အသားတံဆိပ် (သို့မဟုတ်) ခေတ်မှီမှုရဲ့အဆုံး၊ ပျက်သုန်းခြင်းရဲ့နိဒါန်း၊ ဗျာဒိတ်၏ ပြည့်စုံခြင်း ( အပိုင်း-၁)

Ko Nyo added 2 new photos.

အသားတံဆိပ်
(သို့မဟုတ်)
ခေတ်မှီမှုရဲ့အဆုံး၊ ပျက်သုန်းခြင်းရဲ့နိဒါန်း၊ ဗျာဒိတ်၏ ပြည့်စုံခြင်း
( အပိုင်း-၁)

ဆွီဒင်နိုင်ငံရဲ့ အလည်တည့်တည့်ကျတဲ့ မြို့လေးဖြစ်တဲ့ ဟူဒစ်စ်ဗားလ် Hudiksvall မြို့လေးဟာ သက်တမ်း၄၀၀လောက်ရှိပါပြီ။လွန်ခဲ့တဲ့ အနှစ် ၂၀၀လောက်က ဂျာမန်တွေ တိုက်ခိုက် မီးရှို့ပြီးဖျက်ဆီးခံရတဲ့နောက် ပြန်လည်တည်ဆောက်နိုးထလာတဲ့ မြို့လေးဖြစ်တယ်။ ငြိမ်းချမ်းပြီး လှပသာယာတဲ့ ဟူးဒစ်စ်ဗားလ် မြို့လေးရဲ့ မြန်မာလိုအဓိပ္ပါယ်က ပျော်ရွှင်ခြင်း ဖြစ်တယ်။

မြို့လည်က ဂျာမန်တွေဖျက်ဆီးမီးရှို့မှုမှာပါမသွားတဲ့ ဘုရားကျောင်းကြီးနဲ့ လှပသာယာတဲ့ အင်းရေကန်ကြီးရယ်၊ ဆွီဒင်နိုင်ငံရဲ့ အလည်ဗဟိုတည့်တည့်ကျရာ ဆုတောင်းတောင်တန်းပေါ်မှာ ဘုရားရူပါရုံအရ၂၀၁၁ဇူလိုင်လက တည်ဆောက်ထားခဲ့တဲ့ အမြင့်မီတာလက်ဝါးကပ်တိုင်ကြီးက ဒီမြို့ရဲ့ အထင်ကရဖြစ်တယ်။

ပြီးခဲ့တဲ့ ဇူလိုင်၁၄ရက်ကနေ ၁၉ရက်အထိ ဥရောပရောက် မြန်မာလူငယ်များကွန်ဖရင့်(EUMYC)ရဲ့ တတိယအကြိမ် ကျင်းပခဲ့တာမို့ ဘုရားတရားကိုမေ့နေတဲ့ မြို့ကလေးဟာ မြန်မာခရစ်ယာန်လူငယ်တွေရဲ့ တပတ်နီးပါး ဆုတောင်း ၀တ်ပြု၊ ဘုရားဝိညာဉ်သက်ဆင်းခံစားမှုနဲ့အတူ နိုးထလာပါတယ်။

အကြောင်းအမျိုးမျိုးကြောင့် ကနေဒါက ဆရာဒေးဗစ်လားလ် မလာနိုင်ပေမယ့် ဘုရားသခင် ပြင်ဆင်ပေးတဲ့အတိုင်း မြစ်ကြီးနားက ဆရာစံတိုးနဲ့ သြစတေးလျှားက ဆရာဒေါမနစ် တို့ရောက်လာပြီး ရက်တို ကျမ်းစာသင်တန်းပေးတယ်။
ထိရောက်တယ်။ ရှင်းလင်းတယ်။ အင်မတန်သိမ်မွေ့ပြီး ခက်ခဲနက်နဲတဲ့ဘုရားနှုတ်ခပတ်တော်တွေကို လွယ်ကူရှင်းလင်းပြီး ဦးနှောက်ထဲ အရောက်ပို့နိုင်အောင် ဘုရားကောင်းချီးပေးထားလို့ ..ဆရာနှစ်ပါးလုံးကို ဘုရားသခင် သာ၍အသုံးပြုပါစေ၊ ၀ိညာဉ်သီးတွေ ပိုမိုရိတ်သိမ်းနိုင်ပါစေလို့ ဒီဆောင်းပါးလေးနဲ့အတူ ဆုတောင်းပေးပါတယ်။

