ်းလိုစိတ်ခွန်အားဖြစ်စေမယ့်စာပေကို ပြည်တွင်းနေလူတချို့က အဆိပ်စာပေလို့ပြောနေချိန်မှာ ဂျူဒီလို့ခေါ်တဲ့အမျိုးသမီးတစ်ဦးက သူချွတ်ခြုံကျနေချိန်မှာ ခြေနှစ်ချောင်းမဲ့ ခွေးကလေးတစ်ကောင်ကို တွေ့ရှိခဲ့ပြီး အဲဒီခွေးကလေးကို Faith(ယုံကြည်မှု)လို့ နာမည်ပေးခဲ့တယ်။ အဲဒီအကြောင်းကို ပုံပြင်လေးတစ်ပုဒ်ရေးခဲ့ရာက ခွေးကလေးFaithဟာ အမေရိကန်ကျည်းတပ်ရဲ့ "အကျိုးဆောင်တပ်ကြပ်"ဆိုတဲ့ ဂုဏ်နာမည်ကို ချီးမြှင့်ခံခဲ့ရပြီး "ခွေးသန်စွမ်း"လို့ တင်စားခံခဲ့ရတယ်။ ဒါဟာ ဂန္ထာဝင်ဆန်တဲ့ ကြက်စွပ်ပြုတ်ပုံပြင်တစ်ပုံပဲဖြစ်တယ်။ အမေရိကန်လူမျိုးတွေအတွက် ဒီလိုကြက်စွပ်ပြုတ်တွေက သောက်မငြီးတဲ့ အာဟာရကြက်ပေါင်းရည်ဖြစ်တယ်။ ခွေးကလေး Faithရဲ့ပုံပြင်က လူသားပေါင်းဘယ်လောက်ရဲ့ စိတ်နှလုံးကို နူးညံ့စေခဲ့သလဲ၊ ခွန်အားဖြစ်စေခဲ့သလဲဆိုတာ အင်တာနက်ပေါ်ရှာကြည့်လိုက်ပါ။ "Faith" ကြက်ပေါင်းရည်ကြောင့် ကျန်းမာလာသူတွေ၊ စိတ်ဓာတ်သန်မာလာသူတွေ အများကြီးရှိခဲ့ပါတယ်။
တကယ်လို့ ပါးစပ်အရသာခံဖို့ပဲ သောက်သုံးမယ် အာဟာရအဖြစ်မယူဘူးဆိုရင်တော့ ဘာစွပ်ပြုတ်သောက်သောက် စိတ်နေသဘောထား၊ စိတ်ကျန်းမာရေး၊ အတွေးအမြင်တွေက အရာမထင်လိမ့်မှာ မဟုတ်ပါဘူး။
*** အပေါ်တစ်ပိုဒ်က ထိုင်ဝမ်ကွန်ပျူတာသိပ္ပံပညာရှင် Lee Kai-Fu ရေးသားတဲ့စာတစ်ပိုဒ်နဲ့ ကျွန်မကြုံတွေ့ဖူး၊ ဖတ်ဖူးတာကို ပေါင်းစပ်ရေးသားပါတယ်။
နိုင်းနိုင်းစနေ (Feb. 3. 2015)
No comments:
Post a Comment
မိတ်ဆွေ...အချိန်လေးရရင် blogg မှာစာလာဖတ်ပါနော်
ဗဟုသုတ ရနိုင်တယ်။