ဒီနေရာမှာ ကျနော် အဓိက ရေးချင်တဲ့ အကြောင်းအရာက ဥရောပရောက် မြန်မာလူငယ်ကွန်ဖရင့်အကြောင်းတော့ မဟုတ်ပါဘူး။ ဘုရားအကြောင်းလည်း မဟုတ်ပါဘူး။ အနာဂတ် မျိုးဆက်တွေနဲ့ကမ္ဘာ့အန္တရယ်အကြောင်း၊ စာတန်အကြောင်းနဲ့ ဗျာဒိတ်တော်မှာပါတဲ့ကျမ်းချက်တချို့ ပြည့်စုံလာတာကို သက်သေခံ ပြောချင်တာပါ.။
ကျနော်က ယုံကြည်သူအဖြစ် ပြောင်းလဲလာတာ မကြာသေးတာမို့ ဒီဆောင်းပါးမှာ ကိုယ်မယဉ်ပါး၊ မရေးဖူးတဲ့ အကြောင်းအချက်တွေပါတာမို့ အရေးအသားချွတ်ချော်မှားယွင်းရင် ယေရှုနာမနဲ့ခွင့်လွှတ်ပေးစေလိုတယ်။
-------
ကွန်ဖရင့်ရဲ့ နောက်ဆုံးနေ့ ညနေမှာ ဒိန်းမတ်နိုင်ငံမှာနေထိုင်တဲ့ ကိုစိုးက
”ကိုညို ၆သုံးလုံးဆိုင်သွားကြည့်မလား ” လို့မေးတော့..စိတ်တက်ကြွသွားတယ်။ မနေ့ကပဲ ဆရာစံတိုးနဲ့ ဆရာဒေါမနစ်တို့အဖွဲ့တွေ အဲဒီဆိုင်ရောက်ခဲ့ပြီး ဆရာစံတိုးက ၆သုံးလုံးနဲ့ ဗျာဒိတ်ကျမ်းပါအချက်တချို့ ကျနော့ကို ရှင်းပြထားလို့ စိတ်ဝင်စားနေတာပါ။

ဒါကြောင့် ကိုစိုးနဲ့အတူ မိနစ်၂၀လောက်ကြာအောင် သူကိုယ်တိုင်မောင်းပို့တဲ့ ဟူးဒစ်စ်ဗားလ်မြို့အထွက် အဝေးပြေးကားလမ်းဘေးမှာရှိတဲ့ဆိုင်လေးဆီလိုက်ပါသွားတယ်။
ဆိုင်နာမည်က ဆွီဒင်နိုင်ငံကုမ္မဏီပိုင်မက်စ်(MAX) ဆိုင်ပါ။ မက်ဒေါနားတို့၊ ဘာဂါကင်းတို့၊ ကေအက်ဖ်စီတို့လို ဟမ်ဘာကာ၊ သစ်သီးဖျော်ရည်ရောင်းတဲ့ဆိုင်လေးပါ။ အဝေးပြေးကားစီးလာတဲ့ ခရီးသွားတွေ ခေတ္တအပန်းဖြေစားသောက်ရာဆိုင်လေးပါ။ ခေတ်မှီအဆင်အပြင်လက်ရာတွေနဲ့ လှပရှင်းလင်းတဲ့ ဆိုင်လေးဟာ မြင်ကွင်းရော၊ ထိုင်ရတာ၊ စကားပြောရတာ အေးဆေးပြီး သက်တောင့်သက်သာရှိတယ်။ ဥရောပဓလေ့အတိုင်း သီချင်း တိုးတိုးသဲ့သဲ့ဖွင့်ထားတယ်။

ထူးခြားတာက တခြား ဟမ်ဘာဂါဆိုင်တွေလို တန်းစီပြီး ကောင်တာမှာ ကိုယ်ကြိုက်ရာမှာ ငွေရှင်းဝယ်ယူရတာမျိုးမဟုတ်ဘူး။
ဆိုင်အ၀င်ဝ အတွင်းဘက်မှာ အနီရောင် ငွေရှင်းစက်ရှိတယ်။ စက်ရဲ့ ဖန်သားပြင်မှာမီနူးတွေရေးထားတယ်။ ကိုယ်သုံးဆောင်ချင်တဲ့စားစရာကို နှိပ်ပြီး ကျသင့်သလောက်ကို မိမိဘဏ်ကဒ်နဲ့ကိုယ့်ဖာသာရှင်းရတာမျိုးပါ။ ထွက်လာတဲ့ ပြေစာစာရွက်ထဲက နံပါတ်လေးကိုမှတ်သားပြီး ခဏစောင့်ရတယ်။ စားစရာယူနိုင်တဲ့ကောင်တာပေါ်က ဂဏန်းပေါ်စက်လေးမှာ မိမိနံပါတ်ပေါ်လာရင် ကိုယ့်ဖာစာကိုယ့်မှာတာသွားယူပြီး ကိုယ်ကြိုက်ရာထိုင်ခုံမှာ ထိုင်စားတဲ့စနစ်လေးပါ။
စားသောက်သူတွေအတွက် အဆင်ပြေတယ်။

ဒီဆိုင်ရဲ့ အထူးခြားဆုံးက ငွေရှင်းတဲ့စက်ကလေးပါ။
ဘဏ်ကဒ်နဲ့ ငွေရှင်းနိုင်သလို မိမိလက်ရဲ့ အရေပြားထဲမြှုပ်နှံထားတဲ့ ကဒ်လေးနေရာကို စက်ကိုပြလိုက်ရုံနဲ့ အလိုအလျှောက်ငွေရှင်းနိုင်တဲ့စနစ်လေးပါ။ အဲဒီစနစ်လေးကပဲ ဘုရားသခင်ရဲ့ ဗျာဒိတ်ကျမ်း ၁၃း (၁၆-၁၇-၁၈) နဲ့ ၁၄း ၉ ကျမ်းပိုဒ် ပြည့်စုံစေဖို့ဖြစ်လာတာပါ။( အာမင်)
ဒီလိုပါ.။

လူတွေဟာ လက်ထဲ ငွေစက္ကူမကိုင်ချင်လို့ ဗီဇာကဒ်၊ အေတီအမ်ကဒ်၊ မာစတာကဒ်..အစရှိတဲ့ ဘဏ်ဒ်တွေနဲ့ကိုယ်ပိုင်နံပါတ်တွေ အသုံးပြုပြီး ငွေရှင်းတာလုပ်လာတယ်။
ဒါကလည်း ခါးပိုက်အနှိုက်ခံရတဲ့အခါ၊ မေ့ကျန်၊ ပျောက်ဆုံး၊ ပျက်ဆီးတဲ့အခါ အဆင်မပြေပြန်ဘူး။
ဒီတော့ မိမိခန္ဓာအရည်ပြားထဲ ကဒ်ကိုထဲ့သွင်းသိုထားတဲ့စနစ်က ပိုမိုလုံခြုံစေတယ်လို့ ဆုံးဖြတ်ပြီး အသားတံဆိပ် စနစ်ကို သုံးလာတာဖြစ်တယ်။
မိမိညာဘက်လက် လက်မနဲ့ လက်ညှိုးအကြားလက်ခုံအရည်ပြားထဲမှာ လက်သည်းခွံသားသာ အရွယ်အစားရှိတဲ့ တယ်လီဖုံးဆင်မ်ကဒ်လို ချိ(ပ်)ပြားလေးကိုထဲ့မြှုတ်ထားလိုက်တယ်။ လက်မနဲ့ လက်ညှိုးကြားအရည်ပြားကပါးလွှာ ကျယ်ပြန့်သက်တောင်သက်သာရှိပြီး အာရုံကြောများနဲ့မထိစပ်ဘူး။ ဒါကြောင့်အဲဒီနေရာရွေးချယ်တာပါ။ အဲဒီ ချိ(ပ်)လေးထဲမှာမိမိရဲ့ လှို့ဝှက်နံပါတ်တွေအားလုံးပါတယ်။ မိမိလက်ထဲ အသားတံဆိပ်ခတ်သွင်းထားပြီး အဲဒီ အသားတံဆိပ် အသုံးပြုနိုင်တဲ့ စက် တပ်ဆင်ထားပြီးရင် သော့တွေ၊ ရီမုဒ်တွေ၊ ခလုတ်တွေ၊ကွန်ပြူတာတွေ၊ ဘဏ်ကဒ်တွေတောင် သုံးစရာမလိုပဲ လက်ကလေးကို ထိုးပြလိုက်တာနဲ့ အိမ်တံခါးဖွင့်လို့ရတယ်၊ ကွန်ပြူတာ၊ ပရင့်တာ သုံးလို့ရတယ်၊ဘဏ်က ငွေထုတ်လို့ရတယ်။ နောက်ပိုင်း အဲဒီအသားတံဆိပ်ဟာ မိမိခန္ဓာကိုယ်အစိတ်အပိုင်းတွေ အားလုံးရဲ့ အရေးအပါဆုးံ အစိတ်အပိုင်းဖြစ်သွားလိမ့်မယ်။ မိမိအသက်နဲ့ နှလုံးလို အရေးပါသွားတဲ့အထိ ဖြစ်နိုင်တယ်။
ဘာကြောင့်လဲဆိုတော့ အဲဒီအသားတံဆိပ်က မိမိဘ၀ အစိတ်အပိုင်းတွေနဲ့ မိမိရှင်သန်ရပ်တည်မှုအလုံးစုံကို ထိမ်းချုပ်ထားလိုဖြစ်တယ်။

ဥပမာ..ကျနော်တို့ နော်ဝေးနိုင်ငံမှာ နေထိုင်သူအားလုံးမှာ ကိုယ်ပိုင်နံပါတ် တွေရှိတယ်။ ၁၁လုံးပါဂဏန်းတွေပါ။ မွေးနေ့၊ မွေးလ၊ မွေးနှစ်ပါ ဂဏန်း၆လုံးနဲ့ သီးခြား ကိုယ်ပိုင်နံပါတ် ၅လုံးဖြစ်တယ်။ မြန်မာပြည်က မှတ်ပုံတင် နံပါတ် ဂဏန်းတွေရဲ့ သဘောပါပဲ။ ဒါပေမယ့် နော်ဝေးမှာ အဲဒီ ဂဏန်း၁၁လုံးကို သက်ဆိုင်ရာ လူမှုဖူလုံရေးရုံး၊ ကျောင်း၊ ရဲဌာန၊ ဆေးရုံ..စတဲ့ ဌာနအသီးသီးရဲ့ ကိုယ်ရေးအချင်အလက်ဆိုင်ရာမှတ်ပုံတင် စာရင်းမှာ ကွန်ပြူတာကနေ နာမည်နဲ့တကွရိုက်နှိပ်ရှာဖွေလိုက်တာနဲ့ မိမိရဲ့ ကိုယ်ရေးရာဇ၀င်အကျဉ်းတွေ တောက်လျှောက်ပေါ်လာတယ်။ ခလေးဘ၀ကစပြီး မျက်မှောက်ကာလအထိ ပညာရေး၊ ကျန်းမာရေး၊ ရဲအမှုအခင်း၊ စိတ်ပိုင်းဆိုင်ရာ၊ အလုပ်အကိုင်၊အခွန်အတုတ်..အရာရာ အားလုံး..အသေးစိတ်တွေ့ရတယ်။

အဲဒီဂဏန်း၁၁လုံးနဲ့ လူတစ်ဦးချင်းစီကို ထိမ်းချုပ်ထားတာဖြစ်တယ်။ကိုယ်ပိုင်ဂဏန်းမပါပဲ ဘာမှ လုပ်မရ။ ကွန်ပြူတာထဲက ဘဏ်ကိစ္စ။ အလုပ်ကိစ္စ၊ အခွန်ကိစ္စ၊ စတဲ့ အင်တာနက်နဲ့ လုပ်ရတဲ့အရာမှန်သမျှ ဘာမှ လုပ်မရ။
ဒီသဘောပါပဲ။ အခု အသားတံဆိပ်ကလည်း အသက်၊ ၀ိညာဉ်ကဲ့သို့ မိမိဘ၀ရဲ့ အရေးကြီးတဲ့ အစိတ်အပိုင်းတခုဖြစ်သွားတာပါ။ မိမိကို အဲဒီ အသားတံဆိပ်က ထိမ်းချုပ်ထားလိုက်တယ်။
အဲဒီအသားတံဆိပ်ကို ထိမ်းချုပ်ထားတာကတော့ အဲဒီ တံဆိပ်ထုတ်လုပ်တဲ့ ကုမ္မဏီပဲဖြစ်တယ်။

ဒုတိယပိုင်း ဆက်ဖော်ပြမယ်.။

ကိုညို( အော်စလို)